(Brylle POV)
Nasaksihan ko ang kaguluhan sa buhay ni Yana. At na-kwento na rin niya ang tungkol sa kamag-anak niyang nagpahirap at nagnakaw pa ng mga kayamanang iniwan sa kanya ng mga magulang niya.
"Kaya pala ang lungkot-lungkot-lungkot ni Yana!"
"Kaya gusto kong imbestigahan mo yun, Vander."
"Talaga, Master! Masusunod po!"
Kahit pa minsan, nararamdaman kong kung anu-anong masasamang lait ang iniisip ni Yana tungkol saakin, ramdam ko rin na tunay siyang mabait na tao.
At siguro dahil sa kabaitan niya na yun kaya madalas siyang niloloko ng mga taong nasa paligid niya. Isa na dun yung babaeng gusto siyang ipakulong. Pinaka-ayaw ko pa naman sa lahat ay mga taong nang-aapi at nanlalamang sa kapwa nila.
"Pero, pero, pero Master Brylle, ano pong gagawin natin kapag nalaman na natin ang totoo at kapag nakita na natin ang tiyahin ni Yana?"
"We'll see what happens. Pero itago na lang muna natin ito kay Yana. Saka na natin ipaalam sa kanya kapag nakakuha na tayo ng sapat na impormasyon."
"Dapat maparusahan ang mga nanloko at nang-api sa kanya!"
"Darating din tayo dyan, Vander."
Napangiti ng pagkalaki-laki si Vander. Gusto niya rin ang plano ko. Napalapit na rin kasi si Vander kay Yana.
"Pero Master, nagtataka lang din ako."
"Tungkol saan?"
"Bakit mo sinundan si Yana nun?"
Napatitig lang ako kay Vander sa tinanong niya. Napaisip ako. Oo nga noh! Bakit ko sinundan ang babaeng yun?
* * *
(Alyanna POV)
Maaga akong nagising para simulan na ang plano ko. Balak kong bigyan ng make-over pati na ang bakuran ni Brylle. Ito lang kasi ang alam kong paraan para masuklian ang lahat ng kabutihan niya saakin.
Bukod doon, itong patay na hardin na lang kasi ang panira sa imahe ng Zaffiro's mansion. Kapag naayos ko ito, paniguradong hindi na mapagkakamalang haunted house ang bahay na tinitirahan namin.
Hinakot ko ang lahat ng gardening tools na itinatago nila. Saka ko sinimulan ang extreme make-over sa lugar na ito.
"Anong ginagawa mo?"
Napalingon ako sa boses ni Brylle. Wala pa namang alas-sais kaya bakit nagising na siya?
"Bakit ka naghuhukay sa bakuran ko?"
Lumapit ako sa kanya. Dapat surprise 'to pero dahil gising na naman siya, sasabihin ko na ngayon. "Hindi ko alam kung paano kita babayaran Brylle."
"Sinisingil ba kita?"
"Hindi. Pero ito lang ang paraan ko para makaganti sa lahat ng kabutihan mo saakin. Hayaan mo na akong ayusin ko itong bakuran mo. Sayang din naman itong lugar kung hindi mapapaganda ng buo."
Wala nang nagawa si Brylle kasi hindi rin naman ako magpapapigil.
Habang nagtatanggal ako ng mga patay na halaman at kasabay na rin ang pagbubungkal ng lupa, tahimik lang na nakatingin saakin si Brylle. Nakaka-concious pero patay-malisya na lang ako.
"Master Brylle! Handa na po ako!" Narinig ko ang boses ni Vander. Paglingon ko, mukhang aalis siya.
"Sige mag-iingat ka."
"Saan ka pupunta, Vander?" Pag-uusisa ko naman.
"Secret!" Makulit na sagot ni Vander. Aalis na sana siya pero bigla siyang napatigil at nilingon uli ako. "Eh ano naman yang ginagawa mo?"
"Bubuhayin ko ang hardin nitong mansyon."
"Talaga, talaga, talaga!" Nakita kong nag-twinkle ang mga mata ni Vander. Inaasahan ko nang ganito ang magiging reaction niya dahil sa pagkakaalam ko, Garden Gnome siya at Earth ang Element niya. Malamang dahil may kinalaman sa lupa at halaman itong gagawin ko, magiging interesado siya. "Gustung, gustong, gusto kong tumulong!" Sabi niya at nag-boses sanggol pa.
"Vander, may utos pa ako sayo, di ba?" Saka sila nag-eye contact ni Brylle.
"Ay oo nga pala!" Laking lungkot ni Vander. Hanggang ngayon, wala pa rin talaga akong alam sa ibang mga ginagawa nila. "Pero hindi kakayanin ni Yana na gawin itong mag-isa. Ang laki, laki, laki kaya nitong bakuran!"
"Tulungan mo na lang ako kapag nakabalik ka uli."
"Mahihirapan ka pa din!"
"Wag ka nang mag-alala, Vander. Ako nang bahala dito." Totoo naman kaya ang sinabi ni Brylle o sinabi niya lang yun para wag nang mag-alala si Vander. "Magtatawag ako ng Nature Spirits na makakatulong kay Yana."
"Nature Spirits!" Natuwa si Vander.
"Nature Spirits?" Pagtataka ko naman.
"Yehey may tutulong nang Nature Spirits kay Yana! Paniguradong pag-uwi ko, maganda na itong hardin!" Kampante na at tuwang-tuwang umalis si Vander.
"Brylle, anong Nature Spirits? Safe naman silang kasama, di ba?" And actually, I'm hoping na hindi sila nakakatakot.
Imbes na sagutin, nginitian lang ako ni Brylle. At ang ngiting yun ang mas nagpakaba saakin. Ano na naman kayang nilalang ang makikita, makakasama at tutulong saakin?
* * *
Naiwan na kaming dalawa ni Brylle. Hinihintay ko kung ano na ang gagawin niya. Kung paano siya magtatawag ng Nature Spirits. "Kapag dumating sila, wag mong ipapahalata na ito ang unang beses na nakakita ka ng kagaya nila."
"Bakit naman?"
"Kasi mailap ang mga Nature Spirits. Minsan lang sila mapadpad dito sa Mortal World, pero iniingatan nila na wag silang ma-diskubre para makaiwas sa kapahamakan. Kapag naramdaman nilang may banta o hindi ka kampante sa kanila, madali silang magtatago."
"Isa lang naman ang gusto kong malaman eh, nakakatakot ba sila? Kasi kung oo, sabihin mo na para mapaghandaan ko ang magiging reaksyon ko."
"Maraming klase ng Nature Spirits, pero ang tatawagin ko para tulungan ka ay mga Earth Fairies."
Naging mala-planggana sa laki ang mga mata ko sa nilalang na binanggit niya. Earth Fairies? Mga kauri ni Tinkerbell? Seryoso ba siya?
Katahimikan na ang bumalot sa paligid. Gamit ang bagong wand ni Brylle, may pinalabas siya sa kanyang palad. Parang may hawak siyang maliliit na bituin na naghugis bulaklak habang patuloy siyang may ibinubulong sa hangin.
Nang iangat niya ang kanyang kamay, parang naging alitaptap yung nasa palad niya at lumipad ito paitaas. Pareho na kaming nakatingala ngayon at nag-aabangan ng sunod na mangyayari.
Namangha na lang ako nang maaninag ko na ang mga kakaibang nilalang na paparating. Mukha silang grupo ng mga paru-paro at nagkikislapan ang mga pakpak.
Totoo nga ang sinabi ni Brylle. "Earth Fairies!"
Earth Fairies are by far the most wonderful and cutest creatures I've ever seen! Hindi sila kamukha ni Tinkerbell dahil kulay green ang balat nila at may mga matang parang diamante. Yari sa mga bulaklak ang kanilang kasuotan at naglalaro lang sila sa hangin.
This was another amazing moment in my life! At alam ko na habang nasa puder ako ng Class B+ Wizard na si Brylle, there are more magical and out-of-this-world stuff to see and to happen!
"Ow Em Ji! Ang gaganda nila!" Napasigaw ako sa sobrang tuwa. Mabuti na nga lang at hindi natakot ang mga Earth Fairies sa ginawa ko.
May isa pa ngang pumatong pa sa kamay ko.
"Tutulungan ka nilang mapadali ang pagpapaganda at pag-aayos nitong hardin." Sabi ni Brylle. At hindi na ako makapaghintay na maka-trabaho ang mga cute na nilalang na 'to.
* * *
Napadali ang paghuhukay para maalis ang mga patay na puno. Napadali ang pagtabas sa mga ligaw na damo. Napadali ang pagtaba ng lupa. Napadali ang pagtatanim. Napadali ang lahat ng gawain ko para muling buhayin ang hardin ng mansyon!
Kahit nagsasalita sa kakaibang lenggwahe ang mga Earth Fairies, naiintindihan ko pa rin sila sa pamamagitan ng mga sinisenyas nila. Nauutusan ko sila at masaya nila itong sinusunod. Kapag may hiling naman sila, ginagawa ko rin.
Para lang kaming naglalaro pero may nakikita kaming improvement sa buong lugar. At habang enjoy na enjoy ko ang ginagawa namin, nakaupo lang si Brylle at pinapanood kami. Nilalaro siya ng ibang fairies at kumportable naman siya dun.
"Brylle, sali ka dito!" Aya ko sa kanya.
"Ayoko!" Ang sungit! Tamad lang!
"Sige na, mukhang malungkot ka dyan eh. Tumulong ka na para masaya."
"Hindi niyo na kailangan ng tulong ko. Kaya niyo na yan." Grabe ang kunat talaga ng lalaking 'to!
Buti na lang nakaisip ako ng paraan at kinausap ko ang mga fairies para may kakampi ako, "Earth Fairies, gusto niyo bang tumulong saatin si Brylle?"
Nagsitanguan naman ang mga ito kaya. "Kita mo na Brylle, gusto ka nilang sumama dito. Earth Fairies, nagpapapilit lang yata yang Kuya Brylle niyo. Sugurin niyo na nga!"
Sinunod ng mga Earth Fairies ang sinabi. Napatayo at napaatras naman si Brylle pero madali siyang napalibutan ng mga Nature Spirits na tinawag niya at mas kinulit pa siya nito.
"Yana!" Sinigawan niya ako. Natawa naman ako dahil wala na siyang nagawa kundi ang tumulong na rin saamin.