(Alyanna POV)
Tahimik na kaming kumakain ng tanghalian. Ang pag-nguya lang ni Vander ang maingay dahil sarap na sarap siya sa mga kinakain niyang puro matatamis! Para siyang bata.
"Pwedeng magtanong?" Ang kausap ko ay si Brylle.
"Isang tanong na yang ginawa mo." Pambabara niya saakin. "Tungkol ba saan?"
"Master—"
"HOY!" Natigil sa pagkain si Vander para sumabat. "Ako lang ang may karapatang tawagin siyang Master dahil Master ko si Master Brylle!" Pagkatapos ng paliwanag niya, nagpatuloy uli siya sa kinakain niya.
"Brylle. You can call me Brylle."
"Brylle, sino si Master Lorcan?"
"Siya ang matandang nagdala sayo dito, di ba?"
Hindi naman yun ang gusto kong malaman. "Si Master Lorcan ba, isang ring Wizard na tulad mo?"
"What's my reason for calling him my Master if he's not a Wizard." Pagsusungit niya. Pwede namang sabihing, 'Oo, Wizard nga si Master Lorcan'.
"Bakit ka niya iniwan?"
"Tapos na siyang magturo saakin."
"Ibig sabihin napakalakas mo na?"
"I'm a Class B+ Wizard. So yeah, masasabi mong malakas na nga ako." Ang hangin bigla!
"Kapag ba Wizard, ibig sabihin hindi ka tao?"
"Saan na naman ba tutungo yang tanong mo? Hindi ka pa rin naniniwalang tao ako?"
"Eh may magic powers ka kasi! Malamang, hindi ka nga ordinaryo."
Natigil sa pagkain si Brylle. Uminom muna siya ng isang basong tubig bago niya ako muling kausapin. "Oo, hindi mo ako kagaya na isang mortal. We came from the Otherworld."
"Otherworld? Ibang mundo. Seryoso ka ba?"
"Mukha ba akong nagbibiro?" At sinimangutan niya uli ako.
"May isang tanong pa ako. Yung tungkol sa spell kagabi?"
"Ano ang tungkol dun?"
"Bakit—" Sige Yana, wag ka nang mahiyang itanong yun! "Bakit kailangan mo akong halikan?"
Bigla siyang nabulunan. Napakunot ang noo niya at naging kakaiba ang tingin saakin. "It's part of the spell."
"So kailangan may ganun? Kailangan may—kiss?"
"Pffft." Biglang siyang natawa. Anong nakakatawa? Seryoso naman ako! "Why is that a big deal for you?" Tapos tinitigan niya ako. "Don't tell me it's your first?"
Napatayo naman ako! Nakaka-bwiset, ang walang modo!
"Sit down." Pero isang sabi niya lang napaupo na ako agad. Nanlaki lang ang mga mata kong nakatitig sa kanya. Ginamitan na naman ba niya ako ng magic?
"Don't give me that look, I didn't use my powers." Kainis! At binabasa na naman niya ang emosyon ko! Parang nababasa na rin niya ang isipan ko. "You're just too good to follow my orders." Then he laughed again.
Ang yabang niya talaga! Promise, nawalan na ako ng ganang kumain. "Meron ka pa bang iuutos?"
"I need you to come with me at the Necro Market." Necro Market? That sounds—magical? Actually, hindi pala! It's eerie!
* * *
Pagkatapos naming mananghalian, umalis na kami sa mansyon at naiwan naman si Vander doon para magbantay. May dala akong basket at para kaming mamamalengke. Yun nga lang, mukhang hindi sa isang simpleng palengke ang pupuntahan namin. "Itong sinasabi mong Necro Market—"
"I need you to shut your mouth." Mabilis siya sa paglalakad at nakasunod ako sa kanya. Parte pa rin naman ng Earth ang tinutukoy niyang market di ba? Please somebody tell me na parte pa rin naman ng Earth yun!
"We're here." Natigil kami sa isang eskinita.
"Dito?" At tiningnan kong mabuti ang paligid. Except dun sa tambak ng basurang nakikita ko, dalawang pader lang ang nakapaligid saamin. "Dito na yun?"
Inilabas uli ni Brylle ang baston niya. Hanggang ngayon palaisipan pa rin kung paano yun nagkakasya sa jacket niya. Parang pinaglaruan niya uli ang hawak niya at ipinatama ito sa magkabilang pader at sa sementong tinatapakan namin.
Bigla na lang may nag-appear na kakaibang simbolo sa semento at mga pader. Nagliwanag ang buong paligid at nasa loob na kami ng isang magic circle. Mabuti na lang, walang ibang tao na nakakakita saamin.
"Since it's your first time, siguro kailangan mong kumapit saakin."
"Ano?" Naalarma ako sa sinabi niya pero huli na ang lahat dahil hindi ako nakakapit sa kanya. Bigla na lang kasing may kung anong pwersa ang humatak saamin.
And the next thing I knew, nakaluhod na uli ako sa lupa. Pero hindi na ito yung eskinita.
* * *
Isinuka ko ang masasarap kong kinain kaninang tanghalian. Parang umiikot ang paligid at nagkabuhul-buhol ang internal organs ko sa katawan.
"Okay ka na ba?"
"Mukha ba akong okay?" Akala ko katapusan ko na eh. Ano bang nangyari?
"Here, let me help you." He offered a hand then he lifted me up. "Ganyan talaga pag first time. Masasanay ka din."
"Gagawin natin uli yun?"
"No choice! Wala naman ibang paraan para makarating dito."
Dito? 'Dito' which means na nandito na kami sa...
"Welcome to the Otherworld."
Wala na nga kami sa mundo ng mga tao. Matatanaw mo ang agaw pansin na mga lumulutang na isla. Maliwanag naman ang sikat ng araw ngunit makikita mo na may hindi lang isa kundi dalawa pang buwan sa kalangitan.
May mga kakaibang nilalang na malayang nakakagala sa paligid. Matutuwa ka rin sa mga makukulay na nilalang na lumilipad sa himpapawid.
Paraisong maituturing ang Otherworld.
"Kung ayos na ang pakiramdam mo, maglakbay na tayo." Panira naman ng moment itong si Brylle. "Pupunta tayo sa Plumdust City." May itinuro siyang isang direksyon at natanaw ko nga ang siyudad na tinutukoy niya. "Doon matatagpuan ang Necro Market."
Excited na akong makapunta sa Plumdust City para makarating sa Necro Market. Pero nang makarating na kami dun, nanginig ang buong katawan ko nang malaman na kung anong klaseng lugar ito. Naglipana ang mga, "Ha...Halim—! Hmmm!"
Hindi ko na natuloy ang pagsigaw ko dahil tinakpan ni Brylle ang bibig ko. Pero dahil hysterical pa rin ako at pinatitinginan na kami, ipinasok niya ang ulo ko sa loob ng jacket niya.
"Tumigil ka, Yana! Kapag gumawa ka ng eksena dito, magagalit mo sila!"
Hindi na ako makahinga kaya nagpumiglas ako lalo. Nang mabitawan na niya ako, natumba naman ako sa lupa. Itutuloy ko pa sana uli ang sigaw ko pero...
"Calm down, Yana! Ginagalit mo na ako!"
Ow Em Ji! Yung crystal ng singsing ko, nangingitim na din!
Okay! I'm calm—I need to calm down. Pero paano ako kakalma kung narito ako sa lugar na pinamumugaran ng mga, "Halimaw—"
"Sheesh!" At tinakpan niya uli ang bibig ko. "May mga Otherworlders na nakakaintindi sayo. At ayaw na ayaw nilang tinatawag silang ganun. Manahimik ka kung ayaw mong magkagulo dito."
Napatango na lang ako, pero napakapit naman ako ng mahigpit kay Brylle. Wala siyang nagawa kundi tingnan ako ng masama. "Konting awa naman, Brylle. Natatakot ako, okay!"
Umiling na lang siya sabay irap. "They won't hurt you unless you do something stupid. Basta wag kang tatanga-tanga at sundan mo lang ako."
"Ano bang gagawin natin dito?"
"Gumagamit ka ba ng utak? Necro Market nga di ba? Ano bang ginagawa sa market? Eh di mamimili!" Sabi ko kanina paraiso ang Otherworld. Binabawi ko na.
* * *
Habang tumatagal, medyo napapalagay na rin ang loob ko. Siguro dahil kasama ko naman si Brylle. Nakakapit pa rin nga ako sa kanya.
Imbes kasi na matakot, nagsisimula na akong ma-curious sa mga nakikita ko. Isipin niyo na ang lahat ng halimaw na naiisip niyo at nandito po sila. May mga nagtitinda at may mga namimili rin. May mga pakalat-kalat lang at bigla na lang susulpot sa harap mo.
Hindi ko pa rin maiwasan na magulat. Pero hindi naman lahat ng nilalang dito ay nakakatakot! Maraming agaw atensyon at nakakabighani sa paningin.
"Ano ang mga yun?" Tinuro ko ang mga nilalang sa isang tindahan na nasa gitna ng tubig.
"Nixies." Hugis tao sila na kulay green ang balat at may silver-blonde na buhok. Mga kung anu-anong naka-boteng likido ang itinitinda nila.
"Eh ang mga yun? Kamukha ni Shrek."
"Merchant Ogres." Pakalat-kalat din pala ang mga kauri ni Shrek. May mga buhat silang saku-sakong armas! Pero nang makasalubong namin sila, napatakip kami ng ilong dahil parang imburnal sa baho ang amoy nila.
Napatingala naman ako sa langit. "May mga kumikintab na ibon oh!"
"Zhar-ptitsa ang tawag sa kanila." Enchanting silang tingnan pero napaatras ako dahil kamuntikan na akong ma-iputan ng isang glowing bird. "Ang dami mong tanong ha. Nagre-research ka ba?"
"Nakaka-elibs kaya ang mga nandito! Akala ko sa mga libro at palabas ka lang makakakita ng ganito. Don't tell me may mga dragon din dito?"
"Meron nga. Paano mo nalaman?" Seryoso ba siya!
Napadpad kami sa isang tindahan ng mga tela. "How much for these?" Tinuro ni Brylle ang isang puting tela na kagaya lang din sa mga ordinaryong tela sa mundo natin.
Sinagot naman siya ng tinderong may ulo ng kalabaw na may limang sungay. "15 Rugrants."
Rugrants naman daw ang tawag sa currency nila dito sa Otherworld, yun ang sabi saakin ni Brylle kanina.
"Can I test this?"
"Sure."
Sinimulan nilang sunugin ang tela, pero fireproof pala ito! At hindi lang yun, nang ilublob naman nila ito sa tubig, naging invisible naman ito! Ang cool!
"Okay. Bibilhin ko na yan."
"Brylle..." Bulong ko sa tabi niya. "Ano namang tawag sa kanya?"
"I'm a Quinotaur!" Sinagot ako ng tindero. "First time mo lang ba dito sa Necro Market?"
Kinakausap niya ako! "O—opo. First time ko lang dito." First time ko lang sa mundong ito.
"Kung ganun, mag-iingat ka binibini. May mga magnanakaw ng dila dito para sa mga tulad mong bumubulong na naririnig din naman!"
Para akong na-stroke sa sobrang takot. Napakapit uli ako sa damit ni Brylle. Walang hiyang tinderong Quinotaur 'to, nanakot pa! Sana malugi siya sa negosyo niya!
Nagawa naman akong tawanan pa ni Brylle nang mapansin niyang namutla ako sa takot. "Tara na." At syempre, hindi na ako humiwalay sa kanya. Nanahimik na din ako. Baka kasi manakaw nga ang dila ko.
"Niloloko ka lang niya."
"Tinatakot niya ako."
"You'll get used to this." Ang sabi ni Brylle.
Get used to this? I wonder when!