~*~
(Cashmere's POV)
Letseng ilusyon na to. Kanina pa ako patama ng patama sa mga multo ng mga Ice blasts pero tumatagos lang ito sa kanila, frinoze ko na rin sila pero wala pa rin effect. Kung sa mga zombies naman, papatamaan mo, mabubuhay ulit. Letse talaga.
"Paano ba to matatapos?" Inis kong tanong kay Mich na ngayon halata mo na ring pagod na sa ginagawa.
"Sa tingin ko. Kailangan nating patayin mismo ang gumagawa nito." Sagot naman nya.
"Bat ngayon mo lang sinabi? Kung kailan hinang-hina na ako oh." Sagot ko naman.
Pero ayun, tinawanan lamang ako. Pero wait----nakakahalata na ako. Dalawa ba talaga kaming nandito sa ilusyon na ito o ako lang? Ibang aura ang nararamdaman ko kay Mich.
Tinitigan ko naman ang bawat kilos ni Mich. May mali talaga dito.
Gumawa agad ako ng Ice pick, yung sobrang tulis.
Dahan dahan akong lumapit kay Mich, tss. Sorry.
"P-Paano." Nauutal na tanong nya habang unti-unting napapaluhod.
Napangisi na lamang ako sa nakita. Don't understimate me, black wizard. I'm smarter than you.
**
(Michelle's POV)
Wah. Bat hanggang ngayon hindi pa rin sya nagigising?
Cashmere naman eh. Kakakilala pa lang namin sayo, magpapasakop ka na agad sa mga black magicians na pumasok sa isip mo.
Nandito kami ngayon sa clinic with the white magic user, Mr. Andrei. Naman eh. Iiyak na ako. Kani-kanina lang naglalakad lang kami ni Cashmere dahil nga malapit na ang curfew, at dahil malapit na nga ang curfew, bumilis ng bumilis ang lakad namin hanggang naging takbo na ito. Pagkatapos nun, nakaramdam ako ng itim na aura, then boom lagaboom! Natumba si Cashmere! Nagets nyo ba ako? Wah. Huhu! *sniff* Cashmere.
"Itigil mo nga yang mukhang yan Mich. Hindi yan nakakatulong, nakakaimbyerna yan." Nakasimangot na sabi ni Vanessa.
Isa pa to eh. Galit sa akin kase hindi ko daw sya hinintay na makalabas ng kusina bago kami dumiretso sa headmaster. Eh malay ko ba? Nakalimutan ko nga eh. Tapos ayaw nya tanggapin ang reason ko, wala daw kwenta. Ako lang ba nang-iwan? Sila Carlos, Patrick, Andrei at Cashmere din kaya.
Speaking of Patrick, ayaw na atang mawalay kay Ferresa sa headmaster office ah. Kanina pa namin kinontact. Pisti.
Speaking of the devil. Ayan na pala.
"Wala na bang ibang nadamay pa sa inyo?" Naghihisterical na tanong nya sa amin habang pinapasadahan nya kami ng tingin isa-isa.
Mabilis naman akong umiling ganun na rin sila, si Vanessa naman tinitigan lang sya at tinaasan ng kilay. Psh.
Napadako naman ang tingin ni Patrick sa natutulog na si Cashmere, ganun na lang ang pagkapangamba nito ng makita ang kalagayan ni Cash, namumutla na kase ito at nagkakandasugat-sugat na rin ang katawan.
"Kabago-bago napaglaruan agad ng isang dark magician." Sambit nito dahilan para mapatingin kami sa gawi nya na nakaupo na sa tabi ni Cashmere habang mataman itong tinitignan.
Kung hindi lang talaga ganito ang sitwasyon ngayon, magwawala na ako dito sa kilig.
**
"Kailan kaya sya magigising?" Tanong ni Vanessa habang naglalakad kami sa hallway patungong classroom.
"Wala akong ideya." Bagot kong sagot sa kanya.
"Hey guys!" Bati sa amin ni Carl.
Tintigan lamang namin ito at nilagpasan na.
Pagkapasok pa lamang namin ng classroom, agad na natahimik ang paligid. Here we go again.
**
(Third Person POV)
Pagkatapak pa lamang ni Vanessa at Mich sa kanilang silid-aralan, natahimik agad ang lahat. Walang nangahas na magsalita sa harap nila.
'Ito na naman tayo'
'Here we go again'
Tanging nasabi na lang ng dalawa. Wala pang isang minuto, nakarinig agad sila ng tilian at sigawan.
Sikat sila, prinsesa at kabilang pa sa Moon Ten na maitatawag. High Ranking Students sa buong eskwelahan.
"Hi girls." Bati ni Mhelvin habang nakalutang sa ere, isa sa kanilang mga kaklase.
"Bat mukha kayong nalugi dyan?" Usisang tanong ni Rosby habang nakakunot ang noo.
Napabuntong hininga na lamang ang dalawa. Wala rin silang maisagot dito. Ayaw naman nilang kumalat ang balita tungkol sa nangyare kagabi kay Cashmere.
"First Day of School po ngayon, hindi araw ng Undas ha. Paalala lang." Nakapameywang naman na saad ni Donnesa.
Mayamaya pa, may umakbay naman kay Mich dahilan para magpalabas ito ng tubig sa katawan.
"Ikaw na nga inakbayan, ikaw pa mambabasa dyan." Nagmamaktol na sabi ni Frank.
Napangiti na lamang ng lihim si Mich, matagal na itong may gusto sa binata. Kaya ganun na lamang din ang ngisi sa kanya ngayon ni Vanessa habang pinapasadahan sya ng tingin mula ulo hanggang paa.
"Nakita ko yun." Mapang-asar na wika ni Vanessa kay Mich dahilan para maglabas na naman ito ng tubig sa katawan.
Sa di kalayuan, namataan na nila sila Carlos, Patrick at Andrei na mukhang mga naglalakad na patay dahil sa sobrang puyat kakabantay sa wala pa ring malay na si Cashmere.
"Kamusta ang lagay nya?" Tanong agad ni Vanessa sa kanila.
"Sya pa talaga inunang kamustahin, ouch Vanessa. Ang sakit talaga. Kami yung mukhang patay dit---!" Hindi na naituloy ni Andrei ang pagdadrama nya ng pinutol na agad sya ni Carlos.
"Lumala ang lagay nya. Nauubusan na rin ng enerhiya si Andrei." Sagot ni Carlos sa tanong ni Vanessa.
Napatungo na lamang si Mich. Marahil, sinisisi na naman ang sarili kung bakit nangyare iyon sa kaibigan.
"Sinong malala ang lagay?" Seryosong tanong ng isang boses sa kanilang likuran.
Agad naningas sa kinatatayuan si Vanessa. Marinig pa lamang ang kanyang boses hindi na ito agad makapagsalita ni makagalaw man lang. Ganun na lamang ang epekto ng taong yun sa kanya.
"Ah ano, pre Jayd---."
"Sino? May karapatan akong malaman. Kabilang ako sa high ranking students dito sa Academy." Seryosong sabi nito.
"Si Cashmere Villacrusis, ang transferee student, nasa isang ilusyon na ginawa ng Dark Magician. Simula pa kagabi ito nangyari, lumalala ang lagay nya, nauubusan na sya ng enerhiya, ganun na rin ang white magic user natin na si Andrei Vice Captain." Paliwanag ni Patrick.
Napairap na lamang si Michelle sa kawalan. Samantalang, nangunot-noo naman si Jayden sa narinig.
"Hindi ito maaari. Naibalita na ba ito sa Headmaster?" Tanong kaagad ni Jayden.
Nagtaka naman sila sa inasal ng binata.
"Hindi pa." Tanging sagot ni Carlos.
Napasabunot na lamang sa buhok si Jayden at dali-daling pumikit upang tawagin ang kanyang guardian fairy na si Gray, gayun rin ang guardian fairy ni Cashmere na si Allen na sa palagay nya, masama na rin ang kalagayan sa ngayon.
Ilang sandali pa dumating na rin ang dalawang fairies. Halata mo sa mukha ni Allen ang pagkasama ng kalagayan.
Nagliwanag naman ang mukha nila Vanessa sa nakita, marahil wala pa silang guardian fairy kaya ganun na lamang ang kanilang pagkamangha sa nasasaksihan.
"Maaari ba akong magtungo sa aking Master?" Tanong ng walang kabuhay-buhay na Allen habang mariing tinitignan ang mga kaibigan ng kanyang amo.
Nagtaka muli ang mga kabataan. Hindi nila marahil kilala kung sino ang tinutukoy nito kaya si Jayden na ang nagtanong.
"Maaari bang bisitahin si Cashmere?" Seryoso pero mas kalmado nang tanong ni Jayden sa kanila.
Tanging tango na lamang ang naisagot nila sa binata. Maraming tanong ang bumabagabag sa kanilang isipan.