Chapter 17
"Hello Trevor," tumawag si Andy sa kapatid nang makita niyang pumasok sa banyo si Jade para mag-shower.
"Andy, anong decision mo?" balisa ang boses nito.
"I have to tell Jade about the whole situation para maintindihan niya. Mas mahirap pag nalaman niya sa iba ang tungkol sa inyo ni Clara. Ipapaliwanag ko pati ang mental condition ni Amethyst."
"Bro, paano iyong hinihingi ni Clara na pera? Paano ang iskandalong gagawin niya? Ayokong malaman ni Amethyst ang tungkol sa amin ng babaeng iyon. Andy, very insecure ang asawa ko ngayon lalo na alam niyang gusto kong magkaanak," pagsusumamo nito.
"Trev, I will help Clara financially for the sake of your baby. We don't have to tell Amethyst yet until she's ready but I have to tell Jade. Ayokong magka-problema na naman kaming mag-asawa," matigas na sabi nito. "By the way, you have to ask Clara for DNA once the baby is born, baka nga hindi sa iyo iyon," payo nito sa kapatid.
"Andy, salamat sa help mo," tahimik nitong sabi.
"Trevor, please lang magbago ka na. Huwag mong niloloko ang as_____" , hindi natapos ni Andy ang sasabihin dahil narinig niya ang biglang pagsigaw ni Jade sa banyo. Kumaripas siya ng takbo sa banyo.
"Jade? Anong nangyari?" kumakabog ang dibdib niya sa takot nang makita niyang nakaupo sa gilid ng bath tub ang asawa.
"Aray, Andy ang sakit ng tiyan ko!" naiiyak na sabi nito.
"Huwag kang kikilos. Dadalhin kita sa ospital. Kumapit ka sa akin para mabuhat kita," natatarantang utos nito.
"Ibaba mo na lang ako sa kama natin, Andy at tawagan mo si Dr. Fernandez. Medyo nag-subside ng kaunti ang pain," maluha-luha pa rin si Jade pero medyo kalmado na ang boses.
"Jade, baka mas mabuti kung sa ospital na tayo pumunta," balisang balisa ang boses ni Andy.
"Okay na ako. Pakitawag si Dr. Fernandez," untag nito.
Nanginginig ang mga daliring tumawag si Andy sa OB doctor. Isinalaysay nito ang nangyari at narinig na lang ni Jade na inutusan nito ang manggagamot na pumunta sa bahay nila ngayong gabi din para masigurado ang kalagayan ng asawa niya at ng kambal. Pagkababa ng phone at dali-dali itong naupo sa gilid ng kama at hinawakan ang palad ni Jade.
"Babe, are you really okay? Iyong totoo please," namumutlang sabi nito.
"Andy, nakakahiya yata na pinapunta mo dito si Dr. Fernandez. Masyado ng gabi. Gusto ko lang naman tanungin mo kung ano ang dapat nating gawin" ani Jade.
"Ayaw mong dalhin kita sa ospital di ba? Pwes, ang doktor ang pumunta sa iyo," nakakunot ang noo nito.
Inangat ni Andy ang house phone para tawagan ang katulong sa baba. "Bebang, pakisabi sa guard na dadating si Dr. Fernandez. Hintayin mo at samahan mo dito sa kuwarto namin ng Ma'am Jade mo. Pakitawag din kay Nanay Zheny na pumunta dito," utos nito sa katulong.
"Jade, masakit pa ba?" tanong nito ulit nang maibaba ang phone.
"Kaunti na lang," nakapikit ang mga matang sagot niya sa asawa.
Masuyong hinagod ni Andy ang likod niya. "Matulog ka muna habang hinintay natin si Dr. Fernandez," halos pabulong na utos nito.
Samantalang sa bahay ni Clara ay ibang drama ang nangyayari sa kasalukuyan.
"Anong ginagawa mo dito sa bahay ko?" nagtatakang tanong ni Clara sa di inaasahang panauhin.
"Don't I get a warm welcome," nakataas ang isang kilay na sabi ni Naomi.
Walang magawa ang modelo kung hindi patuluyin ang bisita.
"Tuloy ka," matabang na anyaya nito.
Sumunod si Naomi sa loob ng bahay na nakangiti. Animo'y nakatanggap ito ng magandang regalo.
"Si Deo ang manager ko," pakilala nito sa lalaki na nakaupo sa sofa. "Deo, siya si Clara, ang ex ni Andy Wu. I don''t even know her last name," nakaismid na baling nito kay Naomi.
"Naomi Garcia," nakangising pakilala nito.
"So what can I do for you, Ms. Garcia?" pormal na tanong ni Clara.
"The question is, what can I do for you, Ms. Clara Salvador?" balik tanong nito. "Why don't we all sit down, my dear. I have an offer for you and your baby," kaswal ang boses nito.
"What???Paano mong nalaman ang tungkol dito," halos pabulyaw na tanong ng modelo.
"You don't need to know more than what I'm prepared to tell you," simpleng sagot nito.
Tumahimik si Clara, nag-aantay ng sunod na sasabihin ni Naomi. Hindi siya nabigo dahil nagsimulang magsalita uli ang huli.
"I'll give you twice the amount you want from Andy in one condition," mala-demonyong ngiti ang ibinigay nito sa kaharap.
"Bakit ako maniniwala sa iyo. At saan ka kukuha ng perang ganyan kalaki," nang-uuyam na sabi ni Clara.
"Let her talk, Clara," singit ni Deo na nanglaki ang mga mata nang marinig ang offer ni Naomi.
"Malaki ang iniwan sa akin ng Italiano kong asawa nang mamatay ito. So kaya kong bilhin ang lahat ng gusto kong makuha at ang pinakaimportante sa akin ay si Andy. I want him back," madiin na sabi nito sa mga kaharap.
"Ano ang condition mo?" tanong ni Clara.
"Simple lang, si Andy ang ituturo mong ama ng dinadala mo. Alam ni Jade na nagkasama kayo sa Davao noon."
"Paano kung hindi maniwala si Jade?"
"Ako ang bahala doon. Basta gagawin mo lang lahat ng inuutos ko sa iyo. Sigurado akong hindi ka man bigyan ni Andy ng 100 million ay gagawa iyon ng paraan para tulungan kayo ng baby mo. Maawain si Andy at hindi nito matiis na hindi tulungan ang kapatid sa problema.So he will help you, Clara. Ako ang bahala sa ibang bagay, tatawagan kita sa mga steps na gagawin mo. Bibigyan kita ng kalahati ngayon at ang balance ay paghiwalay na ang dalawa. Payag ka ba?"
Nagkatinginan si Clara at Deo. Halatang excited sa malaking perang makukuha sa kaharap nilang babaeng baliw sa pagmamahal kay Andy.
"Payag na ako," nakangiting sabi ni Clara pagkatapos ng ilang minutong pag-iisip.
"Then let's begin the game," sabay halakhak na parang demonyo.
"Andy, ano ang sabi ni Jade?" simula ni Trevor pagsagot ni Andy ng cell phone.
"Trev, hindi ko pa nasasabi kay Jade. May nangyari kasi kanina dito. Sumakit ang tiyan ni Jade bigla. Kaaalis nga lang ng doktor nang tumawag ka," paliwanag nito.
"Kumusta na si Jade?
"Okay na siya. Natutulog na. Sinabi lang ng doctor na kailangan ni Jade ng bedrest at huwag dapat maii-stress."
"So paano mo sasabihin kay Jade ang problema natin?" nag-aalalang tanong nito.
"Ta-timing ako. Huwag muna ngayon, Trev. Natatakot ako kung baka mapaano si Jade," puno ng takot ang boses ni Andy.
"Ikaw ang bahala, Bro." walang magawang sabi ng kapatid.
Nakapag-desisyon si Andy na oras na bumuti ang pakiramdam ni Jade ay sasabihin niya lahat ng nangyayari. Wala siyang itatagong sikreto sa asawa. Hindi niya na kakayanin kung may mangyayari na naman sa pagsasama nilang dalawa.
"I love you so much, Jade. Kung alam mo lang na isusuko ko ang lahat para sa iyo. Kahit buhay ko ay ibibigay ko para sa iyo. Ganyan kita kamahal, Babe," bulong nito sa asawang mahimbing ng natutulog.
*******What do you think of chapter 17? Did you like it? Please vote if you did. :) A comment would be appreciated also. Pangpagana lang naman. :)
For updates, please follow me on Twitter at gidgetwitty. Thank you.
"