~*~
(Cashmere's POV)
Umalis na kami sa hallway na yun at pumunta na sa kung saan.
Una, may mga mangilan ngilan pa akong fairies na nakikita, pero nung nagtagal at napalayo na talaga ang paglalakad namin, napansin kong wala nang fairy na iba pa maliban sa fairy ni Matthew na si Divine.
"Ahm. Ginoong Rio, paano po namatay ang aking mga magulang? Sabi po kasi nila lola namatay raw po sila dahil sa sunog, pero parang may parte po sa akin na nagsasabing hindi yun totoo." Paninimula ko nang topic.
"Maaring totoo, maaring hindi rin totoo ang sinabi ng Lola mo sayo. Kagaya nga ng sabi ko kanina, may tamang panahon para dyan." Ngiting sagot nya sa akin.
Lalo lang ako naguluhan. Ayoko na magtanong. Grabe!
"Pinuno, di po ba ito ang daan papuntang selda?" Nag aalalang tanong ni Divine.
Lalong ngumiti si Rio, at saka tumango.
"S-Selda?" Hindi makapaniwalang tanong ko. Yung fairy ko, nasa selda? Prison sya? OMG!
"May nagawa syang kasalanan kani-kanina lamang." Baliwalang sagot ni Ginoong Rio na nagpagimbal sa akin.
"Ano pong ibig nyong sabihin?"
"Asawa ni trouble loko ang fairy mo Cash." Natatawang sagot sa akin ni Matthew.
Pakstay.
"We're here. Ready?" Nagsitanguan naman ang dalawa.
Binuksan ng padabog ni Rio yung bakal na pinto, dahilan para mapatingin lahat ng naroon.
Wala pang ilang segundo, may humagis na sa aming yelo na may kuryente. Seryoso? Muntik na mukha ko dun ah.
"Magandang pagbati yan Allen." Ngising sabi ni Rio.
"Pinuno. Namiss ko kayo." Sabi ng isang lalaking tinig.
Nakakatakot rin palang ngumisi ang matandang to. Naagaw naman ng atensyon ko ang pigura ng isang tao sa may gilid sa dilim, literal na kasing laki ng tao kagaya ko. Unti-unti syang lumabas sa dilim. Nakahood sya. Para syang cloak. Cloak nga ata yun. Lols.
"Bumalik ka na sa totoo mong anyo Allen. Nandito na ang matagal mong hinihintay."
"Alam ko, ramdam ko." Nakangisi nyang sabi.
Hindi ko makita ng maayos yung mukha nya dahil natatakpan ito ng cloak na kanyang suot.
Maya-maya pa'y lumiwanag sya habang may binibigkas na kung ano. Napatingin na lang ako sa kanya. Ang totoo nyan, titig na nga ang ginagawa ko. Hindi ako makapaniwala. Lumiit sya, nagkaroon ng pakpak, f-fairy sya? How? Oo nga pala, nasa world of magic ako. Totoo to. Pero paano nagawa nya nagawa yun?
Nagulat ako ng lumipad sya sa harapan ko. Tinanggal nya yung hood nya. Tumambad sa akin ang maliit nyang mukha. Maputi, color sky blue at may kaunting dilaw sa gilid ang mga mata, matangos ang ilong, mahaba ang tenga at matikas ang katawan. Yan ang describe ko sa maliit na nilalang na to.
"Ikaw na ba talaga ang master ko? Andito ka na ba talaga? Hindi na ito isang panaginip hindi ba?" Sunod-sunod na tanong ng binatang boses sa isip ko.
Napatingin ako sa kaharap kong fairy. Hindi kaya sya yun?
"Ikaw ba yun?" Pagturo ko sa aking ulo, at sabay tap ko sa ulo nya na naging dahilan para maglabas sya ng pixie dust. Cute~~~
"Walang duda! Ikaw nga!" Niyakap ako ng maliliit nyang braso. Actually, niyakap nya yung leeg ko. Nakakasakal, at the same time nakakakiliti.
"I-Ikaw ang f-fairy ko?"
Naninigurado lang oy.
"Oo. Matagal na kitang hinintay Master." Bulong nya habang nakayakap pa rin sa leeg ko.
Napatingin ako sa gawi ni Rio.
Nakangiti sya, ngumiti rin ako sa kanya at nagthank you. Ngumiti ulit sya. Creepy, nakangiti na nga ngumiti pa lalo, mapunit ha.
"Ako si Allen. Ang guardian fairy mo. Nagtataglay ng elemento ng kuryente at yelo." Pakilala nya.
Magsasalita pa lang sana ako nang pigilan nya ako.
"Kilala na kita matagal pa Master. Ang ating mga isip ay magkaugnay. Lahat ng nasa isip mo, alam ko. Lahat ng nasa isip ko, alam mo. Lahat ng nararamdaman ko, nararamdaman mo rin, lahat ng nararamdaman mo, nararamdaman ko rin, kahit ayaw natin ipadama sa isa't isa. Tayo'y konektado master." Dagdag pa nya.
Napa'wow' na lang ako.
"Shall we go now?" Rio
"Yup!" Sabay thumbs up ko sa kanya.
"Teka. Totoo po ba ito? Si ate cute, guardian fairy nya yang mayabang na cassanova na yan pinuno?" Nanlalaking matang tanong ni Divine. Tinignan ko si Matthew, ganun lang din ang expression nya. Gulat.
"Tama kayo, si Allen nga, ang pangalawang pinakamagaling na fairy ngayong henerasyon nyo."
"Woah! Seryoso?" Hindi pa rin makapaniwalang sabi ni Divine.
"That's cool, nice." Segunda naman ni Matthew.
Matapos naming kuhanin ang guardian fairy ko na si Allen, umalis na kami roon. Grabe nga ako sa pagtethank you kay Ginoong Rio eh. Biruin mo, pangalawa sa pinakamagaling ang fairy ko, mas magaling pa sya kay Divine.
"Master, nararamdaman ko rin po ang inyong nararamdaman. Naririnig ko rin po ang inyong iniisip." Sabi ni Allen sa isip ko, hanggang ngayon talaga di pa rin ako sanay.
"Sssssshh. Sadyang masaya lang talaga ako no."
Tumingin naman ako sa gawi nila Matthew.
"Mat!" Tawag pansin ko sa kanya. Ang seryoso nya kase habang naglalakad eh.
"............."
Aww. Seryoso nga talaga. Tsk. Humanda ka sa akin.
"Oy Mat!" Sabay hampas ko sa balikat nya.
"Aray! Ano ba?!" Sigaw nya.
"Abat! Bat mo ko sinisigawan?!" Sigaw ko rin pabalik.
"Eh ikaw kaya yung nauna! Sinigawan mo na ako hinampas mo pa ako sa balikat!" Reklamo nya. Nga naman, may point nga sya. Pero..
"Tss. Bat kase ang seryoso mo ha?! Anong problema?!"
"Pakialam mo ba?! Iniisip lang kita!"
"Tae. Bakit mo ba kase ako iniisip?" Kinalma ko na sarili ko. Ako naman pala pinoproblema nito eh. Hahaha.
"Hay. Iniisip ko lang ang magiging buhay mo sa Academy." Iwas tingin nyang sagot.
"Nag-aalala ka sa akin no?" Tinaastaasan ko pa sya ng kilay.
Inaasar ko lang.
"Parang ganun na rin. Alam naman kasi natin na ikaw ang pinakatanga dito." Sabay ngisi pa nya.
"Takte! Ako?!" Gigil na sabi ko.
"Ay hinde. Si Laxus. Psh. Tara na nga. Hahatid na kita sa Moon Academy." Lumakad na sya paalis kasama si Divine.
"Master tara na." Yaya sa akin ni Allen.
"Nakakainis na talaga yang Mat na yan!" Sumunod na lang din ako sa kanya habang nagdadabog, napapailang naman sa akin si Allen.
"Anyare sayo?" Tanong ni Matthew sa akin nang magkapantay na kami ng lakad.
"Wala." Sagot ko.
"Wala daw. Sabi mo eh." He chuckled.
"Mat." Tawag ko sa kanya.
Nakasunod naman sa amin sina Divine at Allen na marahang nagtitinginan ng masama sa isa't isa.
"Bakit?" Matthew
"Anong powers meron ka?" Tanong ko.
"Kaya kong gumawa ng portals. Hmm. Cash, eh sayo, ano? Maliban sa pagbablock mo ng powers or rituals na gagamitin para mapasama ka, ano pang meron? Imposible naman kase na hindi mo pa natatagpuan yun diba? Alam kong magsi-17 ka na eh." Sabay kamot nya sa ulo.
Sasabihin ko ba yung itim na yelo na yun? Aish.
"Itim na yelo master? As in Black?" tanong ni Allen sa isip ko.
Grabe to, wala na yata akong privacy dito.
"Meron naman Master. Hehehehe. Sorry po. Pero ano po yung itim na yelo?" Tanong na naman nya.
"H-Huh? Yun ba. Hahahaha. Wala yun."
"Magkaugnay po tayo. Alam ko ang iniisip mo at nararamdaman. Nagsisinungaling ka po master." Nabura na naman yung pagkakailang iniisip ko. Nga naman kase.
"Natulala ka dyan. Oh ano? Alam mo ba?" Mat
"Ahh.... Hahahaha. Wala, di ko nga alam eh. Haha." Alanganing sagot ko sa kanya.
"Napakaimposible talaga. Hmm. Sa bagay, hayaan mo na nga lang. Tara na." Buti naman di na sya nagtanong pa. Phew.
"Master. Masamang elemento po ang itim na kapangyarihan. Gamit po ito ng mga masasamang magic user." Pati pala dito may masasama rin ganun?
"Ah. Pero, paano yung sa akin. Itim yun. Edi masama rin ako? Ouch."
"Hindi yun maaari. Sabi ng aking pinuno na si ginoong Rio na dating fairy ng iyong ama, mabait daw ang kanyang naging master!" Paliwanag nya.
"Teka pala! Ngayon ko lang naalala!"
"Huh? Ang alin?" Tanong nya na wari'y nagtataka.
"Diba dapat. Si Ginoong Rio ang guardian fairy ko, bat ikaw yung napunta sa akin? Kase tignan mo sya ang fairy ng aking ama hindi ba?"
"Bulag na ang pinuno, simula noong nangyari ang digmaan."