الهشيم

البارت ( ٧ )

سلام جميليني ..

الحلوين اللي يقولون البارت قصير ، ايه البارتات قصيرة و قايلة

هالنقطة من البداية و القصة ككل قصيرة يعني كم بارت باقي وتنتهي.

قراءة ممتعة لكم ..

ـ
‏وحين أحدّق فيك أرى مدناً ضائعة أرى زمناً قرمزياً ، أرى سبب الموت و الكبرياء .

-

رجع يعقوب من الدوام وشاف الأكل ع الفرن أخذ نظرة ع المكان و سمع

فتح باب الحمام وطلع أنمار ..

أنمار ابتسم له : الله يعطيك العافية ..

يعقوب كان عابس وجهه شوي و ارتخت ملامحه من ابتسامة أنمار ..

يعقوب : الله يعافيك .. ريحة الطبخ جوعتني أكثر ..

أنمار قرب منه : خذ لك شاور و بيصير الأكل جاهز ع السفرة ..

يعقوب ابتسم و دخل غرفته ..

جلسوا يآكلون و أنمار كل شوي رفع عيونه و تأمل في يعقوب ..

يعقوب حط الملعقة : أنمار بتقول شي ؟

أنمار تردد : أممم .. قلت لي أنك تبي تزور خالك ..

يعقوب : و قلت لي م تبي تروح معاي لذا كنسلت ..

أنمار : بروح ..

يعقوب : ترجع الشرقية ؟

أنمار هز رأسه : ايه ..

يعقوب : بس يضايقك هالشي ..

أنمار : كان يضايقني بس خلاص أنا بروح معاك وين ما تبي..

يعقوب : متى نروح ؟

أنمار برد سريع : في الويكند ذا نرجع ..

يعقوب ابتسم لأن أنمار رجع يكلمه طبيعي : أوك جهز الأغراض لرجعتنا.

أنمار بادله الإبتسامة : إن شاء الله ..

بعد ما خلصوا غداء دخل يعقوب ينام شوي و أنمار رجع مسك جواله

و شاف رسالة من سمية في السناب ..

سمية : شكلك نايم ..

أنمار : توني صاحي ..

سمية ابتسمت لما شافت رده : ايه وش سويت ؟

أنمار : أف لذا ضليت نايم ..

سمية : أممم ع موعدنا ..

أنمار : وش؟

سمية : نخليه يوم السبت شرايك ؟

أنمار : اللي يريحك .

سمية : و ابيه يصير عصر..

أنمار : و المكان ؟

سمية : مول ال**** الدور الأول في كافيه مفتوح اسمه ***** نلتقي

هناك ..

أنمار : ع الساعة 4 كويس؟

سمية : ايوه بكون هناك ..

أنمار : أوك بعتمد ..

سمية رفعت عينها من الجوال : يممه ..

أم هاني : نعم ..

سمية : يوم السبت مسوين حفلة لعيد ميلاد مها بروح.

أم هاني عقدت حواجبها : وين ؟

سمية : لا تخافين مش شاليه و لا استراحة .. في كافيه بمجمع ال*****

أم هاني : قولي اسامي صاحباتك إللي وياكم ..

سمية : تطمني مي بنت خالتي حصة ويانا بعد اسأليها ..

أم هاني : على كذا طيب روحي ..

هاني إللي كان جالس وعينه على جواله : بتشترين لها هدية ؟

سمية : ايه ..

هاني : أوديك تشترين أو تبين فلوس ؟

سمية : لا فلوس .. بنروح قبل م تجي و بنشتري جميع لها من المول .

هاني : مين بيوديكم ؟

سمية : وحده من البنات بسايقهم ..

عطاها هاني فلوس و صعدت غرفتها ..

ـ

يوم الجمعة وصلوا ..

أبو ريم ( خال يعقوب ) : رجعت يعني ؟

يعقوب : أممم ايه بس م بضل هنا ..

أبو ريم : ليش يا ولدي ؟

يعقوب : بأجر لي شقة ..

أبو ريم : وليش الخساير وبيتي مفتوح ؟ ضاق عليك بيتي ؟

يعقوب هز رأسه : ايه .. آسف خالي بس الغرفة يالله تستوعب شي

و أنا عشت في شقة كبيرة في الرياض لذا مو مرتاح هنا ..

أبو ريم : سو اللي يريحك .. بس بساعدك في الآجار للشقة ..

يعقوب : لا والله أستحي آخذ منك المفروض أعطيك ..

أبو ريم : عطيتيني بما فيه الكفاية ..

يعقوب : و م يجآزيك على اللي سويته لي يا تاج رأسي..

أبو ريم وهو يستقبل بوسة يعقوب على رأسه : الله يخليك سند لي..

طلع يعقوب وصعد الدرج لغرفته وفتحها ..

يعقوب : شتسوي؟

أنمار وهو يرتب له في الأرض : بنام ..

يعقوب: نام فوق السرير ..

أنمار هز رأسه : م أبي نام أنت فيه ..

يعقوب تحرك و سحب أنمار : لا تبتدي تنرفزني طيب؟

أنمار : بتتعبك الأرض ..

يعقوب : زين تدري أنها بتتعبني..

أنمار عقد حواجبه : لذا قلت لك نام فوق..

يعقوب قرب أنمار منه : نام معاي..

أنمار دق قلبه : ن..نعم ؟

يعقوب : إللي سمعته .. م تقدر صح ؟ بآكلك أنا ؟

أنمار بدت يدينه ترجف : لا.. بس.. تعودت أنام بروحي م راح أرتاح..

يعقوب بعد أنمار شوي و أنسدح ع الأرض : تصبح على خير..

أنمار تحرك وصعد فوق السرير : تلاقي الخير..

ضلوا دقايق محد فيهم نام لين غرقوا في النوم ..

ـ

في الصباح فتح يعقوب عينه وهو يسمح صوت خطوات ع الدرج

و صوته .

أبو ريم : أصبحنا و اصبح الملك لله .. يعقوب ولدي صحيت ؟

يعقوب وقف بسرعه بس صوت فتح الباب خلاه ينسدح ع السرير ويتغطى

بالبطانية ..

أبو ريم وهو يشوف البطانية و المخدة ع الأرض : يعقوب ..

يعقوب قرب أكثر من أنمار اللي فتح عيونه ..

يعقوب حط صبعه على فم أنمار : اصص ..

أبو ريم : يعقوب ..

يعقوب بعد البطانية عن وجهه بس : صباح الخير خالي ..

أبو ريم : ليش في الأرض هذول؟

يعقوب : في البداية م أرتحت للسرير تدري سريري هناك طبي و اريح

لذا قلت بنام في الأرض .. و ظهري المني و شفت روحي ع السرير..

أبو ريم : طيب يا ولدي الفطور جاهز ما عشيناك أمس عدّل أكيد

ميت جوع ..

يعقوب بلع ريقه وهو يحس بأنفاس أنمار على صدره : أ..أيه جوعان

بغسل وبغير ملابسي وجايك خالي ..

أبو ريم يكمّل : و رح لعمك تراه أتصل فيني كذا مرة يعاتبني يقول مني

أنا ما أخليك تروح له و تسأل عنه ..

يعقوب : طيب طيب خالي بروح له ..

أبو ريم : شفيك للحين منسدح يلا قم ..

أنمار تمسك بيعقوب ودفن نفسه أكثر فيه ..

يعقوب سخن جسمه : أ.. بقوم بس رجلي شدت عليّ شوي بحركها

و بلحقك ..

أبو ريم دخل شوي : جب خلني اهمزها لك ..

يعقوب بسرعة : م..ماني لابس شي خالي ..

أبو ريم كتف يدينه : وش هالنومه ؟ طيب يلا بطلع وشوي شوي و أنت

تقوم عن يزيد الشد على رجلك ..

طلع أبو ريم وسكر الغرفة وسمعه يعقوب لين نزل الدرج ..

يعقوب بعد البطانية عن وجه أنمار : تنفس الحين ههههههه

أنمار أنحرج لأنه لاصق في يعقوب لذا بعد عنه شوي ..

يعقوب حط يده تحت ذقنه وحكها : آسف .. خوفتك لما نطيت عليك فجأة..

أنمار جلس : ل..لا أنا اللي آسف تعبتك بنومة الأرض ..

يعقوب جلس هو الثاني و قام من السرير : بس الليلة بننام هنا وبكرة

بننتقل لشقة أكبر..

أنمار وهو يشوف يعقوب ساحب له فوطة : بتروح تزور عمك اليوم؟

يعقوب : ايه واضح أنه أقلق خالي ..

أنمار : و أنا .

يعقوب : شفيك ؟

أنمار : أممم تقدر تنزلني عند مول ال***** بتمشى شوي و لما ترجع

خذني منه ..

يعقوب استغرب أن أنمار بيطلع : بس بكون خايف عليك ..

أنمار : أنا المفروض أخاف احد يعرفني .. بس ماش محد بيعرفني

مو من كثر ربعي أو طلعاتي ع شان الناس تشوفني ..

يعقوب ما حب يضغط عليه أكثر في الكلام خاصة ان أنمار أول مرة

يقرر يطلع ويغير جو ..

لبس أنمار بنطلون أسود و تيشرت رمادي ولبس كاب أسود و نظارة طبية

يعقوب : هههههههه و يقول محد بيعرفه اكيد وانت صاير المحقق كونان..

أنمار أنحرج و دق قلبه بنفس الوقت أول مرة يشوف يعقوب كاشخ

بجينز وجاكيت وساعة ونظارة شمسية ..

يعقوب : بتقول شفيه طلع الماركات صح ؟

أنمار : م توقعت عندك ملابس زي كذا ..

يعقوب : لو أروح لعمي بملابسي العادية كان يحبسني عنده ..

أنمار : عمك غني ؟

يعقوب : أمم شوي بس ..

نزل يعقوب بشويش ونزل وراه أنمار وركبوا السيارة ومشوا ..

يعقوب وهو ينزل أنمار من السيارة : اتصل عليّ متى م خلصت أوك ؟

أنمار : طيب..

يعقوب : وإذا صار أي شي أي شي لازم تتصل عليّ ..

أنمار ابتسم له : إن شاء الله ..

يعقوب تحرك بالسيارة و مع ذلك قلبه كان قابضه على أنمار ..

ــ

وقف عند باب الفيلا و أخذ نفس ودق الباب ، فتحت له الخدامة وعلى

طول دخلته ..

أول ما خطى داخل الصالة وشافته تكلمت بصوت عالي : لاا كاان

جيت ابداً م باقي شي و تكمّل سنتين من آخر مرة رويتني شكلك ..

يعقوب قرب منها وباس رأسها : لا تبالغين جدتي شايفك في العيد أنا..

الجدة : حبيت رأسي و ما شفت غير غبرتك كأن أحد لاحقك ..

يعقوب : يعني مو سنتين ..

الجدة : يا حبك أنك تجاكرني أدخل ..

جلس يعقوب وشوي و جات له : هلا بولدي يعقوب شخبارك ؟

يعقوب حاول يبتسم بس عجز : الحمدلله و أنتي ؟

أم عاطف : أنا الحمدلله ..

الجدة : عمك بينزل الحين من غرفته ميت على شوفتك ..

يعقوب كان منزل عيونه في الأرض لين جاه صوت عمه ..

أبو عاطف : هلا بالغالي ولد الغالي..

يعقوب وقف وباس رأس عمه : هلا عمي ..

أبو عاطف : و لا تسأل و لا تزور ليش هالقطاعة ..؟

يعقوب : آسف الشغل و أنت أدري..

أبو عاطف جلس يعقوب و جلس جنبه : وش لك بالشقاء ؟ قلت لك

كل الشركات لك أشر بس أنت .

أم عاطف لوت فمها وألتفت عنهم ..

يعقوب : لا عمي مو ميولي هالشغل و أنت أدرى ..

أبو عاطف : طيب خذ فلوس لما أعطيك .. ليش كل ما حولت لك شي

رجعته ؟

يعقوب : عندي بقد حاجتي و أكثر راتبي يكفيني و زود ..

ابو عاطف : م أعطيك شفقة أو نفقة هذول فلوس أبوك بتكسرني لو

م تآخذهم ..

يعقوب بدأ يحترق من داخل : عمي أبوي مات م ترك لي ورث وهذا

حلااالك .

أبو عاطف قبض على يده لما طول يعقوب في كلمة حلالك ..

الجدة شافت الجو شوي بدأ يتكهرب : ايه ما قلت لي يعقوب شخبار خالك

و زوجته وبناتهم ؟

يعقوب التفت لها : الحمدلله تسلم عليك زوجة خالي ..

الجدة : الله يسلمها ويحفظها ..

ـ

أنمار وصل الكافية وجلس على وحده من الطاولات و أكتفى بالمويه ..

تحركوا شوي بعيد عن الكافية و هم يطالعون من بعيد ..

سمية : شفتووه ؟

مها : اييه اف يهبل و باين أنه خجول ..

أماني : أقول سمية يلا روحي لا تتأخرين عليه .

سمية : طالعوني شكلي مرتب ؟

مها : اييه يلا روحي ..

سمية بعدت عنهم وقربت من أنمار : راكان ؟

أنمار تجاهل صوتها لأن الاسم للحين مو عالق داخله أنه له ..

سمية استغربت خاصة أنه مو حاط سماعات و نادته من جديد : راكاان..

أنمار انتبه و ألتفت لها .

سمية ابتسمت : ع بالي ضيعت ههههههه

أنمار وقف و ابتسم : هلا سمية ..

سمية : هلا فيك ..

أنمار بعد شوي وفتح لها الكرسي : أجلسي ..

سمية استحت وجلست ورجع جلس مكانه ..

أنمار : أجمل ع الطبيعة ..

سمية : وأنت.. صاير أصغر بكثير ع الطبيعة كأنك كبري..

أنمار : ههههههه لا وين أكبر منك بأربع سنين ..

سمية : البنت يبين عليها الكبر قبل الولد ..

أنمار : بنسولف عن العمر الحين ؟

سمية : ههههههه لا .. خلني استوعب أني قابلتك أخيراً ..

أنمار : استوعبي.. هههههه

ضلوا يسولفون و أنمار كان يجرها في الكلام لين وصل للنقطة اللي

يبيها ..

سمية : ايه هاني بسن زواج بس يقول م يبي مسؤولية من الحين ، بس

أمي تقول شكله بيخق عنده صديق خطب وكان مثله يقول م يبي يتزوج..

أنمار وهو يشرب في الكوفي حقه : ما شاء الله وش أسم صديقه ؟

سميه بعفوية : كأنه تمّار ..

أنمار حط الكوب بسرعة ع الطاولة لأنه لو رفعه كان بيطيح ..

سمية : شفيك ؟

أنمار ابتسم : و لا شي .. حسيت الاسم غريب ..

سمية : ايه غريب شوي.

أنمار يبي يآخذ منها كلام بعد بس خاف انها تشك بشي..

سمية : ايه صح قال لي هاني عنه بعد و أستقرفت هالشي وجع ..

أنمار قبض على يده أكيد قال هاني عنه و أنه عاهر بنظر الكل بس

انصدم من اللي قالته سمية .

سمية : تخيل بعد ملكته بكم يوم أبوه تزوج على أمه ..

أنمار فتح عيونه من الصدمة اللي سمعها ..

ـ

انتهىالبارت ..