Chapter 66
Retreat
Napahilot na lang agad ako sa noo ko. Damn! Hindi niya pwedeng ligawan si Abigail!
"Akin lang si Abigail." sabi ko.
Bigla namang may humampas na unan sa mukha ko.
"Sayo? Paano?!" tanong naman ni Bobbie habang nakataas ang kanyang isang kilay.
"Baliw ka na talaga, Christan! Pag katapos mong ipamukha sa tao na hindi mo na siya mahal, ngayon aangkinin mo?!" dagdag pa niya.
"Ewan ko... Basta ang alam ko lang ngayon ay ayaw kong mapunta siya kay Calix." mapait kong sabi.
"Bakit naman? Hindi ba sabi mo noon na kung may pagkakatiwalaan kang tao na alagaan si Abigail mo, e si Calix yun?"
"Oo nga... pero hindi ganoon. Ibang usapan na yung ligaw, Bobbie." utas ko habang naiiling.
"Chris, ikakasal ka na. Let her go. Kitang kita naman na nag mu-move on na siya sayo." aniya.
"No. I won't let her go." saogt ko kay Bobbie. Siya naman ngayon ang naiiling.
Kung may panghahawakan ako, isa lang. Iyon 'yung pagmamahal ko kay Abigail.
"Are you hearing yourself? Paano 'yung pakakasalan mo ha?"
"Wala. Wala akong pake. Si Abigail lang ang gusto ko." tahasang sagot ko dito.
Oo pakakasalan ko 'yung babae na iton pero hindi ibigsabihin na kakalimutan ko na si Abigail, at mas lalong hindi ibigsabihin nun ay titigil ako sa pagmamahal ko sa kanya.
Hinding hindi mangyayari iyon.
Kahit pa sa malayo... nandito lang ako at mamahalin siya.
"Christan, nangyayari na 'yung gusto mo. You want her to move on, right? You want her to forget about you. It was all happening, pero umaarte ka ngayon na taliwas doon." ani Bobbie.
Naupo ako at napahawak ulit sa ulo ko. I just can't imagine how fucked up my life is right now.
"I don't know. Hindi ko lang kasi kaya... Parang mababaliw ako kapag napunta siya sa iba."
-
Frans Abigail's POV
Nakahanda na 'yung mga gamit ko para sa retreat. Ngayon naman ay nag aayos na ako dahil kailangan na din naming umalis ni Calix maya maya.
Napatingin ako roon sa bulaklak na binigay ni Calix sa'kin.
Wala naman sigurong mali na bigyan siya ng chance.
Naisip ko din kasi na... kung dati nahulog ako sa kanya... Hindi naman imposibleng bumalik yun hindi ba?
Biglang may kumatok sa pinto kaya binuksan ko iyon.
"Are you ready?" tanong ni Calix.
Tumango ako at binitbit na yung bag ko.
Two days din ang retreat namin. Sa Zambales iyon gaganapin. Ayaw ko sanang sumama, pero naisip ko na sayang yung incentives at saka maganda rin na ma-experience ko 'yun.
5:30 am ay nakarating na kami sa Chandford University. Tama lang dahil eksaktong 6, aalis na din ang bus.
Napagusapan din namin nila Paui na magkikita kita kami pag dating doon sa Zambales.
Hindi naman ganoon katagal ang byahe. O baka hindi ko lang naramdaman dahil ang saya sa byahe. Ang kulit kasi ng mga ibang ka blockmates namin, dagdag pa roon ang masarap na food trip.
Pag baba namin sa bus ay napanganga na agad ako sa ganda ng lugar.
Sobrang lawak nito. Ang daming puno at may natatanaw pa akong bundok... Siguradong magiging masaya ang retreat na ito.
Tinawagan ko si Paui na nakarating na kami. Ganoon din pala sila kaya naman nag kita kita kami roon sa pila.
Napayuko na lang ako ng makita ko rin si Apxfel.
Syempre na i-intimidate pa rin ako sa presensya niya. Sino ba ang hindi?
Pinapasok kami sa isang malaking gymansium doon. Nag orient sila tungkol sa mga activites na gagawin namin, pati na din sa rules and regulations.
Binigyan kami ng ID, inilagay doon ang pangalan namin. Mayroon ding food stubs at 'yung room number.
Buti na lang at magkakatabi kami nung nagpamigay ng ID kaya pare-pareho kami ng kwarto.
Hiwalay ang kwarto ng babae sa lakaki.
Kaya ang mga ka kwarto ko ay si Paui, Zoey at si Bobbie.
Malaki 'yung kwarto, ang sabi rin sa amin may makakasama pa kaming ibang mga babae.
Pag pasok namin sa kwarto, grabe ang laki nga. May cr din. Tapos yung higaan naman ay double bed. May limang double deck sa loob ng kwarto.
Pumwesto na kami ni Paui sa ibabang kama. Sila Zoey naman at Bobbie ang sa itaas.
Buti naman. Dahil wala akong balak makipag kwentuhan kay Bobbie. Baka umuwi ako ng wala sa oras pag nangyari yun.
Pina ayos lang sa'min ang gamit namin tapos ay dinala na din kami sa Cafeteria para mag lunch.
Nang matapos naman iyon, pinapunta na ulit kami sa gymnasium. Nag Wisdom talk tapos ay nag games din.
Nakakatuwa dahil ang ganda ng diniscuss sa'min. Ganito pala yung ginawa dito.
Enjoy din ang nangyaring games.
Inabot na ng gabi ang kaganapan. Sinabi din sa amin na kung gusto daw naming matulog na ay pumunta na sa kanya kanyang kwarto. Kung hindi naman, pwedeng mag libot libot muna sa buong lugar.
Napag desisyunan naman namin na mag libot libot muna.
Ang laki at ang lawak pala talaga dito. It exceeded my expectations.
Matapos naming mag libot libot na upo muna kami sa may damuhan doon. Mahangin kasi, ang sarap sa pakiramdam.
Si Paui, Zimmer, Dominic, Zoey, Bobbie, Apxfel at Calix ang mga kasama ko.
Kanina pa kami nag i-ikot. Buti na lang at hindi kami nagkakaroon ng interaction ni Apxfel.
Lagi din kasing nasa tabi ko si Cal.
"Laro tayo ng Spin the Bottle!" Suggestion ni Paui.
"Sakto, paubos na 'to." Sabi ni Zimmer sabay straight nung softdrink na iniinom niya.
Pumayag naman din ang lahat mag laro.
"So ganito ha, pag tumapat sa inyo yung bote tatanungin kayo kung truth or dare. Okay? Game!" Saad ni Paui sabay paikot nung bote.
Tumapat yung bote kay Calix.
Natawa naman ako dahil sa dinami dami namin, sakanya agad unang tumapat.
"Sinong mag tatanong?" Tanong ni Dominic.
"Kung kanino tumapat yung kabilang dulo nung bote." Sagot naman ni Zimmer.
Sabay sabay naming sinundan ng tingin kung kanino nakatapat yung kabilang dulo nung bote.
Jusko.
Kanino nakatapat yung bote? Kay Apxfel! Ibisabihin, siya ang magtatanong kay Calix.
Hindi ko alam pero ang intense ng pakiramdam ko!
"Truth or dare?" Walang kagana ganang tanong ni Apxfel.
"Truth." Mabilis namang sagot ni Calix.
Saglit na napahinto si Apxfel.
Pinag iisipan niya ba ng maigi ang itatanong kay Calix? Laro laro lang naman ito diba? Bakit hindi na lang niya itanong kung ano ang favorite color ni Calix? Para kasing ang lalim pa ng iniisip niya!
"Nililigawan mo ba talaga si Abigail?" Biglang tanong ni Apxfel.
Napahinto naman agad ako noon.