"Oy bawal late ha!" natatawang sabi ko sa kabilang linya.
Si Genna ang kausap ko ngayon sa phone. Magkikita-kita kaming lima. Oo lima, nagpakita na kasi sa wakas si Joy.
Kahapon lang siya tumawag at sinabing nakabalik na siya sa bahay nila. Wala naman siyang sinabi kung saan siya nanggaling. Iku-kwento niya na lang daw pag nagkita-kita na ulit kami. Kaya ito, pinlano ko agad ang pagkikita namin ngayon. Para na rin ipaalam ko sa kanila ang pagpapakasal namin ni Maico.
"Nagsalita ang hindi laging late!" si Genna. Sa aming lima kasi kaming dalawa yung nagpapaligsahan sa pinaka-late.
Wala pang ibang nakaka-alam ng engagement namin ni Maico bukod sa pamilya namin. Mamaya sasabihin ko na rin sa mga kaibigan ko. Sa opisina wala akong pinagsabihan. May isang nakapansin ng singsing ko. Nung tinanong niya yung tungkol dun eh nginitian ko lang siya. Good thing na hindi tsismosa type yung nakapansin. Wala pa ring kumakalat na tsismis sa opisina ngayon.
"Papunta na kaya ako! Ikaw nasaan ka na ba?"
"On the way na rin. Alam mo naman, sanay na akong hindi nale-late ngayon! Haha."
"Kpayn. Kita na lang tayo dun. Ingats!"
Sa Calleza Grill Antipolo kami magkikita-kita. Si Genna ang nag-suggest nung lugar. Mas mainam na daw kasi dun at malapit lang sa bahay nina Lana. At least hindi na mahihirapan sa biyahe yung bagong panganak. Well, kaya niya naman sarili niya. May pagka over-protective lang talaga kami kaya ayaw namin siyang pagurin.
Alas seis ang usapan namin. Early dinner lang peg naming lima. Five thirty pa lang ngayon at nasa Taytay na ako. In fairness, maaga ako ngayon. Ito siguro ang nagagawa ng kasiyahan.
Next month na yung engagement party namin. Ang sabi ni Mica, hindi naman daw yun ganun ka-bongga. Basta mai-announce lang daw yung engagement. Inaasikaso niya ngayon yung invitations. Grabe lang, doble trabaho. Iba pa raw kasi yung wedding invitation sa engagement party lang na invitation eh.
Balak ko sanang puntahan pa siya mamaya after namin dito ang kaso eh paniguradong gagabihin kami masyado. Mabuti pang ipagpabukas na lang. Tutal Sabado na rin naman bukas.
Quarter to six nakarating ako sa Calleza Grill. As usual, nandoon na si Aya at si Lana. Si Genna, ewan dun. At least on the way na raw siya. Sa may mga kubo sa likod kami pumwesto.
Nasa mesa na yung menu pagkarating ko at namimili na yung dalawa. "Sagot ko na ha." sabi ko agad.
"Wow! Anong nakain mo at manlilibre ka?" takang-taka na tanong ni Lana. Alam niya kasing may pagka kuripot ako eh.
Ngiti lang yung sinagot ko sa kanya at kinuha ko yung isa pang menu sa mesa. Medyo mahal yung mga pagkaen pero keri lang. Kahit abutin ako ng libo ayos na yun. Advance celebration na rin namin ito para sa engagement ko eh.
"Ikaw na ang mamili Jacky, tutal ikaw naman ang magbabayad."
"Ok sige." dinanan ko pa ulit ng tingin yung menu saka tinawag yung waiter.
Wala man lang dalang papel na paglilistahan yung waiter kaya kunot noo ko siyang tinignan. Mukhang naghihintay na siya ng order ko kaya naman sinabi ko na rin yun.
"Ahhhm, isang order ng Porterhouse Steak, Baby Back Ribs, Pork BBQ... ahmmm itong Kare-kare, Sinigang na Tuna Panga." tinignan ko yung waiter.
"Meron pa po ba? Rice po? Dessert?"
Ngumiti ako. "Limang rice, saka limang mango shake na rin. Ah! Pati banana crepe sama mo na. Salamat." sabi ko saka ibinaba yung menu. Pagkaalis nung waiter tinanong ko agad yung dalawa. "Nakuha niya kaya yung mga order ko? Di niya man lang nilista."
"Siguro?" si Aya.
"I told you hindi na ako nale-late!" narinig kong sigaw ni Genna mula sa likod ko. Tinignan ko agad yung relo ko. Five minutes pa bago mag alas seis.
"In fairness talaga ha. Hindi ka nga late."
"Si Joy?" tanong niya.
"Ako?" sabi ng babae na nasa likod ni Genna.
"Joy!" halos patiling sabay-sabay na sabi naming apat. Napatayo pa kami at lumapit sa kanila.
Malaki ang pinagbago ng hitsura niya. Nagpaigsi na siya ng buhok ngayon na parang sa lalaki.
"Anyare?" hinawakan ko pa yung buhok niya.
"Wag niyo na lang pansinin yan. Bagay naman di ba? Nasaan ang pagkaen?"
"Kakarating lang pagkaen agad ang hinanap?" si Genna kay Joy.
"Wag kayong mag-alala, naka-order na si Jacky. At--- sagot niya na daw lahat." ani Aya.
Tumingin pa sa akin ng may pagtataka yung dalawang bagong dating. Grabe naman maka-react ang mga 'to. Para namang napaka-imposible kong manlibre.
Naupo na ulit kaming lahat dun sa kubo.
"Ano bang meron? Bakit nagpatawag ka ng bonding?" tanong ni Genna.
Malapad ang ngiting itinaas ko yung kanang kamay ko kung saan naroon yung engagement ring. Kitang-kita ko kung paanong nanlaki yung mga mata nila pagkakita sa singsing.
"Oh my God! Magpapakasal ka na? Kyaaaah!" ani Genna.
Speechless pa rin yung iba kaya ako na ang nagsabi ng lahat ng detalye. Inimbitahan ko na rin sila sa engagement party na gaganapin sa susunod na buwan. Napagdesisyunan na si Aya ang magiging Bride's maid ko.
Nagsimula na kaming kumain at napansin kong may kakaiba kay Aya. Parang di siya mapakali at di komportable.
"Uy Aya, ayos ka lang?" tanong ko.
Sumimangot siya. "First day eh. Kamuntikan na nga akong himatayin kanina. Buti na lang may dala akong mefenamic." aniya.
Dysmenorrhea yung tinutukoy niya. Yung sobrang sakit ng puson niya dahil sa buwanang dalaw to the point na hinihimatay siya. Ilang beses na ring nangyari sa kanya yun nung college kami eh. Irregular kasi yung menstrual cycle niya. Buti na lang ako regular yun, at hindi gaanong masakit. Parang lagi lang akong natatae.
Napakunot ang noo ko bigla sa naisip. Sh*t. Kailan ba ako huling nagkaroon? Supposedly, three weeks ago pa ako nagkaroon. So posibleng... Hindi ko alam kung matuuwa ako o kakabahan sa naisip. Posible kasi talagang yun na nga yun.
___________
Dumaan muna ako sa Mercury drug sa Junction since yun ang 24 hours na bukas. Bumili ako ng pregnancy test kit para kumpirmahin ang hinala ko.
Pagkarating ko sa unit eh tumunog yung telepono. Gusto ko na sana mag-test kaso kailangan kong sagutin yung tawag.
"Hello?"
"How's my Beauty?" napangiti agad ako ng marinig ang boses ni Maico.
"I'm fine. kakarating ko lang from Antipolo."
"Yeah, how are your friends? Hindi na muna kita tinawagan kanina baka hindi mo ako matiis at umalis ka kaagad sa pagkikita niyo." aniya sabay tawa.
"Yabang! Hindi kaya noh. Mas uunahin ko sila."
"Ganun?" may pagtatampo sa boses niya. "Okay." aniya pa.
"Joke lang! Tampo agad 'tong Beast ko oh!"
"Haha, matulog ka na. Pupuntahan kita bukas. Jan ako mag-stay maghapon. Good night Beauty! I love you!"
Jeez! Biglang naginit yung pisngi ko sa sinabi niya. Yun kasi ang unang beses na sinabi niyang mahal niya ako over the phone eh. Yung pag magpapa-alam na sa tawag.
"Ok. I love you too." sabi ko saka nakangiting ibinaba yung tawag.
Nagpunta agad ako ng banyo dala yung kit.
Naghintay ako ng limang minuto para sa resulta nun. Hindi ko pa yun tinitignan at nakapikit lang ako habang hinihintay na tumunog yung alarm ko.
Hindi ko alam kung ano ba ang ipinagdarasal ko. Gusto ko namang magka-anak na agad kami ni Maico at siguradong ikatutuwa niya yun. Pero gusto ko rin naman na pagkatapos na ng kasal saka kami makabuo. Siguro kahit ano namang maging resulta nun eh ikasisiya ko pa rin. Tutal eh magpapakasal na kami at matutupad na yung matagal ko ng pinapangarap--- ang makasama ang lalaking mahal ko habambuhay.
Napapitlag pa ako nang tumunog na yung alarm. Dahan dahan ang ginawa kong pagmulat ng mata para tignan yung resulta. Napatulala ako saglit ng makita yun saka napangiti na lang.
Ang nakalagay dun? Two lines.
to be continued...