بعد مرور اسبوعين ..
بعد تردد كبير ..
طق باب غرفتها ..
لميس : ادخللل
دخل عمر ..
عمر ببتسامه : فاضيه ؟؟
لميس وهي تنشف شعرها توها طالعه ماخذه شاوره : يب
عمر : وين نادين ؟؟
لميس : مع تولين عند لورا قاعدين سوا .. وبدر واحمد
عمر : اهاا ابغى اكلمك بموضوع ..
لميس : ايش
عمر بعد مااخذ نفس : تحبين فيصل
__________
نادين : وين طس اخونا بالله ..
تولين : ههههههه حلوه اخونا بالله ..
بدر: لالا من جد اختفى فجأه ..
___________
(( جبال الالب ))
غلا : برررررررد
عمار : ههههه تعالي قربي هنا جنب النار ..
غلا سوت كوبين كفي ومشت عند عمار ..
وحطت اكوبين على الطاولة القريبه ..
ورمت نفسها بحضن عمار .. وهو غطاها بالبطانيه اللي معه ..
__________
العنود : وحشني صوتك ياغلاي يافرحي وبسمت شفاي
ملاك تكمل : توحشني وانت معاي واتخيل ان غبت اش يصير ..
العنود : وربي وحشتنا غلا .. لها فقدت
ملاك : ايييييه هذي هي الدنيا يا العنود وهذاك انتي بتتزوجين وانا ماادري ايش مصيري الى الحين ..
العنود: ليش ماتوافقين عليه ؟؟
ملاك : ماأبيييييييييه .. بختصار ماني مستعده للزواج !!
العنود :امم طيب مين هو ؟؟
ملاك : ولد صديق ابوي ..
_____________
خالد : يسولف لي عمي يقول لي انو فيه خاطب متقدم لملاك
يصير ولد صديقه ..
مشاري اللي يحاول يخفي الصدمه : طيب هي وافقت
خالد هز كتوفه بمادري
مشاري رمى نفسه على الكنبه وحط يدينه فوق راسه وبقلبه : انتي لي ياملاك لي انا وبس ..
___________
امل : لاعاد تجيب ولد عمك هذا الصايع لبيتنا
محمد : انتي ايش تبين .. ليه مااجيبه وبعدين لاتسبين الرجال ..
الرجال صار ملتزم
امل : ههه العب غيرها انت وياه تعرفون انو من جمبها ... يالدشاره
محمد عصب ورفع يده ... بس بحركه سريعه مسكت يده
امل : لاتحاول ترفع يدك علي والله اعلم ابوي ليكسرها لك
محمد نفض يدها بقوه : اصلا انتي مدلعه بقوه
امل بصرخ : خاف الله خآآآآآآآآف الله فيني انت تكلم بنات وتطلع مع بنات ماتخاف شباب يلفو علي زي ماانت تلف على بنات الناس
محمد بتهديد : ياولك اسمع انك بس تكلمتي مع شاب والله ماتلومين الى نفسك
امل بعصبيه وصراخ : برآ برآآآآآآآآآآآآآ اطلع يافاسد انت ويامنحرف وياواطي اطلللللللللللللللللع برا الغرفة .. انا مو مثلك انا ابوي مربيني احسن تربيه برآآآآآآآآآآآآآآآآآآآآآآآآآآآآ ...
طلع معصب ..
على جيت ام عمار تركض ..
ام عمار : ايش فيكم خرعتوني
محمد تأفف وراح وتركها ..
دخلت على امل ..
وكانت منسدحه على سريرها .. وناظر السقف
ام عمار قعدت جمبها وضمتها : حبيبتي لاتزعلي على اخوك .. ماكا
قاطعتها وهي تحط يدها على فمها ..
امل : لاتكملي .. الله يخليك يمه تركيني لحالي
ام عمار : بس
امل : ماابي اسمع تبريراتك لولدك العاق .. المشكله يسوي فيك كذا وانتي لازلتي تدافعين عنه ..
ام عمار : لاتقولي كذا على اخوك
امل : الا راح اقول عنه ... هذا الصايع الضايع شوفي كيف يعاملك والله لو يدري عمار يقوم الدنيا ويقعدها ..
ام عمار : لايابنتي الله يخليك لاتقولي لعمار رجيتك
امل : يمه الله يخليك خليني لحالي الحين ..
ام عمار طلعت وتركت امل ..
_____________
زياد : امم ريم من متى مااجتعمتو مع بيت عمي ابو عمار
ريم : امم من يوم الزواج .. تجي خالتي بس امل ماتجي خايفه عليها خالتي تشكي لامي تقولها انو محمد متغير من بعد ماسافر عمار صاير عآآآق بقوه مع امه وابوه .. وامل مانعها من الطلعه والدخله ويبغى يمسك عليها اي شي عشان مايخليها تطلع
زياد عصب : ليييه ماتطلع مو انسان وتبغى تشوف العالم الخارجي
ريم : مدري عنو .. انت ليش عصبت
زياد : هاه لاولا شي بس رحمت امل ..
____________
طاح المشط من بين يدينها ..
انصدمت ..
تداركت الموضوع ولفت عليه ...
لميس من ورى قلبها وقلبها قاعد يتقطع ..
لميس : هههههههه ايييش تقول انت .. انا لااا لو احبه كان تزوجته وماتزوجت عبدالله ..
عمر تنهد : طيب لو كان فيصل يحبك ..
لميس لمعت عيونها بالدموع وصدت ماتبغى عمر يعرف بشي
لانو لو عرف مايكيفه الى موت عبدالله بين يدينه
لميس : عممر خلاص انا راح اتزوج عبدالله
عمر : يالله الله يوفقك ويكتب لك الخير وين ماكان .. ماراح تجين عندنا
لميس : الا بس شوي
عمر : اوكي
طلع عمر
ولميس طاحت على الارض وبدت تضرب الارض بيدها ..
لميس : حقييييير سااافل .. اكرررهك ياعبدالله لييش سويت كذا دمرت حياتي
مهمــا طـال بـنـا البـعد وفرقَـت بيننــا الايـام وشتـت ما لنا من احــلام ستظــل دائمــاا فى الركـن الهـادئ من قلبـى ... فى مكـانك الـذى لا يجــرؤ احــد على دخــوله فقـد امتلكــته واغلقتــه بمفتــاح بـعـدك ... سيبـقى لـك مـكـانك بداخلــه إلـى أن تسمـع منـه آخــر نبضــة وتشيعــه إلـى مقــابر عشّـاقك
____________
دخل بنص الليل ..
: { مساء الخير }
: { اين كنت ياهذا }
: { ابي لاتعاملني هكذا }
: {اياااااااد تكلم }
اياد : { كنت عند البحر }
: { مع من عاشق في ليلة مقمره هههههههههه }
اياد كان يشوف حال ابوه سكران ويتمايل وموعارف ايش قاعد يقول
اياد: { اين امي }
ابو اياد : { في المريخ ههههههههههه }
اياد ترك ابووه اللي صاير مامنه فايده ..
دخل الغرفة
اياد : { امممممي }
ام اياد : { نعم ماذا تريد يااياد انا هنا }
كانت ام اياد .. ممليه البانيو مويه وقاعده فيه وجمبها قارورة ويسكي ومعها كاس ويسكي تشرب منه
اياد : { هل تريدين ياامي ان ادخل عليك }
ام اياد : { نعم ماذا بها انك ابني }
اياد : استغفر الله ..
وطلع وتركهم
طلع فوق لغرفته معزوووله ..
دخل وسكر الباب .. وحط جواله وبوكه على التسريحه ..
ناظر شكله بالمرايه .. وسرعان مافتح الدرج .. وطلع صوره
صوره لقاها بغرفه امه وابوه .. بدرج امه .. كان لشخصين .. واحد شكل عمره 13 والثاني 10 ..
مرر يده على الصوره .. وابتسم وهو قاعد يمرر يده على وجيهم
دخل الصوره بالدرج وسكره ..
فسخ التيشيرت حقه ورمى بنفسه على السرير
وحط المخده فوق راسه وضغط عليها .. وثواني وهو غااااط بنووم ..
سوف انام الان .. ولكن هل سوف استيقظ على فرح ..
آآآه يادنيا .. ماذا افعل اشعر بالوحده بالوحده تخنقني من كل مكااان
اخوتي اين هم عني .. ماذا افعل .. اصبحت حياتي بأئسه ؟؟
صبرا اياد فالحياة امل ..
__________
أمل : هلاوغلا ريم
ريم : هلا فيك حبيبتي وينك ماعاد تنشافين ..
أمل : والله يالغلا ظروف .. عندكم انتي والبنات اجتماع قريب
ريم : اييه بكرى ببيت عمي عبدالعزيز ..
أمل : اهااا
ريم : لاتقولي مانتي جايه
أمل : مدري اشوف عن ابوي ؟؟
ريم : عن ابوك ولا محمد ..
أمل : آآآه كل الاثنين ..
ريم : ايش فيك ماعدتي تجين الجامعه بعد ؟؟
أمل : محرومه ..
ريم : مين الي حارمك بعد لاتقولي محمد ..
أمل : يب
ريم : ماله حق هذا .. سافر عمار وفرد عضلاته عليكم
أمل : ايش اسوي فيه ياريم .. تخيلي اليوم رفع يده علي
ريم : ضربك ؟؟
أمل: لا مسكت يده بأخر لحظه .. اللي قاهرني انو امي فوق كل هذا تدافع عنه ... الله ياخذه
ريم : أموول استغفري ربك ترا هذا اخوك
أمل : متى يجي بس عمار هو اللي بيوقفه عند حده ..
ريم : الله يعينك ياقلبي ..
_____________
نزلت لميس وجلست معهم ..
نادين وهي تقرا المجله : شووووووفووو هذي تولين ضوء القمر جت لهذي المجله .. نزلت ياربي هذي الانسانه كلامها يعجبني
بدر : من جد عندها اسلوووب .. تحس انها فاهمه للحياة مضبوط
عمر : تعالو مو هي كانت بمجلة بريطانيه انا كان على بالي بريطانيه
احمد : ايش يعرفك يمكن انها سعوديه او تكتب عربي
نادين : النذله ياعليها كلام .. مررررره روووووووووعه
تولين وهي تمرر يدها على خشمها : طيب لا تسبين عيب عليك
لورا : تولينوه لاتكوني تعرفينها ..
تولين : هاااه لااا وش يعرفني انا فيها
لميس : يمكن تعرفينها من هنا ولا من هنا نخبرك معارفك كثير
تولين : انا معارفي كثييير حرام عليييك ...
لميس : الا تولين تعرفين شي عن اموول من يوم الزوج ماشفناها
تولين : امم انا زرتها قبل اسبوع
لميس : لييييش ماقلتيلي بروح معك ؟؟
عمر تحمس : اتنظري ميسو شكل البنت فيه عندها شي خطيير
بدر : من جد وجهها مايبشر بالخير ..
تولين : امم بقول بس ماابغى يطلع لاحد
كلهم مره وحد : قولللللللللللي
تولين : امم محمد حابسها .. حتى الجامعه ماتروح .. وزيارات ماتطلع من يوم ماسافر عمار وهو فارد عضلاته صاير عاق الحقييير ...
عمر : والله سعود تعدل .. ومحمد ظل صايع
احمد عصب : لييش يحبسها الحقير ..
نادين : ياعمري تنرحم
لميس : هذا يبيله تفقيع وجه
تولين : لا وازيدكم من الشعر بيت .. يضربها بعض الاحيان ..
بس تقول دايم اصد ضرباته ..
بدر : ياربي منه هذا ماعنده قلب ايش سوت ؟؟
تولين : ماسوت شي !!
لورا : يمكن فيه شي خافي ماتعرفونه
لميس : يمكن .. ليش لا !!
____________
مر يوم خالي .. من الاحدآآث ..
(( في اليوم التالي ))
اللي هو الجمعه ببيت عبدالعزيز ..
الظهر ..
ابو العنود : لييش طيب اعطيني سبب لرفضك مقنع
ملاك : ماابيه .. ماابي اتزوجه كيفي .. مو لازم ابرر
ابو العنود : بس انا ابغااه لك انا حسيته مناسب لك .. وحبيته وبيت انه يكون نسيبي ..
ملاك : ماابيه >> كانت تردد ذا الكلمه وكانها معلقه عليها
ابو العنود : الظاهر انتي ماادبك الضرب اللي اخذتيه قبل كم من سنه
ملاك قامت تصارخ : تبغى تضرب اضرب .. اضرب الظاهر يدك تعودت على الضرب ..
ام العنود : ياجماعه تعوذو من ابليس .. وصلو على النبي ..
ملاك وابو العنود : اللهم صل وسلم عليه
ام العنود: يمه ملاك ليه منتي موافقه ..
ملاك : ماابغى اتزوج الحين ..
ابو العنود : ليش انشالله تبغين تعنسين وتقعدين على قلبي .. وبعدين انا حبيت الرجال وابغاك تاخذينه يعني تاخذينه
ملاك : مادامك حبيته خذه خله ولدك .. وزوجه اللي تبي .. مو انت ماتحب البنات .. وانا متى مابغيت اتزوج تزوجت لا تخاف ماراح اعنس عندك ... ولاراح اكون عاله عليك .. راح اتزوج .. بس متى ماهذا بغى { واشرت على قلبها }
ابو العنود فلتت اعصابه وصفقها كف : ياقليلة الادب انا انا تكلميني كذا .. صدق اني ماربيتك .. روحي غرفتك روووووووووحي { ورفسها برجاله لانها طاحت من الكف اللي اعطاها ياه }
ملاك ببرود قامت : ارفضه مانيب متزوجته .. مالي خلق يصير وجهي مقابل وجه ابو سروال وفنيله .. ابو اخلاق خايسه .. فلوسمحت ياابوي العزيز .. لو فيه بقلبك ولو بذرة حب صغيييره لي لاتزوجني ياه ولاترا والله بسماه لااطين عيشتكم ..
طلعت وتركتهم وابو العنود منصدم من قوة ذا البنت
وكان بداخله يتمنى لو انها ولد ..
هنآآك عقليات بزمننا الحالي .. يقدرون الولد اكثر من البنت يريدون الولد باي حال .. ويعتبرون البنت عار عليهم .. اين هم من العقول الواعيه .. ولكن انا انظر اليها بمنظار اخر .. الحياة تغيرة .. وسوف تتغير ولن تستقر على حال واحد .. المرآه في مجتمعنا اصبحت تحمل نصف المسوليه .. المسوليه التي يجب ان يتولاها الرجل .. لااقول كل الرجال هكذا ولكن يوجد منهم .. المرآه اصبحت تتزوج لتحمل لتولد لتربي وتصرف على البيت .. تعمل على تحسينات البيت .. وتحضر المواد الناقصه له .. وفي الاخير ماذا يطلقون عليها { المراه ناقصة عقل ودين } اذا كيف اذا كانت كاملة العقل .. احقد واستصغر من ينظر الى المراه هكذا ...؟؟
___________
بدر : اووهو يعني الحين جمعت بنات وشباب ..
لميس : يب وليه تسأل شكلو مو عاجبك ياستاذ بدر
بدر : افا عليك الا عاجبني ..
عمر : من زمان مااجتمعو ببيتنا .. فقلنا نجمعهم ..
تولين : الله يعين على الصجه ..
نادين : هههههههه عاد اهم شي تولين تبغى تحافظ على جواها ..
احمد: هههههه اكيييد لازم يكون جوها .. هادى
تولين : والله ماافي احلى من الهدوء .. مااحب الصجه والازعاج والصخب
لورا : ليش انتي ايش عمرك حبيتي في الحياة
لميس : ابشرك ماتحب شي ..
تولين : تدرون الشرهه مو عليكم الشرهه على اللي يقعد معكم
قامت وتركتهم
لورا : تولين حبيبتي تعالي ترا والله نمززح
عمر : افااا ليش زعلتو اختي
تولين تمشي ولاهي معبرتهم ..
_________
محمد : اسمعي ابغاك تجهزين بسرعه مابي اطول .. والله لولا عمر مااصر علي كان ماتذوقين طعم العزيمه
أمل : قاعد تمن علي انت ووجهك .. خلاص مو لازم اروح ..
محمد : بتروحين ورجولك فوق راسك فاهمتني ..
أمل بهمس : انشاءالله ..
__________
(( 6:00 )) المساء ببيت عبدالعزيز
كانت ريحة البخور منتشره بكل مكان ..
كان ببيت عبدالعزيز .. جمعه { البنات .. والشباب }
اما ببيت ابو عادل .. جمعه { الكبار }
دخلت ريم
ريم : السلام عليكم
البنات : وعليكم السلام
لميس : ياهلا والله وغلا .. كيفك
ريم : بخير الحمدلله .. انتو كيفكم ..
لورا : الحمدلله بصحه وعافيه ..
وشوي شوي الين مااجتمعو البنات كلهم ..
بس كان ناقصهم (( غلاوي )) ..
تولين وهي تصب لهم القهوه : ههههههه وربي جاي على بالي الحين ادق على غلاوي
نادين : ههههههه والله انا من يوم ماشفت ضحكتك هذي عرفت ان وراها نذاله
ملاك : والله فكره مش بطاله ..
العنود : اووهوو خلو المخلوقه بحالها ..
امل : ينقال انها طالعه شهر عسل .. وانتو بنذالتكم بتخلونه شهر بصل
لورا : ههههههههه خلوها تتهنى باحلى ايام حياتها
ريم : اووووووووووووه نسنا انا فيه هنا شخصه متزوجه
لميس : هههههههه اقول خلوكم بغلاوي .. وخلو مرت بدوور على جنب
نادين :اذووووب انا على بدوور
لورا : هيييه عاد سكت لكم ومسختوها عاد .. لا تدلعونه
تولين : ليش ماندلعه ياحبيت قلبي
لورا بدلع : لانو زوجي وحبيبي ..
ملاك صفرت .. والبنات قعدوو يتمسخرون على لورا بصوت عالي
________
عند الشباب
عمر : وش جاهم البنات ارتفعت اصواتهم فجأه
مشاري : يمكن طلع لهم ابو خصلتين
بدر : هههههههههه مااتوقع .. لو طالع لهم كان تلقاهم ناطين عندنا
مشاري بمزح : ياااارب .. ان يطلع لهم عشان يتراكضون هنا واشوفهم ..
عادل : لااا الله يخليك .. المهم فكونا من سيرة البنات
احمد : لييه ماتحبهم
خالد : قول مايواطنهم بعيشته ..
بدر : اجل كيف راح تعيش مع زوجة المستقبل ..
عمر : خطأ فارسة الاحلام ..
عادل : هههههه ومين قالكم اني اصلا بتزوج ..
احمد : ايييه نشووف ..
______________
(( 7:39 )) الصباح ..
نزل من فوق ..
وكان لابس بنطلون اسود ... وقميص رمادي مقلم بأسود .. ومعه
الجاكيت الاسود .. وشال رمادي ..
رامي : { صباح الخير امي }
ام رامي : { صباح الخير عزيزي .. هيا تعال وتناول وجبه الافطار معي }
رامي جلس على الكرسي وبدا ياكل بهدوء :
{ الطقس اليوم بارد جدا }
ام رامي : { نعم انها تثلج بالخارج }
رامي ابتسم لذكرى عايشه بخياله ..
اين انتي يامن كنتي تعشقين الثلج .. اين انتي ياضوء القمر ..
لماذا لم تعودي .. موجوده في حياتي .. آآآه ياتولين كم افتقدك
..
ولبس جاكيته .. ورمى الشال على كتوفه بأهمال .. وجاء بيطلع
ام رامي : { مهلا يابني }
وقف .. وهي كانت متجهه لمه ..
عدلت شاله ولفته على رقبته ..
ام رامي : { هكذا افضل }
رامي باس راسها وخدها بقوها : يآآآآفديت اللي تخاف علي
ام رامي : { هههههه اذهب اذهب لقد تأخرت }
رامي ابتسم وطلع ..
شغل السياره وتوجه للشركه ..
_____________
طالعين .. يتمشون على الثلج ..
غلا من يوم ماتزوجت عمار غير فيها طبوع كثير ..
واقرب طبع اللي هو الخجل .. خلا خجلها يخف عن اول ..
يعني مو تصير لاحيا ولا مستحيا .. بس خف عن اول ..
عمار : غلا لو رحت وتركتك هنا بتخافين ؟؟
غلا بمكابره : ليش اخاف وانا ادل طريق الشاليه ..
عمار : يعني من جد من جد ماراح تخافين
غلا بكذب : لا ما ماراح اخاف ..
عمار : طيب شوفي ايش وراك !!
غلا التفتت وراها .. وماشافت شي ..
لفت وجهها جهة عمار .. بس ؟؟؟؟؟؟؟؟؟؟؟؟
____________
تولين بعصبيه : يعني انت تتصل بس تحارشني .. وتخليني اعصب ماتتصل تسأل عن اخباري
رامي : ههههههههههههههاي ..
تولين : ماقلت نكته
رامي : تولين ..
تولين : نعم
رامي : نعامه ترفسك .. ياتولينوو ..
تولين : ترفس وجهك الودر ايش تبي ؟؟ تكلم بسرعه انا مشغوله
رامي : الفرس حقك خوقاقي .. مع الثلج .. لاوهو ابيض وشعره صاير طويل ووالثلج عليه .. اوووووووه اذوووب عنده انا
تولين : رامي قلبي .. صور لي ياه ابغى اشوفه
رامي : لالا مااقدر اشغلك اكثر .. مو انتي مشغوله
تولين : لالا الحين فضيت
رامي : لالا مشغوله .. يالله سيوووووو
وسكر بوجهها ..
تولين بعصبيه لانو رامي سكر بوجهها : حقيييييييييييييييييييييييير
بدر كان واقف عند الباب يبغى مويه .. يوم شاف وجهها عرف انو رامي .. لانو رامي دايم يحب ياحارش تولين ويخليها تعصب ..
بدر انفجر من الضحك على شكلها
بدر : هههههههههههههههه ايش صاير
تولين : الحقير يقولي ...........................................
.................................... وبعدين يسكر بوجهي
بدر : ههههههههههههههاي ... وشوله تقولين له من الاول مشغوله
تولين : اقول وش رايك تطس
بدر طارت عيونه وراح مسك اذنها : ايييييش
تولين وهي تضحك : تطسسسس
بدر : اقول روحي جيبي لي مويه عطشان
تولين : بلاه من كثر ماقرقت
بدر : ماعليك روحي وجيبي لي مويه ..
تولين راحت وجابت كاس مويه وعطته بدر .. وشربها وهو يالله كاتتم ضحكته .. على تولين كل ماتذكر شكلها ..
شرب المويه وعطى تولين الكاس ..
وتوجه لمجلس الرجال .. واللي قاعدين فيه الشباب ..
دخل بدر .. ورمي نفسه جنب عمر
بدر : هههههههههههههاي عمر وربي خطيره اختك هههههههه
عمر : ههههههههههه ايش فيك
احمد : تشقق الرجال من الضحك ..
عمر ضربه مع راسه : ياخي تكلم حمسستني ؟؟
بدر : تو داخل بقول للميس تجيب لي مويه .. ولا تولين قدام وجهي ومعصببببه الاخت .. وتناظر الجوال وتقول حقييييييير ..
عاد انت فاتك شكلها ههههههههههههههههه وربي مهبوله
أحمد : لحظه لحظه الموضوع فيه رامي
بدر : يبب وهل يخفى القمرو ..
سعود بستغراب : مين رامي ؟؟
عمر : رامي سلمك الله .. جدي ابو امي .. عنده اخت .. هذي اخته عندها بنت .. وهذي البنت عندها ولد ..
زياد : اوووف بعيييييد
بدر : ايه بعيد بس هو وامه قراب مننا ..
زياد : اهااا حلوو ...
عمر : تعآآل كمل ايش صار مسوي لها
بدر : وربي ذا الولد مايرتاح الا اذا سمعها معصبه .. عاد قالتله تكلم بسرعه انا مشغوله وقالها الفرس حقك خوقاقي .. مع الثلج .. لاوهو ابيض وشعره صاير طويل ووالثلج عليه .. اوووووووه اذوووب عنده انا قالتله رامي صور لي ياه ابغى اشوفه قالها لالا مااقدر اشغلك اكثر .. مو انتي مشغوله وبعدين قالتله لالا الحين فضيت
قالها لالا مشغوله .. يالله سيوووووو عاد سكر بوجهها وعصبت
عمر واحمد : ههههههههههههه
عمر : وربي اشتقتله .. نفسي اهبل فيه ..
احمد : طيب يالله اتصل ..
اتصل عمر على رامي دقايق ورد رامي ... طبعا عمر حاط سبيكر
بطلب من احمد وبدر ..
رامي : ياهلاوالله وغلا .. تو مانور الجوال
عمر : عاش من سمع هالصوت .. وينك غاطس محد يدري بك
رامي : افاااا عليك محد يدري بي الا امك تدري بي .. المهم كيفك ايش اخبارك واخبار الاهل ..
عمر : انا الحمدلله .. الاهل ولاتولين
رامي : هههههههه لالا تولين خلها شوي على جمب ..
عمر : تدري انك نذل
رامي : اي والله ادري .. بس مو طالع على غريب
هنا الشباب ماقدرو يمسكون ضحكتهم .. لانو من جد عمر بعض الاحيان يكون نذل ...
رامي : سبيكر بعد .. دووووووووم الضحكه شباب
بدر : انت ووجهك تدري مع مين قاعد عشان تقول كذا
رامي : والله اتوقع انو انت .. ويا صاحب الوجه المكفهر .. واولاد عم عمر ..
احمد شهق : انا صاحب وجه مكفهر
رامي : لاابد سلامتك ..
عمر : اييش كنت عند الخيول تو ..
رامي : يب .. اشوف فرس تولين
عمر : ليييه ايش دخلك بفرس تولين ؟؟
رامي : امم ابد بس امر بين كل يومين او ثلاثه واتطمن عليه
عمر : ههههههه تطمن عليه ولا عشااان تكسب رض
رامي : شششششششش عيب عليك .. من جد فسخت الحياء مره وحده
دخل الشركه .. ودخل مكتبه .. ورجع على ورا شوي
رامي بجديه : عمر اكلمك بعدين
عمر: اخسسس الاخ قلب جدي فجأه
رامي : لادخلت الشركه ... وفيه شخص عندي بالمكتب ..
عمر : شخص ولا شخصه ..
بدر سحب الجوال من عمر لانو فهم ان اللي عند رامي شخص مهم : اوكي رامي بحفظ الله
رامي : مع السلامة
بدر سكر الجوال وراماه على عمر : من جد نشبه
عمر : ماطلعت على غريب { ويرفع حواجبه بطريقه مستفزه }
بدر : ياخي انت متى بتعقل ؟؟
عمر : لاحجت البقره على قرونها
بدر : من جد مامنك فايده
عمر بهمس مسموع: طالع عليك حبيبي
بدر : عممممممممممممر
الشباب : ههههههههههه
___________
عند (( عمار & غلا ))
غلا صارت تتلفت يمين ويسار تدور عمار وهي مو لاقيته ..
دمعت عينها : عمآآآآر
طاحت على ركبها ودموعها بدت تتساقط على جدودها
غلا بهمس : عمآآر وينك
مادرت اللى اللي يضمها من ورى
عمار يهمس بأذنها: عيونه وقلبه ورحه .. كيف تبغيني اروح واتركك بس حبيت اشوف رادت فعلك
غلا لفت عليه ورمت نفسها بحظه وضمته بقوه : لاتتركني .. والله اخاف ..
عمار ابتسم هذي دلعوته : ههههههه .. يالنصابه تدلين طريق الشاليه اجل
غلا : ههه لا ماادل
عمار : اجل لاتنصبين مره ثانيه
غلا : ههههههههه اوكي ..
قومها ومسك يدها .. ومشو لمطعم .. عشان بيتغدون ..
________
مشاري : فييصل يالله اطربنا ..
خالد : من جد يالله سمعنا صوتك الجميييل ..
فيصل : ايش تبون ؟؟
محمد : اهم شي غني يالله ..
أحمد : عمرر عندكم عود
عمر : اييه .. قول لوحده من اخواتي الكريمات يجيبلكم ياه ..
قام احمد ..
وقف ورا الباب >> زين يعرف مايدرعم عليهم P-:
احمد :لميس ..
لميس : ندينووه قومي شوفي خطيبك ..
نادين : بس هو يناديك انتي مو انا
احمد : يعني بظل انتظر مين بتقوم
قامت لميس ..
لميس : هلا امر
احمد : جيبيلي العود اللي عندكم
لميس : اوكي بس عطني دقايق اطلع اجيبه وارجع لانه بمكتب ابوي
طلعت لميس جابته .. ونزلت واعطته ياه
لميس : مين بيغني بدر ؟؟
احمد : لا فيصل :)
ما زال بداخلي دمعة وجرح وصرخة مكتومة ما زال الألم غافي وبكلمة يصحى من نومه هدوئي الظاهر يخدع هدوء إنسانة مصدومة
لميس : اهااا .. يالله انبسطوو
احمد ابتسم لها .. ودخل عند الشباب .. وهي رجعت للبنات
نادين بلقافه : لييه يبون العود
لميس : يبغون يطربون
ملاك : ميين بيغني
لميس بغصه : فيصل
امل : بنااات فيصل صووته خقه عمركم سمعتوه ؟؟
العنود : لا والله
امل : امشو نسمع من ورا الباب ..
لميس وهي ماتبغاهم يروحون .. او بالاصح اذا راحو لازم تروح معهم : بسس
ماكانو قاعدين يسمعونها .. كانو قايمين يمشون ناحية المجلس ..
مشو الباب ولميس تسحب رجلينها ..
مشتاقه لصوته .. بس ماتبي تتذكر شكله .. يوم قالتله انت مثل عمر واحمد .. شقد هالكلمه .. كانت تجرحها وهي تطلع منها
وقفو ورا الجدار حق المجلس ..
ولميس وقفه اخر وحده .. ونادين كانت حاسه فيها ..
عند الشباب .. احمد بدا يعزف ..
وفيصل بدا يغني ..
فيصل : قال الوداع ومقصدة يجرح القلب
محال قلبي ينجرح من وداعة
من حبني يامرحبا براعي الحب
وان راح ربي يحفظة كل ساعة
ولية لية يودعني ولية لية يعذبني ولية لية يجرح قلبي وانا احبة ليه ليه
وافي وذوقة راقي والصدق ينحب
لكن عيبة في الجفا والقطاعة
وانا لو اني فيه مغرم ومعجب
نفسي عزيزة والمحبة قناعة
ولية لية يودعني ولية لية يعذبني ولية لية يجرح قلبي وانا احبة ليه ليه
اخترت دربة لكن اختار له درب
شريت حبه لكن اليوم باعة
ودامه وقف مع حاسدي واعلن الحرب
لابد مالكثرة تغلب الشجاعة
ولية لية يودعني ولية لية يعذبني ولية لية يجرح قلبي وانا احبة ليه ليه
صدق احب الحب واتخير القرب
واقول للغالين سمعن وطاعة
وش حيلة الانسان لو خافقة حب
مااضن ينسى الحب في ظرف ساعة
ولية لية يودعني ولية لية يعذبني ولية لية يجرح قلبي وانا احبة ليه ليه
الكل يوم خلص صفقوو له
حتى البنات تحمسو وصفقوو .. والشباب عرفو ان البنات كانو يسمعون ..
ولميس طاحت دمعتها بنص الاغنيه .. وظلت تطيح دموعها الين ماانتهت الاغنية .. ومسحتها على طول ..
مشاري صف : اوووه يالخقه انت .. بعذر البنات ذابو بصوتك ..
البنات برا طارت عيونهم
فيصل : عقلل بس اقول ..
بدر : لالا مايصير كذا غطيت على صوتي
فيصل : ههههههههه
لميس بهمس يالله ينسمع : بنات خل نمشي ..
ريم : وش رايكم نطلع نتمشى برا نغير جوو
لورا : والله فكره مش بطااااله احس مليت من جو البيت
ملاك : اجلل هيا مشينااا
طلعو البنات برا .. وقامو يتمشون .. وينكتون على بعض
بس ...
لميس تغيير مودها .. صارت مكتومه ودها تبكي .. صار البكى لها بهالايام هو صاحبها .. هو اللي يقدر يطلع اللي بقلبها ..
لميس : بناات بروح اشرب مويه .. شوي ارجع لكم
راحت المطبخ .. واول مادخلت انهارت تبكي عند
الباب
لميس : والله يقصدني وربي يقصدني .. آآآه ياربي صبرني ..قامت وشربت مويه تبرد اللي داخلها .. من حراره ..جات ببالها فكر .. وطلعت للبنات ...
العنود : وين لميس مو كأنها طولت ؟؟
امل : اييه طولت ..
لميس راحت عند اللي ( الرشاش حق المويه حق الحوش ) وخذته شغلت المويه .. وراحت عند البنات ورشت عليهم مويه ..
والبنات اول مانزلت عليهم المويه .. صرخوو صرخه قويييه !!
عند الشباب ..
انفجعوو يوم سمعوو البنات يصرخون ..
وطلعو يركضون بالحوش ..
وشافو البنات يتراكضون يحاولون يبعدون عن المويه اللي تصب عليهم ..
لميس : هههههههههههههههههههههههه
نادين : لميس يا***** وربي اذا ماتركتي المويه ماتلومين الا نفسك
لميس :ترا الشباب طلعو ..
البنات بسرعه حطو حجاباتهم على راسهم ..
تولين نزلت تفسخ جزمتها (يكرم القارئ)
عشان بتلحق لميس .. ولميس استغلت الفرصه ومسكت المويه فوق راسها
تولين : لميييييييييس جوالي ..
رفعت راسها .. ولميس بدت تركض وبيدها اللي وتولين تلحقها
عمر : ههههههه انقلبتو .. صارت تولين تلحق لميس
لميس تصارخ : انا اوريك تتطنز !!
الشباب عجبهم الجو وقعدو على الطاوله .. اللي جمب المسبح ..
عمر : هههههه اييه اتطنز عليك .. يالمهبوله انتي اللي معك اللي
عمر وبدركانو واقفين .. والشباب كلهم جالسين
لميس اخذت دوره كامله .. ورجعت للبنات .. وملتهم مويه مره ثانيه
ملاك : وربي بتتكفخين .. لميس : لحظه روح املي عمر مويه بعدين نتفاهم ..
العنود: ههههههه وربي نذله
لميس مشت تركض لعمر .. ملته مويه
وبدر بعد عنهم
بدر : طلعوني برا القائمه
عمر ماسك يد لميس الي فيها اللي : شوفي هي وحده بوحده ..
مشاري : هههههههههاي عمر .. وشوله تتطنز جاك جزائك
عمر : والله انت الحين بلحقك وبمليك مويه .. بس خلني اخذ اللي من يد لميس مو راضيه تفكه ..
لميس : تحللللللللم
فيصل كان يتناسى حزنه يبغى يعيش زيهم يبغى يشوف لميس زي مايشف بنات عمانه الثانين ..
لميس : خلنييييي ياعربجي .. ابغى املي بدر .. واحمد بعدين خذه
عمر : لااا هاتيه بسررررررعه
بدر : لالالالا عمر خذه منها البنت شكلها ناويه على شر
احمد : احس مافيه مفر .. بقعد بوسط الشباب عشان مااتملى لحالي
لميس فلتت من بين يدين عمر .. وصارت تلحق بدر ..
وبدر يركض ويضحك عليها ..
لميس تعبت زهي تلحق بدر .. ولفت على احمد
احمد : لالالا بعدين ميسو .. بتندمين ترى
لميس ركضت عنده وكان مابعد عن الشباب ..
لميس رشتهم كلهم ..>> هذيك الليله كانت منهبله مدري ايش جاها ؟؟
الشباب صرخو كلهم بنفس الوقت : لاااااااااااااا
لميس انبسطت يوم شافت الضحكه على وجه فيصل حست انها وصلت للسماء ..
بحركه مفاجئة .. مسكها عمر .. وسحب احمد منها اللي وصار يرشها بالمويه ..
لميس وهي تلف وجهها : وجهي وجهييي لايجي عليه مويه ..
زياد : خليهم ينتقمون لنا منك شوي
لميس وهي تحاول تتفلت من عمر : يالحقودييييييييين ...
تولين : يالبى اخواني ياعساني فدوه لهم ..
لميس : هيييييين يالخونه انا اوريكم ..
احمد : قالك بتندمين
ريم : ههههه مسكينه
العنود : من جد ..
امل : اهم شي قادعين نتقمون منها نادين : ههههه شوفو لورا خاقه على بدر
ملاك : هههههه من جد شكلها مفهيه
لورا : وربي خقه ... يااافديته انا ..
ناظره بدروارسل لها بوسه بالهوا ..
والبنات ضحكوو بشكل ملفت .. خلوو الكل يلتفت عليهم ..
ولورا هنا حمممر وجهها ..
لميس استغلت فتره ان عمر واحمد ملتهين وتفلتت من يدينهم وركضت للبنات ..
نادين وهي تشوف لميس متوجهه لهم وتصرخ لها : وربي لا ارجعك لهم لو جيتي
لميس : ليش مايكفي غرقوني ؟؟
غيرت وجهيتها وركضت لبدر وتخبت وراه
عمر : عاد تخبت ورا بدر ..ماراح يمسها شي ...
بدر وفيه الضحكه :ميسوو اركبي على كتوفي خل نعيد ايام زمان
لميس : ههههههه يله انزل
تولين : هييييه يامهبل
ركبت لميس على كتوف بدر وصار شكلهم يفقع ضحككك
وصار اللي ( حق المويه ) يتنقل بيد الشباب والبنات ..
وعاشو ليله مائية .. وليلة مرحه بختصار فلللله
حسو انهم يقربون لبعض تذكروو زمان .. يوم كانوو صغار يوم كانو يلعبون سوا ..
وحتى بدر&احمد&نادين&لورا .. ماحسوا
انهم اغراب عنهم .. الليلة هذي تداخلو ببعض بقووه ...
وكانو يرشون على بعض مويه .. يعني الشباب يرشون على البنات والبنات يرشون على الشباب .. ويضحكون سوا ويمزحون ..
والارض امتلت مويه ..
الساعه ((1:20))
تعبو .. وكلهم رمو انفسهم على العشب الاخضر ..
وكانو بشكل عشوائي ..
الكل كان يطالع السماء ..
عادل : يالله شقد السماء اليوم شكلها حلوو
بدر : اليوم شكلها حلوو .. ولا عشانا مبسوطين يحلا بعينا كل شي
عمر : عشان كذا الواحد حتى لو كان الحزن مغطي عليه .. لازم اذا لقى الفرحه ينسى الحزن شوي لانه اكييييد راح يرجع له
زياد : وربي اليوم ضحكت من قلب .. احس ماعمري ضحكت زي هذا اليوم ..
خالد : اول مره بحياتي اخلي الرسميه على جمب واكون على طبيعتي
فيصل : السماء سواد .. بس النجووم محليتها .. حياتنا كذا تصير بعض الاحيان سواد .. بس اكيييد فييه شي محليها
مشاري : من جد يافيصل .. كلامك دررر .. بس اعشششق شكل القمر بالسماء ..
سعود : اكتشفت شي واحد بالحياة .. الحياة حلو ولازم نعيشها بحلوها ومرها
محمد : اليوم انبسطت .. وضحكت .. وكااني من زمآآن ماحسيت بالنفسيه هذي .. بس ناقصنا عمار ..
امل : اكررره اللون الاسود .. يحسسني بالكأبه .. بس مع النجووم طالعه السماء حلووه
ملاك : اكره احد يجبرني على شي .. بس الله رزقني يقوة الشخصيه اقدر امشي رايي
العنود : الحب احلى شي بالحياة .. بس اخاف بيوم انخدع باللي احبه ..
ريم : الحياة تصير ممله اذا صارت كلها روتينيه .. الواحد لازم يكسر الرويتن اللي فيها .. ويخليها حياة .. ومثل مايقولون دايم الحياة بنعيشها مره وحده خل نسوي فيها كل شي .. بس طبعا بحدود المعقول ومانطلع للحرام
تولين : الحياة صح تعيشها .. اذا فقدت شخص كان يعنيلك كل شي بالحياة تحس الدنيا تسووود بوجهك ويظلم كل شي ..
نادين : بس انتي بمقدورك تطلعين مع هذي الكئبه .. وتخلين هذا الشخص ذكرى بقلبك وتعيشين حياتك ..
لورا : المشكله اذا انت ضحيت بكل شي بحياتك ومن صغرك لشخص مايستاهل واذا كبر ... ينسى المعروف اللي انت سويته له بكل سهوله .. ينسى التضحيات اللي ضحيتها له .. بختصار ماعاد تعنيله شي
لميس : انا مايقهرني الا شخص يستقوي على شخص ثاني ضعيف .. يعني يطلع كل جبروته على واحد ضعيف .. وين القلوب ووين المشاعر اللي انخلقت فينا ؟؟ .. وين راح كل هذا ؟؟ .. ممكن تسود الدنيا وتظلم بوجهك .. وممكن تتخلى عن شخص عشقته وحبيته من كل قلبك .. عشان تضحي لشخص ماتبغى تفقده من حياتك .. والمشكله العظمى انو اللي تعشقه يفهمك غلط .. بس فوق كذا الحياة حلوه ..
بعدها انتهى يومهم .. ورجع كل واحد بيته .. بنفسيه جديده وبمعنويات جديده ..وكل واحد رمى نفسه على سريره ونام .. بدون مايفكر بشي ولي اول مره ينامون بدون مايفكرون بشي !!
الحياة حلوة بس نفهمها
كم مره نعيش الحياة ؟
و كم حياة سنعيشها ؟
ألم تسأل نفسك هذا السؤال مسبقاً وكيف تعيش حياة سعيدة أمِنه ؟
الجواب بيدك أنت , أنت من تقرر كيف ستعيش حياتك
فالحياة حلوة ..
و لكي تجعلها كذلك فعليك
أن تتعامل معها بحكمه و صبر و بنظرة متفائله ثاقبة للأمور .
نقي نفسك من الأحقاد و الضغائن
إملأ قلبك بالحب لكل من حولك
لتجعل الصدق , الإخلاص , الوفاء رفقاء دربك
عامل الناس كما تحب أن يعاملوك
تحدث إليهم بلسان معسول فالكلمه الحلوة مفتاح القلوب المقفله
و دع الإبتسامه لا تفارق ثغرك
كن أخاً و صديقاً و حبيباً لمن حولك
تفانى بخدمة و إسعاد الأخرين
إبدأ يومك بتفاؤل و بنظرة مشرقه
تعامل مع مشاكلك ببساطه و صبر
ثق بقضاء الله و قدره و أرضى بنصيبك
تعيش قرير العين هانئاً بحياتك
اتمنى لكم حياه سعيده مليئة بالفرحه ..
الحياه حلوه ولكن تريد من يفهمها ..
فل انتِ من الذين يفهمون الحياه ؟؟!!