رضيت أحبك وبس مافيه عقب الروح روح

63

بالغرفة المهجور قاعد على الأرض وساند ظهره على السرير ..
رغم غبار الغرفة .. إلا أنه يدخل لها .. ويقعد فيها أحياناً بالساعات ..

مسك الإيشارب اللي طايح على الأرض .. ووجهه لخشمه .. وأستنقه بقووه !!
مــاكان فييه ريحة عطر .. وكان شبه مغبر ..
لكن يقربه له بدون أي خوف .. إذا شمه يحس أنه قاعد يشمها زي أيام زمان
وإذا ضمه يحس بالأمان اللي كان أول يحسه وفقده ..
مرر يده على قطرات الدم اللي بالأرض .. لكنها ناشفه .. ماصر بيده شي ..
رجع الإيشارب على وضعه وقام واقف وهو يناظر الغرفه !!

ناظر السرير المعفوس مكان جلسته أول .. ولف ناظر الكمبيوتر المكتبي ..
ولف ناظر الشباك الكبير الأبيض .. مشى لعنده ودفه بيده بخفه وأنفتح بكل سهوله .. وهب الهوا على وجهه وطير خصل شعره على ورا ..
ناظر الحديقه .. والطاولة البيضاء والكراسي البيض .. ضحك بنفسه كانت تعشق اللون الأبيض .. مرت هذيك اللحظات قدام عيونه وسكر الشباك بسرعه .. وأختفت أبتسامته .. وأمتلت عيونه دموع ..

ويتردد بباله

( بــــدر أحبك )
( بدر لا تصير زيهم خلوني ؟؟ )
( بدر لاتظلمني بيوم )
( بدر أنت تربيبتي ومستحيل تخطئ )
( بدر يانبضي أنت )
( مدري يابدورتي احس وقتي بهالدينا قرب ينتهي !! )
( خلك دوم زي أبوك )
( أنت مستحيل تخطئ ؟؟ أنت لو أخطيت أنا أقول أنك صح !! )
( حبيبي وش سويت أنا ؟؟ أكيد فاهم غلط ؟؟ )
( أحس أني أختنق ؟؟ موتي قرب )


نزلت دمعته على خده .. وراح للإيشارب وضمه بقوه على صدره

بدر بهمس : ظلمت ظلمممتك وخيبت ظنك فيني .. آآآآآه بس محتاجك ومحتاج حضنك .. والله كل هالدنيا ماتكفيني .. مابيها بس أبيك مستعد أتخلى عن أي شي بس ترجعين لي ..

ترك الإيشارب .. وطلع من الغرفة .. وتوجه لغرفة لميس ..
ودخلها .. وشافها غاطسه بالنووم .. أبتسم .. ومشى لعندها
وقعد على حافة السرير .. وظل يتأمل فيه

لميس أنقلبت .. وحست أن فيه أحد جمبها قامت .. وشافت بدر

لميس بخوف : بدر شفيك حياتي صاير لك شي
بدر تنهد : مافي إلا كل خير .. يالله بروح غرفتي

وقفته يد لميس اللي مسكت يده ..
لميس : أيش تبغى بدر ؟؟ قول !!
بدر : أبغى أنام بحضنك !!
لميس أستغربت طلبه !! وقطبت بحواجبها
بدر بضحكه مصطنعه : قبل ماياخذك فيصل وماعاد يرضالي أحضنك
لميس ضحكت .. وفتحت له يدها .. وحط راسه على صدرها .. وضمته ..
وسرعااان ماغطس بنومته .. ولميس ظلت تتأمل بوجهه ويدها تلعب بشعره الناعم والطويل اللي واصل لأخر رقبته

لميس بقلبها : ياترى وش مخبي بقلبك يابدر .. والله مانت طبيعي


_____________________


عبدالله وهو معصب : أقولك بتروح وتتكلم وتقول لهم كل شي وأنك ماعاد تبي بنتهم !!
عبدالكريم : انت غبي طار عقلك .. تبغاني أموت وأجي لك هنا جثه
عبدالله : أقول ماراح يصير فيك شي .. المهم بعدها راح تكلم لورا على أساس أنه راح تتفاهم معها على الموضوع .. المهم راح تتلاقى معها بالـــ ..... وتوقف على الدرج
عبدالكريم : ليييه طيب على الدرج ؟؟
عبدالله : بعدها راح تدف لورا من الدرج
عبدالكريم طارت عيونه : تبيني أقتل أختي ؟؟
عبدالله : لااااا .. أنت فكر فيها بعقل الحين لورا زوجة بدر !! وبدر مسجل أكيد بأسمها أراضي .. وفيه عندها فلوس كثييره .. يعني راح يجيك ورثه حلووه هاه وش قلت
عبدالكريم وهو يفكر شوي وبعدها أبتسم بشر : أتفقنا
عبدالله يضرب ظهر : هذي الهقوه فييك
عبدالكريم غمز له : أعجبك


دخل سعود ..
عبدالله : تعاااال تعاااال
سعود : هلا آآمرني
عبدالله : راح تتوجه اليوم لبيت أبو ميس وتطلبها منه أوك وأنك راح تتزوجها عشان تصلح غلطك
سعود : وششش تقول أنت لا مستحيل أتزوجها ماابي أتزوج
عبدالله وهو يحط يده على كتف سعود : ياخي بتنبسط انت .. وبعدين لاتنسى أن ميس حلوووه .. ياخي ألعب فيها شهر شهرين بعدين أرميها زي كلاب الشارع
سعود رفع حاجبه بتفكير
عبدالله كمل : وبعدين توجه لأبوك وأطلب السماح منه بعدها راح يضبط كل شي معك
سعود : تهقى أبوها يوافق ؟؟
عبدالله لقاه ظهره : أكيييد بيوافق مو أنت بتستر على بنته !!
سعود : أوك موافق
عبدالله أبتسم وهو ملقيه ظهره ... شرب من كاس الويسكي اللي بيدها
وبقلبه : والله وبدا يضبط كل شي قدامك ياعبدالله .. وبدت رحلة الانتقام .. ههه والله لا أوريكم .. وراح أبدا بروووس الشررر اللي بالعايلة أدري أن أغلى ماعلى بدر لورا .. وأغلى ماعلى تولين ميس ..

ضحك بصوت عالي : ههههههههههههههههههههههههههههههه


______________________


باليوم الثاني

نزل خالد بيطلع للشركه بسرعه .. ولا كان مننتبه للي بالصاله نايمين ..
طلع من الباب وبدون قصد سكره بقوه ..

صحى أحمد من الفجعه طاح من الكنب ..
أحمد : أحححح ..

ومد يده لنادين ..
أحمد : نادييين قومي قومي لايجون ويشوفنا نايمين هنا ليسون لنا قصه
نادين قامت مفجوعه : نمنا كل هالوقت
أحمد ونادين ضحكو سوا : هههههههههه

أخذت نادين أغراضها .. و أحمد مسك يدها وطلعو يركضون لغرفة نادين


__________________

العصر ..

قاعدين رامي وتولين .. وكانهم بجلسة محاكمه ..
تولين حاطه رجل على رجل ومتكتفه .. وتهز برجلها بقوه ..
ورامي متكتف .. وعبدالعزيز واقف قدامهم .. والكل واقف ينتظر تفاسير لامس ؟؟

اللي كان واقف المطبخ واللي عند طاولة الطعام واللي على الدرج .. المهم أنهم منتشرين بالبيت ..

عبدالعزيز : تولين تكلمي !!
تولين ببرود : عن أيييش ؟؟
عبدالعزيز صرخ فيها : توليييين لاتعصبين فيني ولاتكلميني بالطريقه
تولين ببرود يستفز : وكييف تبيني أكلمك
عبدالعزيز : بك أأمنت .. ( غمض عيونه وفتحها ) اللي تكلم عنه عبدالله أمس وشو ؟؟
تولين وقفت : تععرف فيييه عندي شغله مهمه الحييين ..
رامي ضحك على تصريفها ..
عبدالعزيز لف عليه بعصبيه : والله جايك

وماامداهم لفو على تولين .. إلا عبدبالكريم يدخل ..
وتولين كانت مشغوله بشنطتها ومنزله راسها تحبرش فيها .. ضرب كتفها بكتف شخص ثاني عندي الباب ..

عبدالكريم : لااا وش دعوه ياعمي أنا احكيلك كل شي وإذا تبي بالتفصيل
تولين وقفت وكأن شي كهربها .. وظلت على وضعيتها ..

الكل لف على عبدالكريم ..
عبدالكريم : انا خننت تولين مع وحده يوم كنـا بالمطعم
تولين بدت تتنتفض
عبدالكريم : خنتها عند الحمامات ( يكرم القارئ )

الكل فهم قصده ..
عبدالكريم : وأنــا ماابي بنتكم !! هههه انا بنتكم ماتصلح لي
الكل خاف على تولين .. لكن لفت تولين بسرعه ..
وعطته كف .. طير وجهه للجهه الثانيه ..
تولين وهي تناظر وجهه : على أيش تضحك ؟؟ تضحك على خيابتك .. ولا يكون حسبالك أني أنا مبسوطه اني أخذتك لااا حبيبي .. أنا أتعس يوم كان اللي وافقت فيه عليك .. ومااتشرف أخذ واحد زيك ..( وهي تحرك أصبعها السبابه عليه من فوق إلى تحت ومن تحت إلى فوق من بعدين ) مااتشرف أخذ فضلات غيري
عبدالكريم لف عليها معصب : وششش قصدك
تولين : قصدي اللي فهمته .. أصلا أنت مدري كيف صرت أخو لورا !! ياخي مايصلح ..
عبدالكريم لف على رامي : ماابي خذها لك وتهنى فييييها هههه
أحمد كان ماسك عمر .. ماينفلت على عبدالكريم .. يبغى يشوف أخرتها معه !!
تولين مسكت عبدالكريم من كتفه ولفته عليها بقوه : وش شايفني أنت ضاايعه بالشارع ولا بنت شوراع عشان تتكلم عني كذا ؟؟
عبدالكريم : هههه مو غريبه عليك مدام أمك كذا .. مو بعديده تطلعين عليها
تولين : والله اللي بسابع سماه ياعبدالكريم أني أعرف عنك أشياء لو بس تكلمت فيها قلبت الدنيا كلها على راسك .. والحين براااا ووالله لو أشوفك معتب عتبه البيت ماراح يصير لك طيب ..
عبدالكريم ضغط على يده وطلع ..
تولين كانت رافعه راسها وتناظر الأرض .. وبهدوء وجهت نظرها لعبدالعزيز
تولين : أرتحت يوم عرفت ؟؟
جت بتطلع .. بس فيه يد حاوطت يدها ..
عبدالعزيز : تولييين لاتختفين زي قبل
تولين : لاتخاف مو واحد زي عبدالكريم يخليني أختفي صدقني راح أرجع .. والحين أتركني خلني أروح
عبدالعزيز تركها .. مشت تولين شوي وبعدها رجعت ..

تولين : اوووه صح شي ثاني ترا انا من اول كنت أبي أنفصل عنه لسبب أني ماابي اللي صار مع ماما يتكرر معي أنا بالمستقبل
عبدالعزيز ضغط على اسنانه ..
تولين مشت ..


عمر : آآآه لو تركتني عليه الخسيس انا اختي كذا ينقالها

لورا مشت بصعوبه بسبب حملها بأخر شهورها .. الشهر التاسع ..
مشت طالعه فوق .. ووجهها أحمر خجلانه منهم كلهم خجلانه من اخوها اللي مو بيس طيح وجهها إلا دفن وجهها بالتراب ..

دخلت الغرفه .. وقعدت على السرير وظلت تضرب بوجهها

لورا وهي تبكي : ااااه ياحسرتي عليييييك ياخوي كيف ضيعت نفسك .. وطيت راسي وراسك وخليتهم بالتراب .. آآآآخ بس يالتيني مت قبل هاليوم .. يالتني مت ولاشفت هالمشهد قدامي ..

ضمها بدر بقوه يبغاها تهدا .. وظلت تبكي بحضنه ..

_____________________


لازلنا ببريطانيا .. لكــن ببيت ثاني ..

جالسين جلسة العصر .. ام ميس مسويه لهم قهوه تركيه من يدينها .. ويسولفون بكل شي ويضحكون سوا .. ابو ميس وأم ميس وميس ..

ميس ماتحسنت مره ورجعت هي هي ميس الطبيعيه .. لكن خفت عن أول ..
ضرب الجرس .. قامت ميس لكن أبوها أشر لها تقعد ..
مشى أبو ميس للباب وفتحه ..

سعود : { مساء الخير }
أبو ميس قطب حواجبه : { مساء النور .. كيف أخدمك ؟؟ }
سعود : { هل أنت أبو ميس ؟؟ }
ابو ميس : { نعم .. ماذا تريد ؟؟ }
سعود : { أنا سعود .. وللتقريب أكثر أنــا من اعتدا عل أبنتك }
أبو ميس عصب وبان عليه
سعود : { دقيقة دقيقه .. نريد أن نتفاهم !! أنا أتي لأتزوج من أبنتك وأصلح غلطتي }
أبو ميس رفع حاجب وبعد عن الباب : { أدخل }

دخل سعود ..
وقفت أم ميس وميس
ميس : وش جايبك يامسود الوجه ؟؟
سعود : مافي هلا وكيفك ؟؟
أبو ميس : أقعد وخلينا نتفاهم
ميس صرخت : مكان يقعد فيه هذ النجس أنا مااقعد فيه
ام ميس : ميييس عييب
ميس لفت عليها مذهوله : واخيرا تكلمتي عربي أووووه نسيت حتى هذا عيب .. لعلمكم العيب هو ان واحد مغتصب بنتكم تدخلونه بيتكم وتكرمونه هذا مايبيله كرم هذا يبيله تفله بوجهه
ابو ميس : أسكتي ولا كلمه .. هذا بدال ماتقولين جزآآآه بيستر علي
ميس فتحت عيونها بقوه
ابو ميس : انتي تعرفين أن الحين وبوضعك مافي احد يبيك .. ماحد يبي البنت اللي فقدت عذريتها
سعود ضحك بستهزاء
ميس ناظرتهم كلهم بحقد : انتم بترمون على واحد زي هذا ؟؟
ابو ميس : ليييه شفيه هذا مو يبغالك الستر ؟؟
ميس بهمس ودموعها متحجره بعينها : يبيه ترخصني لواحد مايسوى ؟؟
ابو ميس نزل عيونه وقلبه يعوره على بنته : ماارخصتك انا بس ابيلك الستر
ميس ناظرتهم بحقد وطلعت تركض من البيت
ام ميس : مييييس
وكانت بتلحقها .. لكن طوقها ابو ميس بيدينه
ابو ميس : ماعليك بترجع .. ( ولف على سعود ) اعتبر ميس مرتك من هذي اللحظه
سعود أبتسم : تسلم ..

طلع من البيت وهو متوجه لبيت أبو بدر .. ودخلوهو يدندن ..
رامي ناظر سعود بنص عين ..
أم عادل : حبيبي سعود يمه شلونك
سعود باس يدها : بخير ياقلبي ..
وتوجه لابوه وباس راسه : يبه
أبو عادل مارد عليه ..
سعود : يبه أنا قررت أصلح غلطتي .. بتزوج ميس ..
رامي قام معصب : أنت من جدك بتخرب علاقة حب من سنوات مبنيه بين عبدالسلام وميس ؟؟
سعود : ههه ياحبيبي شوف مين يتكلم .. اقول روح وشوف عبدالسلام بعد اللي صار ميس ماعاد يطالع بوجهها أصلا
رامي انصدم : انت واحد نصاب
سعود : مع نفسك .. المهم ابو ميس عطاني بنته
ابو عادل : نشوف انت تعدلت ولا لا ؟؟

قام وتركم ابو عادل .. والصاله شوي وي بدت تفضى ..



___________________


مشت وهي مترددة ..
ضربت الجرس .. وشوي وانفتح الباب ..

شافت وحده خارقه بالجمال .. كانت لابسه بنطلون جينز وبدي .. وشعرها مفكوك ووكيرلي .. وعيونها خضراء غامقه ..

أم رعد : { كيف لي أن خدمك ؟؟ }
تولين للحين طايره عيونها معقوله هذي أمي اللي أنجبتني ؟؟ معقوله هذي هي اللي رمتني وين كرامتي جايه وحده رمتني ولا تبيني ؟؟
أم رعد عصبت : { ماذا تريدين ياانسه ؟؟ }
تولين : { انا ابنتك توليين }
ام رعد حطت يدها على فمها وشهقت وعيونها أمتلت دموع .. وسحبت تولين لصدرها .. وبعدها عن حضنها لكن للحين بيدينها ماسكين عضود تولين ..
ام رعد : { أهذه انتي حقاً ؟؟ }
تولين بهمس : { نعم حقا انا أقف امامك هه }
ام رعد دخلتها داخل البيت .. وسكرت الباب .. وجلستها ..

ام رعد : { امم ماذا تريدين ان تشربي ؟؟ }
تولين ابتسمت : { لاشي }
جت وقعدت جمبها ..
ام رعد : { امم كيف حياتك }
تولين : { لازلت على قيد الحياة .. عرفت قبل اسبوعين او ثلاثه .. بعيد ميلادي الواحد ولعشرون .. اني لست ابنت ليلدا .. وانما ابنتك انتي وابي عبدالعزيز }
ام رعد حركت راسها : { إذا سمعت كل شي من عبدالعزيز ؟؟ }
تولين بإحباط : { نعم }
ام رعد حطت راسها بين يدينها : { انا انا لااعرف كيف فعلت ذالك اقسم لك انني لم اكن اريد فعله ولكن }
تولين تجمعت دموعها بعينها : { ماذا ؟؟ ماذا لم اسمع لم تريدي .. لماذا ياامي رميتني .. ولا حتى سألتي عني ؟؟ امي لم اعش حياة سعيدة أبدا ؟؟ هل كنتي تظنين اني سعيدة مع يلدا وان يلدا كانت سوف تعاملني مثل أبنائها ؟؟ امي لم اذق طعم الحنان ابدا لم اعييش طفولتي لماذا رميتني هكذا ؟؟ }
ام رعد : { ألم تتذكريني أبنتي .. كنت أتي لمدرستك يوم ان كنتي في الثامنه من عمرك }
تولين سكتت وكانها بدت تتذكر
ام رعد : { دعيني احكي لك قصتي وسمعيها إلى النهاية أرجوك }
تولين ناظرتها : { أسمعك هيا أبدائي !! }


____________________