خيِّال ومُهرة

part«30»

«بسم الله الرحمن الرحيم»

خيَّال و مُهره
آمنه عادل

لا تنسون التصويت والتعليق بين الفقرات♡

ـــــــــــــــــــــــ

‏لم أكن يوماً امرأة الضوضاء ولا الزّحام؛
أنا ابنةُ الأناة،
أفرّ من لُجج الحياة لشواطئ السّلام..

♡ـــــــــــــــــــــــ ♡

«افنان»

رجعنه البيتنه بعد ما مرت ايام طويله وصعبه واحنه بـ بيت مُهره..

اجت ويانه مُهره وديار و روسلينا والولد كلهم نظفنه البيت ورتبنه الغراض كل شي بمكانه الصح...

جابولنه عشى من بره فرشت السفره وگعدنه كلنه سوه وضحكاتنه ماليه البيت من صدگ صرنه عائلة مستحيل تتفكك..

علي: يلا باچر كلكم تجون تنظفون بيتي همين..

ياسر: ان شاءالله..

ام رضا: حضرلنه غدا طيب...

علي: تدللين كم خاله عندي اني...

صار الوقت متأخر وطلعو اني رحت نمت ثاني يوم رحت للجامعه وچان عدنه امتحان و اني ولا قاريه كلمه لان بقيت انظف ونسيته...

عفت ديار ومهره ورحت گعدت وحدي على كراسي بالحديقه وبديت اراجع مرت نص ساعه واني گاعده گمت رحت للقاعه شفت الأستاذ احمد موجود...

ــ السلام عليكم..

ــ وعليكم السلام...
صار 10 دقايق من بده الأمتحان...

ــ اعتذر مادري بالوقت..

ــ الاعتذر يرجع الوقت لا تصيرين مهمله..

ــ اني مو مهمله بس البارحه ما گدرت اقره للامتحان وهسه قريت وما حسيت بالوقت...

ــ ويااا ست افنان ليش ما گدرتي؟

حسيت بروحي راح اروح اخنگه تنهدت بنفاذ صبر وگتله..

ــ انتقلنه البيت جديد..

ــ ديلا دخلي وبعد لا تتأخرين راح افوتها الچ لان اول مره...

دخلت گعدت انطاني الأسئله وشويه صعبات القاعه كلها خلصت وطلعت واني بعدلي سؤالين احتريت بجوابهن...

ــ افنان شنو ما خلصتي؟

ــ بعد سؤالين..

ــ بلا خلي اشوف...

تقرب يمي واني حابسه دموعي اول ما باوع بورقتي گال..

ــ هذا قبل يومين شرحناه وانتِ گمتي بيه وانطتينه نقطه عنه...
بقيت صافنه بوچه اريد اتذكر مرت دقيقه يلا اتذكرته وصحت بصوت نسيت نفسي...

ــ تذكررررت...

ضحك بصوت عالي اول مره اشوفه يضحك..

ــ يلا كتبيه وذاك القاني ما اساعدچ بيه بعد...

حليت الثاني عليك يا الله وطلعت رحت يم مُهره وديار..

ديار: ها ولچ تأخرتي؟ جاوبتي لا؟

افنان: اي الحمدلله جاوبت وهذا صديق اخوچ ساعدني بـ سؤال...

مُهره: استاذ احمد اول تالي يساعد واحد بالمتحان..

ديار: خرب عرضه هو شلون استاذ احمد..

مُهره: ولچ عبالي من تتزوجين تبطلي سوالفچ...

افنان: والله هو حلو واحد يحچي الصدگ ومن اشوفه احس بروحي ما گاعده بالعراق من وره اناقته و قبل شويه ضحك بصوت عالي بالقاعه بقيت صافنه عليه اكو واحد من يضحك يصير هيچ حلووو...

ــ ااااا.... احمم..

درت وجهي وشفته گدامي حسيت الحراره گامت تطلع من اخدودي تمنيت الگاع تنشگ وتبلعني...

ــ افنان نسيتي جنطتچ..

اخذته من ايدع ةبالگوه طلعت الكلمه..

ــ شكراً استاذ...

ــ عفواً..

عافنه وطلع واني غميت گصتي و مُهره وديار ماتن من الضحك..

اكثر موقف محرج تعرضتله بحياتي بحيث من اتذكره گبل اگول العقلي..

ــ غير الموضوع...

ـــــــــــــــــــــــ

«مُهره»

مرت الايام وبدت حالتي النفسيه تتحسن رجعنه من الجامعه اول ما دخلت لگيت ياسر متمددعلى القنفه..

ــ السلام عليكم..

ــ وعليكم السلام.. وين ديار؟

ــ راحت ويه مالك مو گالت البارحه..

ــ ها نسيت...

ــ نروح الـ بيت علي؟

ــ لا اتفق ويه شركه نظفو البيت..

ــ ها اني راح ابدل واجي اصب غدا..

رحت سبحت بسرعه وبدلت لبست ثوب قصير و مشطت شعري وعفته مفتوح رحت للمطبخ چان هو مسوي تمن و قطع دجاج مشويه ابتسمت من شفت المطبخ شلون مرتب ونظيف والاكل محضره على ميز الطعام..

فزيت من حسيت اديه حاوطت خصري مضمني وهو بظهري حط راسه برگبتي و گال..

ــ مشتاق الريحة الشامبو مالتچ...

ابتسمت وحطيت ايدي فوگ اديه..

ــ اني مشتاقتلك بكل شي حتى بالطبخ...

ــ يلا تعاي اكلي ضعفانه هوواي.

ــ اي.. ذيچ الأيام واحد حتى ميگدر ياكل.

گعدنه ناكل وغسلت الماعين ورحت للصاله چان گاعد يباوع بالتلفزيون رحت نمت وحطيت راسي على رجله وبقى يلعب بشعري الحد ما غفيت وحسيت بيه رفعن وريحته قريبه من فتحت عيني لگيته شايلني حاوطت رگبه بأديه وحطيت راسي على صدره..

ــ اني احبك...

ــ واني اموت عليج..

ــ اريد ابقى بحضنك..

ــ يوم الهنا...

نزلني على السرير ونام بصفي وضمني بكل بقوه و رجعت غفيت گعدت قبل المغرب بشويه سمعت صوت بره بدلت ولبست حجاب وطلعت لگيت راشد ومالك و ياسر گاعدين سلمت عليهم و رحت للمطبخ لگيت ديار تسوي اكل..

ــ هاا ياحلو صح النوم..

ــ هلا حبيبي.. تونستو حلوه الطلعه لا ؟

ــ اي والله كولش تونست اول ماطلعنه رحنه مطعم تغدينه ورحنه للامام الكاظم عليه السلام زرنه ورجعنه للبيت اول ما وصلنه البيت فارغ گعدنه بالستقبال واول ما فتحت الربطه الابستها تقرب عليه مالك ودخل ياسر ..

ــ يااا... هههههههه...

ــ ولچ لو تشوفين شلون دفعت مالك دفعه خطيه انصدم...

ــ ههههههه.. وياسر شسوه؟؟

ــ اول ما شافنه طلع بسرعه بس اني متت منوالفشله من مالك و من ياسر..

ــ شدسوين اكل..

ــ طلعت كبه راح اگليها واشوف شسوي بعد وياها..

ــ راح اسوي زلاطه..

ــ تمام...

حضرنه عشه وگعدنه ناكل..

مالك: اگلك ياسر امي تريد تعزمكم غدا حتى بيت خالتك..

ــ ميحتاج يمعود..

ــ صارلها شگد تگلي واني انسه اگلك تعالو باچر تغدو يمنه واني راح اتصل بـ رضا وعلي همين يجون..

ــ ان شاءالله...

راشد: سويلنه دولمه بروح ابوك...

مالك: تدلل...

راشد: شو انته صاير حباب من اخذت ديار گمت تحچي واياي بـ احترام؟

مالك: خاب هو صوچي انت مال واحد يحترمك...

راشد: طبعاً تحترمني غير بس تزل وياي اخذ ديار وما اخليها تزوجك..

مالك: شگد ساقط..

راشد: هااا تريد من هسه ابدي...

ياسر: بسكم نگره..

مالك: يلا اني راح اروح وعاشت ايدكم ..

سلمو عليه الولد وراحت ديار توصله للباب وراشد راح نام..

ياسر : باچر تداومين؟

ــ ايي...

دخلت ديار...

ــ اني راح انام لان ميته تعب..

ــ تمام براحتج حياتي..

رحت غسلت الماعين و طلعت بـره گعدت بالگاع اباوع على المكان شگد ارتاح من اگعد بيه..

ــ گاعد هنا الحبيب صار ساعه ادور عليچ..

ــ تضيعني تلگاني هنا..

گعد يمي حاوط وجهي بـ اديه وگال..

ــ اريد اسوي اليعجبني...
وانتِ متعترضين..

ــ شن.....

قاطعني من اتقرب عليه بسرعه وباسني واني بقيت جامده الحد ما ابتعد ...

ــ خرب ابوي شگد طيبه..

ــ عيب...

ــ العيب بجيب...

ــ اكو واحد يبوس هنا المن عدنه غرفه لعد...

ــ اريد هنا وبالغرفه اريد اجرب بكل الأماكن..

ــ راح ادخل..

گمت انفض بملابسي مدلي ايده وگال...

ــ اخذيني وياچ...

انطيته ايدي وسحبني عليه وگعت عليه هو نام و اني صار راسي على صدره...

ــ ياسر انوجعت...

ــ تكبرين وتنسين...

ــ اريد اگوم...

ــ بس شويه اطيني حب وحنان...

ــ ههههههه... حب وحنان..

ــ اي...

حطيت راسي على صدره و حاوط ظهري بـ أيد و الأيد الثانيه حطها على راسي...

ــ تدري؟

ــ لا...

ــ احب عطرك..

رفعت راسي باوعت عليه مبتسم ويباوع عليه..

ــ احس لمن انتِ يمي كولشي يختلف..

ــ حتى اني...

ــ ‏آنا وأنت وهذا الليلُ والقمرُ
‏نذوبُ حُبًّا ولا يدري بنا البشرُ..

رفعت جسمي وگتله..

ــ يلا خلي ندخل..

ــ اجيت...

دخلت جوه باوعت على ملابسي طلعت مالـ نوم اسود لبسته حطيت حمره طفيت الضوه وشغلت الشموع شتريتهم ويه ديار من اشترينالها فستان...
عدلت السرير ورحت حطيت عطر وخليت بالغرفه وجاي ارجع العطر المكانه وانفتح الباب ودخل حسيت بيه تفاجأ بشكلي و ترتيب الغرفه..

تقرب عليه بعد خصله من شعري حطها وره اذني وگال بصوت ذايب

ــ دوهَنِتني وضَيعت گَلبي الِرچيچ
وآني تايّب ويّني و ويَن العِشك !

ابتسمت تقرب بهدوء طبع بوسات متفرقه بعيوني وشايفي وخدي واستقر برگبتي شمني حيل وگال..

ــ احبچ..

ــ اني همين....

هنا چانت اول ليلة نقضيها سوه ليلة كلها حب ودفو...

ثاني يوم رحنه للجامعه ومن طلعنه رحنه گبل البيت عمت ياسر نتغده يمها..

من وصلنا سلمنه ولگيت علي وروسلينا واصلين قبلنه گعدت يمهم..

علي: عندي الكم خبر..

ام رضا: ان شاءالله خير..

علي: روسلينا حامل...

مُهره: صدگ ياحياتي الف مبروك.. رحت بوستها

روسلينا: الله يبارك بيج يروحي..

ام رضا: ياا بعد گلبي الف مبروك يمه...

مُهره: مبروك علي..

علي: الله يبارك بيچ يوم الـ الكم ان شاءالله..

مُهره: ان شاءالله...

ياسر گام ضم علي ويسولفون بصوت ناصي ما اسمعهم..

ديار: عمه اساعدچ؟

ام مالك: لا حبيتي ارتاحي البنات خلصن بس منتظرين ام رضا تجي ونفرش السفره..

بقينه نسولف الحد ما اجو رضا وعمتي وافنان سلمو وگعدو يسولفون واني وديار وافنان رحنه ويه زينب وسجى نصب الغدى..

اغلب الأكل من بره بس شكله طيب..

زينب: تدرن گلبي مفرفح عليچن اريد نسوي گعده وره الغده ونگعد نسولف..

ديار: اي والله صار هواي مگاعدين گعدات حلوه..

مُهره: اخذ السفهره..

سجى: اجيت وياچ نفرشها..

اول مره سجى تحچي وياي احس بيها متحبني بس يمكن هي طبيعتها هيچ تتعامل بـ برود..

اخذناها اني وياها فرشناها وراحت سلمت على عمتي ام رضا وجاي ترجع نروح للمطبخ وشافت رضا وبقت واگفه بمكانها ما تحركت..

رضا: انتِ شجابچ هنا؟؟

سجى: هذا بيتي انته شجابك؟؟

يتبع🦋....

ـــــــــــــــــــــــ

باچر بارت جديد ♥

حبايب لا تنسون التصويت