خيِّال ومُهرة

part«36»

«بسم الله الرحمن الرحيم»

خيَّال ومُهره
آمنه عادل

حبايبي لاتنسون التصويت والتعليق بين الفقرات 🤍

ـــــــــــــــــــــــ

‏‏لا تدع
‏الأيام
تأخذك منّي
‏لا تسمح
‏أن نكون يومًا
‏دون بعضنا...

                      ♡ــــــــــــــــــــــ ♡

«سجى»

گعدت من النوم واحس بنفسي تعبانه وجسمي متكسر احس بصخونه داخليه ما اكلت شي عكس العاده بس سويتلي حليب شربته وطلعت للدوام..

واحس ما طايقه اي واحد هناك لا بنات ولا ولد..
طول الوقت يتشاقون ويضحكون مرات رضا يشاركهم بس قليل مدري ليش الگه نفسي مرات اراقبه وهو يشتغل لو من يحچي وياهم اركز وياهم..

واني طبعي ما اهتم باليحچي ابد..

واني ادخل للشركه شفت رضا دخلنه سوه گال...

ــ السلام عليكم..

ــ وعليكم السلام..

اني چنت لابسه بنطرون وقميص ولافه شعري وحطيت شويه مكياج لان مالي خلگ..

دخلنه للغرفه سوه وكالعاده بدت سوالفهم والريوگ وريحة البيض السلگ تلعب النفس ما اطيقها..

رحت الرضا گتله..

ــ عادي تفتح الشباك اليمك..

ــ اي عادي..

ــ اختنگت من الريحه..

ــ عبالي بش اني ما احبها...

ابتسمت بمجامله وهو گام فتحه واني رجعت المكاني بديت اشتغل..

واكو واحد اسمه حسن مزعج الدرجه عمره چبير وبس يباوع وحركاته تلعب النفس وكل شويه يجيبلي شي وارفض وحتى ما ابتسم بوچه ومرات يحاول يحچي وياي اعوفه واروح..

اعرف هسه تگولون اني قليلة ذوق بس ما احب اجامل ابد الاحبه والاكرها ابينله بسرعه..

تقرب للميز مالتي وبيده كوب شاي گال...

ــ لا ترفضين مره وحده اخذي مني..

حطه على الطبله..

ــ ما اريد بلا زحمه اخذه وياك..

ــ اريد اسئلچ سؤال انتِ على شنو شايفه نفسچ هيچ نرى طبعچ يلعب النفس..

ــ عفواً....
اني طلبت منك تنطيني رئيك بيه؟
وبعدين اني گايلتلك تعال احچي وياي؟
شگد ناس متستحي...

شو هذا لزم الجاي وگلبه على الأوراق العلى الميز باوعت عليه مصدومه..

واحس ذرة عقل مابقه براسي..

ــ هاااااي شسوووويت؟

ــ علمود تحترمين نفسچ وتحچين عدل...