خيِّال ومُهرة

part«27»

«بسم الله الرحمن الرحيم»

خيَّال و مُهره
آمنه عادل

البارت قصير وان شاءلله اعوضكم بس من صدگ ماعندي وقت بالگوه سويت وقت الهذا البارت صح صغير بس احسن من ماكو🥲
لا تنسون التصويت ♥

ـــــــــــــــــــــــ

وإن أعادوا لكَ الطريق فمَن يُعيد لكَ خُطاك؟
وإن أعادوا لكَ صوتَك فَمَن يُعيد لكَ الكلمات؟

♡ ـــــــــــــــــــــــ ♡

«مُهره»

طلعن البنات واني اخذت موبايلي صورت نفسي كم صوره و ما حسيت الا نفتح الباب و دخل ياسر مبين ميدري بيه لان فتح الباب باوع عليه ودار وچه بعدين رجع باوع عليه مصدوم..

واني حسيت گلبي وگف دخل وسد الباب اتقرب مني بخطواتت ثابته وكل خطوه يتقرب بيها احس روحي راح تطلع...

صار قريب مني هو لابس قميص اسود ومفتوحه كم دگمه يم صدره وبارزه سلسه فضيه ولابس بنطرون اسود قماش ومشط شعره بطريقه تختلف عن يوميا طالع كولش انيق ومرتب

عينه ما شالها مني تنتقل بين جسمي وعيوني وكل تفاصيلي...

وگف گدامي يفصلنه شبر و عيونه تتنقل بـ تفاصيلي.

ــ واني بَس حيرني حسنچ
مُمكن أفهم وين حَده ؟

حچيت واني الرجفه ملازمه حتى صوتي

ــ اطلع ياسر...

حط ايده على خدي واني بدون وعي غمضت عيني حسيت انفاسه تضرب بوجهي..

ــ اني احبج...

فتحت عيني باوعت بعيونه نظراته چانت تكفي عن الكلام كله..

تقرب على اذاني وهمس..

ــ شلون بوجع گلبي؟
ارجعيلي مُهره كافي تعبت..

طبع بوسه سطحيه على شفايفي وطلع بسرعه..

واني فصلت عن العالم وادي ترجف وگلبي يدگ بسرعه حطيت ايدي على گلبي وگعدت على السرير حسيت رجليه ميحملني بعد..

شويه واجتني ديار..

ديار: يلا تعالي اجتي روسلينا..

سحبتني من ايدي وطلعنه رحت يم روسلينا طالعه تجنن بستها وگلت..

ــ ولچ شنو هذا الجمال طالعه تجننين..

ــ ياروحي انتِ همين طالعه كولش حلوه...

شغلنه اغاني ورگصنه كولنه سوه من صدگ تونسنا وحسيت صار شگد حياتي مفارگه الفرحه..

ام رضا: عمه مُهره بلا شوفي رجلچ وين العشا؟

مُهره: راح البس حجاب واشوف منو بره اصيحله..

ام رضا: اي بعد امچ...