«بسم الله الرحمن الرحيم»
خيَّال ومُهره
آمنه عادل
ـــــــــــــــــــــــ
.. شلونكم شخباركم
نبدي البارت الاول بسم الله
لا تنسون تعلقون وتنطوني رئيكم وتابعو الحساب
@amna_adell
~~~~~~~~
ردتك تداوي جروح گلبي
♡ـــــــــــــــــــــــ ♡
في ليلة بارده
لا اريد شيء يغطيني..
اردت من البرد ان يصل لعظامي..
اردته ان يصل الى قلبي...
ليطفئ تلك النار التي تلهب داخلي....
«مُهرة»
كعدت من نومي قبل ما تطلع الشمس
رحت بهدوء للكنتور طلعتلي ثوب وحجاب لبستهن بسرعه وطلعت بلا ما احد يحس بيه وركضت للمكان الاحبه اركض وابتسامتي ما راحت من وچهي وصلت النخلتي وصديقتي التسمع سوالفي الحلوه والبايخه.
كعدت جواها واني اكللها بهدوء
-ما تأخرت عليج موو؟
تچيت ظهري على جذعها واني اباوع للشط البده ضوه الشمس يعكس عليه...
احب تفاصيل حياتي مايمر يوم اذا ما اروح للنخلة واگعد اباوع الشروق الشمس...
رجعت للبيت لگيت امي وابوي يتريگون اول ما شافني ابوي گال
-خايبه انتِ مخبله يوميا رايحه للنخله وترگضين من الصبح شماالچ
-بويه شنيه خليني براحتي.
-ومدري شني تعاي اكليلچ لكمه خلي نروح نشتغل.
اكلت على السريع ورحت اشتغل ويه ابوي شيگلي اسوي، اطي اكل للهوايش لو للدجاج اسوي كلشي لان احبهن كلش..
خلصنه شغل رجعنه للبيت ولگيت امي تسوي غدا ومخبوصه
-ها يمه شبيج ترگضين هيچ وهيچ؟؟
-راح يجون بيت ابو علي صديق ابوج هو ومرته وبته.
-صدك؟؟؟
ضليت اگمز من الفرحه مادري بروحي
-خايب ومرض شبيج انصرعتي، روحي نظفي الديوانية
-خوش رايحه
رحت نظفتها نوب دخلت سبحت وبدلت وظفرت شعري..
صديق بابا عنده بنيه و4 ولد ما يجون وياه الولد قليل بس كل ما يجينه يجيب وياه بته (ديار) صارنه صديقات مقربات يمكن صار 6 سنوات كلش احبها وهي همين..
كل ما تجي تجيبلي وياها كتب بالبسكوت من اهلي علمود ما يدرون اقراه نوب ارده الها..
صدك اني ما خلصت دراسه للثالث متوسط خلصته وبطلت وبالگوه وصلتله من وره ابوي ما يحب الدراسه بس چان عمو ابو علي ميقبل وكل مره يريد يبطلني ما يخليه..
YOU ARE READING
خيِّال ومُهرة
Romanceتركت كُل ما هو مؤلم لقلبي وقررت ان ابتعد كل البعد وانا في البعيد التقيت ما عوضني عن كل الم سابق و احببت من استحقه وحبني من استحقني 🤍
