خيِّال ومُهرة

part«35»

بسم الله الرحمن الرحيم

خيَّال ومُهره
آمنه عادل

لا تنسون التصويت ♥

ـــــــــــــــــــــــ

تكتم ما في قلبك لعدة سنين و
عندما تنفجر تصبح أنت الوغد الوحيد !

♡ـــــــــــــــــــــــ ♡

«سجى»

بعد التخرج اكثر من سنه اخيراً طلع تعيني بشركة النفط طبعي بكل شي انخبص قبل الدوام بيوم اخذني مالك اني وديار للمول اشتريت ملابس وغراض محتاجتهم ورجعت للبيت اني غرفتي وحدي فوگ وزينب غرفتها جوه..

صعدت غراضي وبديت ارتب بيهم بالكنتور ما احب اشوف شي مو بمكانه كملت حضرت ملابس الاداوم بيهم باچر وىحت نظفت وجهي من المكياج وفرشت اسناني ونمت..

گعدت على صوت المنبه الساعه6 الصبح رحت سويتلي ريوگ اكلت وبدلت...

احب كولشي بحياتي يكون نظامي وبوقت مرتب ما احب الفوضى..

اخذت سويچ السياره الشرتليها ماما قبل شهرين رحت للمكان الاشتغل بيه ودخلت للمدير كملنه اجرائات ورحت للغرفه البيها مكتبي وشغلي واول مادخلت..

ــ السلام عليكم..

الكل: وعليكم السلام..

ــ انتِ الموظفه الجديده..

ــ اي نعم... رحت للمكتب مالتي طلعت كليس مبلل من الجنطه ومسحته وسحت الكرسي و گفت انتظرهم ينشفون رفعت راسي اباوع الكل يباوع عليه..

درت وجهي للمكت اليمي واشوف رضا ابن خالت ياسر گاعد يكتب بالحاسبه الگدامه اني غلست سويت نفسي ما اعرفه...

انتها الدوام ورجعت للبيت تعديت ورحت نمت...

مر اسبوع كامل واني اروح وارجع وطلعت السالفه كولش متعبه و ابد ما حچيت ويه رضا وهو همين عكس الولد الموجودين كلهم حاولو يتقربون مني وصديتهم و كم مره اخلص كتابه من الابتوب ارفع راسي اشوف كم واحد يباوع عليه بس ولا مره لمحت رضا مسوي هيچ..

وبيوم رجعت من الدوام تغديت ونمت من گعدت مالك گال تجين ويانه نوصل ديار البيت ياسر ونبقى نتعشا يمهم ونرجع واني وافقت لان صار هواي محاچيه ويا ياسر مشتاقتله..

رحت بدلت على السريع ورحت ويه ديار لگيت زينب همين جايه...

زينب: شعجب اجيتي؟

ــ ليش شنو تردين؟

ــ ما اريد بس مو من ضمن جدولچ..

ــ معليچ زينب لا تدخلين بيه..

ــ اوووي عيني اسفين ادخلنه بحضرتچ..

ــ غثه...

ــ ماكو غيرچ غثه...