#طاغوت
لـ روان الشمر
وصلو التصويت الفين+تعليقاتكم+مُتابعه لحسابي Rawan_alshammari🧡
_________________
"لا أريدك أن تنخدعِ بألواني
هذا لايحدث إلا عند مجيئك
أنا رمادية تمامًا"
___________________
اياز
احس الرجفة لزمتني باوعت لعيونة احس فصلت عن كُل الي موجودين اردفت بدون وعي
اياز: ليش هلكد حَليان
ابتسم وتقرب حضني خلة راسة على جتفي انفاسة الحارة لفحت ركبتي باد حيلي لزمني حيل رفع ايدة و نزلها على ضهري ثواني وأشتغلت اغنية
قربني الة اكثر من وصل مقطع من الاغنيه وصار يدندن بي
قَلبي بيشتأقلك بجنون،
مابعرف من غَيرك كون
ولا بأقدر مع غيرك احكي
طول الاغنية و هوا صافن و سرحان ومُبتسم الابتسامه ما غابت عنو ابدًا، صفن بعيوني واني تايهة بين عيونة ورموشة الي ضيعن كَياني
طبع بوسة على خدي و كال
-هتان: عيونـج تَلمـع مثل الفينوس
عكدت حاجبي:- شنو فينوس؟
-هتان: نجمـة الحُب تُدعى فينوس عيونج تَلمع نفسها تمامًا.
نزلت راسي خجلانة ماعرف شكول
مشاعر اهواي ابداخلي مشاعر حب حزن خجل فرح خوف
تقرب مني أكثر همس
-هتان: غطي نفسج الاويس يريد يدخل يبارك الج
اخذت البركع غطيت شعري التفتت الة ابتسمت
ماعرف احس ما مصدكة كل شوية التفتت الة
الكل عرف انو راح يدخل الاويس البنات لبسن شوية و دخل الاويس وراه اصيل!!! انصدمت بجيته غرغرت عيوني دموع شويه والبنات شغلن اغنية
-اخوي الزود وحزام الضهر
-ابد ميطيح وضهرة منكسر
-الخوة اجناح وتعلى البشر
طفت الاغنية لحد هذا المقطع عيوني كلهة دموع واني اشوف أصيل كدامي بشحمة و لحمة جان طولان وكتافه عرضانه وجهه ضعفان مبين متعوب بس احسن من قبل غدرني ادموعي من كال
-اصيل: اشلونج ياحيل اخوج
هتان حضني من صرت اشهك بصوت اصيل يختللف عنهم الوحيد الي من البدايه حسيتة اخوي من اشوفة جن شايفة اخوي الي ما حصلتة
هتان مسح دموعي التفتت الاصيل
-هتان: ماخيبت ضني وأجيت يا ضلع اخوك
تقرب حضنه وكال بأبتسامه وصار يربت ؏ ضهرة
-أصيل: الخوة ماتنراد اذا ماتنحضر بحرارة المواقف
ضحك هتان وحضنه كدام الكل ابتعد منه اندار الي مُبتسم
-اياز: شلونك اخوي انتِ
اصيل: هذا المنظر كلة كدامي شتردين اكون اكيد ابخير واني اشوف اختي الي ماجابتها امي راح تكون عائلة و تستقر من أخوي كلش فرحت الج
الاويس: الف مبروك ام زروف
من بين ادموعي ضحكت على كلمة الاويس الي طلعت سريعه باوعت الهتان غمزلي جان يوم مليان دموع فرح صار لازم يرحون همس هتان
-هتان: رايح وشايل وياي المُعجزات السَبع
اياز: هتان اهواي تتغزل ترا استحي خاف بس
بالبداية هيج و بعدين أطلع الغزل من عيوني
ضحك و كام طبع قُبله على راسي وطلعو من بعد ما سلمو علية الخطار بدو يرحون، احت شكيناز تعدل برةحه ومايله حلكها
-اياز: شبيج كالبتها للخلقه
-شكيناز: المسعور ماشايف حلوات بس يبصبص
-اياز: يا مسعور
-شكيناز: قصدي على ولد جان هنا مايكعد راحه
عفته مستغربه صعدت سبحت و لفيت راسي و نمت ما كعدت الة الثاني يوم على اتصال هتان
-اياز: هلو هتان
-هتان: اهلا شلونج ام زروف
-اياز: الحمدلله وانتَ
-هتان: الحمدلله شنو كعدتج من النوم
-اياز: لا شنو اصلا كاعدة من زمان
-هتان: تمام لعد بـ6ونص اجي عليج نطلع
-اياز: وين؟!!
-هتان: من نطلع تعرفين يلا في امان الله
ابتسمت و سديت الاتصل كمت غسلت وجهي و نزلت نفس روتين كل يوم تتنظيف و غدة خلصنة كلشي صعدت سبحت و طلعت مشطت شعري و حضرت نفسي بقيت انتظر دزلي
-انزلي اني بالباب
-شنو متدخل تسلم على خالو
-اتصلت عليه و سلمت شني كلساع دنزلي يا حبيبي
ضحكت:- نازلة
سديت التليفون و اخذت الجنطة و نزلت لاكتني شكيناز
-شكيناز: هاي شنو وين طالعة بس لا جاي تشردين
اياز: انجبي ششرد طالعة وي هتان
-شكيناز: اااخ الله شوف حياة المخطوبين شكد حلوة
-اياز: اي يوم الالج
ضحكت و عفتها و طلعت اول ما فتحت باب الشارع لكيتة واكف يباوع للباب ابتسمت الة تقرب حضني حيل همس
-هتان: أشتاقلج ابو ختم حيييل
بادلتة واني الخجل ماكلني ماعرفت شنو ارد
مرت ثواني وادركت احنة ابنص الشارع ابتعدت وتلفتت منا و منا
-اياز: عزا عزا هاي شنو شلون تحضني بنص الشارع
-هتان: محد موجود امشي صعدي
مشيت بدون كلام واني بعدين متوترة لا احد شافنة!! واذا شافنة غير خطيبي طز ضحكت على نفسي..
صعد و مشيت السيارة بقينة نسوللف والضحكة شاكة حلكي وكفت السيارة كدام مول نزلنة واحد لازم ايد الثاني
بقينة نمشي و هتان كل محل يمر من يمة يدخل نشتري و نطلع واني ما كول لا من المستحة
-اياز: هتان كافي تعبت خل نرجع صارت دنيا اغروب
-هتان: وين نرجع!!
اياز: للبيت يعني وين مثلا للفندق، حطيت ايدي على حلكي استوعبت روحي شجفصت ضحك وباوعلي بنظرة مُكـر
-هتان: عادي اذا تردين نروح ماكول لا
ضربته بكتفه حيل علت ضحكته والناس صارت تنضر النه عفته ومشيت ضايجة اجه لزم ايدي وصار يمشيني وياه أبتسمت لا اراديًا
طلعنة رحنة المطعم نزلنة اكل طول ما احنة كاعدين واني منتبة على البنية كل شوية رافعة رأسهة تباوع الهتان وتضحك احس نار شبت بداخلي
-هتان: شبيج اياز؟
-اياز: شنو شبية
-هتان: ليش ما جاي تاكلين ماعجبج الاكل؟!!
-اياز: لا بالعكس كلش طيب
ابتسم واني أبتسمت مجاملة عكس الي بداخلي كملت وهتان بعدة اشوية و البنية كامت من الطاولة تقربت يمنا و جان تشمر ورقة بلكاع اني اهنا بعد مكدرت الزم نفسي فتحت عيني ؏ وسعهعا قبل لا تروح لزمتها من ايدها حيل
-اياز: شنو هل تصرف تشمرين رقم و تمشين
-هتان: ايااااز
-اياز: شنوووو اياز
التفتت الها الي واكفة مصدومة الناس كلها تباوع اتقرب هتان سحبني الة الدموع اجمعن بعيوني
-اياز: ويين اهلج عنج وحدة بلا ترباية من شفتيني اني وياه وهوا ما معبرج شلون تشمرين الرقم و تهينين نفسج يا رخي...
-هتان: اياززز كافي!!!
البنية مشت سريع بدون متحجي حرف وشنو تريد اتكول ابتعدت عن هتان و كعدت واني وجهي كاب نار
-اياز: وديني للبيت
هتان: هذا تصرف تصرفيه بهذا المكان
هتان صار بركان من العصبية واني كابة نار يعني الفرحة مادوم الي.. استغفرالله
حاسب و طلع امشي كدامة فتحة السيارة صعدنة بدون كلام السيارة هدوء عكسنة مجرد تذكرت شون تباوع الة شهكت حاولت اكتم الشهكة بس ما كدرت وكف السيارة التفتت الي
هتان: شبيج حمامتي ليش جاي تبجين
ترا متستاهل تنزلين هذا لؤلؤ بسبب وحدة رخيصة
اياز: الجلبة اكلتك بعيونها عساهن بالعمة كول امين لا استغفرالله لا اشيل ذنبها
حاول يخفي ضحكت ضربتة بخفة على كتفة قدم الي وايبس
-هتان: مسحي دموعج الغاليات لا تنزليهن الة وقت الفرح
-اياز: يافرح كل مافرح شوية يصير سالفة تخرب فرحتي
-هتان: اكيد هسة انتِ ضايجة لان ماتعشيتي زين تردين اطلب دلفري نتعشى بسيارة
-اياز: ماريد انسدت نفسي
باوعت الة وعيوني كلهن دموع قرب ايدة يمسح على خدي ويجر بي ميلت راسي على ايدة و غمضت عيوني
هتان: انيي شلون ويي الحلوين.. شو تعاي ابوسج
من سمعتة كال هيج فزيت و أبتعدت ضحك بقوة وشغل السيارة
-هتان: شنو يعني ماكو بوس
-اياز: اتادب هذا انت المحامي العاقل
ولا توقعت منك هذا الشي
-هتان: شنوو شكلت قابل مغ**
-اياز: لا عيني شكرا تريد ترجعي رجعني بس ماكو شسمة
-هتان: شسمة!!
-اياز: شسمة!! شبيك انتبه للطريق
ضحك واني ابتسمت على ضحكتة وصلنة للبيت وكفت السيارة كدامي البيت
اياز: شكراً على هذا اليوم الي نصة حلو مو كلة
هتان: هههههه على الايام الجاية راح تكون طول الايام حلوة
ابتسمت فتحت الباب حتى انزل ماحس الة سحبني من ايدي التفتت الة طبع بوسة صارت اشفايفة على خدي قريب لطَرف شفتي صابتني قشعريرة باوعت لعيونة وبحؤكه سريعه نزلت
بسرعة بدون اي كلام صرت اعدل بروحي من الخبصه نزل وراي نزل الاغراض واني منطيتة ضهري قبل لادك الجرس حسيتة صار وراي همس
"يا ترافتهن"
تصنمت بمكاني ماعرف ليش فرحت دكيت الجرس شوية وفتحة عاصي طلع سلم على هتان واني شلت الاغراض ودخلت صارت بوجهي شيمان
-شيمان: هاي شبيج وجهج وردي.. شنو شسوالج وهيج كاب احمرار ناري
-اياز: باسني
-شيمان: شنوو
-اياز: شنوو!!
-شيمان: حلفي باسج منين ولج
-اياز: شبيج منو باساني شجاي تخربطين
عفتها و صعدت بقت ادردم وراي ماهتميت احس الحد الان اني ما مستوعبة!! شصار وشلون
دخلت للغرفة خليت الاغراض بالكاع و دخلت للحمام غسلت وجهي و نزلت للمطبخ سويت جاي و كعدت برة استرجع الاحداث الي صارت بالسيارة فجاةء ابتسمت خليت ايدي على مكان البوسة و تذكرت كلامة
حنان: سارح الحلو شصاير
اياز: ماكو شي استريحي
اتلفتت منا و منا شغلت جكارتها و كعدت بالحديقة قريب علية
اياز: شوكت اتبطلين هذا السم ترة محلوة بنية تشرب جكاير
حنان: خليني بضيمي اني شخلاني اشرب هذا السم غير القهر!
-اياز: ايابه شسوالج القهر
اتندهت وسعلت جگارتها
-حنان: مَرمني وتعب حالي راح فَارس العمر من كبالي
اياز: طيبة؟! يعني اقصد طعمها طيب
حنان: اي تريح الكلب تردين
اياز: خو انتِ الي يسمعج تاكلين مصاص مو جكارة يا تشوفيها تعزميها
ضحكت و بقت شترب جكارة ورة جكارة لحد ما خلصت الثالث صحت بيها
اياز: كااافي ترا ولله اروح اكول الخالو و اخلي يأدبج
حنان: امداج متخلين الواحد يستمتع
عافتني و دخلت للبيت شوية و دخلت رحت للصالة جانو ملتمين ويسولفون وي بيبي حنة
حنان: ااااخ بوية شحلاتج نوب شعر ماروني ماروني
حنة: ولج منيلي شعر هنة هذن هم تحسبيهن شعر
علياء: جدة ماما كل ماتشوف شعري تكول ما ورتثي شعر من جدتج يعادل اربع ضفاير
حنة: اي ولله اني شعري جان السلف كلها تضرب بي المثل بس هل تشوفين تاليها شصار
شيمان: ولله طكو عين
علي: لج لا اهل كبل مايحسدون مو مثل هسة الناس منك و بيك حاسدك
جلال: وكت هسة مو مثل وكت كبل كلشي تغير
شكيناز: اي ولله كبل الناس الي تسوي مكسورة تستحي اما هسة مابقة مستحة مو جلال
-جلال: صمييي حلكج
-شكيناز: الحقيقة مُرة
-جلال: لا اكوملج اكسرجج
-عاصي: جلاااااال اتأدب و عوووف البنية بحالها راح تموتهــاااا؟؟؟؟
-حنة: شبيكم صايرين واحد يريد ياكل الثاني
شكيناز: بيبي جلال موتني كال وكت هسة يختلف على وكت كبل و هسة هذا الوكت الاخ يكتل اخو تردين ولد عم ما يتعاركون صدك زمن ينخاف منة
علي: انتي بس خليج محظر خير
اياز: هسة انتو على شنو دا تخربون المة الحلوة بالمشاكل
جلال: ولله كولي الاختج تتأدب
اياز: وانت ليش اخذت الكلام على نفسك
شكيناز مكالت غير الكلام الصحيح قبل الناس تستحي هسة لا خجل ولا مستحى قابل كالت اسمك بـ سالفة!!!
جلال: انوب اجت الثانية انتن يراد الجن تاديبة لا صايرة ولا دايرة وحق الله يجي يوم اعيد تربيتجن
-شكيناز: لا ربحنا حتى نصير مضحكه للناس
نغم: كافي جلال ماعوزي دوخة كوم اصعد الغرفتك لا ابوك يجي وتصير مشكلة
طلع من الصالة مو عاجبة العجب و عيونة ابكصتة هزيت ايدي و كعدت وي البنات انسولف و نضحك
شيمان: بيبي حياة قبل احلا من هسة لو هسة احلا يعني كـ تطور و كذا
حنة: وشحصلنة من التطور غير المصايب جابو التليفونات و خربو الولد ولبنات طبعاً حياتنة كبل احلا شحلاتها من تكعدين من الصبح تروحين للحلال و تحلبين البقر تجيبين حليبات حتى صحتنه قويه
-علياء: ايييع بيبي شنو حياتيش هاي طبعا هسة احنة حياتنة احلا بهواي
بقو يسولفون واني فقط استمع الهم و شكيناز مدري وين راحت بقت شيمان داهر بيبي تقربت شكيناز شاورتني
:- تدرين لو ما أستخدمت عقلي بذاك اليوم جان هسة انا ماكو..
********
شكيناز
نطقت هل كلام وشفايفي جَفت كَلبي تسارعت نَبضاته ماعرف شنو وليش كلت هيج لكن الي اعرفه ماعندي حَبل نجاه ثاني غيره..
-جلال: وشعدنهه الأويس ببستاناا؟؟؟؟
-عون: لحظه شجاله ابن عمج بتالي الليل؟
-حنه: شنووو هوَ الي حرك البستان؟؟؟
كُل شخص صار يحجي كلام ويذب تُهم وينطي رائيه وانا عاصرة ملابسي بيدي حيل احاول اسيطر على دكات گلبي، أرجف وانا على حق بس منو الي راح يصدك؟؟ أستجمعت قوايه ونطقت
-شكيناز: هوَ الاويس بيومها جان مار من يم البيت ودزلي رسائله راد يطمأن علينا بأخر فتره نقطع تواصلنا
-جلال: وشللوون تطلعيين اله وحدج بلليل؟؟؟؟؟
-شكيناز: تراا ابن عمييي مو غريب وانا مو جاهلة حتى اسوي شيء مو زين، واعرفه وأعرف اخلاقه متبريه من تفكيرك الوصخ
هز راسه بطريقه سهلة وأنطاني التلفون
-خابري هسة وكليلي يجي
فهيت بأستغراب:-ششنو ليش اخابره؟
جلال بأبتسامه:-خابري خلي يجي نسلم عليه وبنفس الوقت يبريج هوَ مو جان وياج؟
الانظار كُلها توجهت عليه أخذت التلفون بأيد ترجف رنيت عليه رنه رنتين ما جاوب الثالثه جاوب
-الأويس: ها شكيناز أسف انا رحت بس شفت... بعده ممكمل قاطعته بسرعه
-شكيناز: الأويس تكدر تجي هسة
صار سكوت لبُضع دقائق:- شسوي شكيناز؟
-شكيناز: صارتلي شغله وأريدك تجي وخالي هم كأعد.. أستعجل حباب
نطقت هل كلمتين وسديته بوجه باوعت على اياز خاله ايده على خدي وتنظرلي هزت راسه بطريقه أصبري تنحل..
رحت يمه كعدت والبعض منهم راح نام وخالي والولد وبيبتي حنه بقو كاعدين
-شكيناز: بمكان ما تخزر بيه لو رايح تدور الي حرك البُستان مو أفضل؟
-جلال: سدي حلكـج لج
شكيناز: لا تاخذنة بالسانك الزفر تعرف اني ماخاف من احد.. بس اسكت احترام العُمرك الي انتَ ما محترمة
جلال: السانج هذا يجي يوم اكصة الج بسيطه
شكيناز: تخسى ايدك تنكسر قبل لا تفكر مجرد تفكير
كام بعصبية راد يضربني صاح خالو بعصبية
عون: جلااال جم مرة كلت الك عوفك
بعيد على البناااات.. واذا تحاول تمد ايدك. اكسرها الك
علي: يابة اهدوء شسالفة بالكزيز ولا بالعزيز الحمدلله من محد تأذة
جلال: انت انجب حلكك لا تفكة حلالنة و تعبنة يروح بسبب جاهلة
شكيناز: بلا شوفو تأكدو منة خاف شارب.. عصير شي لان امبين فاقد عقلة على الاخر
اياز: شكيناز حبيبتي تعالي نصعد ترتاحين
اذا تبقين اهنا ما راح تحصلين لا حق ولا بطال من جلال و راح يبقة يحجي
أبتسمت بأستهزاء على جلال الي حالتة يُرثى لها و كأنو سكران هزيت ايدي مشيت و كلت بأستهزاء
شكيناز: الي مثلك ميحجي لان كلة أغلاط من فوك لـيجوة
عفتهم و صعدت للغرفة كعدت على الجرباية متورتة.. منو حرك البستان.. الاويس! لا مستحيل. زين راح يشهد ضدي لوو راح يصير وياي و يطلعني من هاي المصيبة مرت ساعة من التوتر اندك الجرس نزلت على سريع لاكتني البومة
جلال: لا تتوقعين راح أطلعين من هاي اسوايتج
شكيناز: ترا انت لعبت نفسي روح اسبح صحص ريحتك تكتل
عفتة و فتحت باب الاستقبال صار بوجهي الاويس منتجي تك أيد على الحايط و جان أمبين على شكلة شكد خايف علية
-الاويس: شكو شكيناز شبيج انتِ زينه؟
هزيت براسي بلا طلع من ورايه جلال
-جلال: اهلا اهلا الغالي تفضل جوة
دخل الأويس خازرة دخلت ورا صار كدامنه خالي الي حاله أنتكس تسالمو وكعدو وصار خالي يحجي
-عون: وكلتلي شكيناز انو انتِ مريت من هنا حتى تسلم عليها صحيح أبني؟
دار الأويس انظاره عليه طول بيها مثل الي يقره أفكاري لزمت كلبي بيدي معقولة هل مرة هم راح انصدم منه ويگسرني؟.. غمضت عيوني منتظرة جوابه الي ماعرف هل يبرد كلبي لو يحرگه
-الأويس: صحيح كلامها مريت منا أسلم عليها
فتحت عيني صارت بعينه أبتسمتله بقوة وظرت انظاري لخالي الي خزر جلال
-عون: أعذرنه يابوي جبناك بتوالي الليل بس الي صار لا يفوت للعقل ولا أصدكه وهذا تعبي ورواح
الاويس اندار لجلال وباوعله بتساؤل
-الاويس: جلال انتَ يعني ما شفته للي حرك الزرع؟
-جلال: لا ما شفته بس الكا وين يروح
هز راسه الأويس حك لحيته ورجع اندار عليه
-الاويس: انا من اجيت ما شفتك كاعد؟ ليش من رحت يلا كعدت وصارت السالفه شو ما جاي تدخل عقلي؟
أصفر وجه جلال كام يحجي بصوت عالي
-شنو قصدك انا احرك بيتي مووو
جلال صار طشارر نارر يغلي غلي اللاويس جان يستفز بي
-الاويس: اهدأ اهدأ عزيزي ليش كمت ليش ترجف ليش تباع عليه بخوف ما راح اكتلك
-عون: جلالل اخر مرة اكلك انتت شفت الي حرك الزرع لوو لااا
-جلال: ما شفته بس معروف
-الاويس: جاوب على سؤال ابوك
سكت جلال خازر الأويس بقوة كام الاويس وكف مقابله وسحب ردن قميص جانت اثار مال خراميش بأيده قويه
-الاويس: من اجيتكم اجيتكم من الباب مو من الشباك واجيت اطمأن على بنت عمي ما اجيت اعارك ولا اسوي مشاكل ولا احرك البستان واخرمش خطارنه وأبلي بحرك البستان، اخر كلمه كالها بصوت عالي
-عون: شنوو يعني مافهمت كلامك؟
-جلال: بويه لا تصدكه هذا جذاب ومحتال
سحب الاويس ايد جلال جانت عندة كم اصبع طويله اضافره سحب ايده مقربها لخالي
-هاي الايد نفسها الي حركت ونفسها الي شخطت
عمي التفتت الـ جلال صحله من ايدة وطلعو برة الاستقبال باوعت الاويس ابتسم الي
شكيناز: شكرًا لان وكفت وياي..
الاويس: لعل اكفر عن ذنبي.اسفة ماجنت اعرف راح يصير كل هذا وياج لو اعرف جان بقيت يمج
شكيناز: المهم هسة خالي عرف..
فزيت على صوت اعياط خالي طلعت للصالة على السريع جان جلال بالكاع و خشمة ينقط دم صاح خالي بعصبية
عون: لككك ليش تحرررك الحلال الي معيشك يا
حماار هذا واانت ابني شترجة من الغريب هااا
جلال: مثل ماااحركت كلبي حركت بستانك التعب عليه عمر
عون: ولك اناا ابوك، الخببث ولحقد راح يددمرك.. لكك اصحةة على نفسكك
جلال: محد دمرني غيرك.. كلت الك اذا ما تزوجني. الاحبها اسوي الاكثر راح ادمركمم
عاصي: صممم حلكك لا اصمة بقندرر..
بقو ناس تجر طول ناس تجر عرض اجه عاصي اخذ جلال من خالي وصعدو فوك، عفتهم بمشكلتهم و رجعت للاستقبال جان فارغة صعدت للغرفة دزيت رسالة الاويس
شكيناز: ليش رحت
-الاويس: شتريدني اكف ردان خالج، زحمه باقي وكبت العيطه
سكتت كلامه جان صح
-شكيناز: تدرب صرت ما اثق بأي شخص اليوم من دخلت خاله ايدي ؏ كلبي لا تكسرني مرة ثانيه
-الاويس: صرت مطي مرة ما اصير مرتين
-شكيناز: أشكرك حيل اليوم، نقذتني
-الاويس: ماكو شُكر بين الگلب ودكاتـه
يتبـــــــــــع....
• • •
توقعاتكم محبوباتي🧡
البارت مو قصير هل اسبوع مرتين نزلت
اتفاعلو لا بس تشاهدون😔
تابعو حسابي انشر كلشي بي⬇️
نلتقي في الملتقى القادم🤍