طاغوت

part 29

#طاغوت
لـ روان الشمر

اعتذر جداً ؏ التأخير بس مريت بأزمه صحيه وتأخرت بلبارت♥
___________________
حِزن ديَره
ومَلامِح خُوف
وحَرب چذبه ، وحِلم تَايه
ونَهر ثالث حُفر خَدي
غَريب بـَ گاع مـَتلمني
چم ليَلة أذب دمَوع عَلى أَلمامِش
ولا أدري !.

الأويس
____________________

آياز

اجه الطفل مدري شهمس بأذنه وهي ما هتمت باوعتلي و طلعت للصالة بقيت ملتهية وي البنات شوية و اجة عاصي

عاصي: اياز انتي و شكيناز تعالن للاستقبال

هزيت راسي و طلعت للصالة جانت شكيناز كاعدة يم جدة تقربت يمها سحبتني و همست بأذني

-شكيناز: و شيريد لاحكنة بعربانة مكسرة حتى هنا ماحلصت منه

اياز: كومي بلا مشاكل خنشوف شيريد

كامت و ما عاجبها العَجب دكينة باب الاستقبال فتح النا عاصي و جان مبين ضايج دخلت قبلها

اياز: شلونك الاويس

-الاويس: فوك النخل انه انتِ شلونج

اياز: الحمدلله عمتي و عمي شلونهم

الاويس: الحمدلله

هزيت راسي والتفتت الشكيناز كتفت اديها و وكالت

شكيناز: منورنا اليوم خير خو ماكو شي جاي لهنا؟!

الاويس: اجيت احجي الحقيقة كدام خالج و اخذكم وياي

شكيناز: شنو تحجي بلا؟؟ شنو تأخذنه؟؟؟ شبيك حبيبي!!!

الكلمه الأخيره كالتها بدون ما تُدرك روحها ابتسم والتفت لخالي دنك راسة وكال

الاويس: اول ما اجن البنات لبنات البيتنة جانت حالتي نفسية تعبانة و اكو مشاكل وي اشخاص و اول ما شفت شكيناز صارت حزازيات بيناتنه وبيني وبينكم جنت ما اطيق وجودها... و ما توالمنة الحد مرة من المرات جماعة جانو بتحَرضولي وصاوبوني و اني تهمتها هية الي سويت هيج مع انو ادري انو مو هي بس مثل ماكتلك جنت ما اطيقها و اهلي طردوها من البيت بس هي ماعافتنه بحالنه وربك سوت اشياء يعجز لساني احجيها واني هذا كدامكم جاي وندمان و شتردون اني حاضر

عون: ولله يا عمي السالفة بينكم و انتم لازم تحلوها و بقت يم البنات يردن يرجعن لو لا بس بلنسبه الي بيتي مفتوح الهن وما ارضى بطلعتهن منه

شكيناز: خالي ما نرجع اختارينة حياتنة بعيداً عنهم و هذا الحل المُناسب

الاويس خزر شكيناز و هية تباوع الة بكُل حقد
عكس نظارت الاويس الي كُلها غَضب

-الاويس: شكيناز بسبب مشاكلج وياي دخلتي طرف ما الة علاقة بمشاكلنا ختم و هتان و اياز هذول الـ تلاثة جاي يتعذبون بسبب مشاكلنا