طاغوت

part 15

طاغوت
لـ روان الشمر

اي لا تنسون التصويت بنجمه ومتابعه لحسابي Rawan_alshammari وتعليقتكم الحلوة🌼

مَن أنتِ ؟
: القوية التي تَوردت الحَياة أثر إبتسامتهُا الباكية .
__________________________________

شكيناز

سمعتهم واحس نصعقت يريدوني ارتكب جريمه!! لا شنو جريمه سرقهه صفنت بيها وفكرت ممكن تفيدنب للوكت ابتسمت ورجعت للغرفه..

جبت دفتري وصرت ارسم ولا كأنو شفت شي او سمعت شوي وندك الباب ودخل الأويس

:-عادي تجين جوة نحجي وياج

سويت روحي ثوله شنو شيحجون راح سبقني واني بأبتسامه كمت عديت للخمسين ونزلت

جانو هو وهتان بلمضيف كاعدين بس دخلت كامو ؏ حيلهم

-شكيناز: شنو شتريدون

حمحم الأويس وصار يحجي انو شلون محتاجين هل معلومات ويريد شخص سبع وياهم ومالكو الى اني رفعت حاجبي

-ومنو يكول متريدون تبلوني؟

-الأويس: اهو دنجبي مو وكتج تشغلين كونان البداخلج

-هَتـان: نجب انت شوفي شكيناز السالفه بسيطه حيل هو رجال وحده وضامين يمه اوراق تخص شغلي وتخص الي جانو يهددون بيه حتى اتنازل عن قضيه ابنهم اذا محصلتهه معناه يسقط حق العداله وتنلغي الجلسه بلبيت وبهيج وكت يكون نايم اني ادخل اجيب الاوراق الي ضامهن بغرفته والأويس يحرس الطابق الفوك في حال اكو احد وانتي شغلج انو تتوسطين الصاله واذا شفتي احد جاي للبيت.. طلع من جيبه صفاره صفري بهاي وبهيج راح نلتقي كلنا يمج..

صفنت بلشغله وهزيت راسي صاح الأويس

:- موكتلك نچره مو ياهو الجان

كام هتان واردف بأستعجال

تحضرو ساعه ب 4الفجر احنه طالعين ولازم محدد يعرف حاولو تسدون مكانكم

هزينه روسنه وطلع طفرت ع الأويس

-شكيناز: الله راح نشتغل عصابهههه

-الأويس: امدانيي وفرحانه

-شكيناز: اكيدد حتى اتعلم سوالف العصابه وفد يوم اطبقهن عليكم

هز ايده وطلع واني طلعت لغرفتي اتمركص بلخفيه وصلت اخذت ملابسي وطبيت سبحت ولبست بجامه وقميص موديل عريض ولفيت شعري ليفوك ونزلت

شفت اياز وانتبهت عليه لأول مره صايره عده خدود بس جسمه ميسمن مرتب بطريقه حلوة وشعره البُني البي خيط شكار وعيونه النعسانه صفنت بيه كزكزت عليه ركضت عليه جعصتهه بحضني

-آياز: هههه ولج خنكتينييي

-شكيناز: شنو هذا الجمال هاا شتاكلين انتي زبيب