ပြသနာတွေဖြစ်ပြီးသည့်တိုင် ' အပြင်မထွက်ရ ' ဆိုတဲ့အမိန့်ကြောင့် သူဒီအိမ်ကြီးထဲမှာပဲလှောင့်ချိုင့်ထဲကငှက်တစ်ကောင်လိုထပ်ပိတ်မိနေပြန်သည်။အကုန်လုံးကလိုလေသေးမရှိအောင်ထားနေသော်လည်းသူလိုချင်တာဒီလိုပုံစံမဟုတ်။လွတ်လပ်မှုပင်။အမြဲတမ်း အဖေ့အိမ်၊အဖေ့အိမ်ဆိုပြီးညာ,ညာပြီးအပြင်ထွက်နေတာမို့ချန်ဒလာကလည်း သူ့ကိုဆိုဘာပြောပြောကိုမယုံကြည်တော့။သူဟာလည်းသူပါပဲ အဖေ့အိမ်ကလွဲပြီးသူမှာပြောစရာမရှိတော့ဘူးလား။တစ်ခြားသူဒါမှမဟုတ်သူငယ်ချင်းအိမ်လို့လိမ်ပြောရင်တောင်ရအုန်းမယ်။ဒါပေမယ့်လည်း သူ့မှာသူငယ်ချင်းဆိုလို့ တစ်ယောက်တောင်မရှိပေ။
စိမ်းလဲ့နေသည့် မြက်ခင်းပြင်ပေါ်လှဲချကာခြေကားယားလက်ကားယားနှင့်ကောင်းကင်ကြီးကိုမော့ကြည့်နေမိသည်။အခုသူရောက်နေသည့်နေရာက မြင်းပတ်စီးဖို့လုံလောက်သည့်ခြံအကျယ်အဝန်းပင်။ဂျော့နှင့်သူ့အတွက် ချန်ဒလာကလုပ်ပေးထားတာပင်။ဒါမယ့်ချန်ဒလာက ဒီဘက်ကိုခြေဦးတောင်မလှည့်ပေ။မြင်းကန်ခံရမှာကြောက်နေသည်ထင်ပ။သူ့မြင်းလေးဂျော့ကလိမ္မာပြီးသား။သူသာဆိုကန်ထုတ်ဖို့ပြောမှာမဟုတ်ပေ။လည်ပင်းကိုတစ်ခါထဲ တစ်ဇွတ်ဇွတ်နဲ့မြည်အောင်တတ်နင်းခိုင်းပစ်မှာ။ပျင်းလို့သာဒီနေရာကိုရောက်နေလည်းမြင်းစီးချင်စိတ်လည်းမရှိပေ။
'ရီ့ကိုလည်းလွမ်းတယ်'။ရီကအဆင်ကောပြေပါ့မလား။ခုချိန်ထိရီ့မျက်နှာလေးကိုလည်းမမြင်ရသေး။ချန်ဒလာကရီအသက်ရှင်တယ်ဘယ်လောက်ပြောပြောခုချိန်ထိသူ့ရှေ့ရောက်မလာသည့်ရီ့ကိုတော့စိတ်ပူရချည်ရဲ့။ရီကို ခေါ်မလာပေးသေးဟုလည်းပြောထားသေးသည်လေ။သူ့ဘက်ကအတွန့်တတ်လည်း ဖက်ဖက်မောသွားရှိပေမည်။
သူကိုယ်တိုင်လည်းရီ့ကိုထိတွေ့ဖို့တွန့်ဆုတ်မိမလားမသေချာ။ကြမ်းတမ်းရက်စက်သည့်ခွေးကြီးကိုသူမုန်းသည်။ထိလည်းမထိတွေ့ချင်။ထိုနေ့ကရီရဲ့လုပ်ရပ်တစ်ခုစီတိုင်းဟာသူ့မျက်ဝန်းထဲကမထွက်။ နောက်တစ်ခါမကြုံချင်လောက်အောင်ပင်။ဒါပေမယ့်လည်းအဆိုးဘက်ခြမ်းကိုပဲအမြဲတစ်စေကြည့်နေလို့မရ။ဘာလို့ဆိုရီဟာသူတို့နဲ့သာဆိုရန်မူဖို့နေနေသာသာခွေးပေါက်လေးကို အီနေတတ်တာသည်မလား။
" ပျင်းလိုက်တာကွာ "
မျက်စိတွေကိုလာရောက်ထိနေပြီဖြစ်သည့် ဆံပင်လေးတွေကို ထိပ်တည့်တည့်မှာစုစည်းထားကာအင်္ကျီကတော့ညဝတ်အင်္ကျီကနေခုထိမလဲရသေး။တစ်မနက်လုံးအင်္ကျီလဲဖို့တောင်ပျင်းနေတာHello Kitty ညဝတ်အင်္ကျီကိုသာဝတ်ထားလိုက်သည်။ နောက်ပြီးဒီဝတ်စုံကသူအကြိုက်ဆုံးအင်္ကျီပင်။အသားဖြူသည့်သူကိုယ်၌လည်းပန်းရောင် Hello kitty အင်္ကျီလေးဟာပကာသင့်စွာ။
" ယိမ်းယိုင်မှိုင်း "
နောက်ဘက်ဆီမှ ခေါ်သံကြောင့်သူလှဲနေရာမှကိုယ်လေးဆတ်ခနဲတုန်သွားကာအမြန်ထလိုက်သည်။ ခေါင်းတွေကိုလည်းစိတ်ရှုပ်စွာတစ်ဗြင်းဗြင်းကုတ်ချလိုက်မိပြန်သည်။ဗောက်ရှိနေလို့တော့မဟုတ်။တစ်ယောက်ထဲနေချင်လို့ ဒီဘက်ထိထွက်လာပါတယ်ဆို ဘယ်ကကောင်ကလာရှုပ်နေရပြန်တာလည်း။
" ဘာလဲ .. ဘာလဲပြော "
ယိမ်းယိုင်ရဲ့အသံ၌စိတ်မရှည်မှုများအပြည့်အဝရောနေသည်။ချန်ဒလာကလည်းဒီချိန်အလုပ်သွားပြီ၊လာမှာလည်းမဟုတ်နောက်ပြီးချန်ဒလာကသူ့ကို့ဘယ်တော့မှနာမည်တပ်မခေါ်။စိတ်ရှုပ်စွာဖြင့်နောက်သို့လှည့်ကြည့်လိုက်သည်နှင့် ထင်မထားတဲ့လူ။အလုပ်သွားရမယ့်လူကဘယ်လိုဖြစ်ပြီးဒီနေရာကိုရောက်နေတာလဲ။ အလုပ်သွားမှာလား ရှိုးသွားထုတ်မှာလားတောင်မသဲကွဲ။ Suits အပြည့်ကိုဝတ်ဆင်ထားကာ လက်မှာလည်း Smart watch နာရီကိုပတ်ထားသည်။ဆံပင်တွေကိုလည်း တစ်မွှေးမကျန်အကုန်လှန်တင်ထားလေသည်။မျက်ခုံးထူထူတွေကလည်းထိလုမတတ်ကြုတ်ထားပြန်သည်။ရုပ်ကိုက သူ့လုပ်စာထိုင်စားနေရတဲ့ရုပ်။
' ဘုတ် '
သူချန်ဒလာ့ကိုငေးနေတုန်းမှာပဲမျက်နှာတည့်တည့်ပေါ်ပျံဝဲလာတဲ့အထုတ်တစ်ထုတ်။သူမှာအငိုက်မိလို့ လှမ်းဖမ်းချိန်တောင်မရလိုက်။မျက်နှာတည့်တည့်နှာခေါင်းရိုးကို တည့်မှန်တာ။ဒီလိုမျိုးသူလုပ်ချင်တိုင်းလုပ်လို့ရရိုးလား။သူ့အသားမဟုတ်တိုင်း ပစ်လို့ရရိုးတဲ့လား။အဲ့လိုသာလုပ်လို့ရကြေးဆို သူ့စောက်ခွက်ကြီးကို သံဘရက်နဲ့ခြစ်ဆားသိပ်ပေးလိုက်ချင်တယ်။
" မျက်နှာပေါ်တည့်တည့်ပစ်ရလား "
" ကျုပ်ကဘယ်လိုပစ်ပစ်လက်ပါရင် မိအောင်ဖမ်းရမှာခင်ဗျားလေ! "
'သေနာကောင်' ပါးစပ်မှလည်းကျိန်ဆဲကာ လက်ထဲကအမဲရောင်အထုတ်ကိုဖြေကြည့်လိုက်သည်။အိတ်အပြည့်နီးပါး စတော်ဘယ်ရီသီးအပြည့်ပင်။ဒီအသီး တွေ့ကြောင့်သူ့နှာခေါင်းကခုနတော်တော်အောင့်သွားတာ။
" စတော်ဘယ်ရီသီးတွေငါကဘာလုပ်ရမှာလဲ "
သူမေးလိုက်တာနဲ့ ချန်ဒလာ့ရဲ့မျက်နှာကချက်ချင်းပုပ်သိုးလာသည်။မသိခြင်ထောင်,ထောင်ပြီးမေးလိုက်တာမဟုတ် ဒီလိုမျိုးကိုယ့်အတွက်ဝယ်ပေးဖို့နေနေသာသာ သူ့အတွက်လိုအပ်တဲ့အရာတောင်သူ့ဘာသာဝယ်တာမဟုတ်ဘူးလေ။အဘစံကမျက်စိဒေါင့်ထောင့်အမြဲလိုက်ကြည့်နေရတာပင်။
" ညကျ ဖင်ထဲထည့်ပေးမလို့။ရေဆေးထား "
တကယ်သူစိတ်အချဥ်ပေါက်သွားရသည်။ကောင်းကောဝယ်လာပေးတဲ့ဒီကကောင်ကပဲစောက်ရူးကြီးကျလို့ဟေ။ဒူတာပဲလားတုံးတာပဲလား ဒါမှမဟုတ် ချန်ဒလာ့ရဲ့စကားကြမ်းကြမ်းကို အပြောမခံရရင် စားမဝင်အိပ်မပျော်နိုင်များဖြစ်နေကြတာလား။ပြောလိုက်ပြီထား ချန်ဒလာဆိုတဲ့ကောင်ကမသိရင်သူတို့အမြင်မှာတော့ လူဆိုးကောင်။တစ်ဖက်ကလူရဲ့ပြောတဲ့စကားကိုကမကြည့်။ချန်ဒလာအော်တာပဲ လူသိတာအောက်ကနေယိမ်းယိုင်မှိုင်းကိုက်နေတာကျလူမသိဘူးဆိုတာဒါမျိုး။
အခုလည်းကြည့် သူ့ကိုပဲပြန်ပြီးစူးစူးကြည့်နေပြန်ပြီ။ပြန်ရန်တွေ့ဖို့ပဲစကားရှာနေတာလား။အဘစံက ယိမ်းယိုင်အပေါ်လျော့ပေးဖို့ပြောပေမယ့် သူမှမနေနိုင်တာ။လုပ်လိုက်တဲ့အပြုအမူတိုင်းက စောက်တလွဲ။စောက်အပြစ်ကြီး။တစ်နေ့လောက်ယိမ်းယိုင်မှိုင်းကို မပြောရတဲ့နေ့များရှိခဲ့မယ်ဆို နောက်ပွင့်မယ့်ဘုရားတောင်စောစောစီးစီးပွင့်နေလောက်ပြီ။တစ်နေ့ကဆို သူ့မြင်းသားဖောက်ဖို့ဆိုပြီး အိမ်ကနေခိုးထွက်ကိုစိုးသူလွင်ကို မြင်းမဖြူဖြူလေးတစ်ကောင်ရှာပေးဖို့ရုံးထိသွားပြောတယ်တဲ့။ သူမြင်းကဖြင့်မဲတူးနေတာရေနံဆီသုတ်ထားတဲ့အတိုင်းကို လိုချင်တော့ဖြင့်မြင်းဖြူလှလှလေးတဲ့။
" ကြည့်မနေနဲ့။ ခနနေအိမ်ထဲဝင် "
" မဝင်ဘူး "
" ခင်ဗျားအတွန့်တတ်ပြောရမယ့်လူက ကျုပ်မဟုတ်ဘူး။စောက်စကားကို ဆင်ခြင်ပြောလိုက် "
" .... "
" မနက်ဖြန် ၈ နာရီ ကနေဒါပြန်မယ်! "
" မင်းအဖေကော "
" ကျုပ်ဒယ်ဒီကိုမေးပြီးဘာလုပ်မလို့လဲ။ဘာလဲ မတွေ့ရတာကြာတော့သတိရနေတာလား "
တစ်ခါထဲ လိုက်မယ်ထင်လို့မေးမိတာလေ။သူ့ဘက်ကဟိုမလွတ်ဒီမလွတ်ပြောစရာလိုလို့လား။ပါတယ် မပါဘူးပြောပြီးရင် ပြီးပြီမလား။သူကအရစ်ရှည်တာလားကိုယ်ကအရစ်ရှည်တာလားမသဲကွဲ။ဒီလိုပဲ မျက်နှာချင်းဆိုင်မိတာနဲ့။ကြာလာတော့သက်သက်မဲ့ပြသနာကိုမီးခွက်ထွန်းရှာသလားတောင်ထင်လာပြီ။
" စကားပြောတာ မလွန်နဲ့ချန်ဒလာ။ငါ့ဘက်က အတူတူလိုက်မယ်ထင်လို့မေးမိရုံပဲ! "
ပါပါမပါပါသူ့အရေးမို့လို့လား။ဟိုကဖြင့်သူ့ကိုရှိတယ်လို့တောင်ထင်လို့လား။သူရှိနေလို့တောင် ဟိုလူကဒီအိမ်ကိုတောင်လာမနေ။တစ်ချက်တောင်မမေးတဲ့လူကိုများသူကကောပြန်မေးစရာလိုလို့လား။
ဟိုက ဂရုမစိုက်ရင်ကိုယ်ကလည်းဂရုစိုက်စရာမလို။ရှင်းရှင်းပြောရရင်ယောင်လို့တောင်လှည့်ကြည့်မှာမဟုတ်ပေ။ဝတ္တရားတွေ ရိုသေမှုတွေလာမပြောနဲ့။ချန်ဒလာ့ဘဝမှာဒါတွေကမလိုအပ်တဲ့အရာတွေ!ပြောနေရင်းမှတစ်ဖြည်းဖြည်းနဲ့ယိမ်းယိုင်မှိုင်းရဲ့မျက်နှာကညှိုးလာပြန်တော့လည်း ဒီကကောင်အလွန်ဆိုပြီးအထင်မခံနိုင်။
" ဟာကွာသွားနှင့်ပြီခင်ဗျားယောကျာ်းရဲ့အဖေမနက်ကတည်းက Helicopter ကြီးစီးပြီး သွားနှင့်ပြီရပလား "
အသံ၌စိတ်မရှည်မှုတို့ကအပြည့်အဝပါဝင်နေသည်။
" စကားကိုဆင်ခြင်ပြောနော် ငါမင်းထက်အကြီး မင်းလက်လွတ်စပယ်ပြောလို့ရတဲ့ထဲမှာ ငါမပါဘူး "
အံမယ် ပြန်ပြောဖို့ကျဒီရုပ်မဟုတ်တော့ဘူး။
ယိမ်းယိုင်သူ့အနားသို့ထိုင်နေရာမှထကာတိုးကပ်သွားလိုက်သည်။မျက်နှာကို လည်းတစ်စိုက်မတ်မတ်ကြည့်နေလိုက်သည်။လူတိုင်းဟာငြိမ်ခံပြီးပြန်မပြောပဲနေကြည့်ရောင့်တတ်ပေလိမ့်မည်။ဒီထဲမှာချန်ဒလာတစ်ယောက်လည်းအပါအဝင်ဖြစ်သည်။အမြဲတမ်းသူကိုစကားနဲ့အနိုင်ပေးနေလို့မဖြစ်။သူ့ဘက်ကတင်းတာနှင့် ချန်ဒလာကအမြဲတစ်ထစ်လျော့တတ်သည်။သူ့ဘက်ကိုယ့်ဘက်ကတင်းတာမျိုး ချန်ဒလာကဘယ်တော့မှလက်မခံ။ဘာကြောင့်လည်းဆိုတာမသိပေမယ့် ကိုယ့်ဘက်ကပါတင်းလာတာနဲ့ချန်ဒလာ့ရဲ့အသက်ရှုသံတွေဟာမြန်လာကာတစ်ခုခုကို မနည်းစိတ်လျော့လိုက်ရသည့်ပုံ။
အခုလည်းကြည့် နှစ်ယောက်သားအကြည့်တွေကစစ်တိုက်နေဆဲ။မသိရင် ငယ်ငယ်ကဆော့နေကျ မျက်တောင်ခပ်ရင်အရှုံးဆိုတဲ့အတိုင်းဆော့နေတာလားပဲ။အကြောတင်းနေတဲ့လူကလည်းလျော့မည့်ပုံမပေါ်။အကြည်ချင်းစစ်တိုက်နေကြတာဒီလိုသာကြပ်ကြပ်ကြည့်နေညနေမိုးချုပ်မှာအမှန်။နောက်ဆုံးချန်ဒလာကပဲစိတ်လျော့ကာလှည့်ထွက်လာခဲ့သည်။
" လီးပဲကွာ လီးမှမပြောဘူး နောက်ခါပြောရင်စောက်ခွက်ကိုဖြတ်ရိုက်လိုက်! "
ချန်ဒလာထွက်သွားသည်နှင့်ယိမ်းယိုင်လည်းသက်ပြင်းရှည်ကြီးကို တစ်ချက်ချလိုက်မိသည်။ဘယ်လိုယောကျာ်းကို သူ့ကိုပေးသနားထားရတာလဲ။အမြဲရန်လိုနေတဲ့ကောင်နဲ့သူဘယ်လိုများထပ်ပြီးနှစ်ပါးသွားရပါ့မလဲ။တကယ်ချန်ဒလာ့ကိုရော့အင့်ဆိုပြီးတော့သာကောက်ပေးလိုက်ချင်။
•~•~•~•~•~•~•~•~•~•~•~•~•~
ရုံးချုပ်ကြီးကို ပြန်သွားသည့်တိုင် ကားမှန်ကိုတစ်တောက်တောက်ခေါက်နေမိသည်။ခုကုန်တိုက်တော်တော်များများ LED Board နေရာ၌ချန်ဒလာ၏ပုံအစားမိုက်ကယ်ရဲ့အဖေဟာတော်တော်များများနေရာယူထားသည်။တစ်ချို့နေရာတွေ၌လည်း ချန်ဒလာ့ကိုအလိုမရှိဟု ရေးကပ်ထားသည်။ဒါဟာဦး ဒေဝရဲ့လှည့်ကွက်သေးသေးလေးပင်။ယိမ်းယိုင်မှိုင်းကိုအပြင်မထွက်စေချင်တာဒါတွေပါသည်။သူ့ကြောင့်ဆိုပြီးစိတ်ကဆွဲနေမှာသူမလိုလား။မိုက်ကယ်ရဲ့အဖေအဆင့်လောက်ဟာ သူ့ကိုယှဉ်တိုက်ရအောင်သူနင်းထားတဲ့မြေမှုန့်တစ်မှုန့်စာလောက်တောင်အရည်အချင်းမရှိ။
အထက်တန်းစား၊ အထက်တန်းစားဆိုပြီး လုံးဝပါးစပ်ကမချတဲ့ ဦးသောကနဲ့ဦးဒေဝကသူ့ကိုအခုတော့သွေးတိုးစမ်းချင်လာပြီ။သူ့သားစောဝန်းကို Medical ပိုင်းထည့်လည်းအဆင်မပြေ။ Medical ပိုင်း၌ ကမ်မလီကဦးဆောင်ပြီးဆောင်ရွက်နေတာမို့ သူတို့ဘယ်လိုမှထိုးဖောက်လို့မရပေ။ခုတော့ဦးဒေဝနဲ့ပူးပေါင်းပြန်ပြီဖြစ်သည်။ နှစ်ယောက်စလုံးဟာဦးရိုးရာမင်းလက်အောက်ကလူတွေ။ဦးရိုးရာမင်းခုတစ်လေပျောက်ချက်အားကောင်းတာလဲကောင်းတဲ့ပျောက်ခြင်းမဟုတ်ပေ။ဦးသောကနှင့်ဦးဒေဝကိုနောက်ကနေကြိုးကိုင်ကစားနေတာပင်။ နောက်ပြီးအချိန်တစ်ခု ရောက်တာနဲ့ယိမ်းယိုင်မှိုင်းကိုကြိုက်သလိုဆွဲထုတ်သွားနိုင်သည်။ဦးရိုးရာဟာလည်း ခေသူမဟုတ် သူသာစလာကတည်းကမင်္ဂလာပွဲကိုကြီးကြီးကျယ်ကျယ်လုပ်ခဲ့မယ်ဆို ခုချိန်မှာယိမ်းယိုင်ကသူ့လက်ထဲကို ရောက်မှာမဟုတ်။မျိုးပင်မှိုင်းကလည်း ဘယ်လောက်ဒုက္ခ ရောက်နေပါစေသူ့အဘိုးဆီကအကူအညီလုံးဝယူမှာမဟုတ်သည့်အတွက်ဒါဟာသူ့အတွက်ဂွင်တစ်မျိုးဖြစ်သွားတာပင်။
မျိုးပင်မှိုင်းနှင့်ယိမ်းယိုင်မှိုင်းညီအစ်ကိုနှစ်ယောက်လုံးကခေါင်းမာတာတော့တူတယ်။အမှတ်သည်းခြေလည်းကြီးကြတယ်။မျိုးပင်မှိုင်းတို့မိသားစုနှင့် ဦးရိုးရာမင်းတို့အဆက်အသက်ပြတ်ထားသည်မှာနှစ်နှစ်လောက်တော့အလွန်ဆုံးရှိလောက်သည်။ဒါ တွေကသူ့အတွက်ကအရေးမပါသော်လည်းယိမ်းယိုင်မှိုင်းကိုလက်ထက်မယ်ကြံတုန်းကအနည်းအများ တော့သိရထားတာပင်။အကုန်လုံးကလျောလျောရှူရှူနဲ့လွယ် နေလိုက်ပုံများ။အဟက်! ဦးရိုးရာမင်းရဲ့ သူ့မြေးအတွက်နဲ့ပထဆုံးစိန်ခေါ်ခဲ့တဲ့နေ့ကိုလည်းမေ့မှာမဟုတ်။
Company လမ်းမဘက်ကွေ့ရသည်နှင့် သူ့လက်အောက်ရှိ Company,ကုန်တိုက်တွေရဲ့ LED Board နေရာမှာတစ်စုံတစ်ယောက်ရဲ့ပုံကားနေရာအပြည့်အဝယူထားလေသည်။Conmany တွေရဲ့ထုတ်ကုန်တွေနှင့် LED Board ကဟာကလားလားမျှမသက်ဆိုင်။ဒီဘက်ခြမ်းကသူ့လက်ထဲကရေဖြစ်သည့်အတွက်ကြိုက်သလိုလုပ်ပိုင်ခွင့်အပြည့်အဝရှိသည်။LED Board အပြည့်နေရာယူထားသည်ကမြင်းတစ်ကောင်နားအဖြူရောင်ဝတ်စုံလေးနှင့်မတ်တပ်ရပ်နေသည့်ကောင်လေး။ထိုကောင်လေးက Curly hair လေးတွေကိုပါပိုင်ဆိုင်ထားကာ အင်္ကျီမှအနည်းငယ်လစ်ဟနေသောကြောင့် ရင်ဘတ်ညှပ်ရိုးပေါ်မှ မှည့်နက်လေးကိုပါမြင်တွေ့နေရသည်။
" အစ်ကိုလေး ဟယ်ရီ။တစ်လမ်းလုံး ပါပါရာဇီတွေကြီးပဲ ဘယ်လိုလုပ်ရမလဲ "
အရှေ့ကားနှစ်စီးနောက်ကားနှစ်စီးနေရာယူထားကာ ချန်ဒလာစီးလာသည့် McLaren ကားကတော့အလည်မှာပင်။အိုလစ်နဲ့မတ်စ်က ရှေ့တစ်ဖက်စီကနေဦးဆောင်သည်။နောက်ကကားထဲမှာက ကိုငြိမ်းစံနှင့် ဂိုဏ်းသားဂျွန်က ဦးဆောင်ထားသည်။ဒီလိုလူအုပ်ကြီးထဲမှာ လုပ်ကြံလူမပါနိုင်ဘူးလို့ပြောနိုင်လို့လား။ခုချိန်က ဦးဒေဝကသူ့သားမိုက်ကယ်သေတဲ့ကိစ္စနဲ့ ချန်ဒလာ့ကိုဘယ်လိုလုပ်ရလုပ်ရလုပ်ကြံမှာပင်။
ဆက်သွယ်ရေးကိရိယာဆီက မတ်စ်ရဲ့အသိပေးသံကြောင့် ကားနှစ်စီးကိုကျော်ကာရှေ့သို့ကြည့်လိုက်သည်။ပါပ့ရာဇီဟာကြိတ်ကြိတ်တိုးပင် ဒီလူအုပ်ကြီးထဲဖြတ်မောင်းဖို့အဆင်ပြေပါ့မလား။သခင်လေးကစိတ်ရှုပ်တာမကြိုက်သလို လူရှုပ်တာလည်းမကြိုက်ပေ။ဒီလူအုပ်ကြီးကို ကျော်ပြီး Company ထဲရောက်ရင်တောင်ကံကောင်းပေအုန်းမယ်။
" ကားကိုထပ်ချဲ့လိုက်။ဂျွန်နဲ့ကိုငြိမ်းစံကားကို150cm အလိုလောက်ထိထပ်ချဲ့ပေးပါ "
" Yes Sir ! "
အမိန့်ရသည်နှင့် ကားလေးစီးဟာ ညီတူညီမျှချန်ဒလာ၏ကားဆန့်ကျင်ဘက်သို တစ်ဖြေးဖြေးကပ်ချသွားသည်။ကားတစ်စီးနှင့်တစ်စီးအကွာအဝေးဟာ နည်းနည်းလေးတောင်လွဲချော်မှုမရှိပေ။တိကျနေသည်။ဖြေးဖြေးခြင်းလှည့်ဝင်လာသည့် ကားငါးစီးကြောင့် ပါပါရာဇီတွေကလှုပ်လှုပ်ရှားရှားဖြစ်ကုန်တာထိုကားတွေနားအပြေးတစ်ပိုင်းပြေးလာကြတော့သည်။လက်ထဲမှာလည်းကင်မရာတွေမိုက်တွေကို ကိုင်ကာသူ့ထက်ငါအရင်ရောက်မေးချင်ဇောဖြင့် လူ့ခံတပ်အလားတိုးဝင်လာကြသည်။
မတ်စ် ထိုလူအုပ်ကြီးကိုကြည့်ကာ C7A2 သေနတ်ကိုထုတ်ကာကျည်စစ်နေလိုက်သည်။နောက်ပြီးရောက်တာနှင့် ချန်ဒလာရဲ့ရှင်းလင်းပွဲ မပြီးမချင်းစတုတ္ထထပ်၌သွားနေရမည်ဖြစ်သည်။ဟယ်ရီနှင့် ကိုငြိမ်းစံသာချန်ဒလာ့ရဲ့ဘေးမှာရှိမှာဖြစ်သည်။ဘယ်အရာမဆို သတိလတ်လွတ်ဖြစ်ရင်မကောင်း။သတိချပ်နေရလိမ့်မည်။မတ်စ်ကလျင်သည်ထက်သည်။ဟယ်ရီပြီးရင် လက်ရုံးရည်အပြည့်ဆုံးကမတ်စ်ပင်။ဘယ်အရာမဆို ခိုင်းတဲ့အလုပ်တိုင်းကိုတိကျသည်။အမှားအယွင်းမရှိပေ။
" ဟိုမှာ လာနေပြီ! ကားနားသွားမြန်မြန် "
" အလယ်က ကားနားသွား အဲ့မှာ ချန်ဒလာဟေဒန်ပါတာ "
" မြန်မြန်ပြေးစမ်းပါ ငါတို့မရောက်မှဖြင့် "
တီ တီ တီ .......!
ကျယ်လွန်းလှသည့် ကားနှစ်စီးဟွန်းသံကြောင့် လူတွေအကုန်လန့်ထွက်ကုန်သည်။ဒါဟာသူတို့ကိုလမ်းရှင်းစေချင်တဲ့သဘောလား ဒါမှမဟုတ် အနားမကပ်စေချင်တဲ့သဘောလား။ကင်မရာမန်းတွေဟာလည်း ဒီကိုသူတို့နှင့်သတင်းတင်ဆက်ဖို့လား ပြိုင်ကားကို ဓါတ်ပုံလာရိုက်ဖို့လား။ပြိုင်ကားတွေနြင်တာနဲ့ တစ်ယောက်ပြီးတစ်ယောက်ဓါတ်ပုံလိုက်ရိုက်နေကြတာသူတို့ကို ရှိတယ်တောင်မထင်တော့။ပြောလို့သာပြောရတာ ကားတွေဟာလန်ထွက်နေကာ တကယ့်ကိုအပြန့်စားတွေပင်။ပုံထဲမှာပဲ မြင်ဖူးသည့်ကားများကို တစ်နေရာထဲစုမြင်လိုက်ရသလို။ McLaren Model ကတော့ ကားငါးစီးလုံးစီးထဲမှာ မိမိုက်နေသည်။
ကားရပ်သွားသည်နှင့် ဆင်းလာသည့်နားလူတွေဟာအလုံးအချင်းပြေးကြပြန်သည်။သို့သော် ထိုလူတွေနားမရောက်လိုက် လုံခြုံရေးဝန်ထမ်းတွေက အကုန်ပိတ်ဆို့ကာတားထားပြန်သည်။
" နေပါအုန်း အစ်ကို ကျွန်တော်တို့မေးတာလေးဖြေခဲ့ပေးပါအုန်း "
" အစ်ကိုရေ ဒီဘက်လေးခနလောက်လှည့်ကြည့်ပါအုန်း "
" အစ်ကိုရေ ဦးဒေဝရဲ့သားကို ကိုယ်ထိလက်ရောက်ရိုက်နှက်ခဲ့တယ်ဆိုတာ တကယ်လားရှင့်ဖြေပေးသွားပါအုန်း "
Company အထဲဝင်ခါနီးခါမှ ထိုမေးခွန်းကြောင့်ချန်ဒလာက နောက်သို့ပြန်လှည့်လာသည်။သတင်းထောက်မလေးမှာ ဝန်ထမ်းတွေကိုကျော်ကာ ရှည်လျားလွန်းလှသည့်ထို့လူ့အရပ်ကြီးကြောင့်မော့ကြည့်နေရသည်။ရေမငတ်ပါပဲ တံတွေကိုလည်းအကြိမ်ကြိမ်ခနခနမြိုချနေမိပြန်သည်ာရပ်ကြည့်နေရုံလောက်နှင့် ဘာကိုကြောက်လို့ကြောက်မှန်းမသိကြောက်စိတ်တွေက တိုးရစ်ဝင်လာခဲ့သည်။ထို့လူရဲ့အကြည့်တွေပဲလား ..
" သတ်ပစ်ခဲ့တာ "
တိကျပြတ်သားလွန်းသည့်အဖြေစကားပြန်ပြောပြီးသည်နှင့် ချန်ဒလာဘယ်အရာကိုမှ ဂရုမစိုက် ဟောခန်းမကြီးထဲသို့တန်းတန်းမတ်မတ်ဝင်သွားလိုက်သည်။ထိုအခန်းထဲ၌ အဆင့်မြင့်သတင်းသမားတွေ၊ရှယ်ယာဝင်အစုသမား သုံးလေးယောက်ကလွဲပြီး ဘယ်သူမှမရှိ။
" လာပြီ လာပြီ "
တစ်လက်လက်ထနေသည့် မီးအလင်းရောင်တွေကိုကျော်ကာ သူ့ဖို့ချထားပေးသည့်ခုံ၌ ခြေချိတ်ကာဝင်ထိုင်လိုက်သည်။အခုတစ်ခါ ဦးဒေဝပိုက်ဆံပေးထားသည့်လူတွေလည်းပါနေလောက်သည်။ဘာပဲဖြစ်ဖြစ် သူတို့ကဆိုးကွက်ကိုတော့ရှာမှာပင်။
" စ မေးလို့ရပြီ "
" ကျွန်မက D သတင်းဌာနကပါ့ရှင့်။အခု ဦးဒေဝရဲ့သားအမှုနဲ့ပတ်သတ်ပြီး အစ်ကိုတို့ Company ကလူကလည်းတစ်စိတ်တစ်ဒေသပါဝင်နေတယ်ဆိုတာ အဲ့တာဟုတ်ပါသလားရှင် "
" အင်း "
" ဒါဆို မိုက်ကယ်ရဲ့အမှုက ထိုလူနှင့်အပြည့်အဝပတ်သတ်နေတာပေါ့နော် "
" အင်းးး "
တစ်ယောက်ပြီး တစ်ယောက်အစဉ်လိုက်လက်ထောင်ကာသိချင်တဲ့မေးခွန်းကို ထပ်မေးလာသည်။ဖြေဆိုသူရဲ့မျက်နှာအနေအထားကို သူတို့မခန့်မှန်း။သူတို့သတင်းဌာန နာမည်ရဖို့သာအရေးကြီးသည်။အဲ့လိုအတွက်လည်း မလိုအပ်တဲ့ Personal case တွေအထိ ဝင်ရောက်စွတ်ဖက်လည်းသူတို့အမှန်။
" နောက်ပြီး အဲ့လူနဲ့လည်းလက်ထက်ထားတယ်ဆိုပြီးသတင်းသဲ့သဲ့လေးထွက်နေပါတယ်ခဗျ။တကယ်အမှန်သာဆို ဘာလို့ယောကျာ်းလေးကိုများ... "
" ငါယောကျာ်းယူယူမိန်းမယူယူ မင်ထမင်းတင်ကျွေးထားရလို့လား "
" သခင်လေး! "
ဟယ်ရီကဟန့်သည်။ခုလောလောဆယ်မှာမလိုအပ်တဲ့ပြသနာတွေမဖြစ်စေချင်။သို့သော်ချန်ဒလာကဂရုမစိုက်။သူလုပ်ချင်တာသူလုပ်သည်။ဟယ်ရီ့ကိုတစ်ချက်တောင်မကြည့်။ပါပါရာဇီတွေကိုသာပြာကျတော့မည့်အကြည့်တို့နဲ့သာကြည့်နေသည်။
" Girl ဖြစ်ဖြစ် Boy ဖြစ်ဖြစ် မင်းစောက်ကြောင်းလား။ကျစ်! စိတ်ပျက်စရာ Next ! "
ချန်ဒလာရဲ့ Next ဆိုတဲ့အသံကိုကြားတာနဲ့နောက်ထပ်အမျိုးသမီးတစ်ယောက်ကလက်ထောင်ကာထပ်မေးလာသည်။
" ဦးဒေဝရဲ့သားရဲ့အမှုကအစ်ကို့လက်ချက်ပါလား။ဘယ်လိုအငြိုးတွေများရှိနေခဲ့လို့ပါပဲရှင့်။နောက်ပြီးအစ်ကိုတို့ရုံးချုပ်ကလူနဲ့ပါ ဘယ်လိုပတ်သတ်နေခဲ့တာပါလဲ! "
ချန်ဒလာက ထိုမေးခွန်းမေးသည့်အမျိုးသမီးကိုကြည့်ကာ လက်သုံးချောင်းထောင်လိုက်သည်။အကုန်လုံးကလည်း ပြန်ဖြေလာမည့်အဖြေကိုစောင့်မျှော်ကြသည့်အလား လည်တစ်ရှည်ရှည်။ဘယ်လိုအဖြေများဖြစ်နေပါလိမ့်။ကင်မရာမန်းတွေရဲ့ တစ်ဖျက်ဖျက်ရိုက်ချက်တွေဟာလည်း စိတ်ရှုပ်စရာကောင်းနေပေမယ့်လည်း သူ့အပိုင်ကိုတော့ထိလို့မရနိုင်ဘူးဆိုတာတော့ တစ်တိုင်းပြည်လုံးသိသွားပေလိမ့်မည်။
" ငါ့လူကို ကြည့်ပိုင်ခွင့်မရှိဘူး။ပြောပိုင်ခွင့်မရှိဘူး။ထိပိုင်ခွင့်မရှိဘူး။ အဲ့ဒီ့အချက်သုံးချက်လုံးချိုးဖောက်တဲ့ ဘယ်သူ့ကိုမဆိုငါ့ဘက်ကသတ်ပစ်ဖို့ဝန်လေးနေမှာမဟုတ်ဘူး! "
လက်သုံးချောင်းထဲမှ လက်ညှိုးနဲ့လက်သူကြွယ်ကိုတစ်ချောင်းစီပြန်သိမ်းကာလက်ခလည်ကိုတော့ထားခဲ့လိုက်သည်။ထို့နောက် Live လွှင့်ပုံထင်ရသည့်ကင်မရာရှေတည့်တည့်လှည့်ကာမျက်ခုံးတစ်ချက်ပင့်ပြီးလက်ထောင်ပြလိုက်သည်။ဘယ်ကောင့်များစောက်ဂရုမစိုက်ဘူးဆိုတဲ့ အကြည့်မျိုး။
•~•~•~•~•~•~•~•~•~•~•~
" အစ်ကို အဲ့ကောင်လေးပြောသွားတာကြောက်စရာကြီး "
မျိုးပင်မှိုင်းသူ့ရဲ့ကောင်မလေးကို Shopping လိုက်ပို့ရင်း ကုန်တိုက်ရဲ့ဖန်သားပြင်၌ပေါ်နေသည့်လူ၏ ရှင်းလင်းပွဲကိုကြည့်နေကြတာပင်။ချန်ဒလာတို့ခုလုပ်နေသည့်နေရာနှင့်ဒီနေရာကလည်းသိပ်မဝေးလမ်းလျှောက်ရင်တောင်ရောက်လောက်သည့်အနေအထား။ယိမ်းယိုင်မှုင်းကသူတို့နှင့်ဆိုင်တာဆိုင်တာ မပိုင်တော့ပေ။သူတို့မိသားစုထံ၌ခွဲထုတ်သွားတာလည်း တစ်မျိုးကောင်းပေသည်။ညီလေးမှာ ကာကွယ်ပေးမယ့်လူလည်းရှိသည်။စောင့်ရှောက်ပေးမညိ့သူလည်းရှိနေပြီပဲ။အနည်းအများတော့လုံခြုံသည်ပင်။ နောက်ဆုံးကိုယ့်မိသားစုကိုယ်ပြန်သတ်တဲ့မိသားစုအရိပ်အာဝါသ အောက်ကလွတ်သွားတာလည်းအကောင်းဆုံးပင်။
" အစ်ကို ဘာတွေစဉ်းစားနေတာလဲ နှင်းပြောတာကြားလား! "
" အာ အင်းကြားတယ်နှင်း။ ဒီမှာခနစောင့်နေ ကို toilet ခနသွားအုန်းမယ်! "
ခေါင်းလေးတစ်ချက်ပုတ်ကာ အပြုံးချိုချိုလေးတွေပြုံးပြကာထွက်သွားသည့်ကို။အခုတစ်လော မျက်နှာလည်းမကောင်းပေဘာတွေအခက်အခဲရှိလည်းဆိုတာသူမေးလို့တောင်မရ။အစ်ကိုက တစ်ယောက်ထဲ အမြဲကြိတ်ကာခံစားနေတတ်သည်ပင်။သူများတွေလို အေးအတူပူအမျှခံစားချင်ပေမယ့် အစ်ကိုကအမြဲနှုတ်ဆိတ်နေတတ်သည်။
မျိုးပင်မှိုင်း Toilet ထဲထွက်လာသော်လည်း အချိန်အတော်ကြာရပ်နေမိသည်။သူ့မှာရှင်းစရာကိစ္စတွေ အများကြီးရှိနေသည်။ဒါလီယာဝမ်နဲ့ကော ဘိုးဘိုးနဲ့ကော။ဘိုးဘိုးနှင့်အဆက်အသွယ်မလုပ်ဖြစ်တာကြာပြီဖြစ်ပေမယ့်အခုတော့ပြန်ဆက်သွယ်ရတော့မည့်ပုံ။'စိတ်ရှုပ်ဖို့ကောင်းလိုက်တာကွာ ခုချိန်မေမေသာရှိနေမယ်ဆို သူဘာလုပ်ရမလဲဆိုတာလမ်းပြပေးမှာ '
" ကိုကို! "
အများသုံးဘေစင်မှာမတ်တပ်ရပ်ရင်းမှ ခေါ်သံကြောင့်သူ့ကိုယ်လေးဟာတွန့်ခနဲ။ဒီခေါ်သံကိုသူအများကြီးရင်းနှီးသည်။တစ်လျှောက်လုံးသူ့ကို တစ်မျိုးမျိုးနဲ့လိုက်ရှုပ်နေတတ်သည့်ကောင်။ဒီကောင်လည်းစိတိပျက်ဖို့ကောင်းလှသည်။အမြဲတမ်းပတ် ရှောင်လေလေထိပ်တိုက်တိုးတတ်သည်။မဆုံချင်တဲ့လူနဲ့မှထပ်ဆုံမိပြန်သည်။သူ့ဘက်ကအစကတည်းကလိုက်လျောညီထွေးမဆက်ဆံပေးလိုက်သင့်ပေ။ခုတော့ရောင့်တတ်လာလိုက်ပုံများ။
" ကိုကိုက ဒီကိုဘယ်လိုဖြစ်ပြီးရောက်လာတာလဲ "
" နှင်းနဲ့လာတာ "
" ဪ!။ နှင်းကိုပြန်ပို့ပြီးရင် ကျွန်တော်နဲ့အတူညစာစားပေးပါလားကိုကို "
" ငါမအားဘူး "
ဘေစင်မှာ လက်ဝင်ဆေးနေသည့်ဟယ်ရီက လက်တို့ကခဏရပ်တန့်သွားသည်။ဒါပေမယ့်လည်းအမူအရာမပျက်အပြုအမူကိုထိန်းကာ ...
" ကျွန်တော်စောင့်နေမှာပါ "
" ငါမအားဘူးဆိုတာ မင်းနဲ့မစားချင်လို့ ဟယ်ရီ! "
" ဘာလို့... "
" မင်းနဲ့စားရမှာတော့ မသတီတာအမှန် "
သူ့လိုလူအတွက်တော့ အစ်ကို့ရဲ့ပြောချက်တိုင်းကအထိနာသည်။ဒါပေမယ့်လည်းသူ့ဘက်ကပိုင်ရှင်ရှိမည့်လူတစ်ယောက်ကို ရှေ့ဆင်တိုးနေရတာလဲ။သူတို့နှစ်ယောက်ကြားဟယ်ရီဟာဘယ်လိုအပိုင်းအစဖြစ်ဖြစ် ဝင်လို့မရတော့ချေ။ပိုင်ရှင်ရှိမယ့်လူကိုရှောင်ရမယ်တဲ့။ဒါပေမယ့်လည်းဘယ်လိုလုပ်ရမလဲ အချစ်မှာအတ္တစိတ်တော့ရှိသည်မလား ချစ်ရတဲ့သူကိုပိုင်ဆိုချင်တယ်၊ကိုယ့်ကိုယ်ပဲကြည့်နေစေချင်တယ်။သူလှည့်ကြည့်လိုက်တိုင်း အမြဲတမ်းရှိနေမယ့်အိမ်တစ်လုံးဖြစ်ချင်မိတယ်။
" နောက်ခါတွေ ငါ့ကို ကိုကိုလို့မခေါ်နဲ့! "
" ဘာလို့လဲ! "
" နှင်းကဘာမှမပြောပေမယ့် ငါ့ဘက်ကအပြောအဆိုဆင်ခြင်ရမယ် နှင်းကငါ့လက်ထပ်တော့မယ့်မိန်းကလေး မင်းကဘာမှမဆိုင်တဲ့လူ! ဘာမဟုတ်တဲ့လူကြောင့် ငါနဲ့နှင်းကြားသွေးကွဲတာမျိုးငါမလိုလားဘူး! "
" ကိုကို သူ့ကိုသိပ်ချစ်တာပဲလား "
" အွန်း "
ကိုကိုကပြုံးပြီးဖြေတယ်။ကိုကို့အပြုံးတွေမှာ ထိုအမျိုးသမီးလေးကို ဘယ်လောက်ချစ်လဲဆိုတာထင်ဟပ်နေခဲ့တယ်။ကိုကို့အပြုံးတွေကို မြင်ရတိုင်းသူပါလိုက်ပျော်မိ၏။ဒါပေမယ့်လည်းရင်ဘတ်ထဲကလည်း အနည်းငယ်တော့အောင့်တတ်နေမိသည်။သူ့ရဲ့အချစ်တွေကို ရင်ဘတ်ထဲမှုပဲရင်ဝယ်ပိုက်သိမ်းထားဖို့ကံပါလာခဲ့သည်ထင်သည်။သူ့ရဲ့အရာအားလုံးကို ရင်ထဲမှာပဲသိမ်းထားဖို့ကိုကိုကလမ်းပြပေးလိုက်ပြီဖြစ်သည်။ရှေ့ဆက်လှမ်းဖို့ဆိုတဲ့ ကြိုးစရေးရေးလေးတောင်မမြင်တော့။အရာရာအကုန်လုံးကို ရှေ့ဆက်မတိုးမိအောင်အစ်ကိုဟာပါးနပ်စွာကန့်ချလိုက်တာပင်။ထိုအမျိုးသမီးကို ကြင်ကြင်နာနာတစ်ချက်ခေါ်တိုင်းသေမိန့်ကြကြေးဆို ဒီနေရာမှာ ဟယ်ရီဆိုတဲ့ကောင်မရှိတော့မှာအသေပချာပင်။
' တစ်ဖက်သတ်အချစ်တွေက မီးတစ်စလိုပဲအမြဲပူလောင်စေတယ် '
အချစ်ဆိုတာ ပိုင်ဆိုင်ခြင်းမှမဟုတ်ပါဘူး အဝေးကနေချစ်နေရလည်း အချစ်ပဲတဲ့။ဒီလိုပဲကိုကို့အနားရှိနေမှ အချစ်မဟုတ်ပါဘူး ကိုကို့အဝေးကနေပြီးချစ်နေရတာလည်းအချစ်ပါပဲ။ကျွန်တော့်ဘဝမှာ တစ်ခါမှဆုမတောင်းဖူးပေမယ့်ကိုကိုနဲ့တွေ့ပြီးနောက်မှ ပိုဆုတောင်းဖြစ်လာတယ်။ဒါဟာ ကိုကို့ကို အမြဲပျော်ရွှင်စေချင်တာပါပဲ။ကျွန်တော့်ကြောင့်ဟုတ်ခဲ့ရင်တောင် ကိုကို့ကိုပျော်ရွှင်စေချင်ခဲ့တာတော့ ကျွန်တော့စိတ်ရင်းအမှန်ပါ။ မျှော်လင့်ချက်လည်းမပါသလိုအတ္တလည်းကင်းတဲ့ကျွန်တော့်ရဲ့အချစ်ပါပဲ။
" ကိုကို သူနဲ့နေရတာ ပျော်တယ်ထင်တယ် "
" အင်း နှင်းကငါ့ကိုအများကြီးနားလည်ပေးနိုင်တယ်။ငါဝမ်းနည်းတဲ့အချိန်တိုင်းတစ်ဦးတည်းရှိပေးနိုင်တဲ့လူပဲ။စကားပြောနေတာ ရပ်လိုက်ရအောင် နှင်းငါ့ကိုစောင့်နေတယ် "
ဟယ်ရီ့ရဲ့လက်မောင်းကိုတစ်ချက်ကိုပုတ်ကာ မျိုးပင်မှိုင်းကတော့ထွက်သွားလေပြီ။
ကိုကိုဟာသူ့ကိုနည်းနည်းလေးတောင်သဘောမကျဘူးပဲ။တစ်ခါတစ်လေ မပိုင်ဆိုင်ရတဲ့လူတွေကိုလည်းဇာတ်လမ်းမစတင်ခင်ကတည်းက ဆုံးရှုံးရတတ်တယ်။ကိုယ်ချစ်တဲ့လူက သူချစ်တဲ့လူနှင့်တွဲမြင်ရတဲ့အခါ နာကျင်ခြင်းနှင့် ပျော်ရွှင်ရခြင်းက ဒွန်တွဲဝင်လာတတ်၏။နာကျင်ရခြင်းဟာ ချစ်ရတဲ့လူရဲ့ပျော်ရွှင်မှုဟာ ကိုယ့်ကြောင့်မဟုတ်တာကြောင့်ဖြစ်ပြီး၊ပျော်ရွှင်ရခြင်းဟာကိုယ့်ကြောင့်မဟုတ်တဲ့ ချစ်ရတဲ့လူရဲ့အပြုံးတွေကို မြင်ရခြင်းကြောင့်ဖြစ်ပေလိမ့်မည်။
" စတင်ကတည်းက မှားနေခဲ့တာ ကျွန်တော့်ဘက်က မှားနေခဲ့တာ အားးး! "
နံရံကိုတစ်ရပ်စက်ထိုးခွဲနေသည့်ဟယ်ရီ။အစကတည်း ပိုင်ရှင်ရှိသည့်လူကိုချစ်ဖို့သူ့နှစ်လုံးသားကလှုံ့ဆော်ခဲ့ရတာလဲ။ခုတော့မလိုအပ်တာတွေပဲဖြစ်နေခဲ့ပြီ။စတင်တွေ့ခဲ့သည့် ကိုကို့ရဲ့အပြုံးတွေကြောင့်သူရင်ခုန်ခဲ့ရသည်။ကိုကိုဟာ သူ့အပေါ်မျှော့်လင့်ချက်တစ်စွန်းတစ်စတောင်မထားခဲ့။သူကသာ သူ့ဘက်ကသာအတိုင်းထက်အလွန်ကျော်လွန်နေခဲ့တာ။ကိုကို့ဘက်ကအကြိမ်ကြိမ်ငြင်းပယ်ခဲ့သည့် ဂရုစိုက်မှုတွေကို သူ့ဘက်ကအလိုက်မသိပေးခဲ့မိတာ။ကိုယ်ချစ်တာသူသိဖို့ကြိုးစားရင်း သူချစ်တာ ကိုယ်မဟုတ်မှန်းသိခဲ့ရတယ်။
" ကိုကို့အပေါ် စိတ်မယိမ်းအောင်ကျွန်တော်ကြိုးစားပါ့မယ်။ကျွန်တော်ကြိုးစားပါ့မယ်ဗျာ "
" သဝန်တိုလိုက်တာ ကိုကို့နဲ့ကိုကိုအမျိုးသမီးလေးကို ကျွန်တော်သဝန်တိုလိုက်တာ "
ပထမဆုံးအကြိမ် သူ့ဘဝမှာကျလာဖူးသည့်မျက်ရည်။လူငယ်တိုင်းဟာအချစ်ဆိုတဲ့နွံထဲမှာအချိန်ကြာမြင့်စွာနစ်ဖူးခဲ့ကြသည်မလား။ဒီလိုပါပဲ သူဟာလည်းဒီလိုပါပဲ ကိုယ့်အတွက်ချစ်ခြင်းမေတ္တာမရှိသည့်လူဆီမှာနစ်ဖူးခဲ့ပြီဖြစ်သည်။ဘုရားသခင်ဟာ ပူဆွေးဝမ်းနည်းဖို့အတွက်နဲ့အချစ်ဆိုတဲ့အရာကိုဖန်ဆင်းပေးထားတာလား။ဒါမှမဟုတ် သူ့လုပ်ခဲ့တဲ့အပြစ်တစ်ခုစီတိုင်းအတွက် ပြစ်ဒဏ်ခက်လိုက်သည်လား။
•~•~•~•~•~•~•~•~•~•~•
23 • 3 • 2024 •
Kiran