ဂယူဗင်းသည် စီနီယာအစ်မပြောတာကို
ကြားပြီးကတည်းက စိတ်ထဲတနုံ့နုံ့
ပြောစကားနားမထောင်သည့် ကောင်လေးကိုလည်း ခပ်ဆတ်ဆတ်ရိုက်ပစ်ချင်သည်။
ရှန်ချွမ်းရွေ့ကို တ၀ကြီး ဆူပစ်မယ်လို့
တွေးထားပြီး ချိန်းလိုက်ပေမဲ့ စိတ်ထဲမှာ
ရစ်ခီ ဆိုသည့် နာမည်က ရင်းနှီးနေသလို
ဖျောက်လို့မရ။ နာမည်ကိုပြောင်းပြောလိုက်တာကလည်း သူသိသွားမှာကြောက်လို့ ချွမ်းရွေ့ က
မသိအောင် တခြားနာမည်သုံးပြီး
ပြောလိုက်တာဖြစ်နိုင်သည်။
စိတ်ထဲစနိုးစနှောင့်ဖြစ်နေပေမဲ့
ဘာမှန်းတော့သေချာမသိ။ အချိန်ကိုက်ဆိုသလို
၀င်လာသည့် စာတို တစ်စောင်က
ဂယူဗင်းရှုပ်ထွေးနေတာတွေကို
လမ်းဖွင့်ပေးလိုက်သလို။
Kim Ricky
/တကယ်လို့လေ/
/စိတ်ဆိုးနေတယ်ဆို ဘယ်လို
စိတ်ပြေအောင်လုပ်ပေးရမလဲ/
/စဥ်းစားနေရင်ကြာမှာဆိုးလို့
မင်း စိတ်ပြေမယ့် နည်းလမ်းလေးတွေပဲ ပြောပြ/
/မင်း ကြိုက်တဲ့ နည်းလမ်းတွေနော်/
***
ဂယူဗင်းက တော်ရုံဆို သူစိမ်းတစ်ယောက်အပေါ် သံသယ၀င်ခဲသည်။အခု နာမည်တူနေတာရော၊
အခြေနေတူနေတာရောကြောင့် ဒီ acc ပိုင်ရှင်က
ချွမ်းရွေ့များ ဖြစ်နေမလားဆိုပြီး စိတ်ထဲထင့်နေသည်။
ပို့ထားသည့် စာတွေကို ပြန်ဖတ်ကြည့်တော့
သူနဲ့ ချွမ်းရွေ့ ရုပ်ရှင်မကြည့်ခင် ည မှာ
သူငယ်ချင်းအချင်းချင်း ကြိုက်သည့်
ရုပ်ရှင်ရွေးခိုင်းတာတွေ၊ ကျောင်းမှာရှိလာမေးပြီး
ညနေကျတော့ ကျောင်းရောက်လာတာတွေ
အစရှိသဖြင့် တိုက်ဆိုင်နေသည်။
အတည်ပြုဖို့ဆို တစ်နည်းပဲရှိသည်။
မသိမသာ ဝူဟွန်း ကို စကားအစ်ကြည့်ဖို့။
"ဝူဟွန်း ငါ ဂယူဗင်း "
"အေး ဂယူဗင်း ဘာဖြစ်လို့လဲ ငါပြောရဦးမယ်
မင်းမိတ်ဆက်ပေးတဲ့ မမ နဲ့ အရမ်းအဆင်ပြေတယ်သိလား"
ဝူဟွန်းအသံနေအသံထားကိုကြည့်ရတာ အရင်ကထက် ဂယူဗင်းပေါ် ပျော့ပျောင်းလာသည်။
ကူညီပေးလိုက်တာလဲ ပါမည်။ ဒါပေမဲ့
သူမိတ်ဆက်ပေးသည့် စီနီယာအစ်မက
အဆင်မပြေဘူးဆိုပြီး လာပြောထားတာကို အခု
ဝူဟွန်းက အဆင်ပြေတယ်ဆိုတော့
ဘယ်တစ်ယောက်နဲ့ အဆင်ပြေသွားမှန်းမသိ။
ဒါကလည်း ထားလိုက်ပါလေ အခုက အဲတာထက်
ပိုအရေးကြီးသည့် ကိစ္စရှိနေသည်လေ။
"မင်း ပြေတယ်ဆိုတော့ တော်သေးတာပေါ့
ဒါနဲ့ မင်း ရစ်ခီ နဲ့ အဆက်သွယ်ရလား"
ဂယူဗင်းသည် ရစ်ခီ လို့သာထည့်ပြောလိုက်ရသည်။
ရင်တမမ။
"ရစ်ခီ? ဘယ်ကရစ်ခီ? အာ! မင်းနဲ့ ချိန်းထားတာမဟုတ်ဘူးလား မင်းကို
တွေ့မယ်ဆိုပြီးထွက်သွားတာပဲ"
ဝူဟွန်းက ကြောင်အအလေးပြောလာသည်။
"အင်း ဒါဆို ရောက်နှင့်နေပြီထင်တယ်
ငါ ဖုန်းချလိုက်တော့မယ်"
ဂယူဗင်းသည် မျက်နှာပေါ်က အပြုံးကို
ထိန်းမရ၊သိမ်းမရ။ ချွမ်းရွေ့ တစ်ဖက်လှည့်နဲ့
သူ့အကြောင်းစုံစမ်းပြီး သူ့ကို လိုက်တာတွေ၊
သူသဘောကျချိန်မှာ ချွမ်းရွေ့ကလည်း
သူ့ကို သဘောကျနေကြောင်းစဥ်းစားမိတော့
ရင်ထဲယားကျိကျိ။ အရင်ကထက်ပိုပြီး
နေလို့ထိုင်လို့ကောင်းလာသလို။
အူတူတူလေးလို့ ထင်ထားကာမှ တကယ်တော့
လူလည်လေး ဖြစ်နေတာပဲ ရှန်ချွမ်းရွေ့လေးက။
ဂယူဗင်းက စိတ်ဆိုးနေတာတွေတောင်
ပျောက်ပြီအူမြူးလာသည်။
အရင်ထက် ပိုပြီးအရှိန်တင်ကာ ကားကိုမောင်းလာခဲ့သည်။ လူလည်လေးကို ပွေ့ဖက်ပြီး ရင်ခွင်ထဲထည့်ကာ နမ်းရှိုက်ချင်သည်။ ရှန်ချွမ်းရွေ့နားက
တစ်ဖဝါးမှကို မခွာချင်တော့။
ဆိုင်ထဲမှာ ထိုင်နေသည့် ချွမ်းရွေ့ကို ဘာတွေတကုပ်ကုပ်လုပ်နေမှန်းမသိ။ ဂယူဗင်း၀င်လာတာကို မြင်တော့ ၀မ်းသာသလိုလို၊ကြောက်သလိုလိုနဲ့ တုန်တုန်ရီရီ။
ကျားဂူထဲရောက်သွားသည့် ကြောင်ပေါက်လေးလို။
ချွမ်းရွေ့က တစ်ခုခုပြောနေပေမဲ့ ဂယူဗင်း နားထဲမှာ ဘာမှမကြား။ရုပ်ရှင်ထဲကအနှေးပြကွက်လို
ချွမ်းရွေ့မျက်နှာလေးကပဲ တ၀ဲလည်လည်။
သူငယ်ချင်းအချင်းချင်းကြိုက်တယ်ပဲ လုပ်နေလို့
သူ့သူငယ်ချင်း အူကြောင်ကျားကိုများ ကြိုက်နေသလားဆိုပြီး ဂယူဗင်းက စိုးရိမ်ခဲ့ရတာတွေက၊
အခုတော့ အလကား စိုးရိမ်စိတ်၀င်မိတယ်ဆိုပြီး ကိုယ်ဘာကိုယ်အသုံးမကျဘူးဆိုပြီးလဲ တွေးမိသည်။သူ့ကို သဘောကျလို့ ကလေးအတွေးနဲ့ သူ့ကို
ပိုးပန်းသည့် ချွမ်းရွေ့ပုံကို ပြန်မြင်ယောင်တော့
ဂယူဗင်း စိတ်ထဲ အူယားသည့် စိတ်က တရိပ်ရိပ်။
"ချွမ်းရွေ့ ကိုယ်တို့ လက်ထပ်ရအောင်"
ချွမ်းရွေ့က မထင်မှတ်ထားလိုထင်သည်။
အံ့သြသွားပုံရသည်။ပြန်မဖြေလာ။
ဂယူဗင်းက ကိစ္စမရှိဘူးလို့ တွေးသည်။
ပြန်ဖြေဖြေ မဖြေဖြေ ကိစ္စမရှိ၊တစ်နေ့ ရှန်ချွမ်းရွေ့ လက်ထပ်လို့ ခန်းမထဲအတူတူ၀င်ရမည့် သူ
သည် ကင်ဂယူဗင်းပဲ ဖြစ်ရမည်။
ချွမ်းရွေ့က တစ်ချိန်လုံး အူတူတူပုံလေး၊
အရင်ကတော့ သူပဲ မြောင်းတွေအကျယ်ကြီး
ဖောက်ပြီး ဂယူဗင်းက ရေစီးနဲ့အတူလာတော့မယ်ဆိုတော့ ဂိတ်ပိတ်ထားပြန်သည်။
ကလေးစိတ်နဲ့ ကြောင်တောင်တောင်လေးဆိုတော့ သေချာပေါက် မဟုတ်တာတွေလုပ်ဖို့ တွေးနေတာဖြစ်နိုင်သည်။
***
အိမ်ပြန်ရောက်သွားတော့လည်း ဂယူဗင်းက
ချွမ်းရွေ့ကို တွေ့ချင်စိတ်ကထိန်းမရ။
လူလည်လေးက တစ်ချိန်လုံး ဂယူဗင်းကို
ဆော့နေခဲ့တာကို သတိရပြီး ရှန်အူတူတူလေးကို
ဂယူဗင်းက ပြန်စဖို့ အကြံရသွားသည်။
Kim Ricky
/စိတ်ပြေအောင်လုပ်ပေးချင်ရင်
သူသဘောကျတာလုပ်ပေးလိုက်လေ
ဥပမာ လက်ထပ်ချင်တယ်ဆို
လက်ခံလိုက်တာမျိုး/
ချွမ်းရွေ့ user name ကိုကြည့်ပြီးတော့လည်း
ဂယူဗင်းက အိပ်ယာပေါ်လှိမ့်ရပြန်သည်။
ဖူးစာတွေလို့ဆိုရမလား
ပေးထားတဲ့ မျိုးရိုးကိုက " ကင် " မျိုးရိုး။
ချွမ်းရွေ့က စာမပြန်ပေမဲ့ ဂယူဗင်းက အရင်က
ချွမ်းရွေ့ပို့ခဲ့သည့် စာလေးတွေကိုကြည့်ပြီး
သူ့မှာ အိပ်မပျော်နိုင်။ဘယ်တုန်းကတည်းက
ချွမ်းရွေ့က သူ့အပေါ် စိတ်ရှိတာဖြစ်နိုင်လဲ။
ဒိတ်လုပ်တယ်ဆိုပြီးစတွေ့ကတည်းကလား၊
ရုပ်ရှင်ရုံမှာ တွေ့တုန်းကလား၊ကော်ဖီဆိုင်မှာ
ထပ်တွေ့တုန်းက၊ကျောင်းကို လာရှာတုန်းကလား၊
အဲလောက်ထိ နောက်ကျမယ်လို့ မထင်။
ဂယူဗင်းသည် အလိုလိုနေရင်း
အားတွေပြည့်လာသလိုခံစားနေရသည်။
***
Kim Ricky
/မောနင်း/
/အိပ်ယာကနိုးရင် ရည်းစားကို
ဖုန်းဆက်တာကလည်းစိတ်ဆိုးပြေစေနိုင်တယ်နော်/
ဂယူဗင်းသည် မိုးလင်းကတည်းက ချွမ်းရွေ့ကို
စချင်စိတ်ကိုထိန်းမရ။
/ဟင် မင်း စိတ်ဆိုးနေတာလား/
ချွမ်းရွေ့က ပို့ပြီးပြီးချင်း ဒီစာကို ပြန်ဖျက်သွားသည်။ ဒါကို ဂယူဗင်းက မြင်ဖြစ်အောင်မြင်သွားသည်။ဒီလိုမပိမရိနဲ့ ချွမ်းရွေ့က ဘယ်လိုစိတ်နဲ့များ လူလည်ပက်ကားလေးလုပ်ချင်လဲမသိ။
/မှားပို့တာ/
ချွမ်းရွေ့သည် လိုင်းသုံးနေတာရပ်သွားသည်။ချက်ချင်းဖုန်း၀င်လာသည်။ ဂယူဗင်းသည်
မသိသာစေရန် ရယ်ချင်ပတ်ကျိဖြစ်နေသည့်
အသံကို အရင် ပြင်ရသည်။
"ဟယ်လို ဗင်းလား"
အသံလေးက ညင်ညင်သာသာလေး။
ကြောင်ပေါက်လေးလို။ဂယူဗင်း နားထဲ ယားကျိယားကျိ။
"အင်း"
ဂယူဗင်းသည် အောက်နှုတ်ခမ်းကို ဖိကိုက်ထားမိသည်။မဟုတ်ရင် ရယ်သံထွက်လာတော့မှာ။
"good morning"
"ကိုယ်ကို အဲတာပြောဖို့ ဖုန်းဆက်လိုက်တာလား"
"အဲလိုလည်း မဟုတ်ဘူး ဒီတိုင်း"
"သြော် မသိပါဘူး ကိုယ်စိတ်ဆိုးနေလားဆိုတာကို
သိချင်လို့ ဖုန်းဆက်တယ်ထင်နေတာ"
"မသိချင်ပါဘူး "
ချွမ်းရွေ့သည် ပက်ခနဲ ရန်ပြန်တွေ့သည်။
အလိမ်မိသွားသည့် ကလေးလေးတစ်ယောက်လို။
"သြော်"
"ဘာ သြော်လဲ မင်းနော် ငါကို လိုက်စမနေနဲ့"
"ကိုယ်က ဘယ်မှာစနေလို့လဲ"
ဂယူဗင်း စတာကို ချွမ်းရွေ့သည် ပြန်ပြီးကောင်းကောင်းတုံ့ပြန်ရမည့်အစား ရန်ပဲပြန်တွေ့နေသည်။
ဒါကလည်း ဂယူဗင်း အတွက်တော့ ချစ်စဖွယ်အတိ။
"မင်း သိတယ်မလား"
ချွမ်းရွေ့ အဲလောက်မြန်မြန် ရိပ်မိသွားမယ်လို့မထင်၊
"ဘာကိုသိရမှာလဲ ချွမ်းရွေ့ ကိုယ့်ကို လျှို့ဝှက်ထားတာတွေရှိလို့လား"
"မရှိပါဘူး ဒါပဲနော်"
ဖုန်းချတာအလင်းအရှိန်ထက်တောင်
မြန်သေးသည်။
ဂယူဗင်း တွေးတာမမှားရင် သူ့သူငယ်ချင်းဆီ
ဖုန်းဆက်ပြီး အကူညီမဖြစ်သည့်
အကြံဉာဏ်တွေသွားတောင်းနေလောက်မှာ
သေချာသလောက်ရှိသည်။
***
ချွမ်းရွေ့သည် ကျောင်းထဲကို အလျင်စလို။
တစ်မနက်လုံး ဖုန်းဆက်တော့လည်း ဖုန်းက
မအားဘူးဆိုတာရယ် မကိုင်တာရယ်နဲ့၊မသင်္ကာချင်။
"ဝူဟွန်းကို တွေ့မိသေးလား"
အတန်းဖော်တစ်ယောက်ကို မေးလိုက်ပေမဲ့
ခေါင်းခါပြလာသည်။
"ကျစ် ဘယ်သွားနေတာလဲမသိဘူး အဲကောင်"
နွားလေးဝူး ဝူ
/ဟေ့ကောင် ကျောင်းမလာဘူးလား/
/ဖုန်းကိုင်ဦး ပြောပြစရာရှိတယ်/
ချွမ်းရွေ့သည် စာပို့ပြီးပြီးချင်း ဖုန်းဆက်လိုက်တော့
ဝူဟွန်းက ဖုန်းကိုင်လာသည်။
"မနက်ကတည်းက ဆက်နေတာ ဘာလို့ဖုန်းမကိုင်တာလဲ သေသွားပြီထင်နေတာ"
"မင်း နဲ့ ပြိုင်ရန်မတွေ့နိုင်ဘူး ငါကို တစ်ခုကူစမ်းပါ"
"ဘာလဲ ပြောကြည့်"
"မင်းတုန်းက ငါအကြံပေးတယ်လေ
ငါအလှည့်လာကူပေး"
ဘာကူရမယ်လဲမပြောဘဲ လိပ်စာပို့လိုက်တာမို့လို့
ချွမ်းရွေ့က မသွားချင်၊သွားချင်နဲ့ သွားရပြန်သည်။
ကျောင်းမတက်ချင်တာလည်း တစ်ကဏ္ဍာပေါ့။
စားသောက်ဆိုင်ထဲရောက်သွားပေမဲ့ ဝူဟွန်းကို
ရှာလို့မတွေ့။ဖုန်းဆက်ပြီးမေးမယ်ကြံလိုက်ကာမှ
ခပ်ဝေးဝေးမှာ ကုပ်ကုပ်လေးထိုင်နေသည့်
ကျောပြင်ကိုတွေ့သည်။
ဝူဟွန်းက ကုပ်ကမြင်း အဲလိုအပိုးကျိုးသည့်
ပုံစံ နဲ့ ထိုင်နေတာရှားသည်။အဲတော့ ချွမ်းရွေ့က
ဖုန်းထုတ်ပြီး ဓါတ်ပုံရိုက်ထားလိုက်သည်။
တစ်နေရာရာမှာ အသုံး၀င်ချင် ၀င်လာမှာ
ပြောလို့ရတာမဟုတ်ဘူး။
တစ်ဖက်မိန်းကလေးက ဘယ်သူလဲမသိပေမဲ့
ဒီလိုအပိုးကျိုးအောင် လုပ်နိုင်တယ်ဆိုကတည်းက
ချွမ်းရွေ့က အထင်ကြီးသွားပြီ။သူကိုကျတော့ ရည်းစားကြောက်တယ်လေး၊ဘာလေး ပြောပြီး
ဝူဟွန်းကိုယ်တိုင်ကျတော့ မကြောက်တာမဟုတ်။
"ဝူဟွန်း ငါ"
အားရပါးရ ပုခုံးဖက်ပြီး ခေါ်တော့မလို့
ရင်းနှီးနေသည့် မျက်နှာကို မြင်လိုက်ရတာမို့လို့
ချွမ်းရွေ့သည် ကြောင်သွားရသည်။
တစ်ဖက်ကလည်း အဓိပ္ပါယ်ပါပါ.
မျက်ခုံးပင့်လိုက်တာမို့လို့
နေရာမှာတင် ဒူးထောက်လိုက်ချင်။
ဒါနဲ့ ဘေးက ကောင်မလေးကရော ဘယ်သူလဲ၊
ဘာလို့ ဂယူဗင်းက ဒီရောက်နေတာလဲ။
ချွမ်းရွေ့ ခေါင်းထဲမှာ မေးခွန်းတွေအပြည့်။
မနေ့က သူလိုက်ခဲ့ပေးတာ သိသွားလို့များ
ပြဿနာတက်နေတာလား ဆိုပြီး တွေးမိသွားတော့ ချွမ်းရွေ့သည် ဝူဟွန်းဘေးက နေရာအလွတ်မှာ ကုပ်ကုပ်လေး ၀င်ထိုင်လိုက်သည်။
ဝူဟွန်းသည် ချွမ်းရွေ့၀င်ထိုင်တာမြင်တော့ မျက်နှာငယ်လေးနဲ့ ကြည့်လာသည်။ ချွမ်းရွေ့ကလည်း အူကြောင်ကြောင်နဲ့ ပြန်ကြည့်ပေးလိုက်သည်။ဘာတွေဖြစ်နေမှန်းမသိ။
လေထုက အတော်လေးကိုးရိုးကားယားနိုင်ပါသည်၊
စားပွဲခုံအောက်မှာ ဝူဟွန်းက ချွမ်းရွေ့ ခြေထောက်ကို ခဏခဏ လာတက်နင်းသည်။ ချွမ်းရွေ့သည်လည်း စိတ်ပေါက်ပေါက်နဲ့ ပြန်ကန်ပေးလိုက်သည်။
နှစ်ယောက်သား ပြဿနာတက်နေတာကို ဂယူဗင်းသည် လက်ပိုက်ကြည့်နေသည်။ဘေးကကောင်
မလေးကလည်း ဂယူဗင်းနည်းတူကြည့်နေပေမဲ့
သူလည်း အရိပ်အခြည်ကြည့်နေရသလို။
" ဗင်း ဘာလို့ ဒီကိုရောက်နေတာလဲ"
ချွမ်းရွေ့သည် မေးသာမေးလိုက်တယ်
သူကိုယ်တိုင်လည်း ဘာလို့ဒီကိုရောက်နေမှန်းမသိ။
"ချွမ်းရွေ့ ကူညီပေးတာဆို အခုကိစ္စကို"
ချွမ်းရွေ့သည် မျက်လုံးလေးပြူးပြီး ကြည့်သည်။
ဘာကိစ္စမှန်းတောင် သူမသိဘူးနော်။
"ဟုတ်တယ် ဂယူဗင်း ချွမ်းရွေ့ကိုယ်တိုင်ကူပေးတာ
သူတောင် သဘောတူ"
"မင်း ပါးစပ်ပိတ်ထား"
ဂယူဗင်း ကြိမ်းတော့ ဝူဟွန်းသည် ငြိမ်သည်။ တစ်ဖက်ကကောင်မလေးကလည်း တုန်သွားသည်။ ချွမ်းရွေ့သည်
အခြေအနေကို နားလည်သွားသလို။
"ငါတို့ စကားကောင်းကောင်းပြောကြရအောင်
ဒီက အစ်မက.."
ဝူဟွန်းသည် ချွမ်းရွေ့ခြေထောက်ကို တက်နင်းပြန်သည်။ဟိုက ကောင်မလေးကလည်း
ကြောင်တောင်တောင်နဲ့ကြည့်သည်။ ဂယူဗင်းကို
ချွမ်းရွေ့ကကြည့်လိုက်တော့ ကြောင်ပေါက်လေးတွေ ပြဿနာရှာရင် ကြည့်သလို ဘာလုပ်လုပ်
သဘောကျသည့် အကြည့်မျိုး။မကြည်နူးနိုင်သေး
ဘာပြဿနာတက်နေမှန်း ချွမ်းရွေ့နားမလည်။
" ချွမ်းရွေ့က ကိုယ့်ညီမလေးနဲ့ ဝူဟွန်းကို အောင်သွယ်ပေးလိုက်တာဆို မင်းသူငယ်ချင်းနဲ့ ကိုယ်လုံး၀ သဘောမတူဘူး ချွမ်းရွေ့ကရော
ကိုယ်ကို မလိုက်သွားဘူးလို့ ကတိပေးပြီး
ဘာလို့ လိုက်သွားရတာလဲ"
ဂယူဗင်းသည် ဆူသလိုလိုနဲ့ ပြဿနာကို နားလည်အောင်ပြောပြသည်။မဟုတ်ရင် အူကြောင်ကြောင်လေးက နားလည်မယ်မထင်။ဝူဟွန်းဆိုသည့်ကောင်ကလည်း သူ စိတ်မဆိုးရင်ပြီးရောဆိုပြီး
ဘာမှမသိသည့် ချွမ်းရွေ့ကို အကူခေါ်လိုက်ပုံပေါ်သည်။
"မဟုတ်ဘူးလေ မင်းပဲ စီနီယာအစ်မ နဲ့ ဒိတ်ပေးတာလဲ အခုကျတော့ ဘာလို့ မင်းညီမလေး ဖြစ်နေတာလဲ??"
ချွမ်းရွေ့သည် မျက်မှောင်ကြုတ်ပြီးတောင်
စဥ်းစားရသည်အထိ။ရုပ်ရှင်တွေထဲကလို
ရင်းနှီးတဲ့ညီမလေးတွေ၊ ငယ်ငယ်က စောင့်ရှောက်လာတယ်ဆိုတဲ့ အကွက်တွေလား။
"ကိုယ်မိတ်ဆက်ပေးတဲ့ သူနဲ့ စကားဧည့်ထောက်ခံပြောလာတာဘယ်သူလဲ "
"ဘယ်သူပြော...အဲ"
ချွမ်းရွေ့ ခေါင်းထဲ အဲနေ့ကအဖြစ်အပျက်တွေ
တစ်ခုပြီးတစ်ခုပြန်ပေါ်လာသည်။
ဝူဟွန်းကို သာ စိတ်ရှိလက်ရှိပိတ်ထိုးလိုက်ချင်သည်။
အဲတာအကုန် မင်းကြောင့်။
"ငါတို့မသိလို့ ဖြစ်သွားတာလေ မင်းတောင်
ငါ့သူငယ်ချင်းကို ကြိုက်သေးတာပဲ ငါလည်း
မင်းညီမလေးကို ကြိုက်တာဘာဖြစ်လဲ ပြီးတော့
မင်းကိုယ်တိုင်ဖန်တီးပေးတာလေ ငါရော
ချွမ်းရွေ့ရော ဒီက ချာတိတ်လေးနဲ့ရောမဆိုင်ဘူး"
ဝူဟွန်းသည် ပက်ခနဲ။ချွမ်းရွေ့ကို တပ်ကူခေါ်ထား
ပေမဲ့ တပ်ကူက လမ်းတစ်၀က်မှာတင် လှည့်ပြန်ချင်နေတာမြင်တော့ ကိုယ်ဘာကိုယ်ပဲ အားကိုးရသည်။
"ဘာချာတိတ်လေးလဲ မင်းထက် နှစ်နှစ်ပဲငယ်တာ
ချွမ်းရွေ့က ငါကို ပြန်ကြိုက်တယ် ငါညီမလေးက မင်းကို ပြန်ကြိုက်လို့လား မတူတာမတုစမ်းနဲ့"
ဂယူဗင်း ဒီလို ရန်တွေ့တာမမြင်ဘူးတော့ ချွမ်းရွေ့သည် ပါးစပ်အဟောင်းသားလေးနဲ့ ကြည့်နေမိသည်။
"အောင်မာ ငါကိုအဖြေပေးခါနီး မင်းလာရှုပ်လို့လေ
အဲလိုမှန်းသိ ရှန်ချွမ်းရွေ့ကြိုက်မယ်ပြောတုန်းက
ငါ ငြင်းခိုင်းလိုက်ပါတယ်"
"မင်းက ရာရာစစ ဘာမို့လို့လဲ"
"မင်းကရော ဘာမို့လို့လဲ ငါက သူ့သူငယ်ချင်းကွ
သူအူဘယ်နှစ်ခွေရှိလဲဆိုတာကအစ သိတယ်
သူသောက်တဲ့ milk tea တောင် ပိုက်တစ်ခုတည်း အတူတူသောက်ဖူးတယ် သူ့ကုတင်ပေါ်မှာ
တူတူလှဲပြီး တစ်ညလုံးဂိမ်းဆော့ဖူးတယ်ကွ"
"ဟေ့ကောင် ဘာတွေလျှောက်ပြောနေတာလဲ "
ဂယူဗင်း မျက်နှာကြီးနီပြီး ရှူးရှူးရှဲရှဲနဲ့ ဒေါသထွက်နေတာမြင်တော့ ချွမ်းရွေ့က ၀င်ပါရသည်၊မဟုတ်ရင် သူတို့ပြတ်သွားတော့မယ်လို့ခံစားနေရသည်။
သူငယ်ချင်းပေါင်းမှားတယ်ဆိုတာ ဒါမျိုး။.
"သွား မင်းတို့ ထွက်သွား ဒီကမိန်းမိန်းလေးလဲ သူနဲ့ လိုက်သွားနော် ဟဲ့ကောင် မင်းထွက်သွား"
ချွမ်းရွေ့သည် ဝူဟွန်းလည်း အဆင်ပြေ၊
သူလည်း သက်သာမည့် နည်းကို ရွေးသည်။
ဝူဟွန်းက ကောင်မလေးကို ခေါ်ပြီး
ထွက်သွားတာမြင်မှ သက်ပြင်းချရသည်။
ပြောသာပြောရတယ် သူငယ်ချင်းဆိုေတာ့
ကူရမည်။
"ဘယ်သွားမှာလဲ ကိုယ် လိုက်သွား"
"မလိုက်နဲ့လေ ဂယူဗင်းကလည်း"
ဂယူဗင်း ဘေးကို အမြန်၀င်ထိုင်သည်။ချွမ်းရွေ့
အကြံကိုသိနေတော့ ဂယူဗင်းစိုက်ကြည့်လာသည်။
အဲတော့လည်း ချွမ်းရွေ့က အရင်ကသုံးနေသည့်အကွက်တွေလို ရယ်ပြလိုက်သည်။
"ကိုယ်ကို မလိမ့်တပတ်လုပ်ရတာ ပျော်လား
ရှန်ချွမ်းရွေ့"
ဂယူဗင်းဆီက နာမည်အပြည့်အစုံခေါ်တာကြားလိုက်ရတော့ ချွမ်းရွေ့ သိပ်ပြီး နေလို့တောင်မကောင်းချင်။
မျက်နှာပျက်ချင်လာသည်။ မားမားခေါ်ရင်တောင် ကိစ္စမရှိပေမဲ့ ကောင်လေးကခေါ်တော့
ရင်ထဲမကောင်းချင်။
ဂယူဗင်းက မျက်နှာငယ်လေးဖြစ်နေသည့်
ချွမ်းရွေ့မျက်နှာလေးကို ညစ်သည်။
ပါးဖောင်းဖောင်းလေးကို ညစ်ထားတော့
နှုတ်ခမ်းကဆူထွက်လာတာ ချစ်စရာအတိ။
ချွမ်းရွေ့က မျက်စောင်းလှမ်းထိုးသည်။
သူ့ကို အဲလိုလုပ်တာမကြိုက်ပါဘူးပေါ့။
"ဖယ်စမ်းပါ ငါ ဘယ်တုန်းကလုပ်လို့လဲ မင်းပဲ ငါကို ငြိုငြင်တာလေ ရပါတယ် ငါနားလည်ပါတယ်"
ချွမ်းရွေ့က ဆူပုတ်ပုတ်လေးနဲ့ အရှေ့က
ခရင်းကိုကိုင်ပြီး ကိတ်မုန့်ကို ဖွသည်။
"ကိုယ်က ဘယ်မှာငြိုငြင်လို့လဲ ကင်ရစ်ခီလေး
က လူကို မလှည့်စားပါဘူးလေဆိုပြီး စွပ်စွဲ ပြီးရင်
သူ့ ဒိတ်တင်း app ကသူငယ်ချင်းကိုမေးပြီး
ပြန်ချော့တာ"
ချွမ်းရွေ့သည် မျက်နှာရဲရဲလေးနဲ့ လှည့်ကြည့်သည်။
"ဘယ်လိုလို့သိတာလဲ မင်းသိရက်သားနဲ့
ငါကို တမင်လုပ်နေတာပေါ့"
မျက်လုံးလေးတွေက အံ့သြမှုအထင်းသား။
" ကိုယ်သိတာ မကြာသေးဘူးလေ ဘာလို့
စိတ်ဆိုးတာလဲ ချွမ်းရွေ့ က"
"ဘယ်မှာ စိတ်ဆိုးလို့လဲ"
"ဒါဆို စိတ်ကောက်တာလား ဒီမျက်နှာလှလှလေးက ဒီလို စိတ်ကောက်တာတောင်လှတာ ကိုယ်က
စိတ်မချဘူးကွာ အရင်ကရော app မှာ
တခြားကောင်မလေးတွေနဲ့ စကားပြောရင်
အဲလိုမျက်နှာလေးပဲမလား"
"ငါက ဘယ်မှာမှ တခြားကောင်မလေးတွေနဲ့
စကားမပြောဖူးဘူးနော်"
ချွမ်းရွေ့သည် ပြန်သာပြောလိုက်ရတယ်
လိပ်ပြာမလုံချင်။
"ဒါဆို သက်သေပြတဲ့အနေနဲ့ ကိုယ့်ကို လက်ထပ်"
ချွမ်းရွေ့ကသာ တအံ့တသြနဲ့ ဘာတွေရူးပြန်ပြီလဲ
ဆိုသည့် အကြည့်နဲ့ကြည့်နေပေမဲ့ ဂယူဗင်း အိတ်ကပ်ထဲကို နှိုက်နေတော့ လက်စွပ်ဗူး များလားလို့
တွေးမိပြီး ကြည်နူးရပြန်သည်။ လက်စွပ်ပေးလို့
ကတော့ ချက်ချင်းပြန်လက်ခံလိုက်မှာ။
ချွမ်းရွေ့က မျက်လုံးဝိုင်းကြီးတွေနဲ့ စောင့်နေပေမဲ့
ဂယူဗင်းက သူ့ဖုန်းကို ထုတ်ပြီး တစ်ခုခုနှိပ်နေတာမို့လို့ ချွမ်းရွေ့က စိတ်တိုတိုနဲ့ သူခြေထားသည့်
ကိတ်မုန့်တွေကိုသာ ပါးစပ်ထဲထိုးထည့်နေသည်။ ကင်ဂယူဗင်းက ဘာမှအလိုက်မသိ။
Vin;all of my love for you
ချွမ်းရွေ့သည် ဖုန်းထဲက နိုတီကို မြင်မြင်ချင်း
ကြောင်သွားပြီး ဂယူဗင်းကို ကြည့်တော့
"ကိုယ်ကို လက်ခံပြီးရင် အဲ app ကို
ဖျက်လိုက်တော့နော် ချွမ်းရွေ့ ကောင်မလေးတွေနဲ့ စကားပြောဖူးတယ်ဆိုပြီး တွေးမိရုံနဲ့တင်
ကိုယ် နေလို့မကောင်းတော့ဘူး"
ဂယူဗင်းသည် ချွမ်းရွေ့ပခုံးပေါ် ခေါင်းတိုးပြီး
ခွေးပေါက်လေးတွေ ချွဲနေသလိုပြောလာသည်။
ချွမ်းရွေ့သည် လက်တွေတောင်တုန်ကနဲ။
ဂယူဗင်းသည် သူ့ကို ဘယ်လို နိုင်မလဲဆိုတာ ကောင်းကောင်းသိနေသလို။
Kim Ricky;all of my love for you
" လက်စွပ်၀ယ်ပေးနော် ဒါမှ လက်ထက်မှာ"
ချွမ်းရွေ့သည် ဆူပုတ်ပုတ်လေးပြောရင်း
app ကိုဖျက်လိုက်သည်။
"ချွမ်းရွေ့သာ လိုချင်ရင် ကိုယ်က
တစ်လတစ်ကွင်း၀ယ်ပေးမယ်"
ဂယူဗင်းသည် ခပ်သော့သော့ ရယ်ရင်း၊
အဲဒီdating app ကို review
ကောင်းကောင်းသွားရေးလိုက်သည်။
လူလည်လေးကို သူ့ဘ၀ထဲခေါ်လာပေးလို့၊
ရှန်ချွမ်းလေးနဲ့ ဆုံစည်းခွင့်ပေးလို့။
____
END
14.3.24