തിരികെ വീട്ടിൽ എത്തിയതും അവൾ കുറച്ചു സമയം കിടന്ന് ഉറങ്ങി.....
വൈകുന്നേരം ആയപ്പോൾ ഒരു ഗ്ലാസ് ചായയുമായി മുറ്റത്തു വഴി എല്ലാം നടന്നു.....
കണ്ണുകൾ ഇടക്ക് ഇടക്ക് അപ്പുറത്തേക്ക് പോകുന്നുണ്ട്....
മാധവിനെ കാണാൻ പറ്റിയാലോ....
പക്ഷെ ആളെ അവിടെ എങ്ങും കണ്ടില്ല....
കാവ്യ : പുസ്തകം തിന്നു തീർന്നില്ലായിരിക്കും....😏
അവൾ ഒരു നീരസത്തോടെ പറഞ്ഞു....
തിരികെ അകത്തേക്ക് കയറാൻ ഒരുങ്ങിയതും അപ്പുറത്തെ ഒരു ജനാല തുറക്കുന്നത് കണ്ട് അങ്ങോട്ടേക്ക് നോക്കി...
മാധവ് ആണ്... ഒരു ചിരിയോടെ അവൾ അവനെ കൈ പൊക്കി കാണിച്ചു....🙋♀️
തുറന്ന അതെ സ്പീഡിൽ തന്നെ അവൻ ആ ജനാല കൊട്ടി അടച്ചു....
ഹൈ വോൾടേജിൽ നിന്ന് ചിരിച്ചയാൾ ഫ്യൂസ് പോയ ബൾബ് പോലെ ആയി.....
ഇതൊന്നും കാവ്യക്ക് പുതുമ ഉള്ളത് അല്ല... അവൻ എപ്പോഴും അങ്ങനെയാണ്....
കാവ്യ : ഓഹ്.... നമ്മളെ ഒരു വില ഇല്ലല്ലേ....
നോക്കിക്കോ നിങ്ങളെ ഓടിച്ചു മടക്കി കുപ്പിയിലാക്കിയിട്ടേ കാവ്യ ഈ നാട്ടിന്നു പോവൂ..... ഇത് സത്യം... സത്യം... സത്യം....
സത്യം ചെയ്ത് വന്നപ്പോൾ കയ്യിലിരുന്ന ചില്ലു ഗ്ലാസ് താഴെ വീണു പല കഷ്ണങ്ങൾ ആയി....
ഞെട്ടലോടെ ആ സത്യം മനസ്സിലാക്കിയതും പെട്ടന്ന് തന്നെ അതെല്ലാം പെറുക്കി കളഞ്ഞു.....😂
അവൾ വന്നത് കൊണ്ട് രേവതി അവിടേക്ക് വന്നു കുറച്ചു സമയം സംസാരിച്ച് ഇരുന്നിട്ടാണ് പോയത്....
മുഖത്തു നോക്കി ജനാല കൊട്ടിയടച്ചു പോയവനെ പിന്നെ കണ്ടതേയില്ല.....
പിറ്റേന്ന് രാവിലെ ഉറക്കമുണർന്നു മുറ്റത്തേക്കു ഇറങ്ങിയപ്പോൾ കണ്ടു... കയ്യിൽ ഒരു ഗ്ലാസ് ചായയുമായി പത്രം വായിച്ച് ഇരിക്കുന്ന മാധവിനെ....
ഇപ്പോൾ വിളിച്ചാൽ എഴുന്നേറ്റ് പോകാൻ ആണ് സാധ്യത.... അത് കൊണ്ട് തന്നെ കുറച്ചു നേരം അങ്ങനെ തന്നെ നോക്കി നിന്നു.....
രാവിലത്തെ കാപ്പി കുടി എല്ലാം കഴിഞ്ഞ് നേരെ രേവതിയുടെ അടുത്തേക്ക് വെച്ചു പിടിച്ചിട്ടുണ്ട്.....
അവിടെ എത്തിയതും രേവതി ഒരു പെൺകുട്ടിയുമായി സംസാരിച്ച് ഇരിക്കുന്നതാണ് കാണുന്നത്....
അവൾ പുറകിലൂടെ ചെന്ന് ആ പെൺകുട്ടിയുടെ കണ്ണ് പൊത്തി....
: അയ്യോ... ആരാ....??
കാവ്യ തന്റെ ചുണ്ടുകൾ കൂട്ടി പിടിച്ചു ചിരിച്ചു....
: അമ്മേ... ഇത് ആരാ...??
പറയരുത് എന്ന് അവൾ ആംഗ്യം കാണിച്ചു....
ഇവരുടെ ഈ intraction ഒരു ചിരിയോടെ രേവതി നോക്കി നിന്നു.....
കുറച്ചു സമയം ആ പെൺകുട്ടി അവളുട കയ്യിൽ ഒക്കെ പിടിച്ചു നോക്കി...
പക്ഷെ ആരാണെന്ന് മനസ്സിലാവുന്നതേയില്ല.....
: ശെരി ഞാൻ തോറ്റു... ആരാന്ന് പറ...
കാവ്യ തന്റെ കൈകൾ പിൻവലിച്ചു... അവൾക്കു മുന്നിലായി വന്നു നിന്നു.....
മുന്നിൽ നിൽക്കുന്നവളെ കണ്ടതും ആ പെൺകുട്ടി അവളെ കെട്ടിപ്പിടിച്ചു....
: കുഞ്ഞേച്ചി.... ഇതെപ്പോ വന്നു...
മാധുരി കൃഷ്ണ.
മാളു എന്ന് വിളിക്കും.
മാധവിന്റെ പെങ്ങൾ ആണ്.
ഇപ്പോൾ ഡിഗ്രിക്ക് പഠിക്കുന്നു...
കാവ്യ : ഞാൻ ഇന്നലെ വന്നതാ....😁
മാളു : എന്നിട്ട് ഈ അമ്മ ഒന്ന് പറഞ്ഞു പോലും ഇല്ലല്ലോ ചേച്ചി വന്നെന്ന്....☹️
രേവതി : അതിനു നി ഇങ് വന്നു കേറിയതല്ലേയുള്ളു....
കാവ്യ : അല്ല... നി എങ്ങനെയാ വന്നേ....
മാളു : മാമ്മൻ കൊണ്ട് ആക്കി .... ചേച്ചി വാ കുറെ സംസാരിക്കാൻ ഉണ്ട്......
അവർ രണ്ടാളും അവിടെ നിന്നും മാളുവിന്റെ മുറിയിലേക്ക് കയറി...
മാളു : പിന്നെ... പറ വിശേഷങ്ങൾ ഒക്കെ....
കാവ്യ : എനിക്ക് എന്ത് വിശേഷം.... അങ്ങനെ ഒക്കെ തന്നെ...
മാളു : അച്ഛനും അമ്മയ്ക്കും ഒക്കെ സുഖാണോ..??
മാളു അവൾക്കരികിലായി ഇരുന്നു ചോദിച്ചു.....
കാവ്യ : ആഹ് അവരൊക്കെ സുഖായിരിക്കണു...
പിന്നെ രണ്ടാളും ഓരോന്നും ചോദിക്കലും പറച്ചിലുമൊക്കെ ആയി...
മാളു : ഏട്ടനെ കണ്ടോ...??
കാവ്യ : മ്മ്മ്.... കണ്ടു... ഒന്ന് ഉടക്കുകയും ചെയ്തു....
മാളു : നിങ്ങൾ തമ്മിൽ കണ്ടാൽ കീരിയും പാമ്പും ആണല്ലോ....
കാവ്യ : ഞാൻ അല്ലാലോ എന്നോട് അല്ലേ...
മാളു : ആഹ് അത് വിട്.... വാ നമുക്ക് ചുമ്മാ ഇതുവഴി ഒക്കെ ഒന്ന് ചുറ്റിയിട്ട് വരാം....
രണ്ടാളും പാടത്തും പറമ്പിലുമൊക്കെ നടപ്പ് ആയി....
രാവിലെ കണ്ടത് അല്ലാതെ മാധവിനെ പിന്നെ കണ്ടതേയില്ല.....
ഒരു കറക്കം എല്ലാം കഴിഞ്ഞ് വന്നു വീടിന്റെ മുന്നിലെ മാവിന്റെ ചുവട്ടിൽ ഇരിപ്പയി രണ്ടാളും.....
മുകളിലേക്ക് നോക്കിയതും ഇഷ്ടം പോലെ മാങ്ങാ...
കാവ്യ : എന്റെ ഈശ്വര.... ഇതൊക്കെ കാണുമ്പോഴാ....
വായിൽ നിറഞ്ഞ വെള്ളം ഇറക്കിക്കൊണ്ട് അവൾ പറഞ്ഞു.....
മാളു : എന്തേ.... കുഞ്ഞേച്ചിക്ക് വേണോ...
കാവ്യ തന്റെ തലയാട്ടി....
മാളു : പറിക്കാൻ തോട്ടി ഇല്ല.... എന്ത് ചെയ്യും....
കാവ്യ : അതിനു കേറി പറിക്കാൻ തോട്ടി വേണ്ടല്ലോ....
ഇതും പറഞ്ഞു അവൾ ആ മാവിന് മുകളിലേക്ക് വലിഞ്ഞു കയറി....
കാവ്യ : മാളു.... നി പോയി ഉപ്പും മുളകും എടുത്തിട്ട് വാ....
കേൾക്കേണ്ട താമസം അവൾ അകത്തേക്ക് ഓടി....
അവൾ അവർക്ക് വേണ്ട മാങ്ങാ പറിച്ചു താഴേക്ക് ഇട്ടു....
ഈ സമയം ആണ് മാധവ് വരുന്നത്....
വരുമ്പോൾ കാണുന്ന കാഴ്ച മാവിന്റെ കൊമ്പിൽ ഇരിക്കുന്നവളെ...
മാധവ് : ഡീ.....
അവൻ അവൾക്ക് മുന്നിൽ വന്നു നിന്നു....
അവൾ ഒരു ഞെട്ടലോടെ നെഞ്ചിൽ കൈ. വെച്ചു കൊണ്ട് അവനെ നോക്കി...
കാവ്യ : എന്താ..... മനുഷ്യനെ പേടിപ്പിക്കുവോ....??
മാധവ് : ആരോട് ചോദിച്ചിട്ടാ ഈ മുകളിൽ കേറി ഇരിക്കണേ....
കാവ്യ : ആരോടും ചോദിച്ചില്ല... എന്തെ....?
അവളിൽ നിന്നും കേട്ട മറുപടി അവനെ ദേഷ്യം പിടിപ്പിച്ചു.....
മാധവ് : നി ആയിട്ട് ഇറങ്ങുന്നോ.... അതോ ഞാൻ വലിച്ചു ഇറക്കണോ....
മുണ്ട് മടക്കി കുത്തി അവൻ അവൾക്ക് നേരെ ചെന്നു.....
കാവ്യ : ആഹാ.... എങ്കിൽ അതൊന്നു കാണണോല്ലോ....
ഒരു പേടിയും ഇല്ലാതെ തന്നോട് തർക്കിക്കുന്നവളെ കണ്ടതും.... താൻ എന്ത് പറഞ്ഞിട്ടും കാര്യം ഇല്ല എന്ന് അവനു മനസ്സിലായി.....
അവൻ അവളുടെ ആ ഇരുപ്പ് ഒന്ന് നോക്കി....
മാധവ് : നീ വല്ലോ കുരങ്ങിന്റെ ജന്മം ആയിരുന്നോ?? ഒരു പേടിയും ഇല്ലാതെ ആണല്ലോ ഇരുപ്പ്....
കാവ്യ : മ്മ്മ്മ്.... മനുഷ്യൻ കുരങ്ങനിൽ നിന്നും പരിണമിച്ചു ഉണ്ടായതാണ് എന്നാണല്ലോ ശാസ്ത്രം പറയണേ ... അത് കൊണ്ട് ചാൻസ് ഇല്ലാതെ ഇല്ല....
മാവിന്റെ കൊമ്പിലിരുന്നു തന്റെ കാലുകൾ ആട്ടി കൊണ്ട് അവൾ അവനു മറുപടി നൽകി.....
മാധവ് : എന്ത് പറഞ്ഞാലും തർക്കുത്തരം....
അവൾ അവനെ നോക്കി ഭംഗിയായി ഒന്ന് ഇളിച്ചു കാണിച്ചു...😬
മാധവ് : നീ ഇറങ്ങുന്നുണ്ടോ ഇല്ലയോ....
ഇത്തവണ ശബ്ദം കുറച്ചു കൂടെ കടുപ്പിച്ചാണ്.....
കാവ്യ : ശേ.... ഇത് എന്ത് കഷ്ട...
ഇതും പറഞ്ഞു അവൾ താഴെ ഇറങ്ങി....
ഈ സമയം കൊണ്ട് ഉപ്പും മുളകും എടുക്കാൻ പോയ മാളു തിരിച്ചു വന്നു...
ഒരു ചെറിയ പത്രത്തിൽ ഉപ്പും മുളകും, കത്തിയും, ഒരു പ്ലേറ്റിൽ കൊണ്ട് നിൽക്കുന്നവളെ കണ്ടതും മാധവ് അവളെ ഒന്ന് തറപ്പിച്ചു നോക്കി...
മാളു തല താഴ്ത്തി നിന്നു.....
മാധവ് : ഇതൊക്കെ തിന്ന് വയറും കേടാക്കി ഇരിക്ക്.... ബാക്കി ഞാൻ അപ്പൊ പറയാം....
അവൻ രണ്ടാളെയും മാറി മാറി നോക്കി അകത്തേക്ക് പോയി....
അവൻ പോയതും തല താഴ്ത്തി നിന്ന മാളു ഓടി കാവ്യയുടെ അടുത്ത് എത്തി....
മാളു : ഹോ.... ഭാഗ്യം... ഇത്രേ പറഞ്ഞുള്ളു....😮💨
കാവ്യ : പിന്നെ... പോകാൻ പറ....😏
അവൾ താഴെ കിടന്ന ഒരു മാങ്ങാ എടുത്ത് മുറിച്ചു കൊണ്ട് പറഞ്ഞു....
പക്ഷെ ഉള്ളിൽ ഒരുപാട് സന്തോഷം തോന്നി...
വഴക്ക് പറയാനാണെങ്കിലും അവൻ അത്രയും സമയം അവളോട് സംസാരിച്ചല്ലോ.....
മാളു : കുഞ്ഞേച്ചി നാളെ അമ്പലത്തിൽ വരുന്നോ... ഞാൻ രാവിലെ പോകുന്നുണ്ട്....
മുറിച് വെച്ച മാങ്ങായിലേക്ക് ഉപ്പും മുളകും വിതറി കൊണ്ട് അവൾ ചോദിച്ചു....
കാവ്യ : പിന്നെന്താ.... എപ്പോഴാ പോകുന്നെ...
മാളു : ഒരു 7:30 മണി ആകുമ്പോ....
കാവ്യ : ഓക്കേ.... പോയേക്കാം.....
പാത്രത്തിൽ നിരത്തി വെച്ചിരിക്കുന്ന മാങ്ങാ കഷ്ണങ്ങൾ വായിലാക്കി അവൾ പറഞ്ഞു.....
മാളു : അവിടെ മലയാളികൾ ഒക്കെ ഉണ്ടോ ഇപ്പോഴും കൂട്ടിനു....
കാവ്യ : പിന്നെ..... ലോകത്തിന്റെ ഇത് കോണിൽ പോയാലും ഒരു മലയാളി എങ്കിലും കാണും എന്നല്ലേ പറയണേ... അത് പോലെ എനിക്ക് കൂട്ടായും ഉണ്ട് കുറെയെണ്ണം.....
എരിവ് വലിച്ചു കൊണ്ട് അവൾ പറഞ്ഞു....
മാളു അവൾ പറയുന്ന കാര്യങ്ങൾ ശ്രദ്ധിച്ചു കേട്ടിരുപ്പാണ്.....
രണ്ടാളും പിന്നെയും സംസാരിച്ച് ഇരുന്നു....
സന്ധ്യ ആയപ്പോൾ മുത്തശ്ശിയോടൊപ്പം വിളക്ക് വെക്കാനും നാമം ജപിക്കാനും ഒക്കെയായി ഇരുന്നു.....
അതിനിടക്ക് ചിത്ര വിളിച്ചു വിവരങ്ങൾ ഒക്കെ തിരക്കുന്നുണ്ട്....
കാവ്യ : മുത്തശ്ശി..... ഞാൻ നാളെ മാളുവിന്റെ ഒപ്പം അമ്പലത്തിൽ പോകുവേ...
മുത്തശ്ശിയുടെ മുറിയിലെ കിടക്ക എല്ലാം നേരെ ആക്കി കൊടുത്തു കൊണ്ട് അവൾ പറഞ്ഞു....
അമ്മാളു : ഈ വേഷത്തിൽ ആണോ പോണേ...??
കാവ്യ : ചുരിദാർ ഇട്ടാൽ പോരെ....??
അമ്മാളു : ദേ... ആ അലമാരിയിൽ ഒരു കവർ ഉണ്ട് അതിങ്ങു എടുത്തേ....
അവൾ പോയി അലമാരയിൽ നിന്നും ആ കവർ എടുത്തു....
അമ്മാളു : തുറന്ന് നോക്ക്....
അവൾ അത് തുറന്ന് നോക്കി.... ഒരു സെറ്റും മുണ്ടും....
ഒരു ചിരിയോടെ അവൾ അമ്മാളുവിനെ നോക്കി...
കാവ്യ : ഇതെന്താ സെറ്റും മുണ്ടും ഒക്കെ...
അമ്മാളു : മോൾക്ക് വേണ്ടി വാങ്ങി വെച്ചതാ....
കാവ്യ : എന്റെ അമ്മൂട്ടീ ഞാൻ ഇതൊന്നും ഉടുക്കാറില്ല...
അവൾ അത് കയ്യിൽ വെച്ച് കൊണ്ട് പറഞ്ഞു......
അമ്മാളു : ഇനി ഉടുക്കാല്ലോ....സാരീ ഒക്കെ ചുറ്റാൻ പ്രായം ആയി...
കാവ്യ : ഇതിനു പറ്റിയ ബ്ലൗസ് ഒക്കെ ഇനി എവിടുന്ന് ഒപ്പിക്കാനാ....
അമ്മാളു : അച്ഛന്റേം അമ്മേടേം മുറിയിൽ ചെന്ന് നോക്ക് അമ്മയുടെ ഏതേലും കാണും അതൊന്നു ശെരിയാക്കി എടുക്കാം....
പിന്നീട് രണ്ടാളും അതിനു പിന്നാലെയായി.....
പിറ്റേന്ന് അതിരാവിലെ എണീറ്റ് കുളിച്ച്...
മുത്തശ്ശിയുടെ സഹായത്തോടെ അവൾ സെറ്റും മുണ്ടും ഉടുത്തു.... നീളമാർന്ന മുടി അഴിച്ചിട്ടു... ഒരു തുളസിക്കതിരും ചൂടി....
കഴുത്തിൽ ഒരു ഭംഗിയുള്ള മാലയും, കാതിൽ ഒരു ജിമിക്കി കമ്മലും, കയ്യിൽ നിറയെ ഗോൾഡൻ നിറമുള്ള വളകളും....
കണ്ണെഴുതി, ഒരു കറുത്ത പൊട്ടും കുത്തി...
ഇപ്പോൾ കണ്ടാൽ ആരും പറയില്ല നഗരത്തിൽ വളർന്ന കുട്ടി ആണ് എന്ന്...
അത്ര മേൽ സുന്ദരി ആയിരുന്നു....💖
അവൾ കണ്ണാടിയിൽ തന്നെ നോക്കി ഒന്ന് പുഞ്ചിരിച്ചു....
എന്ത് ചെയ്താലും ഡോക്ടർ അമ്മയെ കാണിക്കാതെ ഇരിക്കാൻ പറ്റില്ലല്ലോ... അത് കൊണ്ട് ഒരു ഫോട്ടോ എടുത്ത് ചിത്രക്കും അയച്ചു...
അവിടെ നിന്നും നേരെ മാളുവിന്റെ അടുത്തേക്ക് ചെന്നു...
ഈ പോക്കിൽ മറ്റൊരു ദുരുദ്ദേശം കൂടെ ഉണ്ട്..... ആഹ് അത് തന്നെ മാധവിനെ കൂടെ കാണിക്കണം.....
സന്തോഷത്തോടെ പടികൾ കയറി മുന്നിലേക്ക് ചെല്ലുമ്പോൾ പാട്ടുപാവാട ഇട്ടു നിൽക്കുന്ന മാളുവിനെ കണ്ടു....
സെറ്റും മുണ്ടും ഉടുത്തു ..... അതിന്റെ കസവ് പിടിച്ചു നേരെയാക്കി വരുന്നവളെ കണ്ടതും മാളു ഒന്ന് വാ പൊളിച്ചു നിന്നു.....
കാവ്യ ഇത് കണ്ട് ചിരിച്ചു...
കാവ്യ : ഇത്രേം തുറക്കേണ്ട... ഈച്ച കേറി പോകും...
അതും പറഞ്ഞു അവൾ മാളുവിന്റെ വാ അടച്ചു....
മാളു : കുഞ്ഞേച്ചി.... ഈ സെറ്റും മുണ്ട് ഒക്കെ എവിടുന്ന് ഒപ്പിച്ചു....
മാളു അവളെ ഒന്ന് അടിമുടി നോക്കി കൊണ്ട് ചോദിച്ചു.....
കാവ്യ : ആഹ് അതൊക്കെ കിട്ടി... ആദ്യം ഇങ്ങനെ ഉണ്ടെന്ന് പറ....
മാളു : സൂപ്പർ... ഒന്നും പറയാനില്ല... നല്ല സുന്ദരി കുട്ടി ആയിട്ടുണ്ട് .....😘
ഇവരുടെ സംസാരം കേട്ട് വന്ന രേവതിയും അവളെ കണ്ട് അത്ഭുതപ്പെട്ടു....
ഇതേ സമയം ഉറക്കം ഉണർന്നു വന്നു മാധവ് കാണുന്നത് ഒരു ചിരിയോടെ തന്റെ അമ്മയോട് സംസാരിക്കുന്നവളെ ആണ്...
അതും ഇതു വരെ കാണാത്ത വേഷത്തിൽ.....
മാധവ് : അമ്മേ.... ചായ....
രേവതി : ആഹ് ഇപ്പോ എടുക്കാം....
രേവതി അടുക്കളയിലേക്ക് പോയി....
മാളു : കുഞ്ഞേച്ചി... ഞാൻ പോയി വഴിപാട് കഴിക്കാനുള്ള പൈസ എടുത്തിട്ട് വരാം...
മാളു അകത്തേക്ക് പോയതും.... കാവ്യ മാധവിനു നേരെ തിരിഞ്ഞു....
കാവ്യ : ഹലോ... വാദ്യാരെ..... ഇങ്ങനെ ഉണ്ട്... കൊള്ളാവോ....??
ഉമ്മറത്തേക്ക് പോകാൻ തിരിഞ്ഞവനോടായി അവൾ ചോദിച്ചു....
മാധവ് : ഞാൻ കൊള്ളില്ല എന്ന് പറഞ്ഞാൽ നീ ഇത് മാറുവോ...??
കാവ്യ : ഇല്ല.... എന്നാലും ചുമ്മാ ഒന്ന് ചോദിച്ചു എന്നേയുള്ളു.... പറ.. പറ....
അവൻ അവളെ ഒന്ന് അടിമുടി നോക്കി...
പെണ്ണ് അതി സുന്ദരി ആയിട്ടുണ്ട് ഈ വേഷത്തിൽ കാണാൻ....
നാടൻ വേഷം അവൾക്ക് നന്നായി ഇണങ്ങുന്നുണ്ട്.....
നല്ല ഐശ്വര്യം ഉള്ള മുഖം ആയത് കൊണ്ട് തന്നെ ആര് കണ്ടാലും ഒന്ന് നോക്കി നിൽക്കും.....
പക്ഷെ അവൻ മുഖത്തു ഒരു പുച്ഛ ഭാവം വരുത്തി...
മാധവ് : കാക്ക കുളിച്ചാൽ കൊക്ക് ആവില്ല.....
ഇതും പറഞ്ഞു അവൻ ഉമ്മറത്തേക്ക് ഇറങ്ങി...
അവൻ എന്താ അങ്ങനെ പറഞ്ഞെ എന്ന് ഓർത്തു അവളും നിന്നു....
മാളു എല്ലാം എടുത്തു കൊണ്ട് താഴെ വന്നു... അവർ രണ്ടാളും പോകാൻ ആയി ഇറങ്ങി...
മുറ്റത്തേക്ക് ഇറങ്ങുമ്പോഴും അവളുടെ കണ്ണ് അവനിൽ ആയിരുന്നു....
അവൻ ആവട്ടെ കയ്യിലെ പത്ര കടലാസിൽ കണ്ണും നട്ട് ഇരുപ്പും.....
അവൻ ശ്രെദ്ധിക്കാൻ വേണ്ടി മുറ്റത്ത് ഇറങ്ങിയ ശേഷം അവൾ വിളിച്ചു പറഞ്ഞു....
കാവ്യ : രേവമ്മേ.... ഞങ്ങൾ പോവാണേ .....
അകത്തു നിന്നും രേവതിയുടെ മറുപടി എത്തി... എന്നാലും അവന്റെ കണ്ണുകൾ ആ പത്രത്തിൽ തന്നെ ആയിരുന്നു...
ഇത് കണ്ടതും അവൾ തന്റെ ചുണ്ട് പിളർത്തിക്കൊണ്ട് അവനെ നോക്കി...
മാളു : കുഞ്ഞേച്ചി... വാ... പോകാം....
ഒരിക്കൽ കൂടെ അവനെ ഒരു നോക്ക് നോക്കിയ ശേഷം മാളുവിനോപ്പം നടന്നു ....
കുറച്ചു മുന്നിലേക്ക് നടന്നതും വീണ്ടും തിരിഞ്ഞ് നോക്കി.... ഇല്ല അതെ ഇരുപ്പ് തന്നെയാണ്....
പിന്നെ അവനെ നോക്കാതെ മുന്നോട്ട് നടന്നു....
ഈ സമയം പത്രത്തിൽ നിന്നും കണ്ണെടുത്തു അവൻ മുന്നിലേക്ക് നോക്കി...
ആ നീളൻ മുടി ആണ് കാണുന്നത് .....
അവൻ വീണ്ടും തന്റെ ശ്രെദ്ധ കയ്യിലെ പത്രത്തിലേക്ക് ആക്കി ...
To be continue......!!!
So second chapter ഇങ്ങനെ ഉണ്ട്....??
എത്ര ചാപ്റ്റർ ഉണ്ടാവും എന്ന് ഇത് വരെ ഞാൻ തീരുമാനിച്ചില്ല... But 6 chapter ൽ കൂടുതൽ പോവില്ല...
എന്നാണ് എന്റെ ഒരു നിഗമനം....
Hope you guys enjoying,and like it...
Vote 💖 comment 💖 share💖 follow💖
Borahae 💟