ဖေးချမ့် 177+178
အခန်း(၁၇၇) တခြားလူကို သွားလိမ်
ဇွန်လ ၂၅ ရက်နေ့ သောကြာနေ့ည...
ယွီအင်တာနက်ကဖေးဆိုင်တစ်ဆိုင်လုံးတွင် သီချင်းဆိုသံများ ပဲ့တင်သံထပ်နေသည်။ သို့သော်လည်း စင်အောက်က ထိုင်ခုံများကတော့ ဗလာကျင်း ဖြစ်နေပါသည်။ လူ ၂ ယောက် ၃ ယောက်သာ ထိုင်ပြီး အရက်သောက်နေကြသည်။
အဆိုတော်လည်း နုံးချည့်နေပြီဖြစ်ကာ အောက်မှာ သူ့သီချင်းဆိုတာကို နားထောင်နေသည့် လူတွေကလည်း အိပ်ပျော်ကုန်ပါပြီ။
မာယန်၏ မျက်နှာတွင် စိုးရိမ်ပူပန်မှုများဖြင့် ဖုံးအုပ်နေသည်။
သူ ဘာလုပ်ရမလဲ။
ယွီအင်တာနက်ကဖေးဆိုင်များ ပတ်ပတ်လည်က ပြိုင်ဆိုင်မှုများ ပိုမိုပြင်းထန်လာသောအခါ ယွီအင်တာနက်ကဖေး၏ ကတ်စတမ်မာများ ပိုပိုပြီး နည်းလာပါသည်။
သူတို့မှာ အဆိုတော်တစ်ယောက် ရှိသော်လည်း ဘေးပတ်လည်က တခြားဘားတွေမှာ ဒီ့ထက် ပိုကောင်းတာ ရှိသည်။ မီနူးပေါ်က သောက်စရာတွေကိုလည်း ဒစ်စ်ကောင့် ချပေးထားပါသည်။
ထိုဘားတွေက လူစည်ကားကာ အသက်ဝင်နေပါသည်၊။ ယွီအင်တာနက်ကဖေး၏ ဖောက်သည်ဟောင်းများစွာက ခြံခုန်နေကြပါသည်။
ဘာပဲဖြစ်ဖြစ် ဘားကို လာသည့် လူအများစုက ပျော်ပါးဖို့နဲ့ လူတွေနဲ့ တွေ့ဆုံဖို့ ဖြစ်သည်။ အေးစက်ပြီး တိတ်ဆိတ်သည့်နေရာမျိုးတွင် သောက်ချင်သူက နည်း၏။ ထို့အပြင် ဒီနေရာက စျေးလည်း မပေါပါ။
အဆိုတော်အသစ်က အဆိုကောင်းပါသည်။ သို့သော်လည်း ချန်းလျဲ့၏ စံနှုန်းကို မှီဖို့တော့ အများကြီး လိုသည်။ ထို့ကြောင့် ကတ်စတမ်မာ များများစားစားကို မဆွဲဆောင်နိုင်ခဲ့ပေ။
လူတွေ ပိုနည်းလာလေလေ သူလည်း အားလျော့လာလေလေဖြစ်သည်။ သူ အားလျော့လာလေလေ သီချင်းဆိုသည့်အခါ အသံက ပိုကြောင်လာလေလေ ဖြစ်သည်။ သံသရာလည်နေပါသည်။
"ညီအစ်ကိုချမ့်က ငါ့ကိုဘာမှမလုပ်ဖို့ ပြောထားပေမယ့် ငါလိပ်ပြာမလုံဖြစ်နေတယ်ကွာာ..."
မာယန်က နာကျင်စွာဖြင့် တစ်ယောက်တည်း သောက်နေပါသည်။
ယွီအင်တာနက်ကဖေးက ဆက်လက် အရှုံးပေါ်နေသည်။ ယွီသရေစာလုပ်ငန်းကတောင် မတိုးတက်သေးပါ။ မာာယန် သူ့ကိုယ်သူ သံသယဖြစ်လာပါပြီ။
အင်တာနက်ကဖေး၏ ဆိုင်ထောင့်တွင် လီရှိက ကော့တေးကို သောက်နေသည်။ သူ့နှုတ်ခမ်းထောင့်များ အပေါ်ဘက်သို့ကွေးသွားသည်။
ဟုတ်တယ်.... ဒီကောင်တွေက ငါနဲ့ ယှဥ်ပြိုင်ဖို့ အတွေ့အကြုံနုလွန်းပါသေးတယ်ကွာ။
ဖုဟွေ့ရင်းနှီးမြှုပ်နှံမှုက ကျင်းကျိုးမြို့ရှိ လုပ်ငန်းအတော်များများတွင် ရင်းနှီးမြှုပ်နှံထားပြီးသား ဖြစ်သည်။ သူတို့တွင် အာဏာ အတိုင်းအတာတစ်ခုထိလည်း ရှိနေပါသည်။
သူတို့ ငွေနည်းနည်းလောာက် သုံးလိုက်ပြီး ယွီအင်တာနက်ကဖေးဆိုင်ပတ်လည်က ဆိုင်များကို ပရိုမိုးရှင်းတချို့ပေးဖို့ ခိုင်းလိုက်ရုံသာ ရှိသည်။ ထိုဆိုင်များက ကတ်စတမ်မာ ပိုရလာပြီး ယွီအင်တာနက်ကဖေးက ဖိနှိပ်ခံရလိမ့်မည်။ ထိုအခါ ဖုဟွေ့ ရင်းနှီးမြှုပ်နှံမှုအတွက် ပိုမိုလွယ်ကူသွားပါလိမ့်မည်။
လီရှိအတွက်နဲ့ ယွီအင်တာနက်ကဖေးဆိုင် ပတ်လည်က ဆိုင်များအတွက် နှစ်ဦးနှစ်ဖက် အဆင်ပြေသော အခြေအနေ ဖြစ်သည်။
လီရှိက ယွီအင်တာနက်ကဖေးမှာ ရုပ်ဖျက်ပြီး နေနေတာ ကြာပါပြီ။ ဒီနေရာကို သူ ရှင်းရှင်းလင်းလင်း နားလည်ခဲ့ပါပြီ။
ယွီအင်တာနက်ကဖေးဆိုင်၏ နောက်ကွယ်တွင် လူငယ်ဘော့စ်တစ်ယောက်ဖြစ်သည့် ဘော့စ်ဖေး ရှိသည်။ သူက ခေါင်းမာပြီး ဇွဲကြီး၏။ တခြားသူတွေရဲ့ အကြံကို နားမထောင်တတ်သော လူမျိုးဟု လီရှိ ခန့်မှန်းမိသည်။ လီရှိ သူ့အကြောင်း တဖြည်းဖြည်းနဲ့ သိအောင် လုပ်ရပေမည်။
ဒီကျန်းယွမ်ဆိုတာက မြို့နယ်မန်နေဂျာအဆင့် ဖြစ်သည်။ သို့သော်လည်း တကယ်တမ်း ဘော့စ်ဖေးနဲ့ သိပ်ပြီး မရင်းနှီးပါ။ သူက အင်တာနက်ကဖေးဆိုင်များ၏ လည်ပတ်မှုကို အဓိက တာဝန်ယူရပါသည်။
အဓိကသော့ချက်က ထိုမျက်နှာရှည်ရှည်နဲ့ လူမှာ ရှိနေသည်။
မာယန်က ဘော့စ်ဖေးနဲ့ အတော်လေး ရင်းနှီးသည့်ပုံပေါ်သည်။ ထို့အပြင် အရမ်းကြီး ထက်မြက်တဲ့ပုံလည်း မပေါ်ပါ။ သူက အလွယ်တကူ ပေါ့ဆတတ်သောာလူမျိုးနဲ့ တူသည်။
ဒီမျက်နှာရှည်ရှည်နဲ့ လူကို သူ အရင် ရှင်းရမည်။ ဒီလူ့ကို တစ်ပတ်ရိုက်နိုင်တာနဲ့ ဘော့စ်ဖေးကို ဖြည်းဖြည်းချင်း လွှမ်းမိုးနိုအောင် အသုံးချလို့ ရနိုင်သည်။ ထို့နောက် သူ့မစ်ရှင် အောင်မြင်ပါပြီ။
ဘော့စ်ဖေး၏ အခြေအနေ အခု ဘယ်လိုရှိသလဲ ပြောဖို့တော့ မလွယ်ကူသေးပါ။ ဘာပဲဖြစ်ဖြစ် သူ ယွီအင်တာနက်ကဖေးကို ရောက်မလာတာ ၂ ရက်ရှိပြီ။ သို့သော်လည်း မျက်နှာရှည်ရှည်နဲ့ လူကို ကြည့်ရသလောက်တော့ သူ ကျရှုံးနေပြီဟု လီရှိ ခန့်မှန်းမိပါသည်။
လီရှိ၏ တွက်ချက်မှုများက ကောင်းမွန်ပါသည်။ ဒီအလုပ်ကို အမြန်ဆုံး လက်စသတ်နိုင်ဖို့ ဖြစ်နိုင်ချေ အားလုံးကို စဥ်းစားရမည်။
ဘာပဲဖြစ်ဖြစ် သူ ငွေတွေ အများကြီး ဖြုန်းတီးပစ်လို့ မရပါ။ ဘော့စ်ဖေးကို နှိပ်စက်ဖို့သာ ဖြုန်းတီးပစ်ခဲ့ရခြင်း ဖြစ်သည်။
ယွီအင်တာနက်ကဖေးထဲက လူအာားလုံး အမြတ်ရနိုင်စွမ်းကို သံသယဖြစ်လာတာနဲ့ သူဝင်လာာပြီး ခက်ခဲနေသည့် အချိန်များအတွက် လက်ကမ်းကာ ကူညီပေးဖို့ ကမ်းလှမ်းမည်ဖြစ်သည်။
ထို့နောက် ရင်းနှီးမြှုပ်နှံဖို့လုပ်ဖို့ အခွင့်အရေး ရလာပါလိမ့်မည်။
လီရှိက သူ့အရက်ခွက်ကို ယူဆောင်ကာ မာယန်၏ မျက်နှာချင်းဆိုင်တွင် ထိုင်လိုက်သည်။
မာယန်က စိုးရိမ်ပူပန်နေစဥ် အသက်ကြီးကြီး လီရှိကို သူ့ရှေ့မှာ ထိုင်နေတာ မြင်လိုက်ရသောအခါ သူ ဆတ်ခနဲ့ ဖြစ်သွားသည်။
ဘာလုပ်တာတုန်း။
ကျုပ်စားပွဲမှာ မိန်းမလှလေးတွေလည်း မရှိဘူး။ ဘာလိုချင်လို့လဲ။
မဟုတ်မှလွဲရော... သူဌေးကြီးတွေက သူများနဲ့ မတူတဲ့ ဝါသနာတွေများ ရှိနေတာလား။
ထိုအချိန်တွင် မာယန် ဆွံ့အနေသည်။ သူ့ခွက်ကို လီရှိနဲ့ ခွာပြီး သူ့ဆီသူ တိုးတိတ်စွာ ဆွဲယူလိုက်ပါသည်။
မာယန်၏ အတွေးတွေ ဘယ်လောက် နယ်လွန်နေသလဲဆိုတာကို လီရှိကတော့ မသိပါ။ မာယန်က ဒီတိုင်း သတိကြီးကြီးထားနေသည်ဟုသာ ထင်သွားသည်။
"ဘော့စ်မာ နေကောင်းရဲ့လား။ ကျုပ်ကိုကျုပ် မိတ်ဆက်ပါရစေ။ ကျုပ်ကိ ဖုဟွေ့ ရင်းနှီးမြှုပ်နှံမှုရဲ့ စီအီးအို လီရှိလို့ခေါ်ပါတယ်။"
လီရှိကာ ယုံကြည်ချက် ပြည့်ဝစွာဖြင့် သူ့နာမည်ကတ်ကို မာယန်အား ကမ်းပေးလိုက်ပါသည်။ "တကယ်တော့ ကျုပ်က ဒီက ကတ်စတမ်မာဟောင်းပါ။ ဘော့စ်မာ အလုပ် အတူတူတွဲလုပ်ဖို့ စိတ်ဝင်စားမလားမသိဘူး။"
လီရှိက သူ့အပေါ် အကြံဆိုးများ မရှိတာကို မာယန် သဘောပေါက်သွားပါသည်။ နာမည်ကတ်ကို ဖြည်းဖြည်းချင်း ကောက်လိုက်ပြီး မီးရောင်မှိန်မှိန်အောက်တွင် ဖတ်လိုက်သည်။
လီရှိ ”..."
ဘော့စ်မာက ဖုဟွေ့ ရင်းနှီးမြှုပ်နှံမှုအကြောင်း မသိလောက်ဘူးဆိုတာကို သူသိလိုက်ရပါသည်။
လီရှိ အနည်းငယ် စိတ်တိုလာ၏။ အဓိပ္ပာယ်မရှိတာ။
ကျင်းကျိုးမြို့က ရင်းနှီးမြှုပ်နှံမှုလောကထဲမှာ ဖုဟွေ့ရင်းနှီးမြှုပ်နှံမှုက ဘယ်လောက်တောင် နာမည်ကြီးလိုက်သလဲ။
မာယန်၏ မျက်နှာထားကို ကြည့်ခြင်းအားဖြင့် ဖုဟွေ့ ရင်းနှီးမြှုပ်နှံမှုက ယွီအင်တာနက်ကဖေးအတွက် ဘာတွေယူဆောင်ပေးနိုင်သလဲဆိုတာကို မသိသည့်ပုံပင်။ ကောင်းတာက လီရှိက အတော်လေး အတွေ့အကြုံရှိသူ ဖြစ်သည်။ မာယန်က သူဘယ်သူလဲဆိုတာ မသိသဖြင့် သူက လိုရင်းသာ ပြောလိုက်ပါမည်။
ဘာမှ မသိတဲ့ ဒီလိုငတုံးတွေကို လိမ်ရတာ အလွယ်ကူဆုံး ဖြစ်ပါသည်။
လီရှိက ကော့တေး နှစ်ကျိုက်လောက် သောက်လိုက်ပြီး အောင်မြင်သည့် လူတစ်ယောက်၏ အရှိန်အဝါမျိုး တင်လိုက်သည်။ စိတ်မပါ လက်မပါ ထိန်းချုပ်ထားသည့် လေသံမျိုးဖြင့် ပူးပေါင်းဆောင်ရွက်မှုအစီအဥ်ကို မာယန်အား ရှင်းပြလိုက်ပါသည်။
ရှင်းရှင်းပြောရလျှင် ဖုဟွေ့ ရင်းနှီးမြှုပ်နှံမှုက ယွီအင်တာနက်ကဖေးတွင် ရင်းနှီးမြှုပ်နှံကာ ၎င်း၏ ကျယ်ပြန့်သော အတွေ့အကြုံများဖြင့် ယွီအင်တာနက်ကဖေး၏ လုပ်ဆောင်ချက်များကို လမ်းညွှန်ပေးမည်။ အားလုံး အတူတူငွေကို ရရှိနိုင်မည်။ သူတို့မကြာခင် ယွီအင်တာနက်ကဖေးကို ကမ္ဘာတစ်ဝှမ်းသို့ တိုးချဲ့နိုင်လိမ့်မည်။
အနှစ်ချုပ်ပြောရလျှင် လီရှိက စုတ်ချက် တစ်ချုပ်တည်းနဲ့ အလွန်လှပသော ပန်းချီကားတစ်ချက်ကို ဆွဲပြလိုက်သည်။
မာယန်၏ မျက်လုံးများ ဝိုင်းစက်သွား၏။ သူ စိတ်လှုပ်ရှားသွားသည်။
လီရှိက အောင်မြင်သည့်လူတစ်ယောက်။ သူဝတ်ဆင်ထားသည့် ပုံစံကော၊ စကားပြောသည့်ပုံကိုကိုကော ကြည့်ခြင်းအားဖြင့် တခြားသူတွေနဲ့ ခြားနားတာကို မာယန်ပြောနိုင်ပါသည်။ အဆင့်နိမ့်ဘာသာစကားဗျူဟာများဖြင့် အာမခံရောင်းချဖို့ ကြိုးစားသည့် မားကတ်တင်းလူတွေထက် ပို၍ အပြောကောင်းသည်။
ထို့အပြင် သူပြောလိုက်သည့် စကားတိုင်းတွင် ဆေးအာနိသင်ရှိနေသလိုပင်။ မာယန်၏ နာကျင်နေသည့် နေရာတိုင်းကို ကုသပေးနေသည်။ ယွီအင်တာနက်ကဖေးဆိုင်က ပြဿနာများကို ဖြေရှင်းနိုင်ဖို့ အကူအညီကို ကမ်းလှမ်းနေခြင်း ဖြစ်ပါသည်။
ကျန်းယွမ်က ယွီအင်တာနက်ကဖေးဆိုင်မှာ ရင်ဆိုင်နေရသမျှ ပြဿနာအားလုံးအတွက် အဖြေကောင်းကောင်းကို ရှာမတွေ့နိုင်ပါ။ ဖေးချမ့်ကလည်း ထူးထူးဆန်းဆန်း ပြုမူနေသည်။ ဒါတွေအားလုံးကြောင့် မာယန်လည်း လမ်းပျောက်ပြီး စိတ်ရှုပ်နေရပါသည်။
အခု လီရှိလုပ်ဖို့လိုတာဆိုလို့ မာယန်ကို တစ်ပတ်ရိုက်ဖို့အတွက် ယွီအင်တာနက်ကဖေးအတွက် အမြတ်ငွေ ပုံစံကွက်တချို့ကို ချပြလိုက်ဖို့ ဖြစ်သည်။
လီရှိက မာယန်၏ တုန့်ပြန်ချက်ကို အကဲခတ်လိုက်သည်။ သူအောင်မြင်သွားပြီဆိုတာကိုသူ သိလိုက်ပါသည်။
"အားလုံး ထင်မထားလောက်အောင်ကို အဆင်တွေပြေနေတော့မှာပဲ။"
ထို့နောက် ငါးစာကို ငါးဟပ်မည့်အချိန်အား သူ တိတ်ဆိတ်စွာ စောင့်ဆိုင်းနေခဲ့သည်။
လီရှိ ပြောလို့ ပြီးတာနဲ့ မာယန်က စိတ်လှုပ်ရှားသွားသည့် ပုံပေါက်လာသည်။ လီရှိ သူ့ရှေ့မှာ ချပြလိုက်သည့် မူကြမ်းကို သူအလွန်သဘောကျမှန်း လီရှိ ပြောနိုင်ပါသည်။
သို့သော်လည်း ချက်ချင်းတော့ သဘောမတူခဲ့ပါ။
"ဘော့စ်လီ ခင်ဗျားရဲ့ အကြံပေးချက်က ကောင်းပါတယ်။ ဒါပေမယ့်... ကျွန်တော့်ဘော့စ်ကို မေးကြည့်ရဦးမယ်။"
ဖေးချမ့်က အင်တာနက်ကဖေး၏ ကိစ္စမှန်သမျှကို ဆုံးဖြတ်ပိုင်ခွင့်ရှိမှန်း မာယန်က မမေ့ပါ။
လီရှိကလည်း ဒီ့အတွက် ပြင်ဆင်ထားပြီးသား ဖြစ်ပါသည်။ သူက ပြုံးပြီး ပြန်ပြောလိုက်ပါသည်။ "ကောင်းပါပြီ"
ဒီလောက်ဆို လီရှိ ထပ်ပြောရလျှင် ကောင်းမည်မဟုတ်တော့ပါ။
မာယန်ကို လုံးဝ အယုံသွင်းလိုက်နိုင်ပြီဆိုတာကို သူသေချာပါသည်။ သူလုပ်ဖို့လိုတာဆိုလို့ ဒီမျက်နှာရှည်ရှည်နဲ့လူ ဖေးချမ့်နဲ့ သီးသန့်စကားပြောတာကို စောင့်ဖို့သာ လိုတော့သည်။ ဒီလောက်ဆို သက်ရောက်မှုရှိလိမ့်မည်ဆိုတာ လီရှိသေချာပါသည်။
ဖေးချမ့် သူ့ကိုသံသယဖြစ်မှာကို မစိုးရိမ်ပါ။
"ညီအစ်ကိုချမ့် အခြေအနေက အဲ့လိုရှိတယ်။ ငါတို့ ဖုဟွေ့ရင်းနှီးမြှုပ်နှံမှုရဲ့ ကမ်းလှမ်းချက်ကို လက်ခံလိုက်လို့ရတယ်။ အဲ့တာဆိုငါတို့အရှုံးက အမြတ်ဖြစ်သွားလိမ့်မယ်။ မဟုတ်ဘူးလား။"
ဖုန်းထဲတွင် မာယန်က စိတ်လှုပ်ရှားနေသည့်လေသံပေါက်ပါသည်။
ဖေးချမ့်က အနည်းငယ် ပြုံးလိုက်မိသည်။ မာယန်က တစ်ပတ်ရိုက်လို့ အလွန်လွယ်ပါသည်။
သို့သော်လည်း ဖေးချမ့်က စိတ်မဆိုးပါ။ ဒါက သူ့ဝန်ထမ်းတစ်ယောက်အနေဖြင့် မာယန်၏ အစွမ်းအစတစ်ခု ဖြစ်ပါသည်။
အခြေအနေကို ကြည့်ရသလောက်တော့ ဖုဟွေ့ရင်နှီးမြှုပ်နှံမှု၏ ဘော့စ်လီဆိုသူ၏ ဦးနှောက်ကျင်းခြင်းကို မာယန် လုံးဝ ခံလိုက်ရပြီ ထင်သည်။ သို့သော်လည်း ကိစ္စတော့ မရှိပါ။ စကားတစ်ခွန်းနှစ်ခွန်းနဲ့ မာယန်ကို ပြန်အယုံသွင်းနိုင်ပါသည်။
"မာကြီး မင်းတော့ ဂျင်းထည့်ခံလိုက်ရပြီ။"
ဖုန်းကိုင်ထားရင်း မာယန် ကြောင်သွားပါသည်။
"ညီအစ်ကိုချမ့် မင်း ဘာကိုပြောတာလဲ။"
ဖေးချမ့်က တိုးညှင်းစွာ ရယ်လိုက်၏။ "တကယ်တော့ အဲ့ဒီဖုဟွေ့ရင်းနှီးမြှုပ်နှံမှုဆိုတာ လွန်ခဲ့တဲ့ ရက်ပိုင်းလောက်က လက်ထောက်ရှင်းကို ဆက်သွယ်လာဖူးတယ်။ သူတို့ ယွီအင်တာနက်ကဖေးမှာ ရင်းနှီးမြှုပ်နှံဖို့ ကမ်းလှမ်းပေမယ့် ငါငြင်းလိုက်တယ်။"
မာယန် စိတ်ရှုပ်ထွေးသွားသည်။ "ဘာလို့ ငြင်းလိုက်တာလဲ ညီအစ်ကိုချမ့်။ သူတို့က ငါတို့ကို ရင်းနှီးမြှုပ်နှံမှုအဖြစ် ငွေတွေ အများကြီး ပေးမှာလေေ။ အားလုံးက ငွေအတူတူရကြမှာ။ အဲ့တာ မကောင်းဘူးလား။"
ဖေးချမ့် ပြုံးလိုက်မိပါသည်။ ဒီဘော့စ်လီက မာယန်ကို လိမ်ရလွယ်မှန်း သိသဖြင့် သူ့ကိုအရင်သွားပြောတာဖြစ်ရမည်။ ဘာပဲဖြစ်ဖြစ် ယွီအင်တာနက်ကဖေးမှာ ရင်းနှီးမြှုပ်နှံဖို့ကို သူလက်မလျှော့လောက်သေးပါ။
အခန်း(၁၇၈) သူ့ရှူး သူပြန်ပက်ခြင်း
အနီးအနားရှိဆိုင်တွေက ယွီအင်တာနက်ကဖေးကို တိုက်ခိုက်ဖို့ ပရိုမိုးရှင်းတွေ ဆင်းနေတာလား ဆိုတာကိုတော့ ဖေးချမ့်လည်း မသေချာပါ။ ဘာပဲဖြစ်ဖြစ် သူများကို သက်သေမရှိဘဲ စွပ်စွဲလို့ မရနိုင်ပေ။
သူတို့ သာမန်အတိုင်း ပရိုမိုးရှင်း ဆင်းနေကြတာဖြစ်ပြီး အားလုံး တစ်ပြိုင်တည်း တိုက်ဆိုင်သွားကြတာ ဆိုရင်ကော။
နောက်ကွယ်မှာ ဘော့စ်လီက ဒီပြဿနာတွေကို ကြိုးကိုင်နေတာလား ဆိုတာကိုလည်း ဖေးချမ့် မသေချာနိုင်ပါ။ ဒီ့အတွက်လည်း သက်သေ မရှိပေ။
သို့သော်လည်း ဘော့လီက ဒီလိုဖြစ်နေတာကို အခွင့်ကောင်းယူချင်မှန်းတော့ သေချာနိုင်ပါသည်။ သူ့အတွက်သူ အမြတ်ထုတ်ချင်နေခြင်း ဖြစ်သည်။
ထို့ကြောင့် ဖေးချမ့် စိတ်ဖိစီးသွားသည်။ သို့သော်လည်း သိပ်ပြီး အကျိုးဆက် မရှိနိုင်ပါ။
သိုသော်လည်း ဘော့စ်လီ မိုက်မဲတာကို ဖေးချမ့် အပြစ်မတင်နိုင်ပေ။ အချိုသပ်ပြီး ဖြားယောင်းသည့် နည်းလမ်းဖြင့် ချဥ်းကပ်လာသောကြောင့် ဖြစ်ပါသည်။
တစ်ဖက်တွင် ဘော့စ်လီက ယွီအင်တာနက်ကဖေးကို တိုက်ခိုက်နေသည်ဟု ဘယ်တော့မှ တိုက်ရိုက်ဝန်ခံမှာ မဟုတ်ပေ။ သို့သော် အချိုသပ်ကာ အားလုံးအတွက် ငွေရနိုင်မည့် ပုံစံဖြစ်အောင် လုပ်လိမ့်မည်။ ယွီအင်တာနက်ကဖေးကို အများကြီး ရန်မစမိအောင် သတိထားလိမ့်မည်။ ဒါက အချိုသပ်ခြင်း ဖြစ်သည်။
နောက်တစ်ဖက်မှာတော့ ဘော့စ်လီက ဖေးချမ့် ဆက်လက်ပြီး ခေါင်းမာနေဦးမည်ဆိုလျှင် အဆုံးသတ်ထိ တိုက်ခိုက်သွားမည်ဟု အရိပ်အမြွက်ပြနေခြင်းလည်း ဖြစ်သည်။ သူ့စျေးနှုန်းများကို ဆက်လျှော့ပြီး ဖေးချမ့် ကတ်စတမ်မာတွေ အားလုံးကို ဆုံးရှုံးသွားအောင် လုပ်ပေလိမ့်မည်။ နောက်ကွယ်မှာ ဘော့စ်လီရှိနေမှန်း ဖေးချမ့်သိလည်း ဘာဖြစ်လဲ။ သူ့အရှုံးတွေကို လျှော့ချဖို့အတွက် ဖေးချမ့် တဖြည်းဖြည်းနဲ့ လက်လျှော့လာရမှာပဲ မဟုတ်လား။ ဒါက ဖြားယောင်းခြင်း ဖြစ်သည်။
တခြားသူတွေသာ ဒီလို အခြေအနေမျိုးနဲ့ ရင်ဆိုင်လာရပါက လွတ်လမ်း မရှိတော့ဘဲ ရင်းနှီးမြှုပ်နှံမှုကို လက်ခံလိုက်ရတော့မည်ဖြစ်သည်။
သို့သော်လည်း ဖေးချမ့်ကတော့ လုံးဝ ကွဲပြားခြားနားပါသည်။
မင်းက ငါ့ကို အရှုံးပိုပေါ်အောင် ငွေသုံးပြီး ကူညီပေးချင်တယ်ပေါ့။ ကျေးဇူးတောင် တင်ရဦးမယ်။
ဖေးချမ့်က အစပိုင်းတော့ သူ့ကို ငြင်းချင်ခဲ့သည်။ သို့သော်လည်း ပြန်စဥ်းစားကြည့်သောအခါ မမှန််ကန်လောက်ကြောင်း သတိထားမိသွားသည်။
ဘော့စ်လီက သူများတွေကို ကူညီရတာ ဝမ်းသာတဲ့ပုံပဲ။ ဖေးချမ့် ဒီတိုင်းလေး အလိုက်သင့် နေမပေးသင့်ဘူးလား။
ဘော့စ်လီကို ထပ်ပြီး ငြင်းဆန်လိုက်လျှင် ဘော့စ်လီ စောစော လက်လျှော့သွားလောက်သည်။ ဘာပဲဖြစ်ဖြစ် ဒီလူက ရင်းနှီးမြှုပ်နှံမှု ကုမ္ပဏီတစ်ခု၏ ဘော့စ်တစ်ယောက် ဖြစ်သည်။ သူ့မှာ လုပ်စရာတွေ အများကြီး ရှိပါသည်။ ယွီအင်တာနက်ကဖေးနောက်ကိုပဲ ဆက်တိုက် လိုက်နေဖို့ မတတ်နိုင်ပါ။
ဘော့စ်လီ၏ စိတ်ဝင်စားမှုကို သူဆုံးရှုံးသွားတာနဲ့ ယွီအင်တာနက်ကဖေးဆိုင်ပတ်လည်က လုပ်ငန်းတွေလည်း ငွေတွေ မီးရှို့တာကို ရပ်ကြလိမ့်မည်။ ဒါဆို ယွီအင်တာနက်ကဖေးဆိုင်ကို ဝင်ရောက်သူများ အရင်အတိုင်း ပြန်ဖြစ်လာနိုင်သည်။
ဖေးချမ့် ဒီလောက်ထိ ထပ်ပြီး အရှုံးပေါ်နိုင်မှာ မဟုတ်တော့ပါ။
ဖေးချမ့် ပြုံးလိုက်ပြီး ခေါင်းထဲမှာ အစီအစဥ်တစ်ခုကို တွေးလိုက်မိပါသည်။
"မာကြီး ဘော့စ်လီက ဒါကိုငါတို့ကောင်းကျိုးအတွက် လုပ်နေတာလို့ ထင်လို့လား။ သူက တကယ်ကြီး သဘောကောင်းတယ်လို့ ထင်နေတာလား။ သေချာ စဥ်းစားကြည့်လိုက်စမ်းပါ။ ငါတို့ဘေးပတ်လည်က ဆိုင်တွေအကုန်လုံးက တစ်ချိန်တည်း ပရိုမိုးရှင်း ဆင်းနေကြတာနော်။ နောက်ကွယ်မှာ ကူညီပေးနေတဲ့လူ တစ်ယောက်ယောက် မရှိဘူးဆိုတာ မင်း သေချာပြီလား။"
ဖေးချမ့်က ရိုးရိုးရှင်းရှင်း စကားတချို့ ပြောလိုက်ပြီး မာယန်ကို အလင်းပြလိုက်ပါသည်။
အမှန်ပင်။ သူ့ကို အလင်းပြသည်ဟု မှတ်ယူလို့တော့ မရပေ။ မာယန်က အလွန်လိမ်ရလွယ်သည်။ လူတွေက သူ့ကို တစ်ယောက်ပြီး တစ်ယောက် လိမ်ဖို့ ကြိုးစားကြပါက နောက်ဆုံးတစ်ယောက်မှာ အားသာချက်အရှိဆုံး ဖြစ်သွားပါလိမ့်မည်။
ကိစ္စကို ပိုဆိုးသည့်ပုံစံပေါက်အောင် ဖေးချမ့် စကားနည်းနည်းလောက် ဖြည့်ပြောလိုက်ပါသည်။ လုပ်ငန်းတွေမှာ ရှယ်ယာရောင်းချခြင်း၏ အန္တရာယ်များကို ချဲ့ကားပြောဆိုလိုက်ပြီး ထင်ထားသည့်အတိုင်း မာယန်ကို ချက်ချင်းပဲ အယုံသွင်းနိုင်ခဲ့ပါသည်။
"ငါ့လခွမ်း ဘော့စ်လီမှာ ဒီလောက်အထိ အကြံဆိုး ရှိနေမယ်လို့ ထင်မထားဘူးကွာ။ ငါသူ့ကို ချက်ချင်း ငြင်းလိုက်မယ်။"
ဖေးချမ့်က ပြောလိုက်သည်။ "မင်း အဲ့လိုလုပ်ဖို့ မလိုဘူး။ သူ့စိတ်ရှုပ်ထွေးမှုက ဒေါသအဖြစ် ပြောင်းသွားပြီး ယွီအင်တာနက်ကဖေးကို ခြောက်ကပ်သွားတဲ့အထိ အရည်ညှစ်သွားရင် ငါတို့ဒုက္ခရောက်လိမ့်မယ်။"
"ငါတို့ အခု အရှုံးပေါ်နေတဲ့ ကိစ္စကြောင့် ငါ အရမ်းစိတ်အားငယ်နေတယ်လို့ ပြောလိုက်။ ငါက ရင်းနှီးမြှုပ်နှံမှုတွေ လက်မခံချင်ဘူးလို့ ဒါပေမယ့် တွန့်ဆုတ်နေတယ်လို့။ ငါက ဆုံးဖြတ်ချက်ချဖို့ ရုန်းကန်နေရပြီး အင်တာနက်ကဖေးဆိုင် ဆက်ပြီး အရှုံးပေါ်နေဦးမယ်ဆိုရင်တော့ ငါစိတ်ပြောင်းသွားနိုင်တယ်လို့..."
မာယန်က စိတ်ရှုပ်ထွေးသွား၏။ "ညီအစ်ကိုချမ့် မင်းက ငါတို့ကို ဆက်ပြီးအရှုံးပေါ်စေချင်တာလား။ အဲ့တာဆို ငါတို့အတွက် မကောင်းနိုင်ဘူး မဟုတ်လား။ ငါတို့တတ်နိုင်မယ် မထင်ဘူးနော်။"
ဖေးချမ့်က ပြုံးလိုက်သည်။ "ငါတို့အရှုံးပေါ်ရင် သူတို့အတွက်လည်း အတူတူပဲ မဟုတ်ဘူးလား။"
"အဲ့ဒီဆိုင်တွေကလည်း ငါတို့လိုပဲ အရှုံးပေါ်နေတာပဲ။ မတတ်နိုင်တဲ့အဆုံး သူတို့ကိုပါ ငါတို့နဲ့ တစ်ပါတည်း ခေါ်သွားလို့ ရတယ်။ ဘာကြောက်စရာရှိလို့လဲ။"
"ပြီးတော့ သူတို့ ဒီတိုင်းငွေတွေကို ဆက်ဖြုန်းတီးနေမယ်ဆိုရင် အနီးနားက လူတွေကို ဆွဲဆောင်မိလိမ့်မယ်။ ကျင်းကျိုးမြို့က လူတွေတောင် အဲ့ကို သွားဖို့ ဆွဲဆောင်ခံရပြီး ငွေကို သွားသုံးကြလိမ့်မယ်။"
"ရေရှည်အရ ကြည့်မယ်ဆိုရင် ဒါက ဒီနယ်မြေထဲက စီးပွားရေးကို တိုးတက်လာစေမယ်။ ငါတို့ ဘာမှ အရှုံး မရှိဘူး။"
မာယန် နားလည်သဘောပေါက်သွားသည်။ "ငါသိပြီ ငါနားလည်သွားပြီ ညီအစ်ကိုချမ့်"
"ကောင်းတာပေါ့။ ဒါဆို ဘော့စ်လီကို သွားပြောလိုက်တော့လေ..."
ဖေးချမ့်က ပြုံးကာ ဖုန်းချလိုက်ပါသည်။
ဘော့စ်လီ ခင်ဗျားက မာယန်ကို တစ်ပတ်ရိုက်လိုက်နိုင်ပြီဆိုပြီး ကိုယ့်ကိုယ်ကို အထင်တွေကြီးနေမှာပေါ့။ ဒါပေမယ့် ခင်ဗျား မှားသွားပြီ။ သူ့ကိုက လူတိုင်းလိမ်လို့ရတယ်။
ခင်ဗျားက သူ့ကို ရိုးရိုးရှင်းရှင်း အလိမ်အညာလေးတွေ ပြောလိုက်ပေမယ့် သူ့ကို ကျုပ်ဘက် ပြန်ခေါ်ဖို့ဆိုတာ ကျွန်တော် နည်းနည်းလောက် ထပ်လိမ်လိုက်ဖို့ပဲ လိုတယ်။
ဖေးချမ့်က မာယန်ကို အလိမ်အညာနဲ့ အမှန်တရားတို့ကို ရောနှောပြောလိုက်ရင်း တစ်ပတ်ရိုက်လိုက်ပါသည်။ ဒီနယ်မြေထဲက စီးပွားရေးများ တိုးတက်လာစေမည်ဟူ၍ ပြောလိုက်ခြင်းက လုံးဝ သောက်အဓိပ္ပာယ်မရှိတာတွေသာ ဖြစ်သည်။
စီးပွားရေးပတ်ဝန်းကျင်ဆိုတာ မတူညီသော အချက်များစွာတို့ ကိုက်ညီမှုရှိမှ တိုးတက်လာမည် ဖြစ်သည်။ ဆိုင်တချို့ ပရိုမိုးရှင်း တစ်ပြိုင်တည်း ဆင်းတာလောက်နဲ့ စီးပွားရေး ပတ်ဝန်းကျင်က တိုးတက်လာပါ့မလား။ စဥ်းစားကြည့်လိုက်ရုံနဲ့ မဖြစ်နိုင်ပါ။
သို့သော်လည်း မာယန်ကို လိမ်ဖို့ အကြောင်းပြချက် အဖြစ်တော့ ထိုက်တန်ပါသည်။
ဘော့စ်လီကို ဖြားယောင်းပြီး ဘေးပတ်လည်က ဆိုင်များကို ပရိုမိုးရှင်းများ ဆက်လုပ်ခွင့်ပေးလိုက်ပါက ယွီအင်တာနက်ကဖေးက ဆက်လက်အရှုံးပေါ်လိမ့်မည်။ ဖေးချမ့် တခြားသူတွေရဲ့ အရှုံးကနေ အမြတ်ယူနိုင်မယ့် အခွင့်အရေးကို လက်လွှတ်လို့ဖြစ်ပါ့မလား။
ဖုန်းချပြီးနောက် မာယန်က သူ့ကိုယ်သူ အမြန်ပြင်ဆင်သည့်အနေဖြင့် သူ့မျက်နှာရှည်ရှည်ကြီးကို ပွတ်လိုက်သည်။ ဘော့စ်လီလိမ်တာကို ခံခဲ့ရသည့်အကြောင်း စဥ်းစားမိရုံနဲ့ သူ ဒေါသထွက်ရပါသည်။
ငါ့ညီအစ်ကို ဉာဏ်ကောင်းပေလို့ပဲပေါ့။ ခင်ဗျား လိမ်တာကို ခံရတော့မလို့…
မာယန်က သရုပ်ဆောင်မကောင်းသော်လည်း ဘော့စ်လီ သူ့ထမင်းအိုးရိုက်ခွဲဖို့ ကြံစည်နေသည့်အကြောင်း စဥ်းစားမိရုံနဲ့ ကလဲ့စားချေချင်စိတ်များ တက်ကြွလာပါသည်။
ထိုဒေါသကို သရုပ်ဆောင်စွမ်းရည်များအဖြစ် ပြောင်းလဲလိုက်မည်။
သူစားပွဲကို ပြန်သွားလိုက်ပြီး ချက်ချင်း အပြုံးတစ်ခုကို ဆောင်လိုက်ပါသည်။ "ဘော့စ်လီ။ ကျွန်တော် ခုလေးတင်ပဲ ဘော့စ်ဖေးနဲ့ ဖုန်းပြောပြီးပါပြီ။ သူ့ရည်ရွယ်ချက်ကို ကျွန်တော်မေးခဲ့ပါတယ်"
"ကျွန်တော်တို့အခုကြုံတွေ့နေရတဲ့ အရှုံးတွေကတော့ တကယ်ပဲ စိတ်ပူစရာ ကောင်းပါတယ်။ ဒါပေမယ့်လို့ သူက အပြင်လူတွေကို ကုမ္ပဏီထဲ အလွယ်တကူ ဝင်ခွင့်မပေးချင်ဘူး။ ကျွန်တော်တို့ နောက်တစ်လလောက်ထိ ထပ်စောင့်မယ်လို့ ပြောတယ်။ အဲ့လောက်ကြာလို့မှ အခြေအနေတွေ တိုးတက်မလာဘူးဆိုရင် သူ တခြားနည်းလမ်းတွေ စဥ်းစားပါမယ်တဲ့။"
လီရှိက အနည်းငယ် ခေါင်းငြိမ့်လိုက်သည်။
သူ ထင်ထားသည့်အတိုင်းပင်။
သူ့တွက်ချက်မှုများအရဆို ဒီဘော့စ်ဖေးက အလွန် ခေါင်းမာသည့်လူဖြစ်သည်။ သူ့လက်အောက်ငယ်သားများက စကားတစ်ခွန်းနှစ်ခွန်းနဲ့ သူ့ကိုပြောင်းလဲနိုင်သည်ဆိုတာကမှ ထူးဆန်းနေပါမည်။
တစ်လတဲ့....
သူ တစ်လလောက် ဆက်ပြီး ငွေတွေကို ဆက်ဖြုန်းတီးရဦးမည်။ ရင်နာဖို့ကောင်းသော်လည်း လုပ်နိုင်စွမ်းတော့ ရှိပါသည်။
လီရှိ ခေါင်းကိုက်လာသည်။ သို့သော် သူ့မျက်နှာပေါ်မှာ နာကျင်မှုကို ထုတ်ပြလို့ မဖြစ်ပါ။ ဘာပဲဖြစ်ဖြစ် ဘေးပတ်လည်က ဆိုင်တွေကို တစ်ချိန်တည်း ပရိုမိုးရှင်း ဆင်းကြဖို့ ကြိုးကိုင်ခဲ့တာ သူဖြစ်မှန်း မာယန် မသိသေးပါ။
ဘော့စ်ဖေးကတော့ သိလောက်သည်။ သို့သော် မာယန်ကို မပြောခဲ့လောက်ပေ။ သက်သေလည်း မရှိပါ။ ဘော့စ်ဖေးက သက်သေ မရှိဘဲ ပါးစပ်မဟချင်သည့်ပုံပင်။
ဘယ်လိုပဲဖြစ်ဖြစ် လီရှိ ယွီအင်တာနက်ကဖေးကို အဆုံးသတ်မှာ အောင်အောင်မြင်မြင် ဝယ်ယူနိုင်မည်ဆိုသရွေ့ သူ ငွေ ဘယ်လောက်ပဲ ဖြုန်းရဖြုန်းရ အရေးမကြီးပါ။ သူ အကုန်ပြန်ရနိုင်မှာ သေချာပါသည်။
ထိုသို့တွေးလိုက်ရင်း လီရှိ ရုတ်တရက်ကြီး သွားပေါ်အောင် ပြုံးလိုက်ပါသည်။
"ဟုတ်တာပေါ့ ကျုပ်လည်း မလောပါဘူးဗျာ။ ဘော့စ်မာ မင်းလည်း ဘော့စ်ဖေးကို အရမ်းကြီး တိုက်တွန်းစရာ မလိုဘူးနော်။ မြင်းတစ်ကောင်ကို ရေရှိရာ ဦးဆောင်ပေးလို့ ရပေမယ့် အတင်းသောက်ခိုင်းလို့တော့ မရဘူးမလား။ ဘော့စ်ဖေးကို သူ့ဆန္ဒနဲ့သူ ဆုံးဖြတ်ပါစေ။"
"ဒါပေမယ့်..."
"ကျုပ်မင်းတို့အတွက် စိတ်ပူမိတယ် မင်းတို့ တစ်လအတွင်း ကြီးကြီးမားမား အရှုံးပေါ်သွားနိုင်တယ်နော်။ အဲ့လောက် အကြာကြီး မတောင့်ခံနိုင်ကြရင် ဘယ်လိုလုပ်မလဲ။ ဘော့စ်မာ မင်း တစ်ပတ်တစ်ခါလောက်တော့ သွားစမ်းကြည့်သင့်တယ်။ ဘယ်ပြောလို့ရမလဲ ဘော့စ်ဖေး စိတ်ပြောင်းချင် ပြောင်းမှာပေါ့နော့်။"
"ဟုတ်ကဲ့ပါ" မာယန်က ခေါင်းငြိမ့်လိုက်ပြီး ဘားထိုင်ဘက်သို့ လှည့်လိုက်ပါသည်။ "Margarita တစ်ခွက်ထပ်ချ။ ဘော့စ်လီကို ငါပြုစုမယ်။"
ထန်းတာ့နက်ခ်ဝါ့ နည်းပညာကုမ္ပဏီလိမိတက်တွင်....
ဖေးချမ့်တစ်ယောက် ယွီအင်တာနက်ကဖေးကိစ္စများ၊ သူ့စာမေးပွဲကိစ္စများကြောင့် အလုပ်များနေခဲ့သဖြင့် ရုံးကို အခုတလော သွားမကြည့်ဖြစ်ပါ။ ဒီနေ့ စိတ်လည်း ရွှင်နေသဖြင့် သွားစစ်ကြည့်ဖို့ ဆုံးဖြတ်လိုက်ပါသည်။
ငွေစာရင်းရှင်းချိန်လည်းတဖြည်းဖြည်းနဲ့ နီးကပ်လာနေပြီ။ သူ့တာဝန်အားလုံးကို တစ်ပြိုင်တည်း အချိန်ပေးဖို့ ဖေးချမ့်အတွက် ခက်ခဲသည်။
ကောင်းတာတစ်ခုက ထန်းတာ့၏ ဂိမ်းများအတွက် DLC များကို ထုတ်လုပ်ပြီးသားဖြစ်သည်။ တရားဝင်းဂိမ်းပလက်ဖောင်းမှ မကြာသေးခင်က ပြောင်းလဲလိုက်သော ဝေစုကိစ္စကလွဲပြီး ထင်မထားသည့် တုန်လှုပ်စရာကိစ္စများ မရှိသေးပါ။ သူ စိတ်အေးအေးထားလို့ရပြီဟု ဖေးချမ့် ခန့်မှန်းမိပါသည်။
ဖေးချမ့် ယွီအင်တာနက်ကဖေး၏ လက်ရှိအခြေအနေကို စဥ်းစားမိတိုင်း ပျော်ရပါသည်။ ပျော်ရွှင်စွာဖြင့် သူ့ရုံးခန်းဆီ လျှောက်လှမ်းလာခဲ့သည်။
ရုံးထဲတွင် လုမင်လျန်နဲ့ ပေါင်ရှုတို့က တီးတိုး တိုင်ပင်ဆွေးနွေးနေကြ၏။
"ဘော့စ်ဖေးက ဒီရက်ပိုင်းထဲ ရုံးသိပ်မလာဘူးနော်။ သူအလုပ်များနေလို့များလား။"
"ယွီအင်တာနက်ကဖေးက အခြေအနေမကောင်းဘူးလို့ငါကြားတယ်။ သူ အဲ့ဘက်မှာ သွားကူနေတာဖြစ်မယ်။"
"ဘော့စ်ဖေးရဲ့ မျက်နှာထားကို ကြည့်ရသလောက်တော့ ဒီပြဿနာက ကြီးကြီးမားမား ဖြစ်ပုံမပေါ်ပါဘူး။"
"အဲ့တာတော့ မသေချာဘူး။ ဘော့စ်ဖေး အကြောင်း မင်းလည်းသိရဲ့သားနဲ့။ သူက စိတ်ခံစားချက်ကို မျက်နှာပေါ်မှာ ထုတ်မပြဘူး။ ပြဿနာ ကြီးလောက်ပေမယ့် ဘော့စ်ဖေးက ထုတ်မပြတာလည်း ဖြစ်နိုင်တာပဲ။"
"အင်း... ဒါဆို ငါတို့ ဘော့စ်ဖေးကို သမုဒ္ဒရာရဲတိုက်အကြောင်း တင်ပြလိုက်ရမလာား။ ငါတို့ သူ့ကို အာရုံများအောင် မလုပ်သင့်ဘူးထင်တယ်နော်။"
ပေါင်ရှုက ခေတ္တစဥ်းစားလိုက်ပြီး ပြောလိုက်ပါသည်။ "ယွီအင်တာနက်ကဖေးနဲ့ ယှဥ်ရင် ဒီကိစ္စက အဲ့လောာက်ကြီး အရေးမကြီးပါဘူး။ ရက်ပိုင်းလောက် စောင့်လိုက်ရအောင်"
"ပြီးတော့လည်း Trading ပလက်ဖောင်းတွေမှာ အကောင့်တွေက စျေးမြှင့်မယ်ဆိုတာ ခန့်မှန်းထားပြီးသားပဲလေ။ ဒီရက်ပိုင်းထဲ ငွေဖြည့်သွင်းမှုပမာဏနဲ့ Active ကစားသမား အရေအတွက်တွေ တိုးလာတာ ကောင်းတဲ့အရာပဲကို။ အထူးတလည်ကြီး အစီရင်ခံစရာတော့ လိုမယ်မထင်ဘူး။"
လုမင်လျန်လည်း ခေါင်းငြိမ့်လိုက်ပါသည်။ "ဟုတ်တယ်နော်။ ငါတို့ ဘော့စ်ဖေးအချိန်ရတဲ့အထိ စောင့်ပြီးမှ အစီရင်ခံကြတာပေါ့။"
Zawgyi
ေဖးခ်မ့္ 177+178
အခန္း(၁၇၇) တျခားလူကို သြားလိမ္
ဇြန္လ ၂၅ ရက္ေန႔ ေသာၾကာေန႔ည...
ယြီအင္တာနက္ကေဖးဆိုင္တစ္ဆိုင္လုံးတြင္ သီခ်င္းဆိုသံမ်ား ပဲ့တင္သံထပ္ေနသည္။ သို႔ေသာ္လည္း စင္ေအာက္က ထိုင္ခုံမ်ားကေတာ့ ဗလာက်င္း ျဖစ္ေနပါသည္။ လူ ၂ ေယာက္ ၃ ေယာက္သာ ထိုင္ၿပီး အရက္ေသာက္ေနၾကသည္။
အဆိုေတာ္လည္း ႏုံးခ်ည့္ေနၿပီျဖစ္ကာ ေအာက္မွာ သူ႕သီခ်င္းဆိုတာကို နားေထာင္ေနသည့္ လူေတြကလည္း အိပ္ေပ်ာ္ကုန္ပါၿပီ။
မာယန္၏ မ်က္ႏွာတြင္ စိုးရိမ္ပူပန္မႈမ်ားျဖင့္ ဖုံးအုပ္ေနသည္။
သူ ဘာလုပ္ရမလဲ။
ယြီအင္တာနက္ကေဖးဆိုင္မ်ား ပတ္ပတ္လည္က ၿပိဳင္ဆိုင္မႈမ်ား ပိုမိုျပင္းထန္လာေသာအခါ ယြီအင္တာနက္ကေဖး၏ ကတ္စတမ္မာမ်ား ပိုပိုၿပီး နည္းလာပါသည္။
သူတို႔မွာ အဆိုေတာ္တစ္ေယာက္ ႐ွိေသာ္လည္း ေဘးပတ္လည္က တျခားဘားေတြမွာ ဒီ့ထက္ ပိုေကာင္းတာ ႐ွိသည္။ မီႏူးေပၚက ေသာက္စရာေတြကိုလည္း ဒစ္စ္ေကာင့္ ခ်ေပးထားပါသည္။
ထိုဘားေတြက လူစည္ကားကာ အသက္ဝင္ေနပါသည္၊။ ယြီအင္တာနက္ကေဖး၏ ေဖာက္သည္ေဟာင္းမ်ားစြာက ျခံခုန္ေနၾကပါသည္။
ဘာပဲျဖစ္ျဖစ္ ဘားကို လာသည့္ လူအမ်ားစုက ေပ်ာ္ပါးဖို႔နဲ႔ လူေတြနဲ႔ ေတြ႕ဆုံဖို႔ ျဖစ္သည္။ ေအးစက္ၿပီး တိတ္ဆိတ္သည့္ေနရာမ်ိဳးတြင္ ေသာက္ခ်င္သူက နည္း၏။ ထို႔အျပင္ ဒီေနရာက ေစ်းလည္း မေပါပါ။
အဆိုေတာ္အသစ္က အဆိုေကာင္းပါသည္။ သို႔ေသာ္လည္း ခ်န္းလ်ဲ႕၏ စံႏႈန္းကို မွီဖို႔ေတာ့ အမ်ားႀကီး လိုသည္။ ထို႔ေၾကာင့္ ကတ္စတမ္မာ မ်ားမ်ားစားစားကို မဆြဲေဆာင္ႏိုင္ခဲ့ေပ။
လူေတြ ပိုနည္းလာေလေလ သူလည္း အားေလ်ာ့လာေလေလျဖစ္သည္။ သူ အားေလ်ာ့လာေလေလ သီခ်င္းဆိုသည့္အခါ အသံက ပိုေၾကာင္လာေလေလ ျဖစ္သည္။ သံသရာလည္ေနပါသည္။
"ညီအစ္ကိုခ်မ့္က ငါ့ကိုဘာမွမလုပ္ဖို႔ ေျပာထားေပမယ့္ ငါလိပ္ျပာမလုံျဖစ္ေနတယ္ကြာာ..."
မာယန္က နာက်င္စြာျဖင့္ တစ္ေယာက္တည္း ေသာက္ေနပါသည္။
ယြီအင္တာနက္ကေဖးက ဆက္လက္ အ႐ႈံးေပၚေနသည္။ ယြီသေရစာလုပ္ငန္းကေတာင္ မတိုးတက္ေသးပါ။ မာာယန္ သူ႕ကိုယ္သူ သံသယျဖစ္လာပါၿပီ။
အင္တာနက္ကေဖး၏ ဆိုင္ေထာင့္တြင္ လီ႐ွိက ေကာ့ေတးကို ေသာက္ေနသည္။ သူ႕ႏႈတ္ခမ္းေထာင့္မ်ား အေပၚဘက္သို႔ေကြးသြားသည္။
ဟုတ္တယ္.... ဒီေကာင္ေတြက ငါနဲ႔ ယွဥ္ၿပိဳင္ဖို႔ အေတြ႕အၾကဳံႏုလြန္းပါေသးတယ္ကြာ။
ဖုေဟြ႕ရင္းႏွီးျမႇဳပ္ႏွံမႈက က်င္းက်ိဳးၿမိဳ႕႐ွိ လုပ္ငန္းအေတာ္မ်ားမ်ားတြင္ ရင္းႏွီးျမႇဳပ္ႏွံထားၿပီးသား ျဖစ္သည္။ သူတို႔တြင္ အာဏာ အတိုင္းအတာတစ္ခုထိလည္း ႐ွိေနပါသည္။
သူတို႔ ေငြနည္းနည္းေလာာက္ သုံးလိုက္ၿပီး ယြီအင္တာနက္ကေဖးဆိုင္ပတ္လည္က ဆိုင္မ်ားကို ပ႐ိုမိုး႐ွင္းတခ်ိဳ႕ေပးဖို႔ ခိုင္းလိုက္႐ုံသာ ႐ွိသည္။ ထိုဆိုင္မ်ားက ကတ္စတမ္မာ ပိုရလာၿပီး ယြီအင္တာနက္ကေဖးက ဖိႏွိပ္ခံရလိမ့္မည္။ ထိုအခါ ဖုေဟြ႕ ရင္းႏွီးျမႇဳပ္ႏွံမႈအတြက္ ပိုမိုလြယ္ကူသြားပါလိမ့္မည္။
လီ႐ွိအတြက္နဲ႔ ယြီအင္တာနက္ကေဖးဆိုင္ ပတ္လည္က ဆိုင္မ်ားအတြက္ ႏွစ္ဦးႏွစ္ဖက္ အဆင္ေျပေသာ အေျခအေန ျဖစ္သည္။
လီ႐ွိက ယြီအင္တာနက္ကေဖးမွာ ႐ုပ္ဖ်က္ၿပီး ေနေနတာ ၾကာပါၿပီ။ ဒီေနရာကို သူ ႐ွင္း႐ွင္းလင္းလင္း နားလည္ခဲ့ပါၿပီ။
ယြီအင္တာနက္ကေဖးဆိုင္၏ ေနာက္ကြယ္တြင္ လူငယ္ေဘာ့စ္တစ္ေယာက္ျဖစ္သည့္ ေဘာ့စ္ေဖး ႐ွိသည္။ သူက ေခါင္းမာၿပီး ဇြဲႀကီး၏။ တျခားသူေတြရဲ႕ အၾကံကို နားမေထာင္တတ္ေသာ လူမ်ိဳးဟု လီ႐ွိ ခန္႔မွန္းမိသည္။ လီ႐ွိ သူ႕အေၾကာင္း တျဖည္းျဖည္းနဲ႔ သိေအာင္ လုပ္ရေပမည္။
ဒီက်န္းယြမ္ဆိုတာက ၿမိဳ႕နယ္မန္ေနဂ်ာအဆင့္ ျဖစ္သည္။ သို႔ေသာ္လည္း တကယ္တမ္း ေဘာ့စ္ေဖးနဲ႔ သိပ္ၿပီး မရင္းႏွီးပါ။ သူက အင္တာနက္ကေဖးဆိုင္မ်ား၏ လည္ပတ္မႈကို အဓိက တာဝန္ယူရပါသည္။
အဓိကေသာ့ခ်က္က ထိုမ်က္ႏွာ႐ွည္႐ွည္နဲ႔ လူမွာ ႐ွိေနသည္။
မာယန္က ေဘာ့စ္ေဖးနဲ႔ အေတာ္ေလး ရင္းႏွီးသည့္ပုံေပၚသည္။ ထို႔အျပင္ အရမ္းႀကီး ထက္ျမက္တဲ့ပုံလည္း မေပၚပါ။ သူက အလြယ္တကူ ေပါ့ဆတတ္ေသာာလူမ်ိဳးနဲ႔ တူသည္။
ဒီမ်က္ႏွာ႐ွည္႐ွည္နဲ႔ လူကို သူ အရင္ ႐ွင္းရမည္။ ဒီလူ႕ကို တစ္ပတ္႐ိုက္ႏိုင္တာနဲ႔ ေဘာ့စ္ေဖးကို ျဖည္းျဖည္းခ်င္း လႊမ္းမိုးႏိုေအာင္ အသုံးခ်လို႔ ရႏိုင္သည္။ ထို႔ေနာက္ သူ႕မစ္႐ွင္ ေအာင္ျမင္ပါၿပီ။
ေဘာ့စ္ေဖး၏ အေျခအေန အခု ဘယ္လို႐ွိသလဲ ေျပာဖို႔ေတာ့ မလြယ္ကူေသးပါ။ ဘာပဲျဖစ္ျဖစ္ သူ ယြီအင္တာနက္ကေဖးကို ေရာက္မလာတာ ၂ ရက္႐ွိၿပီ။ သို႔ေသာ္လည္း မ်က္ႏွာ႐ွည္႐ွည္နဲ႔ လူကို ၾကည့္ရသေလာက္ေတာ့ သူ က်႐ႈံးေနၿပီဟု လီ႐ွိ ခန္႔မွန္းမိပါသည္။
လီ႐ွိ၏ တြက္ခ်က္မႈမ်ားက ေကာင္းမြန္ပါသည္။ ဒီအလုပ္ကို အျမန္ဆုံး လက္စသတ္ႏိုင္ဖို႔ ျဖစ္ႏိုင္ေခ် အားလုံးကို စဥ္းစားရမည္။
ဘာပဲျဖစ္ျဖစ္ သူ ေငြေတြ အမ်ားႀကီး ျဖဳန္းတီးပစ္လို႔ မရပါ။ ေဘာ့စ္ေဖးကို ႏွိပ္စက္ဖို႔သာ ျဖဳန္းတီးပစ္ခဲ့ရျခင္း ျဖစ္သည္။
ယြီအင္တာနက္ကေဖးထဲက လူအာားလုံး အျမတ္ရႏိုင္စြမ္းကို သံသယျဖစ္လာတာနဲ႔ သူဝင္လာာၿပီး ခက္ခဲေနသည့္ အခ်ိန္မ်ားအတြက္ လက္ကမ္းကာ ကူညီေပးဖို႔ ကမ္းလွမ္းမည္ျဖစ္သည္။
ထို႔ေနာက္ ရင္းႏွီးျမႇဳပ္ႏွံဖို႔လုပ္ဖို႔ အခြင့္အေရး ရလာပါလိမ့္မည္။
လီ႐ွိက သူ႕အရက္ခြက္ကို ယူေဆာင္ကာ မာယန္၏ မ်က္ႏွာခ်င္းဆိုင္တြင္ ထိုင္လိုက္သည္။
မာယန္က စိုးရိမ္ပူပန္ေနစဥ္ အသက္ႀကီးႀကီး လီ႐ွိကို သူ႕ေ႐ွ႕မွာ ထိုင္ေနတာ ျမင္လိုက္ရေသာအခါ သူ ဆတ္ခနဲ႔ ျဖစ္သြားသည္။
ဘာလုပ္တာတုန္း။
က်ဳပ္စားပြဲမွာ မိန္းမလွေလးေတြလည္း မ႐ွိဘူး။ ဘာလိုခ်င္လို႔လဲ။
မဟုတ္မွလြဲေရာ... သူေဌးႀကီးေတြက သူမ်ားနဲ႔ မတူတဲ့ ဝါသနာေတြမ်ား ႐ွိေနတာလား။
ထိုအခ်ိန္တြင္ မာယန္ ဆြံ႕အေနသည္။ သူ႕ခြက္ကို လီ႐ွိနဲ႔ ခြာၿပီး သူ႕ဆီသူ တိုးတိတ္စြာ ဆြဲယူလိုက္ပါသည္။
မာယန္၏ အေတြးေတြ ဘယ္ေလာက္ နယ္လြန္ေနသလဲဆိုတာကို လီ႐ွိကေတာ့ မသိပါ။ မာယန္က ဒီတိုင္း သတိႀကီးႀကီးထားေနသည္ဟုသာ ထင္သြားသည္။
"ေဘာ့စ္မာ ေနေကာင္းရဲ႕လား။ က်ဳပ္ကိုက်ဳပ္ မိတ္ဆက္ပါရေစ။ က်ဳပ္ကိ ဖုေဟြ႕ ရင္းႏွီးျမႇဳပ္ႏွံမႈရဲ႕ စီအီးအို လီ႐ွိလို႔ေခၚပါတယ္။"
လီ႐ွိကာ ယုံၾကည္ခ်က္ ျပည့္ဝစြာျဖင့္ သူ႕နာမည္ကတ္ကို မာယန္အား ကမ္းေပးလိုက္ပါသည္။ "တကယ္ေတာ့ က်ဳပ္က ဒီက ကတ္စတမ္မာေဟာင္းပါ။ ေဘာ့စ္မာ အလုပ္ အတူတူတြဲလုပ္ဖို႔ စိတ္ဝင္စားမလားမသိဘူး။"
လီ႐ွိက သူ႕အေပၚ အၾကံဆိုးမ်ား မ႐ွိတာကို မာယန္ သေဘာေပါက္သြားပါသည္။ နာမည္ကတ္ကို ျဖည္းျဖည္းခ်င္း ေကာက္လိုက္ၿပီး မီးေရာင္မွိန္မွိန္ေအာက္တြင္ ဖတ္လိုက္သည္။
လီ႐ွိ ”..."
ေဘာ့စ္မာက ဖုေဟြ႕ ရင္းႏွီးျမႇဳပ္ႏွံမႈအေၾကာင္း မသိေလာက္ဘူးဆိုတာကို သူသိလိုက္ရပါသည္။
လီ႐ွိ အနည္းငယ္ စိတ္တိုလာ၏။ အဓိပၸာယ္မ႐ွိတာ။
က်င္းက်ိဳးၿမိဳ႕က ရင္းႏွီးျမႇဳပ္ႏွံမႈေလာကထဲမွာ ဖုေဟြ႕ရင္းႏွီးျမႇဳပ္ႏွံမႈက ဘယ္ေလာက္ေတာင္ နာမည္ႀကီးလိုက္သလဲ။
မာယန္၏ မ်က္ႏွာထားကို ၾကည့္ျခင္းအားျဖင့္ ဖုေဟြ႕ ရင္းႏွီးျမႇဳပ္ႏွံမႈက ယြီအင္တာနက္ကေဖးအတြက္ ဘာေတြယူေဆာင္ေပးႏိုင္သလဲဆိုတာကို မသိသည့္ပုံပင္။ ေကာင္းတာက လီ႐ွိက အေတာ္ေလး အေတြ႕အၾကဳံ႐ွိသူ ျဖစ္သည္။ မာယန္က သူဘယ္သူလဲဆိုတာ မသိသျဖင့္ သူက လိုရင္းသာ ေျပာလိုက္ပါမည္။
ဘာမွ မသိတဲ့ ဒီလိုငတုံးေတြကို လိမ္ရတာ အလြယ္ကူဆုံး ျဖစ္ပါသည္။
လီ႐ွိက ေကာ့ေတး ႏွစ္က်ိဳက္ေလာက္ ေသာက္လိုက္ၿပီး ေအာင္ျမင္သည့္ လူတစ္ေယာက္၏ အ႐ွိန္အဝါမ်ိဳး တင္လိုက္သည္။ စိတ္မပါ လက္မပါ ထိန္းခ်ဳပ္ထားသည့္ ေလသံမ်ိဳးျဖင့္ ပူးေပါင္းေဆာင္႐ြက္မႈအစီအဥ္ကို မာယန္အား ႐ွင္းျပလိုက္ပါသည္။
႐ွင္း႐ွင္းေျပာရလွ်င္ ဖုေဟြ႕ ရင္းႏွီးျမႇဳပ္ႏွံမႈက ယြီအင္တာနက္ကေဖးတြင္ ရင္းႏွီးျမႇဳပ္ႏွံကာ ၎၏ က်ယ္ျပန္႔ေသာ အေတြ႕အၾကဳံမ်ားျဖင့္ ယြီအင္တာနက္ကေဖး၏ လုပ္ေဆာင္ခ်က္မ်ားကို လမ္းၫႊန္ေပးမည္။ အားလုံး အတူတူေငြကို ရ႐ွိႏိုင္မည္။ သူတို႔မၾကာခင္ ယြီအင္တာနက္ကေဖးကို ကမ႓ာတစ္ဝွမ္းသို႔ တိုးခ်ဲ႕ႏိုင္လိမ့္မည္။
အႏွစ္ခ်ဳပ္ေျပာရလွ်င္ လီ႐ွိက စုတ္ခ်က္ တစ္ခ်ဳပ္တည္းနဲ႔ အလြန္လွပေသာ ပန္းခ်ီကားတစ္ခ်က္ကို ဆြဲျပလိုက္သည္။
မာယန္၏ မ်က္လုံးမ်ား ဝိုင္းစက္သြား၏။ သူ စိတ္လႈပ္႐ွားသြားသည္။
လီ႐ွိက ေအာင္ျမင္သည့္လူတစ္ေယာက္။ သူဝတ္ဆင္ထားသည့္ ပုံစံေကာ၊ စကားေျပာသည့္ပုံကိုကိုေကာ ၾကည့္ျခင္းအားျဖင့္ တျခားသူေတြနဲ႔ ျခားနားတာကို မာယန္ေျပာႏိုင္ပါသည္။ အဆင့္နိမ့္ဘာသာစကားဗ်ဴဟာမ်ားျဖင့္ အာမခံေရာင္းခ်ဖို႔ ႀကိဳးစားသည့္ မားကတ္တင္းလူေတြထက္ ပို၍ အေျပာေကာင္းသည္။
ထို႔အျပင္ သူေျပာလိုက္သည့္ စကားတိုင္းတြင္ ေဆးအာနိသင္႐ွိေနသလိုပင္။ မာယန္၏ နာက်င္ေနသည့္ ေနရာတိုင္းကို ကုသေပးေနသည္။ ယြီအင္တာနက္ကေဖးဆိုင္က ျပႆနာမ်ားကို ေျဖ႐ွင္းႏိုင္ဖို႔ အကူအညီကို ကမ္းလွမ္းေနျခင္း ျဖစ္ပါသည္။
က်န္းယြမ္က ယြီအင္တာနက္ကေဖးဆိုင္မွာ ရင္ဆိုင္ေနရသမွ် ျပႆနာအားလုံးအတြက္ အေျဖေကာင္းေကာင္းကို ႐ွာမေတြ႕ႏိုင္ပါ။ ေဖးခ်မ့္ကလည္း ထူးထူးဆန္းဆန္း ျပဳမူေနသည္။ ဒါေတြအားလုံးေၾကာင့္ မာယန္လည္း လမ္းေပ်ာက္ၿပီး စိတ္႐ႈပ္ေနရပါသည္။
အခု လီ႐ွိလုပ္ဖို႔လိုတာဆိုလို႔ မာယန္ကို တစ္ပတ္႐ိုက္ဖို႔အတြက္ ယြီအင္တာနက္ကေဖးအတြက္ အျမတ္ေငြ ပုံစံကြက္တခ်ိဳ႕ကို ခ်ျပလိုက္ဖို႔ ျဖစ္သည္။
လီ႐ွိက မာယန္၏ တုန္႔ျပန္ခ်က္ကို အကဲခတ္လိုက္သည္။ သူေအာင္ျမင္သြားၿပီဆိုတာကိုသူ သိလိုက္ပါသည္။
"အားလုံး ထင္မထားေလာက္ေအာင္ကို အဆင္ေတြေျပေနေတာ့မွာပဲ။"
ထို႔ေနာက္ ငါးစာကို ငါးဟပ္မည့္အခ်ိန္အား သူ တိတ္ဆိတ္စြာ ေစာင့္ဆိုင္းေနခဲ့သည္။
လီ႐ွိ ေျပာလို႔ ၿပီးတာနဲ႔ မာယန္က စိတ္လႈပ္႐ွားသြားသည့္ ပုံေပါက္လာသည္။ လီ႐ွိ သူ႕ေ႐ွ႕မွာ ခ်ျပလိုက္သည့္ မူၾကမ္းကို သူအလြန္သေဘာက်မွန္း လီ႐ွိ ေျပာႏိုင္ပါသည္။
သို႔ေသာ္လည္း ခ်က္ခ်င္းေတာ့ သေဘာမတူခဲ့ပါ။
"ေဘာ့စ္လီ ခင္ဗ်ားရဲ႕ အၾကံေပးခ်က္က ေကာင္းပါတယ္။ ဒါေပမယ့္... ကြၽန္ေတာ့္ေဘာ့စ္ကို ေမးၾကည့္ရဦးမယ္။"
ေဖးခ်မ့္က အင္တာနက္ကေဖး၏ ကိစၥမွန္သမွ်ကို ဆုံးျဖတ္ပိုင္ခြင့္႐ွိမွန္း မာယန္က မေမ့ပါ။
လီ႐ွိကလည္း ဒီ့အတြက္ ျပင္ဆင္ထားၿပီးသား ျဖစ္ပါသည္။ သူက ျပဳံးၿပီး ျပန္ေျပာလိုက္ပါသည္။ "ေကာင္းပါၿပီ"
ဒီေလာက္ဆို လီ႐ွိ ထပ္ေျပာရလွ်င္ ေကာင္းမည္မဟုတ္ေတာ့ပါ။
မာယန္ကို လုံးဝ အယုံသြင္းလိုက္ႏိုင္ၿပီဆိုတာကို သူေသခ်ာပါသည္။ သူလုပ္ဖို႔လိုတာဆိုလို႔ ဒီမ်က္ႏွာ႐ွည္႐ွည္နဲ႔လူ ေဖးခ်မ့္နဲ႔ သီးသန္႔စကားေျပာတာကို ေစာင့္ဖို႔သာ လိုေတာ့သည္။ ဒီေလာက္ဆို သက္ေရာက္မႈ႐ွိလိမ့္မည္ဆိုတာ လီ႐ွိေသခ်ာပါသည္။
ေဖးခ်မ့္ သူ႕ကိုသံသယျဖစ္မွာကို မစိုးရိမ္ပါ။
"ညီအစ္ကိုခ်မ့္ အေျခအေနက အဲ့လို႐ွိတယ္။ ငါတို႔ ဖုေဟြ႕ရင္းႏွီးျမႇဳပ္ႏွံမႈရဲ႕ ကမ္းလွမ္းခ်က္ကို လက္ခံလိုက္လို႔ရတယ္။ အဲ့တာဆိုငါတို႔အ႐ႈံးက အျမတ္ျဖစ္သြားလိမ့္မယ္။ မဟုတ္ဘူးလား။"
ဖုန္းထဲတြင္ မာယန္က စိတ္လႈပ္႐ွားေနသည့္ေလသံေပါက္ပါသည္။
ေဖးခ်မ့္က အနည္းငယ္ ျပဳံးလိုက္မိသည္။ မာယန္က တစ္ပတ္႐ိုက္လို႔ အလြန္လြယ္ပါသည္။
သို႔ေသာ္လည္း ေဖးခ်မ့္က စိတ္မဆိုးပါ။ ဒါက သူ႕ဝန္ထမ္းတစ္ေယာက္အေနျဖင့္ မာယန္၏ အစြမ္းအစတစ္ခု ျဖစ္ပါသည္။
အေျခအေနကို ၾကည့္ရသေလာက္ေတာ့ ဖုေဟြ႕ရင္ႏွီးျမႇဳပ္ႏွံမႈ၏ ေဘာ့စ္လီဆိုသူ၏ ဦးေႏွာက္က်င္းျခင္းကို မာယန္ လုံးဝ ခံလိုက္ရၿပီ ထင္သည္။ သို႔ေသာ္လည္း ကိစၥေတာ့ မ႐ွိပါ။ စကားတစ္ခြန္းႏွစ္ခြန္းနဲ႔ မာယန္ကို ျပန္အယုံသြင္းႏိုင္ပါသည္။
"မာႀကီး မင္းေတာ့ ဂ်င္းထည့္ခံလိုက္ရၿပီ။"
ဖုန္းကိုင္ထားရင္း မာယန္ ေၾကာင္သြားပါသည္။
"ညီအစ္ကိုခ်မ့္ မင္း ဘာကိုေျပာတာလဲ။"
ေဖးခ်မ့္က တိုးညႇင္းစြာ ရယ္လိုက္၏။ "တကယ္ေတာ့ အဲ့ဒီဖုေဟြ႕ရင္းႏွီးျမႇဳပ္ႏွံမႈဆိုတာ လြန္ခဲ့တဲ့ ရက္ပိုင္းေလာက္က လက္ေထာက္႐ွင္းကို ဆက္သြယ္လာဖူးတယ္။ သူတို႔ ယြီအင္တာနက္ကေဖးမွာ ရင္းႏွီးျမႇဳပ္ႏွံဖို႔ ကမ္းလွမ္းေပမယ့္ ငါျငင္းလိုက္တယ္။"
မာယန္ စိတ္႐ႈပ္ေထြးသြားသည္။ "ဘာလို႔ ျငင္းလိုက္တာလဲ ညီအစ္ကိုခ်မ့္။ သူတို႔က ငါတို႔ကို ရင္းႏွီးျမႇဳပ္ႏွံမႈအျဖစ္ ေငြေတြ အမ်ားႀကီး ေပးမွာေလေ။ အားလုံးက ေငြအတူတူရၾကမွာ။ အဲ့တာ မေကာင္းဘူးလား။"
ေဖးခ်မ့္ ျပဳံးလိုက္မိပါသည္။ ဒီေဘာ့စ္လီက မာယန္ကို လိမ္ရလြယ္မွန္း သိသျဖင့္ သူ႕ကိုအရင္သြားေျပာတာျဖစ္ရမည္။ ဘာပဲျဖစ္ျဖစ္ ယြီအင္တာနက္ကေဖးမွာ ရင္းႏွီးျမႇဳပ္ႏွံဖို႔ကို သူလက္မေလွ်ာ့ေလာက္ေသးပါ။
အခန္း(၁၇၈) သူ႕႐ွဴး သူျပန္ပက္ျခင္း
အနီးအနား႐ွိဆိုင္ေတြက ယြီအင္တာနက္ကေဖးကို တိုက္ခိုက္ဖို႔ ပ႐ိုမိုး႐ွင္းေတြ ဆင္းေနတာလား ဆိုတာကိုေတာ့ ေဖးခ်မ့္လည္း မေသခ်ာပါ။ ဘာပဲျဖစ္ျဖစ္ သူမ်ားကို သက္ေသမ႐ွိဘဲ စြပ္စြဲလို႔ မရႏိုင္ေပ။
သူတို႔ သာမန္အတိုင္း ပ႐ိုမိုး႐ွင္း ဆင္းေနၾကတာျဖစ္ၿပီး အားလုံး တစ္ၿပိဳင္တည္း တိုက္ဆိုင္သြားၾကတာ ဆိုရင္ေကာ။
ေနာက္ကြယ္မွာ ေဘာ့စ္လီက ဒီျပႆနာေတြကို ႀကိဳးကိုင္ေနတာလား ဆိုတာကိုလည္း ေဖးခ်မ့္ မေသခ်ာႏိုင္ပါ။ ဒီ့အတြက္လည္း သက္ေသ မ႐ွိေပ။
သို႔ေသာ္လည္း ေဘာ့လီက ဒီလိုျဖစ္ေနတာကို အခြင့္ေကာင္းယူခ်င္မွန္းေတာ့ ေသခ်ာႏိုင္ပါသည္။ သူ႕အတြက္သူ အျမတ္ထုတ္ခ်င္ေနျခင္း ျဖစ္သည္။
ထို႔ေၾကာင့္ ေဖးခ်မ့္ စိတ္ဖိစီးသြားသည္။ သို႔ေသာ္လည္း သိပ္ၿပီး အက်ိဳးဆက္ မ႐ွိႏိုင္ပါ။
သိုေသာ္လည္း ေဘာ့စ္လီ မိုက္မဲတာကို ေဖးခ်မ့္ အျပစ္မတင္ႏိုင္ေပ။ အခ်ိဳသပ္ၿပီး ျဖားေယာင္းသည့္ နည္းလမ္းျဖင့္ ခ်ဥ္းကပ္လာေသာေၾကာင့္ ျဖစ္ပါသည္။
တစ္ဖက္တြင္ ေဘာ့စ္လီက ယြီအင္တာနက္ကေဖးကို တိုက္ခိုက္ေနသည္ဟု ဘယ္ေတာ့မွ တိုက္႐ိုက္ဝန္ခံမွာ မဟုတ္ေပ။ သို႔ေသာ္ အခ်ိဳသပ္ကာ အားလုံးအတြက္ ေငြရႏိုင္မည့္ ပုံစံျဖစ္ေအာင္ လုပ္လိမ့္မည္။ ယြီအင္တာနက္ကေဖးကို အမ်ားႀကီး ရန္မစမိေအာင္ သတိထားလိမ့္မည္။ ဒါက အခ်ိဳသပ္ျခင္း ျဖစ္သည္။
ေနာက္တစ္ဖက္မွာေတာ့ ေဘာ့စ္လီက ေဖးခ်မ့္ ဆက္လက္ၿပီး ေခါင္းမာေနဦးမည္ဆိုလွ်င္ အဆုံးသတ္ထိ တိုက္ခိုက္သြားမည္ဟု အရိပ္အႁမြက္ျပေနျခင္းလည္း ျဖစ္သည္။ သူ႕ေစ်းႏႈန္းမ်ားကို ဆက္ေလွ်ာ့ၿပီး ေဖးခ်မ့္ ကတ္စတမ္မာေတြ အားလုံးကို ဆုံး႐ႈံးသြားေအာင္ လုပ္ေပလိမ့္မည္။ ေနာက္ကြယ္မွာ ေဘာ့စ္လီ႐ွိေနမွန္း ေဖးခ်မ့္သိလည္း ဘာျဖစ္လဲ။ သူ႕အ႐ႈံးေတြကို ေလွ်ာ့ခ်ဖို႔အတြက္ ေဖးခ်မ့္ တျဖည္းျဖည္းနဲ႔ လက္ေလွ်ာ့လာရမွာပဲ မဟုတ္လား။ ဒါက ျဖားေယာင္းျခင္း ျဖစ္သည္။
တျခားသူေတြသာ ဒီလို အေျခအေနမ်ိဳးနဲ႔ ရင္ဆိုင္လာရပါက လြတ္လမ္း မ႐ွိေတာ့ဘဲ ရင္းႏွီးျမႇဳပ္ႏွံမႈကို လက္ခံလိုက္ရေတာ့မည္ျဖစ္သည္။
သို႔ေသာ္လည္း ေဖးခ်မ့္ကေတာ့ လုံးဝ ကြဲျပားျခားနားပါသည္။
မင္းက ငါ့ကို အ႐ႈံးပိုေပၚေအာင္ ေငြသုံးၿပီး ကူညီေပးခ်င္တယ္ေပါ့။ ေက်းဇူးေတာင္ တင္ရဦးမယ္။
ေဖးခ်မ့္က အစပိုင္းေတာ့ သူ႕ကို ျငင္းခ်င္ခဲ့သည္။ သို႔ေသာ္လည္း ျပန္စဥ္းစားၾကည့္ေသာအခါ မမွန္္ကန္ေလာက္ေၾကာင္း သတိထားမိသြားသည္။
ေဘာ့စ္လီက သူမ်ားေတြကို ကူညီရတာ ဝမ္းသာတဲ့ပုံပဲ။ ေဖးခ်မ့္ ဒီတိုင္းေလး အလိုက္သင့္ ေနမေပးသင့္ဘူးလား။
ေဘာ့စ္လီကို ထပ္ၿပီး ျငင္းဆန္လိုက္လွ်င္ ေဘာ့စ္လီ ေစာေစာ လက္ေလွ်ာ့သြားေလာက္သည္။ ဘာပဲျဖစ္ျဖစ္ ဒီလူက ရင္းႏွီးျမႇဳပ္ႏွံမႈ ကုမၸဏီတစ္ခု၏ ေဘာ့စ္တစ္ေယာက္ ျဖစ္သည္။ သူ႕မွာ လုပ္စရာေတြ အမ်ားႀကီး ႐ွိပါသည္။ ယြီအင္တာနက္ကေဖးေနာက္ကိုပဲ ဆက္တိုက္ လိုက္ေနဖို႔ မတတ္ႏိုင္ပါ။
ေဘာ့စ္လီ၏ စိတ္ဝင္စားမႈကို သူဆုံး႐ႈံးသြားတာနဲ႔ ယြီအင္တာနက္ကေဖးဆိုင္ပတ္လည္က လုပ္ငန္းေတြလည္း ေငြေတြ မီး႐ိႈ႕တာကို ရပ္ၾကလိမ့္မည္။ ဒါဆို ယြီအင္တာနက္ကေဖးဆိုင္ကို ဝင္ေရာက္သူမ်ား အရင္အတိုင္း ျပန္ျဖစ္လာႏိုင္သည္။
ေဖးခ်မ့္ ဒီေလာက္ထိ ထပ္ၿပီး အ႐ႈံးေပၚႏိုင္မွာ မဟုတ္ေတာ့ပါ။
ေဖးခ်မ့္ ျပဳံးလိုက္ၿပီး ေခါင္းထဲမွာ အစီအစဥ္တစ္ခုကို ေတြးလိုက္မိပါသည္။
"မာႀကီး ေဘာ့စ္လီက ဒါကိုငါတို႔ေကာင္းက်ိဳးအတြက္ လုပ္ေနတာလို႔ ထင္လို႔လား။ သူက တကယ္ႀကီး သေဘာေကာင္းတယ္လို႔ ထင္ေနတာလား။ ေသခ်ာ စဥ္းစားၾကည့္လိုက္စမ္းပါ။ ငါတို႔ေဘးပတ္လည္က ဆိုင္ေတြအကုန္လုံးက တစ္ခ်ိန္တည္း ပ႐ိုမိုး႐ွင္း ဆင္းေနၾကတာေနာ္။ ေနာက္ကြယ္မွာ ကူညီေပးေနတဲ့လူ တစ္ေယာက္ေယာက္ မ႐ွိဘူးဆိုတာ မင္း ေသခ်ာၿပီလား။"
ေဖးခ်မ့္က ႐ိုး႐ိုး႐ွင္း႐ွင္း စကားတခ်ိဳ႕ ေျပာလိုက္ၿပီး မာယန္ကို အလင္းျပလိုက္ပါသည္။
အမွန္ပင္။ သူ႕ကို အလင္းျပသည္ဟု မွတ္ယူလို႔ေတာ့ မရေပ။ မာယန္က အလြန္လိမ္ရလြယ္သည္။ လူေတြက သူ႕ကို တစ္ေယာက္ၿပီး တစ္ေယာက္ လိမ္ဖို႔ ႀကိဳးစားၾကပါက ေနာက္ဆုံးတစ္ေယာက္မွာ အားသာခ်က္အ႐ွိဆုံး ျဖစ္သြားပါလိမ့္မည္။
ကိစၥကို ပိုဆိုးသည့္ပုံစံေပါက္ေအာင္ ေဖးခ်မ့္ စကားနည္းနည္းေလာက္ ျဖည့္ေျပာလိုက္ပါသည္။ လုပ္ငန္းေတြမွာ ႐ွယ္ယာေရာင္းခ်ျခင္း၏ အႏၲရာယ္မ်ားကို ခ်ဲ႕ကားေျပာဆိုလိုက္ၿပီး ထင္ထားသည့္အတိုင္း မာယန္ကို ခ်က္ခ်င္းပဲ အယုံသြင္းႏိုင္ခဲ့ပါသည္။
"ငါ့လခြမ္း ေဘာ့စ္လီမွာ ဒီေလာက္အထိ အၾကံဆိုး ႐ွိေနမယ္လို႔ ထင္မထားဘူးကြာ။ ငါသူ႕ကို ခ်က္ခ်င္း ျငင္းလိုက္မယ္။"
ေဖးခ်မ့္က ေျပာလိုက္သည္။ "မင္း အဲ့လိုလုပ္ဖို႔ မလိုဘူး။ သူ႕စိတ္႐ႈပ္ေထြးမႈက ေဒါသအျဖစ္ ေျပာင္းသြားၿပီး ယြီအင္တာနက္ကေဖးကို ေျခာက္ကပ္သြားတဲ့အထိ အရည္ညႇစ္သြားရင္ ငါတို႔ဒုကၡေရာက္လိမ့္မယ္။"
"ငါတို႔ အခု အ႐ႈံးေပၚေနတဲ့ ကိစၥေၾကာင့္ ငါ အရမ္းစိတ္အားငယ္ေနတယ္လို႔ ေျပာလိုက္။ ငါက ရင္းႏွီးျမႇဳပ္ႏွံမႈေတြ လက္မခံခ်င္ဘူးလို႔ ဒါေပမယ့္ တြန္႔ဆုတ္ေနတယ္လို႔။ ငါက ဆုံးျဖတ္ခ်က္ခ်ဖို႔ ႐ုန္းကန္ေနရၿပီး အင္တာနက္ကေဖးဆိုင္ ဆက္ၿပီး အ႐ႈံးေပၚေနဦးမယ္ဆိုရင္ေတာ့ ငါစိတ္ေျပာင္းသြားႏိုင္တယ္လို႔..."
မာယန္က စိတ္႐ႈပ္ေထြးသြား၏။ "ညီအစ္ကိုခ်မ့္ မင္းက ငါတို႔ကို ဆက္ၿပီးအ႐ႈံးေပၚေစခ်င္တာလား။ အဲ့တာဆို ငါတို႔အတြက္ မေကာင္းႏိုင္ဘူး မဟုတ္လား။ ငါတို႔တတ္ႏိုင္မယ္ မထင္ဘူးေနာ္။"
ေဖးခ်မ့္က ျပဳံးလိုက္သည္။ "ငါတို႔အ႐ႈံးေပၚရင္ သူတို႔အတြက္လည္း အတူတူပဲ မဟုတ္ဘူးလား။"
"အဲ့ဒီဆိုင္ေတြကလည္း ငါတို႔လိုပဲ အ႐ႈံးေပၚေနတာပဲ။ မတတ္ႏိုင္တဲ့အဆုံး သူတို႔ကိုပါ ငါတို႔နဲ႔ တစ္ပါတည္း ေခၚသြားလို႔ ရတယ္။ ဘာေၾကာက္စရာ႐ွိလို႔လဲ။"
"ၿပီးေတာ့ သူတို႔ ဒီတိုင္းေငြေတြကို ဆက္ျဖဳန္းတီးေနမယ္ဆိုရင္ အနီးနားက လူေတြကို ဆြဲေဆာင္မိလိမ့္မယ္။ က်င္းက်ိဳးၿမိဳ႕က လူေတြေတာင္ အဲ့ကို သြားဖို႔ ဆြဲေဆာင္ခံရၿပီး ေငြကို သြားသုံးၾကလိမ့္မယ္။"
"ေရ႐ွည္အရ ၾကည့္မယ္ဆိုရင္ ဒါက ဒီနယ္ေျမထဲက စီးပြားေရးကို တိုးတက္လာေစမယ္။ ငါတို႔ ဘာမွ အ႐ႈံး မ႐ွိဘူး။"
မာယန္ နားလည္သေဘာေပါက္သြားသည္။ "ငါသိၿပီ ငါနားလည္သြားၿပီ ညီအစ္ကိုခ်မ့္"
"ေကာင္းတာေပါ့။ ဒါဆို ေဘာ့စ္လီကို သြားေျပာလိုက္ေတာ့ေလ..."
ေဖးခ်မ့္က ျပဳံးကာ ဖုန္းခ်လိုက္ပါသည္။
ေဘာ့စ္လီ ခင္ဗ်ားက မာယန္ကို တစ္ပတ္႐ိုက္လိုက္ႏိုင္ၿပီဆိုၿပီး ကိုယ့္ကိုယ္ကို အထင္ေတြႀကီးေနမွာေပါ့။ ဒါေပမယ့္ ခင္ဗ်ား မွားသြားၿပီ။ သူ႕ကိုက လူတိုင္းလိမ္လို႔ရတယ္။
ခင္ဗ်ားက သူ႕ကို ႐ိုး႐ိုး႐ွင္း႐ွင္း အလိမ္အညာေလးေတြ ေျပာလိုက္ေပမယ့္ သူ႕ကို က်ဳပ္ဘက္ ျပန္ေခၚဖို႔ဆိုတာ ကြၽန္ေတာ္ နည္းနည္းေလာက္ ထပ္လိမ္လိုက္ဖို႔ပဲ လိုတယ္။
ေဖးခ်မ့္က မာယန္ကို အလိမ္အညာနဲ႔ အမွန္တရားတို႔ကို ေရာေႏွာေျပာလိုက္ရင္း တစ္ပတ္႐ိုက္လိုက္ပါသည္။ ဒီနယ္ေျမထဲက စီးပြားေရးမ်ား တိုးတက္လာေစမည္ဟူ၍ ေျပာလိုက္ျခင္းက လုံးဝ ေသာက္အဓိပၸာယ္မ႐ွိတာေတြသာ ျဖစ္သည္။
စီးပြားေရးပတ္ဝန္းက်င္ဆိုတာ မတူညီေသာ အခ်က္မ်ားစြာတို႔ ကိုက္ညီမႈ႐ွိမွ တိုးတက္လာမည္ ျဖစ္သည္။ ဆိုင္တခ်ိဳ႕ ပ႐ိုမိုး႐ွင္း တစ္ၿပိဳင္တည္း ဆင္းတာေလာက္နဲ႔ စီးပြားေရး ပတ္ဝန္းက်င္က တိုးတက္လာပါ့မလား။ စဥ္းစားၾကည့္လိုက္႐ုံနဲ႔ မျဖစ္ႏိုင္ပါ။
သို႔ေသာ္လည္း မာယန္ကို လိမ္ဖို႔ အေၾကာင္းျပခ်က္ အျဖစ္ေတာ့ ထိုက္တန္ပါသည္။
ေဘာ့စ္လီကို ျဖားေယာင္းၿပီး ေဘးပတ္လည္က ဆိုင္မ်ားကို ပ႐ိုမိုး႐ွင္းမ်ား ဆက္လုပ္ခြင့္ေပးလိုက္ပါက ယြီအင္တာနက္ကေဖးက ဆက္လက္အ႐ႈံးေပၚလိမ့္မည္။ ေဖးခ်မ့္ တျခားသူေတြရဲ႕ အ႐ႈံးကေန အျမတ္ယူႏိုင္မယ့္ အခြင့္အေရးကို လက္လႊတ္လို႔ျဖစ္ပါ့မလား။
ဖုန္းခ်ၿပီးေနာက္ မာယန္က သူ႕ကိုယ္သူ အျမန္ျပင္ဆင္သည့္အေနျဖင့္ သူ႕မ်က္ႏွာ႐ွည္႐ွည္ႀကီးကို ပြတ္လိုက္သည္။ ေဘာ့စ္လီလိမ္တာကို ခံခဲ့ရသည့္အေၾကာင္း စဥ္းစားမိ႐ုံနဲ႔ သူ ေဒါသထြက္ရပါသည္။
ငါ့ညီအစ္ကို ဉာဏ္ေကာင္းေပလို႔ပဲေပါ့။ ခင္ဗ်ား လိမ္တာကို ခံရေတာ့မလို႔…
မာယန္က သ႐ုပ္ေဆာင္မေကာင္းေသာ္လည္း ေဘာ့စ္လီ သူ႕ထမင္းအိုး႐ိုက္ခြဲဖို႔ ၾကံစည္ေနသည့္အေၾကာင္း စဥ္းစားမိ႐ုံနဲ႔ ကလဲ့စားေခ်ခ်င္စိတ္မ်ား တက္ႂကြလာပါသည္။
ထိုေဒါသကို သ႐ုပ္ေဆာင္စြမ္းရည္မ်ားအျဖစ္ ေျပာင္းလဲလိုက္မည္။
သူစားပြဲကို ျပန္သြားလိုက္ၿပီး ခ်က္ခ်င္း အျပဳံးတစ္ခုကို ေဆာင္လိုက္ပါသည္။ "ေဘာ့စ္လီ။ ကြၽန္ေတာ္ ခုေလးတင္ပဲ ေဘာ့စ္ေဖးနဲ႔ ဖုန္းေျပာၿပီးပါၿပီ။ သူ႕ရည္႐ြယ္ခ်က္ကို ကြၽန္ေတာ္ေမးခဲ့ပါတယ္"
"ကြၽန္ေတာ္တို႔အခုၾကဳံေတြ႕ေနရတဲ့ အ႐ႈံးေတြကေတာ့ တကယ္ပဲ စိတ္ပူစရာ ေကာင္းပါတယ္။ ဒါေပမယ့္လို႔ သူက အျပင္လူေတြကို ကုမၸဏီထဲ အလြယ္တကူ ဝင္ခြင့္မေပးခ်င္ဘူး။ ကြၽန္ေတာ္တို႔ ေနာက္တစ္လေလာက္ထိ ထပ္ေစာင့္မယ္လို႔ ေျပာတယ္။ အဲ့ေလာက္ၾကာလို႔မွ အေျခအေနေတြ တိုးတက္မလာဘူးဆိုရင္ သူ တျခားနည္းလမ္းေတြ စဥ္းစားပါမယ္တဲ့။"
လီ႐ွိက အနည္းငယ္ ေခါင္းၿငိမ့္လိုက္သည္။
သူ ထင္ထားသည့္အတိုင္းပင္။
သူ႕တြက္ခ်က္မႈမ်ားအရဆို ဒီေဘာ့စ္ေဖးက အလြန္ ေခါင္းမာသည့္လူျဖစ္သည္။ သူ႕လက္ေအာက္ငယ္သားမ်ားက စကားတစ္ခြန္းႏွစ္ခြန္းနဲ႔ သူ႕ကိုေျပာင္းလဲႏိုင္သည္ဆိုတာကမွ ထူးဆန္းေနပါမည္။
တစ္လတဲ့....
သူ တစ္လေလာက္ ဆက္ၿပီး ေငြေတြကို ဆက္ျဖဳန္းတီးရဦးမည္။ ရင္နာဖို႔ေကာင္းေသာ္လည္း လုပ္ႏိုင္စြမ္းေတာ့ ႐ွိပါသည္။
လီ႐ွိ ေခါင္းကိုက္လာသည္။ သို႔ေသာ္ သူ႕မ်က္ႏွာေပၚမွာ နာက်င္မႈကို ထုတ္ျပလို႔ မျဖစ္ပါ။ ဘာပဲျဖစ္ျဖစ္ ေဘးပတ္လည္က ဆိုင္ေတြကို တစ္ခ်ိန္တည္း ပ႐ိုမိုး႐ွင္း ဆင္းၾကဖို႔ ႀကိဳးကိုင္ခဲ့တာ သူျဖစ္မွန္း မာယန္ မသိေသးပါ။
ေဘာ့စ္ေဖးကေတာ့ သိေလာက္သည္။ သို႔ေသာ္ မာယန္ကို မေျပာခဲ့ေလာက္ေပ။ သက္ေသလည္း မ႐ွိပါ။ ေဘာ့စ္ေဖးက သက္ေသ မ႐ွိဘဲ ပါးစပ္မဟခ်င္သည့္ပုံပင္။
ဘယ္လိုပဲျဖစ္ျဖစ္ လီ႐ွိ ယြီအင္တာနက္ကေဖးကို အဆုံးသတ္မွာ ေအာင္ေအာင္ျမင္ျမင္ ဝယ္ယူႏိုင္မည္ဆိုသေ႐ြ႕ သူ ေငြ ဘယ္ေလာက္ပဲ ျဖဳန္းရျဖဳန္းရ အေရးမႀကီးပါ။ သူ အကုန္ျပန္ရႏိုင္မွာ ေသခ်ာပါသည္။
ထိုသို႔ေတြးလိုက္ရင္း လီ႐ွိ ႐ုတ္တရက္ႀကီး သြားေပၚေအာင္ ျပဳံးလိုက္ပါသည္။
"ဟုတ္တာေပါ့ က်ဳပ္လည္း မေလာပါဘူးဗ်ာ။ ေဘာ့စ္မာ မင္းလည္း ေဘာ့စ္ေဖးကို အရမ္းႀကီး တိုက္တြန္းစရာ မလိုဘူးေနာ္။ ျမင္းတစ္ေကာင္ကို ေရ႐ွိရာ ဦးေဆာင္ေပးလို႔ ရေပမယ့္ အတင္းေသာက္ခိုင္းလို႔ေတာ့ မရဘူးမလား။ ေဘာ့စ္ေဖးကို သူ႕ဆႏၵနဲ႔သူ ဆုံးျဖတ္ပါေစ။"
"ဒါေပမယ့္..."
"က်ဳပ္မင္းတို႔အတြက္ စိတ္ပူမိတယ္ မင္းတို႔ တစ္လအတြင္း ႀကီးႀကီးမားမား အ႐ႈံးေပၚသြားႏိုင္တယ္ေနာ္။ အဲ့ေလာက္ အၾကာႀကီး မေတာင့္ခံႏိုင္ၾကရင္ ဘယ္လိုလုပ္မလဲ။ ေဘာ့စ္မာ မင္း တစ္ပတ္တစ္ခါေလာက္ေတာ့ သြားစမ္းၾကည့္သင့္တယ္။ ဘယ္ေျပာလို႔ရမလဲ ေဘာ့စ္ေဖး စိတ္ေျပာင္းခ်င္ ေျပာင္းမွာေပါ့ေနာ့္။"
"ဟုတ္ကဲ့ပါ" မာယန္က ေခါင္းၿငိမ့္လိုက္ၿပီး ဘားထိုင္ဘက္သို႔ လွည့္လိုက္ပါသည္။ "Margarita တစ္ခြက္ထပ္ခ်။ ေဘာ့စ္လီကို ငါျပဳစုမယ္။"
ထန္းတာ့နက္ခ္ဝါ့ နည္းပညာကုမၸဏီလိမိတက္တြင္....
ေဖးခ်မ့္တစ္ေယာက္ ယြီအင္တာနက္ကေဖးကိစၥမ်ား၊ သူ႕စာေမးပြဲကိစၥမ်ားေၾကာင့္ အလုပ္မ်ားေနခဲ့သျဖင့္ ႐ုံးကို အခုတေလာ သြားမၾကည့္ျဖစ္ပါ။ ဒီေန႔ စိတ္လည္း ႐ႊင္ေနသျဖင့္ သြားစစ္ၾကည့္ဖို႔ ဆုံးျဖတ္လိုက္ပါသည္။
ေငြစာရင္း႐ွင္းခ်ိန္လည္းတျဖည္းျဖည္းနဲ႔ နီးကပ္လာေနၿပီ။ သူ႕တာဝန္အားလုံးကို တစ္ၿပိဳင္တည္း အခ်ိန္ေပးဖို႔ ေဖးခ်မ့္အတြက္ ခက္ခဲသည္။
ေကာင္းတာတစ္ခုက ထန္းတာ့၏ ဂိမ္းမ်ားအတြက္ DLC မ်ားကို ထုတ္လုပ္ၿပီးသားျဖစ္သည္။ တရားဝင္းဂိမ္းပလက္ေဖာင္းမွ မၾကာေသးခင္က ေျပာင္းလဲလိုက္ေသာ ေဝစုကိစၥကလြဲၿပီး ထင္မထားသည့္ တုန္လႈပ္စရာကိစၥမ်ား မ႐ွိေသးပါ။ သူ စိတ္ေအးေအးထားလို႔ရၿပီဟု ေဖးခ်မ့္ ခန္႔မွန္းမိပါသည္။
ေဖးခ်မ့္ ယြီအင္တာနက္ကေဖး၏ လက္႐ွိအေျခအေနကို စဥ္းစားမိတိုင္း ေပ်ာ္ရပါသည္။ ေပ်ာ္႐ႊင္စြာျဖင့္ သူ႕႐ုံးခန္းဆီ ေလွ်ာက္လွမ္းလာခဲ့သည္။
႐ုံးထဲတြင္ လုမင္လ်န္နဲ႔ ေပါင္႐ႈတို႔က တီးတိုး တိုင္ပင္ေဆြးေႏြးေနၾက၏။
"ေဘာ့စ္ေဖးက ဒီရက္ပိုင္းထဲ ႐ုံးသိပ္မလာဘူးေနာ္။ သူအလုပ္မ်ားေနလို႔မ်ားလား။"
"ယြီအင္တာနက္ကေဖးက အေျခအေနမေကာင္းဘူးလို႔ငါၾကားတယ္။ သူ အဲ့ဘက္မွာ သြားကူေနတာျဖစ္မယ္။"
"ေဘာ့စ္ေဖးရဲ႕ မ်က္ႏွာထားကို ၾကည့္ရသေလာက္ေတာ့ ဒီျပႆနာက ႀကီးႀကီးမားမား ျဖစ္ပုံမေပၚပါဘူး။"
"အဲ့တာေတာ့ မေသခ်ာဘူး။ ေဘာ့စ္ေဖး အေၾကာင္း မင္းလည္းသိရဲ႕သားနဲ႔။ သူက စိတ္ခံစားခ်က္ကို မ်က္ႏွာေပၚမွာ ထုတ္မျပဘူး။ ျပႆနာ ႀကီးေလာက္ေပမယ့္ ေဘာ့စ္ေဖးက ထုတ္မျပတာလည္း ျဖစ္ႏိုင္တာပဲ။"
"အင္း... ဒါဆို ငါတို႔ ေဘာ့စ္ေဖးကို သမုဒၵရာရဲတိုက္အေၾကာင္း တင္ျပလိုက္ရမလာား။ ငါတို႔ သူ႕ကို အာ႐ုံမ်ားေအာင္ မလုပ္သင့္ဘူးထင္တယ္ေနာ္။"
ေပါင္႐ႈက ေခတၱစဥ္းစားလိုက္ၿပီး ေျပာလိုက္ပါသည္။ "ယြီအင္တာနက္ကေဖးနဲ႔ ယွဥ္ရင္ ဒီကိစၥက အဲ့ေလာာက္ႀကီး အေရးမႀကီးပါဘူး။ ရက္ပိုင္းေလာက္ ေစာင့္လိုက္ရေအာင္"
"ၿပီးေတာ့လည္း Trading ပလက္ေဖာင္းေတြမွာ အေကာင့္ေတြက ေစ်းျမႇင့္မယ္ဆိုတာ ခန္႔မွန္းထားၿပီးသားပဲေလ။ ဒီရက္ပိုင္းထဲ ေငြျဖည့္သြင္းမႈပမာဏနဲ႔ Active ကစားသမား အေရအတြက္ေတြ တိုးလာတာ ေကာင္းတဲ့အရာပဲကို။ အထူးတလည္ႀကီး အစီရင္ခံစရာေတာ့ လိုမယ္မထင္ဘူး။"
လုမင္လ်န္လည္း ေခါင္းၿငိမ့္လိုက္ပါသည္။ "ဟုတ္တယ္ေနာ္။ ငါတို႔ ေဘာ့စ္ေဖးအခ်ိန္ရတဲ့အထိ ေစာင့္ၿပီးမွ အစီရင္ခံၾကတာေပါ့။"