ناظرت ام عناد : خالتي سارة،
ام عناد لفت عليها : يالله حيهاّ وين رحتي،
ابتسمت غرام: موجوده ، عناد يبيك برا ،
ام عناد بابتسامه: ابشري جايه ،
خرجت ام عناد متوجهه لخارج الخيمه
تقدم عناد من طلعت امه وهو يُقبل رأسها : صبحتس الله بالخير اميمتي
ام عناد بابتسامه: ياهلا بولدي امر شبغيت مني يانظر عيني
عناد ابتسم: ابد بس بقولتس متى تبون نمشي قبلهم
ام عناد نطقت باستغراب : وليه نروح قبل جدك ياولدي
عناد ابتسم: تعبان ياقلبي وغيره غرام مو متعوده تنام هنيا وجدي الظاهر يبي يقعد ليلة ثانيه
ام عناد بابتسامه: الي تشوفه
طلعت غرام وهي لابسه عبايتها تناظر لهم
ام عناد تقدمت تُقبلها بابتسامه: ياهلا بزوجة ولدي
غرام باحراج : اهلاً
عناد ابتسم لها وقعد يتأملها ونطق : نمشي بعد الظهر يمه؟
ام عناد لفت على غرام الي استغربته : شرايتس يابنتي
غرام بابتسامه: في ايش
ام عناد بابتسامه: عناد ينشدني نمشي لبيوتنا قبل جدتس يبي يقعد ليلة ثانية
غرام بابتسامه: الي تشوفونه اساساً نجلاَ مو متعوده على البرّ
ام عناد ضحكت : نجلاَ ولا انتِ
ضحكت غرام باحراج : كلنا يصير؟
ضحك بخفه وهو يقبل راس امه : يلا ياقلبي انا راجع لجديّ
ام عناد بابتسامه: الله يحفظك ياوليدي
لف على غرام : جهزي نفستس
هزت راسها له
نجلاَ الي صحت من نومها من داهمها ضوء الشمس وهي تناظر سقف وقفت وهي تلبس شوزها وعبايتها وتنزل فتحت الباب وهي تاخذ شنطتها مو منتبهه للي بجانبها واقف لفت وهي تناظره بجانبها صرخت وهي تضربه شنطتها عبدالرحمن الي تالم : الله ياخذ عدوتس وش سويتي
نجلاَ بنرفزه : وش جابك انت عند سيارتي!
عبدالرحمن ناظرها بعصبيه : انتِ وش الي مدخلتس بالسياره!
نجلاَ خزته : مالك دخل
نزلت من السياره بسرعه وهي تعدل عبايتها تسمعه وهو ينطق : مره بالمقلاه مره بالشنطه المره الجايه بأيش يامره
نجلاَ كتمت ضحكتها لفت عليه تتصنع العصبيه : مابيجيك شي لاني مارح اشوفك ابداً
عبدالرحمن ضحك : طمنتيني على روحي
خزته وهي تمشي متوجهه لخيمة الحريم
ناظرها من بعيد وهو الي كان يدخن مع تركي ورا السياره عشان ابوه وجدة مايهاوشونه على الصبح
دخلت عليهم وهي تضحك عليه ناظرتها روان بابتسامه: ياهلا
نجلاَ بابتسامه: صباح الخير
العنود : صباح النور
نجلاَ: غرام وينها؟
روان باستغراب: مدري اتوقع مع خالتي ام فهادّ
العنود بابتسامه: مع عناد وامي كانت بس الحين مادري
نجلاَ باستغراب: غريبه وينها!
العنود وقفت : بروح اشوفها
نجلاَ ناظرتها : خذيني معك عنودي
العنود ابتسمت : تعالي
خرجو وهم يدورون على غرام ناظرت امها وهي تتوجه لها : يمه غرومة وينها؟
ام عناد باستغراب: مادري كانت هنيا معي انا وعناد
ناظرت حولها نجلاَ وهي تناظر غرام الي واقفه مع وجد!
نطقت باستغراب : بنت العنود شوفيها واقفه هناك
العنود لفت وهي تناظر غرام واقفه وتكلم عناد
ضحكت العنود : خلتنا ندورها وهي مع زوجها ماتستاهل
ضحكت نجلاَ تقدمت وهي تمسك ذراع العنود : امشي نرجع ماتستاهل ندور عليها
ام عناد بابتسامه : الله يهديهم يارب ويرزقهم ويحفظهم
العنود ونجلاَ بابتسامه: اللهُم امين
كانت واقفه تدور اشارة لجوالها جاها من بعيد يناظرها : شتسوين هنيا
ناظرت باستغراب: ادور نت
عناد ابتسم: بين الجبل تدورين ابراج؟ ارقي فوق الجبل يجيتس
غرام نزلت نظارتها : رجليّ تعورني
ناظرها : تالمتس للحين؟
غرام : شويّ
عناد ابتسم: خلاص معليه راجعين البيت بعد الغداء
غرام هزت رأسها : بروح مع نجلاَ
عناد برفعه حاجب : وليه
غرام ناظرته باستغراب : جيت معها
عناد بحده : رجلتس ماطابت لاجل تسوقين ترجعين مع انا وامي معليه
ناظرته بتوتر: بشوف
عناد ناظرها : كلامي ماينعاد راجعه معي
شتت نظرها عنه : طيب
دخلت الخيمة للبنات وهي تناظر نجلاَ والعنود نطقت العنود : وين كنتي؟
غرام بلعثمه : برا ادور ابراج
نجلاَ ضحكت : تدورين ابراج ولا قاعده مع عناد؟
غرام باحراج: هو جاني يقول نرجع البيت بعد الغداء لان ،
جدي ناوي ليلة ثانيه
نجلاَ بصدمه : يبي ينام بعد هنا يوم ثاني!!،
غرام بابتسامه: ايه ،
نجلاَ : انا برجع الرياض ،
العنود بعصبيه : لا سلامات تروحين ،
نجلاَ بضحكه : تعرفوني ماتحمل الاماكن هاذي ؟
العنود بضحكه : يعني غرام تتحمل؟ عناد بيرجع عشانها،
غرام بققت عيونها : مين قالك ،
العنود ضحكت : يقول لامي تعبان وابي اريح وهو مايتعب من البرّ ويحبه لو يموت ،
انحرجت غرام ونجلاَ الي ضحكت على احراج غرام : اجل فيه حُب بالموضوع ؟،
غرام بسرعه : مين قالك!!،
العنود ضحكت : هاذا الواضح لنا ،
غرام باحراج : وين البنات،
ضحكت نجلاَ : طلعو عشان الغداء،
العنود وقفت بخوف : ياويلي نسيت اساعدهم ،
غرام باستغراب : عادي طيب البنات يكفون،
العنود بحده : شكلتس تبين امي تمسح فيني القدر انتِ؟،
غرام ضحكت : لا شدعوه خلاص بجي معك ،
نجلاَ وقفت : وين تروحين! رجلك يابنت ،
غرام ناظرتها باستغراب : ترا اللتواء كاحلي خفيف عادي ،
العنود : اقول اقعدي بارضتس واذا جيتي وش بتسوين ماتعرفين لشي،
غرام بضحكه : الكلمه تجرح شوي بس مقبوله منك ياحياتي،
طلعت العنود مع نجلاَ متوجهيين لمكان طبخ الحريم ليساعدونهم،
سحبت نفسها تاخذ جوالها وتفتحه تدور ابراج لـ ان ،
وصلتها رسالة من رقم غريب فتحتها وهي تحاول تستوعب محتواها بصدمه كان سعيد!! " غرام انا احبتس وابيتس ومارح اخليتس له " انصدمت وقفت بصدمه وهي تناظر الرسالة توقَعت من آخر موقف صار مابيتعرض لها ابداً لكنه صامل!! والادهى من كذا ماتعرف وش بيسوي توترت وهي تحاول تفكر بطريقه هل تقوله! ولا تسكت
ناظرت الحريم والبنات من بعيييد والعنود الي كانت ،تشتغل ومحاوله نجلاَ بمساعدتها جاها هبوط وهي تجلس بسرعة على مركه تناظر رسالته الغريبه هي ،ماتعرفه ولاتذكره!! شلون متى شافها! متى حبها كل ،هاذا يصدمها!!،
العنود من بعيد تصوت لها : غرااام تعالي الغداء جهز ،
ناظرت لهم من بعيد والدموع على جفن عيوُنها وقفت وهي تمسح عيونها بسرعة من دخلت ام عناد عليها : شبلاتس غرام،
غرام ابتسمت بهدوء : مافيني شي ياقلبي ،
ام عناد باستغراب : متاكده؟،
هزت راسها بالايجاب
ام عناد بابتسامه: تعالي يابنتي تغديّ عشان نمشي ،
مشت غرام مع ام عناد وهي تفكر وش تسوي بلكته هي ،بس تدري بيجيها من اكثر من رقم قعدت على السفرة وهي تفكر فيِ حل! لان قاطع تفكيرها الجدة نوره : يابنت عقاب وراتس ماتاكلين
ناظرتها غرام: شبعانه ياجدة ،
ام عناد باستغراب : ماكلتي شي من الصبح مو زين عليتس
ابتسمت غرام: لا ياروحي معليتس شبعانه ،
ناظرتها ام غرام باستغراب ناظرتها غرام وهزت راسها انها بخير ،
بعد اذان الظهر |
وقف وهو يستاذن من أبوه وجدة ووقف مع سعود وهم يتوجهون لخارج الخيمة : زين ماشين معنا ،
سعود ابتسم: ماخليك ، ودك نسمر على الجبل الليلة؟
عناد ابتسم: ماقولك لايالعشيير
سعود بهبال : اكيد ماتقولي لا علامك
عناد ضحك بخفه: تعال عاوني على ذي الاغراض ،
تقدم سعود وهو يساعد عناد لان جات امه وخواته وهم يركبون وابوه بعد ومشى سابق عناد تقدم عناد لخيمه الحريم : يايمه ،
ام عناد طلعت بسرعه : هلا هلا ،
عناد ابتسم: ابطيتو يلا وين غرام والعنود
ام عناد بابتسامه: بنروح انا واختك مع صديقتهم وانت خذ زوجتك ورح الله يستر عليك ،
عناد باستغراب: وليه يمه تروحين معها تعالي معي ،
ام عناد بابتسامه : لا رح مع زوجتك ،
عناد تقدم يقبل راسها : فمان الله اجل،
انسحب وهم يركب سيارته ينتظرها ،
طلعت غرام الي كانت لابسة عبايتها البيجّ ونظارتها الي على عيونها تحميها من ضوء الشمس تقدمت وهي تفتح الباب وتركب وراءه ناظرها من المرايه : وراتس ورا؟،
غرام : خالتي قدام ،
عناد : تعالي قدام ،
غرام باستغراب: وليه ،
عناد ابتسم: امي راحت مع صديقتس والعنود ،
غرام باحراج: كيف؟؟ شلون راحو
عناد بعجله : اركبي قدام يابنت الحلال ،
ترددت وهي تنزل من السيارة تصعد بجانبهً بهدوء ،
مد يده وهو يقطع صمتهم بشيلاته تحت استغرابها من ذوقه! لفت عليه تناظره مندمج ويغني بهدوء مع الشيلات الي بالنسبه لها غريبه مدت يدها تقصر على الصوت : جوك ف الاغاني غريب ،
ناظرها عناد: هاذي شيله مو اغنيه ،
غرام باحراج: اللي هو بس غريب،
عناد ابتسم: انا احب ذا المنشد لو تسمعين له بتحبين شيلاته ،
غرام ناظرته تسلك له بابتسامه ،
ناظر تفتيش قدامه لف عليها : غطي وجهتس ،
لفت عليه باستغراب : نعم؟،
عناد ناظرها : غطي وجهتس في ضباط قدامنا،
مسكت الطرحه وهي تضعها على راسها لف عليها عناد بحده : قلنا غطي وجهتس مو شعرتس!،
ناظرته بحقد : كيفي اتوقع وانا اساساً مالبس غطوة
لف عليها بحده : تلبسين ،
ناظرته بتحدي : لا ،
عناد بقهر : نشوف ء،
وصل للتفتيش وهو يتعداه بعدما انتهىّ ناظرها بحده : تتغطين!،
غرام ناظرته باستغراب : لا! ،
عناد ابتسم: لامعليتس بتتغطين ،
غرام ناظرته بحده : هو شي رغبه وانا ماوديّ!،
عناد ناظرها : شي واجب عليتس فيه ،
غرام سكتت ناظرها عناد وهو يلتفت يناظر طريقه لان وصلّ لديرتهم وقفو امام بيت ذياب ناظرت سياره نجلاَ الواقفه نزلت بسرعة وهي تضرب الباب بقوة متجاهله صرخته عليها وهي تدخل غرفه العنود بقهر ناظروها باستغراب : شفيك ،
غرام بنرفزه : يقهر يقهر ،
العنود ضحكت بمُجرد مافكرت انهم تهاوشو : انتو الاثنين مستحيل تصيرون زوجين ،
غرام بحده : ابداً ولا ابي!،
ضحكت نجلاَ : الحمدلله يارب علم نفسي ،
ناظرتها غرام بحده ،
نجلاَ : اسفه ولله ،
غرام ناظرت العنود برجاء : عنودي بنام عندك اليوم
العنود بضحكة : راحت عليتس سبقتس نجلاَ نامي بغرفتس،
غرام بقهر : مارح اروح! ،
نجلاَ بابتسامه: روحي طيب بدليّ ملابسك وتعالي
وقفت غرام وهي تتوجه لغرفتها دخلت وهي تشكر ربها انه مو موجود مشت وهي تاخذ لها ملابس تتروش!
طلعت بسرعة وهي تجفف شعرها وترش من عطرها فتحت الباب بتطلع سرعان ما صقعت فيه من عرض كتوفه نطقت بالم : اييي راسي ،
عناد : شجابتس هنيا،
غرام بكرهه : يعني شرايك انت!،
دفته وهي تتعداه متوجهه لغرفه العنود تاركته بقهره ،
دخلت الغرفة بسرعه وهي تغلق الباب ناظرتها العنوذ : ،غرومة تعالي تحت نسولف على امي
غرام بابتسامه: يلا ،
نجلاَ بتعب : روحو انتو بنام ،
العنود بابتسامه: تمام ياعيوني نوم العوافي
طلعت غرام مع العنود متوجهين لصالة البيت
جلست غرام بجانب العنود تسولف مع خالتها
العنود بابتسامه: يمه ابوي ماجاء؟،
ام عناد : لا يقول بيقعد مع جدتس يوم ثاني،
العنود بضحكه: جاز لهم الوضع وبعض الناس رجعونا
انحرجت غرام ،
ضحكت ام عناد : الحمدلله رجعنا تعب ،
نزل عناد وابتسم من شافهم تقدم يقبل راس امه ويجلس بجانب غرام ناظرته بطرف عيونها وهو مطنشها يسولف مع امه أقترب وهو يضع يدينه على كتوفها يسولف مع امه انصدمت من حركته تتوتر من يده الي على كتفها ناظرت لام عناد ونظراتها لهم والعنود وهي ميته احراج
العنود بابتسامه: غرومة بروح انام تجين،
ناظرتها غرام بسرعة : ايه تعبانه مره ،
العنود كتمت ضحكتها من عرفت انها تصرف ،
ووقفت وهي تمشي معها ...،
الساعة 11 | الجبل
كان جالس ينتظر سعود يناظر النجوم والقمر ويتذكرها ويتذكر تفاصيل حكّيها معه وعصبيتها وضحكها قاطع سرحانه جيت سعود : عناد
لف عناد بابتسامه: ارحبب يالله حيهّ
سعود جلس وهو يسولف معه : شفيك احس فيك شي
عناد ضحك : انا همومي مانخلص بشغلك فيها
ضربه سعود : لو ماشلت همومك يارفيقي اشيل هموم مين يلا انطق ولا تكذب علي
عناد ابتسم يناظر سعُود:
سرا ليلي من الهاجوس مسراي
صرت سهير والعين تهل سكايب..
همومي جبل وصدري تعب من العتابي
احاول أخفيها لكنها من خاطرٍ طايب..
رحت اشكي هم همومي ل عشيري
لمني بين الضلوع من قسوة الحطايب..
من حضنها الي تروي عضامي نساني سنيني
بحنانك ضمير قلبي معزولً من الصعايب..
ابتسم سعود : الله الله ذا لي؟
عناد ابتسم: تستاهل يالعشير
سعود ضحك: اكيد استاهل
كمل : بس شفيك انت ماقلت لي
عناد ابتسم بتعب : تعبتني ياسعود بحبها
سعود ابتسم: الله يخليكم لبعض
عناد ابتسم : ماردت على كلامي وهاذا انا متحسف اني أعترفت ولا قدرت اخبي مشاعري بعد ما كانت حياتي كلها بّل والبرّ والعزبه صارت هي كل حياتي واشيل همها
بكل شي كنت ماحبها واتضارب معها عشانها من المُدن ومادريت اني بيوم يمكن أحبها ماقولك هاذا حُب الا هو عشقنً بها
سعود ابتسم وهو يضرب على كتفه : الله يوفقك ياخوي
ابتسم عناد له : اللهم امين وياك العضيد
سعود ضحك
عناد باستغراب: علامك
سعود ابتسم: تذكرت اول مره تعرفت عليك فيها
عناد ضحك : لاتذكرني
سعود بإبتسامه: كنت اتهاوش مع واحد وجيت وفزعت لي ومن يومها انت الوحيد الي خاويته ولا تحسفت
عناد ابتسم: ياجلعني فداك يالعشير