غرام انسدحت : افف تعبت امس كانت الملكه على طول عزيمه
العنود بابتسامه: تراتس بالديره
غرام اتصلت على امها : الو
ام غرام : ياهلا
غرام بابتسامه: اشتقت لك
ام غرام بابتسامه: وينتس عن جوالتس
غرام : نايمه ياقلبي ، طلعنا العزبه بعد الملكه وتويّ أصحى شعندكم عزيمه
ام غرام : تعالي واقولتس
غرام بابتسامه: بتزينّ عندك ماما
ام غرام : تعالي
قفلت غرام من امها وهي توقف وتناظر العنود : عنودي بروح لـ ماما
العنود بابتسامه: اشوفتس بالليل
غرام بابتسامه: ان شاء الله
مشت وهي تاخذ عبايتها تلبسها تطلع متوجهه لبيت أبوها وقفت من شافت عناد واقف مع عبدالرحمن مشت بهدوء ماودها تتكلم معه لف عبدالرحمن يناديها : غرام
لفت عليه تقدم لها وهو يحضنها : وينتس عني
غرام حضنته : موجوده ياقلبي
عبدالرحمن ناظر عباتها وشكلها وضحك : ماتغيرتي
غرام بابتسامه: ماتغير ، دحوم اجيك بعدين ماما تنتظرني
عبدالرحمن بابتسامه : ماينقال لا لخالتي روحي
ناظرت لعناد الي كان يناظرها ومشت بسرعة تدخل بيتهم تنادي لامها جت ام غرام وهي تحظنها
ام غرام ابتعدت عنها بابتسامه : تعالي عندي لتس هدية
دخلو غرفة غرام وهيّ تسكر الجناح تناظر نجلاَ وقفت
وهي تحظنها نطقت غرام بابتسامه : توقعتك بترجعين الرياض بعد الملكه
نجلاَ ضحكت: اجلس عشانك ليش لا
لفت غرام على امها : ماما قولي لي الحين عزيمه شنو؟
ام غرام : وجد اختس فسخت خطوبتها من حمد
غرام باستغراب : اوكي؟
ام غرام : وخطبها صالح تخبرينه؟
غرام بكرهه : هذاك الي خطبني؟؟
نجلاَ بابتسامه: ايه
ام غرام بعصبيه : والعنود علمتنا بكل شي
رفعت رأسها على امها ماتوقعت الحقيقه بتوضح اليوم
نجلاَ نطقت بوناسه : انا كنت حاسه اصلاً
غرام بصدمه : لو عرفو الحقيقه بتطلق من عناد؟
ام غرام بابتسامه حزن : عناد ولدً اجودي مابتلقين مثله يابنتي بس كيفتس اذا ماتبينه
وقفت ام غرام بابتسامه : بروح اجهز القهوة الضيوف على وشك الوصول تجهزو هنا انتو ولاخصلتو تعالو عاونوني
ابتسمت غرام : ابشري
طلعت ام غرام ووقفت نجلاَ بابتسامه: يلاا نكشخ نشوف وش يصير
ضحكت غرام وهي تتجهز معها
-
الساعة 7 |
مجالس الجد سُليمان
دخل صالح ووراه خوية وهو يسلم على الكل ويجلس
ناظر عناد بابتسامه ولف على ابو عبدالرحمن: ماحصل نصيب مع بنتك لَكن انا طمعان بنسبكم وجايك اليوم ياعميّ اطالب بيد بنتك وجد
ابو عبدالرحمن استغرب : من وين تعرف اسم بنتي؟
صالح توتر ولا عرف يرد نطق الوليد بتصريف : الجماعة يابو عبدالرحمن
عناد لف على عبدالرحمن: ياولد ابوك بيوافق على ذا الرخمه؟
عبدالرحمن كتم ضحكته : ولله مدري ، الصدق يرفع الضغط
سعود ضحك : انت شوف كيف جالس
عناد ضربه بخفه : تبي تنكبنا انت
تركي : اسكتو خلونا نسمع
سكتو جميعهم يتسمعون لكلام الجد وابو عبدالرحمن معه
ابو عبدالرحمن: وش وضيفتك ياصالحّ
صالح بكذب : أعمال حره
الجد سُليمان: راتبك زين؟
صالح ابتسم بتسليك : ايه ايه
الجد سُليمان : اسمع ياولدي حنا عايله محافظه ومايهمنا غير سمعتنا وانت جايّ تخطب حفيدتي ان شفنا عليك قاصر عليها لاتلوم الا نفسك
صالح ابتسم : الله يطول بعمرك ياعميّ ابشر بعيوني
ابو عبدالرحمن لف على ابوه ينتظر جوابه
وقف الجد سُليمان: الله يكتب الي فيه
وقف صالح وهو يسلم على الجد سُليمان
ناظره عناد بكُرهه لف على سعود : خلصو؟
سعود : شدراني
عناد ابتسم: شرايك نروح للجبل؟
عبدالرحمن : تخلوني هنا! معكم
عناد ضحك : انت اقعد مع نسيبك
عبدالرحمن ضحك : انت نسيبي
تركي ابتسم : معكم اجل
مشو متجهين للباب استوقفهم صوت فهاد ومحمد خالد
فهاد : وين وين انت وياه
عناد ابتسم: يالله حيه
سعود باستهبال : الله يحيك
عبدالرحمن ضربه : انت شتبي
سعود ضحك: ارد عليه
عناد ناظر فهاد : شتبي فهود
فهاد : وين رايحين
تركي ابتسم: الجبل نسمر هناك
محمد بعصبيه : اييه تروحون والشغل يصير علينا اقعدو بارضكم بس
فهاد ناظر عبدالرحمن: وانت الخطبه لك وببيت جدك المفروض توجب ابوك
عبدالرحمن ضحك : العذر والسموحه بس مافيني اقعد
سعود ابتسم: شرايكم نروح؟
فهادّ : بنجي معكم
عناد برفعه حاجب : ومين يوجب الضيوف ؟
جميعهم لفو على خالد
خالد ناظرهم : لو تحلمون ماني جالس
سعود : انت ماتحب الجبل
خالد ناظره بطرف عين : ماحبه بس ماقعد وانكرف من جديّ عشانك انت وياه تعقبون
عناد ابتسم: خلاص تعال معنا يارجالّ
خالد تأفف : طيبب
فهاد : والشيبان شنقولهم!
عبدالرحمن: نروح الجبل ونفكر
طلعو بسرعه يركبون سياراتهم متوجهين للجبل
-
صاله الحريم |
كانت جالسة بجانب العنود ونجلاَ وتسولف مع بنات عماتها الباقين
خلود بابتسامه : نجلاَ كانو يسولفون عنك كثيير غرام والعنود وماتوقعتة كذا الصراحه تهبلييين
نجلاَ بابتسامه : ياحياتي انتِ حتى انتو ماتوقعتكم كذا
جت العمه هيفاء : اختس العروس وقاعده انتِ هنا قومي عاونيها!!!
غرام ضحكَت : وش تبيني اسوي يعني؟؟
هيفاء بكرهه : مامنتس سنع مادري ليه ولد اخوي ماخذتس وانتِ رفلة
نجلاَ ناظرتها بابتسامه : وين الرفاله؟ غرام الف واحد يبيها حتى خطيب اختها كان خاطبها
فاطمه ناظرتها بكرهه : عمتها تكلمها انتِ علامتس تردين؟
نجلاَ رفعتّ حاجبها : ارد على الي ابي
غرام بابتسامه: جوجو عنودي تعالو نطلع برا
وقفو وهم يخرجون لحديقه الجد
كانت تتامل السماء ناظرت البنات : نجلاَ سيارتك معك؟
نجلاَ باستغراب : ايه معي شتبين
غرام بابتسامه: نطلع سوا نتمشى ونروح البقاله
العنود بصدمه : تستهبلين انتِ!!!
غرام بابتسامه: لا
العنود : ولله يذبحونا اهجدي
غرام ناظرتها : عنوديي تكفين
نجلاَ ضحكت: انا موافقه
غرام لفت على العنود : عنود يلا
العنود تاففت : افف بتودينا بداهيه انتِ وافكارتس هاذي
باستها غرام بقوة : احبكك
العنود : بس دقي على عناد استاذني عشان لو صار شي نقول عناد وافق لنا
غرام تذكرت كلامه لها ومن يومها ماكلمته ناظره العنود : لاا
العنود وقفت : اجل مافيه طلعه
غرام تاففت : خلاص برسل رسااله
العنود : قدامي
غرام طلعت جوالها وهي تدور رقمه ودخلت وهي تكتب له
نجلاَ بوناسه : يلاا بروح اجيب اغراضنا واجيكم
،
جت نجلاَ وهي تعطيهم عباياتهم ووقفو وهو يخرجون غرام لفت للعنود : جوجو بسوق
نجلاَ : عيوني لك خذي
ابتسمت لها غرام وهي تركب وتشغل السيارةالعنود بجانبها ونجلاَ بالخلف : وش تبون اشغل
العنود بابتسامه: حطي الي تبين
نجلاَ : لا انتِ تسوقين انا احط اغنيه
غرام ضحكت : تمام
ابتسمت نجلاَ وهي تشغل لراشد
" ان كان بعدك حلم صحيني وافوق
وان كان به غيري احد كيف نساك
حبً ابد ماحبه عاشق لمعشوق
ورمز اللي لين اليوم قلبه ايتحراك "
نجلاَ الي كانت تغني معه مندمجه
قاطع اندماجها العنود وهي تسكر : غرومة وقفي بقاله احس اشتهيت نسهر اليوم شرايكم؟
نجلاَ بابتسامه: تمم
غرام ناظرتها : بس وين
العنود : سطح بيتنا
غرام باحراج: بس انا قلت لامي بنام عندها اليوم
العنود بابتسامه: عادي سطح بيتكم
غرام بابتسامه: تمام
-
الجبل |
فهادّ : متى ناوين ترجعون
سعود ناظر ساعته : تونا الساعه 6 المغرب لا اذن العشاء رجعنا شرايكم؟
عبدالرحمن ابتسم: ايه
محمد ناظر عناد : عناد عطنا من شعرك
عناد : بعدين
سعود الي ضربه بخفه : اسلم
عناد ابتسم : مافيه مهرب
سعود : لا
عناد ابتسم نطق وهو يناظر الحطب المشتعل :
تبختري بين ضمير قلبي وشريانه
لك مدهال في الصدر متجود
انتِ مدهال حيي للغرام وامانيه
طلي ورى الجدي ياغنوج الغيد
عاشقك عشق الجدي لسهيله
مالك شبيه يا فتنت الغيد
القمر في قبالك مفتونه
انتِ مصدر اساس القصيد
اختلفت ردودهم له
سعود ابتسم له : الله الله عشتت
ابتسم له عناد ووقف : يلا نرجع قبل جديّ يدفنا
سعود ابتسم : خلونا نسمر شوي
فهاد وقف : تسمر وين والساعه 6 ومابقى شي وياذن العشاء قم
وقفو كلهم وهمّ يركبون سياراتهم يرجعون لمجالس الجد
مسك جواله شيك عليه لفت انتباهه رسالتها : ليه طالعين؟؟
كانت واقفه تنتظر البنات يرجعون وشافت رسالته : نتمشى
شافها ولارد وهو يسكر جواله يناظر الطريق مستمع لسوالف العيال واسألتهم لبعض
-
نزلو وهمّ يناظرون الجدّ وعمهم واقفين يحترونهم
نطق الجد سُليمان: وين ذلفت انت وياه
فهاد ناظر عناد الي نطق : كنا بالجبل ياجديّ
الجد سُليمان بعصبيه رفع عصاته : وش وداكم هناك !!
سعود : السيارة
كتمو ضحكهم على استهبال سعود
الجد لف على سعود وهو يضربه بالعصاه : تنكت انت
سعود ابتسم: العذر والسموحه جديّ
الجد سُليمان: دواكم عندي مخلين الضيفان ورايحين تتسربتون
عناد ابتسم: ياجدي رحنا الجبل وجينا
الجد ضربه : انت اسكت متزوج تحسب نفسك بزر تترك الضيفان وتروح هاذي علوم رياجيل
لف على فهاد : وانت اكبرهم واعقلهم تروح معهم
فهاد تقدم يبوس راسه : العذر والسموحه منك ياجدي
الجد سُليمان: اذلففف انت وياه قدامي داخل
تقدمو وهم يدخلون يضيفون الرجالّ
-
جو العنود ونجلاَ وهم يركبون : طولتو مره
نجلاَ بابتسامه: المحاسب بطييّ
العنود : اخذنا اشياء حلووه مره
غرام حركت وهي تسولف معهم
قاطعها اتصال امها : وينتس فيه انتِ وياها
غرام باستغراب: رايحين البقالة والحين راجعين
ام غرام : مين الي معتس
غرام : العنود ونجلاَ
ام غرام بعصبيه : بسرعة ارجعي انتِ وياها لو درو عنكم مايخلونكم
غرام بابتسامه: تمام ماما جايين
قفلت ام غرام وهي تناظر ام عناد: رايحين البقاله
ام عناد بعصبيه: شيسون هناك ماعقلو
ام غرام بابتسامه: معليه ياسارة تعالي نشوف المعازيم
بالسياره
العنود بخوف : وش قالت امتس
غرام بهدوء : تقول ارجعو لايدرون عنكم
العنود بخوف : يمه كله منتس
غرام بابتسامه: عنوديي شفيك عادي محد شايفنا بنرجع الحين
نجلاَ ضحكت على خوف العنود والعنود تقبصها
وقفو وهم يطفون السيارة نزلت غرام : بنات ادخلو انا اجيبها
العنود : لا وين هاتي
غرام بابتسامه: يابنت الحلال انا بجيبهم
العنود : تمام ننتظرك فالحديقه
هزت رأسها وهي تفتح السيارة مو منتبهه للي وراها ونطق : غرام
لفت باستغراب رجل ويناديها بأسمها : نعم؟
ناظرته وتحس الوجهه مألوف لها
سعيد : انا احبتس وابيتس
غرام ناظرت حولها : عفواً ، بس مضيع شكلك انا متزوجة؟
سعيد بعصبيه: تتطلقين ، ارسلتس بارقام تبلكيني ليه ليه
غرام بعصبيه : نعم؟؟ اجل انت الي كنت ترسل لي بارقام غريبه وش تبي مني!!
سعيد بجنون: ابيتس انتِ
غرام : انااا متزوجهه توكل على الله
لفت تاخذ الاكياس تبي تدخل
سعيد تقدم بسرعة وهو يطلع سلاحه ويمسك معصمها بقوة ادى الا صراخها : خيير فكني
كان طالع لخارج البيت ماوده يسمع سوالف الشيّبان وخرج وهو يفتح علبه دخانه يشغلها سمع أصوات واستغربها وهو يمشي لناحيتها ناظرها وناظر الي كان ماسكك يدها وهي تصرخ رمى دخانه بسرعة وهو يركض لناحيتها ويصرخ : فكهااا
لف سعيد بجنون وهو يوجهه السلاح على عناد ،، خرجو البنات وهّم يناظرون غرام وعناد والرجل الغريب ماسك سلاح! عناد نطق بعصبيه : نزل سلاحك وفكها ولا مابتسلم مني!!
سعيد بجنون: انا احبها وابيها لي طلقها!
عناد الي انجن من كلامه : اقولك فكهااا ولا ماتسلمم
سعيد الي حط السلاح على رأس غرام ونطق بابتسامه: طلقها
عناد بعصبيه تقدم : وخر سلاحك وواجهنيي انا
-
كانت اصوات عاليه من الخارج وقف الجد سُليمان بعصبيه يطلع وخرجو خلفه العيال متوجهين للاصوات
انصدمو! الجد سُليمان نطق بصراخ : عنااد وش صاير
سعيد بعصبيه: أخلص طلقهاا
عناد بعصبيه : وخررر سلااااحكك عنها يالرخمة
تقدم سعود بسرعه : يارجال اقطع الشرّ ووخر سلاحك عن البنت
سعيد رفع سلاحه على سعود : ابعدد ابعدد
تقدم عناد بسرعه وهو يسحب السلاح ويرفعه للسماء وانتشَر صوت الطلقه فالمكان تحت صراخ البنات وخروج الحريم من البيت
سحبه عناد بسرعه وهو يصفقه تسادحو على الارض تحت صدمه غرام
وعناد وهو يضرب فيه تقدم الجد سُليمان وهو يصرخ : وخروه لايذبحه
تقدمو العيال وهم يحاولون يفرقون عناد عن سعيد
وقف عناد وهو يناظر غرام الي ماسكه الدمعه تناظر له حضنها بقوة بكت بخوفف من الحدث الي صار امام عيونها
حسابي انستا iiwahum_