ပုံပြင်လေးတစ်ပုဒ်ပြောပြမယ်။
ဟိုးရှေးရှေးတုန်းက အရပ်ရှည်ပြီး ခါးသွယ်သွယ်လေးပိုင်ဆိုင်ထားတဲ့ ဥစ္စာပေါ၊ရုပ်ချော
နှင်းလိုစွတ်စွတ်ဖြူနေတဲ့ ဆံပင်အရောင်နဲ့
မင်းသားလေးတစ်ယောက်က
ရည်းစားမရှိဘူးဆိုတာ ဖြစ်နိုင်လား?
မဖြစ်နိုင်ဘူးလေ။မဟုတ်ပါဘူး။မဖြစ်သင့်ဘူးလေ။
ဟုတ်တယ်မလား ရှန်ချွမ်းရွေ့ ဆိုတဲ့အနေထားနဲ့တင်
ရည်းစားတစ်ယောက်ကတော့ ဟောဒီလို၊
ဟောဒီလို ရှာနိုင်ရမှာလေ။
အရွယ်လေးရောက် အရပ်လေးစထွက်ကတည်းက မားမားအသိအဒေါ်ကြီးတွေက သူ့ကို မြင်တိုင်း "သားလေးက ချောလာလိုက်တာ" ၊
"အရပ်ကြီးအရှည်ကြီးနဲ့ ချောလိုက်တာ"၊
ဆိုတဲ့ ချီးကျူးစကားတွေကြားပြီး ကြီးလာတာ
အခုအရွယ်ထိပဲ။
အလယ်တန်းတုန်းက သူငယ်ချင်းတွေနဲ့ တွေ့တိုင်း
"ငါ ကောင်မလေးကလေ" ၊ "ငါ မမ ကလေ"၊
"မနေ့က စကားအတင်းလိုက်ပြောတဲ့ ကောင်မလေးကို" စသည့် အဲလို စကားတွေကြားတိုင်း
ချွမ်းရွေ့ဟာ မျက်လုံး သူငယ်၊နားသူငယ်လေးနဲ့
ဟိုကြည့်ဒီကြည့် နားထောင်ခဲ့ရတာ။
သူငယ်ချင်းအချင်းချင်း မဖဲ့ချင်ပေမဲ့ ဘယ်သူကမှ
သူ့လောက်တောင် ပုံမလာတဲ့ သူတွေကြီးပဲ။
ချွမ်းရွေ့ကမ္ဘာမှာ ချွမ်းရွေ့ဟာအချောဆုံး။
"ချွမ်းရွေ့ မင်းရော ရည်းစားရနေပြီလား" ဆိုတဲ့
အမေးစကားကိုကြားတိုင်း မချိမသာ ပြုံးပြပြီး ခေါင်းခါငြင်းရင် ဟိုကောင်တွေက ထူးဆန်းသလိုလို၊ သူကပဲ ညံ့သလိုလို
စသည့် အကြည့်တွေနဲ့ကြည့်သေးတာ။
"မင်းကမှ တကယ် မားမားဘွိုင်းလေး" ဆိုပြီးလည်း ပြောကြသေး။ ဒီစကားကိုတော့ ချွမ်းရွေ့ မငြင်းမိ။ မားမားကို မချစ်တဲ့ သားဆိုတာ ရှိလို့လား။
ဒါပေမဲ့ ဒီကိစ္စနဲ့ ချွမ်းရွေ့ ရည်းစားမရှိတာက မဆိုင်။
အမှန်တော့ ရည်းစားက မရတာ ကိုယ့်ပေါင်
ကိုယ်လှန်ထောင်းတဲ့ အဖြစ်မရောက်ချင်လို့
ချွမ်းရွေ့က ဘယ်သူဘာပြောပြော ပြုံးပြပြီး
ဆိတ်ဆိတ်နေလိုက်တာကြီးပဲ။
နည်းနည်းတော့ ရည်းစားလေးတော့ လိုချင်တာပေါ့။
****
"ရုပ်ချောတဲ့ သူဖြစ်ရတာလည်း တစ်ချက်မကောင်းဘူး။ငါကို ရည်းစားရှိတယ်ထင်ပြီး
လာမကြိုက်ကြဘူး"
"မင်းက အနေတည်လို့ပါ"
သူငယ်ချင်းက နှစ်သိမ့်ပေးရှာသည်။
"တကယ်လို့သာ မင်းက ငါနဲ့ မသိတဲ့ မိန်းကလေး
ဖြစ်နေပြီးထား ငါကို စမြင်ရင် ဘယ်လိုတွေးမလဲ"
"ရုပ်ချောတဲ့ကောင်လေး"
ကျေနပ်အားရနေတဲ့ ချွမ်းရွေ့ မျက်နှာကို
မမြင်ချင်ယောင်ဆောင်ထားရသည်။
သူ့ကျွေးတာစားနေတော့လည်း သူစိတ်ကျေနပ်တဲ့ အဖြေပေးရတာပေါ့။
"အတန်းဖော်တွေတစ်ယောက်အနေနဲ့ဆိုရင်ရော"
"ဆောက်ကြီးဆောက်ကျယ်နိုင်တဲ့ကောင်"
ချွမ်းရွေ့သည် ပါးစပ်သုတ်ထားတဲ့ တစ်ရှူးတွေနဲ့ ကောက်ပစ်လိုက်သည်။
"ခွေးကောင် "
"မင်းမေးလို့လည်း ငါဖြေရသေးတယ်"
ဝူဟွန်း ဇက်လေးပုကာ စားလက်စ ကိုဆက်စားသည်။
တော်ကြာ စိတ်ကောက်ပြီး ထပြန်သွားမှဖြင့်
သူ့စားတာ သူရှင်းနေရဦးမယ်။ ချွမ်းရွေ့၀ယ်ကျွေးမယ်ဆိုလို့သာ လိုက်လာတာ လက်ထဲ ပိုက်ဆံပါတာမဟုတ်။
"မင်း မေးပြီးသွားရင် ငါ မေးရဦးမယ်"
ချွမ်းရွေ့သည် မျက်လုံးလှန်ကြည့်သည်။
"မမ တွေကကွာ နှုတ်ခမ်းနီ နဲ့ ရေမွှေးဆို
ဘယ်ဟာပိုကြိုက််လောက်လဲ"
ရှက်ရမ်းရမ်းပြီး အသံဟာ ဝိုးတိုးဝါးတား။
ချွမ်းရွေ့၏ မျက်နှာသည် ရှုံ့တွလာသည်။
ရည်းစားမရှိတဲ့ စင်ဂဲလ်သူငယ်ချင်းကို ဒါတွေမေး
သင့်လား မမေးသင့်လားတောင် မသိတဲ့ သူငယ်ချင်းဖြစ်သူကြောင့် ချွမ်းရွေ့သည် စိတ်လေသွားသည်။
"မင်း ပေးမလို့လား"
"အင်း မမ နဲ့ ငါနဲ့တွဲတာ ၂လ ပြည့်သွားပြီ"
ရင်ဘတ်ကိုမော့လျက် ခါးမတ်ကာ ပြောလာသည့် သူငယ်ချင်းသည် မသိရင် နိုင်ငံဂုဏ်ဆောင်သည့် ကိစ္စကို ပြန်ပြောနေသလို။ အကဲပိုလှသည်။
သို့သော် ချွမ်းရွေ့သည် ဘာမှတော့ ဆိုးဆိုးဝါးဝါး
မပြောမိ။ ဘာလို့ဆို အရင်က ဒီကောင်က တွဲတိုင်းပြတ်လေ။ အခုတောင် ကံကောင်းလို့ ၂လ ခံတာ။
"မသိဘူး မိန်းကလေးတွေ ဘာကြိုက်တတ်မှန်း"
"အဲတာကြောင့် ရည်းစားမရတာ"
ချွမ်းရွေ့က ဇွန်းနဲ့ ခေါက်ပစ်ဖို့ ရွယ်သည်။
ဝူဟျွန်းက လုပ်ရဲရင်လုပ်ဆိုသည့် ပုံစံနဲ့ မျက်နှာ
တိုးပေးသည်။နှစ်ယောက်သားက တကျတ်ကျတ်။
"မမရဲ့ သူငယ်ချင်းတွေထဲကနေ
မိတ်ဆက်ပေးရမလား ငါ မမ ကိုပြောလိုက်မယ်"
ဝူဟျွန်းဟာ ရည်းစားလိုချင်နေသည့် သူငယ်ချင်း
ကို မကြည့်ရက်တော့တာ တစ်၀က်၊ရည်းစားလေးတစ်ယောက်တောင်မရှာနိုင်ရလားဆိုတဲ့
သဘောနဲ့ နှိမ်ချင်တာ တစ်၀က်။
အဲလို တစ်၀က်၊တစ်၀က်စိတ်လေးနဲ့ ချွမ်းရွေ့ကို မေးသည်။
"မလိုပါဘူး "
ချွမ်းရွေ့ကလည်း ခပ်ဆတ်ဆတ်ပြန်ဖြေသည်။
အဲတာမျိုးက အလိုက်တသိ ချိတ်ပေးရတာ ငါကို
မေးနေစရာမလိုဘူးကွာ။ အလိုက်မသိတဲ့ ကောင်နဲ့
ချွမ်းရွေ့သည် ဆက်မပေါင်းချင်တော့။
"ပြီးရော"
ချွမ်းရွေ့သည် ဝူဟွန်း ဖင်ကို ပိတ်ကန်ချင်စိတ်ကို မနည်းထိန်းထားရသည်။ နောက်တစ်ခွန်းလောက် ထပ်မေးရင် ငါက အင်း လို့ပြောမှာလေ။
***
ချီးပေဝူ
<ဓါတ်ပုံ>
/ဒီ app ကိုကြည့်ကြည့်။မင်း အတွက် ကွက်တိ/
/ဘာapp လဲ/
/ဒိတ်တင်း app လေ၊အခုတလော ရေပန်းစားနေတာ
ငါ သုံးကြည့်တာ မဆိုးဘူး/
/ဟုတ်လား။ ဒါနဲ့ မင်းက ဘာလို့သုံးနေတာ.
လဲ?မင်းမမ သိသွားရင် ကွိုင်နော်/
/ပြတ်သွားပြီ ငါးကောင်ရာ ㅠㅠ/<👏>
/ငါတို့ မတွေ့တာ ပိတ်ရက်လေး၂ရက်ပဲရှိသေးတာ ဘယ်လိုဖြစ်တာလဲ/
/နှုတ်ခမ်းနီဖိုးကုန်သွားတာပဲ အဖတ်တင်တယ်။
စာမေးပွဲနီးနေလို့ စာကို အာရုံစိုက်ချင်လို့်တဲ့ မင်းပဲ
စဥ်းစားကြည့်ကွာ စာမေးပွဲက ဖြေပြီးသွားတာ
၂ပတ်ကျော်ပဲရှိသေးတယ် သူ က ဘယ်စာမေးပွဲထပ်ဖြေတာလဲ/<😂>
/မင်း မမ သွားမေးလေ သူငယ်ချင်း/
<🥲>
/အဲဒီအကြောင်းမပြောပါနဲ့တော့ကွာ ဒီapp ကို
သုံးကြည့် အချစ်ဆိုတာ အပူမီးပဲ တစ်ယောက်တည်းလောင်ကျွမ်းနေရတာ ခံစားရသိပ်ခက်တယ်
၊မင်းလည်း အတူတူလောင်တော့ နည်းနည်းသက်သာတာပေါ့/
/မင်းရဲ့စိတ်ထားလေးကိုသိရတာ၀မ်းသာတယ်။
စိတ်မပူနဲ့ ငါက မင်းလိုဖြစ်မှာမဟုတ်ဘူး/
/ဒစ်စကောင့်လိုကောင်ကများ/
/sample ကောင်ကများ
acc ဖွင့်ပြီးရင် လှမ်းပြောမယ်/
/မင်းက ဘယ်လိုပုံစံကိုကြိုက်တာလဲ
ခန္ဓာကိုယ်လှလှလေးလား?စိတ်ထားလှလှလေးလား?/
/အရပ်ရှည်ရှည်၊မျက်နှာသေးသေး
လက်ဖဝါးကြီးကြီး/
<😂>
/လက်ဖဝါးကြီးကြီး?? ပန်းကန်ဆေးခိုင်းမလို့လား
ဖြစ်နိုင်တာပြောလေ ဟေ့ကောင် / <😡>
/ငါနဲ့ပတ်သက်တာဆို အကုန်မှတ်မိနေပြီး၊
ငါကိုဆို လိုက်စနေတဲ့ သူမျိုး/
<👍>
/လစ်လိုက်တော့ မရှိလောက်ဘူး/
/ချီးပဲ အကန်တွေပြောမနေနဲ့ acc
ဖွင့်လိုက်ဦးမယ်/
/follow လာမလုပ်နဲ့/<😂>
/follow လာမလုပ်နဲ့/
<😂>
တစ်ချိန်တည်း တစ်ပုံစံတည်း ၀င်လာတဲ့ စာတို
နှစ်စောင်ကိုကြည့်ပြီး ချွမ်းရွေ့ အသံထွက်သည်အထိ ရယ်လိုက်မိသည်။ ပြောမနာ ဆိုမနာသူငယ်ချင်းရှိတာလည်း ဘုရားပေးတဲ့လက်ဆောင်တစ်ခုမှန်း
ချွမ်းရွေ့နားလည်သည်။
***
လုပ်ရမည့် အဆင့်တွေအကုန်ပြီးသွားပြီး user name နဲ့ ဓါတ်ပုံထည့်ဖို့ပဲ ကျန်တော့သည်။
နာမည်အရင်းလည်း မသုံးချင်။
သူ acc မှန်းလည်း သူများတွေမသိစေရ။
ချွမ်းရွေ့ မူလတန်းတုန်းက
အတန်းဖော်ကောင်မလေးကို. ချစ်တယ် ချစ်တယ်လို့ သွားပြောဖူးသည်။ ဟိုက စဥ်းတောင်မစဥ်းစားဘဲ
မချစ်ဘူး လို့တန်းငြင်းလိုက်ကတည်းက
Friend to lover ကို စိတ်နာလွန်းလို့
သူစိမ်းတွေနဲ့ပဲ တွဲမယ်လို့ ဆုံးဖြတ်ထားသည်။
Ricky
"အရင်တုန်းက အင်္ဂလိပ်ကျောင်းတူတူ တက်ခဲ့တဲ့ကောင်တွေများ မြင်ရင် ငါမှန်းသိသွားလောက်တယ်"
Kim Ricky
Done ဆိုတာကို နိုပ်ပြီး ချွမ်းရွေ့ ကျေနပ်သွားသည်။
"မျိုးရိုးတောင် ပြောင်းထားတာ ငါမှန်း ဘယ်သူမှ
မသိလောက်တော့ဘူး"
သူဟာနဲ့ သူတော့ ဟုတ်နေသည့် ရှန်ချွမ်းရွေ့ ရယ်ပါ။
Pf ကိုလည်း တစ်ခေါက်က ကြောင်လေးနဲ့ တူတူရိုက်ထားတဲ့ ပုံလေးကိုရွေးတင်သည်။အဲဒီပုံတွင် ချွမ်းရွေ့
မျက်နှာမပါ ကြောင်လေးနဲ့ သူ့ ကိုယ်တစ်ပိုင်းသာပါသည်။
မျက်နှာလေးမပါတာတောင် ချောတယ်ဆိုတဲ့ အရှိန်အဝါကို ဖုံးဖိထားလို့မရ ။ချွမ်းရွေ့ဟာ ဂုဏ်ယူလျက်။
***
ချီးပေဝူ
1 hour ago
<ဓါတ်ပုံ>
/ငါ acc ဖွင့်ပြီးပြီ ဘာဆက်လုပ်ရမှာလဲ/
***
ပြန်စာကိုမစောင့်တော့ ညဥ့်နက်နေပြီ ဖြစ်လို့ ချွမ်းရွေ့လည်း ဖုန်းအားသွင်းပြီး အိပ်ယာ၀င်ဖို့ ပြင်သည်။
အိပ်မက်ထဲမှာတော့ ရည်းစားလေးနဲ့ ချွမ်းရွေ့ဟာ
ရေခဲချောင်းတူတူစားလို့။
*Noti
@Vin followed your acc
-1-
_______
အရင်ကဆို အပိုင်း ၁ တင်ပြီး သိပ်မကြာ
အပိုင်း ၂ထပ်တင်တတ်တာလေ။
၁ပိုင်းတည်းဆို နားမလည်မှာ ဆိုးလို့ဆိုပြီး။
အခုကတော့ ဖြေးဖြေးချင်းပဲ သွားကြတာပေါ့ရှင်။
wren ကြိုရေးထားတာလည်းမရှိဘူးရယ်😭