لاتنسون الصلاة والسلام على نبينا محمد
اللهم صل وسلم عليه
هم في الطريق رايحين للمستشفى
في سياره فيصل
ام منصور : فيصل وانا امك تعرف مين هم
و ليش يسوون كذا
فيصل : والله يا الغاليه ما اقدر اعلمك معلومات سريه
ام منصور بكت و قالت : فيصل وانا امك تكفى
انتبه على نفسك ما ابي افقدك اخاف يذبحونك
فيصل : يا يمه يا قلبي ما راح يصير لي شيء ان شاء الله
وبعدين ليه البكاء
ام منصور : والله يا يمه خفت يوم شفت عمتك تبكي
على ولدها خفت يجي يوم ويعلموني ب وفاتك .
البنات خافوا اكثر لما اسمعوا كلام امهم وبكوا
فيصل : حول ولا قوة الا بالله
يا الربع وش فيكم تبكون ان شاء الله ما راح يصير لي شيء المفروض تتفاءلون بالله
وبعدين يا يمه يا حبيبتي لا تخافين ان شاء الله ماراح يصير شيء وانتم بعد لا تخافون يا حبيبات اخوكم
شهد : فيصل كيف ما تبينا نخاف عليك
وانت ضابط وماسك هالقضيه بعد
فيصل : يا شهوده يا حبيبه قلبي باذن الله ما راح يصير شيء
وبعدين حتى لو اموت
يكفي اني اموت وانا اسعى لحمايه وطني
هذا فخر
ندى : كلامك كله صح بس تذكر في ناس يحبونك و يبونك
فانتبه لنفسك
عهد : اي والله صادقه ندى صدق خلك حذر
ما نبي نفقدك والله
فيصل : طيب ابشري .
بعد دقائق وصلوا و دخلوا في المستشفى
و الجده فاطمه تبكي
و تقول بصوت عالي : بنتي اغمى عليها
تعالوا شوفوا وش فيها .
بعدها اجتمعوا عليهم الممرضات والدكاتره
واخذوا ام ريهام وحطوا فيها مغذي لان جاها انهيار عصبي
و بعد ربع ساعة ام ريهام صحت وتناظر وقالت : انا وين
الجده فاطمه : يمه هنادي انتي في المستشفى .
ام ريهام تناظر وتذكرت اللي صار لبنتها
وبدت تبكي وتصارخ وتقول ودوني لبنتي ابي اشوفها طلعوني
الجده فاطمه : يايمه يا هنادي اصبري باقي على المغذي
ما راح يطلعونك وانتي بهالحاله
تعوذي من الشيطان يا يمه وادعي لها .
ام ريهام قالت بنبره حزن شديد
: يا يمه وين اصبر هذه وحيدتي .
الجده فاطمه وهي تحاول تمسك نفسها و تصبر بنتها
و قالت : الله اللي جابها لك و الله اللي يقدر ياخذها
يا يمه اذا ربي كاتب لها عمر بتعيش
يا يمه هالدنيا مصايب وابتلاءات مالنا الا الصبر
وكلي امرك لله
ام ريهام : ونعم بالله . وبكت
. مرت ساعه و طلعت ام ريهام من الغرفه
وهي تركض في الممرات وتصيح و تقول :ابي بنتي ابي اشوفها
. اجتمعوا عليها حريم اخوانها
( اللي ام منصور و ام اسامه و ام حور)
ام اسامه و مسكت ام ريهام وتجلسها
و ام منصور جابت مويه وقالت :
هاك اشربي مويه و تعوذي من الشيطان
و ان شاء الله بتطلع بالسلامة و ادعي لها .
هنادي شربت مويه ودموعها تنزل وبس تناظر وتفكر
بعد دقائق جت الدكتوره و الكل فز
َو ام ريهام اركضت لها وقالت : تكفين يا دكتوره بشري
وش صار على بنتي .
الدكتور التفت عليها و قالت : انتي ام ريهام
ام ريهام قالت بخوف : اي انا ام ريهام
الدكتوره ابتسمت و قالت : الحمد لله قدرنا ننقذ بنتك
و بعدها اختفت ابتسامتها و قالت : لكن
ام ريهام :لكن وش
الدكتوره : اللي ببطنها طفل ومات
ام ريهام بكت وهي تقول : لا حول ولا قوة الا بالله
يارب تصبر قلب بنيتي ياما اصبرت عشان يجي هالطفل
في الاخير يموت
الدكتوره : هذا مقدر ومكتوب يا ام ريهام
ام ريهام : متى اقدر اشوف بنتي
الدكتوره : الحين تقدرين تشوفينها
لاننا حطيناها في غرفه الافاقه . وراحت
ام ريهام ركضت للغرفه و دخلت الغرفه و بكت
و هي تناظر في بنتها و خايفه ما تدري وش تقول لها
قالت في داخلها :
كيف راح اقول لك ولدك مات
ولدك اللي صبرتي عشانه مات
ولدك اللي ياما سولفتي عنه مات
بعد نص ساعة صحت ريهام
و قالت : انا وين ومين اللي جابني هنا .
فزت ام ريهام و قالت : اهل الخير هم اللي جابوك هنا
ريهام ريهام اسكتت اول ما تذكرت وش صار لها
وبكت و قالت : وين تركي ليكون مات .
ام ريهام : دقيقه بروح اسال .
طلعت ام ريهام و راحت ل اهلها لما شافت الدكتور عندهم
و ام تركي قالت : وش صار على ولدي يا دكتور
الدكتور ابتسم و قال : الطعنه اللي بكتفه
كانت قريبه من القلب لكن الحمد لله قدرنا ننقذه .
ام تركي ارتاحت و قالت : مشكور يا دكتور
و ام ريهام راحت ل بنتها
و دخلت الغرفه و ريهام قالت : تكفين يمه لا تقولين انه مات
ام ريهام : والله هو حي توني جيت من عند الدكتور
وقال الطعنه اللي بكتفه كانت قريبه من القلب
لكن الحمد لله قدرنا ننقذه
ريهام ارتاحت و تذكرت ولدها اللي في بطنها
و قالت : وش صار على ولدي
لا تكفين لا تقولين انه مات
ياما صبرت عشان يجي
ام ريهام نزلت راسها و قالت : قولي لا إله إلا الله
مات الله يجعله شفيع لكم
ريهام بكت و قالت : تكفين يمه ابي اشوفه
ام ريهام و قالت وهي تبكي : بتشوفينه ان شاء الله
وتغسلينه و تكفنينه
ريهام : لا يا يمه ابي
ام ريهام : الا عشان خاطري يا يمه
والله اذا شفتيه بترتاحين
ريهام : ابشري
وبعدها دقائق فيصل دخل ومعه نواف
و قال : عمه ممكن تروحين للبيت
الحين بدا وقت التحقيق
ام ريهام : طيب . و اطلعت
عند فيصل ناظر في ريهام و قال : الحين لازم تهدين
وتقولين كل شيء صار لك عشان نقدر ناخذ اقوالك
ريهام : ولدي مات يا فيصل
تكفى لا يروح دم ولدي عبث
ما راح ارتاح الا لين تنقص رقبته الكلب ما يخاف الله
الله يحرمه من الجنه مثل ما حرمني من ولدي
فيصل : انتي الحين اهدي وقولي كل شيء صار
واذا عليه القانون راح ياخذ حقك منه لا تشيلين هم .
فدت ريهام تحاول تهدا وقالت اقوالها و ما بعد خلصت
فيصل قال : هاك الورقه وقعي على اقوالك
ريهام قالت ناظرت فيه و قالت : طيب . ووقعت على الورقه
و اخذ فيصل الورقه و طلع و هو نواف
وعند تركي اول ما صحى و درى بالخبر قعد يبكي
و يصرخ و يقول بصوت عالي : حسبي الله عليهم
احرموني من ولدي وبغوا يحرموني حتى من زوجتي .
و ظل يبكي
و دخل عنده فيصل ونواف وحاولوا يهدونه
وبعدها اخذوا اقواله و فيصل قال : هاك الورقه وقع على اقوالك
تركي ناظر في فيصل و وجه مليان دموع وقال : ابشر
بس فيصل طلبتك ولدي لا يروح دمه عبث
فيصل : ما عليك القانون بياخذ حقك .
واخذ الورقه و طلع وهو نواف من الغرفه
وبعدها اطلعوا من المستشفى و ركبوا السياره
و راحوا للمركز يكملون باقي شغلهم
وفيصل لما خلص الشغل رجع لبيتهم
اليوم الثاني اذن الفجر
عند ابو محمد راح يصحي عياله وقاموا وراحوا للحمام
توضوا و بعدها راحوا للمسجد
وصلوا و خلصوا من الصلاة و اطلعوا من المسجد
و ام محمد صحت من بدري و وراحت تصحي بناتها وقاموا
وراحه ام محمد تصلي وصلت والبنات صلوا
و عند ابو محمد دخل البيت هو وعياله
و جاه الخبر باللي صار على تركي و زوجته
وقال : كل شيء صار
ام محمد قالت : لا حول ولا قوة الا بالله
ابو محمد قال : لازم نوقف معاهم في شدتهم
وابو منصور له غلا خاص بقلبي
وما اقدر اشوفه في هالوضع وما اسنده
في الاخير هذا خواته
بتتعب نفسيته من تعب خواته
ام محمد : والله حتى انا
ام منصور لها غلا هذولا جيراننا قبل
ابو محمد : اجل لازم تاخذون اجازه من دوامكم لمده ثلاث ايام فقط عشان العزاء .
محمد و سامي قالوا مع بعض : ابشر .
و اما عند ساره حزنت على الخبر اللي سمعته
لكن فرحت في داخلها بدون توضح وقالت : في داخلها
يمكن اقدر اشوف فيصل . وظلت سرحانه تفكر
ابو محمد قال : ساره ساره ساره .
عند ساره انتبهت على صوت ابوها و التفتت
وقالت : لبيه يبه اسفه ما انتبهت لصوتك
ابو محمد : يبه ساره جهزي نفسك نبي ناخذ لك عذر
من الجامعه انا بوديك
و الحين بودي اختك عشان اقدر اخذ لها عذر من المديره
بعدها بجي اوديك
ساره ابتسمت و قالت : ابشر .
و راحت تاخذ شور سريع و وخلصت وطلعت من الحمام وراحت تلبس قميص خفيف وتنشف شعرها
وتمشطه وتغني و بعدها تجهزت وخلصت
عند ابو محمد اخذ لمياء وراحوا للمدرسه
وابو محمد قال للمديره عندنا عزاء
و لمياء ما تقدر تداوم اليوم .
المديره وقالت : طيب الله يرحم ميتكم
.و بعدها ابو محمد اخذ لمياء و اطلعوا و راحوا للبيت
وساره البست عبايتها وراحت مع ابوها للجامعه
و بعدها ادخلوا واخذوا عذر من الجامعه
و راحوا للبيت و ساره راحت صارت تجهز ملابسها
وتحطها في شنطه السفر
. و اما عند محمد فاخذ اجازه من دوامه و سامي نفس الشيء
و راحوا كلهم للبيت يجهزوا ملابسهم و يحطونها في
شنطه السفر
وبعد ربع ساعة ساعه خلصوا كلهم
و ركبوا السياره و راحوا للمطار وبعدها للطياره وراحوا للرياض
عند تركي في المستشفى اسمحوا له انه يطلع من غرفته ويشوف زوجته
و تركي راح ل ريهام و دخل الغرفه
وكل اللي موجودين في الغرفه اطلعوا عشان تركي و ريهام ياخذون راحتهم
تركي قعد يبكي و يقول : كنت ابيك تنحاشين
ما يصير لك شيء
بس سبحان الله كل شيء مكتوب و مقدر
ريهام : اي والله كل شيء مكتوب ومقدر
و عظم الله اجرك
تركي : و عظم الله اجرك انتي بعد امه هالطفل
وانتي اللي راح تسمينه
ريهام : اجل نسميه ريان
تركي : تم اجل بروح اكمل الاجراءات الباقيه . و راح
و طلع يكمل الاجراءات
و بعد نص ساعه الدكتور سمح لتركي بالخروج
بس تركي رجع ل ريهام و قال : الصلاة الظهر
راح نصلي على ريان
ريهام قالت بحزن : طيب .
و تركي ما قدر يتحمل اكثر وطلع
و اما ريهام ظلت تبكي
عند بيت الجد فهد
ام ريهام قالت : نايف تعال ودني لبنتي
ابي اقعد عندها في المستشفى الين يسمحون لها بالخروج
نايف :ابشري يا عمه .
و راحوا للمستشفى و ام ريهام دخلت المستشفى
و راحت لغرفه بنتها و ظلت عندها تواسيها .
و نايف رجع للبيت
عند ابو محمد و اهله وصلوا للرياض
و وراحوا اخذوا لهم شقه
حطوا اغراضهم فيها وبعدها راحوا لبيت الجد فهد
وصلوا البيت الجد فهد و ابو محمد نزل وهو وعياله
ووطقوا الباب وطلع لهم فيصل و قال : ارحبوا ملايين
ابو محمد ابتسم و قال : انت فيصل ولد سعد
فيصل : اي انا فيصل ولد سعد انتم مين
تفضلوا حياكم الله ادخلوا
ابو محمد : فيصل وانا عمك
روح ناد ابوك و راح تعرف من حنا
فيصل : ابشر . و راح ينادي ابوه
و قال : يبه في ناس يبونك برا
ابو منصور : طيب . وراح هو وفيصل
و ايوم منصور اول ما شاف ابو محمد
قال : لا والله اللي مرحبا
تفضل يا ابو محمد انت وعيالك ادخلوا حياكم الله
والله انها ابرك من ساعه
فيصل انصدم و قال بهمس : يبه هذول مين
ابو منصور بهمس : هذا عبد الله البقمي و اهله
جيرانا قبل
فيصل بهمس : اها
و ابو منصور قال : والله انك جار وافي يا عبد الله ما نسيتنا
ابو محمد : كيف بنساكم وانا عشت معاكم المره والحلوه
مستحيل اشوفك تنهار ما اوقف جنبك و اساعدك
ابو منصور : هذا من طيب اصلك
و حياكم الله ادخلوا تفضلوا
ابو محمد : قبل ما ندخل ابيك تدل زوجتي وبناتي
على مكان الحريم
ابو منصور : فيصل وانا ابوك روح دلهم على المكان
و تفضل يا ابو محمد و انت وعيالك ادخلوا حياكم الله .
و دخلوا
و عند فيصل وهو ياشر على المكان
و قال من هنا يا خاله .
ام منصور قالت : مشكوره وانا خالتك بس نادي لي امك
فيصل : ابشري . و راح ينادي امه
و جت ام منصور خايفه و قالت فيصل ايش فيك تنادي
يايمه روعتني
فيصل : اسف بس ام محمد جت هي وبناتها
و هي عند باب الحريم
وتقول نادي لي امك .
ام منصورز تحاول تتذكر من هي ام محمد وتذكرت
و قالت : طيب فيصل خلاص روح لابوك
ولا عاد تجي هنا
فيصل : يمه ليه
ام منصور : بدون اسئله اسمع اللي اقول له لك وبس
فيصل : ابشري يالغاليه . و راح
و ام منصور راحت ل ام محمد
و ما اول ما شافتها قالت حي الله من جانا
ام محمد : والله يا ام منصور ما يهون علي اشوفكم بهالوضع وما اجي اساعدكم واسندكم
ام منصور : هذا من طيب اصلك يا ام محمد
تفضلي حياك الله انتي وبناتك .
ام محمد ابتسمت و دخلت هي و بناتها
عند فيصل ما توقع ان الاقدار بتقربه من ساره كذا
فرح كثير بس بس ما يقدر يناظر فيها
من باب الادب والاحترام
وقال في داخله : بيجي يوم ان شاء الله وتكونين من نصيبي
واصير اناظر فيك متى ما بغيت .
. عند ساره فرحت كثير
و قالت في داخلها : سبحان الله للحين مزيون
اذن الظهر
راح تركي اخذ ريهام من المستشفى
و راحوا ل ثلاجه الموتى و دخلت ريهام وهي تبكي
اول ما شافت ولدها ضمته و قعدت تبكي
وبالقوه اقدرت تغسله
ولما خلصت من تغسيله ضمته بقوه
و صارت ما تبي تفكه وتبكي
و تركي وشاف ريهام تضم ولدها
و قال : ريهام يا قلبي لازم ناخذه نصلي عليه .
و بالقوه اخذه منها و راح يصلي عليه مع الرجاجيل
و بعدها صلوا عليه وخلصوا من الصلاه
و اطلعوا من المسجد
و راحوا للبيت الجد فهد و دخلوا في البيت
اجلسوا يتقهون يسولفون
و ابو منصور معه عصا وراح لفيصل
وقال ان شفتك تروح لقسم الحريم كسرت هالعصا
على ظهرك
فيصل : ابشر
و بعد ربع ساعة فيصل اخذ العزبه وراح لقسم الحريم و ظل ينادي اختها ندى
وجت ندى وقالت : ها وش تبي
فيصل : هاك اغسلي هذه
ندى : طيب . و راحت تغسلها
و بعد دقائق جت وقالت : هاك
فيصل : مشكوره .
و راح لقسم الرجاجيل
و حط العزبه بسرعه ورجع يسوي نفسه ما سوى شيء
بس ابو منصور جاء لما لاحظ اختفاء فيصل
و شاف فيصل وهو توه جاي من قسم الحريم
و راح له و قال : فيصل انا وش قلت لك
فيصل : بس يبه كنت ابي العزبه تكون نظيفه .
ابو منصور ضرب فيصل على رجله
و قال : مره ثانيه اقول لك شيء تسمعه تفهم
ولا ترى بكسر هذه العصا على ظهرك
فيصل قال بنبره الم : طيب ابشر
و عند ريهام ارجعت لبيت الجد فهد
و كل البنات اجتمع عليها واللي تاكلها واللي تحاول تضحكها واللي تواسيها واللي تمسح دموعها
وبعد ساعه ريهام ناظرت فيهم
و قالت : صح الله ما رزقني بخوات
لكن الله عوضني فيكم ما ادري كيف ارد جميلكم
ساره : ايش دعوه المهم تكونين بخير
ريهام : عاد انتي يا ساره اكثر واحده ما تقرب لي
ومع ذلك مهتمه فيني
ساره : اذا ما اهتممت فيك من بهتم
ريهام : مشكوره هذا من طيب اصلك
بسوي تسريع الاحداث
و مر اليوم كئيب على الكل
انتهى
و اسفه على هالبارت مليان مشاعر حزن