روايتي حيادر الراء .
اريد تصويتاتكمَ الحلوه وتعليقات بين الفقرات لان نقراهن كُلهن .
....
لزمت أيـدي جرتـها وكالت بـصوت همس :- تعـاالي طببي جوووه حُسييين ترا كاعـد
- شنـوووو شلون عرفتي ؟
- دتعـالي
دخلت وياها وحيادر ضل بره گُبل صعدنة فوك دخلنه غرفتي سدت الباب وكالت بصوت خافت :- سمعته يحجي بالتلفون
- صدُك تحجين ؟
- وداعتـج بس مادري من زمـان او هسه ما أعرف
- بس لا سمعنـة حوواء ؟
- لو سامعگم يضل فوك طبعًا ينزل
- هم صحيح خطية حيادر ضل جوه
- راح انزله أني
- لا عـوفي راح اراسلـه أني
- براحـتج اروح انـام أني تصبحين على خـير
- وأنتِ من اهلـه
راحت نامت رحت لتلفوني شلته ودزيت لحيادر :- كاعد حبيبي ؟
- اي بـويه كاعـد بيج شي ؟
- لا مابيه بس ضل بالي يمك عفتك وصعدت بدون ماكول شي
- عـادي يا عـيني شنو السالفة لـيش شايـلة هم ؟
- كلت خاف تضل ببالك
- لا يا هُيامي نـامي تعبانـة أنتِ
- تصبح على خير
- اجمعـين
دزيتله قلوب ونمت اجه ثاني يوم مر الوقت صار العصر كامت حواء صعدت تبدل رحت الأمي جانت بالغُرفة وكتلها :- ماما وين التحاليل مالاتي كُلهن ؟
- ليـش ؟
- حيادر يريد ياخذهن وياه يشوفهم لاطباء هُناك بمصر وهم هوَ يشوفهم
- مابيهـن شي
- ما أعرف هوَ كال اريدهم
- صـار هسه اطلعـهن ثواني
راحت طلعتهم الي وصعدت انطيتهم لحواء ضمتهم بالجنطة كملت ونزلت جان حيادر مبدل صرت كدامه باوع الي ميل راسه وابتسم ابتسامة يأس ما أعرف ليش بس أكيد لإن راح يسافر
سلمـت حواء علينه وسلـم هوَ يسلم عليهم ونظراته عليـه داحسه يريد يشبع من هاي النظـرة الأخيرة وأني هم ما قـصرت ضليت اباوع عـليه ما انطيت اهمـيه للي يشوفوني أمي وتعـرف بعد ما حاجه اضـم
خلصو سلام وطلعو رجعت للغُرفة ضايجه رساً نمت ما اعرف شگد مر من الوقت كعدت على آذان المُغرب نزلت توضيت وصعدت فرشت سجادتي صليت وكملت ودعيت اله يفتح طريقة ويسهلة ويوفقك بحياتة ويجمعنة بالحلال
كملت وكمت رحت للتلفون لكيت مسج منه كاتب :- وهـم ماشبعـت شگد ضليـت اباوع أريد املـي عيوني قبل لا اروح بـس شو بعـدني ما رايح أني واشتاقيـت لوجهج فُستقه ليش هيـج تنحبين ليش وجهج يـنحب ليش
لاتضوجين بويه تخلص هاي السنتين الأخيرة تخلص وداعتج وتصير سوالف احبچ هُيامي ياريتني ما اخلي عُيونج يمُر عليها حزن ان شاء الله اعوضج بيوم من الايام على هذه صبرج ووعدج الي يا شُغافي
دمعت عُيوني وأني اقره اللام دزيتله ڤويز :- أحبك أني ان شـاء الله تخلص هاي السنتيـن بلمح البصر حـيادري أني وياك واكفـه مُستحيل أعوفك أبدًا لاخر يوم بعمـري ان شاء الله أني وياك خـلص الهواي وبقى القليل وأكيد راح يخلصـن ان شاء الله
دزيتها ونزلت يم أني تعشينه وكملنه مر الوقت وصعدت فوك اتصل عليه حيادر وكال :- طيارتي بالوحدة بويه
- شعجب ما بقيـت هواي حيـادر هاي المره ؟
- وداعتج جيتي علمودج أنتِ عفت امتحاناتي وضيمي واجيتج والاوضاع ما تطمن أبدًا وطيارات نادرًا اكو تعرفين
- تـمام حبيبي هاهيَ تمام يا روحـي أنتَ درب الـسلامة
- راح اشـتاقلج وعُيونج
- وأني بعـد
نهينة الاتصال ونمت بعدها مرت الايام خالية من الاحداث بعد رجوع حيادر لمصر مرت سنه على رجوعه وصار الحجر الصحي ومحد دايطلع بره أبدًا تدهورت حالتي علاجاتي داتتأخر يله تجيني لإن تخلص ومحد دايطلع يجيب ومايقبلون احد يطلع
بـيوم جنت كاعده حسيـت راسي بدا يأذيني بـس علاجي ماكو غـلست على الموضـوع وكمت صعـدت فوك سبحت وطفيت الاضـوية وتمددت ما أعرف شنو اسـوي راسي دايزيد وجـعة وأني متجاهله هذه الـشي
اخر شي كمت ادك راسي بالحايط من كد الوجع عيني بعد مداشوف بيها من الازدواجية الي عمت عُيوني مداشوف شي اخر شي صحت :- حُسسسين
ثـواني واجـو دخلو الغُرفة وأبوي وراهـم مداشوف شي بس داحـس بيهم ثلاثتهم موجوديـن بالغُرفة اجت أمي حـضنتني بدت تدلك راسي وحُسين كال :- راح اطلـع أني لو أعرف أموت هـم اطلع اجيب العلاج
أمي :- يُمه الله يخليك لاتسوي النه مصيبه ويحجزوك
حُسين :- مايحجزوني إذا حجزوني يجون ويفحصون ، أني طالع
طلع من غُرفتي وأبوي راح وراه وأمي ضلت يمي وكلت الها :- ماما راسي ماما راح أموت شنو اسوي والله دايأذيني قوي
أمي :- لا تسويـن ريتاجة لا تسوين شي هاهيَ أخـوج راح يجيب يا روحي
سكتت رحت تمددت على الجربايه وأمي تقرا ادعيه ووتدلك براسي دخل أبوي الغُرفة وسئل أمي وكال أبوي : ها صارت زينه ؟
أمي :- لا لا لا ياريتـها بيه ياريتـها
أبوي :- لاتكولين هيجزماتهونون عليه لا أنتِ ولا هيَ
كال أبـوي هيـج وسكتت ما ادري شلـون نمت كعـدت وأني راسي قليل يأذيني ما اكـدر انزل داشوف غـواش صحت : مامااااا
أمي :- يمج بنيتي كعدتي يا عيني
ريتاج :- اجه حُسيـن ؟
أمي :- اي اجه اجه الحمدُلله خلي اشربج العلاج
اجت بـصفي كومتني شـربتني المهدئات وكـلاص مي ورجعـت نمت كعدت على آذان المُغرب راسي خـاف الوجع منه نـظري راجع رسًا رحت للتلـفون
اتصلت على حيادر رفعه وجاوب وكال :- ها يا بعد روحي
- هلا حـيادر
- كُل الهـلا يا عيناه بيـج شي ؟
- لا ما بيـه بس ردت اخـابرك مُشتاقة لصـوتك
- يروحلج فـدوات هالصوت
أبتسمت وسكتت شويه وحسيته سحب نفس وكال :- بس اخلص الفاينلات اجي للعراق
- والحـجب ؟
- من يقرب ينفتح مو هسه يعني من تخلص امتحاناتي
- گُلش مشتـاقتلك حيـادر گُلش
- بس هالرجع حرجع وقتي ان شاء الله الي وراها حرجع دائمي وشهادتي بأيدي واجي
- هممم وتتقـدملي
- ثاني يوم
- صدُك ؟
- ههههه لا داتشاقة بويه أول جمعه ان شاء الله
- الله شـوكت يـجي هذه اليوم
- يجي يجي وداعت عُيونج الحلوة
- اووووي فدوة
نهينه الاتصال بكُل حُب وسديته ونزلت جوه اول ما شافني أبوي كال :- هاا ريتاجة شلون صرتي ؟
ريتاج :- بخيـر بابا الحمدُلله لا يضـل بالكم
حُسين :- نجبي لا يضل بالنة هوَ غير زوعتينة العافية
ضـحكو واجت أمـي وضلينه نسـولف على فـيروس كورونا
....
بعد أصابه آسر بفيروس كورونا وهوَ مايحجي وياي اكُله ليش يكلي اخاف عليك تنعدي يمعود يا عدوه هيَ غير رايحة منك ماكو
جنت كاعـد بالغُرفـة بعد ما كملت اتـصال وي فُستق قريت شـويه وكمت أريد اروح لآسر لإن حـابس نفسه بالغُرفة عـفت الكُتب وكمت اله بعـدني ما داخل للغُـرفة صحت :- آسسسسر
- في ايه ؟
- عراقي عراقي يمعووود
- خاب شكوو ؟
بعـده مامكمل دخلت للغُرفـة مالته شافني وكال :- بربـك اطلع خـاف بعدها بيه واعـديك
- وسفة يبعدنة مرض وسفة يا آسر
- مو مال شقه وداعتك
ماكلـت شي رحت كعـدت بصفه وكتله :- شنو داتحـجي أنتَ كُل عـقلك بابا هذه فـيروس شنو فيروس كضـة ونعنع ضـلوعة
- ماتهمني نفسي تهمني أنتَ بعد كم يوم للعطله وأنتَ ترجع هُناك ويكلولك جبتها مناك
- ماتصـير بيه داكل قوية منـاعتي
- مضبطها ؟
- مضـبظها وداعـتك والله الـحافظ
- اشرح الي الباطنية لاتكُلي سهلة شكتني بالنص ومحمد
- لا صعبـة شوي عانيـت منها
- العب طلع عندك شي صعب
- لعد شعبـالك ؟
- الياخذ معدل ميه ما اتوقع يصعب شي عنده وخاصةً بالطب
- شو دجيـب خلي اشرحـلك
- بعدچبدي يله
....
جنت كاعدة يم أمي وأبوي نايم بالغُرفة باوعت الي وكالت :- بعد اله سنه ويتخرج لو سنتين ؟
آيريم :- منو آسر ؟
أمي :- اي
آيريم :- سـنه ويرجـع
امي : ليش مو ست سنوات ؟
آيريم :- السـنة الأخيـرة بالطب عـادي بأي دولة يكـملها مو اله نفس الدولة الـدرس بيها يـسموها سنة الامتياز المُهم الخمس سنوات
سكتت بعد شويه وكمت للمطبخ خذت تلفوني لكيت مسج من حُسين فتحته بكُل حُب جان كاتب :- Baby
- روح بيبي حيـاتي
- الحجـر كم مـده وراح ينفتـح
- صدُك ؟
- وداعـتج يالاغـلى من الانكلـيزي
ضحكت وضلينة نسولف شويه وراح ردت اراسل اخته بس بطلت بيناتنة مسجات بس قليله بس أعرف هواي اشياء عنها مريضة بالقلب وعندها صُداع نصفي وهذن المعلومات الي هيَ سولفتهن الي ببدايه تعارفنة وحُسين
دائمًا يسولفلي عليها وعلى مرضها بس بعد ما صاير لقاء بيناتنه أبدًا لا ماكو الفرصة وخاصةً احنه صار تعارفنة بفيروس كورونا بس يعني اكو مسجات قليلة بيناتنة بين فتره وفتره ان شاء الله بالمُستقبل أعرف عليها أكثر لإن أُخت الحُب هاي
....
السـاعة حاليًا بالوحـدة ونص كاعـدة وي افكاري الي كُل ما اصـفن افكر بصـديق حيدر رغم أريد انـساه وداحاول ودانـجح بهذه الشي ورب العـالمين دايسـاعدني علمود انساه لإن ما صـاير بس كم موقف بينـاتنة وهاي قبل خـمس
سـنوات گُلش هواي وقـبل فترة بس دخلت على حـسابة الي بالفيسـبوك جان ناشر صـورتة وهوَ لابس لابكوت ووراه مكـتوب جامعة الاسـكندرية وبأيده جانت اوراق الـصورة حفظتـها ثاني يوم مسحتـها وقررت انـساه
أريد انساه لان ما أعرف نهايتي وياه شنو ما اعرف يجوز يحب وحده من گرايبج او هيج شي مثل حيدر وفُستقه يجوز مُعجب بابنية أني لهذه السبب قررت انساه واعوفة وما افگر بي
خذت تلفوني ضليت اتصفح بي ماحسيت اله على اذان الفجر نزلت توضيت ورحت للصالة طلعت السجادة وصليت صلاة الفجر كملت وطلعت قرآن بديت من البدايه لإن صارلي هواي ما قارية القرآن
خلصـت ودعيت رب العالمـين يطلعه من گلبي وانـساه واشوف حياتي ويشوف حـياتة ويتفوق بيها خلـصت وكمت صعدت فوك تـمددت ونمـت
....
كعدت الصبُح على صوت أمي :- كوووومي ريتاجة
- كاييييمة
كمت تريكت مر اليوم عادي كملت تنظيف وصعدت فوك أول ماصعدت اتصلت على حيادر فصله واتصل عليه كاميرا جاوبت جان كاعد على البحر والاركيله كدامة :- شلونج بويه
- الحمـدُلله
- عسـاج دوم ، يومـين واجي
- والله
- وداعـتج
أبتسمت وسكتت شويه وسمعت أُغنية مجنوني اشتغلت وكال :- فُستق ؟
- عُـيوني
- وين تردين شهر العسل
- هههههه حبيـبي هسه احنه متـزوجين
- ميخالف ماعنده سوالف نلتهي بكم سالفة لإن ما أريد اسد الاتصال واروح
- هممم بكيفـك
- لا مو بكيفي بكيفج أنتِ
- مو اختـياري ما راح يعـجبك
- لا يعجبني كولي ؟
- لمـصر ؟
سحب نفس من الاركيله وكال :- يجرالج گُلشي
- مو ما تحبـها وداتريد تـخلص منها ؟
- احبها لخاطرج
- همم
ضلينه نسولف شويه وسداه مرت اليومين عاديات جنت كاعده بالعشرة جوه بالصالة ودز حيادر كاتب :- طيارتي بثلاثة فساتق
- بالسلامـة ان شاء الله يا روحـها
دز قلوب خضر مر الوقت اجه ثاني يوم كعدت الصبح على صوت حُسين يصيح جوه :- راح يفتحوو الحجر الصحي رااااح يفتحوو
نزلت جـوه صبحت عليـهم وكتله :- شـعندك بالحجر ؟
- راح ارجع اداوم
- أبو الانكلـيزي
- تروحين فدوة للانكليزي
- ههههه ، صدُك ليش يفتـحو هوَ خلص الفيـروس ؟
- لا ما خلص من يفتحو لازم الناس تلتزم بالتعليمات
اجه اتصـال على أمي جـاوبت وكالت :- شلـونج عمه
كملت وسدته وكال حُسين :- أني هم كلت نروح نمر عليهم ونرجع ما طول حيادر راجع
أمي :- الرجـعة الأخيرة هـاي
حُسين :- اي كالي ان شاء الله الرجعج الجاية وياه آسر يرجع
أمي :- صـديقكم ؟
حُسين :- اي المُهم العصر نروح ونجي باليل
أمي :- هـاهيَ
رحت تريكت وكملت اجه العصر بدلت وكملت لبست الهدايا مالتة لبست كمامة وكفوف ونزلت شفتهم مكملين رحنة صعدنة السيارة وطلعنة
وقـت ووصلنة لكينـة سيارة گبال بيتهـم صفيـنة سيارتنة ونـزلنة دكينه الباب طلعـت حواء فتحـت النه دخلنـة وحضنتني وكـالت :- مشتاقتلج
ريتاج :- حييييياتشي
سلمـت عليهم ودخلـنة جوه لاكتنـي ليلى وأمهـا واختها وأسـماء كاعدة يمهن رحت سلمت عليهـن وليلى تباوع عـليه بنظرة ارتبـاك او هيج شي ما عـرفت افسرها گُلش زيـن
كملنه سلام وكعدنة دخل أبو حيادر وحيادر وحليم سلمو وكعدو اباوع على حيادر يريد ياگلني بنظراتة الي مليانه شوك ولهفه وأني احس أريد ابجي لإن بس هاي الجية الي يجي بيها وقتي والجية الأخيرة بعد سنه
صـاح حواء وراحو بالمطبـخ عشر دقائق وحواء صـاحت بأسمي التفتت شاورت أمي حـركت راسها بمعنى اي وكـمت دخلت للمطـبخ أول ما دخلت لاكتني جـرت ايدي وكالت :- صعـدي فوك حيدر يريـدج
- خاف تجي ليلى لو اخواتها ؟
- مايـجن صـعدي
- بله صعد حليم ؟
- محـد يصعد كُلها ملتـهيه تسولف هيَ خمـس دقائـق ونزلو لاتضلون سنه
- يله ماشي شكراً حماتي
- عُيوني الـچ
رحت صعدت فوك مالكيته دخلت لغُرفتة مالكيته رحت لغُرفة حواء لكيته دايدخن وظهره على الباب حس عليه التفت شافني باوع عليه وره وقت كال :- عذبتيني ريتاجة عذبتيني
- ليـش حبيبي ؟
- كُل رجعة ارجع بيها من السفر اشوفج احلى من القبلها كُل رجعة وأني دانتظر الرجعة مالتي الأخير علمود نصير بالحلال مُشتاق لمخدارتي ولحضنج هواي مِشتاق تعبت وأني أريدج تصيرين حلالي دانتظر كُل ثانية من عُمري علمود هاي اللحظة أحبچ فُستق أحبچ
- أحبـك هـواي
أبتسم سحب نفس من الجگارة وذبه وكتله :- أرجع ؟
- چو ابقـي يمي
- كم يـوم تبقى ؟
- أربـعة
- قلـيل
- هـواي
- تجـي هُناك يمـنة ؟
- اي يجـوز اخذ الي يوم يمـكم لو باجر
- تمام يا عُمـري
- احلى جيـه بحـياتي هاي
- ليـش ؟
- لإن مطمئن الجيه الثانية الأخيرة والي بيها راح تكونين حلالي كدام الناس وكدام رب العالمين
- أعشـقك
- هايم بيـچ
شويه ونزلت جوه ضليت اسولف وي البنات شويه وكامن للمطبخ دايحضرن عشه مر الوقتة نصب العشة تعشينة وكملنه رحت للمطبخ اغسل غسلت ورجعت كعدت يم أمي ساعة وكال حُسين :- يله نكوم
بعدها أمي مـمجاوبه وكال حيادر :- شـنو السالفة ليش ما تبـاتون ؟
حُسين :- الوالد هُناك وحده والله
حيدر :- قابـل صـغير يا حُسين
حُسين :- لا شنو السالفة
أمي :- اي والله هُنـاك ما منطي خبـر وباجر ان شـاء الله يطلع للشـغل
حيدر :- والله تبقون
كلمة منا وكلمـة منا كالو براحتكـم اباوع على حيـادر ضـايج بس ما بـأيده شي دعيـت ربي تمُر هاي السنة الأخيٰرة بسلام كمنـه سلمنه وطلـعنه طلع ورانه حـيادر رحت أني وأمي صـعدنه بالسيارة ضل حيـادر وحُسين يسـولفون بره
شـويه وسلم حُسـين عليه واجه صـعد باوعت عليه من جـامه السيارة أبتسم ابتسامـة خفيفة وحرك السـيارة حُسين شـويه ووصلنه نزلنه أني وأمي وحُسين طلع يجيـب عشه
أول ما نزلت گبل صعدت فوك راسلت حيادر وكتله :- حيادر ليش لحيت على حُسين بله شك اكو شي ؟
- عـادي بويه يـعرفني الح علـمود مو علمـود شي ثاني
- متأكد ؟
- وداعتـج يا عيـناي ، باجر أني يمكـم
- تبات ؟
- اي بس يـوم علـمودج
- تمام عشقي
خلصـنه ونزلت اجـه حُسين مر الوقـت اجه ثاني يوم كـاعدة العصر اندك بالباب هورن كام حُسـين فتحه أني طـفرت للمطبخ أشـوف منـو من شباك المطبخ هوَ اكيد حـيادر ماكو غيره دخل حُسين وحـيادر ودخلو للصالة
ضليت بالمطبخ واسمعهم يسولفون :- يعني هاي السنه هيَ تدريب لو السادسة التدريب ؟
- السادسـة التدريـب وراح أجـي اكملها هُنا
دخلت عليه أمي وكالت :- سوي اله جاي
- ميخـالف
سويت جاي على السريع جان عدنه كعك طلعته حضرت الصينية ودخلت وسلمت عليهم ردو السلام وديت كُل واحد واستكانة خلصت ورجعت الصينية للمطبخ ورجعت كعدت يم أمي اباوع عليه وهوَ منطلق سوالف وي حُسين
صافنـة عليه ومبين الكبـر عليه والتعب گُلش حـسيت على نفـسي ووخرت الصفنة وكمـت صعـدت فوك مر اليـوم عادي اجة أبـوي العصر جنت بالمطبخ وديت اله كـلاص مي
وراح غسل ودخل للصالة وأني صعدت فوك مر الوقت اجه الليل تعشينة وكملنة وصعدت فوك طلعت ملابس دخلت سبحت طلعت مشطت شعري وكعدت تمددت اتصفح بالتلفون
راسلتـني حواء وكالت :- راح اخـابر أمج تخليـج تجين وي حـيدر
- ليش ؟
- هوَ شني أني مشتاقتلج
- يجوز ماتقبل
- بلكت تقبل هسه
- خابري ورجعيلي جواب
- صار
راحـت مـرت نص ساعة اتصـلت عليه وكالت :- قبلـت تجييين وي حيدر قبلـت والله
- شلون وحُسين وأبوي اكيد مايقبلون ؟
- لا جان حُسين يمها وكاللها اي
- مداصدك
- والله شبج
- كم يوم
- واحد
- يله أحسـن من مـاكو
سدته وراحت رجعت تمددت مر الوقت نزلت اشرب مي من المطبخ وشفت حُسين وحيادر كاعدين دايسولفون عفتهم ورحت شربت مي وصعدت فوك تمددت ضليت كاعدة لإن اعرفه راح يكلي ابقي كاعدة
ضـليت اتصفح باليوتـيوب مرن ساعتـين وأني كاعـده صارت بالوحـدة ونص تقريبًا واجـاني مسج منه فتحـته وجان كاتب :- كاعده تامور گلبي ؟
- اي جنـت مـنتظرتك ، أنـزل ؟
- لا بويه خاف يضل كاعد حُسين واسبب الچ اذيه ما اقبل على نفسي أني
- لا مايكعـد حـيادر
- ميخالف بويه ما أريد اسبب الچ اي شي
- تـمام حبيبي
- تصبحين على خير
- وأنتَ بالف خير
دزلي قلوب أبتسمت بقيت كاعدة سمعت أُغنية .مجنوني ثلاث مرات تقريبًا ونمت اجه ثاني يوم صار العصر كمت بدلت بنطلون أسود عريض وستره حمرة جواها يصير هاينك أسود خليت عطر طلعت اظافر اصطناعية جديده
عندي لونهم احمر لزكتهم على اظافيري هلصت وسويت شعري لبست السنسال والساعة كملت ونزلت لبست الحذاء جوه ولبست كمامه سوده ردت البس كفوف بس أني مخليه اظافر
حيدر :- يله راح تنـأخر أبوي يـريدني منك
ريتاج :- جايه
بوسـت أمي وطلعت صـعدت بالسيارة شويه واجـه حرك السيارة وانـطلقنة وأني كاعـدة ليورة باوع الي مـن جامة السيـارة وكال :- شنو سـايق كدامج
- اعذرني حيادر بس والله هيج كدامهم صدت ليوره
- هاهيَ بـويه
سكتنه شويه وكال :- تتزوجيني فُستق ؟
- هههههه حـيادر أني الاعرفة الرجـال من يريد يـعرف قبول لبنيـه يقدم الها خـاتم ويسألـها
- تردين خاتم ؟
- لا حيـادر بس داكول مو بالسـيارة
- ولا يهمچ اسويهن ذن بس جاوبيني هسه تقبلين تتزوجيني ريتاجة ؟
صفنـت وطولت بصـفنتي وكال :- لا تصـفنين جاوبي ؟
- بس أني مريضة ؟
- أني دكتورج وراح اعالجج
- مُمكن اتـعبك ؟
- تعبج لوز يفُستق
- احتـمال ما اصير أُم بالمُـستقبل ؟
- مانريد اطفال وراح نصير احلى اثنين أني وياج
- تتحمـل ساعات صـداعي ؟
- گُلشي اتحمل المُر اجرعه إذا تردين گُلشي وياچ حلو كُلشي الغلط الصح المُر الحلو گُلشي
- أحـبك حد الهُيـام
- وأني بعد أحبچ حد الهُيام
أبتسمت وباوعـت للطريق مو نفسـه وكتله :- حيادر ويـن رايحين ؟
- مفاجأة
- شنو هيَ ؟
- داكول مفاجأه يا عيناي أنتِ
- هممم مو نتأخر ؟
- لا ما نتأخر
- تمام حياتي
عشر دقـائق ووكفنه كبال مـحل ورود نزلنه سـوه وكال :- نـدخُل ؟
- بس بمُناسبة شنو هاي الورود ؟
- احلى يوم بعُمري كُله
أبتسمـت ودخلنه سوه كعدت على الكـراسي وهوَ بدأ يسـولف وي أبو المحل كمل واجـه كعد يمي باوع عليـه وكال :- الورد للورد
- داتخجلني
- وخجلي يلوكلج فُستقه
مر الوقـت كمل باقه الورد وراح خـذاه حيادر واجه يمـي انطاه الي باوعت عليه خـذت الوردات بـاوعت اكو قصاصـة لونها بيـجي خذتها وفتحت جان مكـتوب بيها "٢٠٢١/٦/١٠ أجمل لقاء "
وتوقيعة جوه ابتسمت ورفعت راسي باوعت عليه وكتله :- الله يخليك الي ويجمعنه بالحلال
- آمييين فُسـتق آمين
طلعنه من المحل وصعدنه بالسيارة خذت كم صوره للبوكيه وكال حيادر :- هاي أول بوكيه ورد لعُيونج من تنزوج ان شاء الله ماكو يوم ما أرجع بي وما اجيبلچ بوكيه
- هههه مايحـتاج حيادر وداعـتك
- لا يحـتاج فُستق يحتاج وهـواي هم
- زين هاي البوكيـه شلون راح اخـذها وياي
- ضميهـا بكنتوري إذا تردين واقـفل عليها ومـحد يتقرب الها
- تمام هاهيَ لعد
سكتـت واجاني اتـصال على تلفوني رفـعته شفته من حُسين جـاوبته وكال :- ريتاجة وينـج ؟
خفت من سؤاله وجاوبته :- ليش شكو ؟
- داكـول وينـج وحييدر يـمج
- اي هيـاته
- انطينيـاه سريـع
....
يتبع ⬅️ - البارت الرابع والاربعين -
روايتي
قناتي مال التليكرام بالبايو مال الواتباد
نسولف بيها دائما بخصوص الروايه .
الانستا ⬇️.