لينار شافت لايلين بين يدين سيليا وكلها رجعت دم لاحت يدها لشعرها وبدات تهدر
لينار:ماما نوضيي..ماما قلتيلي منزيدش نخليك...ماما تشفاي كي قلتيلي نبقا معاك حتى تقراي وتتزوجي؟؟...ماما راح تولي كذابة ومتوفيش؟؟...ماما متزيديش تموتي هيا نوضي..ماما قلتيلي منزيدش نبعد عليك شوفي سيليا وبابا كيفاه راهم يبكيو عليك نوضي(قربت لخدها سلمت عليها وبعدت تشوفلها مزالت كيما راهي راقدة وحتى حاجة متحركت فيها..تملاو عينيها بالدموع كأنو هدا وين بدات تفهم وش صاري وتتقبل الفكرة..شافت للاروب كلها دم..نور ايلين اللي كان ساطع من تبسيمتها تاع قبيل راهو غايب ضك..شافت فسيليا ودميعاتها يهبطو)
لينار:سيلياا...قولي لماما تنوض ولا راح نبقى نبكي هي متشتيش تبكيني نوضيها
سيليا رجعت تبكي كثر ولصقتها فيها:مراحش نخليك تحسي بغيابها..راح تكوني أمانتي
لينار بدات تضرب على صدرها وتبكي:مهااني خليينييي..جيبووولي ماما منزيدش يقولولي يتيمة مهاااني ..مهااني ماما قالتلهم راني معاها متزيدوش تقولولها معندكش ماماك خليوني نوضها مهااا بعدوو(طلقتها سيليا مخليتها طايحة على صدر ايلين ومحظنتها تبكي)
لينار:ماما..ماما هيا نوضي متروحيش ماما عيشك والله نتوحشك ماما والله تعيشي متروحيش اماما. ماما علاه راح تروحي وانا معامن نلعب ولمن نقول ماما..ماما عيشك نوضي ومنزيدش نقولك ديريلي روج ومنكونش مشاكسة ومنزيدش نقولك اعطيني تلفون ونفسدهولك ماما هيشك متخلينيش مزلت صغيورة نحتاجك اماااميي...(شوكاتهم كامل كي هزت راسها للسما وعيطت):ايليييييييييين نووووووووضييييي..ايليييييييييييين بنتك تقولك نووضي نوووضيييييي
لهنا تخطف ماهر من بلاصتو وهزها عندو بيسك كانت تضرب على صدر ايلين و تعيط وقلبو مفسوخ من الوجاع على حالة بنتو...شكون يداوي ضك نفسو وقلبو ولا قلبها هي؟
لينار بقات تتحروز عند ماهر وكملت عليه بكلامها اللي حسو موس وتغرز فقلبو المجروح معمق هاديك الجرحة اللي تنزف و تعيط
لينار:اطلقنييي اماااهر اطلقنيييي نكررررهك مهاااني بسبتك نتا ماما ماااتت بعد عليا مااهر نكرهك مشبعتش من ماما مناه نتا قلتلي ماتت..خلينيييييي اهئ اهئ ماااامااااا جيبوووهاااااااليييي قلتلها متزيديش تخليني وخلاتني علااااه؟؟ اهئ اهئ انا ماشي طفلة سيئة حتى تموت ماما زوج مرات وتخليني منشبعش منها علاه خلاتني؟؟
سكتت على صوت جليل الي زاد كمل عليها كان يحكي بصوت بارد ومقلق وحزين صوت حقد وكأنو يستشفى فحالتها
جليل:ايه يا صغيرة نتي سيئة وكان مفروض تموتي نتي مش بنتييي راح تموتي على يدي متخااافيش راح نخليك تموتي وتتعذبي نتي والشيطانة اللي معاك بيسك بسبتكم بنتي ماتت ومراحش نسامحكم راح نوريكم الويل
ماهر ضم لينار عندو اللي سكتت..سكتت تماما وبقاو غير دموعها يهبطو كانت تشوف لجليل اللي يخنزر فيها وعينيها خاليين من أي تعبير
سيليا شافت للينار وحالتها كيفاه تيبست كأنو دخلت لعالم ثاني بعيد على هاد العالم ووقفت ماشية لجليل بكل قوة وثقة فعينيها
وصلت عندو ونحات لمازن السلاح اللي فيدو ووقفت مقابلتو ومصوبتو جيهتو
سيليا:نتا أسوء أب وأسوء انسان عرفتو فحياتي..كان لازم نقتلك من قبل وكي كنت بيناتكم كان لازم نفجركم ومنخليكمش للقانون كن قتلكتم هدوك ليام كن موصلناش هنا..(شافت لايلين اللي فاللرض راسها على حجر ماهر ولينار قاعدة وتشوف ليهم بدون اي حركة):كان لازم نقتلك قبل متلحق لختي وتقتلها هي وبراءة بنتها وبنتي لينار..صدقني مهما كان حسابي ليك مراحش نقدر نسامح روحي اللي خليتك تلحق ليها يا كلب
جليل:هههه من صحك؟؟...ايلين ماتت بسبتك نتييي مدتلك حيااتها لييييييك بيسك بغلة وحبتك بصدق ونية...بصح راح ندي حقها منك حتى لو قتلتيني ليوم راح نخليكم تندمو نتي وهاديك فلوسة عمراني. ايلين ماتت بسبببتكم نتووما ورااح تخلصووها غاااالية مني اناااا
سيليا زيرت سلاحها وبدات تيري عليه بلا انقطاع في اي بلاصة من جسمو تعيط بهستيرية
سيليا:خلااااص اسسسكت اسكتتتت بللللع فمك مووت مووت وهنينا صااااايي موووت اخطييييينا صااييي بعد على حياااااتناااااا ااااااااااااااااااه خلااااااااااص
طاحت على رجليها كي خلصو رصاصات سلاحها مخبية وجها بين يديها وتعيط وجليل طاح جثة هامدة جسمو معبيتو ثقوب رصاصها اللي جاو في كل بلاصة
مازن تلاح ليها للأرض وتكاها على صدرو وهي بدات تبكي وتعيط بهستيرية
سيليا:علاه مقتلتوش من قبل علااااه؟؟..اهئ اهئ ماااازن كنت معاه كي كان يقتل فالناس البريئة وممنعتوش حتى لحقت بيه يكون سبة فموت ختي لااالااا ياربي علاااه..علااه مجاتش فيا وجات فيها كانت جااااية لياااااااا اهئ اهئ ايليييين خلاااتنييي
مازن:اشش كاتبة..اسكتي لينار تحتاجنا نكونو كامل قويين علاجالها سيليا
سيليا:مهاا لالا مازن لالا والله مراني قوية كيما نبين والله اهئ اهئ انا ضعيفة بعيد على ايلين انا نكون قوية غير علاجالها كي متكونش هي نضعف ونطيح هي قوتييي امازن منقدرش بلا بييها اهئ
مازن ضمها لصدرو:علابالي ياعمري علابالي مي هكا كاتبة انا راني فخور بيها ياحبي بلاصتك عندها بانت في أسمى صورة صدقيني..دافعت عليك وعطاتك حياتها بلاما تتردد كيما تدير الأم لولادها..دارت نفس عملة يما لولدها وهاد الشي يعني باللي هي تعتبرك بنتها صح يا سيليا ووصاتك على بنتها ولازمك تتقواي علاجالها..علاجال لينار
ماهر هبط راسو يمسح دموعو على كلام مازن وشاف لايلين بين يديه
ماهر:ايلين..شوفي حالتنا بلا بيك..نوضي ارجعيلنا(شاف للينار ساكنة كيف الحجرة بين يديه حركها شوي):ليناار..لينااار بنتييي لينااار
شافولو كامل وسمير قرب ليهم
سمير:ماهر...بنتك من قبل نفسيتها مهيش سوية ظاهرلي دخلت صدمة..هز بنتك فالحييين لطبيبة ماهر
عصماء قربت وجها صفر خالص من البكا وشافت لايلين فاللرض وشهقت خالعتهم معاها
عصماء:د.دم من وسطهاا...ايلين...دم من وسطها علااه؟؟
بالوقت دخلو الاسعاف اللي طلبهم دانييل يجريو بالنقالات الطبية تاعهم
دانييل خاطبهم:هزو هادي أول شيي (كان يحكي على ايلين)ازربو هزوها
قربو الاسعاف وقف ماهر ولينار فيدو وخلاهم هزو ايلين فالنقالة ومشاو مديينها معاهم
نور كانت تبكي على حالة سيليا ولينار وايلين وشافت لجنبها متسائلة جان علاه محكاش على ختو؟؟ شافت ليه لقاتو دايخ والشيميز البيضا والفاست الرمادي تاع السوت تاعو رجعو للزوج مليانين دم زربت تعيط على الاسعاف يتفقدوه
نور:يا ممرضة اروااحيي
قربت الممرضة ليها بزربة حاسبتها متصاوبة:وي آنسة راكي مقيوسة؟؟
نور شافت ليها وشافت لجان وش راهي تدير؟؟هو معندوش ربع ساعة كان خانقها..هدا الانسان اللي دمرها علاه متخليهش ينزف ويموت وتتهنى وتبرد غلها فيه علاه عيطت للمرضة تعاونو بلاما تخمم؟؟؟ وش هدا الحب المزمر؟؟ تنهدت ولصقت فبشرى كثر تحكي:هاهوك متصاوب..عاونوه
الممرضة غير شافت لجان جرات ليه وعيطت لجماعتها جابو نقالة علاجالو وبشرى حكات
بشرى:علاه راكي تعذبي فروحك؟؟...وش راكي تديري انور؟
نور بقات تشوفلو:معلاباليش...مي...لازمو يعيش...لازمو يعيش باه يشوفني كي نربح ونوقف من وراه..لازمو يتعالج باه يعرف باللي مكسرنيش..راح يندم...راح ندموو...
بشرى:خلاص احبي ريحيلي روحك وخليه للأيام...القدر راح يخليه يتحاسب ثاني ومثني على وش دار فيك
الحالة فالصالة ولات هدا داخل هدا خارج هزو ايلين وجان ونسيمة فالاسعاف ورجال دانييل هزو المجرمين كامل الضياف مصدقو فرات الحالة هزو رواحهم وخرجو...
أبطالنا ظلو الليلة فالسبيطار
في الرواق تاع السبيطار ماهر قاعد وحاط راسو على الحيط بوهن طاح تماما بعد وش سمع من عند الطبيبة اللي تولات حالة ايلين
"مرتك توفات هي والجنين اللي فأحشائها"هي هدرت هدرة عادية طبيعية جدا هي برك خبرتو على حالة مريضتها ياك؟؟...ميي..ماهر عقلو مخلاهش يدي السيجي بتقبل هو رجعو لقبل 5سنين كيفاه عطاه قلبو يبكي ايلين على لينار ويخلي النار اللي شاعلة فقلبو ضك على صغيرو الثاني تشعل فقلبها من قبل..مهوش مأمن باللي وجع حبيبتو لهاديك الدرجة وخسرها قبل ميعوضها..ليوم ماهر خسر ايلين وطفلهم صح...قبل 5سنين هو كذبها مي دارت ليام وكتبتها على فمو مكتوب وخلاتها تتحقق وين يشوف يلقى حاجة تزيد تهبطلو مورالو وتطيحو...يماه ماتت بيسك عطاتو حياتها..مرتو وولدو ماتو وخسر شمس حياتو للمرة الثانية..بنتو راهي في حالة يرثى لها معا الطبيبة النفسية اللي عندها 3سوايع لاصقة معاها لداخل ومزال منطقتش مزالت بنفس حالتها..سيليا قاعدة كيف الميتة وجها صفر وعينيها زورق وحالة عصماء وسمير منحكيوش عليها غير ساكتين ومستنين لينار تكون لباس
جان في شومبرة طبية وحدو راسو وكتفو بالشاش الطبي والمصل مربوط بيه غايب على الوعي
مازن غير واقف ويدور هنا ولهيه يشوف لسيليا يلقاها غايبة تماما ودموعها يهبطو ويحبسو يتلمو و ويزيدو ينزلو..والشي اللي واجعهم كامل حالة لينار..وش راح يكبر هادي الطفلة وينسيها فهاد النهار؟؟...راح تكبر هادي سنة لحياة مي مستحيل تنسا هاد النهار..راح يبقى مرسوم فبالها ونقطة كحلة توجع فقلبها كل ما تتفكرو لآخر يوم فحياتها
اما عند نور في دوش دارها واقفة تحت المرش ومخيلة هداك الما يهبط عليها كشما يطفي نيران قلبها اللي راه يتحرق
زيرت على الحيط بيديها للزوج وشافت للما اللي ينزل وتلاحت للعين مسكرة الماء السخون وخلاتو يكون بارد يهبط عليها كيما راهي وقعدت فاللرض غامة وجها في يديها
نور:اهئ اهئ صااااييي اقلبي بلللع فمك صااااييي بركا متوجع فيااا علاه يعني علااااه اخطينييي مووت رووح علياااا علاه راك تتوجع درتها بيدك تستاااهل..(بقات قاعدة تبكي وتزير بيديها على لحمها يديها ورجليها وركايبها كامل رجعو جروح من ضفارها اللي طوال)::حبييييييتك اجاااان اهئ اهئ علاه درت فيا هكا علاااه؟؟..اهئ اهئ وش ندير بليسوفونير تاعنا وين نحطها علااااه علاه بكيتني يااازح وش درتلك من غير اني حبيتك اهئ جاااااااان...نكرررررررررررهك اهئ اهئ
وقفت وبدات تهز فقرع الشومبوان والجال دوشو لي برودوي وترمي فيهم وتعيط
نور:علاااااه وش درتلللللك علااااااااه؟؟؟؟ اهئ اهئ اخطيييوني كررررهت هاد الناس من غدرهم خلووووني لراااااسي صاااااايي معادش كاين كونفيووونص (بدات تضرب على قلبها)راح نكويييك رااح تمووت وتسكت عليا بسييف عليييك صااايي خلي عقلي يتصرف راح نرميك في أعمق نقطة فيا ياقلبي الكللللب صاييي قود عليااا ياريت نقدر نفتح صدري ونهزك ونرميييك بركا متعيط باسمو بركاااااا
سكتت قاعدة فاللرض على بشرى اللي دخلت ليها زربت فاتت للروب دوبان لاحتو عليها وحظنتها يبكيو للزوج
نور:اهئ اهئ بشرى قلبي راو يوجع علاه دار فيا هك وش درتلو؟؟...يشهد عليا ربي باللي حبيتو برك يازحي...يااالرب وين الغلط فالحب والثقة وينهي غلطتيييي؟؟..وينهي الغلطة اللي تحاااسبت على دين باباها الكلب وينهيييييي؟؟؟؟
بشرى:صايي ياروحي صايي ميستاهلكش راح يخلصو مولاه والله ديري فيا كونفيونص راح يندم دعاوينا راح تبقى وراه لآخر يوم فحياتو
نور:منيش قادرة نكرهو...علاه عقلي راه يجيبلي غير فليسوفونير الشابة اللي عشناها مالقري تتحسب على صوابعي علاااه؟؟...هدا قلبي ولا قلبو انم/ي معاامن راه واقف؟؟؟
بشرى جبدتها عندها وبقاو للزوج يبكيو برك خلي نور تبكي وبشرى تهاودها حتى تريح بيسك حالتها مهيش تاع سماع هدرة ولا نصائح...هادي فترتها هي..فترة نقاهتها وضعفها باه كي توقف معادش تطيح..
في السبيطار خرجت الطبيبة بسيف من الغرفة اللي كانت فيها مع لينار وقف ليها ماهر ومازن وسيليا يجريو
ماهر: وش بيها؟؟
الطبيبة شافتلهم كامل متلمين وسقسات:نتا باباها؟؟
ماهر:ايه انا
الطبيبة شافت لمازن وسيليا وراه ونطقت:ارواح معايا للبيرو ونحكيو
سيليا كلبت جات تتلاح ليها:حنا كامل والديها وش راح تخبي علينا وشبيها انطقييي
الطبيبة بعدت عليها ومازن حكمها
مازن:سيليا اركحي
سيليا:ماازن خليني قولها تنطق وش راح تخبي عليا وشبيها أمانتي لينار وشبيها؟؟
ماهر كالما سيليا بيدو وشاف للطبيبة:هادو ثاني والديها تقدري تحكي حالتها بالتفصيل قدامهم
الطبيبة تنهدت تشوف لسيليا وحالتها باينة بكات دموع مخها كامل ونطقت:الطفلة تلقات صدمة وللأسف دخلت فحالة بكم اللي نسموها البكم بعد الصدمة واللي راح يخليها متحكيش معاكم ومتسمعوش صوتها طول ما مخرجتش كل هدراتها في وقت الصدمة..غالبا تكون لأنو الطفل ي يتعرض لصدمة ميكملش يفرغ قلبو وتبقالو غصة كيما نقولو..ولثم يولي يشوف الكلام الثاني معندوش فايدة لأنو في وقت الصح مهدرش صح أطفال مي النفسيات مليهاش أعمار الصدمة تجي للصغير ولكبير
سيليا ركشت عند مازن ورجليها معادتش حاسة بيهم ومازن كثرمنها صغيرتو وبنتو وختو وكلشي ميقدرش يتقبل فكرة تكون حابسة هو والفها ووالف هبالها كيفاه راح يتحمل يشوفها ساكتة وديما وحدها كيما المتوحدين(منيش نطيح للمتوحدين ربي يشفيهم مساكن مي غير باه يوصل الاحساس شغل التوحد صعيب ومازن يعرف لينار وشخصيتها وميقدرش يتقبل تصاب بهاداك المرض) وهو اكثر واحد يعرف الروح المرحة اللي فيها وماهر زير يديه على خصرو وصورة ايلين بين عينيه قاتلو اتهلى فبنتنا مستحيل يخلي شي يصيبها مراحش يضعف بكاه عليها ضك معندو حتى فايدة لازمو يحوس على حل
ماهر:امكانية علاجها؟؟
الطبيبة:راح تكون صعيبة شوي بيسك كانت من قبل مش سوية نفسيا مسيو...اذا راح نقولك برك داوملها على العلاج وراح نتواصل مع أطباء شاطرين عرفتهم فمسيرتي يعاونوها وراح تتعافى نشالله
هزلها براسو ايه ونطق:نقدر نفوت نشوفها؟
الطبيب شافتلو غايضها:اصلا لازم منا وجاي تبقاو ديما وراها ومعاها وتسييو تعالجو نفسيتها بسيف لأنو البكم اللي راهي فيه راح يتطلب خبيرة اورطوفونية واللي هي طبيبة نفسية مختصة في هاد الحالات تاع الخلل فالنطق وهي اللي تعاونهم ينطقو مرة أخرى في هكا حالات..مي مراح تقدر تدير والو وحالتها النفسية مهيش مستقرة..مالا نتوما راح تكونو السبب الأساسي في شفاء صغيرتكم لازم تهزو همتكم بيسك الضعف في الطيحات مهوش حل وتبقاو وراها وتخليو نفسيتها ومعنوياتها ديما مرفوعة
مازن:ان شاء الله دكتورة شكرا
ماهر:يعطيك الصحة ميرسي
سيليا:شكرا دكتورة
الطبيبة:بلا مزية نتمنى نشوفها رجعت لطبيعتها في أقرب وقت نشالله
الكل ردلها آمين وهي هزتلهم براسها ايه وراحت
دخل ماهر لعندها لقاها راقدة بيسك الطبيبة عطاتها مهدئ يريحها سينو تبقى بحالتها متيبسة وتشوف للفراغ عشر ليالي نورمال بلاما تحس بالتعب
قعد وحكم يدها..للمرة الثانية هو قدامها في مستشفى ويتعذب لحالتها.
ماهر:وش راح نديرو بلا يماك ابنتي؟؟....شكون راح يخلي شمس لحياة ترجع تطلع على حياتنا يالينار؟؟...لينار بنتي متطيحيش راني غير غبارة ذايبة تنفسي عليها تروح يابنتي وش ندير انا بلا بيك وبيها..لينار حبيبتي تعافايلي قريبا تعيشي (حط راسو على يدها وخلا دموعو ينزلو):وش راح ندير منا وجاي اليناار وش راح نديييييير....وينهي ايلين وين راهي شمسي يااربي وش راح ندييير.. لينار بنتي قلتيلي كرهتيني باه نقابلك ياربي لعزيز وش درت انا خليت بنتي تكرهني بيدي.. وش راح نجاوبك ابنتي كي تكبري وتقوليلي علاه فرقتني على يما وش راح ندييير(هز راسو وقرب لراسها سلم عليه):لينار نوضي وتقوايلي برك وراح نعطيك ونوفرلك كلشي وعد.لينار اوعديني متكرهينيش كي تفيقي من هاد الطيحة...راح ندير كلشي باه منخليش قلبك يبرد جيهتي وتولي تشوفيني سباب وجاعك ابنتي راح نبقى باباك وراح تبقاي بنتي الوحيدة وكل ماعندي فالدنيا...راح تكوني شموستي.. فيقيلي برك من الطيحة هادي.
غدوة من ذاك دارو جنازة ايلين ونسيمة ودفنوهم قدام بعضاهم ولينار مزالت في نفس الحالة من كي فطنت من المخدر ساكتة ومتسمع لحتى واحد مهيش اصلا سامعة لوش راهم يقولو..حالتها انطواء مع البكم...الانطواء هو حب العزلة والمريضة يبدا يشوف روحو في عالم غير عالم الناس الثانية...
بعد مرور عامين
ليوم فاتو عامين على اليوم المشؤوم اللي بدل حياة أبطالنا كامل...ليوم عرس دانييل وبشرى لأنو في مرور العامين هادو هوما حكاو وتفاهمو ولقاو رواحهم أنسب زوج لبعضاهم وقررو يرتبطو ويكملو حياتهم مع بعضاهم
على شط البحر وين تسمع أصوات الموج وتشوف الأضواء الخفيفة مع الغروب في الأرجاء..نلقاو عرسانا خارجين اليد فاليد ويتمشاو على الطابي روج بشرى بلاروب بلونش ودانييل بالسوت
تمشاو وسط الحضور لطاولتهم اللي على الشط بقرب الماء وين غروب الشمس جا من وراهم وقعدو مع كاتب العدل
على جيهة كانت واقفة سيليا بروب غوز فضفاضة ومزيرة على كرشها اللي خارجة فوق الحق بيسك ولادتها قريبة فالأسبوع هدا..ومازن لاصق فيها مكاليها لا تريب فهاد الوقفة..ومعاهم واقف ماهر ولينار قاعدة فالكرسي قدامو قاعدة وتلعب بوردة فيدها بسكااات هبط ماهر همسلها
ماهر:تروح أميرتي تشوف العرسان عن قريب؟؟
منطقتش اكتفات تهز راسها باللا ورجعت مهبطة راسها مع وردتها..طول عامين وهي هك متنطق غير كي تحكمها هستيرية فالليل وتبدا تعيط بكلمات وحدة حفظوها:"أسكت انا خاطية..منيش شريرة وماما مراحتش بسبتي"
سيليا تنهدت بألم وشافت لمازن تأشر عليها وهو سلم على راسها يحكي
مازن:رااح ترجع..قريب تولدي وتتأقلم لينار على وجود صغير جديد يعلمها البراءة وتكبر معاه كيما وصاتنا الطبيبة
سيليا حطت يدها على كرشها تتفكر كيفاه قبل عام كي زارو الطبيبة وسقساو على حال لينار قالتلهم مراحش تتحسن غير اذا جاتها فرصة تكون في وسط فيه ولاد وتشوف تعاملهم كيفاه وفطرتها كطفلة صغيرة راح تخليها تحاول تتصرف كيفهم وترجع لحيويتها وقتها ماهر طلب من مازن وسيليا يتزوجو ويجبولها طفلة ولا طفل يعاونوها ترتاح وهوما مكان عليهم غير ينفذو وفالحين دارو عقدهم وعشا صغير وصارو زوج وزوجتو صح جاتهم صعيبة كيفاه يتزوجو بلا العرس اللي حلمو بيه مي وشمن عرس والناس اللي كانو الأساس فيه بحظورهم غايبين..وشمن عرس بلا غنا لينار وشطيحها وبلا هبال ايلين وبلا تقرعيج وهدرات نسيمة..عرسهم مكانش في بالهم شطيح وغنا منهم كانت فرحتهم بلمة لقراب ليهم فيه..مي معليش اللي كاتبها ربي فيها خير
بشرى كانت قاعدة مع دانييل على طاولة لعقود مع الشهود اللي كانو اخ بشرى وصديق دانييل شافت في كل الحضور مهيش هنا !!كلهم كانو حاضرين ما عدا صديقتها واختها.."نور"
شافت فدانييل بخيبة
بشرى:مجااتش
دانييل شاف ليها وتبسم
بشرى:وااش؟؟؟(حست غير يدين تحطو على عينيها من اللور وصوتها نزل لوذنيها)
نور:بالشوي على نسيبي قريب كليتيه هههه
وقفت كي حررتلها عينيها وعيطت بأحر جهد عندها ناسية ايتيكيت العروس العاقلة تماما
بشرى:اااااااااااه نووووووور ههههههه
حظنو بعضاهم وبقاو يسوطيو
نور:هههه توحشتك اكلبة
بشرى:وأنا كثر يابقرة هكا تطولي الغيبة عامين كاملين؟؟
نور:ههههه الله غالب الخدمة راكي تعرفي..جيت فالوقت المناسب حبي
بعدو على بعض وكيلت نور بشرى ولاروب تاعها
نور:آحححححححيييي جاوك كيما تخيلتو بعد ايمااااا ايماااا على تصميمي شحااال حلوو..ولا مناه تصمم علاجالك نتي حلا كثر؟؟؟
بشرى تلمت دمعة فعينيها:متقوليش نتي اللي صممتيه ومديتيه لدانييل على اساس اختياااارو؟؟؟؟
نور:ههههههه مطلعتيش طبيبة باطل مزية فهمتي
بشرى:اييي ربيييييي هههه نونووشيييي ميرسييييييييي
نور:هههه بلا مزية خر///يتي
دانييل ضحك عليهم وعلى عياطهم كيف لولاد ونطق:انسيبتي بلاك تحشمي تخليني نعقد انا ومرتي وكملو سوطيو لادايرة حمية؟؟
نور:ههههه نناك مشاء الله على لاطاي تاعي متسحقش ندير علاجالها ريجيم(شافت لبشرى اللي تشوف ليها بفخر فرحانة بوقفتها وضحكتها هادي مالقري علابالها باللي غير كي راهي معاها ضحكت اما معليش تضحك مع اللي يستاهل خيرمن انو تضحك مع الناس كامل):هههه هيا ياعروس بركاي التأمل فيا واقعدي سنيي على روحك خليني نستشفا فيك كي دخلتي لقفص الزوجية الكلب ههههه
تبسمتلها وقعد قدام داني والكاتب نطق سائلهم
الكاتب:بشرى#$#$ تقبلي تتزوجي بدانييل@@وتكوني زوجتو وعلى اسمو وتوقفي معاه فالسراء والضراء بناءا على هاد الشي ونتي في كامل قواك العقلية وبدون اي ضغط؟
بشرى شافت لدانييل اللي يشوفلها بهيام ونطقت:قابلة_قابلة_قابلة
الكاتب:دانييل@@تقبل تتزوج ب بشرى#$#$وتكون زوجها وسندها وتوقف معاها فالسراء والضراء بناءا على هاد الشي ونتا في كامل قواك العقلية وبدون اي ضغط؟؟
دانييل تبسم وهو منحاش عينيه على بشرى طول مدة هدرة الكاتب ونطق:قابل_قابل_قابل
نور:يووووويووووووووي واااااااااي
الكاتب شاف فيها:بنتي مزلت منصبتهمش زوج وزوجة علمن راكي تزغرتي؟؟
نور تبكمت وشافت فبشرى اللي خبطت راسها وخوها والضياف شابعين ضحك
نور:سووري تحسمت برك كمل نصبهم(وكملتها فقلبها:تقول مرقة حتى يحوس ينصبهم خراا هدا بهدل بيا)
تبسم عليها ونطق:ونتوما الشهود تشهدو؟؟
صابر(أخ بشرى):ايه شاهد
/÷/÷:ايه شاهد
قربلهم كراس كبير وقعو فيه في ربعة ووقف يحكي
الكاتب:وبموجب السلطة المقدمة لي من طرق البلدية أعلنكم زوج وزوجة(مد لبشرى الدفتر العائلي وشاف لنور):زغرتي ضك
نور:ههههه نو بطلت
بشرى:هههههههه تعجبيني كي تلعبيها مولات كبرياء هيا زغرتيي عليا انا ختتتك
نور:هههههه دااااكور كي عاد عرسك برك يا غالية(حطت يدها على فمها وضربتها بتزغريتة مصراتش):يويوووويووووووويوووووووي
ضكحو مع بعضاهم وقربو يسلمو ويباركو
نور:مبروك عليك ابلوتي الحمد الله مبرتيش فخليقتي ههه
بشرى:ههههههه يبارك فيك حبي لعقوبة ليك
نور تبسمت وسكتت وشافت لدانييل:لوكان تزعفها نكررفصك...ولوكان هي تزعفك..ثاني نكرفصك
دانييل:هههههههه علاه يعني؟؟
نور:هههه هكا بيسك كي تزعفك راح تزعف عليك وتولي مزعفلي صاحبتي باسكو زعفت مناه نتا زعفت منها كي هي زعفتك..ماالااا ممنوع الزعاف بيناتكم من اللخر
بشرى:وراايا دووولة دانييل بيك رد بالك تزعفنيي
دانييل تبسم وقرب ليها:وانا نتجرأ نزعف برنسيستي؟؟..مستحييل
بشرى تبسمت بحشمة ونور شافتلهم بفخر
نور::ربي يدوم المحبة والألفة بين قلوبكم ياربي
دانييل/بشرى:آميين ياربي ربي يحفظك ويعطيك وش تتمناي
قربو الضياف يباركولهم ونور بقات واقفة مع بشرى وتسلم على كل ضيف يجي حتى قربو ماهر ومازن وسيليا ولينار تمشي معاها وحاكمة فيدها
ماهر سلم على دانييل:مبروك عليك شريكي لعقوبة للذرية الصالحة نشالله
دانييل:آمين ربي يحفظك صحبي
شاف لبشرى ونطق
ماهر:مبروك عليك ختي ربي يهنيكم
بشرى:آمين ياربي ميرسي ويهنيك نشالله
هزلها براسو ايه وشاف نور واقفة قامها تبسمتلو وهو قرب سلم عليها بأخوة
ماهر:افتقدنا بلاصتك فالشركة ياصغيرة
نور تبسمت بحنين لأيام خدمتهم مع بعض:وانا توحشتكم..مي متوحشتش الخدمة لثم الصراحة
ماهر:نشالله برك تكوني لقيتي الراحة اللي حكيتي عليها كي حطيتي استقالتك على بيرويا
نور:لقيت أكثر ما تتصور...شكرا بزاف ماهر
ماهر:مدرت والو ختيتو
فرقتهم سيليا اللي باركت لدانييل وبشرى وتلاحت لنور تسلم وتحظن
سيليا:نونوشة الحب..ختيتو الزينة توحششتك طولتي الغيبة ياعمري
نور:ههه سيليوش و انا توحشتك..هاني جيت ههه(شافت لكرشها المكعبرة قدامها وتبسمت):توقفي بالسلامة نشالله جيتي كيوتة تهبلي
مازن:ايه قلتلها من قبل تشبهي للبطة ومأمنتنيش قوليهالها نتي
نور ضحكت وسيليا تخنزرت فيه تخنزيرة موت
سيليا:تبلع ولا نخليك تبطبط وسط الماء؟؟
رد شوفتو سيريو ونزل على ركايبو متخبي ورا لينار
مازن:لالا صاي صاي منزيدش ندور بالاشرار راح نروح مع أميرتي لينار ولا وش قال الينوش؟؟
(شافو ليها كامل مستنيين ردها مي والو اكتفات برك تشوفلو وتهزلو براسها ايه نفس الحركة اللي راح تهبلهم بيها كأنو روبوت متكرهش من معاودتها)
تبسم دانييل وشاف ليها:ههه لينار ارواحي تتصوري معايا
عطاتو بظهرها ولصقت فمازن وهو وقف هازها فيدو
مازن:ارواحي نتصورو مع دانيي
لصقت راسها في رقبتو تحرك فيه بلالا بزربة الشي اللي خلا مازن يرجع على وراه باشارة من ماهر ونور بقات تشوفلها بحسرة هي وسيليا
نور:منيش مأمنة باللي لينار وصلت لهاد الحالة؟؟
سيليا عطاتهم بظهرها وخلات دموعها ينزلو مهيش حابة تفسد لبشرى عرسها بندابها ونور دارت معاها تواسيها
سيليا:وانا مأمنة كل يوم نشوف فيها ونقول غير منام وراح نفطن ونلقاها ريحت مي والو..راهي غير تزيد تغرق فالحزن...هداك النهار راح يبقى نقطة كحلة فحياتنا كامل..من هداك النهار شمس حياتنا غربت ومراح تشرق غير وقت ترجع لينار لطبيعتها
نور:هداك النهار مستحيل يتنسا من بالنا....اما..ملازمش نبقاو لاصقين فالباصي لازم نقدمو ونكملو حياتنا..ربي يرحم ايلين ويشافي لينار نشالله..مزالت صغيرة متستاهلش هاد المعاناة
سيليا:آمين ياربي..ربي يفرح الناس كامل
نور:آميين
سيليا شافتلها ولنظراتها للسما..نظرات نداء السكينة..كانو فيها من قبل.كانت تشوف هك للسما كي تكون تتمنى تنسى وجيعة فقلبها ومارة في ماضيها
سيليا:وشبيك؟؟
نور باقية تشوف للسما:حابة ننسى...ياريت يتباع دوا تاع نسيان كنت شريت منو فارماسي كامل.. (شافت ليها وأشرتلها على الموج اللي قدامهم) شفتي هاد الموج اللي راه يتخبط فبعضاه ضك؟؟ .. راني كيفو..حاسة روحي فيه
#" اشعر وكأني غارقة في بحر بأمواج عالية تهاجمني وتسحبني للقاع
احارب بكل قوتي لأطفو الى السطح وأنجو من أمواج الحزن وآلام الماضي ولكن في كل مرة تأتي موجة وتغرقني أكثر جاعلة التفنس مهمة صعبة علي"
سيليا قربت ليها وحكمتها ملصقتها فيها:على قد منقولك سامحيني على عملتو وعلى قد منطلب الاعتذار على وش صرا هداك اليوم مراحش نعوضك..آسفة يانور سامحيني مي مدام مزالتي مقلقة منو ومكيش مسامحتو انا مزلت مسامحتش جان..كيما قلتها فالعرس..لوكان مترضاش عليه نتي مراحش نرجع نعتبرو خويا..انا ثاني عندي عام ونص مشفتوش...من كيما سافر مولاش..
نور:ههه راه فلامريك مع رين مالا..مهوش لاتي اصلا بسماحك
"هكا يا صاحبي تتزوج بلا بينا؟؟؟"
تجمدو للزوج على الصوت اللي سمعوه وبداو يزيرو على يدين بعض
نور بقات واقفة وتشوف للشمس وقلبها قريب يخرج من بلاصتو تزير على يد سيليا وتحكي فقلبها
نور:ياربي ميكوونش هو يااربي مش هو مش وقتو ياربي مش هو ياااربي ياربي ميكونش جاان ياااربي
مي دعوتها ملحقتش تقطع نص الطريق للسما وولات كي سمعت دانييل يحكي
دانييل:جااان كااامل طل علينا القمر بحظورك علابالك؟؟
جان سلم عليه:ههه ظروف راك تعرف الخدمة منيش كونجي كيفك....رجعت للدومان
دانييل:وأخيرا يااه ههه
تبسم وشاف لبشرى اللي تخنزر فيه
جان:مبروك عليك
بشرى دارت روحها مهيش تشوف فيه أصلا وشافت فدانييل:يظهرلي وقت لعشا؟
دانييل شاف لجان اللي هبط راسو ورجع على وراه :بشرى..جان باركلك
بشرى:داني هدا صاحبك مش صاحبي ومنحتاجش اصلا نكون نعرفو واينك يا نصاحبو مالا مذابيك خلي ليلتنا تفوت على خير
جان:دانييل بلاما تتناشع مع عروستك بسبتي فوتو للاليبست تشطحو
نور بقات واقفة وجامدة مستحيل مهيش قادرة تدور على وراها وتشوفو بعدما عامين وهي هاربة منو وتحاول تنساه مالقري كانت كل ليلة تشوفو وتبكي عليه وبسبتو مي مستحيل متقدرش تشوف فيه ضك
فطنت كي دورتها سيليا وحطتها فالأمر الواقع بلا مقدمات تحكي
سيليا:راح تواجهيه وتبنيلو باللي مش هامك فاهمة؟؟؟
نور غمضت عينيها وبدات تتفكر وش دارلها هاديك الليلة حاول يخنقها وبطاها وكرها فروحها وهربها من بلادها..خلاها مجروحة وعمل فيها عملة لعدو ميديرهاش لعدو خلااص..تفكرت وش دارلها مبقاش جان اللي تحبو هدا جان سباب عذابها حلت عينيها وكلهم نظرة قوة ومشات مع سيليا اللي متكالية بيها مناه كرشها واصلة لفمها راجعين للطوابل يقعدو
جان قرب لماهر ومازن سلم عليهم وبقا يشوف ليهم كي راحو للزوج كيف البرمة وبنتها يتقاودو ونظراتو لاصقة فنور..زيانت ورجعت قنبلة زين وقوة..كيما عرفها أول مرة..مميزة ديما بحظورها
رجع يشوف للينار ولحالتها..فكرتو فخيبتو وحزنو كي فطن وعرف باللي ايلين صح ماتت قدام عينيه وهو كان مشلول ومقدرش يعاونها ووفقها هو خذلها..ايلين ماتت زعفانة منو وهو منفذلهاش وصيتها على نور ودار العكس وفسدلها عرسها منو من عدوها..راهو نادم فوق الحق على الشي هدا
قرب للينار فيد مازن وحاول يهزها مي هي لصقت فمازن كثر
جان:لينار..معرفتنيش اصغرونة؟؟...خالك جان
ضربتلو يدو مبعدتها عليها ولصقت فرقبة مازن اللي اصلا مش عاجبو جان من عملتو هاداك اليوم
مازن:مهيش حابة تجيك بعد
جان:مازن كيما هي بنت خوك راهي بنتي ختي
مازن:ايه صح ختك اللي خربتلها...
سكت على تخنزيرة ماهر اللي يشوف للينار هوما تفاهمو ميزيدوش يجبدو لحكاية لأنو الشي هدا راح غير يزيد عليها ويخلي حالتها تتدهور كثر
سكت وبعد عليهم هازها بين يديه كأنو كنز يخاف عليها من نسمة الهوا وهداك هو الصح مازن من بكري قيسوه فعينو ومتقيسوهش فلينار
قرب ريح مع سيليا اللي لصقت فيها نور وجان بقا واقف مع ماهر يشوفلهم
جان:لينار..قسمتلي قلبي
ماهر:مش كيفي...حالتي كثرمنكم كامل...بنتي راهي هك مرتي خسرتها راني صح واقف غير على الشعرة
جان:وانا خسرت خسرت ملاك بسبة الانتقام المبغل كيفي اللي عماني...ندمت ندامة عمري صح كي بعدت على عايلتي وختي..هه شوف سيليا كبرت وراح تولي أم المتروك تاع ولد عمراني دارها وداها وراح يوليو أب وأم...كان معاها راجل عكسي
ماهر شاف لجان وشوفاتو لنور:أطلب السماح منها وأرجعلها
جان شافلو وضحك بتقوعير:ههه تشيخ بيا نتا ضك؟؟...خوها قريب قتلنيو مبعد يخليها ترجعلي.. اصلا هي موحال تسامحني على وش درت...غلطت غلطة كبيرة ومنيش مسامح روحي فهمي موحال تسامحني
ماهر:مزالك تحبها...نتا من بكري تحبها جان..مي الانتقام كان عاميك..ظاهرلي عرفت غلطت.. اطلب السماح وجرب زهرك مراح تخسر والو...الحياة قصيرة وتسرق منا حبابنا في اي دقيقة اعرف تستغل لحظات وجودهم فحياتنا..ونور ثاني كانت تحبك..أكيد مزال كاين نقطة من هاداك الحب لكبير تشفعلك
جان بقا مركز فنور ويمشي فهدرة ماهر فراسو..زعما تسامحو صح؟؟
نزل الليل ونور وسيليا متحركوش من بلاصتهم ملاحظين شوفات جان ليهم وهوما يبعدو فوجوهم عليه حتى كمل لعشا وجات السهرة وقررو دانييل وبشرى وكل ليكوبل يقربو للابيست ويشطحو الجو كان روووعة صوت الموج يضرب مع الموسيقى الرومانسية والأضواء المحطوطة على كامل الشاطئ علاجال العرس ولي كوبل يشطحو في لابيست
مازن وقف وشاف لسيليا:بطتي تشرفيني برقصة؟
سيليا:مازن روح بركا متخرط حابني نولدلك هنا واقيل؟؟
غمزها وأشر على نور وماهر يدعم منهيه
ماهر:ههه سيليا نوضي اتحركي شوي مليح ليك باه تجيك الولادة ساهلة
لينار هزت راسها لماهر لأول مرة تدير ردة فعل على هدرتو ورجعت تشوف لكرش سيليا ونزلت من حجرو مخليتهم كامل يشوفو فيها وين رايحة ووش راح تدير
قربت بالشوي لسيليا وحطت على كرشها وزادت حطت راسها جيهة وذنها تسمع
سيليا قريب ولات تبكي من الفرحة هادي سيير اول خطوات تحسن حالتها كيما قالت الطبيبة الطفلة اللي جايتهم راح تكون دوا للينار هادي حاجة أكيدة
ومازن نزل عندها ودار راسو يسمع معاها
مازن:لينار علابالك شكون هنا؟؟
شافتلو وحركت راسها بلالا وهو تبسم ونطق:ههه لثم كاين بيبي صغير راح تكون أختك...اسمها ماسيل
لينار عينيها برقو ولصقت في كرش سيليا كثر تمسد فيها ومازن تبسم يفوت فيدو على شعرها
مازن:تتفكري كي كنت نقولك نجيب المرا تجيبلي ولاد تلعبي معاهم؟؟..هام جايين فالطريق..خالتك سيليا راح تجيبهم
تبسمتلو وهو مأمنش عقلو وتلاح هازها يلوحح للسما ويعاود يحكمها يعيط ويضحك
مازن:ويااااا ضحكككككت يااااربي ضحكككت لينااااار ضحكتييي هههههه ماااهر سيليا راااهي ضحكت ياجدكم لينار راح ترجع ههههههه
بقا هازها وححكم سيليا من يدها موقفها ومشاها للابيست هي ولينار يحكي
مازن:مناسبة سعيدة تستاهل نشطحو علاجالها ياك؟؟...لينار نشطحو
شاف ليها لقاها زادت تبسمت وهزتلو براسها ايه الشي اللي خلاه قريب يزغرت مي حكم روحو
حكم سيليا من وسطها ولينار نصهم وبقاو يتمايلو كيف كيف وماهر قرب ليهم شوف للينار ويتبسم وين بقات نور وحدها فالطابلة تشوف لليكوبل يشطحو مع بعض وتتبسم
....:علاه مراكيش تشطحي معاهم وتتبسمي وحدك هكا برك من لبعيد؟؟
نور بلاما تفيق نطقت مزالت غايسة فليكوبل ورقصتها نهار الخطبة مع جان وكلامو ليها يفوتو بين عينيها:معنديش الراجل اللي نشطح معاه...تخلا عليا هادي شحال
جان:مي راه رجع علاجالك
نور حبست تتأمل فيهم وزيرت على حافة الطابلة تسمع لصوتو..هدا جان معاها وراهم وحدهم مستحيييل لاحت يدها تحت ناب الطابلة تزير على فخاذها وقلبها رجع يضرب فالمليار وهو حط يديه على كتافها ووقفها ساحبها معاه على جيهة بعيدة على الحضور
وقفو بعيد على الحس وبقا واقف وحاكمها من كتافها ينهج وقلبو قريب يخرج من بلاصتو مهوش مأمن باللي صح بعد المدة هادي كامل راهو واقف معاها وحدهم
نور فاقت لروحها كيفاه بين يديه ضربتهملو وبعدت عليه تعرش
نور:متقييسنيييش يااخراا متقييسنيييييش
جان:نور تعيشي خليني نحكي معاك..
قاطعتو تعيط
نور:وش تحكي مع عزريني وش تحكيييي؟؟؟..ااه وش رااح تقووول؟؟..راح تقووولي هاها ربحتك ومنعت ممتش مكرة فيك شبعتي بكا عليا ولا مزاال؟؟؟..ااه؟؟ ولا راح تقولي جبت بيبي انا ورين دبري عليا وش نسميوه..وش محوس من عندي علاه راجع لحياتي علااه؟؟؟
جان شاف ليها ولحالتها كيفاه تعيط مقلقة وحكا بهدوء:علابالي راكي مقلقة مني ودرت غلطة كبيرة مي راني حاب نقولك سامحيني انور...راني نادم صدقيني
نور شافتلو زمان وفوتت يدها شعرها دموعها يتلمو فعينيها ورجعت تعيط
نور:قتلي نادم؟؟..ههه ناادم؟؟..نااادم؟؟؟؟ من نيتتتك؟؟؟...وش ندير بندامتك ضك؟؟..وين ندير نديرها ندااامتك؟؟؟باش راح تفيدني ندامتك هادي اسي جان؟؟؟..راح تنسيني فالعذاب اللي عشتو بسبتك؟؟ راح تنسيني شحال من مرة بكيت حتى خلصو دموعي وراسي ولا يوجع بسبتك؟؟ راح تنسيني فشحال من ليلة نبات فيهم نبكيو نسقسي روحي علاه درت فيا هكاك؟؟؟..ااه؟؟..وين كنت نتا وندامتك كي كنت انا نبات نبكي ونسقسي في روحي وشمن ذنب تعاقبت عليييه؟؟؟(هو كان واقف برك ويشوفلها مخليها تفرغ قلبها وهي تلاحت تخبط على صدرو):شكوون راح ينسيني فهادووك اللياااالي (حكملها يديها ولصقها فيها يشوف لعينيها اللي تعباو دموع)
جان:راح نداويو بعضانا انور..وليلي وراني واجد نحرق روحي علاجالك باه نعوضك على اللي فات
نور رجعت تبكي وتضحك دخلت فعقلها خلاص:ههه قالك وليلي؟..اللي يجرح ميدااويش اجان كامل مسمعتش بيها لمقولة هادي؟؟؟..قولي برك علاه عاقبتني راني عامين وانا نخمم وملقتش جواب اهئ يازح ذنبي الوحيد هو اني حبيتك؟؟...اني درت فيك لامان؟؟؟..اني درت فيك نية وثقة ونتا مكنتش قدهم؟؟..اني قلت لأول مرة خلي نأمن زهري ونتفائل باللي الدنيا ضحكتلي وراح تعوضني على وش فات؟؟...راني لليوم نتسائل على الذنب اللي درتو فحقك حتى عاقبتني بهاديك الطريقة اجان؟؟ ..جاوبني وش درتلك؟؟..ياااربي يخي جامي غلطت معاك حبيتك من قلبي وتنازلت على شحال من حاجة فحياتي ومن عقليتي غير علاجالك ونتا وش دررررت؟؟؟؟..وش عطيتني من غير الخيبة والدمار والألم والدموووع وش عطيتنييييي؟؟؟
جان:نور سامحيني والله علابالي باللي غالط وقريب هبلت من الندامة المدة هادي كامل راني جيت باه نرجعو لبعضانا ونبنيو عايلتنا كيما حلمتي..نور سامحيني منيش قادر نخمم فغيرك ولوكان متوليليش برضايتك نخفطك ونخليك تتزوجيني بسيف عليك ونخليك تسامحيني بالشوي والله ندييرها
نور حبست وبقات تفرج فيه زمان ومبعد تطرطقت بالضحك
نور:ههههههههههه ههههههه ضحكتني والله ههههههه ايما كرشي قالك يخطفني على أساس ذايب فحبي
بدات تسيي تجبد يديها منو
نور:بعد عليا وأخرج من حياتي خيرتلك لأني مستحيل نسامحك ولا نشفعلك حياتي كاملة يا جان كامل..ههه اصلا معندي مندير بيك ضك ياك قلت لبشرى مصدقت لقات واحد مرفه تلصق فيه بيسك طماعة كيف باباها عندك حق وقتها طمعت فدراهمك مي ضك راني درتهم بيدي ومنحتاجك لا نتا لا غيرك تعطوني..بنيت روحي ودرتي داري وطوموبيلتي وشركتي وراني نسيي نطروها كيما نحب وكلشي كيما حبيت فصغري..علابالك علاه نجحت ووقفت على روحي؟؟..بيسك كنت بعيدة عليك...بيسك خيبتني وعلمتني باللي الثقة فالعباد ممنوعة منعا بااااتااا..هكاك درت نسيت الحب ورميت كلشي ورايا وبقيت غير ورا أحلامي وآمر كان ورايا وداعمني في كل دقيقة..هو اللي عاوني بيسك كان المسؤول على الكونكور اللي دخلت فيه ونفسو اللي نتا قتلي اخرجي منو وكنت حاسبو تفاهة وراح يخدعوني..اصلا يقولو الخاين يخلعوه مرافقو.. هكاك صراتلك كي شفت روحك مخادع حسبت الناس كامل كيفك مي كنت غالط...هادوك كانو ناس صافيين وانا صافية وشاركت بمهوبتي وأعمالي وربحت بلاما نتكل على حتى واحد..مبقيتش نور الضعيفة اللي تعرفها جان كامل. انا صايي وليت نور @@ أشهر مصممة أزياء في أوروبا وآسيا وعندي فرع في كل بلاد لماركاتي اللي داخلة فيهم شريكة كيما غوتشي وليفيس ولاكوست...مبقيتش ضعيفة ومنيش محتاجة شفقتك ولا حبك ليا خطيني برك اجان بعد عليا
جان بقا يستناها تكمل هدرتها وحطو يدو على قلبها:مي قلبك راه يقول العكس..راه يقول جان روح قبل متخلص طاقتي ونلصق فيك بيسك توحشتك..راه يقول جان متتخيلش شحال توحشتك وتوحشت نحس بحبك....نور..تعيشي نبوسلك رجلك ارجعيلي وكوني معايا..نور تعيشي كوني مرتي راني رايح نموت بلا بيك
نور:هههه كذااب كي نتا كي هاد القلب الطحاااان للزوج كذابييين قيييلوووني بعدو عليااااا كرهتووني فروحي وفحيااااتي بعدو عليااا يا الرحمة خطووووني اديو بعضاكم وقووودووو
جان لصق فيها كثر:نور تفكري باللي حبيتك قبل منعرف نتي بنت شكون..تفكري مناوشاتنا فالشركة وشحال كنت نحب نهبلك...تفكري نهار راح تطيحي من الحصان فالرحلة وأنا حكمتك بيسك خفت عليك..نور انا البغل اللي عميت على الحب الكبير اللي كان فقلبي ليك تعيشي متديريهاش نتي وتدفني حبك ليا وارجعيلي ندير وش تحبي يا نور ارجعييلييي
نور شافتلو ولدموعو اللي تلمو فعينيه راه يبكي؟؟.عليها؟؟..من صحو؟؟..بقات غير تهزي للأرض وهي تبكي وهو نازل معاها:اهئ بعد عليا اهئ تعيش قولي منام منيش قادرة علاه يعني؟؟..علاه كل منقول نسيتك تجي حاجة وتفكرني بيك حتى لحقت نتا بعد تجي عندي وتفكرني جان خطينيي.راني خايفة ..خايفة منك ومن الحب ومن الناس كامل قييلووني خلوني نتهلا فروحي وفقلبي كيما نحب علاه لازم تلعبو بيا خليوني بعدووني اهئ اهئ
جان تنهد وجبدها لصدرو تبكي عندو
جان:سامحيني على وش درت فيك...سامحيني راني نادم وهربت من هنا باه منبقاش نشوف خيالك فالشركة وفكل بلاصة رحنالها كيف كيف نور...نور انا نعشق فيك مي الانتقام عماني تعيشي سامحيني متحرمينيش منك
نور بقات تخمم مع روحها اول انسان حبتو هو جان وهو الوحيد اللي احتل كيانها وتخمامها واللي خمت معاه توصل لبعيد....راهو يحاول فيها باه ترجعلو..بقا امل واحد يخليها تشفعلو حاجة وحدة راح تخليها تتأكد من حبو
شافت ليه بعينين فارغين وتلاحت نحات صباطها
نور:قتلي نبوس رجلك ووليلي..هاي ليك بوسها
جان شاف فيها وتبسم الشي اللي شوكاها:وترجعيلي ونتزوجو ونجيبو ولاد يشبهولنا؟؟
نور:..ايه..بوسها اسع
جان:هههه ياولدي نبسوها ونبوس كل بلاصة فيك كلك سكرو عسل يامرتي الزينة تلاح لرجلها وسلم عليها في كل بلاصة صباعها طعبها حافرها ومن تحت وين تعفس...باسها صح..!!
هز راسو يشوفلها مهيش مأمنة وش صاير
جان:تصالحنا؟؟...تتزوجي بيا نور؟؟
نور شافتلو بعدم تصديق وبقات راكحة وتسمع لقلبها يعيط ويقول سامحيه..كيما مجيد غلط جان مدار والو من غير انو جاب حق ختو..صح بالطريقة الغالطة مي مام مجيد مقصرش بعملتو في دمار حياة سيليا..وسيليا قالت لوكان مترضاش عليه نور مراحش تسامحو كيفاه هو دار كلشي علاجالها وهي متسامحوش مستحيل يقدر بلا بيها ومام هي نور مهيش مهبولة تخلي ولاد سيليا كبرو بلاما يقولو لجان خالي...صح جانير راحح يهبل ويعرشلها حتى يكره مي راهي كبيرة وتعرف صلاحها..مبقاتش نور الصغيرة اللي بعمر ال20 والمراهقة تسوق فيها..راهي كبيرة ضك وواصلة غير تشوف جان ميستاهلهاش راح تبجد روحها وتبعط عليه
جان باقي يشوف ليها تطلع فحسابتها ويستنى وبسيف نطق:نور تقبلي تعطيني فرصة نرجعو نبنيو عايلة كيف كيف؟؟...نوعدك راح نديرك اميرتي وفعينيا ومنحرمك من حتى حاجة..راح نخليك محور حياتيو حبي ونعوضك على كلشي وعد والله
شافت شافت ولقات العياط قام فوق راسها
سيليا:اقبلييي خلووني نولي عمة هيااا..بصح متخافيش لحب لوكان يزيد يغلط معاك نعذبو ونعلقو من عينيه قدامك رد بالك اجان كامل راني نحذر فيك
شافت لبشرى اللي واقفة مع دانييل وتتبسملها الابتسامة تاعهم اللي يعرفوها لبعض..تاع اللي تخممي فيه هو الصح..شافت ماهر هزلها براسو ايه ورجعت تشوف لجان اللي يستنا فجوابها ويبلع فريقو ونطقت...
نور:....لا....منيش قابلة
جان هبط راسو وتبسم بكسرة خاطر والباقي كامل سكتو
جان:علابالي مهما درت مراحش نعوضك.سامحيني عندك حق الوحش جامي يولي أمير ربي يفرحك
نور تبسمت تشوف لحالتو ونطقت:هممم شفت.زيسما غير قتلك لالا امنت ورايح هدا كامل باه متجيب لا خاتك لا زمر خراا
جان شاف ليها مشوكي منو من الباقي:يعنييي؟؟؟...قااابلة؟؟؟؟؟
شافتلو وجبدت نفس ونطقت:...قاااابلة..
جان:ااااااييي ربييي وااااااي ههه ميييرسيي يااانور ميييرسييي نحبببك والله نحببببك
نور:هيه فهمنا.....مي لوكان تخمم تزعفني راح نوكلك خراااك وخرا الجيران وخرا لكلاب تاع الحارة والخرا تاع دزاير كامل
ناضو كامل يصفقو ويضحكو ويعيطو
وسيليا بدات تندب
سيليا:اييييي اييييي رااااح نوووووولد ماااااااااااااااااازن
مازن خلع شاف فيها وبدا يرجف:متقوووليهاااش قولي نتمسخر يرحم بااباك مش وقتو راح نشطح مع نور وجان وشبييييك؟؟؟
سيليا كلبت وحكمتو من شعرو تجبد وتعيط:نقووووولك راح نوووولد وشمن شطيييييح نعلبوووووك ماااااااازن دوووووووووني لسبيييطاااار رااااح نووووولد اييييي
جان ونور زربو وقفو قربو ليه يعاونو سيليا وماهر قرب لمازن يكالميه
ماهر:يا حمار جيب الطوموبيل وارواح ندييوها للسبيطار ولا حاب تولدها في ما البحر يا بغل
مازن بقا واقف مسمر يشوف لسيليا تعيط وتبكي وجان ونور معاها :استنااا منيش واااجد راح نولي اب اييي ربيييييي سيليا زيدي خبيها لثم شوي مزال الحاااال
سيليا خنزرت فيه وعيطت عيطة خلات اللي كانو واقفين كامل يحسو طبلة وذانهم تثقبت
سيليا:مااااااااااااااااااااااااااااااااااازن هدا وين فقت بالييي راااااح تولييييي ابببببب ايماااااااا كي حطيتها هنا مقولتش اسنااااااي شوي منحطهااش ضك ولا نتا كي الملهوووف وضك قولي خبيييها وين نخبيييها ويييييين؟؟؟؟
ماهر ظرب مازن مبعد عليه اللي مزالو واقف كيف المهبول مشوكي وقرب لسيليا مكاليها معا جان مشاوها لطوموبيلو يصبرو فيها
ماهر::بالشوي عليك تنفسيي راح ندوك للسبيطار وتولدي وشوي تلقاي بنتك فحجرك بالشوي برك
سيليا:ياااو ازرب وشمن ضك شوي تلقاي بنتك فحجرك لكان ستنيت شوي تاعك هادي نلقاها فاللرض تلعب التراب مش فحجري اديييو نمي للسبيييطااار ايييييي
ماهر:ديين ربي قاعدة تولد وتعرش ولاعبتها غولة يازح جامي تتبدلي
جان:سيليا لبارح برك ونتي تقوليلي مزلت صغيرة وقتاه هزيتي يرحم باباك
سيليا:جااااااااان اصلا نتا السبة نايض تشعر وتق///طم نتا ونور حتى تحسمت وجات بنتي تجري نحطها ونتفرغلكم اصبروووو بررررك(شافت قدامها ملقاتش مازن):وينهووووو رااااااااجلييي الكلللب اربيييييييي باااه بليييتنيييييي...ركبوها فالطوموبيل وديماراو للسبيطار وهي طريق كاملة مقلبتها بالعياط والتعراش عليهم
..بعد ساعتين ملمومين في غرفة فالسبيطار مزينة كلها بالوردي وسيليا راقدة فالسرير وفي حجرها الطفلة البيبية ومازن واقف قدامها ويشوفلها مش مأمن باللي بنتهم جات صح ماسيل اللي لبارح برك كانت فكرة فبالهم زادو فوتو من وراها حروب لاهي حروب وجابوها صح
مازن باس راس سيليا بمعزة وزاد باس راس بنتو
مازن:الحمد الله اللي رزقني ربي بيكم...ميرسي كي عطيتيني هاد الفرحة يا سيليا
سيليا تبسمت تشوف للطفلة بين يديها واسوارتها المنقوشة عليها اسمها"ماسيل"
سيليا:ههه مازن ماسيل جات وأخيرا..هي جات ولينار راح ترجع وراح نفرحو ايلين فقبرها
مازن:ههه ايه وأخيرا جات أميرتنا
سمعو طبطيب فالباب وين تبسمو كي شافو لينار داخلة مع ماهر وقربو للسرير هزها ماهر لعند ماسيل
سيليا:ههه هاي جات ماسيل
لينار شافت لسيليا ورجعت تشوف لماسيل ومدتلها صبعها اللي حكمتو ماسيل ثم ثم الشي اللي خلا لينار تضحك وبعد عامين تنطق وتسمعهم صوتها اخيرا
لينار:ههه ماسيل صغييرة
سيليا وماهر ومازن ناضو غير يضحكو ويبكيو كل واحد من مازن وماهر يمسح فدموعو وسيليا جبدتها عندها تسلم على راسها
سيليا:وأخيرا رجعتي يا لينوشتنا
لينار ركشت عن سيليا مستحلية دفا صدرها اللي يفكرها فايلين وبقات قاعدة ومخلية صبعها فيد ماسيل...
لينار:راح نحبها بزاف..ماسييل
...
اليوم بعد 15سنة رانا فالمقبرة مع لينار عند قبر ايلين
لينار كبرت وصار عمرها 22سنة
قاعدة على حافة القبر وين حاطة عليه الورد جديد وكملت قراءة سورة الفاتحة على روح ايلين بعدما فاتت لنسيمة اول شي ووقفت هازة القرعة تاع الما فيدها سقات قبر ايلين باه يكبر الورد والحشيش اللي راهم مزينين قبرها ويدفوها فهاد الشتا وتبسمت قاعدة تحكي
لينار:ههه ماما علابالك ماسيل قريب تهبل سيليا ومازن خرجت مهبولة كثرمن خالتو ههههه مي أيامنا ناقصة بلا بيك..توحشناك والله
حطت القرعة على جيهة وقعدت تتفرج فلافتتة الاسم
لينار:ماما مستحيل ننسا باللي كبرت بلابيك توحشتك فوق الحق..مي متخافيش راني قريت ونجحت ووصلت كيما كنتي حابة وكثر..اماا(طاحت دمعتها ولحقوها دموع):منيش فرحانة بيهم بيسك مكيش معايا
فوتت وقت معلابالهاش شحال تبكي وتحكيلها وتضحك كيما تدير كل مرة تجيها لازم تحكيلها وش صرالها ووش دارت ووش أخبار العايلة كلشييي بالتفصيل ايلين ماتت مي لينار عوضت جز من بلاصتها فالدار كانت هي الشموسة الصغيرة اللي تظهر فالشتاء فدارهم
كملت حكايتها ووقفت خارجة من المقبرة تمشي بوهن شوي كل متجي هنا تخير تكون ضعيفة و بكاية بيسك عندها كل حصون الدفاع تطيح مع العزيزة الأم الغالية اللي فقدتها على مرتين
ضمت يديها لبعضاهم على المونطو النوار اللي لابستو مع سروالها الباج والتريكو النوار وشالها الباج والنوار هابط على صدرها عند المونطو المفتوح مع شعراتها الذهبية اللي ديما يبرقو ومشمخين شوي من خطرات المطر اللي كانت تهبط
ركبت طوموبلها وديمارات ...شوي ونزلت قدام بلاصة تبان مؤسسة تربوية باب حديدي واسع واسوارها طالعين دخلت وفالباب سلمت على العساس اللي واقف لثم كأنو تعرفو من زمان وهو فرحان بيها للخر
غير مشات شوي وسط الساحة جاوها زوج بنات يجريو
.../÷÷:ليناااار
تبسمت كي سمعت صوتهم وشافتهم قاصدينها نزلت على رجل ونص وفتحت يديها باه تحظنهم
لينار:اميرات لييينااار
حظنوها للزوج وبعدو يشوفو فيها
...:وش جبتيلنا لينوشة؟
لينار تبسمت ودارت يدها فجيبها وجبدت زوج شوكولا:هاي ليكم حصتكم وروحو مع عمو عمار عاونوه يجبد حصة لولاد لخرين من الطوموبيل اوك؟
÷÷:يااي مرسي لينار
جاو رايحين يجريو عاودت عيطت عليهم
لينار:حبسوو...قولولي وينو ماهر؟
...:راه فالبيرو تاعو
لينار::هه اوك صحيتو اجريو ضك
شيعتهم كي وصلو للعساس عمار وعمللها براسو باللي مطلوبها وصل تبسمت ومشات لداخل طلعت فدرج زمان وكانت واقفة قدام بيرو شافت فالبلاكة المكتوبة عند الباب(مكتب مدير: ميتم"ايلين_الشمس الساطعة")تبسمت وفوتت يدها على الاسم تحاول تحكم دموعها ودقت فالباب كي سمعت الرد دخلت
لينار:بابااااتي ماااهر عمراااني لينار عمرااني جااات
استدار ماهر على كرسيه لحيتو كثيفة شوي وملامح كبر بادية على وجهو مي مش بزاف مزالت ملامحو ملامح ماهر تاع زمان ومام الكور تاعو
وقف حظنها وسلم على راسها كي العادة توصلو لنص كتافو بهيئتها الصغيرة تقول مراهي مولات 22سنة
ماهر:شريرتي جات
لينار:لالا مزالت فالطريق
ماهر:ههههه بلوة عمري فمك ديما متبري منك
لينار:هههه الخالة الكريمة
ماهر:قبل متعرفيها ونتي مشاء الله متحصليش فسيليا
عوجت شواربها ومبعد تبسمت:همم هههه موهبة فريدة خلاص عندك بنتك مميزة من عند ربي مالا
ماهر:ههه ايه
بعدو على بعضاهم نحات شالها وحطتو على المعلقة(اللي يعلقو فيها المونطو نسيت اسمها ههه) اللي لثم وقربت ريحت مقابلتو على البيرو
ماهر:الناس يقعدو فوق الكراسا
لينار:ههه نتا قلتها الناس
ماهر:علاه نتي حشرة؟
لينار:هه بااابااا
ماهر:ههههه خلاص مقلت والو(سكتت يعبر فيها وفي ملامحها كلما تكبر ملامحها يهربو لوجها صارت كيفها بعد من بكري تشبهلها وزادت )..كنتي لثم؟
هزت راسها بايه مع تبسيمة صغيرة
ماهر تبسملها بفخر:صحيتي بنتي الشاطرة عندك تنساي كاش نهار باللي هاديك يماك وتبطلي زياراتك ليها
لينار وقفت موراه تدلكلو فكتافو:مستحيل ننساها هي يما وصديقتي اللي خسرتها جسديا برك مي حضورها مزالو فقلبي للآن ومستحيل يروح
ماهر:هي فخورة بيك كيما انا فخور بيك بنوتي
لينار حظنتو من رقبتو وهي هكاك وراه:وانا فخووووورة بيك يااحلى اب فالعالم
ماهر:ههه خلاص تأثرنا بزاف امشي للدار تغداي وارجعي لقرايتك جابولي خبرك بركاي ما تبيراطي فليسيجي تاع الجامعة المرة الجاية يزعكوك
لينار بعد عليه مصدومة ببراءة:اوو؟؟...انا؟؟..شكون؟؟
ماهر:ييي شفتي انااا...علاابلي باللي بيراطيتي ايمايل المدير وهزيتي لي سيجي وسربيتهم فالسيت تاع الجامعة انا برك اللي عارف مالا راني نحذر فيك ردي بالك
لينار شنفت:انس اللي قالك؟؟
ماهر:ميهمش شكون المهم تحبسي
لينار:يسما هو (هزت شالها ومشات للباب فتحتو ولاحتلو بوسة فالهوا وخرجت)
هبط راسو يضحك
ماهر:ههههه ااه ياربي على البنت اللي عطيتهالي(شاف فصورة عرسهم هو وايلين وتبسم)الشي اللي مدرتيهش نتي دارتو هي وكثر هههه مي منيش خايف عليها بيسك علابالي باللي بنتك وتقدر لكلشي
خرجت من عندو هزت تلفونها ديراكت تعيط لأنس شوي وجاها صوتو
أنس:لينوووووش
لينار:بلللع خااين خرااا
أنس:وشبيك بالشوي على صحتك والله مخنتك اعمري
لينار:أنس متهبلنيش علاه قلت لبابا باللي سربتلكم لي سيجي خاينين هكا يصرا للي يدير الخير فالعرب
أنس:منيش عربي ازين لانسيتي
لينار نفخت:اوووف قلقتني علابالك؟؟..طير عليا حابة نتغدا مش نغلق شهيتي بغبائك...نكررررهك
أنس:ههههه وانا نحبك ازين
لينار:تحبك حبة وتعضك كلبة مكلوبة(مسمعتش الرد وضربت فواحد مي معطاتوش قيمة رمات سماحها هكاك عالشايح ومشات مي حبست كي سمعت كلامو)
....:المرة الجاية ونتي تتقابضي مع حبيبك اقعدي فشومبرة ولا قاراج باه متجيش تدخلي فالناس برك
هبطت تلفونها ودارت ليه هازة حاجبها كان وحدو جان يبان فاا27هكاك قربت ليه مخنزرة وهو واقف وداير يديه فجيوبو ببرود ويتبسملها
لينار:خبي سنيك لا تروح حاطهم فجيبك
....:ههه وشكون راح يطيرهملي
لينار: معجبتكش انا؟؟
(لينار كي كبرت فالفوطو)
ميل وجهو فيها من فوق للوط وحكا:اممم نن مكيش من نوعي المفضل
لينار ضربتو لصدرو ارتد على وراه ورجع يضحك
لينار:حماار مش كيما فهمت قتلك انا نطيرهملك يا تافه ..رد بالك تبان فطريقي نمحيك..متعرفنيش شكون
عطاتو بظهرها ومشات الهوا يهز فشعرها وتبسيمتها المغرورة على وجهها وصلت للطوموبيل ركبت شعلت ميزيك للخر وفتحت الكارو مخرجة نص يدها وديمارات بماكس فيتاس تتخطى فالسيارات منا ومنهيه حتى حبست عند باراج حبسها دركي على جنب
الدركي:آنسة اعطيني أوراقك
لينار:علاه؟؟
الدركي:فتتي حدود السرعة لهاد الطريق
هزت عينيها بضجر وجبدت لاكارت تاعها وعطاتهالو غير شافها تلون وجهو ودارلها التحية
الدركي:آسف آنسة تقدري تمشي
لينار تبسمتلو وحكمت لاكارت تاعها وعاودت قلعت كأنو مصرا والو شافت فالروتروفيزور وحكات تخاطب فيكم يا جمهورها القراء
لينار:تشوكيتو صح؟؟..ههه نورمال..هادي هي لينار اللي شهدتو على صغرها و الظروف اللي كبرت فيهم ونتوما معايا خرجوني هكا يا غاليين ضك راح نتفارقو لمدة بيسك خلصت حكايتنا انتهت حكاية"أسيرة لعبة الماضي" خلصو العاب الماضي وماما و سيليا ونور تحررو منها ومبقاوش اسيرات للماضي ...ههه مي راح نتلقاو ونعيشو حكاية ثانية كيف كيف لقائنا فالجزء الثالث لسلسلة "جبروت سليلات اللهب"
رجعت السيارة تطير من سرعة لينار فالقيادة وحنا بقينا بين طيات السما وصفائها نستناو الأيام الجاية وش راح تجيبلنا
.........النهاية...........
ليكييييب كلمنااااااا خلصت رحلتنا مع كرونيك اسيرة لعبة الماضي مذابيا كل من قراتها تخلي كلمة على رايها فيها واذا استفدتو منها كاش حاجة
خلولي رايكم فأسلوبي كيفاه صار وفالكرو بصفة عامة
راح نخليها ومستحيل نمحيها لأني اول مرة نكتب كرو سوو مام اللي يقراو منا على عامين ولا ثلاثة نحبكم تخليولي رايكم
هدا كان الجزء اللول من سلسلة جبروت سليلات اللهب نتلاقاو فالجزء الثاني نشالله واللي هو خبايا المافيا ضد القدر
الى اللقاء ونحبكم كااامل