فاتت العشية ووصل الليل في دار عصماء سيليا قاعدة فالجاردان فالجليسة اللورانية وكاس جي فيدها حاكمة تلفونها مبرونشيتو فالبيسي وتخربش هنا ولهيه حتى بسيف وبعد محاولات عديدة قدرت تحدد بلاصة الرقم اللي وصلها منو الميساج على ايلين ولينار باللي ملازمش يتلاقاو
سيليا تستنى البيسي يعطيها الموقع بالتحديد:هياا..هياا.هيا...اوووب( صفقت كي ظهرلها الموقع)تبسمت:وأخيييرا حطت الكاس على جنب:خلينا نشوفو سيليا الشاطرة تاع زمان وش مزال تعرف لخدمتها ولا نن؟؟
غلقت البيسي ووقفت داخلة
ايلين كانت حاطة لينار فالدوش وتدوشلها
لينار تلعب بالرغوة وايلين تغسللها فشعرها حتى ظهرتلها تهز شوي وترميها عليها
ايلين:اوويا ليناار هههه بركاي
لينار:ههههه معليش ماما خلينا نلعبو
ايلين:ههه خليني نكملك باه نخرجو شوفي كيفاه رجعتي طمطومة من حرارة الماا
لينار:ههههههه مام نتي رجعتي حمراااا
كملتلها وهزتها فالمنشفة وخرجت بيها لشومبرتها
لبستلها وحطتها تديرلها فالسوشوار وهي هازة تلفون ايلين وتخرب فيه
ايلين:لينار عندك تعيطي لكاش واحد
لينار:راني فيوتيب منقيسش ليزابال
ايلين:امممم وتعرفي ثاني يوتييب؟
لينار:هههه ماما وشبيك تطيحي..هي صح صغيرة مي..نعرف بزاف حوايج سيرتو فالتلفون مازن كان ديما يعلمني كيفاه نخدم بيه
ايلين تحكي فقلبها:صحيت مازن صحيت وخذتني فبنتي:ههه علاه تقوليلي مازن ومتقوليش عمي؟
لينار:ههه مازن صغرون كي نقولو عمي تجيني طيحة اصلا هو ديما يتصرف كيف لولاد معايا وراني ساعات نقولو عميمو
صوت دقيديق الباب
ايلين:ادخل
جان دخل يتبسم غلق الباب وقرب ريح قدام لينار وهي تشوف فيه مشنفة
ايلين:اهلا
جان:ههه بييك..صحة ليك لينار
لينار سكتت ومبعد لقات ايلين تشوف فيها تاع ردي ردتلو:مرسي
جان:ايلين معليش تدي لينار لسيليا لازم نحكي معاك
لينار خنزرت فيه وحكمت فخصر ايلين:منرووحش
ايلين تشوف فيه سيريو:معليش تخلي كي ترقد ونحكيو؟
جان:ايه معليش (وقف جا رايح ويشوف فلينار اللي كانت تشوف فيه بشوفة كره صح مالقري صغيرة مي تعرف تكره وتتقلق من النااس)
خرج جان وايلين هبطت لمستوى لينار:شبيك حبيبتي تخنزري ؟؟
لينار عينيها غرغرو:منحبش يبعدوك عليا ضك صااي لازم تبقاي معااايا برك
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
