"اسيرة_لعبة_الماضي "باللهجة الجزائرية

الفصل17

خرج يجري من الريسطو لقا خوه ديجا طار باللوطو زرب للوطو تاعو اول ماركب حس براحة ريحتها مزالها فاللطو زرب ركب يطمن في روحو حاب يعرف وش صرا لصغرونتهم

اما جان وايلين خرجو معا بعض سيليا حاكمة ايلين اللي حرقة في قلبها قوات

وجان واقف عليهم خايفها تطيح غير خرجو سيليا ركبت ايلين من القدام وجات مولية شافت فالبلاصة اللي بدا فيها كلشي تنهدت بانكسار وهدرت بصوت واطي

سيليا:الماضي خلاص رايحة نفوتو ههه صح نتا خليتني اسيرتو مي رايح يجي نهار ونلقا الضو اللي رايح يخرجني من ظلامك صااي يما ربي يرحمك ومام نتا يا بابا اللي عمري شفتك وربي يخليلي اختي الغالية الون وركبت مخلية نفس الموقف قدامها يتعاود مي مهمهاش همها الوحيد ضك اختها حبيبتها

طار باللوطو ووصل للفيلا قلبو نار لقا اللوطو تاع ماهر مقارية لحق قبلو اكيد ماو طار بذيك اللوطو

حرق الدروج حريق حتى وصل لعنهدم لقاهم مزال واقفين برا

مازن قرب لسليمة اللي غير دموعها راسمين طريقهم على خدها شوفتها لهاذ البنت تتعذب كل يوم قدامهم بسبة غفلتهم واخطاءهم على الكبر توجعها وتقطعلها قلبها

مازن:جدة :وش راه صاري لينار وش بيها

سليمة :ولدي البنت جات من القراية كالعادة وقت الغدا حتى لقيتها داخلة تبكي وتجري جات للبيت وغلقت الباب وانا ديراكت عيطت لخوك

ماهر يطبطب على باب شمبرة لينار ويسمع غير في شهقاتها اللي كلما يزيدو يعلاو

ماهر:ليينار بنتي افتحي الباب شبيك يا روحي كشمن قلقك لينار باباك هنا افتحيلي ولي قاسك يسلكها غالية

لينار سكتت زمان ونطقت:حتى لو كان الانسان هذا اللي قاسني نتا؟ رايح تحاسب روحك؟

ماهر مصدوم من كلامها زعما عرفت سرهم عرفت كذبو عليها صايي خسر بنتو ولات تكرهو؟؟

نطق بسيف:اييه حتى لو انا المهم نتي تكوني لباس وراضية وضك اخرجي قوليلي وش درت وقدام عينيك نعاقب روحي

لينار فتحت الباب وترمات فحظنو تبكي لينار:اهئ اهئ بابا انا ماشي بنت قبيحة حتى نحاسبك على اغلاطك منيش عارفة اسكو هذا غلط او لا نتا عندك الحق تشوف حياتك وتنسى ماما مي متخبيش عليا صارحني اهئ اهئ انا نكره الكذب خاصة وقت يتعلق الموضوع بماما( يا وخذي على بنتي المسكينة)

الكل يسمع بمشاعرو البنت اللي بعمر الخمس سنين وردة البراءة تطالب في فرسان الكبر ميكذبوش تطلب فالحق والصح لا اكثر

نسيمة يديها ففمها تاكل فضفارها خايفة تكشفها وتقول انها هيا اللي كبت على النار بنزين