فاق الصباح جسمو كامل يوجع فيه شد راسو بزوج يدين يتفكر فوش صرا شوية وفات ققدامو وش دار وغلطتو أيقضت ضميرو وزادتو وجيعة فاتو بين عينيه دموعها وهدرتها" عندك تكملها أو حتى تخمم فيها بيسك هاد الشي ممنوع وحراام في حالتي"
مازن:اوووف علاه هكااا علااااه؟؟نطر الفاز اللي قدامو جابو طراف صغار على الأرض ووقف
للدوش يغسل حالتو
في دار عصماء متجمعين على طاولة لفطور
سمير:يا ولاد ياك كلشي واجد لليوم؟
جان:ايه كلشي واجد ماهر اقتنع باللي عندي مشكل فتسيير المالية ومتأكد رايح يركز على هاد الشي وينسا الأمور الأخرى
ايلين:ونصدموه حنا بطريقتنا ونخليو 70بالمئة من الشركة يرجع لينا
جان:ومبعد رايح يصير افلاس كبير في شركة عمراني بيسك المدير ركز على الجانب المالي وخفظ الجودة
ايلين:والباقي للصحافة رايحين يكتبو بالخط العريض "افلاس شركة عمراني لتركيزه على الجانب المالي أكثر من الجودة"
سيليا بلعت ريقها تسمع فتخطيطهم وهي الوحيدة وسطهم العارفة بلي ماهر بريء وكان مظلوم شوي حتى هو
سمير:برافو عليكم مذابيا تزربو تفرزوها ونرجعو كامل للندن
عصماء تشوف فسيليا تايهة:بنتي لباس؟
هزو كامل روسهم فيها وجها صفار
سيليا:والو هههه راني نسمع فالتخطيط مشاء الله
جان:هههه ايا ماال نوضو لازم نروحو
بعد ساعتين تلمو كامل في غرفة الاجتماعات ايلين تشوف في ماهر وأول مرة دخلت فيها هاد الغرفة وهي تتوعد فيه وتسنا فهاد اللحظة وهاهي وصلت تسنا غير وقتاش تشوف ماهر خارج منا مدمر تبسم وقت شافها تايهة فيه ردتهالو بدورها الشي اللي خلاه يتوسوس
جان:نقدرو نبداو ؟
ماهر:مازن مزال مجاش
متدرب:مسيو ماهر مام زميلة متدربة لينا مزالت موصلت
ماهر:اوك رايحين نستناوهم
سيليا وقفت:نسيت دوصي نجيبو من بيرويا ونجي
ايلين:اوك
خرجت لبيروها تتنفس ترد هوا بيسك تخنقت من سيرتو وتوترت
اما هاديك اللي جاية تجري من السهرة بزاف مفاقتش بكري وفاتها الحال غسلت وهزت أورقها وخرجت تجري بسيف وصلت للشركة دخلت بزربة للاستقبال
نور:سمحيلي معليش نعرف وين الاجتماع تاع المتدربين؟
سيكريتار:ايه فالطابق اللخر ثاني مكتب على يسارك
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
