راقدة فبلاصتها وتتخبط والعرق نازل معاها محاملة والو غير تتحرك بعدم ارياحية تكوبس وكامل وش عاشت يتعاود بين عينيها هدرات ومواقف عاشتهم وترسخو في بالها :صورتها وهيا مرمية وسط دمها والبالو فيدها عياطها وبكاها اللي بكاتو وعيطتو هدرتو اللي بدلت حياتها "كنت مداير فيك مزية على جالها"وهدرة الثاني "رايحة تفيدينا فمجالنا "وبزاف مواقف تخلطو عليها وتلمو فرد دقيقة
تقعدت مخطوفة بعيطة وحدة:ااااااا.خلااااص اخرجو عليا اخرجو من ذاكرتي مبقيتش حابة نتفكركم ااا (وحكمت راسها بين يديها تلظ عليه بعدما ضرها)
دخلو يجريو عندها بعدما كنو خدامين على شي وراق فالصالة حتى سمعو عياطها وجراو ليها خايفين ايلين عارفة اللي بيها وجان غير يتبع المهم يدير كاش حاجة تفيدها
غير دخلو جرات ليها حضنتها
ايلين:اشش يا روحي اشش (تبوس في راسها)مكاين والو كلشي فات احبيبة وهاذي غير كوابيس مي ملازمش تستسلميلها اشش
سيليا:اهى ايليين مقدرتش ننسى كل منقول نسيت تجي تاكدلي انها مزالت راسخة فراسي منظرها وكلامهم وكامل وش فات عليا يبقا يتلم وبتعاود كلشي معا بعضاه وتتلم عليا مواجعهم اييلن توحشتها توحشت حنانتها صوتها انا السبة انااا
ايلين:اشش مش قلنا متزيديش تقولي نتي السبة اللي صرا مكتب من عند ربي سبحانو
جان:اا..ايلين راني رايح نجيبلها كاس ماا بلاك ولاا
ايلين:ايه كن تصيب
تبسملها ومشا مطولش دقيقة جابو وجاا
جان :هاكي حكمتو عليه وشربتلها بعدما هداتها شوي
شربتو وشافت فيهم
سيليا:مارسي بزااف وسمحولي خلعتكم على الصباح
جان:معليش شكرودة المهم راكي لباس
ايلين:مبيناتناش سماح وشكر سليوش
نوضتها وعاونتها تغسل وتفرقو يوجدو رواحهم يروحو للشركة واكيد ايلين اصرت تخلي سيليا هنا وتبقى معاها ولكن سيليا رفضت هاذو الزوج مستعدين يديرو اي حاجة علاجال بعض ايلين اكدتلها انها تقدر تأجل انتقامها علاجالها وسيليا حتى هيا اجلت وخبات وجيعتها علاجال صاحبتها واختها
في دار ماهر ناض مدودن(يعني غلبان وراسو مش راكح)بعد ليلة لبارح غسل وداوا يدو اللي تجرحت لبارح ومشا لبيت لينار كل يوم شوفتها على الصباح اهم حاجة فنهارو
دخل لقاها قدام المري تمشط فشعرها
ماهر:صباااحو اميرتي
لينار جرات ليه حضنتو :صباااححو احلى اب فالدنيا حطت وجهو بين يديها :تنحاتلك قلقة لبارح كنت خايفة عليك بزااف متزيدش تقلق عييشك
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
