سمححولي على الروطار هدا وين كملت غدوة نبداو نقراو بداية موفقة للجميع والكرو تاعنا راح نكملها فالويكاند هادي نشالله باه كي تبداو القراية ميكونش بالكم مشغول بلحكاية بالتوفيييييق
.....
آمر:سييلياا..اجبدي ولدي من النص
سيليا شافت فآمر مشوكية منين يعرفها؟؟..وهو كأنو فهم عليها تبسم ونطق
آمر:ههه الحديقة اللي كان ممنوع ندخلو ليها مي كنا ندخلوها..سيليا..آمر..نور..يانيس الرباعي الخطير تاع الحارة
سيليا:نتاا..آآآمر؟؟...آمر آمر اللي نعرفوه؟؟
آمر:وي هو.
سيليا تبسمت ورجعت تشوف لخوها:ههه شوف القدر كيفاه عاود لمنا متتخيلش وش كنا مدايرين فصغرنا..هادو هوما خاوتي اجان..كانو خاوتي قبلك..خاوتي بقلوبهم ونيتهم..خاوتي ببرائتهم طيبتهم ..مش كيفك..نتا صح خويا بالدم مي صدقني تخمامك هدا عيفني للخر فيك..ياا..خووياا تصرفك ليوم هبط من قيمتك فعيني بزاااف...علابالك وش راك تبان فعيني؟؟....راك كيف مارك..مكاين حتى فرق مارك ثاني كان نفس الشي هو جامي حبني هو حب تخمامي وقوتي وحب نعاونو فخدمتو ونخليه يربح..كان يشوف فيا بيزنيس..ونتا كنت تشوف فنور طريق..نتا ليوم كسرت نور بكل فخر كيما القلم اللي تكتب بيه مذكراتك والذكريات السيئة وتكسرو كي تتوجع..نتا توجعت من ذكرياتك..والقلم؟؟ ...القلم مسكين يخي عاونك تفرغ قلبك علاه كسرتو؟؟..هكاك درت نتا لنور.. هي عطاتك قيمة ونتا معرفتش تحافظ عليها...بعملتك خسرت الكل...(زيرت عليه كثر وجبدت نفس من أعماق قلبها ونطقت بكل ثبات):من ليوم...منيش ختك حتى ترضى عليك هاديك الطفلة ونرجع نشوف بريق البراءة فعينيها..تدبراااسك ياربي وتقولك نب/ول فوقك ونسامحك تخلييييهاا تديرها... يسمووك تردلي نور وتداويها اجاان بسييف عليك(رخفت يديها من عليه وبعدت مخليتو مزال مصدوم)
مازن شاف لسيليا كيفاه كانت مكياجها خرب من الدموع وعينيها حمارو وتنفخو..شاف ليديها كانت تزير عليهم فشكل قبضة باه تمنعهم من الرجفة..سيليا هكا مخدومة كي تتقلق تولي تهدر برك وتخرب كلشي و اللي تجي للسانها تقولها..ويديها يبداو يرجفو وكلشي فيها يرجف..نفسها حالتها نهار قريب دخلو فهاداك الكاميون
قرب ليها بالشوي وحكمها محظنها عندو وهي خنست لصدرو تحكي بصوت مهدود ضعفها تبينو غير لمازن..لهنا عندها الراحة تضعف وتبكي وتشكي قد ما تحب بلا خوف ولا قيود
سيليا:مازن..بكاها بسبتي..علاه ديما بسبتي يتقاسو لقراب ليا؟؟...علاه يعني كل مرة ندور ندور ونلقى روحي شرارة نار تحرق كل من أمنها وقرب ليها..علاه؟؟
مازن قلبو تكسر من حالتها يعني كل ميقول خرجت من حزنها وراح تبدا تشوف للشمس المشرقة فحياتها يجيو غيوم يغطيو على خدمتو كامل.زير عليها عندو وباس راسها
مازن:شكون قالك هك اعمري...سيليا نتي الحب تاعي والنور تاع حياتي نتي مكيش نار اعشقي.. نتي نور وامل وسند وكلشي احبي..مكيش غالطة جان اللي غلط هادا تخمامو هو مش نتي اللي طلبتي منو
سيليا:بصح بسبتي..انا اللي حكيتلو..انا اللي بكيت على لحكاية وخليت لهيب شرو ينوض
مازن شاف فجان و خنزر فيه تخنزيرة موت مبيهش شوي يروح ليه يكسرو مي يبقى خوها هي صح عيطت عليه وعاتبتو مي لوكان يقرب مازن راح تحامي عليه.."الدم عمرو يولي ماا"
رين قربت لجان:جانوو
جان:بلعي عليا (شاف لسمير اللي ريح على الكرسي قدامو ومزال مقلق)بابا هدا الصح اللي كان لازم يصراا...هو كان لازم يتحاسب وقدام ناسو كامل
عصماء تفلتت من احكام ماهر عليها كي حكمتها الدوخة وقربت ليه زادت عطاتو كف
عصماء:نتا مش تربيتي..نتا مش ولدي جان اللي ربيتو يخلي حقو يتكل ويوكل ربي وميكونش ظالم.. نتا ليوم بنت حيوان تااافه وغبي في عينينا كامل
شافت لرين اللي قدامو
عصماء:ونتي؟؟..مكيش حاشمة على روحك؟..ولدك وراجلك يتفرجو فيك ونتي مزلتي لاصقة فراجل عاونتيه يخرب عرسو؟؟...مكيش خايفة من القدر والدنيا الدوارة تدور غدوة على بنتك؟؟.. وين حاسبة روحك عايشة وفيمن راكي ضامنة؟؟
رين:خالتي هاداك مش راجلي وولدو مش ولدي انا وجان نحبو بعض وهو السبة في أني جبت الطفل هداك
عصماء:يااك؟؟..هو اللي قالك روحي افسخي روحك لكاش واحد وجيبي ولد ياك؟؟.زيدي ثاني بلاك قالك نربيهولك؟؟
جان حكم رين من يدها وردها على وراها يحكي بيناتهم:رين...بعدي على لحكاية ضك راني لاتي نفرز وضعي ونتولاك نتي وولدك..بعديني ضك خيرلك (خنزر فيها مخليها تبلع ريقها ودار لعصماء يهدر):يما..لحكاية ضك مش في رين لحكاية باللي جبنا حقنا واللي قاسنا ودمر حياة ختي تهز وعايلتو تدمرت كيما عايلتنا
سيليا بعدت على مازن ورجعت ليه تعرش:مزالك تقول انتقام ختي؟؟؟...من نيتك جان؟..حاسبني معرفتش مجيد؟؟..كاش واحد يوقف قدام جلادو وميعرفوش؟؟..بلاك ننسا روحي مي مننساهش ومننساش ليام اللي فوتهم معاه والعذاب اللي فوتو بسبتو..مي سكت..علابالك علاه سكت ومقربتش ليه؟؟..قلت بنتو راح تولي مرت خويا..ولوكان نحاسبو فرحتها وفرحة خويا بيها راح تخرب..جان انا عطيت فرصة للحب اللي كان بينك وبينها حتى ونتا مش عارف بوجودو..جان نتا حبيتها قبل متعرف هي بنت شكون..فالرحلة شوفاتك ليها..كيما عاونتها باه متطيحش من الحصان..مناوشاتكم فالشركة..جان حضرت لكلشي وانا شفت اعجابكم لبعض علاه عميت عليه نتا؟؟؟....كنت قادرة ننتقم مي علابالي باللي الانتقام مامنو فايدة هو برك يخرب لبيوت ويوجع لقلوب وواحد مراح يهنا من هم الغير...غلطت غلطة العمر..
جانير مسح دموعو وبعد على ملاك اللي فطنت من تغاشيتها وشاف لنور اللي مرمية فاللرض بحزن وقهر..ختو وأمو وصديقتو وكلشي فحياتو ليوم راهي مدمرة بسبة ولد مرا..نو مستحيل تفرا ولا يفوتهالو شاف لجان بغل كبير وقرب ليه داير يدو على خصرو من اللور
وقف بيناتهم نص متر وعيط يشوفلو بحقد كبيير
جانير:جاااااان
جان وعصماء وسيليا شافو فيه لقاوه جبد سلاحو من خصرو وصوبو على جان واجد يتيريه
مازن تخطف منهيه مقرب لجانير بيسك يعرفو كي يتركب جانير قالها من قبل عايلتنا خط أحمر واللي يقرب ليها يموت خاصة نور..نور هي كلشي عند جانير ويحرق الناس كامل علاجالها
قرب ليه يعيط
مازن:جانير هبطوو..هبط سلااحك
جانير تبسم يشوف لعقدة حواجب جان اللي مرجع عصماء وسيليا وراه وقاعد يستنا المصير اللي راح يجي:مش قبل متخرج رصاصة منو
مازن:جانير هادي ماشي هدرتك ارجع للواقع مراناش ففيلم سلاحك مرخص وراح تتحاسب قانونيا جانييير
جانير زير على سلاحو كثر:مااازن..خليني نقتلو..هو دمرلي ختي..هو انتقم لختو وانا راح ننتقم لختي ساهلة
سيليا متعافرة مع يد جان حابة تقرب لجانير وهو مانعها
جان:سيليا حبسي بلاصتك وين رايحة؟؟
سيليا:بعدلي لازم نحكي معاه..جانييير ..جانير هبط سلاحك خويا لعزيز هبطوو
جانير:منيش خوك اسيليا..منيش خوك عندي أخت وحدة كسرها خوك وراح نحرقو
سيليا:نور مراحش تفرح بيك بالعكس تزيد تتغم..راح تلحق باباك اجانير وتخليها وحدها وهي محتاجتك معاها منا وجاي محتاجتك تكون واقف وراها مش ورا لحدايد اجانير
مازن:جانير..اسمع لسيليا تعيش..نور راح ترجع كيما كانت وراح تفوت مي نتا راح تدمر حياتك وتخليها تتغبن كثر
سيليا:جانير هبط سلاحك تعييش..علاجال نور
يد تحطت بثقل على كتف جانير دار بزربة لقاها نور غارقة فدموعها الشي اللي خلا يديه يهبطو وعينيه يتعباو دموع
مازن غير شاف جانير فقد تركيزو على سلاحو تلاح نحاهولو من يدو وبعد دايرو فخصرو من اللور جنب سلاحو
نور طلقت روحها للبكا للمرة الألف وجبدتو لحظنها مزيرة عليه وهو ثاني طلق روحو عندها يبكي كيف الطفل و امو كانو..علاقتهم قوية بزاف وأكبر من مجرد اخت كبيرة وخوها صغيرة
جانير يبكي على كتفها ومحظنها:نور..راح نحاسبو والله خوك راه معاك متبكيش عليه راني معاك ولد مرا ميقدر يدير فيك الشي هدا ونسكتلو..متبكيش اختي راني معاك
نور زيرت عليه تشهق:علابالي احبيبي علابالي متبكيش..ختك قوية..مطحتش راني واقفة .. مراحش نسكتلو وراح نجيب حقي بيدي اعمري..خويا لعزيز من وقتاه تعرف نور تستسلم؟؟...كي تقتلو وتلحق باباك شكون يبقالي انا؟؟...وينهو جنوري حبيبي اللي يخمم قبل ميتهور..افطن قلبي ختك مزالت واقفة مطيحهاش واحد كيفو(زيرت عليه فحظنها تسيي تحكم دموعها ومتخليهمش يهبطو ويكونو بنزين لنارو الشاعلة اللي اذا خرجت راح تحرق كلشي هنا)
"حرب؟؟"..ايه حرب راهي صارية فوسط نور...معندهاش الوقت باه تخيب وتطيح..معندهاش الحق اصلا..تطيح وتبكي وتخلي خوها يباصي؟؟..مستحييل..راهي تسيي تحارب نفسها بنفسها..راهي تسيي تقنع قلبها يكمد جراحو ووجاعو ويسكت بسييف عليه ضك بيسك الحكاية فيها خوها!السند الوحيد ليها فالدنيا هادي..جانير خوها الصغير ومعزتو عند نور معزة أم لبنها مش اخت لخوها..مالا خلات عقلها يدخل للساحة ويتحكم من ليوم ورايح...كي تبعت قلبها مربحتش..مستحيل تزيد تدير عليه
دانييل واقف على جيهة بعيد..كلشي تخلط عليه..جان صديقو يخمم هك؟؟..يكون شرير للدرجة هادي و هو لا خبر؟؟...بنت عمو اللي كيف اختو وموصيها طلعت حرباية وعضتو وقطعت ثقتو بيها بنياب شرها في اول فرصة...ههه والأهم طلع عندها ولد؟؟..ولد بعمر العامين يعني 3سنين تلعب عليه ومفاقلهاش؟؟..هو يجري وقاتل روحو بالمحاولة فباباها باه يخليها تخرج وتجري ورا هوايتها وتروح لبلدان عديدة تطور موهبتها وهي كانت تق::طم من وراه؟؟..جايبة طفل؟..هزتو 9شهور وعقدت وتطلقت ولامن سمع بيها؟؟؟...حاسس بالغبااء وأنو و ذنين بغ/ل هابطين على راسو من شدة استغبائها ليه وبنجاااح!!
شاف لهنا ولهيه كيفاه نور لاصقة فخوها وسيليا جبدت نفس ولصقت فايلين..الكل تخبى عند خوه وختو وينهي هي؟؟..علاه مجاتش لختها؟؟..خاطب روحو عاقد حواجبو يحوس في أرجاء الصالة وسط الضياف
دانييل:وينهي؟..بشرى وين راحت؟؟..(فاتت فلاش باك على السريع بين عينيه كي كانو واقفين يشوفو لمازن لبسو الخواتم وهي تسرسبت للدروج جنب الكوزينة..وخلاتو مستفسر علاه راحت لثم؟):الكوزينة..من كي نزلت مولاتش..وين راحت؟..بعد على لجماعة ومشا على خطواتها لوين شافها آخر مرة شاف فالكوزينة وقدام بابا الدروج مكانش كمل نزل شوي كي وصل للشطحة اللولة توله لصباطها مرمي على جيهة كيما ضربو جان كي كانت تخبط فيه قرب ليه يجري
دانييل:صباطها..ايه صباطها قيست لبستها كامل وحفظتها مستحيل نخلط فيهم..ميي..وش راه يدير هنا؟..وكيفاه راهي بلابيه...بلا صباط ومقربتش للحرب تاع ختها يعني راهي مش مليحة وقادر حتى فالريسك..(هز الصباط وعيط):بششششششرررررى...بشششششرررى
بشرى كانت فالقبو طايحة على الباب بكتافها وتبكي مكياجها كامل سال ولاروب تمرمدت بالغبار اللي فاللرض
كانت قاعدة وضامة رجليها لصدرها وتمسح فدموعها بمرفقها
بشرى:اهئ خرجووني..اهئ اهئ علااه؟..وش راهي صاري فنونوشتي وانا هنا؟؟..اهئ اهئ علاه يعني حضرت معاها فكلشيي وفي وقت الصح غبت؟؟؟...اهئ اهئ وش هاد القدر الظالم ازحيي اهئ (غمت راسها فرجليها وطلقتها للبكاوات حتى تحس فشي يتلمس فرجلها حركت شوي حاسبتها ذبانة مي والو التلامس تاع هاديك الحاجة باقي غير يمشي ويطلع على طول رجلها..هزت راسها وشافت لرجلها وين الروبطالعة وعطت عيطة وحدة مزلزلة الدنيا بيها من الرعب اللي حكمها)
بشرى:اااااااااااااااااااااااااااااااااااااااااااااااااااااااااااااااااااااه
دانييل كان نازل بالشوي بفلاش تلفونو مي غير سمع العيطة وعرف الصوت نزل يجري جيهتو يعيط باسمها
دانييل:بشررررررى...بشررررررى..ويييينك
بشرى باقية غير تعيط:ااااااااااااااااه بعديييييييييييي ااااااااااه (رجعت تخبط على الباب بكل قوتها) خرجوووونييييي جاااااااااان ياااااا كل////بببب خرجنييييي
كانت تعيط وتخبط فالباب حتى مفاقت لشي لقاتو تحل وجات طايحة فحظن داني اللي ثم ثم لصقها فيه خايفها تطيح ويتكسر وجها
...دقيقة صمت سادت فالجو....
شوي وبدات تحل عينيها مليح وترمش بالقوي تحاول تستوعب وش صرا شافت للسوت اللي حاكمة فيها وريحتو دخلت لنيفها..نفس الريحة اللي كانت فالفاست اللي دارها على كتافها كي نزلو هزت راسها بالشوي من الكور تاعو لوجهو قابلها يشوفلها مشوكي وهي تبسمت براحة وعينيها رجعو تعباو دموع ولصقت فيه كثر
بشرى:اهئ دااانييييي
دانييل:ههه واش توحشتيني؟؟
بشرى:ههه مزيا جيت..قريب متت..(حلت عينيها بزربة مخلية الأمان اللي كان فيها وهي معاه هارب كي تفكرت علاه كانت هنا وعيطت):نوووور..داانيييل وينهي نوور؟؟..جان وش دااار؟؟
دانييل هبط راسو وبعد عليها يعدل فقشو شاف لداخل المخزن وين لقا عقرب لثم تمشي وتروح وتجي:هاديك العقرب هي اللي خلاتك تعيطي كيما المرا اللي قاعدة تولد؟؟
بشرى شافت للعقرب وكيفاه تدور وتلعب بذفارها اللي تقرص بيه ورجعت لصقت موراه متخبية فعرض كتافو:قريب مت..كانت فرجلي وراح تقتلنييي
دانييل تبسم وحس روحو امير يحمي فأميرتو وجابها تحت جناحو مطلعها فالدروج يهدي فيها
دانييل:صايي راحت متخافيش مزال عمرك طويل
بشرى حكات بخيبة تشوفلو:وينهي نور؟؟
دانييل هبط راسو بأسى ونطق يشوف لصباطو مش قادر يدير عينيه فعينيها ويخبرها بالصارية اللي راهي لفوق:راهي..راه..لفوق..راهم لفوق
بشرى شافتلو كيفاه مهبط راسو ويهرب فعينيه..دانييل المغرور اللي ديما مخلي عنقوقو فالسما ليوم راه مهبط راسو سيرتو معاها يعني كاين كارثة كبيرة صرات تبسمت بانكسار ونطقت بصوت خيبة وقلة حيلة
بشرى:داارها؟؟...كسرها صح؟؟..(جبدت نفس تهز فراسها بايه ودموعها رجعو يهبطو):انتقم منهاا وكسرها وخذلها ومخرجش كيما توقعت وحبت...اهئ حطملي صاحبتي وراح يخلي بريقها يغييب... مكنتش معاها..ملحقتهااش ومخبرتهاش قبل الكارثة...اوووف
دانييل هز راسو يشوفلها وهي غايضتو للخر..حاسس بمعزة نور عندها عينيها موصلين حبها لكبير ليها في كل مرة يتجبد اسمها..نور مهيش صاحبتها برك هي طرف من روحها..خيبة نور اللي لفوق نفسها اللي راهي فبشرى وكثر قرب ليها وحكم وجها بين يديه
دانييل:نور معندها متدير بدموعك..راح تزيد تخيب كي تشوف باللي كسرت الكل معاها بقرار غالط
نور تحتاج تبسيمتك وكلماتك ..محتاجة تقوليلها راني معاك حتى تفوت المحنة هادي..بيسك مهما هدرتيلها مراحش تقنع وتنوض ولاتعاونيها..محتاجة برك تكوني معاها..خليها تعيش خيبتها باه كي تفوت وتوقف متزيدش تطيح..خليها تجرب اللسعة تاع آلام لحياة ووش كاين فيها باه تتفطن وتحط خطط اكثر قوة فطريق حياتها منا وجاي (باس راسها بمعزة وبعد مخليها تشوف لعينيها بعينيها المغرغرين بالدموع)
دانييل:قتلك من قبل باللي تولي باشعة كي تبكي؟؟..تولي زي الغولة سيرتو بمكياج الزومبي اللي راكي دايرتو..
بشرى:ههه شكون قالك اهبط جيبني حتى تشوف الزومبي هدا
دانييل تبسم وزير على وجهها مثبت عينيها فعينيه:قالي قلبي...حس باللي دقات قلبك بعدت عليه.. وعقلي قالي باللي شرارات الذكاء اللي عندك غابو..هههه وعينيا تولهو لغيابك وحوسو عليك بين الكل.رجليا جابوني ديراكت لعندك..ويديا ديراكت توجدو باه تترماي بينهم...بكل بساطة هدا هو الحب..(شافلها لقاها تشوفلو بغرابة كأنو تقولو هدا وقت الشعر تاعك؟؟ وهو فهم عليها وتبسم ودار جبهتو على جبهتها يحكي):علابالي مش وقتو مي متتخيليش شحال تمنيت نكونو واقفين بلاصة واحد من العرسان ولا بلاصة مازن وسيليا وتكون خطبتنا انا ونتي..متتخيليش شحال تمنيت نخرجك من حارتك ونروبلها مع صحابي عند باب دارك ونخرجك ونقولك خرجت معاك راجل وديتك.. ليسونسيال والله ماو وقت الهدرة هادي علابالي مي احاسيس كثرمني راهي حابة تخرج...حبيت برك نقولك باللي راني معاك..راني معاك حتى تفوت المحنة هادي ونحبك تبقاي ديما قوية مع البرانية..نحبك بشرى اللي متبينش ضعفها كيما عرفتك مفهوم؟؟...وانا راني وراك وواجد نسندك وننصحك فكلشي داكور؟؟
بشرى شافت لعينيه..شوفاتو شحااال كانت صادقة..كان يبرقو بكل صدق..هي تعرف صلاحها وياما شافت من لحياة وعلابالها الناس كيفاه تشوف ووش تهدر من هدرات فارغة وكلام صح وليوم كلام دانييل صح..راه خارج من القلب,راهي قادرة تفرق الشي هدا...كيما كاين رخا//س كيما جان يهدرو برك كاين رجاال وسياادو ميحكيوش شي مش خارج من قلبهم وميحبوش يضرو بنات الناس خوفا على ختهم وبناتهم مستقبلا.._اللي يوعد "ذكر" واللي يحقق "رجل"_ هدا هو الصح والقانون فالحب حاليا
زيرت على يديه وتبسمتلو
بشرى:ميرسي...ميرسي على كلشي وراح نكون كيما راك حاب..دانييل...تفوت المحنة هادي ونفكرك فالنهار هدا وهدرتك..وقتها راح نعطيك قرار
دانييل تبسم بأمل:متأكد راح يكون أروع قرار نسمعو فحياتي
بعد عليها كي تأكد من نظرة القوة فعينيها ومدلها يدو باه تحكم فيها
دانييل:مذابيا نزير على يدك كي تتصدمي من الواقع الموجود لفوق..
بشرى شافت ليدو ولعينيه شحال من مرة وزيرت على روبها ملييح جبدت نفس من أعماق قلبها ورجعت تشوف ليدو وحكمتها بكل اقفاال شافو لعينين بعض بشوفات قوة وطلعو كيف كيف راجعين لصالة الحرب القايمة لفوق
نور مشات جانير لكرسي وخلاتو يقعد وبسييف ركحتو يبقى قاعد ومازن جا وقف على راسو باه مينوضش
شافتلو كيفاه قاعد وتايه دورت عينيها على كامل الصالة الضياف مصدومين والعايلة كثر سيليا وايلين رجعت حالتهم غير دموع عصماء وامها كل وحدة قاعدة فكرسي تداري فدوختها...الكل راه محطم شافت للينار عند ماهر وغير تشوف مراهي فاهمة والو البراءة اللي فيها هي نفسها اللي راهي حاستها هربت من داخلها ضك...زيرت على روبها مليح تستجمع فقوتها ودارت شافت ليه واقف كي الحجرة وداير يديه فجيبو ويشوف فيها
تبسمت وقربت ليه حتى ولا وجها مقابل وجهو تحكي
نور:ربحت؟؟...كسبت؟؟...هادا هو انتقامك؟؟..برك؟...وينهو الجزء الثاني لهاد الانتقام؟...(هزت يديها فوجهو وصفقتلو):وااو واااو صح هدا هو ربحك؟؟..تخسر فرحة خاوتك وعايلتك؟؟..(هزت يديها تأشرلو على حالة الباقي):شووف لايلين وسيليا..شوف خيبة ايلين اللي مصدقت وصل النهار هدا..شوف لخيبة سيليا فيك..النهار هدا هي خممت فيه كثرمنك علابالك؟؟...شوف طيحة يماك وكسرة خاطرها..علابالك وش راهي تقول فروحها؟..راهي تقول معرفتش نربيه..راهي تقول غلطتي معلمتوش الأخلاق وكيفاه يكون انسان عندو مبادئ..شوف لباباك..عمي سمير راه فاشل بيسك مكانش معاك ومعلمكش الرجولة كيفاه تكون...مي الغلطة مش فيه..كاين ناس ترباو بلا أب بصح خرجو رجالة..كاين ناس مام وباباهم عايش تعلمو الرجولة من المواقف مش منو..(شافت لوجهو لقاتو صفر كأنو هدا وين استوعب وش دار فيهم وفروحو..هو مبكاش نور وحدها ومصفقلوش وفرحو كيما توقع بالعكس كلهم خرجو ضدو وبان هو الشرير فلحكاية)وهي كملت عارفة وش داخلو
نور:هدا وين فهمت وش درت ياك؟؟...زعما حبيت تبكيني وتفرح بيك سيليا وتقولك خويا الباتمان تاعي مي نوو...علابالك علاه؟؟...بيسك كانت ختي قبل متكون ختك نتا...كانت ختي الكبيرة ورفيقتي وصديقتي وكلشيي...سيليا نسات بيسك كلات الضرب من السي بابا شحال من مرة على راسها..اما انا منستيش..مزلت متفكرة كل دقيقة بكينا فيها كيف كيف وكل دقيقة خرجنا فيها بالتخبية عليه مع آمر ويانيس ولعبنا وتمهبلنا وكل دقيقة طحت وبكيت فيها وسيليا نوضتني وسكتتني..شفت آمر اللي هاز ولد رين؟؟...عرفت بوجودو قبل 3 أياام اييه كنت علابالي بباصي رين ووش مدايرة وخاصة وجود ولدها..المهم موضوعنا مش رين...موضوعنا هو انت وغبائك...انا وجانير عادينا بابانا حياتنا كامل عقابا ليه على ظلمو لسيليا وولا واحد فينا كان يقدرو ويعتبرو باباه صح..بيسك عارفينو رخيس...والله كنت علابالي باللي يقدر يبيعني وقلتها لجانير بفمي وراهو شاهد عليا...قتلو باللي باع اللولة وباع جانير لخدمتو في عمر صغير باه يجيبلو دراهم يشرب بيهم وراح يبيعني انا كيما دارلهم للزوج...مي كي عرفتك قلت ليام ضحكتلي جان ميديرهاش بيا..(زربت مسحت دمعتها اللي هبطت وشافتلو تتبسم):بصح درتهاا..ماالا راح نعتبرو درس وموقف من المواقف تاع لحياة اللي يخلينا نكملو لقدام وصاي...راح تكون ورقة فكتاب حياتي وراح نقطعها ونحرقها مسيو جان كامل..ميي مش قبل مندير وش في خاطري والا راح نندم ندامة عمري..(جبدت نفس مليحة وزيرت يدها على شكل كف وهزتها فوجهو عاطيتو كف لا يقرأ ولا يكتب..يديها ضعاف مي أثر صباعها بقا فوجهو من قوة الكف اللي طبعتو على خدو)
الشهقات تعالات من الكل على جرأة نور أصلا نور معروفة من بكري معندهاش وين يقيللها الزاوش ولوكان تعاند روحها راح تضربو بطابلة نورمال
جان دار يدو على خدو وعينيه مفتوحين صفاحي مهوش مأمن بالي نووور ضربتو كف وقدام الناس كامل؟؟؟؟..شاف ليها ضامة يديها لصدرها بقوة وتخنزر فيه حرك فكو يعدل فيه من ضربتها وتلاح ليها خانقها قدام الكل
جان:يا واحد القح.....تهزي يدك عليااا؟؟؟؟
نور تتكعبر بين يديه تسيي تبعدو عليها مي والو..راهي لابسة روب فيها عشرين ميترا مستحيل تقدر تستعمل رجليها..سلمت أمرها لمولاها بين يديه تتخنق وهو يعيط قدامها حتى جا فاللرض وهي جات فحضن دافي تعرفو مليح زيرت عليها تسمع لكلماتها فوذنها
بشرى:راني جيت..راني معاك حتى تفوت هاد المحنة...راح نوقف معاك للخر ضدهم كامل..انا معاك ظالمة ولا مظلومة
نور تبسمت وحظنتها:ههه علابالي اعمري..وين كنتي؟
بشرى:حكاية طويلة..صح كنت مكانش مي قلبي كان عندك...وديماا راح يكون عندك
فرقهم صوت جانير اللي طاح فوق جان يضرب ويعاود مخليه يتلوى وراسو بدا يهبط بالدم من ضربة بشرى اللي عطاتو بالفاز لراسو باه يبعد على نور
جانير طايح فجان بليبوكس على وجهو وكل بلاصة تصلح للضرب
جانير:يا خاان/ز يا مخن.ث تتلاح لختي وتخنقها قدامي ياواحد العط:::: كيفاه تتجرأ يا رخي/س راح نقتلك مفيييهاااش ليوم نقتلللللك
مازن متعافر معاه يبعدو عليه مي والو:جانييير نووض جانييييير
جانير:ماااازن بعدنيييي..بعدو عليا لا نغلط فيكم بعدووو
جان جمع قوتو وعطاه كوتبي لظهرو بما أنو جانير كان قاعد فوقو
جانير تعوج شوي وبعد على جان متلاح لخصر مازن جبد سلاحو ووقف مصوبو على جان المرمي فاللرض
جانير:يعني كي مضربتكش قبيل جبتها لروحك بمدان يدك لنور...راح نقتلك مفيهاش.."شطاااخ" رصاصة خرجت من سلاح جانير جات فكتف جان مخليتو يعيط لربي اللي خلقو
جان:ااااااااعع
سيليا تلاحت تجري لجانير تسيي تبعد السلاح من يدو قبل ميكمل على جان ويجيبها فراسو
سيليا:جانير هاتوو هاااتووو
جانير:سيليا بعديييييي
ايلين:جانييييييير هبط سلاااحك...جاااان(زيرت على كرشها متوجعة والدوخة لعبت بيها جابتها طايحة بين يدين سمير) وماهر راح يجري عندها
سيليا شافت لماهر وايلين كيفاه حالتهم ولجان ونور..الكل كانو طايحين وخايبين بسبة شكون؟؟... بسبتها هي...لوكان نرجعو بالوقت ونسقسيو رواحنا علاه نشأت عداوة بين جان ونور اصلا راح تلقاو السبة سيليا..مي مش نور برك اللي تقاست..جان. .جانير.ايلين.. عصماء..سمير. .كامل تقاسو وتضرو بسبة شكون؟؟.."سيليا"...ديما المشاكل صارية من وراها صح؟؟..ديما سيليا داخلة فلحكاية.. بسبة واش؟؟..بسبة الماضي اللي حرقها وخلاها أسيرتو ديما...
زيرت على جانير منزلة سلاحو وعيطت مسكتة الحس والعياط اللي قام من الضياف اللي هنا خوفا من جانير اللي هاز سلاحو
سيليا:خلاااااااااااااص بلعووووووووووو اسكتوووووووووو صااايييييي عيييييييييييييت خلااااااص مش كل مرررررررة مش كل مرررررة علااااه؟؟؟؟...مش كيما ديما نكون سبة الدموع اللي تطيح علاااااه؟؟؟..حبسووو..بركاو متاكلو فبعضاكم زي الذيوبة..علاه يعني؟؟
...:بيسك قتلك بلاصتك مش مع عايلة...بلاصتك وسط الظلام سيليا..بعيدا على سوق العائلة والمشاعر التافهة.الشيطانة عمرها تولي ملاك !
حبسو..كأنو النقطة اللي راح تفيض الكاس لحقت...المشاكل هكا ديما كي تجي تجي ضربة وحدة نفس اللي كان ناقصهم ضك...صوت البوص!!!!!
كامل هزو روسهم للصوت لقاو البوص ومارك ورجالهم واقفين وموجهين الأسلحة عليهم
ماهر زرب جبد لينار تحت جناحو هي وايلين وسمير وقف يشوف لجليل مشوكي
مازن بقا واقف برك مشوكي..وسط عرس الأحلام اللي تمناوه أكبر شرارة شر فحياتهم جات وراح تحرق كلشي
سيليا بعدت على جانير ودارت لمصدر الصوت وين كانت عاطيتو بالظهر وخلات عينيها يتحلو براحة من الشوك اللي حكمها على المنظر اللي تشوف فيه
مارك..البوص..رجالهم مصوبين الأسلحة جيهتهم ..وواحد آخر يبان فعمر الربعين واقف معاهم ويخنزر فيها ..شكون هدا؟؟
البوص تبسم لحالتهم والصدمة اللي فيهم ونطق:هههه وشبيكم تشوكيتو؟؟....(شاف لماهر ومازن): فلالس عمراني هههه من صحكم حاسبين تلعبوها عليا؟؟...اصلا شكون القائد تاعكم؟..سيليا صح؟... سيليا شكون علمها الخدمة؟؟..انااا مالاا مراحش تقريوني وانا سيدكم يافايقين(شاف لايلين تشوفلو ومش مأمنة راسها تبسم وقرب يمشي جيهتها)
البوص:بنتييي أيلونة وش درتي اصغيرتي وشكون لعباد اللي خالطتيهم؟؟..أعدائنا؟؟..خصارة عليك
ايلين زيرت على لينار وكرشها تتزير كثر من السطر ونطقت وهي بين يدين ماهر اللي متمني يفسخ ضلوعو ويخبيها لثم من هاد الشر
ايلين:با...با..بابا..نتا صح؟؟؟؟؟
جليل(البوص):ههه نعم ايلونة انا باباك اصغرونتي
سيليا شافت لايلين وعلامات الصدمة مالية وجها وتخطفت رايحة جيهتها مي طلقة نارية تطلقت فالسما من سلاح مارك خلاتها تتيبس بلاصتها
شافتلو مرعودة من صوت الرصاصة لايكون جا فكاش واحد من الحاضرين وهو تبسم يشوف لخوفها
مارك:ههههه شيطانتي وليتي تخافي بالخف خصارة عليك..اركحي بلاصتك مبعد نتفاهمو على وش درتي فيا
جليل شاف لسيليا يتبسم ورجع يشوف لايلين:شفتي صاحبتك شحال متسرعة وديما تلعب روحها فايقة؟؟...علابالك والله ندمت اللي مقتلتهاش كي هربت من مارك بعد قبل 5سنين(لعب يدو على خصرو مبعد فاست السوت تاعو كاشف على سلاحو وتبسم يشوف فلينار دموعها يطيحو وكابشة فايلين وماهر):اممم غلطت والله..كان لازم نقتلها هي وهاديك العصفورة اللي راهي لاصقة فيك.. خصارة ولد ايفان تدخل وفسدها عليا كن راهي تحرقت من زمان ومصراش العرس هدا
سمير وقف مخبي لينار وايلين وراه
سمير:جليل وش تحوس من عندنا؟؟؟
جليل:هههه وش نحوس من عندكم؟؟..خصارة عليك صحبي جيت نحضر عرس بنتي.بصح يظهرلي الشيطانة اللي دخلتوها فرد من عيلتكم جنونها حضرو وتولاو التخريب قبلي...المهم بما أني عشت ومنعت من لعبتكم وتلمينا كامل هنا لازم نحكي الأسرار اللي كانت مخبية ونكشفلكم اللعبة اللي كنت نمشي عليها وكيفاه خربتووها
ايلين شافت لماهر بعدم تصديق:ماهر..بابا..وش هداا؟؟؟
ماهر شافلها مكسور وباس راسها بما انو كانت لاصقة فيه:هدا والو...اختبار صغير وراح نفوتوه متخافيش راني معاكم
لينار لصقت فيها خايفة ودموعها ينزلو:ماما شكون هدا هيا نروحو لدارنا هيا نخرجوو منبقاوش هناا
ايلين:متخافيش مامي راني معاك منخليهش يقيسك
جليل شاف لعصماء وتبسم:مساء الخير عصماء ختي..هادي مدة متلاقيناش
عصماء خنزرت فيه وسكتت
جانير زير على سلاحو وقرب لنور وبشرى جايبهم وراه
جانير:متتحركوش..الحالة ريسك
بشرى:جانير شكون هدا؟؟
جانير:هدا ابليس برك...راح تقوم حرب هنا...كونو واجدين متأكد راح يطيح دم كاش واحد
نور حكمت فكتفو:جانير متبعدش عليا خويا حبيبي راني خايفة عليك
جان تقعد بالشوي يشوف للبوص ويتخنزر وعيط لسيليا
جان:سيلياا ارواحي هناا
مازن شاف لحبيبتو وقرب ليها جبدها عندو ورجع بيها للور عند جان وين مكالي الطابلة فقعدتو على الأرض وداير يدو على كتفو مانع النزيف يزيد وبقاو واقفين معاه
سيليا شافت لتخنزيرة مارك فيها وزيرت على مازن بخوف
مازن توله لشوفات مارك كيفاه كانو رصاصات ليه ولسيليا وهمسلها مكالميها وراد لمارك تخنزيرات أقوى:متخافيش راني معاك..مراحش يقيسك
جليل تبسم يشوف فالكل كل واحد جبد حبيبو وختو وامو لقدامو زعما يحمي فيه وبدا يصفقلهم
جليل:هههه تشووووك دراما..من صحكم؟؟ حاسبين كلمات انا معاك متخافش ميقدرش يقيسك راح تحمي حبابكم من هاد الأسلحة؟؟..من نيتكم؟؟...اللي يحب يحمي حبيبو يهز سلاحو ويتييييرييي.
سمير:جليييل وش جابك لعندنا بعد لعوام هادو كامل..ليوم وين تفكرت بنتك وعرسها؟؟..واصلا كيفاه هربت؟؟؟
جليل.ههه من نيتك سمير؟...منيش خواف كيفك انا مهربتش باه ندي انتقامي من سراب..هربت نبني روحي ونكتسب قوة..(شاف لايلين وحكا):علابالك شكون اب مارك؟؟..ههه خالك معين..هو اب مارك الحقيقي و البوص الحقيقي اللي أعمالي كامل باسمو المرحوم..بصح شكون ربا مارك في قولك بنتي الشاطرة؟؟..انااا مالا مارك وش يكوون؟؟...هو خوووك مارك كيف ولدي وكيف خوك يا ايلين..ههه تخيلي خوك هو اللي دمر حياة ختك سيليا هههه اللعب يااه..
ايلين وسيليا شافو لعينين بعضاهم وكل وحدة تملاو عينيها بالدموع كل وحدة متمنية تلصق فختها وتقولها مهما صرا مراحش نتبدلو على بعضانا مي الواقع أصعب اكتفاو بشوفاتهم ودموعهم وصاي
جليل(شاف لسمير):ونتا؟؟ حاسب باللي صح منعت من يدين معين؟؟ لوكان مش انا اللي خليتو يشفعلك مكانش رحمك واصلا هو فالوقت هداك مات وصرت انا البوص...انا اللي خليتك تبعد وانا اللي هربت مرتك وولدك وبدلت بلاصة سكنهم وخفيت اوراقهم باه متلقاهمش ودرت روحي البطل فنظر مرتك و مرتي بمساعدتي ليهم..وقتها ايلين كان عندها 4شهور كانت بيبي صغير ونور شمس فحياتي...بقات مرتك مع مرتي وولدك كبر مع بنتي ..(شاف لجان اللي مخنزر فيه يزير على جرح كتفو بألم وتبسم):مي كي كبر بلاصة ميردلي خيري ولا يتآمر عليا هههه بصح انا ميقدر عليا حتى وااحد..انا الجبروت بحد ذاتو..انا النار..انا الظلام اللي راح يغرقكم فيه كامل...لا علينا موتي انا وليليان كان كلو خطة مني...انا اللي حبست عن قصد وسط الطريق وانا اللي وكلت صاحب الشاحنة يضربنا على جيهة ليليان باه نضمن موتها..علاه؟؟..بيسك هي عرفت أنو انا خلفت خوها في أعمالو السيئة وهددتني تخبر عليا لو منبعدش على المجال هدا...ماالااا وش كان عقابها؟؟...المووت..
ايلين شهقت وغمت لينار لصدرها تبكي وهو شافلها مقلق شوي من دموعها دوم دوم كاين جزء فيه يسموه باباها ويتقلق لتقلاقها
جليل:متبكيش ايلين باباك معاك ليليان راحت خلص عمرها بصح انا جيت نديك ونروحو بعيد على عايلة عمراني وسيليا وخرايبها...هههه نكمللكم....شائت الأقدار وباع مجيد سيليا ليا وخليتها تعاوني شحااال والله مي اللي حيرتني هي كيفاه لمتها الدنيا ببنتي انا بالذات وخلاتها تكون رفيقتها وكيف ختها راقبتكم طول المدة اللي كنتو فيها كيف كيف خدمتكم خرجاتكم كلشييي شفت معزة سيليا فعينين ايلين وقلت خلي برك منقيسهاش..خليتها تخسر بنتها خلي نعوضها بسيليا على الأقل بتدريبي اللي فيها تحميها.. ههه درتك بودي قارد لبنتي اسيليا مكنتيش صحبتها ومش ليام اللي خلاتكم مع بعضاكم انا اللي خليتكم..(شاف ليهم بالواحد من ايلين لماهر لسيليا وسمير وعصماء وجان):حيااتكم كامل كانت لعبة فيدي اناا..انا اللي خليتكم تهربو من ايطاليا لبريطانيا وتستقرو فلندن ومش فياقتكم اللي عاونتكم..ههه من نيتكم؟؟ حاسبين ساهلة تهربو من مافيا تخااف منها روس لا راهي روس تاع حنوشة كوحل كل وحدة تلسع بسمها اي واحد يجي فطريقها؟؟...المافيا مش لعب ولاد انا اللي عاونتكم...ههه مبدلتو أسمائكم وفيزاج الوجه نفسو لا ورحتو درتو شركة وخليتو رواحكم فالعلن وااو على الذكااء..ههه يعني بالمختصر المفيد انا اللي تحكمت فحياتكم وخليتكم تعيشوها كيما نحب بيسك الجزء اللي يعرفكم مني حن عليكم مي نتوما مقدرتوش النعمة ودرتو عليا..علابالك ايلين؟؟.. . سيليا وماهر وهداك جان وفلوس عمراني لاخر تآمرو عليا وخططو يقتلوني و هوما علابالهم باللي انا باباك؟؟؟
ايلين وقفت وحطت لينار فحجر ماهر مي هو ثم ثم وقف معاها
ماهر:ايلين وين؟؟
ايلين:ماهر بعد...(ردتو بيدها وقربت لجليل تتكركر فالروب حتى وصلت قدامو تشوفلو بخيبة ودموعها تطيح ):نتا مش بابا..نتا شيطان وحيوان تافه خالي من المشاعر..نتا مش أب كيفاه تتجرأ تقرب لختي وتأذيها هك من نيتك؟؟. (تلاحت لصدرو تضرب):كيفاااه بابا اللي كان قدوتي وحبيبي يدير هك ويظهر شيييطااان؟؟..كيفاااه تكون نتا ابليس وأب الشيطان اللي دمر حياة ختي؟؟..مخفتش عليا من أعمالك القذرة؟؟ مخفتش تدور ليام ونخلص انا ذنووبك؟؟...كيفاه تكون نتا الحامي اللي كنت متمنية بقائو فحياتي نفسو اللي دمرها وبعدني على بنتي و حرقني بييييها؟؟؟..قااارنتني بيييك؟؟؟ ..قارنتني بيييك بيسك بعدت عليا ومتوحشتني مسقسيت على حالي مقلت متوحشتني مقلت حابة تسمع كلامي ليها ...نتا متوحشتنيش بصح بنتي توحشتني..علاه بعدتني عليها علاااه؟؟؟...وش ذنبها هي ووش ذنبي انا في خزعبلات الماضي تاعكم؟؟...وش دخلني فألعاب الماضي اللي بنيتوها بيناتكم وخليتوني نكون أسيرتها؟؟؟....علاااه؟؟؟.....ههه يعني حكاية ايلين وسيليا ماهي الا حكاية أسيرات فالمااضي...هادا عنوان حكايتنا...الماضي يرسم والسي جليل يلعب وايلين وسيليا وكامل الأبرياء يتأسرو ويخلصو.. علااه يا جليل درت هك علاااه؟؟..وش ذنبي؟؟...وش ربحت من دموعنا؟؟..كيفاه فرحت لفراقنا وكسرتنا وخيبتنا وحزننا؟؟...(شافت لمارك يشوف ليها تحت طرف عينو):ربيت شيطان مش طفل.. اصلا خالي معين كانت العايلة كامل متبرية منو وميشرفنيش يكون هدا الشيطان ولد خالي ولا كيف خويا كيما قلت لأنو الأخت الوحيدة اللي عندي فالدنيا هادي هي سيييلياااا..ومش نتا اللي عطيتهالي الدنيا اللي عطاااتهاااالييي وفوووووق خشووومكم كاااامل سيليا تبقى ختيييي ونحميييها بحياااتي والشاطر فيكم يقرب لييييهاااا
رجعت على وراها ومشات لسيليا جبدتها عندها يتباكاو للزوج
ايلين:اهئ اسكتي سيليا اسكتي منزيدش نخليهم يقيسووك سامحيني اقلبي بابا ظهر سبة فساد حياتك سامحينييي
سيليا:اهئ اهئ ايلين متخلينيش نتي ختي مش هو اللي عطاك ليا..ايلين متخليهش يبعدنا على بعضانا مش هو اللي خلا علاقتنا تكون قلوبنا اللي ترابطت بسيف عليهم كامل متخليش وجودو يفسد علاقتنا
جليل:ههه ايلين راكي تبكي على الانسان الغلط.....حكاولك كيفاه خططو يقتلوني ولا نو؟؟
ايلين شافت لسيليا مشوكية:وش راه يقول؟؟؟
ماهر قرب ليهم عطا لينار لمازن وجبد ايلين ليه:ايلين مهما قالك درنا كلشي علاجالك
ايلين شافتلهم كامل مهبطين روسهم بعدت ماهر عليها:بعدنيي...(دارت لجليل):وش راك تخرط؟؟
جليل تبسم بخبث فماهر اللي يخنزر فيه ونطق:ههه هادو الصعاليك قبل 3 أيام قريب قتلوني..ههه قريب حرقوني..وقتها مكان كاين حتى فرق بيني وبينهم..راكي وسط شياطين على الطرفين
ايلين:أسكت علياا..(دارت لسيليا):انطقي وش درتوو؟؟
سيليا شافت ليها وبدات تتفكر وش دارو قبل يومين وكيفاه وصلو للبوص وحسبو رواحهم قتلوه وقراو لامان ودارو عرسهم كي حبو بلا خوف
Flash bac
قبل يومين وكي ماهر خبر سيليا باللي بلاصة البوص راهي عندهم اول شي داروه كي راحو للشركة راحو تلمو كامل هوما ودانييل وجان ومازن وتعقبو بلاصة البوص وحصلو عليها اللي كانت نفسها بلاصة ميرال
متلمين فبيرو جان ويحكيو
ماهر:لازم نهجمو عليه ضك
سيليا:مازن لازمنا مساعدة من القائد منقدروش نتصرفو وحدنا فمنطقة كيما هكاك نحتاجو سيارات زجاجها مضاد للرصاص وبزاف حوايج
دانييل:قتلكم ايفان بعثلي راه لاتي مع ولدو من الأطباء سينو كان حاب يجي معانا بعثلي سترات واقية من الرصاص قنابل. أسلحة رشاشة وصغيرة ومسدسات من كل الأنواع مام السيارات بعثلي هياكل نديروهم على طوموبيلاتنا باه ميتقاسوش بالرصاص جبتها نهار كامل فالميناء نهز فيهم
سيليا تبسمت:هاي هاي هاو صدق ايفان هدا مفيد صح
دانييل:ههه تشوفي وش فات ايفان هدا تقولي حيط مش بنادم
سيليا:هممم خلييي هههه
مازن:ايا اسمع اداني بركاك من القصرات مع مرتي
شافو ليه كامل وضحكو وجان خنزر فيه
جان:والله يا ولد عمراني موتك متكون غير على يدي اهااي
مازن:نشالله نشالله انسيبي هيه
ماهر:ايا ركزولي هنا..دانييل وينهم الحوايج اللي راح نحتاجوهم؟؟
دانييل:راهم في كاراج دار ايفان اللي هنا فالعاصمة...راح نروحو نتوجدو لثم ونخرجو حاكمين طريقنا
مازن:راح نخبر القائد يبعثلنا وحدات تعاوننا..كل ما زاد عددنا زادت قوتنا
دانييل:راني معاك في هادي أحسن شي
سيليا:مالا...رانا واجدين باه نجيبو حق ايلين ونحرقو الشر ونمحوه نهائيا من حيااتنا
شافو لبعضاهم كامل بقوة وخرجو ورا بعضاهم باه ميديروش الشك
بعد ساعتين كانو متلمين فالغابة يستناو سيارة البوص تفوت منا بيسك كي سيليا راقبت الموقع عرفت نوع السيارة وهي من النوع اللي يتربط بالانترنت مالا خربت شوي فنظامها واخترقتو وعرفت من خلالو كل تحركات السيارات وين تروح ووقتاه وشحال من طريق مشاتها ومنو عرفت باللي السيارة تاع البوص كل يوم تفوت على الساعة ال2 تاع القايلة وتهبط للمدينة اذا المكان الأنسب لمهمتهم راح يكون هنا فهاد الغابة
تموقعو متخفيين بين الشجر كل واحد موجد أسلحتو فيدو
بعد مدة سمعو صوت محركات سيارة البوص اللي ماشية وتقرب جيهتهم
مازن فالجهة الثانية للطريق مع رجالو ودانييل
وسيليا وجان وجانير فالطرف الثاني للطريق هداك متموقعين بأسلحتهم ودايرين الأوربودز كامل كيف كيف
مازن:راني نشوف فيها جاية
سيليا:غير يبقى على وصولها للنقطة المطلوبة30 متر راح نطلقو قنابل الغاز 4قنابل باه منضببوش الرؤية بزاف راح يدوم مفعولهم 6دقايق بالتمام في وقتها لازم نكونو حاطين نظارات الرؤية وسط ضبابهم ونصوبو على اطارات السيارة الجاية ونخلوها تحبس هنا ونصوبو على الأقل الشيفور كي يزول مفعول القنابل الغازية راح نهجمو على داخل السيارة بالرصاص لازم نضمنو باللي البوص ميموتش غير كيما رانا حابين مفهوم؟؟؟
الكل رد مفهوم غير مازن لازم ديما يحط تقوعيرو
مازن:يعني انا ضك حاب نفهم كيفاه راني حاب نتزوج بيك؟؟..هو سمعت باللي كيدهن عظيم بصح مش للدرجة هادي ابنتي بالشوي عليك
سيليا تبسمت:ههه هدا مرزقك الخالق أصبر وصاي
مازن:والله نقولك برك اسيليوشة انا مازن عمراني اللي يحبك عندك غدوة تغشيي مني تقجفيني وانا لا خبر
سيليا:ههه اواه متخافش منديرهاش بيك
جان:تحشمو على رواحكم ولا نفرغ سلاحي فيكم؟؟
سيليا بلع ريقها وسكتت بيسك جان قدامها ومازن ضحك وحب يرد مي وقت المهمة وصل السيارة بقالها 30 متر تلحق ليهم
ماهر فالطوموبيل يعس فاحداثيات اللوطو
ماهر:شباااب راهي وصلت للنقطة المطلووبة عليكم بقنابل الغاز
هزو روسهم بايه وخرج جانير ودانييل وجان ومازن القنابل الغازية ورماوهم فالطريق اللي راح تفوت فيها الطوموبيل تاع البوص دقيقة وتملات الحالة بالدخان الشي اللي خلا طوموبيل البوص تحبس
مازن والكل كانو حاطين نظارات تعاونهم فالشوفة لوسط ضباب القنابل هادو وهزو اسلحتهم يرميو على عجلات السيارة تاع البوص باه متقدرش تزيد تمشي
سيليا غير فاتو 3 دقايق على وجود الدخان مزالو 3 دقايق تولهت للباب اللي من اللور تحل باين راح يحاولو يهربو زربت خرجت من موقعها وراح ناحية الباب اللي تحل تزرب تحكم اللي محاول يهرب
جان حتى لقاها مكانش قدامو دار يدو على الأوربودز يحكي:سيييلياااا وييين رااايحة؟؟؟
سيليا ردت عليه:خرقتلي وذني يازح راني هنا كاين شكون يحاول يهرب ولازم نحكمو متخافش بقاو 2 دقايق لمفعول الدخان وتوضاح الرؤية ولوقتها راح نكون قادرة نحكم اللي مسيي يهرب بلاما نتضر
مازن يسمع لكلامهم بما انو الأوربودز مربوطة ببعضاهم:نتي هادي آخر مهمة ليك نخاف مرة اخرا فخدمتي تلحقيني نربطك ونخرج والله
دانييل:مازن مش وقت تمعشيقك اللي هربت طفلة ومرتك لحقتها
جان:ني... نتا ثاني وشمن مرتو وقتاه اتزوج بجدها
دانييل:ههه صاي صاي قريب تولي مرتو اسكت برك
سيليا تسمع لكلامهم وتتبسم مي مزالت مركزة على هدفها شافتلو يجري وسط الغابة باينة طفلة من لبستها ولاطاي السروال مزير على لاطاي وكانت شبه حوتة يعني أنثى لحقت عليها بيناتهم 1 مترو عيطت
سيليا:حبسييي بلاااصتك ولا راح نتيري علييك
الطفلة وقفت وبقات تحرك فراسها يمين وشمال ودارت تتبسم لسيليا
ميرال:هههه ديما لاحقتني نتي؟؟
سيليا تبسمت وزيرت على سلاحها:هههه الله غالب نحب نصيد الحشرات
ميرال:ههه مراحش تمنعو هاد المرة..
سيليا:من يضحك أخيرا ضحك كثرا..مزال مبانش الرابح كل واحد راه يخدم باللي عندو باه يربح
ميرال:ههه داكور نشوفو ذكائكم وين يوصلكم؟...شوي غاز حاسبين تخوفونا؟؟
سيليا:ماشي كأنو عشتي الدور بزاف؟؟...قاتلك تخوفونا رديتي روحك منهم بعد؟؟
ميرال:ايه انا منهم ومعاهم ومع كل واحد ضدك نتي وختك
سيليا:يااك؟؟..علابالك شحال وهي فقلبي وحابة نديرها مالا ليوم وين سمحت الفرصة(فتحت زر الأمان لمسدسها وصوبت على مرال فرجلها طاحت تعيط من الوجاع اللي فيها وسيليا قربت ليها تتبسم بانتصار..قرفصت عندها وشاف ليها ولعلامات وجها المتألمة وحطت سلاحها على جبهتها):همم ماالااا ضدي انا وختي؟؟..ياام ههه حاسبة روحك عدوتنا؟؟..نتي مجرد حشرة فطريقنا مكيش من ندنا يا ميرال..كنتي حشرة معفونة لعبت شوي فطريق حياتنا وجا لوقت الي نعفسوها ونفوتو (حكمتها من شعرها ووقفت تكرك فيها مهيش قادرة تمشي من رجلها اللي تصاوبت من رصاصة سيليا)
وصلت لموقعهم لقاتهم تيراو على الشيفور والبودي قارد اللي كان معاهم ونزلو البوص من الطوموبيل بعدما حكمو جان قريب يهرب
قربت وطيشت ميرال عند رجليهم وين كانو متلمين وشافت للبوص شوفة اشمئزاز عكس شوفاتو ليها
سيليا:شايب..خانز..ميكروووب...
سكتها جان كي جبدها وراه وخنزر فالبوص
جان:بعد عينيك عليها أحسنلك
جليل:ههه من صحكم حاسبيني خفتكم؟؟؟..هه غاالطييين خليوكم برك قاعدين تلعبو بذفاركم حتى نحرقكم كامل
سيليا:اصلا حرقتنا وش مزلت تدير؟؟...قولي برك احساسك انك أب لشمس؟؟..من صحك؟..هكا تدير فبنتك؟؟...علاه ايلين وش دارتلك؟؟..هه لا ومانعها على بنتها وتبعث لماهر تهددو..نتا مكش راجل ودراهمك والعز اللي فرحان بيه ماهم غير علامات ثبوت على اجرامك ولحرام اللي راك تدير فيه
جليل:راح تندمي اسيليا على كل كلمة قلتيها..اتفكري مليح الهدرة هادي وكوني هانية باللي راح نقتلك بيديا عليها
سيليا:نتا علاابلك باللي جامي خفت من الموت...بالعكس انا ديما نرمي روحي ليها وهي ترفضني..اذا مت فيوم من الأيام فراح تكون بيسك كاتبة عليا نهارتها اما السبب ميهمنيش سواء منك ولا من غيرك
ماهر قرب للبوص وحكم سلاح من يد مازن وصوبو عليه:راح نقتلك ونخليك تندم على كل دقيقة خليت بنتي ومرتي يبكيو فيها على فراقنا وتشتت عايلتنا
جليل واقف وحاطينلو رجال مازن لي مينوط وحاكمينو على الجيهتين ودايرين نفس الشي لميرال
جليل:صوب اماهر عمراني..مينش وحدي كان شكون ورايا يلحق ليك ويندمك
ماهر:مراني خايف لامنك لا من غيرك اللي يهمني حق عايلتي يجي وراح نكون معاهم ديما فوق خشمك
جليل:طول ما انا حي مستحيل نخليك قريب لبنتي ولا تخمم تأسس عايلة معاها...راح نقتلك بيك ببنتك ومنخلي لبنتي حتى واحد من غيري
ماهر:بللللع فمممك...رد بالك تجيب سيرة بنتي على لساانك...مزلت متفكر مليح كيفاه تجرأت ترميها وسط النيران ياجليل الكلب...نتا خممت تحرق بنتي وانا راح نحرقك صح قرب ليه وعطاه دماغ لراسو مفقدو الوعي وشاف للرجال يهزوه ويركبوه فالطوموبيل تاعهم
ماهر:هزو جدو لوين تفاهمنااا
الرجال دارو كيما طلب هو وهوما بقاو واقفين في شكل دائري وميرال في نصهم مرمية فالأرض
سيليا هازة سلاحها وتزير عليه وتخنزر فميرال:خليولي شرف نقتلها يرحم واااالدييييكم
ماهر:وانا حاب نقتلها بيديا على النهار اللي خممت تقرب فيه للينار وايلين (هبط لمستواها وحكمها من الشعر):خممتي تمدي يدك على لينار؟؟..من صحك؟؟...ايلين ضربتك برك بيسك عاقلة مي انا عداتني نسيبتي بتشيطينها..راح نخسر عليك رصاصة وحدة تسكتك حياتك كامل اميرال..راح نهني العايلة كامل من شرك
ميرال:متنساش باللي الربيع مزال حي هههه اذا خممت تقيسني راح تشوف وش يدير فيك
ماهر:انا منخاف لامنك لا من الربيع تاعك راح نحرقكم كامل
وقف جبد زر الأمان وصوب سلاحو جيهتها
ماهر:شهدي على روحك
ميرال:نحبببببك امااااهر نعششششششقك وراااح نموووت وانا فرحانة بيسك مت على يديييك اماهر عمراانييي
سيليا بزقت عليها ورفستها بكوتبي لكرشها:تفوووه عليك خاانزة تاع ن//مي وينهو كبريااائك يرحم باباك يازح مزاال صح كاين بنات يرخ/سو روحم علاجال الذراري؟؟؟...وينهو حق شخصيتك وكونك انثى ازحي وين طيشتييييه؟؟؟
ميرال تبسمت حاكمة فكرشها والسطر قوا فرجلها وشاف لماهر اللي يخنزر فيها:هههه راح نبقى نحبك مع هاد التخنزيرة وكل تفصيلة فيك ماهر حبيبي..مهروووشي نعشقك ودير في بالك باللي وحدة مراح تحبك قدي
ماهر طفح بيه الكيل جبد الزناد وتيرا عليها لنص راسها مخليها طايحة فالأرض ساكتة نهائيا وللأبد
ماتت ميرال وبقات غير جثة وسط الغابة مخليينها للكلاب وركبو أبطالنا فالطوموبيلات تاعهم ماشيين لوجهتهم التالية يكملو على البوص ويتهناو!!
.....
نهاية ليوم ههههه قتلنا ميرال ومزالو يموتو زوج في قولكم شكون؟؟؟
خلولي رايكم فالكرونيك بصفة عامة للآن وأسلوبي كيفاه كان وكيفاه ولا مع العلم أول مرة نكتب وبديت بالكرو هادي مالا رايكم يهم
الى اللقاء راح ندير جهدي ونحط غدوة وبما انو افكاري زادت خرجت من الجنب ودارت عليا النهاية تكون فالويكاند هههههههه
بلاما تنساو فوط