لاتنسون التصويت وتعليقاتكم بين الفقرات 🦦💙
________________
جهاد : يول اختج صارلها ساعة تراسل صرعتني وبس تكتب فستان اخضر و... جاوبتها وتگول تريد فستان أخضر منج ووياه الگعب شني منو يلبس أخضر هلوكت
حجيت بتوتر : اي هههه تحبه
عگد حواجبه باستغراب ، جهاد : شبيها اديج ترجف
- اسـ تبردت
اجه يمي وحضني حيل ، رغم جان الجو صيف وعادي بس ماعرف ليش گلت هيج
جهاد : ادفيك بضلوعي حبيب ضلوعي انتَ
بادلته الحضن بقوة ، دنفت رأسي برگبته
جهاد : بوياهه تتحارش
مارديت ، وخرت رأسي وبقيت اباوع بعيونه الساحلات گلبي بيهن
- احب عيونك كلش
جهاد : وانا احبج كلج
بقيت اباوع عليه بدون رد فعل ، والواضح حته هوه لاحظ
جهاد : روحي بلغرفة ادفي إذا بردانه
هزيت رأسي واخذت الموبايل ورحت للغرفة بسرعة ، سديت الباب وفتحت الموبايل
بقيت اقرأ الرسائل كومة دازهه
💬فستان اخضر و....
الرد : شني ؟
💬 فستان اخضر و.... ؟؟؟
الرد : شبيج خوية وهمّ بلحمام انا جهاد
💬 هههه بس ردت فستان اخضر وگعب وياه استعيرهن منها
ماجان راد عليها ،
بسرعة كتبت : ووردي
شافتها وبقت تكتب عين على الباب وعين على الموبايل
💬 وصلن !
رديت : الله عليج ؟؟
💬 اي يمي هسه
رديت : ضميهن وباجر اخذهن منج .
حطت اوكِ على الرسالة ، حذفت المحادثة بسرعة وبقيت أخذ نفس بقوة
رفعت رأسي من نفتح الباب ،
جهاد : تعال حبيب الضلوع سويتلگ ريوگ يلوگ لهلطسة لبوجهك
أبتسمت وحجيت : تمام جاية
گمت ورحت وياه للمطبخ گعدنه على المائده وبقينه نأكل
جهاد : بيك حيل صديقي تا نطلع
- وين
جهاد : افرك يم حاتم وجماعته
- ها ؟
جهاد : بكيفك وين تريد نذهب ؟
- ههههههه نبقه نفتر بلسيارة
جهاد : تأمر أمر صديقي
بقينه ناكل ونسولف على مواضيع مختلفة ، شلت المواعين ورحت اغلسهن وهوه راح يسبح
كملت المواعين ورحت للغرفة ابدل ، أخذت فستان نص ردن يجي ضيگ من الصدر ومنفوش من جوه ، لونه قهوائيي حطيت مكياج تُرابي وياه
مشطت شعري وحطيت ماشات على شكل نجمة منا ومنا ، لبست بوت ابيض وياه
دخل جهاد ينشف بشعره والخاولي الثاني على خصره ،
- متبطل هلحركة
جهاد : شني ياحركة
- استغفرالله هيج انتظرك بره
جهاد : ليش حبيب الضلوع ابقه هنا
باوعتله صفح وطلعت ، شوية واجه جان لابس برموده وتيشيرت ابيض
جهاد : ها نطلع
- اممم ، ماعندي شي
أخذ غراضه ونزلنه ، صعدنا وحرك السيارة ، بقينه نفتر بالمنطقة وصوت الأغاني وين واصل
جهاد : اريد ارگص
- چلي چلي
جهاد : واريد العب
- چلي چليي
غنينه بصوت عالي : ها وبعرسك يلمرتب چلي بم بم بم چلي
بقينه الطريق كله نغني ، مابقينه مكان بـ برلين يعتب علينه فريناها فر
فتحت الموبايل أشوف الساعة صايرة بـ4 ونص
- عزهه جهاد شوف الساعة
جهاد : ها نرجع
- اي كلش تعبت
جهاد : عود اسويلك مساج خالي
- لا مشكور منريد منك شي
جهاد : انتِ الخسرانة ها
- عمي ميخالف
بعد مرور وقت شوية هواي ووصلنه ، نزلنه قفل السيارة وصعدنه
- عزهه جهاد احس جسمي تكسر
جهاد : من الگعده هسه انا اسويلج مساج درجة أولى
- جوجايةة فكي ياخة مني
جهاد : اصعد عضيدي أصعد
صعدنا للشقة ، فات يسبح قبلي بقيت اطلعلي ملابس على مايكمل ، رفعت رأسي من شتغلت شاشة الموبايل تعلن عن وصول إشعار
رحت بسرعة اخذته وشفتها من ريم ،
💬 بأجر تجين ؟
رديت : أكيد وطبعاً
💬 متأكدة من قرارج وهمّ ماكو تراجع ؟؟
أخذت نفس ورديت : متاكده كل التأكيد
💬 تمام راح احطهن سوه
رديت : ديربالج تنكشفين ريم !!
💬 لتخافين مايصير
شفتها ومارديت حذفت المحادثة بسرعة ، رجعت الموبايل المكانه وبقيت صافنة بلفراغ اتراجع لو لا !
رفعت رأسي من انفتح الباب ودخل جهاد ،
جهاد : وهمّ عيوني سويلي ستكان جاي رأسي ساطرني
- انتظرني أسبح واسويلك
راح بتجاه المراية وگال ، جهاد : على راحتج
تنهدت واخذت ملابسي وطبييت للحمام اسبح ، فتحت الدوش وبقيت صافنة عليه
گلبي ياذيني ليش ! استغفرت وطبيت أسبح بقيت جوه الدوش لفترة
سديته من حسيت اتاخرت بلحمام نشفت جسمي وبدلت وطلعت رحت للغرفة ، فتحت الباب لگيته نايم والضوه يشتغل
اذكرت من راد جاي على رأسه نقهرت جان منتظرني واني تأخرت ، تنهدت بضيق ورحت امشط بشعري
طفيت الضوه ورحت بتجاه الجرباية ، فتحت ايده ودخلت بحضنه ، حسيته شدد حضنه عليه
جهاد : چؤ ، ليش شعرج مبلل
- عادي
جهاد : تستبردين
- احضني حته ادفه لعد
دنگ راسة عليه وباسني بعمق بادلته ، بقه فترة وابتعد
حضني حيل ورحنه بنوم عميـــــق.....
ماگعدت اله ثاني يوم من التعب ، باوعت على جهاد الحاضني تقربت منه وبسته بشفته وخرت منه ورجعت بوست عيونه
بقيت اطبع بوسات على وجهه ، وخرت من حضنه وگمت شفت الساعة بـ6 ونص صباحاً، طلعت من الغرفه ورحت للحمام غسلت وجهي وتوضيت
طلعت بلاستقبال اصلي ، بقيت گاعده على المصلاية وصافنة ، فززني صوت جهاد
جهاد : اضحكي تا نشوف صلاة الفجر وضحكتج سوه
درت وجهي عليه وابتسمت اشرتله يجي يمي ، تقرب وحط رأسه بحضني
جهاد : ماتحمل حنان أسيلي وصلاة الفجر وضحكتج
بهداي على گلبي حبيبه ضلوعي
- جوعان ؟
جهاد : امم ، مشتهي بيض وطماطه
- اللّٰه فدد احبهاا
جهاد : ادحگين هاي رسائل مبطنه
- هههههههه امم ، يله كوم صلي وخلي أسوي الريوگ أني
گام من حضني وراح يتوضأ ، نزعت جادر الصلاة ورحت للمطبخ أسوي بيض وطماطه
ثرمت الطماطه وكثرت زيت وياها لان تطلع طيبة كلش ، عفتها تستوي على راحتها ، رحت خدرت چاي
من شفت الطماطه أستون طگيت البيض عليها وبقيت احرك بيهن ،
نصيت النار ورحت أشوف جهاد اذا كمل ، لگيته گاعد على التخم وبيده الموبايل
- اجيبه هسه ؟
رفع رأسه عليه ، جهاد : امم جيبي
هزيت رأسي ورجت حطيت استكاين وحميت الصمون وحطيت البيض بمواعين ثنين ، شلتها ورحن للاستقبال
جهاد : اخ بوية بيض وطماطه وگعده الگاع
حجيت وإني اگعد. : افضل الگاع على المائده ما اخذ راحتي بيها
جهاد : بسوالف الثريد اتفق وياج بس باقي الأكل چؤؤ احب أكل على المائده
- اختلاف ثقافات اسُتاذ
اكتفه انُ يبتسملي ، بقينه ناكل ونسولف
گمت شلت الصينية من كملنه أكل ، غسلت المواعين ورجعت يمه
جهاد : الساعة بـ7ونص ، بعد وكت للدوام
- امم
جهاد : شنسوي
- ماعرف
جهاد : انا اعرف
- دخيلك أسكت
جهاد : چؤؤ بنتي عيب اسكتين رجلج
- خوش المرة الجاية اسكت ايدي
اباوعله طگها بضحكه قوية ، حجيت وإني عاكده الحواجب : تره ماكو شي يضحك
بسرعة غير ملامحه وحجه : اعرف بس ماردت يصير بيج توحد
- ههههههههههههههه
جهاد : ليش مترجعين تكملين دراسه شباقيلج انتِ
- امم مقررة من نرجع للعراق اكمل هناك
جهاد : ليش متكملين هنا ؟
- ما ادبرها ودراستهم تختلف اختلاف جذري عنه
جهاد : امم ، يا حيوان تحبين
-هههههه شنو هلسؤال
جهاد : نضيع وقت وجاوبي يله
- اممم ، الذئب
جهاد : غدار ،حسود، غيور، جشع، ومتغطرس وكل الصفات السلبية التي يمكن أن يفكر بيها الشخص موجوده بي !
- لهذا السبب حبيته هههه الجن يخاف منه تعرف ليش
جهاد : لان يبقي نضره ثابت وتام عليه
- بلضبط
جهاد : معروف بلغدر !!
حجيت بضحكه : ومعروف بذكائه وها وفي اتجاه شريكه أكثر من الكلب حتى.
جهاد : اممم ، كومي ليفوتنه الوكت
كمت قبله للغرفة أخذت ملابس وطلعت للحمام ابدل ، كملت تبديل فتحت الباب وطلعت
لگيته بلاستقبال يعدل بساعته ، عبرته ورحت للغرفة حطيت مكياج حاد وقوية ، باوعت لنفسي بلمراية
جنت لابسة ،، ( مثل البصورة + قميص ابيض )
شديت القميص على خصري على شكل ورده ، بقيت اباوع النفسي برضه ، اخذت جنطتي وطلعت
لگيته منتظرني بلاستقبال ،
- ها نروح
رفع رأسه عليه ،
جهاد : هايول شناوي علينه
- كل خير جوجايتييي
تقرب يمي وحط ايده على خصري ، بقه يحرك خشمه على خدي ،
دفعته وحجيت : راح نتأخر
جهاد : نكنسل الدوام
- چؤؤ ، مدير مُهمل
جهاد : بوياهههه ماترضى ماترضى
- هههههه يله
قفلنه الشقة ،
- صح جهاد
جهاد : عيناي
- گلت الريم نمر عليها وناخذها
جهاد : هلا بيها
رحت دگيت باب الشقة وبسرعة فتحته الواضح جانت منتظرتنه ، بقيت اباوع الشكلها بانبهار الحجاب مجملها كلش،
ريم: صباح الخير
جهاد واني : صباح النور
نزل جهاد قبلنه اجت هية بصفي تمشي ، وصلنه للسيارة صعدت بلصدر وهية وره
خلصنه الطريق سوالف وجهاد خلصها يحششش على ريم وناصب عليها ، وهيه الدمعه بعينها
گرصته من ايده ، عاط متألم
جهاد : اخ شبيج يول
- لتزعل اوختييي
جهاد : تاج راسنه ريم
بقت تباوعله صفح ،
حجه بضحكه : ريرووو.
ريم : نعم
جهاد : منو وياج
ريم : معليك
جهاد : لا راح تبجييي بوياههه وهمّ اختج العوده بجت
- ياا شجاك دعوفها
ريم : بعد ولا اجي وياكم
جهاد : لادخيلج تونست عليج
ريم : اي حقك مسويني مضحكه
جهاد : عجل صاعده ابلاش فـ خليني اضحك عليج إبدال الكروه لو عندج اعتراض ؟
ريم : تحجي صدك
جهاد : اي وداعت مذهب السبلت
ريم : رجاءً لتحجي وياي بعد
جهاد : بوياهه مصعدين أنجلينا جولي ولا عبالك هية ريم
ريم : اي وشبيها ريم ؟
جهاد : موخوش ريم ياخوية
حجت موجهه كلامها الي ، ريم : ياا وهم شبي شاد وياي رجلج
جهاد : شوكت شديت رجلها وياج ؟ عمي ناس تبتلي علينه عينك عينك
بقيت صافنة عليه وحته هية ، وينننن يله استوعبت كلامها ، بقيت اضحك بصوت عالي
بقه صافن عليه لان مره وقت هواي من كال كلامه وصارت السيارة هدوء وفجاءة ضحكت
جهاد : دخيلك ربي تسودنت وعاد شلون عايزها سوادين هية
- شقصدك جوجة
جهاد : مني هاي جوجة
- فددوحده اخ منها
جهاد : چؤ متعبتج لازم
- كلش
جهاد : دنزلن وصلنه
صدك درت وجهي لكيت واكفين مقابيل الشركة نزلنه وهوه قفل السيارة راح بتجاه مكتبة ، رحت بسرعة يم ريم
- بشري
ريم : كلشي تمام
- تمام
ريم : عندج وكت حته تتراجعين وهمّ !
- چؤؤ
____ ريم _____
عافتني وراحت ، اخذت نفس ورحت لمكتب حميد
دگيت الباب ، ماكو صوت أستغربت ،رجعت دگيته وكذالك نفس الشي
فتحت الباب ودخلت بقيت اباوع لإرجاء الغرفة ماجان موجود ، صحت بـ إسمه خاف بلحمام
ريم : حميد ؟
ماكو صوت ، رحت گعدت على مكتبي وبقيت اباوع بملل حته ملفات ماكو واضيع وقت بيهم
بقيت فترة نوعاً ما طويلة واني على گعدتي ، رفعت رأسي من نفتح الباب ودخل حميد ووياه وحده
حجه بابتسامة : ها ريمهه اعذريني يابة
رديت وعيني على البنية لبصفة ، ريم : عادي مصار شيي
حميد : ست جوليا مساهمه بشركة قريبة النا وهاي مدام ريم مُساعدتي
جوليا : هلوو
ريم : اهلاً
حميد : إنشاء اللَّه ست جوليا تبقه تشتغل ويانه سبوع
جوليا : وين راح يكون مكاني
حميد : بكيفج تري...
قاطعته ، جوليا : يمك ماعرف أحد غيرك وغير جهاد
حميد : على راحتج
بقيت صافنة عليهم هية حلوة وتتموع بلكلام لابسة فستان قصير كلش والمكياج والعطر ،
فززني صوت حميد : وين صافن خالي
رفعت نضري عليه ، ريم : مصافنة
حميد : تعالي خلنطيج الملفات
ريم : عزهه حميد باع الساعة يعني أني والـ2 يله اكمل
حميد : ههههههه لتخافين قليلات انطيج بما ان الغلط مني
ريم : إذا هيج تمام
بقه يباوعلي ومبتسم نسه وجود جوليا ،
حميد : يول من لبستي الحجاب اجيبين العين هيج أكثر
حجيت بخجل ، ريم : شكراً
جوليا : حموديي شتريد أشتغل
حميد : احم ، راح تجي تصاميم مُهمه وانت ضيفي لمساتج عليهم
جوليا : لمساتي يخبلن مو
بدون مانتبه بقيت رافعة حاجبي والضاهر انتبهلي حميد من ابتسامته ،
حميد : النساء ميعوفن شي بدون أثر حلو منهن
حجيت بصوت ناصي : غير يستقر كاضم الساهر
حجه بنفس نبره صوتي ، حميد : وشبيها حافية القدمين ضايجة
مارديت وبقيت اكتب بلملفات وست جوليا خلصتها سوالف وياه والضحك وين وأصل ، رفعت رأسي وخزرته
حمحم وبقه مبتسم ، درت وجهي بقيت أكمل باقي الشغل ، قرب كرسيه مني
ريم : خير استاذ
حميد : شبيج گالبه الحلوة ؟
ريم : والله يا أستاذ هذا مكان شغل مو كوفي وماكاعد أركز من وره أصواتكم
حميد : اها هيج برئيج
ريم : امم ،
حميد : خوش طالعين بره كلشي ولانزعجج يول
حجيت بدون وعي ، ريم : طبكم مرض
حميد : رحم الله والديج
ريم : ياا والله بلغلط
حميد : الواضح هيج
ريم : آسفة حميد بس لا زعلت
حميد : ليش زوجج وازعل منج ؟
ريم : ليش بس المزوجين يزاعلون
حميد : امم لان الأشخاص العلاقتهم قوية يصير بيها زعل أما اغير هيج فـ الطرف الثاني ماراح يهتم للكلام
ريم : اهتميت ؟
حميد : كلش
_____وهمّ_____
عفتها ورجعت لمكتبنه قبل ، گعدت اشوف الأوراق وكل شوية اباوع للساعة ، احس دگات گلبي مسموعة من قوتها
بعد مرور ساعتين يله كملت گمت وكفت وأخذت نفس بقوة ، بقيت أعدل ملابسي اخذت الملفات ورسمت على وجهي إبتسامة جذبية
رحت وديتله الملفات حته يوقعهم ، فتحت الباب ودخلت
رفع رأسه وابتسم ، رحت تقربت عليه وانطيته الملفات
گام واجه يمي سحبني من خصري وباسني بوسات متفرقة على وجهي ،
حجيت بأبتسامة : اعتبرها اخر بوسة هاي
عكد حواجبه باستغراب ، جهاد : ليش
أبتسمت وحجيت : اي غير راح يخلص الدوام ونرجع للبيت
جهاد : اي وشدخل هاي بهاي ؟
- امم يعني هاي آخر بوسة بلدوام ههههه شبيك
جهاد. : اگعد اعوج واحچي عدل
- هههههههههه
راح گعد على مكتبه وبقه يوقع بلملفات ، بقيت اباوعله بتركيز وگوه لازمه نفسي
اخذت نفس قوي من كملهن وانطانياهن ، اخذتهم
حجيت بأبتسامة : مثل مادخلنه بالمعروف طلعنه بالمعروف
عكد حواجبه باستغراب ، جهاد : شقصدج ؟
مارديت وبقت ادور بلملفات الوقعهن، استقرت عيني على الملف المطلوب رفعته وحجيت بأبتسامة خبث : القصد ياطليقي نفس الطريقة الزوجتني بيها اطلگت منك بيها
...... يتبع
قناة التليكرام
كملنه البارت وفرحتو بي ؟
زين خلي نفرح ربنه ونخلي ختام البارت مسك !
رددو ويايه حبيباتي انتن💙
﴿سبحان الله وبحمده ﴾ 3 مرات
﴿استغفر الله من كل ذنب عظيم ﴾ 3 مرات
﴿ لا اله الا الله ﴾ 3 مرات
﴿ اللهم صلِ على مُحمد والِ مُحمد ﴾3 مرات
اللهم أغفر للمؤسسات الغاليات الكبيرات منهن والصغيرات فقد أوصى عزيزك بهن😔💙
واغفر للمُسلمين والمُسلمات والمؤمنين والمؤمنات الاحياء منهم والاموات 💙