သူဌေးကြီးဖြစ်ဖို့ ပိုက်ဆံတွေ ဆုံးရှုံးဖို့လိုတယ်

Binabasa mo ang

Random

မိတ်ဆက် ငါ တကယ် ပိုက်ဆံဆုံးရှုံးချင်တယ် T_T အကောင်းဆုံး သူဌေး၊ စီးပွားရေးလောက၏ အရွယ်နှင့်မလိုက်အောင် ထူးချွန်ပြောင်မြောက်သူ၊ ပါရမီရှင် ဖန်တီးသူ၊ ရာစု...

comedy minidesserts sliceoflife supernatural translation မြန်မာဘာသာပြန်

Ch-57/58

338 32 0

Galing kay Miracle_Phyu97

အခန်း(၅၇) ဝန်ထမ်းပေါင်းစည်းပွဲဆိုတာ ကုန်းဆင်းဖို့ပဲ

လင်းဝမ်၏ ပထမဆုံး အလုပ်နေ့က ဧရာမ ကြိုဆိုပါတီပွဲကြီး ဖြစ်နေသည်။

ထိုနေ့လယ်ခင်း ၂ နာရီတွင် အားလုံး ရုံးထဲတွင် စုစည်းကြကာ ရုပ်ရှင်ရုံသို့ ချီတက်ခဲ့ကြ၏။

လက်ထောက်ရှင်း၏ အချိန်ဇယားအရ ပထမဆုံး VIP IMAX ရုပ်ရှင်ရုံတွင် ဘိုကင်တင်ထားပြီး နောက်ဆုံးထွက် ရုပ်ရှင်ဖြစ်သည့် Avatar ကို ကြည့်ရဖို့ ယွမ် ၄,၀၀၀ ကျော် ကုန်ကျခဲ့သည်။

ထို့နောက် ကျင်းကျိုးမြို့တော်က စျေးအကြီးဆုံး ဘူဖေးစားသောက်ဆိုင်ဖြစ်သည့် ငန်းရေကန်သို့ အားလုံး ရောက်လာခဲ့ကြသည်။ ဝန်ဆောင်ခ ၁၅ ရာခိုင်နှုန်းနှင့် လူတစ်ယောက်ကို ၄၂၈ ယွမ်နှုန်းဖြင့် တွက်ကြည့်လိုက်သောအခါ ထိုစားသောက်ပွဲကြောင့် ဖေးချမ့် နောက်ထပ် ယွမ် ၁၀,၀၀၀ ကျော် ကုန်ခဲ့ရပြန်သည်။

ညစာစားပြီးနောက် အနီးအနားရှိ KTV တစ်ခုသို့ သွားပြီး အနိမ့်ဆုံး ယွမ် ၆,၀၀၀ လောက်ကုန်ကျသည့် ဇိမ်ခံအခန်းတစ်ခုကို ငှားရမ်းခဲ့သည်။ ဖေးချမ့်က ဘားတွင် အချိန်ပိုဖြုန်းခဲ့ပြီး ကိန်းဂဏန်းအရေအတွက်ကို ဂဏန်း ငါးလုံးအထိ ဖြုန်းနိုင်ခဲ့သည်။

ဒါတောင် သူ မကျေနပ်သေးပေ။

ဒီလို ရုတ်ခြည်း ငွေဖြုန်းတီးမှုက မလုံလောက်သေးပါ။

သာမန်နေ့များနှင့် ယှဥ်ရင် သူစနစ်ရန်ပုံငွေကို သုံးဖို့ စနစ်က ပိုအလိုလိုက်နေသည်ဟု ခံစားမိသည်။

စနစ်၏ ကန့်သတ်မှုများက အခြေအနေပေါ် မူတည်သည် ထင်သည်။ သူစနစ်ရန်ပုံငွေကို မတူညီသော အကြောင်းပြချက်များကြောင့် သုံးစွဲလိုက်တိုင်း သူအများဆုံး ဖြုန်းနိုင်သည့် ပမာဏလည်း ပြောင်းလဲသွားတာ ဖြစ်နိုင်သည်။

အရင်တစ်ခေါက်ကိုပဲ ဥပမာယူကြည့်ပါ။ ဖေးချမ့် ကွမ်ကျိုးမြို့ကို ပညာဖလှယ်ဖို့ အကြောင်းပြချက်ဖြင့် သွားခဲ့စဥ်က လုပ်ငန်း ကုန်ကျစရိတ်များအရ သူတို့ ပိုက်ဆံသုံးနိုင်ခဲ့သည်။

ဒီတစ်ခေါက်ကျတော့ သမုဒ္ဒရာရဲတိုက်ဂိမ်းကို အောင်မြင်စွာ ဖန်တီးနိုင်မှုအား အောင်ပွဲခံသည့် အကြောင်းပြချက်ဖြင့် ၎င်းတို့ အတူတူ စားသောက်ဖို့နှင့် ပျော်ရွှင်ဖို့အတွက် ရွေးချယ်စရာများကလည်း ပိုများလာခဲ့ခြင်း ဖြစ်နိုင်ပါသည်။

သာမန် တွေ့ဆုံပွဲတစ်ခုသာဆို ဘူဖေးအတွက် ကန့်သတ်ချက်က လူတစ်ယောက်ကို ယွမ် ၂၀၀ ဝန်းကျင်သာ ရှိလောက်သည်။ ထို့ထက် ပိုသုံးပါက စနစ်က အသိပေးချက် ထုတ်ပြန်ပါလိမ့်မည်။

သို့သော်လည်း ဒီတစ်ခေါက်တော့ ဖေးချမ့်၏ ခိုင်မာသော အကြောင်းပြချက်ကြောင့် သူတို့ ဘူဖေးကို ယွမ် ၄၀၀ ကျော်အောင် စားခဲ့တာတောင် စနစ်က သတိပေးချက် မထုတ်ပြန်ခဲ့ပါ။

စနစ်၏ စည်းကမ်းချက်စံနှုန်းများက ပုံသေ မဟုတ်ဘဲ အခြေအနေအရ ပြောင်းလဲနိုင်သည်ဟု ဖေးချမ့် ခန့်မှန်းလိုက်သည်။

ကောင်းမွန်သော အချက်တော့ဖြစ်သည်။ အဘယ့်ကြောင့်ဆိုသော် နောက်ကို သူစနစ်ရန်ပုံငွေကို သုံးစွဲသည့် နည်းလမ်းအပေါ်မူတည်ပြီး ဖေးချမ့် လွတ်လပ်မှုကို ပိုရနိုင်လိမ့်မည်။

သို့သော်လည်း အမှန်ပင်။ စနစ်ရန်ပုံငွေများက ကိုယ်ရေးကိုယ်တာ ကုန်ကျစရိတ်များထက် ကုမ္ပဏီအရေးကိစ္စများအတွက် သုံးဖို့သာ ကန့်သတ်ချက်ရှိပါသည်။

ပိုက်ဆံဖြုန်းဖို့ သူအကောင်းဆုံး ကြိုးစားနေခဲ့သော်လည်း အသုံးမဝင်သည့် ကြိုးစားမှုဟု ဖေးချမ့် ခံစားနေရဆဲဖြစ်သည်။

ဒီနေ့အသုံးစရိတ်ကိုပဲ နမူနာ ယူကြည့်ပါ။ သူတို့စုစုပေါင်း ၃၀,၀၀၀ တောင်ပြည့်အောင် မသုံးနိုင်ခဲ့ကြပေ။ သူမျှော်လင့်ထားတာ ဒီလို မဟုတ်ပေ။

သို့သော်လည်း အဆင်ပြေပါသည်။ ငွေစာရင်း ရှင်းချိန် တစ်ပတ်တောင် လိုသေးသဖြင့် ပိုက်ဆံများ ဆက်ဖြုန်းဖို့ အချိန်ရှိသေးသည်။

ဖေးချမ့်က ဒီဝန်ထမ်းပေါင်းစည်းပွဲကို စိတ်မဝင်စားသော်လည်း တခြားသူများကတော့ မတူချေ။

အထူးသဖြင့် မာယန်၊ ပေါင်ရှုနှင့် ဟွမ်စစ်ပေါ်အတွက်ဖြစ်သည်။ ဝန်ထမ်းပေါင်းစည်းပွဲကို ဆက်ကျင်းပရင်း အရာရာကို သူတို့ မှင်သက်နေမိပါသည်။

ရုပ်ရှင်ကြည့်ဖို့အတွက် VIP IMAX ရုပ်ရှင်ရုံကြီး တစ်ခုလုံးကို နောက်ဆုံးထွက်ဇာတ်ကားကို 3D ဖြင့် ကြည့်ဖို့ ဘိုကင်တင်ခဲ့သည်။ ဘယ်လောက်တောင် ကောင်းလိုက်သလဲ။

ညစာဘူဖေးကလည်း တစ်ယောက်ကို ယွမ် ၄၀၀ ကျော်ကုန်ကျပြီး ဟင်းပွဲ ၅၀၀ ကျော်နှင့် ပင်လယ်စာ ၄၀၀ တို့ပါဝင်သည်။ ဆူးတောင်ပြာ တူနာ၊ နယူးဇီလန် ပုစွန်တုပ်၊ သြစတြေးလျ ကျောက်ပုစွန် စသဖြင့် သူတို့ လိုချင်တာ မှန်သမျှ အကုန်ရပါသည်။

Haagen Dazs ရေခဲမုန့်က အခမဲ့ဖြစ်ကြောင်း မာယန်မြင်လိုက်သောအအခါ ကုန်းဆင်းဖို့ ပြင်လိုက်သော်လည်း ဖေးချမ့်၏ ဝေဖန်မှုကို ခံခဲ့ရသည်။

'မင်းအစားအသောက် ဘယ်လိုရွေးရမလဲ မသိဘူးလား'

'ဘယ်ဟာက ပိုစျေးကြီးတာလဲ မသိဘူးလား မင်းမသိရင်လည်း Qiandu မှာ ရှာကြည့်လိုက်'

စားသောက်ဆိုင်ထဲတွင် စားသောက်နေစဥ် အားလုံး အဆင့်မြင့်သလို ခံစားချက်မျိုးကို ရခဲ့ကြသည်။ သူတို့ ထူးဆန်းသည့် အစားသအသောက်များကို တွေ့သောအခါ ကောင်းသည် ဖြစ်စေ မကောင်းသည်ဖြစ်စေ စျေးကြီးသည့်ပုံ ပေါ်ပါက ချက်ချင်း စားပစ်ကြမည်ဖြစ်သည်။

သူတို့အများစုက အသက် ၂၀ အစောပိုင်းသာ ရှိကြသေးပြီး စားနိုင်သောက်နိုင်ဆုံး အရွယ်ဖြစ်သည်။ ထို့ကြောင့် စားပွဲအများစုတွင် မြင့်မားစွာ ထပ်ထားသည့် ပန်းကန်အလွတ် များစွာ ရှိနေပါသည်။

တစ်ဖက်တွင် ဖေးချမ့်ကတော့ အလွန် တည်ငြိမ်နေပါသည်။

သူပြန်မဖွေးဖွားခင်တုန်းက ဒီလိုဘူဖေးများကို စားတာရှားပြီး အစားအသောက်များကလည်း ဆွဲဆောင်မှုရှိသည်။ သို့သော် သူ့စိတ်ထဲ ၅၀၀,၀၀၀ ကိုသာ တွေးနေမိပါသည်။

သူ ယွမ် ၅၀၀,၀၀၀ ကို ရနိုင်မယ်ဆိုရင် ဘာကို မစားနိုင်စရာအကြောင်းရှိလို့လဲ။

စနစ်၏ ထောက်ခံချက်ကို စောင့်ပြီး စားကောင်းသောက်ဖွယ်များ စားသောက်နိုင်ဖို့ စောင့်နေစရာ မလိုတော့ဘူး။

ဆူးတောင်ပြာ တူနာတစ်ကောင်ကို စားသုံးရင်း ဖေးချမ့်၏ စိတ်ထဲတွင် ယွမ် ၅၀၀,၀၀၀ ဖြင့်သာ ပြည့်နှက်နေခဲ့သည်။

...

လင်းဝမ်၏ အာရုံကလည်း ထိုနည်းတူစွာပဲ မီနူးပေါ်မှာ ရှိမနေပေ။။

သူမအတွက် ထိုအစားအသောက် အားလုံးက ဘာမှအသစ်အဆန်း မဟုတ်ဘဲ ဒါတွေကို စိတ်ကုန်နေတာ ကြာခဲ့လေပြီ။

သူမ စိတ်ဝင်စားတာက ဝန်ထမ်းများနှင့် ဘော့စ်ဖေးတို့၏ ပြုမူ ပြောဆိုပုံများဖြစ်ကြသည်။

အားလုံး ဘယ်လောက်တောင် ပျော်နေသလဲ သူမ မြင်နေရ၏။

ထိုအပြုံးများမှာ ယခင် ဆန်းစထရိုက်ခ် စတူဒီယိုရှိ လုပ်ဖော်ကိုင်ဖက်များတွင် လင်းဝမ် တစ်ခါမှ မမြင်ဖူးခဲ့သည့် အပြုံးများဖြစ်သည်။

ဒီနေ့ စားကောင်းသောက်ဖွယ်တွေ စားနေရလို့လား။

မဖြစ်နိုင်ပါ။

ဒါက တစ်ယောက်ကို ၄၀၀ ဝန်းကျင်သာ ကုန်ကျသည့် ဘူဖေးဖြစ်ပြီး ဘာမှမထူးခြားပါ။

အားလုံးပျော်ရွှင်နေရသည့် အကြောင်းအရင်းမှာ ဘော့စ်ဖေး၏ အသိအမှတ်ပြုမှုကို သူတို့ ခံစားမိသောကြောင့် ဖြစ်နိုင်ပါသည်။

သူတို့ အလုပ်လုပ်ရတာကို ပျော်ရလောက်သည့်အထိ ဘော့စ်ဖေး၏ စရိုက်လက္ခဏာက သူတို့ကို နွေးထွေးစေခဲ့သည်။

ဝန်ထမ်းတွေနဲ့ ဘော့စ်တွေက အမြဲတမ်း ပဋိပက္ခဖြစ်နေရမယ်လို့ ဘယ်သူပြောလဲ။

အလုပ်လုပ်ရတာ စိတ်ပျက်ဖို့ကောင်းတဲ့ ကိစ္စလို့ ဘယ်သူပြောလဲ။

ဘော့စ်ဖေးနဲ့သာဆို ဒီလိုတွေ လုံးဝ မဟုတ်တာ သေချာပါသည်။

အလွန် သန့်စင်သည့် တွေ့ဆုံပွဲဖြစ်ပြီး ရှားပါးလွန်းလှပါသည်။

တခြား ကုမ္ပဏီများက ဝန်ထမ်းများ၏ အနားယူချိန်ကို အသုံးချပြီး ပိတ်ရက်များတွင်သာ တွေ့ဆုံပွဲများကို ကျင်းပတတ်ကြသည်။ ဒါတင်မကသေးဘဲ ထိုတွေ့ဆုံပွဲ အများစုက အရက်သောက်ဖို့သာ ဖြစ်သည်။ ကုမ္ပဏီ၏ ဝန်ထမ်းများအကြား ဆက်ဆံရေးကို တိုးမြှင့်ပေးရမည့်အစား ဝတ်ကျေတန်းကျေ ဆောင်ရွက်ရသည့် လူမှုရေး ပွဲတော် တစ်ခုလိုပင်။

လူအများစုက ဒါကို သဘောမကျကြသော်လည်း ရွေးချယ်စရာမရှိကြပါ။

သို့သော် ထန်းတာ့မှာတော့ မတူညီပေ။

ခေါင်းဆောင်များက စကားပြောပြီး ဝန်ထမ်းတွေက အရက်များငှဲ့ပေးရသည့် ခွကျသော ကဏ္ဍများ ထန်းတာ့မှာ မရှိပါ။ အားလုံးက ကိုယ့်အစားအသောက်ကို ပျော်ပျော်ကြီး စားသောက်နေကြသည်။

သန့်စင်လိုက်တဲ့ ဝန်ထမ်းပေါင်းစည်းပွဲပါလား။

ဒါတင်မကသေးဘဲ ဖေးချမ့်က တစ်ခုခုကို စဥ်းစားနေသည့် ပုံစံဖြင့် စိတ်မပါစွာ စားသောက်နေပုံကို လင်းဝမ် သတိထားမိသည်။

မဟုတ်မှလွဲရော ဂိမ်းနဲ့ ကုမ္ပဏီ အော်ပရေးရှင်းတွေအကြောင်း စဥ်းစားနေတာများလား။

အားလုံးက အားရပါးရ စားသောက်နေကြသော်လည်း ဖေးချမ့်ကတော့ တစ်ခုခုကို နက်နက်ရှိုင်းရှိုင်း စဥ်းစားနေပြီး စိတ်ပူပန်နေသည့်ပုံ ပေါက်နေပါသည်။

အမှန်ပင်။ ဒါက ဘော့စ်တစ်ယောက် ဖြစ်ရခြင်း၏ တာဝန်ပဲဖြစ်သည်။ ခေါင်းဆောင်များသည် အနာဂတ်ကို တွေးပူပြီး လက်အောက်ငယ်သားတွေ ပျော်ရွှင်ပြီးမှ ပျော်ရွှင်ကြတာဆိုတာ ဒါမျိုးကို ခေါ်သည်။

ဖေးချမ့်အကြောင်း လင်းဝမ် ပိုပြီး နားလည် အမြင်ကျယ်လာပြီဟု ခံစားမိပါသည်။

...

သူတို့ စားသောက်ကြပြီးသောအခါ အားလုံး အနီးအနားရှိ KTV မှ ဇိမ်ခံ အခန်းထဲသွားခဲ့ကြပြီး တစ်ညလုံး ပျော်ရွှင်ခဲ့ကြပါသည်။

သို့သော်လည်း သီချင်းမဆိုချင်ဘဲ အိမ်စောစော ပြန်ချင်သည့် တချို့ကောင်မလေးများအတွက် ဖေးချမ့်က ယောက်ျားလေး ဝန်ထမ်းများကို အငှားယာဥ် ငှားခိုင်းလိုက်ပြီး အိမ်ပြန်ပို့ခိုင်းလိုက်သည်။

ဘာပဲဖြစ်ဖြစ် အခန်းငှားခက လူတွေပြန်သွားသည်ဖြစ်စေ မပြန်သည်ဖြစ်စေ အရေးမကြီးဘဲ ဖေးချမ့်၏ ငွေဖြုန်းတီးမှုအပေါ်လည်း သက်ရောက်မှု ရှိမည် မဟုတ်ပေ။

သူ့သဘောထားက ရိုးရှင်းပါသည်။

မင်းတို့ကောင်တွေ ငါ့ကို စနစ်ရန်ပုံငွေသုံးတာကို ရပ်အောင်လုပ်တာက လွဲပြီး ကျန်တာအကုန်လုပ်လို့ရတယ်။

အခန်းထဲတွင် ဘားငယ်လေးနှစ်ခုနှင့် ကခုန်ရာ နေရာတစ်ခုရှိပြီး အားလုံး စိတ်ကြိုက် သောက်ကြသည်။ အရက်ဖြင့်ဖြင့် အချိုရည်ဖြစ်ဖြစ် ရသည်။

အစကတော့ အားလုံး ထိန်းထိန်းသိမ်းသိမ်း ရှိနေကြ၏။ သို့သော် မာယန်က နာမည်ကျော် 'Transactional Love' သီချင်းကို အားရပါးရ ဆိုလိုက်သောအခါ တစ်နေရာလုံး တက်ကြွသွားတော့သည်။

အားလုံးက ကိုယ့်ကိုယ်ကိုယ် လွှတ်ပေးလိုက်ကြသည်။ သူတို့ စိတ်ကြိုက် မိုက်ခရိုဖုန်းထဲသို့ အော်ဟစ်ကုန်ကြ၏။

လင်းဝမ်လည်း မပြန်ဘဲ သီချင်းတချို့ ဆိုခဲ့သည်။ သူမ၏ သာယာလှပသော အသံကြောင့် အားလုံးနွေးထွေးသွားကြပါသည်။

သူမ ဒီအဖွဲ့ကို သဘောကျနေပြီဖြစ်ကြောင်း သိခဲ့ရသည်။

ဒါက ဘော့စ်ဖေးကို ဝိုင်းရံကြရင်း ပျော်ပျော်နေတတ်ကြသည့် ချစ်ခင်ကြသော မိသားစုကြီး တစ်ခုလိုပင်။

ဒီလိုအခြေအနေကြောင့် လင်းဝမ်သည် သူမ ဝင်လာခဲ့သည့် နေရာ မမှားယွင်းကြောင်း ယုံကြည်သွားခဲ့ရပါသည်။

ထန်းတာ့က သူမ အသည်းအသန်ရှာဖွေခဲ့ရသည့် အဖြေဖြစ်သည်။

ပျော်ရွှင်စွာဖြင့် ဖေးချမ့်လည်း နည်းနည်းပါးပါး သောက်ခဲ့သည်။

မူးနေစဥ် စနစ်ရန်ပုံငွေ ယွမ် ၅၀၀,၀၀၀ စလုံး သူ့ကိုယ်ပိုင်စည်းစိမ်ထဲသို့ ဝင်ရောက်လာသည့် ငွေစာရင်းရှင်းမှုကို စနစ်ဆောင်ရွက်နေကြောင်း မြင်ယောင်နေမိပါသည်။

...

နောက်တစ်နေ့ နေ့လယ်ခင်းတွင် ဖေးချမ့်သည် သူ့အငှားတိုက်ခန်းမှာ နိုးလာခဲ့ပြီး မျက်လုံးများကို ဖြည်းချင်းစွာ ပွတ်လိုက်ပါသည်။

မနေ့ညက သူသောက်ခဲ့သော်လည်း သူတို့ အရည်အသွေးမြင့် ဝိုင်များကို သောက်ခဲ့ကြသောကြောင့် အရမ်းမူးတာမျိုး မဖြစ်ပါ။

ရေတစ်ခွက် ငှဲ့လိုက်ရင်း လက်ပ်တော့ကို ဖွင့်လိုက်သည်။

ဒါက လက်ပ်တော့ အသစ်တစ်လုံးဖြစ်၏။ အရင်လက်ပ်တော့ကတော့ ကျောင်းစတက်ပြီးကတည်းက ၆ လသာ သုံးရသေးသော်လည်း အနားယူသွားရပြီဖြစ်သည်။

ဖေးချမ့်၏ လက်ရှိ လက်ပ်တော့က အဆင့်မြင့် Alienware အမျိုအစားဖြစ်သည်။

စနစ်ရန်ပုံငွေကို ဘာပဲဖြစ်ဖြစ် သုံးရမှာဖြစ်သဖြင့် ဒီလိုလက်ပ်တော့မျိုး ပိုင်ဆိုင်ရခြင်းကို ဖေးချမ့် ရင်မခုန်တော့ပါ။

ESRO ၏ ဝက်ဘ်ဆိုက်ကို ဖွင့်လိုက်ပြီး သမုဒ္ဒရာရဲတိုက်ကို စစ်ကြည့်လိုက်သည်။ စမ်းသပ်စစ်ဆေးသော လုပ်ငန်းစဥ် မပြီးမြောက်သေးမှန်း မြင်လိုက်ရ၏။

ဂိမ်းက ကြီးသဖြင့် စမ်းသပ်စစ်ဆေးမှု လုပ်ငန်းစဥ် ပိုကြာတာ ပုံမှန်ပဲဖြစ်သည်။ ထို့ကြောင့် နာရီ ၂၀ ကြာပြီးတာတောင် ဂိမ်းက စမ်းသပ်စစ်ဆေးခြင်း လုပ်ငန်းစဥ်အတွင်းမှာပဲ ရှိနေပါသေးသည်။

ဖေးချမ့်က လက်ပ်တော့ကို ပိတ်လိုက်ပြီး စိတ်လည်း သိပ်မပူပေ။

တခြားကုမ္ပဏီများကတော့ မားကတ်တင်း အစီအစဥ်များလည်း လုပ်ရဦးမည်ဖြစ်သဖြင့် ဂိမ်းက စမ်းသပ်စစ်ဆေးခြင်းလုပ်ငန်းစဥ်ကို ဘယ်တော့ အောင်မလဲ စိတ်ပူပင်နေကြနိုင်သည်။

သို့သော်လည်း ဖေးချမ့်ကတော့ ဒီလိုလုပ်စရာ ဘာမှမရှိပါ။

ထို့ကြောင့် စမ်းသပ်စစ်ဆေးခြင်း လုပ်ငန်းစဥ်၌ ဂိမ်းဘယ်တော့ အောင်မလဲ ဘာအရေးကြီးဦးမည်နည်း။ ဘာမှ အရေးမကြီးပါ။

အခန်း(၅၈) ဂိမ်းကို မားကတ်တင်းဆင်းဖို့ အစီအစဥ်မရှိဘူးလား

တနင်္လာနေ့၊ နေ့လယ်ခင်း။

သောကြာနေ့က ဝန်ထမ်းပေါင်းစည်းပွဲကြောင့် အားလုံး တက်ကြွနေကြသည်။ ကျန်အားလပ်ရက်များတွင်ပါ အနားယူလိုက်ရသဖြင့် အားလုံး လန်းဆန်းသွားကြ၏။

ရုံးသို့ နေ့တိုင်းသွားသော ပေါင်ရှုက လွဲပြီး ကျန်သောလူများအားလုံး မသွားကြဘဲ အားလပ်ရက်များကိုသာ ပျော်ပျော်ဖြတ်သန်းခဲ့ကြသည်။

ဘာပဲဖြစ်ဖြစ် ဂိမ်းက ယခု ပြီးဆုံးသွားပြီ ဖြစ်သဖြင့် အချိန်ပိုလုပ်ဖို့ မလိုအပ်တော့ပေ။

အချိန်ပိုလစာ ပေးသော်လည်း အားလပ်ရက်တွင် ပျင်းရိရခြင်းက ပိုစွဲမက်စရာကောင်းပါသည်။

တနင်္လာနေ့သို့ ရောက်သောအခါ လူအများစုက ပျော်ရွှင်နေကြဆဲဖြစ်၏။

တစ်ဖက်တွင် ဟွမ်းစစ်ပေါ်ကတော့ ခက်ထန်နေ၏။

"သမုဒ္ဒရာရဲတိုက်ရဲ့ ပမာဏကို မင်းသတိထားမိတယ်မလား" ဟွမ်းစစ်ပေါ်က ပေါင်ရှု၏ စားပွဲသို့ ရောက်လာခဲ့ပြီး သူလည်း သမုဒ္ဒရာရဲတိုက်၏ ပမာဏများကို ကြည့်နေကြောင်း မြင်လိုက်ရသည်။

ရှင်းရှင်းပြောရလျှင် အလွန်ဆိုးဝါးသည်။

ဂိမ်းကို သောကြာနေ့တွင် စမ်းသပ်စစ်ဆေးဖို့ တင်လိုက်ပြီး စနေနေ့တွင် အောင်မြင်သွား၏။ သို့သော်လည်း တနင်္ဂနွေနေ့ ပြီးတာတောင် ဒေါင်းလုတ်ကာ ရာဂဏန်းသာ ရှိသေး၏။

နည်းပါးလွန်းလှသည်။

FPS ဂိမ်းများက တခြားဂိမ်းများနှင့် မတူညီပါ။ ကစားသမား လုံလုံလောက်လောက်ရှိမှ ကစားနိုင်သည့် ယှဥ်ပြိုင်အွန်လိုင်းဂိမ်းတစ်ခုဟု ဆိုနိုင်သည်။

FPS ဂိမ်းတစ်ဂိမ်းက အဓိက အချက်က ဂိမ်မာများကို တစ်ယောက်ယောက်နဲ့တစ်ယောက် ယှဥ်ပြိုင်တိုက်ခိုက်စေခြင်း ဖြစ်သည်။ သို့သော် ဒေါင်းလုတ်ပမာဏ ရာချီသာရှိပြီး ကစားသူ ဆယ်ဂဏန်းသာရှိနေပါက ဘယ်လို ယှဥ်ပြိုင်ရမည်နည်း။ စကေးခြင်း မတူညီသည့် ကစားသမားများနှင့် တစ်ပွဲတည်းကျသွားသောအခါ ယှဥ်ပြိုင်စရာ ကစားသမားများပင် လုံလုံလောက်လောက် မရှိနိုင်တော့ပါ။

ဒီဂိမ်မာအားလုံးကို ကွန်ပျူတာနှင့် ယှဥ်ကစားခိုင်းလျှင်လည်း အဓိပ္ပာယ်မရှိလှပေ။

သို့သော်လည်း BULLET HOLE နှင့် တခြား FPS ဂိမ်းများလိုမဟုတ်ဘဲ သမုဒ္ဒရာရဲတိုက်တွင် ဂိမ်းဇာတ်ကြောင်းတစ်ခုရှိပြီး တစ်ယောက်တည်း ကစားနိုင်သော ဂိမ်းလည်း ဖြစ်သည်။

သို့သော်လည်း ဂိမ်းဇာတ်ကြောင်းတစ်ခုတည်းနဲ့ အချိန်အကြာကြီး ကစားမှုကို ထိန်းသိမ်းမထားနိုင်ဘဲ ဂိမ်မာတွေလည်း ရိုးအီသွားလိမ့်မည်။

ထို့အပြင် Counter Strike ကို သဘောကျသော ဂိမ်မာများမှာ ဂိမ်းဇာတ်ကြောင်းထက် PvP modes များကိုသာ သဘောကျတတ်ကြပါသည်။

ခြုံပြောရလျှင် ယခုအခြေအနေမှာ သိပ်မကောင်းလှပါ။

သမုဒ္ဒရာရဲတိုက်၏ ဒေါင်းလုတ်ရာဂဏန်းမှာ အခမဲ့ဂိမ်းဖြစ်နေကြောင့်လည်း ဖြစ်သည်။ တစ်ကိုယ်တောင်ဂိမ်းအဖြစ် ရောင်းချပါက အနည်းဆုံး ယွမ် ၃၀ မှ ၅၀ အထိ ကုန်ကျနိုင်ပြီး ဒေါင်းလုတ်ပမာဏ ပိုနည်းပါးသွားနိုင်ပါသည်။

သမုဒ္ဒရာရဲတိုက်ကို ဘာကြောင့် အခမဲ့ဂိမ်းအဖြစ် သတ်မှတ်လိုက်ရတာလဲဆိုတာကတော့... ဖေးချမ့် တစ္ဆေစစ်သူကြီးမှ သင်ခန်းစာ ယူခဲ့သောကြောင့်ဖြစ်သည်။

တစ္ဆေစစ်သူကြီးဂိမ်းမှာ လူကြိုက်များပြားလှသဖြင့် ကစားသမားနှုန်း ဆက်တိုက်တက်သွားခဲ့ပြီး လစဥ် ကစားသမားအသစ် သိန်းနဲ့ချီပြီးရောက်လာစေပါသည်။

ထိုဂိမ်မာတစ်ယောက်ချင်းဆီတိုင်းမှ ရသည့် ထပ်တိုး ၁၀ ယွမ်မှာ ဖေးချမ့်မေ့ထားလို့ရသည့် အရာမဟုတ်ပေ။

အစကတော့ ထိုစျေးနှုန်းကို မွဲနေသည့် ဂိမ်မာများအတွက် အတားအဆီးတစ်ခုဖြစ်စေအောင် သတ်မှတ်ခဲ့သည်။ သို့သော်လည်း သူထင်တာနဲ့လွဲပြီး အရင်းအနှီးနိမ့်သော်လည်း အမြတ်ငွေ အများကြီးရခဲ့သည်။

ထိုနာကျင်စရာ အတွေ့အကြုံကြောင့် ဖေးချမ့်က သမုဒ္ဒရာရဲတိုက်အတွက် ဘာစျေးနှုန်းမှ မသတ်မှတ်ရန် ဆုံးဖြတ်လိုက်ပါသည်။

ဂိမ်းက လုံးဝ အခမဲ့ဂိမ်းဖြစ်သည်။ ဒီလိုဆို သူတို့ ဒေါင်းလုတ်ပမာဏ တချို့ ရလာခဲ့ရင်တောင် ထိုဂိမ်မာများထံမှ ဖေးချမ့် ဘာငွေမှ ရမှာ မဟုတ်တော့ပေ။

ဆန့်ကျင်ဘက် အနေဖြင့် ၈၈၈ ယွမ်တန် Epic လက်နက်များကြောင့် သူနာမည်ဆိုးရနိုင်ပြီး ဂိမ်မာများ၏ အပြစ်တင်မှုကြောင့် တခြားသူများကို သမုဒ္ဒရာရဲတိုက်အား မကစားရန် တားဆီးပြီးသားဖြစ်သွားနိုင်ပါသည်။

တစ်ချိန်တည်းမှာပင် ဂိမ်မာအများစုကလည်း ထိုလက်နက်များကို တတ်နိုင်မှာ မဟုတ်ပေ။

ဘာကြောင့် ဂိမ်းကို လုံးဝ အခမဲ့ မလုပ်လိုက်ရတာလဲဆိုတာကတော့...

ဖေးချမ့်လည်း ဒီလိုမဖြစ်ချင်ဘဲနေပါ့မလား။

သို့သော် စနစ်က ခွင့်ပြုမှာ မဟုတ်ပါ။

ဂိမ်းသာ အခမဲ့ဂိမ်းတစ်ခုဖြစ်ပြီး ဂိမ်းထဲဝင် ဝယ်ယူနိုင်သော ပစ္စည်းများသို့မဟုတ် ကြော်ငြာခများမရပါက ယုတ္တိမရှိတော့ဘဲ ဖေးချမ့် အခမဲ့ပေးကမ်းဖို့ ဂိမ်းလုပ်ဖို့အတွက် ငွေဖြုန်းခြင်းနှင့် ညီမျှသွားလိမ့်မည်။

လုံးဝ ညစ်ပတ်ခြင်းဖြစ်သွားပြီး စနစ်သဘောတူမှာမဟုတ်သည့် စည်းကမ်းဖောက်ဖျက်မှု ဖြစ်သွားလိမ့်မည်။

မဟုတ်ပါက ဖေးချမ့် ငွေဖြုန်းတီးဖို့ အရမ်း လွယ်ကူသွားပါလိမ့်မည်။ စျေးပေါပေါဖြင့် ရောင်းနိုင်သည့် ထုတ်ကုန်တချို့ကို ဖန်တီးနိုင်ပါက သူစိတ်တိုင်းကျ ငွေဖြန်းတီးနိုင်လိမ့်မည်။

သေချာပေါက် စနစ်က ဒီလိုသိသာသည့် Loophole မျိုးကို ဖေးချမ့်အား အသုံးချခွင့် ပေးမှာမဟုတ်ပေ။

ထို့ကြောင့် ထုတ်ကုန်၏ ရောင်းစျေးဖြစ်ဖြစ်၊ ဂိမ်းထဲက ပစ္စည်းများ၏ ဝယ်ယူမှုစျေးပဲဖြစ်ဖြစ် အမြတ်ငွေရနိုင်မည့် ပုံံစံတစ်ခုကို ဒီဇိုင်းရေးဆွဲရသည်။ ဒါမှ စနစ်၏ သတိပေးချက်ကို ရမည်မဟုတ်ပေ။

ဘာပဲဖြစ်ဖြစ် လောလောဆယ်တော့ ဖေးချမ့်က သမုဒ္ဒရာရဲတိုက်၏ အခြေအနေများကို ခိုင်ခိုင်မာမာ ကိုင်တွယ်ထားနိုင်ပြီးဖြစ်သည်။

သမုဒ္ဒရာရဲတိုက်ဂိမ်းအတွက် ကာကွယ်မှု သုံးဆင့်ရှိ၏။

ပထမဆုံး မားကတ်တင်း ဆင်းဖို့ အစီအစဥ်မရှိသောကြောင့် ဂိမ်း၏ စိတ်ဝင်စားစရာကောင်းမှု လျော့ကျသွားလိမ့်မည်။

ဒုတိယက ဂိမ်း၏ အမြတ်ငွေပုံစံမှာ ၈၈၈ ယွမ် တန်သော Epic လက်နက်များနှင့်သာဆို သေချာပေါက် အရှုံးကြီး ရှုံးပါလိမ့်မည်။ သမုဒ္ဒရာရဲတိုက်အတွက် နာမည်ဆိုးများလည်း ထွက်လာနိုင်၏။

တတိယက သမုဒ္ဒရာရဲတိုက်မှာ သူ့ထက် ပိုသာလွန်သည့် ဂိမ်းတစ်ခုဖြစ်သော Bullet Hole နှင့် ယှဥ်ပြိုင်ရမည်ဖြစ်သည်။

လောလောဆယ် ပထမဆုံး ကာကွယ်မှုအဆင့်ကို အသုံးချထားပြီးပြီဖြစ်သည်။

ထို့ကြောင့်လည်း ဟွမ်းစစ်ပေါ်နှင့် ပေါင်ရှုတို့ ဒုက္ခများနေကြခြင်းဖြစ်၏။

သူတို့နှစ်ယောက်စလုံးလည်း သမုဒ္ဒရာရဲတိုက်၏ အခြေအနေကို အာရုံတစိုက် စောင့်ကြည့်နေကြ၏။ ဘာပဲဖြစ်ဖြစ် ဒါက သူတို့ ကြိုးစားပမ်းစား လုပ်ခဲ့ကြရသော ထုတ်ကုန်တစ်ခုဖြစ်ပြီး ဘော့စ်ဖေး၏ သူတို့အပေါ်ထားသော ယုံကြည်မှု၏ တာဝန်ကိုလည်း ထမ်းဆောင်ခဲ့ရသည်။

ဂိမ်းသာ မအောင်မြင်ရင် ဘော့စ်ဖေး စိတ်မပျက်သွားနိုင်ဘူးလား။

သူတို့ ဒီလိုဖြစ်ခွင့် ပြုလိုက်လို့ မဖြစ်ပါ။

ဟွမ်းစစ်ပေါ်က တွန့်ဆုတ်နေပြီး သူပြောတော့မည့် အရာကို ပြောသင့်သလား မပြောသင့်သလား စဥ်းစားနေပါသည်။

သို့သော်လည်း စဥ်းစားချင့်ချိန်ပြီးနောက် သူ့စိတ်ရှိသည့်အတိုင်း ပြောဖို့ ဆုံးဖြတ်လိုက်သည်။

"ညီအစ်ကိုပေါင် ဘော့စ်ဖေးက သမုဒ္ဒရာရဲတိုက်ကို မားကတ်တင်းဆင်းဖို့ အစီအစဥ်လုံးဝ မရှိဘူးလို့ မထင်ဘူးလား။ သမုဒ္ဒရာရဲတိုက်ရဲ့ ဒေါင်းလုတ်ပမာဏက ဒီလောက်ထိ ဆိုးရွားစရာ အကြောင်း မရှိဘူးလေ ဟုတ်တယ်မလား"

သူပြောလိုက်သည့်စကားက ဘော့စ်ဖေးအပေါ် မလေးစားရာ ကျနိုင်သော်လည်း ဖြစ်နိုင်ခြေရှိသည့်အရာဖြစ်သည်။

ခုခေတ်တွင် ပြည်တွင်းဂိမ်းများ အောင်မြင်နိုင် မအောင်မြင်နိုင်ခြင်းက မားကတ်တင်း လမ်းကြောင်းများပေါ်တွင်သာ မူတည်နေပါသည်။

အမှိုက်သရိုက်ဂိမ်းများကတောင် ထိုကဲ့သို့ ဦးနှောက်ကျင်းသည့် မားကတ်တင်း ကမ်ပိန်းများကို အသုံးချရင်း ဂိမ်မာများကို ဆွဲဆောင်တတ်ကြသည်။

အမှန်ပင် ထိုဆွဲဆောင်ခံရသည့် ဂိမ်မာများကို ဆက်လက်ထိန်းသိမ်းထားနိုင်ဖို့ကလည်း နောက်ထပ် ပြဿနာတစ်ခုဖြစ်သည်။

သို့သော်လည်း အနည်းဆုံးတော့ မားကတ်တင်း သေချာလုပ်ပြီး ငွေသုံးဖို့ စီစဥ်ထားပါက အမှိုက်သရိုက်ဂိမ်းများကတောင် စိတ်ဝင်စားမှုတချို့ ဖန်တီးနိုင်ပါသည်။

သို့သော်လည်း အွန်လိုင်းပေါ်ကို တစ်နေကုန် ရောက်ပြီးတာတောင် ဒေါင်းလုတ်ပမာဏ ရာဂဏန်းသာ ရှိသေးသည့် ဂိမ်းကတော့ အဓိပ္ပာယ်မရှိပါ။

ပေါင်ရှုက ဟွမ်းစစ်ပေါ်ကို ကြည့်လိုက်သည်။ "ညီအစ်ကိုဟွမ်။ ဘော့စ်ဖေးကို မေးခွန်းမထုတ်ပါနဲ့ ဝေ့ပေါ်ကိုသုံးပြီး တစ္ဆေစစ်သူကြီးကို မားကတ်တင်း ဆင်းနိုင်တဲ့ လူတစ်ယောက်က သေချာပေါက် ဒီနယ်ပယ်မှာ ဆရာတစ်ဆူပဲ ဖြစ်မှာပဲ။ မားကတ်တင်းရဲ့အရေးပါမှုကို သူမသိဘဲ နေမလား"

ဟွမ်းစစ်ပေါ် ခေါင်းတိုသွားပါသည်။

သူပြောတာလည်း မမှားပါ။

သို့သော်လည်း သမုဒ္ဒရာရဲတိုက်က ဒီလို ဆိုးဆိုးရွားရွား အခြေအနေမျိုးတွင် ရောက်နေသဖြင့် ဘာမားကတ်တင်းမှ လုပ်မထားတာ သေချာနေသည်။

ဟွမ်းစစ်ပေါ်သည် တမင်တကာပင် အွန်လိုင်းပေါ်တွင် ရှာကြည့်သေးသည်။ သမုဒ္ဒရာရဲတိုက်ဂိမ်းက တခြား ဂိမ်းပလက်ဖောင်းများပေါ်တွင် မရှိရုံသာ မကဘဲ ကြော်ငြာခြင်း သို့မဟုတ် မားကတ်တင်း ဆင်းခြင်းများ တစ်ခုမှမရှိပါ။

ဘော့စ်ဖေးက မဟာ လှုရှားမှုတစ်ခုကြီး လုပ်ဖို့ စောင့်နေတာမျာားလား။

ဟွမ်းစစ်ပေါ်၏ ရှုပ်ထွေးနေသော စိတ်အခြေအနေကို ဖတ်နိုင်နေသလိုမျိုး ပေါင်ရှုက ပြောလိုက်သည်။

"ငါတို့ ဘော့စ်ဖေးကို ယုံကြည်ဖို့ပဲ ရှိတော့မယ် ထင်တယ်။ သူငါတို့ကို မားကတ်တင်းကိစ္စ စိတ်မပူဖို့ပြောရင် ငါတို့စိတ်ပူစရာ မလိုပါဘူး"

"အေး အဲ့လိုဆိုလည်း မှတ်တာပဲ" ဟွမ်းစစ်ပေါ်က ပေါင်ရှု၏ အမြင်ကို သဘောတူလိုက်သည်။

သူတို့က ဘော့စ်ဖေးလို ဉာဏ်ကြီးရှင်မျိုးအတွက် စိတ်ပူပေးနေရမည့် အဆင့်အတန်းမျိုး မဟုတ်ပါ။

သည်လိုနှင့် ဟွမ်းစစ်ပေါ်လှည့်ပြန်သွားခဲ့သည်။

၁၀ မိနစ်ကြာသောအခါ သူပြန်ရောက်လာခဲ့၏။

"ဒီတစ်ခေါက်က မားကတ်တင်းကြောင့် မဟုတ်ဘူး" ဟွမ်းစစ်ပေါ်က ရှင်းပြလိုက်သည်။

"နောက်ဗားရှင်းတွေကြောင့်ပဲ"

"ဟင် ရှင်းပြပါဦး ညီအစ်ကိုဟွမ်" ပေါင်ရှုက ခေါင်းငြိမ့်လိုက်သည်။

ဟွမ်းစစ်ပေါ်က ခေတ္တတိတ်ဆိတ်သွား၏။ "အင်း အခု သမုဒ္ဒရာရဲတိုက်ဂိမ်းရဲ့ တရားဝင် ဗားရှင်းက ပြီးသွားပြီဆိုတော့ ပုံမှန် ဖန်တီးမှု အချိန်ဇယားတွေအရဆို ငါတို့ နောက်ဗားရှင်းကို လုပ်ဖို့ ပြင်ဆင်နေသင့်ပြီ"

"ဟုတ်ပြီ ဟုတ်ပြီ အဲ့တော့" ပေါင်ရှုက ဘာတွေဖြစ်နေသလဲ နားမလည်သေးချေ။

လောလောဆယ် ဂိမ်းတစ်ခု ဖန်တီးခြင်းအပေါ် သူ့အသိပညာက အများဆုံး တစ်ဝက်တစ်ပြတ်သာ ရှိနေသေးသည်။ ဘာပဲဖြစ်ဖြစ် ဟွမ်းစစ်ပေါ် လိုချင်တာကိုပဲ သူပြောင်းလဲပြုပြင်ပေးမည်ဖြစ်သည်။

Ipagpatuloy ang Pagbabasa

Magugustuhan mo rin

ဗုဒ္ဓဘာသာ၀င်မိန်းကလေးက စာအုပ်တစ်အုပ်ထဲကို ကူးပြောင်းသွားတယ် Galing kay Little_sourcandy

Random

114K 13.8K 110

Associated name : 佛系少女穿书日常 Author : 十六月西瓜 , shiliu yue xigua Status in COO : 253 chapters ...

တစ်ခြား ကမ္ဘာမှာ တောင်ယာလုပ်မယ်! Galing kay Your_baobae💟

Random

229K 32.2K 101

အပိုင်း ပေါင်း (83) ပိုင်း ပါပါတယ်။ စာလုံးရေကတော့ လေးထောင်နှင့်အထက် ရှိပါတယ်။ သားရဲ ကမ္ဘာကို ကူးပြောင်း သွားတဲ့ ဇာတ်လမ်း ပုံစံ မျိုးပါ။ [BL] ပါ။ က...

'Crystal Light' Galing kay Evelyn Rose

Random

39.6K 1.4K 37

Type - boy×girl Genre - Thriller, Romance "ငါတို့ ရှင်သန်လှုပ်ရှားနေရတဲ့ လောကကြီးက အထိအရှ မခံဘူး။ ပြောရရင် ခရစ်စတယ် သလင်းကျောက်တွေလိုပေါ့။ ကွဲအက်လွယ်...

မင်းက ငါ့မိန်းမဖြစ်လာမယ့်သူ (season-2) Galing kay Bro (🪻)

Random

375K 19.3K 41

Redflag- Beauty M-preg

သူဌေးကြီးဖြစ်ဖို့ ပိုက်ဆံတွေ...

Galing kay Miracle_Phyu97