لاتنسون التصويت وتعليقاتكم بين الفقرات 😿❤️🔥
__________
وارتّب شعرچ بـ أيدي وابوس ايدج واغنيلج
واذا صابج تعب نامي حبيبج باقي يدعيلج 🤍..
________
حجيت بضحكه : عرض مُغري جوجايتييي
حجه بجديه : احجي صدك بعيداً عن الشقة
عكدت حواجبي باستغراب : شنو تريد تزوجني؟؟
جهاد : اعتقد كلامي واضح
- ماموافقة! لتكون مصدك اني لكاتبة الرسالة وعبالك احبك هه لا صدك ضحكتني
جهاد : وافقتي او لا بكل الاحوال انتِ مرتي
بقيت صافنة عليه : شـ شتقصد
جهاد : اي مرتي عقدنا عقد محكمه
حجيت بضحكه : شنو هلشقة هذا جايبني بعز البرد مرتي وعقد محكمة واصلاً مارايحين محكمه سوه
جهاد : وليابة إذا انتِ غبية فهاي مشكلتج
- وضحح؟؟
جهاد : تذكرين بيوم الخليتج توقعين أوراق ؟
حجيت وإني ابلع ريگي : اايي
جهاد : جان عقد زواج وانتِ وقعتي وبصمتي هاي إذا حضرتج تذكرين!
- جذابب
جهاد : چؤؤ عيب تگولين على رجلج جذاب
- جذاب تريد توهمني حته اوافق مـ مو؟
جهاد : توافقين شني؟ لج بابا مرتي مرتي گدام الله
- وين الأوراق ؟
مارد دخل داخل الشقة ، لا ياربييي لا اني اريد اوگعه مو هوه دخيل اسمك ياربييي ، شوية واجه واتمنى جذب
جهاد : اقري واذا متعرفين اترجملج
اخذت الأوراق منه وأيدي ترجف ، بقيت اقرأ وفعلاً جان عقد زواج اسمي واسمه الثُلاثي موجود !!
رفعت رأسي اله وگوه يطلع صوتي : لـ ليش هيج سويت ؟ مماذيتك اني بشي !
تقرب وحجه بكره لأول مرة ، جهاد : الي ثار يمج
بقيت صافنة بوجهه ثاريش هذا عن شنو يحجي معقولة لان طعنت التحرش بيه !!
- شـ شقصدك ثـ.. ثاريش؟؟
جهاد : كلشي بوكته حلو خالي ، ويله طبي جوه لتستبردين مرتيي
حجاها بضحكه نصرر ، عفته وطبيت بسرعة للشُقةة واحس جسمي كله يرجففف من الصدمة معقولة هسه اني مزوجه !!
طبيت بوجهي للحمام ماردت ريم تعرف شي ، دخلت وسديت الباب ورايةة بقيت اباوع للفراغ بشرودد
شلوننن مانتبهتتت شلون !! وين ورطتيي نفسجج ياوهمّ وينن ،
بقيت اذكر ذاك اليوم المشئوم بحذافيرهه , جان ينطيني الأوراق ويشرحلي أكثر من 7 اوراق ونفس الاسطوانة أخر أوراق مانتبهت ولاقريتهمم اكييد هوه العقددد نفسه
شيريد يصير بعد ياربييي مو وعزيزك مُحمد تعبتت من المشاكل!!
بقيت لوقت طويل صافنة والتفكير ماخذ نص حيلي ، گمت غسلت وجهي وطلعت تلاگت وياي ريم وهية عاكده الحواجب
ريم : شوكت اجيتي؟
- من زمان
ريم : وشنو كل هاي الفترة بلحمام ؟؟
- اي
ريم : شبيج وهمّ ؟
- شبيه مثلاً ؟
ريم : لتجاوبين بسؤال !!
- اووو وخري ريم تره كلش مو وكتج
ريم : شوكت تعتبريني اختج وتحجيلي لبگلبج ؟
درت وجهي عليها : من اشوفج كد المسؤولية
ريم : حلو واليوم عاجبني اصير كد المسؤولية وهسه تحجيلي شبيج !!
- متاوگلج هلسوالف ارجعي ريم الفاهية احسن
عاطت بصوت عالي بقيت صافنة عليها ، ريم : لا من اليوم متمشين خطوة إذا مالي علم خوش ؟؟ كافي من اجينه لليوم واني ساكتتلج تره ابدد ماقبل على تصرفاتج واكول خليها انحرمتت بس طفح الكيل وهمّ
حجيت ببرود : شتريدين هسه؟
حجت وهية رافعه حاجبها ، ريم : هلمرة سلامتج بس المرة الجاية اعرف سوالفج !
هزيتلها رأسي ورحت للفراش ، ههه شتريدين تعرفين مثلاً اختج مزوجه ؟ الصبر ياربييي الصبر لا أكثر...
____ ريم _____
وضع وهمّ ماعاجبني ابدد شكلها باهتت وصافنة لدرجة احجي وياها وهية صافنة على الحايط !
من بعد كلامنا طبت للغرفة ، رحت گعدت بلاستقبال وبقيت افكر كافي هل إهمال هذا بعدها مراهقة لازم احتوايها ، صح كبرنا الوكت فوگ عمرنه دهر بس لازمم الي دور عليها أني اختها وأكبر منها المفروض مني اكون بسدها مو هيج مبتعده واخليها شسوي أسوي غلط هلشي ،
تنهدت وطبيت للغرفة شفتها نايمة ، رحت يمها خاف حرارتها ترفع وهمّ بس تنقهر لو اضوج حرارتها تعلگ من هية طفلة
عفتها ورحت بتجاه فراشي دخلت بي ونمت ،
فزيتت من نومي باوعت على الشباك هستوه طالع الضوه درت وجهي على فراش وهمّ شفتها بعدها نايمه، كمت على كيفي طلعت من الغرفه شفت الساعة بـ5 ونص اووو هاي شمكعدني هيج وكت
دخلت للغرفة رجعت لفراشي ونمت ، ماگعدت اله على صوت المُنبه ، فركت عيوني بانزعاج
وگمت للحمام أغسل وجهي ، اول ماطلعت شفت وهمّ بعدها نايمه ، رحت بتجاها
ريم : وهمّ وهمّ اگعدي يله
ماردت رجعت اگعد بيها ،
- اوو ماداومم اليوم
ريم : ليش شبيج؟
- مابيه شي بس مالي خلگ
ريم : تمام ماخذه اجازه؟
- چؤ، انتِ اخذيلي وطفي الضوه وراج
تنهدت ورحت أطلع ملابس، لبست شلون ماجان وطلعت اسوي ريوگ
خدرت جاي وسلگت البيض حته من تگعد تلگه الأكل جاهز بس تحمي، طفيت الجاي وصبيتلي بستكان وگشرت بيضه وگعدت أكل بهدوء تام !!
أول ماكملت كمت غسلت المواعين بسرعة وطلعت ألبس الحذاء ، أخذت نضره سريعة على البيت وطلعت من الشقة
نزلت من العمارة واحس بضوجة متعوده على سوالف وهمّ صح مرات تضوجني بس سوالفها حلوة وتضحك
اخذت باص وصعدت بقيت صافنة على الطريق بملل فزيت من صفنتي من وگف الباص، نزلت ورحت بتجاه الشركة بسرعة بيه جبن موطبيعي أخاف واتوهم أشياء ماصايرة
طبيت للشركة ورحت للمكتب گبل ، فتحت الباب ودخلت لگيت بأن موجوده عفيه بنية موجوده حته قبل الحارس
حجيت بأبتسامة ، ريم : صباح الخير
بأن : صباح النور
رحت گعدت على مكتبي وطلعت الملفات المطلوبه ، رفعت راسي على صوت بأن : وين وهمّ لعد ؟
ريم : ما اداوم اليوم
استغربت من أبتسمت وگالت : شعجب
ريم : تعبانة ومالها خلگ
حجت بضحكه ، بأن : مالها خلگ لو انطردت ؟
عكدت حواجبي باستغراب ، ريم : وليش تنطرد عيني؟؟
بان : شوفي شوفي ماحب القال والقيل بس شعجب محجتلج على سوايتها المتتسولف ولو مالها عين اكيد
حجيت ببرود ، ريم : حضرتج رحتي زايد احترمي نفسج !
بأن : يايا تحجين بالاحترام واختج وهمّ
حجيت بضحكه ، ريم : حارگتج هلوهمّ لدرجة تحجين عليها بغيابها ماحجيتي هيج لبارحة بما انُ السالفة واضح البارحة والج فرصه اطلعين حيفج بيهة بما انُ هية موجوده موغريبة ؟
بأن : اختج وهمّ شترجه منج قابل ؟
ريم : ديله على الاقل هاي وهمّ التحجين عنها لاصاحبه ألف وجهه ولازانية ولارخيصه.
بأن : شقصدج ؟؟
ريم : الحليم تكفيه الإشارة.
بأن : ههه ليش اختج مو ذابة نفسها على جهاد وتريده مُتعه !
ريم : شنو جلدج يحگج اليوم ؟
بأن: خاب دطيريي مابقت عليه بس الفاهية وروحي اسئلي جهوديي شلون فصلها لان رخيصههههه هههايييي
گمت وإني اكول : هاا هيج برئيجج ؟
بقت تباوعلي بترقب بعدها مارامشه وانبت القلم بزندهاا والدم أخذ مساره، بقت تصرخخخ واوي واوي خلصتها
ريم : بنتي اني اخت وهمّ الصلفة مو ياهو الجان وتندگين بينا !
درت وجهي على فتحه الباب طب جهاد وحميد وكم واحد من الموضفين ، بقوا يباوعلي بصدمة
حجه حميد : شكو ووين وهمّ شلون هيج ادجها ؟؟
حجيت بداخلي يحضج ياوهمّ ،
رديت بهدوء ، ريم : غلطان اني الدجيتها
بقه يباوعلي بصدمة ، حميد : ليش بوية هاي انتِ العاقلة ؟
ريم : ههه ليش انتَ ماسامع من السكوتي موتي ؟ وها حجت كلام اكبر منها واخذت عقابها وتره هذا يعتبر توبيخ لا اكثر .
دار وجهه على الموضفين وصرفهم ،
جهاد : وهمّ وين ؟
حجيت بداخلي مركز على أهدافه الاخ ، حجيت واني رافعة حاجبي ، ريم : ليش شتريد من اختي ؟
رفع حاجب كذالك وگال : واختج موضفه هنا أعتقد ؟
ريم : وأعتقد اليوم ماخذه اجازه !
بسرعة غير معالم وجهه وحجه ، جهاد : ليش شبيها ؟
ريم : انتَ مدير الشركة على عيني وراسي وحالياً الشغله خارج الشغل فـماكو داعي تسئل شي مالك علاقه بي ؟
جهاد : وليابة شجاج محملة علينه؟
ريم : هههه لا شنو محمله عليكم قابل مهددينه او دازين جواسس علينه؟ طبيعي الوضع واذا بخصوص بأن مثل ماگلت سابقاً حجت شي أكبر منها واخذت جزائها
عكد حواجبه ، جهاد : شحجت مثلاً ؟
ريم : سوالف مزعطهه والاخت هههه يمكن حبت ترجع زعطوطه واضح هلشي
نطت وحجت بدموع التماسيح ، بأن: جذابة لأن فصلت اختها ام المُتعه ومتتقبل اختها رخيصه!
جهاد : لحظه فصلتها شني شوكت فاصل وهمّ انا ؟
حجيت بتوتر، بأن : هـهـ اا عبالي فصلتها
حجه باستفزاز ، جهاد : ممكن اعرف شعرفج بلكلام ومحد شافه غير انا ووهمّ ممكن تفسريلي ؟
ريم: مُتعهه شنوو ياكلام ؟؟
جهاد : شي مايسوه تعرفي
ريم : مادام مس اختي بشي لازم اعرفه ويله احجي تره مميتين على شغلك الف شغل موجود !!
دار وجهه على حميد وحجه بأبتسامة ، جهاد : هاي بدون DNA تعرفهه اخت وهمّ
حميد : ههههههههههههه
ريم : لتغلس وسولفلي على كلامكم الماله اي معنى
جهاد : اهوو لحت ، المهم خوية اكو شخص كاتب كلام فارغ وحب يوگع وهمّ وهاي السالفة
درت وجهي على بأن : اكيد انتِ هم زانيةة وهم شيطانه
بأن: احترمي نفسج لجج
ريم : ههههاييييي بيج خير ماذابة نفسج ع الاسمه {•} زانيةة ورخيصهه وجذابه دخيلك ربي شسوي بيها بعد
خزرتني وماحجت ، حجه جهاد : ممكن اعرف ليش تنعتوها بـ الزانية وهلشغله بيها طعن شرف
حجت بتمسكن ، بأن : اي جهاد دتشوف شلون يطعنن بشرفي
ريم : خاب طيري تذكرين ذيج اليله شلون كشفنههه سرج ؟
حميد : سريش
ريم : سوالف نسوان معليكم
حميد : دخيلج ياسوالف نسوان هاي غير صارت طاح طيح كض اخوك لايطيح
عاط بينه جهاد : اشش انتَ، ريم ليوم مطلعين اذا. متحجين كلشي !!!
بأن: شتريدها تحجي هلمُنافقة ختولي جذابة
خزرها ورجع نظره عليه ، جهاد: تفضلي خوية احجي
ريم : شحجي ؟
جهاد : ليش بكل مرة سواء انتِ او وهمّ تعتنها بـكلام بي طعن شرف
ريم : ماحجينا شي من جيبنه
جهاد : وضحي اكثر؟
نسيت نفسي ويامن احجي ومنوه هوه ، كل لبالي حجيت دفاعاً عن وهمّ ونسيت الباقي !
ريم : جنه شاكين بيها ووهمّ اقترحت تجيب منوم وتعرف شنو وراها وبيومها صح نجحت الخطه وفتحنه موبايلها وقرينه رسائلها وجانت كاتبه لواحد اسمه {•}
تريدني اليوم وهوه جان يحجي وياها كـ العبيد ويهين بيها وبس
بقو صافنين عليها وعليه ، بسرعة حجيت من اذكرت باقي كلامها
ريم : وها نفس الشخص كاتبلها اريد السفاح منج أعتقد هيج اسمه وهيه گايلتله تم
من گلت هيج فتح عيونه على وسعهم صار شكله يخوف وهيه مادري لأن عرفوها رخيصه مدري من شكله اليخوف اتخربطت
جهاد : صيحح لممرض البلشركه خليجي حميد هيرر
دار وجهه عليه حمحم وحجه ، جهاد : تگدرين تروحين
عكدت حواجبي ، ريم : بعده الدوام ماخلص
مسح وجهه، جهاد : اعتبروها عطله
هزيت رأسي بـ أي واخذت جنطتي وطلعت خارج الشركة
اخذت باص وبوجهي للعمارة ، استوعبت اني ليش حجيتلهم والمن حجيت دخيلك ربي بس لا يكتلونه انوب ، يبووو على حضي لو باقيه فاهية على گوله بأن ولا هلسواية
بس شنو تايهيلهم ويكتلون بلوادم بكيفهم ، بقيت مرة احجي برحابة صد ومرة بخوف لحد ماوصلت للعمارة نزلت بسرعة وصعدت للشقه
____وهمّ _____
ماداومت ردت اصفي عقلي وهم ماريد أشوفه لازمم الكه حل لهسالفه ، خلصت اليوم بين التنضيف واتابع مسلسلات
اندگ باب الشقة ، باوعت على الساعة جانت بـ11 ونص منو يجي هيج وكت وبان وريم بلشركة اكيد والدوام يخلص بـ1 فزيت على صوت الدگه مره ثانيه
گمت فتحته وعلى وجهي علامات استفهام من شفتها ريم،
حجيت باستغراب : شعجب شو من وكت
ريم : عطله
عكدت حواجبي : عطلتيش هاي؟
حجت وهية تنزع الحذاء ، ريم : اليوم انطوها عطله
سكتت ومارديت ، ماقتنعت شنو دوام وانوب روحوا عطله راحت هية تغسل ورجعت اني أتابع
اباوعلها طلعت من الحمام وگعدت يمي أتابع ، كلساع ومغيره حركه گعدتها وهذا يدل على عدم الراحة ومرة اطگطك اصابعها وهاي الحركة تستخدم للـ توتر
جنت احب اطلع على لُغه العيون والجسد ، حجيت وباوعتلها بتركيز : بلسانج حجي ؟
حجت وهية تبعد نظرها عني ، ريم : لا قابل شعندي
رفعت حاجب وگلت : كبدبدد تره لتنسين أعرف لُغه العيون والجسد ومراح تمشي عليه هلعنونيات هاي
ريم : احمم ، اريد اكلج شي
- اي وإني منتظره تحجين
گعدت تسولفلي من الألف للـ ياء بقيت صافنة عليها ،
- ومُحمددد اختييي كفوو ذيبةةةة بعد اختج
بقت تباوعلي بصدمة ، ريم : ياا خاف من الصدمة تخبلتي
- شوفي هيه خربانه خربانه بس اهمشي دجيتي بنينهه مي مجرششش ونزل على گلبي يبووو ابوسج بلعباس
ريم : ههههه ولج خاف يكتلونه
- شنو رئيج نتغده بيهم قبل ليتعشون بينه؟
ريم : شلون ؟
گعدت اسولفلها على الصار بحذافيرهه وعلى فكرتيي بقينه بلساعة هيه تنط وتعرض وأرجع انطيها تبرير للموقف وتقتنع
- هيج تمام ؟
ريم : هوه تمام بس خاف حرام
- جؤؤ ماسوي شي اذا مامتأكده منه
ريم : والله تفكيرج شيطاني جنج بأن
- غدييييي
ريم : هههايييي
رجعت حجيت ، ريم : زين شنو قصده عندي ثار يمج؟
تنهدت واني اكول : حته إني ماعرف قصده شنو بس اكو انه بلسالفة
ريم : رايحه انام بعدني انعس اجت من صالحي
هزيتلها رأسي بمعنى أي ، بقيت صافنة بفكرتي بيها شوية مخاطرة بس ميخالف لو بالهدف لو بلنجف
بقيت أفكر لساعات وارتب الأحداث ببالي، تنهدت بتعب باوعت بتجاه الساعة جانت بـ2 ، گمت أسوي غده
رحت للمطبخ بقيت حايره شسوي تنهدت ورحت أطلع فلوس حته اجيب اكل احس نفسي تعبانه من كلشي
ماعرف ليش مر طيف امي من يمي دمعت بشوق شكد مشتاقهه لحضنها لسوالفها اخخ يايمه جان هسه انتِ يمنه وتنصحينه وكأنُ اليوم حلفن كل الاهات يلتمن عليه
رحت للغرفة بعد نوبة البكاء ، طلعت هودي طويل ووياه بُجامه رفعت شعري ذيل حصان ولبست بوت ابيض اخذت فلوس على كد الاكل
جنت اگدر اطلب بس حبيبت اشتم شوية هواء ، طلعت من الشقة واني أنزل من العمارة شفت بأن ووياها جهاد واكفين ببداية العمارة أبتسمت بمكر مستعجلين على الاذية لازم
نزلت ورحت يمهم ، رفع رأسه بقه يباوعلي لبسته ودرت وجهي على بأن
حجيت بأبتسامة : هلوو بأن
ردت من وره خشمها : هلو
- مختفية منشوفج بلعمارة وين تروحين ؟
بأن : شقصدج وين اروح ؟
- مثلاً لفد واحد مزوجج مُتعه ؟
بأن : احترمي نفسج لجج اشرف منج
- اي انتِ زنونةةة
عكدت حواجبها وهية ترد : شنو يعني ؟
أبتسمت وگالت : يعني زانية ويله چاوو استمتعي وي جهاد عاد خوش زلمههه
شددت على الكلامه ورحت امشي برهاوه من يمهم ، شلون ثنين الله كارهم وخلاهم بطريقي
رحت لاقرب مطعم طلبت بيتزا ورجعت ، امشي واغني
- يبووو يبووو على الناس الأبد موزينههه يبوو يبوو والفقير بس الله ليعينهه
صعدت للعمارة واحس شي بداخلي فرحان ، دكيت الباب شوية وفتحته ريم
ريم : وين رحتي
دفعتها واني ادخل
- لجدج النايم بگبره
ريم : ياا دعوفي الزلمه مرتاح بگبره لو حته الميت ميخلص من السانج
- دروحي جيبي صينية وخلنثردد
ريم : ايعع نثرد شنو ناكل كولي
- اله ثريدددد بوية هسه وياها بصل اخضر
ريم : بيتزا وبصل أخضر ؟
- دروحي بسرعة جيبي لتصيرين مايعه
راحت جابت صينية واجتني تتملتح بمشيتها
- اخخ كون اني وراج وازرگج بدفره اوصلج هنا
ريم : شبيج على كلشي مستعجلة مثلـ...
- عباس المستعجل
ريم : هههههههههههه
گعدنه ناكل ونسولف ، سولفتلها على الصار جوه
ريم : هاي بعدها عايشه
- تره تخربطت مو سكته قلبيه
ريم : لا هية عار متموت
- لا والله انتِ فاهية
التهينه نسولف وخلص اليوم بضحك بعد مابديناه بحزن ، صارت ليل طلعنا فلم رعب وطفيت الضوه
جان هستوه يفتح الباب وندگ باب الشقة بقيت اباوع لريم بخوف وهية هم
- گـ گومي افتحي
ريم : انتِ افتحي
- اخاف
ريم : اني هم والله
رجع ندگ اخذت نفس وگمت باوعت لريم الخوثة لفت البطانه مثل الشرنقه ودحست نفسها جوه الجرباية
اخذت نفس أحاول أهدي نفسي وماخاف، رحت صحت بصوت ناصي
- مـ منو ؟
لارد ، هستوني اريد ارجع ورجع اندك بقيت ارجف حطيت أيدي على مقبض الباب وفتحته
باوعت مالگيت احد استغربت وخفت نفس الوكت مو هستوه ندگ ، طلعت باوعت هم ماكو احد بلممر
هستوني جاي ارجع وحسيت واحد حط ايده على حلگي والايد الثانية على خصري...... يتبع
حبايبي روحوا ضيفوا روياتي الثانية بلمكتبه بدون مُبالغه الرواية نارر ومُختلفهه والصور حقيقية النزلت وإنشاء الله كل البارتات تنزل نفس الوقت لان راح اكون محضره جميع البارتت 💙