بقاو واقفين فالجاردان يستناو ميرال تنوض ونسيمة قاتلة روحها بالندابات على بنت ختها
نسيمة:ياويلي قتلو الطفلة..ياويلي غدوة يسمعو الناس يقولك تقتلت فدار خالتها ايمااا طاحت الروح فداري
ماهر جابد ليه ايلين اللي كانت تشوف مشوكية مسكينة هي علابالها باللي الطفلة مزالت عايشة مي نداب نسيمة تقول ماتت صح على آخر عمرها تولي قتالة هي وبنتها؟؟
ماهر:يما بركايك النداب راهي حية
سليمة:نسيمة بركايك الدراما هاي حية وانا ليا كن ماتت أحسن بيسك تستاهل الموت
نسيمة:اسكتو عليا اسكتووو..اهئ وش نقول لختي وش نقووولهاااا
ماهر:ا الرب ختتك راهي تبرات من بنتها كي غاضها الحال على ولد ختها هاديك الطفلة اللي فيدك شيطانة وأمها تخلات عليها بيسك خدايمها شوتر مالا اسكتي نتي ولوكان تنوض هنا فداري نزيد نرخسها ونضربها ونرميها برا وسط هاد الليل فااااهمة؟؟؟
نسيمة مسحت دموع التماسيح من على وجها وسكتت:خلاص خليها تبات هنا وغدوة تروح انا مربيتكش هك ربيتك راجل تخاف على حرمتك مش ترميها برا وسط الليل
ماهر:هههه شابة هادي علابالك؟؟..بااباها الطحااان(همستلو ايلين فوذنو خلات تبسيمة تهرب لوجهو)
ايلين:زيدلو كلمة خنثى
ماهر:ههه اسكتي نتي (همسلها بالخفيف بيناتهم وشاف للجماعة مكمل):ايه باباها الطحان الخن..منيش حاب نكملها بنتي تسمع مخافش عليها ومخليها تهمل فالليل فالنهار فالقايلة وتجري مور رجاجيل متزوجة تحوسيني نخاف عليها ونديرها حرمتي؟..ماا بركايك الأحلام تاع العصر ونوضي ادخلي ترقدي ضك نطيش جدها ونجيكم
نسيمة:ماهر ولدي على وجهي تعيييش
مازن قرب لمو مقلق:يما خلاص الطفلة هادي متستاهلش الخير وتستاهل الموت على خدايمها الشترة فعايلتنا
نسيمة:مسكينة الحب ومدار فيها هي حبت ماهر ولخرا داتهولها سي نورمال تهبل
سيليا خلص صبرها قربت ليها وحكمت ميرال من الشعر نوضتها من حجرها
سيليا:بنت القح...دايرة روحك متغااشية؟؟..فطنتي يا هجولة ومزالك تسمعيلهم؟؟
تشوكاو كامل كي لقاو ميرال فتحت عينيها ظهرت فطنت وبقات تسيتت باه يسمحولها
نسيمة وقفت تفك ميرال من يدين سيليا
نسيمة:اطلقي الطفلة يا عبرية اطلقيييها
سيليا:علابالك باللي بنت ختتك هادي مهما درت باه نربيها مترباتش؟؟....ضربتها فالشركة لحقتلها جنية فالغابة سحالي مقتولة وحشرات وخرجتلها بهيئة جنية وهي وحدها وسط الغابات مي هكاك ومبغاتش توب من أعمالها مالا خليني نقتلها ونهنيكم منها
ماهر وايلين تشوكاو قربو ليها حايرين
ايلين:علاه درتي هكاك فيها فالغابة؟؟
ميرال تبكي تحاول تفك شعرها اللي طاب من ضرب ايلين وكملتلها سيليا
ميرال: اهئ مااهر قتلك كاين جنية اهئ هاي الشيطانة ظهرت دارتها بيا صح
ماهر:سيليا.وش درتي؟؟
سيليا:منيش غالطة ولوكان نقولكم علاه راح تقتلوها بلا رحمة وأنا مذابيا تهنيونا منها ماالاااا(زيرت على شعر ميرال فيدها معوجتلها راسها)هادي الهجالة اللي راهي وسطنا هي نفسها اللي دبرت الآكسيدون تاع لينار وكانت ناوية تقتل بنت ختي البريئة
ميرال والباقي كامل حلو عينيهم صفاحي مشوكيين من الشي اللي سمعوه
نسيمة:تكذبييي
مازن:مهيش تكذب وانا اللي خبرتها كي عرفت الهجالة هادي هي اللي حاولت تقتل لينار وانا توليت الراجل اللي شراتو بالدراهم وكنت مع سيليا فالغابة عليها وانا اللي عاونتها نديرو كلشي لثم ضد ميرال وراضي للخر ولوكان يولي بيا الزمان نرميها لثم ميتة مش نخوفها برك
ايلين تنطرت من ماهر لعند ميرال:يا بنت القح..نتي الهجااالة اللي قربت لبنتي فغياااابي ..لااا راح نقتللللك سيلياااااا اطلقي جدها لياااا
سيليا تبسمت وطلقت ميرال لايلين اللي حكمتها من رقبتها وبدات تضرب فيها بركبتها لكرشها وتجبد من الشعر ليوم ايلين بانت بنت شوارع بالنسبة لباقي العايلة..مي هادي هي ايلين,ايلين عاقلة من صغرها وتقبل ياكلو حقها عادي مي بنتها خط أحمر فحياتها تولي بنت الغابة علاجالها عااديي
لينار تحاول تنزل من حضن مازن:خليني نزيد نعاون ماما كيما قبيل اعميمو نزلنيي
مازن زيرها عندو كثر: أركحي مك كلبت نخاف تصلح فيك ضربة ونتوخذو فيك
نسيمة تندب:اطلقيييها يا مصفارة اطلقييييهااا
خنزرت فيها سيليا:لوكان تزيدي تحامي مع بنت ختك نخليك تساميها فاللرض...بيسك مش بعيد تكوني علابالك باللي عندها يد فحادث لينار وسكتي
ايلين:ههه مالا حابين تقتلو بنتي بكسيدة من نيتك حاسبة راح تمنعي مني؟؟
ميرال:ههههه اييه..آآييي(عيطت من ضربة ايلين ليها)راح نقتلها..انا تسببت بالحادث ونزيدلها ونخليها تموت كيما عايلتنا من قبل تسببت بلاكسيدون تاعك مع داركم وخلاتك تخسري يماك وباباك...راني على طريق الأجداد ومنيش نادمة هههه
ايلين حبست,حبست تماما بقات غير حاكمتها وتشوفلها بعدم تصديق تسيي تفهم كلمات ميرال المسمومين اللي خرجو ضك من فمها؟؟
الحادث تاعها مع والديها؟..بسبة شكون؟؟...ميرال وعايلتها؟؟؟
فطنت على يدين سيليا حكموها وهي هاوية للرض بدوخة من الصدمة اللي كلاتها
سيليا:اشش..ابقاي هنا راهي تكذب متديريش عليهاا
ايلين حكمت فيديها طايحة للرض:وش راهي تقووول؟؟...والدياااا
سيليا زيرت عليها وشافت فماهر ومازن يتحركو
مازن متعافر مع لينار اللي تبكي عندو تحوس تروح لايلين شاورتلو سيليا يخليها طلقها خلاها تجري عندهم متخبية فحضن ايلين تبكي معاها
ماهر قرب لميرال اللي كانت تتبسم وتشوف لايلين فاللرض:وش راكي تحكي مييرااال؟؟؟؟؟
ميرال بزق/ت على جيهة ومسحت ماء نيفها ونطقت تشوفلها بشفاية وهي تتبسم:حكيت الحقيقة..ولا وش قال اخالتي؟؟
دارو لنسيمة اللي وجها صفار وبياض وكلشي تخلط عليها
ماهر:يمااا وش راهي تحكييي؟؟
نسيمة:م.مع.لابا..ليييش/من..يش/اناا
ميرال:ههههه ضحكتيني شوفي ألوان وجهك كيفاه هربوو...(شافت لايلين فاللرض بنتها فحجرها وسيليا قدامها):شفتي كيفاه؟..عايلاتنا من اللول ميتفاهموش...كيما عموم ماهر وعمومك قتلو بعض.. عايلتي انا جدي ونسيمة وجدي مختار هوما قتلو والديك وتسببو بالحادث تاعكم..كانو ناويين يقتلوك معاهم اما الله غالب منعتي خلاوك ليا نتملك العاقبة نتي وبنتك
سيليا:تبلعييي ولا نوض ليك نلصقك فالحيط؟
ميرال:هههه بالشوي كالمي اسع ختك هاديك ومبعد ساهلة
جان قرب ليها مقلق حكمها من يدها وبدا يكركر فيها وسطهم كامل:راح نقتلك مفيييهاااش
ماهر زرب قرب ليه وخطفها من يدها مبعدها عليه
ميرال تبسمت وهي تشوف فيدو حاكمة يدها:شفت كيفاه بديت تفهم..يدك متصلح تجي غير على يدي ماهر (فوتت يدها لخرا على يدو بمياعة تاع عا//ه/رات...مي مطولتش كي ضربلها ماهر يديها بعيد على يدو وتلاح لقربتها خانقها بيديه يحكي عند وجها )
ماهر:ميراااال بنت الربييييع...فتحتي عليك أبواب الجحيم....اهربي وأتخباي مليح...لأني منيش قاعدلك ضك راح نلتى بمرتي..مي كي تكون هي لباس راح نتفرغ غير ليك نتي ونحرقك حية على تجرأك ومدان يديك الموسخين لمرتي وبنتي وأغلى شي فحياتي...أتفكري مليح هاد لخزرات والكلمات وباللي راح نحرقك كيما راكي....أهربي وين تحبي لأني راح نلقااك....أحسبيه وعد من ماهر عمرااني وأنا كي نوعد نوفي !
عاود كركرها جيهة الباب الخارجي للدار ورمااها برا للرض وبز/ق عليها وشافلها باشمئزاز ودخل غالق البوابة تاع الحديد كان مدخل الناس جنب مدخل السيارات نفس باب الحديد الفرق فالحجم برك
ولا لعند لجماعة وين حكمو جان من يدو قبل ميقرب لايلين
جان:راح تهرب كيفاه تحوس تلقاها؟؟
ماهر:علابالي وش درت منيش قاعد ليها ضك خليها تهرب وتتخبى رح نلقاها وتخلصها غالية..اهم شي عندي ضك هو ايلين
برا ميرال بقات تشوف فيهم من برا وتتوعد وهي مرمية فالأرض
ميرال:راح تخلصوها غاالية...راح تشووفووو مااهر ليااا
...:اذا حبيتي تنتقمي من عايلة عمراني لازمك تكوني معايا
هزت راسها على الصوت لقات واحد لابس كلشي نوار ومغطي نص وجهو بكتانة كحلة مبين غير عينيه...كأنو اره//اابي !!
ميرال:شكون نتا؟؟؟
...:انا منهمش تعرفيني..مي اللي لازم تعرفيه باللي راني في طرفك..يخي يقوولوو:"عدو عدوي صديقي"..اعتبريه نفس الشي أصدقاء هدفنا تدمير عدو مشترك..وهو عايلة عمراني
ميرال شافتلو بشك ورجعت تشوف للمة العايلة كيفاه ماهر حاكم ايلين ولينار عندو خنزرت بحقد ودارت اللي واقف عند راسها:موافقة..
تبسم ومدلها يدو عاونها توقف وخلاها تمشي معاه للطوموبيل الكحلة على كانت على جنب الطريق مراقبة الدار نهار كلو ركبها فيها وديماراو.!
ماهرنحا يدو من يد جان ومشا لايلين وقفها عندو وهز لينار فيدو جابدهم عندو كل وحدة تبكي على كتف
ماهر:ماشي قلتلكم بركاو الندابات؟؟...وشبيكم فراجيل هك؟..خلاص اعميراتي اسكتو
سيليا قربت ليه:راح نقتل ميرال مفيهاش
ماهر:نسيبتي اركحي..علابالي وش ندير
سكتت وشافت لجان اللي ردها للور
جان:يظهرلي هي محتاجتو هو معاها...خليهم يلمو عايلتهم بالشوي سيليا
سيليا شافت ليهم الثلاثة كيفاه لاصقين فبعض تراجعت شوي عندو حق جان لازمهم يكونو وحدهم ضك
سليمة قربت ليهم:يا ولاد يظهرلي ايلين مهيش مريحة ضك ومحتاجة ماهر وبنتها مع بعضاهم...خلوها تبات هنا الليلة هادي..مع بنتها وراجلها وسط دارها لو سمحتو(شافت لعصماء تسقسي بعينيها)
عصماء:انا معنديش مشكل...نعرف بنتي ايلين ونوثق فيها..يعني تبقى على روحها(شافت فسمير)ونتا؟
سمير دار يديه فجيوبو يشوف للرض ويحكي:وانا نوثق فايلين...خليها تبقى هنا الليلة(هز عينيه يشوف فماهر):ولد عمرااانيي...بنتيي..بلاما نوصيك عليها
ماهر تبسملو وزير على ايلين عندو:نديرها فعينيا
جان هبط راسو يحكي مع روحو:ياو خايفك تديرها تحتك مش فعينيك برك
مازن:ههههه اوي لازمو يخاف هنا
دار جان موراه لقا مازن مساميه ويتبسم
جان:ماشي ديتها فروحك شوي؟؟..وليت وين ندور نلقاك لاصق فيا خيير؟؟
مازن:يخي راني واقف مع نسيبي نو؟؟
جان:مزال يقولك نسيبييي(مسح على وجهو بفدة ودار يدو على لحيتو يشوف لمازن)اسمع..اخطيني اولد عمراني ني منيش حاب نربح ذنوبك ونغلط فيك بضربة صحيحة نوخذك فعمرك ونخلي ختي تهبل .. ها ريقل روحك واحكم قدرك ليك
مازن:هههههه خلاص خلاص بالشوي على صحتك
سمير:مالا حنا نروحو يظهرلي..جان سيليا هياا
ايلين جبدت روحها من حضن ماهر وحكمت يد سيليا:خليوها معايا..والفت نرقد معاها
مازن عينيه رجعو قلوووب:هيييييه خلووها خلووها
ايلين شافت فيه وخنزرت فيه:بلع فمك راح نخليها ليا مش ليك..(رجعت تشوف لسمير تسيتت) عموو..بلييييييز
سمير:مستحيل...مدام المكلوب هداك هنا منريسكيش نصبح جد ثاني
سليمة:ههههه اواه متخافش نربطو فبيتي ونخليه..خليو البنات يبقاو هنا الليلة هادي رجاءا سي سمير
سمير:اوعديني تربطي مازن فبيتك
مازن:علاه انسيبي وش درتلك؟؟؟
سليمة حكمتو من يدو:بلع فمك...(شافت فسمير تتبسم):وعد نربطو ونصورهولكم
سيليا هبطت وجها بين يديها قريب تموت من الحشمة:يانمي بهدلو بيااا
سمير:عليك يا الحاجة..البنات أمانة عندك
سليمة:من عيوني راح نتهلى فيهم متخافيش
عصماء:عليك مالا الحاجة سليمة..تصبحو على خير
جان مشنف يحكي تحت سنيه مع سمير اللي مشا على وراه خارج:كيفاه هادي تخليوهم هاديك على الأقل راجلها ولخرا علااه؟؟
سمير:جان..اسكت بهدلتنا ختك تعرف صلاحها
جان شنف عليهم:من نهار عرفت ولد عمراني نسات صلاحها هاديك الطفلة مكانتش هكا كي عرفتها
سمير ركب فطوموبيلو وستناه طلع ونطق:قصدك هدا وين عرفت بنة لحياة وولا عندها مشاعر.. (شافلو جان بعدم فهم تبسملو وكمل يحكي):عرفت سيليا قبلك قبل 5سنين...هي مكانتش هك ومكانتش تعرف تضحك وسط جماعة ولا تخالط ناس...كانت تعرف غير تهدر معايا ومع ايلين وتضحك غير معانا...اما ضك..ولات تعرف تخالط الناس..ههه وحتى تتحكم فتصرفاتها...شفتها قبيل مع أمو؟؟قاتلو كي عادت يماك برك...من قبل كانت تكسر كل من يجي فطريقها..كانت مكلوبة وتتبلى ايه هههه ومتولي فوجه حتى واحد..مي ضك..ولات تعرف تتراجع وتعرف للقدر..هدا كامل من ولد عمراني
عصماء: صح اول مرة كيما جات قالت لايلين تعرفيني منعرفش نهدر وسط لجماعة خليني ساكتة وكانت حشامة للخر هههه سبحان الله,منيش مصدقة باللي الصغيرة اللي اول وآخر مرة شفتها فيها كانت تبكي وتبان ضعيفة وهشيشة ليوم هي واقفة وقفة شموخة فوق الحق..مرات نحسها روبوت..
سمير:مهيش روبوت..هي برك حفظت قواعد لحياة وشبعت مشاكل و صدمات حتى ولا كلشي يجيها عادي..كي خسرت أغلى شي عندها ولات متهمهاش خسارة الحوايج لخرا...هي خسرت نفسها ...برائتها..شخصيتها القديمة والبريئة كانت ثمن لسيليا الحالية..يعني كي تخسري اغلى شي وهو روحك مراحش تهمك خسارة اي شي منا وجاي..سواء كان انسان او شيء او ممتلكات..مراحش يهمك..يولي كلشي عندك عادي..هكاك راهي سيليا ضك
جان كان يسوق بيهم ومركز مع كلام باباه تفكر كي قاتلو نور بلاك هي كرهت من البكا؟؟هو قالها ونتي مكرهتش..؟ردها صدمو وبقا في بالو..قالت''مزالت مجاتش الضربة اللي تهدني كامل'' زعما كي ينتقم منها مام هي تولي كيف سيليا؟؟...جان يحكي فقلبو:مستحيل تولي كيفها بيسك أصلا هوما السبة فوصولها هنا..ومام اذا ولات هك تستااهل خليهم يتعذبو كامل مع بعضاهم
جان:حقا يما بابا قررت يكون عرسي مع عرس ماهر بعد 6أيام
عصماء:اوو يا ولدي مزال موجدنا والو القاطوات الدار لحالة ياولدي مش ارواح ارواح ودير عرس
جان:معندك متوجدي ايما قوليلي برك وش خصك و انا نجيبو خلونا نفكو علينا فرد مرة احسن..لأنو معلابالناش وش جاي
عصماء:علاه ياجان تحكي هك وش كاين؟؟..وش جاي؟؟
سمير:جان بركا متخلع فيماك
جان: مقلت والو..حاب برك نزرب نتزوج وش فيها؟..يخي كلشي واجد مام داري وحدي كاينة يخي نتوما تموتو غير لعروس و دارها هاو كلشي واجد
عصماء:وش راح نقولك اولدي شاور نور وخليها تتفاهم مع عايلتها اذا يناسبهم
جان:نشالله
سمير:مزرووب
جان شاف ليه وتبسم بخبث:هههه متتخيلش شحال مزرووب(عاود ركز مع الطريق مكمل فقلبو):باه نكمل انتقااامي
في صالون عايلة عمراني بعدما راحت عايلة كامل,ايلين وسيليا طلعو لفوق مع لينار وماهر وسليمة ونسيمة ومازن تلمو فالصالون كعايلة وحدة يفريو الحكاية اللي بانت قبيل ويعرفو باقي التفاصيل
سليمة:اييييه ماالاا يا نسيييمة..وش تحكيلنا تفاصيل لهدرة ميرال قبيل؟؟
نسيمة بلعت ريقها من شوفات نسيمة وولادها ليها وبدات تطيح فدموعها تذيب وتحكي
نسيمة:والله خاطيني عمي مختار وبابا هوما اللي دبرو كلشي هوما اللي خططو باه يقتلوهم بسبة عداوتهم مع بعض علييها انا خاطيني
ماهر طالق روحو على الفوتاي يطرطق فصباعو ويعاود:همم؟...من نيتك؟؟....(وقف ساخط):وليوم وين نسمع الهدرة هاادي؟؟؟...من من؟؟...ميراااال..القح/ اللي كانت راح تقتلي بنتي كيما دارو والديكم المبغلين من قبل على مرتي وعايلتها وفرحانة بروحها ونتي علابالك تقوليلي خاطيني؟؟؟....وين نلوح روحي وييين؟؟؟...يا الرب راني راح نهبل الناس عندها عايلات انا كل مرة نلقى حنش خارج من هاد العايلة يحوس يتلوى عليا ويخنقني..وش عندكم مشكل معاياا علاه حالفين تقلبولي حياتي يالرحمة علاه مدرتوش عليا لأني بنكم ومشفتوش لمشاعري ورضيتو مرة وحدة تتنازلو علاجال سعادتي..علاه لازم كل مرة نفقد ثقتي فواحد فيكم..لبارح جدي مختار وليوم نتي يمااا..يالرب يمااا..كاش أم تدير هك فولادها؟؟؟..ااه شفتي كاش أم تدير هاد الشي لولادهاا؟؟..جاامي انا جامي شفت اذا شفتي نتي قوليلي باه منحسش روحي و حدي و تغيضني كثر
جبد نفس ومسح على وجهو يستغفر
نسيمة داتها دموع تماسيح وسليمة هبطو دموع من عينيها حازنة لحالة ماهر المسكين من نهار زاد مشافش نهار حلو فحياتو..وصعيب الغدر من أقرب الناس ليك..خاصة "العايلة".
مازن خنزر فأمو ووقف لخوه غايضتو حالتو هو مترباش معاهم ومشافش معاناة ماهر مسكين معاهم صح مختار ضرو كي بعدو على عايلتو ويبقى الوحش وكلشي مي لوكان بقا هنا كان أكيد كرهم كامل
مازن:ماهر كالمي روحك...اطلع لمرتك وبنتك وخلي الليلة تفوت وغدوة نشوفو وش نديرو
ماهر:منسحقش نعرف وش تديرو الله يسهل عليكم بيناتكم اتخ/ذوو..(شاف لسليمة):يماا..راح نخرج من دار ولدك وراجلها المسمى بابا غدوة ومنوليش ليها نشالله نتلاقاو نهار عرسي ندي مرتي وبنتي ونتلف من حياتكم..المعيشة معاكم هلاك صدقيني
سليمة:علاه ياولدي و انا شكون يطل عليا يا حبيبي يا البكري تاعي
ماهر:كي تتوحشيني نديك عندي وتبقاي مرحبا بيك على العين والراس مي من ليوووم...(شاف فنسيمة بكل برود ونطق):انا صرت عااص وتبريت من يما لآخر يوم فحيااتيي...نسيمة عمراني..ماهر عمراني من ليوم مش ولدك
نسيمة ناضت تجري عندو تبكي تخبط على صدرو:لاالا يا ولدي لالا متخليونيش وحدي يرحم باباك متديرهاش رجع هدرتك وقول استغفر الله يا ماهر متديرهاش يا ماهر ولدي انا يماااك
ماهر نفضلها يديها من عليه:انا مش ولدك ومكيش يماا نقطة انتهى.
تملص منها وطلع يجري لبيتو
مازن شاف لمو طايحة فاللرض تبكي نادمة صح هدا وين حست وش دارت وشافت أعمالها وين وصلوها
مازن:فرحانة بروحك؟؟...شفتي تشيطينك وين وصلك؟؟...ماهر قراك لامان بسكوتو المدة اللي فاتت مي الصبر ليه حدود...هو اللي تضر من سكوتو وصبرو مش نتوما..خلاص هاكي وصلتي وين حبيتي مبروك عليك
نسيمة قربت تكحز فاللرض لعندو وحكمت فرجليه:مازن ولدي..خووك خووك رايح عليا متخليهش سامحوني متخليونيش انا أمكم شكون بيا كي تروحو عليا كي تبعد عليا كبدتي وش نلقى؟؟
مازن:تلقاي الناس اللي حبيتي توقفي معاهم على ولادك..ميرال مثلا..,كانت تمثل باللي راهي دايخة وتسمع فيك تحامي عليها اما أول ما انكشفت فضحتك نتي اول شي و مخممتش فيك..شفتي الغدر وش صعيب ايما؟؟...جبتيها لروحك صدقيني..متغيضيش بيسك اللي يغلط يخلص
حاول يبعد رجليه بالشوي منها وطلع لاحق خوه مخليها فأرضها مع دموع الندامة والحسرة وما أصعبها الندامة مع اللخر عذاب الضمير وكلشي يبدا غير يضغط على قلبك ومتقدري تديري والو
سليمة شافت ليها بقلة حيل ووقفت:قتلك من قبل ونصحتك ووعيتك مي نتي تبعتي شيطانك..خليه يربحك ضك..مهوش غالط الطفل كره اصلا راه طول فسكوتو (خلاتها فاللرض تبكي ومشات تتعكز بالشوي طالعة (
فالبيت تاع لينار سيليا وايلين مجمعين على سرير لينار وهي وسطهم تلعب بتلفون سيليا وتخربش هنا ولهيه وهوما يحكيو
ايلين:منيش مصدقة...عشت يتيمة نتوحش حظن يما وهدرات بابا ودلالو ليا بسبة الكره تاع البشر اللي نفسهم حرموني من بنتي...علاه الناس تكره وتحقد لهاد الدرجة؟؟...علاه كي يفوتو ويحطو بنادم فراسهم ميتهناوش حتى يهبلوه ولا يموت؟؟...علاه رانا فوقت كيف هدا؟.. الناس ولات بشعة و"الطمع" و"الغدر" و"الحقد" غلب على قلوبهم وعماها..كأنو في غابة وناكلو في بعضانا يازح
سيليا حكمت يدها وحكات وهي تشوف لعينيها غايضها ضياع أختها:الله غالب..هكاك مخدومين يستمتعو بأذية الناس وحرقهم مي حنا مراحش نخافو منهم ونحبسو..هوما يحسدو ويغيرو وحنا نزيدو نقدمو ونحرقولهم اعصاابهم ونهبلووهم كثر كثر ههه ..ولا وش قال الينوش؟؟
لينار هزت راسها ماهيش فاهمة وش راهم يهدرو:شكون اللي رايح للغابة؟
سيليا جبدتها من خدودها وهزتها حطتها فحجرها:ههه شوفي الونتي..طول ماكاين هاد البراءة الدنيا مزالت بخير..لازم نتفائلو برك
"دق_دق"
هزو روسهم للباب اللي كان يطبطب ونطقت لينار زعما راهي بيتها
لينار:شكون؟
سليمة:انا يا صغرونتي
لينار:ارواحي جدة(وقفت من عند سيليا وراحت فتحت الباب دخلتها وعاودت غلقتو وحكمت فيدها معاونتها تمشي وسليمة فرحانة بيها)
سليمة:سعدي سعدي الشاطرة تاعي برافو عليك ربي يحفظك اعميرة تاعي
لينار:آمين اجدة آمين
ايلين وسيليا تفرقو وخلاو بلاصة لسليمة بيناتهم فالنص
قربت وقعدت نصهم
سليمة:واش البنات؟ لباس؟(حكات وهي تشوف لعينين ايلين بيسك علابالها وش راهي حاسة صح ايلين معاشتش معاهم بزاف مي مدامها تقولها يما يعني راهي عزيزة عليها بزاااف عصماء ومتقولهاش يما ديراكت تلمو الدموع فعينيها وتكسلت دايرة راسها على حجر سليمة وهي تمسح على شعرها)
سليمة:وشبيها شمسي؟
ايلين:حاسة روحي قاعدة نغرب..نطفى..تشوكيت يعني كلشي منين تام يصعاب..خسرت والديا..راجلي ..بنتيي..بسبة شكون؟؟..بسبة الناس اللي كان لازم نديرهم عايلتي...علاه هكا؟؟..علااه؟؟
سليمة:نتي راكي تشوفي فناسك مزالو دايرين بيك.بنتك(شافت فلينار)..ختك.(شافت فسيليا)يماك اللي هي انا والأهم راجلك..راجلك ماهر ديما كان ليك ومعاك يابنتي وضك بالذات لازم توقفو مع بعضاكم ماهر حالتو حليلة ورخس نسيمة و...
ايلين تقعدت تشوف ليها:و؟...و واش؟؟
سليمة هبطت راسها ونطقت بالشوي:قالها تب.ريت منك
سيليا:اويي سي روطار مي معليش ان تأتي لاحقا خير من ان لا تصل أبداا
ايلين خنزرت فيها كي شافت لخلعة سليمة وهي تشوف لسيليا بعدم تصديق من جرأتها:سيييليياااا
سيليا شافت ليهم وبلعت ريقها راهي عماتها حطت يدها على فمها وسكتت
وايلين نطقت مخاطبة سليمة:كيفاه هدا؟؟
سليمة:نسيمة كثرتها بزااف وهو كره قال غدوة يهز روحو ويخرج من الدار وهي..هي هدا وين فاقت لروحها وخلات الندامة تاكلها وماهر طلع لبيتو مقلق بزاااف
ايلين:سير راهي غايضتو الحالة اللي وصلو ليها
سليمة:فوق متتصوري
ايلين:لازم نشوفو..تخليني؟؟
سليمة:هه وحتى تشاوريني اصلا جيت ليك باه تروحيلو
ايلين:هه اياا اوكيي راح نروح ليه ضك
سليمة:راه فبيتو اللي لفوق عند الدروج بعد
ايلين:اوكيي ميرسي يما
وقفت وشاف فلينار قاعدة فحجر سيليا
لينار:وين رايحة؟
ايلين:هه رايحة عند باباك نحكي معاه شوي ونجي..تخليني؟؟
لينار:امم...غير كي جدة قالت راه مقلق مالا روحي ومتطولييييش
ايلين :هه حاضر عسولتي.(شافت فسيليا).بلاما نوصيك عليها
سيليا:ههه باينة الحب راهي فعينيا
ايلين:اياا اوكي تشااو ليكيب
خرجت من عندهم وطلعت الدرج للطابق الثالث وفي اول باب شافت الانارة شاعلة طبطت شوي وكي مسمعتش رد دخلت ديراكت
كان قاعد على سريرو في جهة ومتركز على اللحاف مزير عليه بيديه وكتافو يتهزو غلقت الباب بالشوي ودخلت تتختل على روس صباعها باين غايس ومفاقلهاش باللي دخلت
كان قاعد وتخمامو بعيد كلشي تخلط عليه هو حرفيا جامي حس بالأمان ديما التهديد محاوط عليهم وكملو عليه عايلتو كل مرة يظهر واحد منهم غير أفعى تلدغو وتفوت (فاق على يديها اللي يتساراو على وجهو وهي تمسح فدموعو وعينيها بداو يتعمرو بالدموع على حالتو)
ماهر:وش..تد.يري هنا؟؟
ايلين مسحت دمعتها اللي نزلت من صوتو المكسور وقعدت قدامو محظنتو بجنب دايرة راسها على كتفو:جيت عندك..حابة نبقى معاك ونواسيك...توحشتك
ماهر رجع على وراه تكسل فوق السرير وجابها هي فوقو حظنها دافن راسو فصدرها كأنو بب صغير ورجع يبكي بالصوت...دموعو اللي كانو كالم رجع ليهم صوت يذبح القلب من شدة الخيبة والانكسار اللي فيه وما أصبعها دموع الراجل الا طاحت رافد جبال لاهي جبال محان
مسحت على راسو وزيرت عليه كثر تحب تقولو باللي راهي هنا معاه ديما
ايلين:انا راني معاك وجامي نخليك ولا نخونك...انا معاك ديما ميهمكش الباقي
ماهر زير عليها كثر:متخلينيش كيما المرة اللي فاتت..ايلين متروحيش انا والو بلا بيك نتي ولينار
ايلين هزتلو راسو مقابل وجها:انا ديما معاك ..مستحيل نخليك ماهر لأني اذا تخليت عليك راح نتخلى على روحي
ماهر ضعف قدامها وهزتو غريزتو لقا روحو غير وهو لاصق فشفافها يبوس ويعاود يتأكد أنها مزالت معاه وليه..هبط على رقبتها يفرق فبوساتو وهي متفاعلة معاه ومسلمتلو روحها كيما كانو زمان زوج وزوجة!(ماهر مهوش حاشم قلنا كانت مرتو اسيدي مهيش مرتو ضك وشبيه شعل؟؟)
تأكد أنو خلا مارات فكل رقبتها وبدا يتمادا فلمساتو وتساري يديه على جسمها وملقا روحو غير وهو مبقاش فيه حيل ولازمو يفرغ فيها شهوتو شاف لعينيها برجاء وحكا
ماهر:خلينا نكونو كيما زمان الليلة هادي...راجل ومرتو..رجاءاا
ايلين طلعو مع عقلها وتخمامها خطوط الخطر السيد عينيه حمارو وتأثر وعروقو برزت من الشهوة خلاص لافات وحكمها الليلة هادي غدوة يفضحها وسط العايلة وهي تالفتلها المشية جربت تدزو بالشوي من صدرو
ايلين:مبقاش بزاف للعرس زيد اصبر
ماهر رجع تكسل فوقها كثر:منيش قادر..نتي اللي جيتينييي(غمزها بخبث وهبط عليها مخلي لمساتو أكثر جرأة متقصد يشعل نارها باه تتفاعل معاه وهداك هوالصح محتاجش مدة طويلة بيسك عندها بزاف ممارستش علاقة فمن أول لعب خفيف خلاها تتفاعل معاه وصارو للزوج محتاجين يطفيو نيران بعض
هزها بين يديه وعدلها فوق السرير وجا فوقها جردها من قشها وخلاها قدامو غير بملابسها الداخلية
طاح على صدرها كيما العطشان يرتوي من خيرو ومخليها تأن تحتو وتسي تكتم صوتها باه ميتفضحوش وسط العايلة ليل ليل
وصلو للصح كي مد يديه لنصها اللوطاني وشاف ليها يدي الاذن باه يتمادا
ماهر:نقدر نرجع نمتلكك كيما زمان؟؟
ايلين كانت بالنشوة مش حاسة بوالو حابة غير تتخلص من هاد الأحاسيس هزتلو براسها ايه بزربة وهو مأمنش روحو نصل تريكوه رماه بعيد وزاد سروالو وكمل اللي بداه فيها مفوتين ليلتهم احلى ما يكون كأنو عرسان جداد أجسادهم التحمت وأحاسيسهم قوات وخلات قلوبهم كل انش فيهم يرغب بالثاني ويصرخ غير باسمو.
...
راااييييييكم