لينار لداخل طلقت حلقها للعياط من النيران اللي دارت بيها من كل جيهة لاصقة غير فمايفن وتسيي تنوضو
لينار:يااو يااو نووض راح نمووتووو يااااو
مايفن بدا يسعل من الدخان اللي ملا البلاصة وتقعد بالشوي حاكم فراسو قاتلو بالسطر من الضربة اللي كلاها وعينيه يحرقو من الدخان اللي ملا البلاصة
مايفن:كح كح ويني؟؟
لينار:ياا نووض راح نمووتوو
مايفن وقف وشاف ليها فاللرض:اشتت ارواحي اوقفي
دارت عليه ووقفت حاكمة فيدو
لينار:وين ضك يا بطل؟؟
مايفن تبسم وهو يشوف فيها:متخافيش راح نخرجك من هنا اوكي؟؟
لينار تبسمت مزيرة على يدو:اوكيي
مايفن:شطورة وضك لازم كح كح نتعاونو
لينار:كح ايه
مايفن دور عينيه على البلاصة مكان حتى شي يعاونهم يخرجو تاقة او بابا آخر مكاانش:اوووف
برا وفي باب الاوتال سيليا واقفة مع المرا اللي لحقتها وكانت معاها بشرى والسيد اللي لاحقتو كانو يتناقشو عادي!
سيليا::قلتيلي قالولك ولدك برا خرجتي تحوسي عليه؟؟
المرا:ايه كنت واقفة عادي وشفت لكاس الجي اللي على طاولتي هزيتو لقيت هدا ا لاوربودز تحتو درتو فوذني سمعت صوت يقول باللي ولدك برا خرجت ديراكت نحوس عليه
الراجل اللي كانت بشرى لاحقتو ثاني نطق:ايه انا ثاني نفس الشي الاوربودز كان فكاس العصير تاعي و كي هزيتو سمعتو يقولي مرتك راهي برا
مازن لحق على سيليا:سيليااا
حكمها من خصرها ملصقها فيه
مازن:لباس؟؟
سيليا:ايه هادو خاطيهم
جان دار يدو على الاوربودز يسمع لدانييل اللي مع نور والسيد اللي شافتو فالمرحاض
دانييل:جان..لعبو بينا...السيد يقول باللي كان قاعد عادي وفات قدامو سارفور طيح قدامو الاوربودز ملحقش يديهولو بيسك اختفى من قدامو وسط الحضور قال نحطو فوذني بلاك نلقى صحابو نبعثهم هنا..ايا منين دارو سمع باللي مرتو راهي داخت هنا فالحمام جا ليها ثم ثم
نور:ونتوما وش لقيتو؟؟
جان:نفس اللعبة...يللللعن
ايفان راح لدانييل:داانييي
دانييل:واش ايف
ايفان:شفتكم تجريو قلت كاين حاجة..نقدر نعاونكم؟؟
رانس لحق لعند مازن:واش حظرات؟
مازن شاف فيه وفجنابو فااارغ!:ويني لينااار؟؟؟
رانس:خليتها مع ميان مرت ايفان
جان:مازن دارو رايهم و خرجونا ماهر و ايلين و حدهم فالساحة وصي ليكيب تاعك يحققو مع هادو و يديو عليهم الاوربودز وشكل السارفور اللي حطولهم و الحقنا لداخل
مازن:اوك
سيليا:هياا
جات تفوت حكمها من يدها
مازن:مبعد نتفاهمو على راسك اليابس اللي كيما يقولك تديري
تبسمتلو ونحات يدها وراحت الله غالب سيليا هكا مخدومة ديما تمشي براي راسها وكي تعميها تتبسم برك"داخلة فلومبيونص"هادي هي
لداخل ماهر و ايلين الناس دارت بيهم يباركو وفرحانين وغمو عليهم الحالة مقدروش يفرقو وين الباقي والاهم بنتهم؟...قزمة وين راح تبان في حشد كيما هدا
ميان كانت واقفة و هازة مجد اللي حلف يسكت تقول حس بخوه وتدور فعينيها على الصالة تستنا مايفن يجي هي مش خايفة عليه تعرفو وش فوت وعلاش قاد مي موالف يهتم بروحو مش بطفلة صغيرة هو بعد صغير سامي راح يحوس عليهم وهي بقات مع ميرنا و آنا اللي يحوسو بعينيهم ثاني
حتى جاهم رانس وجان و سيليا
سيليا:وينهي لينار؟
ميان:شكون نتي؟؟
سيليا:مش وقتو وينهي الطفلة؟؟
رانس:هادي خالتها
ميان هزتلو براسها ايه وهدرت مع سيليا:عضتني و هربت سامي وولدي مايفن يحوسو عليها
جان:مكلوبة زي خالتها وين نلقاوها ضك (خلاهم واقفين وراح يحوس عليها)
سيليا محكمتش دموعها و خلاتهم يهبطو:لينار..كن كشما يصرالها نموت..ليييينار وينك؟؟ اووف (فوتت يديها على وجها تمسح فدموعها مخبية وجها بيناتهم حتى شافت ليدين طفلة صغيرة تكون بعمر لينار تحكي معاها)
مياس:ضك تجي بنتك..مايفن قوي ضك يجيبها
سيليا شافت فيها طفلة تهبل وتشبه للينار بشعرها الذهبي مي هادي عينيها خوضر شافت للبنات بيناتهم ميرنا اللي شعرها ذهبي وعينيها خوضر عكس الباقي اللي شعورهم كانت بني نورمال يعني بنتها
ميرنا قربت ليها هزت بنتها لمستوى طول سيليا وطالبتها تبوسها ومياس مرفضتش وباستها
ميرنا:راح تلقاوها مايفن يجيبها ويجي متخافيش
سيليا تبسمتلها بشكر وشافت فمازن اللي جاهم:اكيد ميرسي
مازن:وشبيك تبكي ادنيتي؟؟
سيليا:لينار مودرة امازن
مازن الدم اللي فوجهو نشف منو كلشي عندو فالحياة هادي فكفة ولينار فكفة يقتل علاجالها بلا رحمة شفتو وش دار فهداك اللي تسبب بالحادث تاعها مع ميرال مالا اذا عرف باللي راهم حاولو يقتلوها راح يخليهم يتمناو الموت وميلقاوهاش :كيفاااه؟؟؟وين رااحت؟؟؟
ميان:حكمتها عندي كي خلاهالي رانس مي بدات تبكي وعضتني و نزلت تجري وولدي تبعها
مازن دار شاف فرانس اللي من وراه مقلق لوكان ملعبوهاش فايقين وراحو وراه كن الطفلة راهي هنا:رانس ورب العرش تصرالها حاجة نحرقك
ميرنا حكمت فيد راجلها رانس:اللي صرا مكتوب راح تلقا الطفلة متفسدش علاقتك مع صحبك
رانس هبط راسو الذنب قاتلو:ميرنا خليه..عندو حق راح نلقاوها امازن
تفرقو كامل يحوسو عليها وبشرى جرات للمنصة تخبر ماهر وايلين لازم يعرفو ببنتهم
قربت بالشوي وايلين كانت لاصقة فيها مرا
بشرى:ايلين
ايلين شافت فيها تبسمت للمرا بأدب تاع اعذريني وفاتت لبشرى
بشرى تمالكت روحها وحكمت يدين ايلين بين يديها:ايلين...بنتك..
ايلين:ليناار؟...وشبيها.؟؟..وينهييي؟؟؟
بشرى:تكالماي راهي تودرت هنا ورانا نحوس عليها
ايلين:وين تودرت هنا ابرة حتى متبانش ماشي قلت خليوها مع مازن وينهي بنتييي؟؟؟
وسط النيران والدخان اللي قوا لينار صايي مبقالهاش نفس تقدر تزيد تجبدو طاحت للرض تشهق وتحاول تجبد النفس و مايفن يحاول يعاونها
مايفن:تنفسيي تنفسي ابنتي متموتيش
لينار:كح اه من.يش قا.درة
مايفن:تقدريي هياا يا بطلة
لينار :اهئ اهئ راح نموت و منشوفش ماما وبابا اهئ ومازن وسيليا ومام جان والجنية
مايفن تبسم:راح تشوفيهم..نوعدك راح تشوفيهم
لينارشهقت وحلت عينيها تشوف لوراه:عندكككككك
مايفن دار على وراه شاف باللي حطبة شاعلة راح تطيح عليهم زرب رما ثقلو على لينار مخبيها تحتو ولحطبة هاديك جات عليه
مايفن:اااااااااع
لينار تشوف ليه فوقها ومغمض وجهو بألم,حرارة النار مالقري بينها وبين الحطبة جسمو الى انو حست بيها مالا هو اللي فوقو كيفاه؟؟؟
لينار:يا بطل تحرقققت؟؟
مايفن حاول يكبت الألم تاعو ويبعد عليه الحطبة مش وقت يحبس ويستسلم لازمو يقاوم باه يخرج الصغيرة هادي من هنا:دزيني
لينار:كيفاه؟؟
مايفن:ديري يديك على صدري و عاونيني نوض هياا
حطت يديها على صدرو بدات تدز فيه وهو يحاول ينوض حتى بسيف طاحت الحطبة وهو بلاصة مينوض طاح عليها كثر يتوجع
لينار:يا بطل هيا نوض بليز متموتش
مايفن يشوف فيها بسيف الدخان ملاهم علاه مزال مخرجش عندهم وشعلو انذارات الحريق اوتال كبير كيما هدا ميكونوش فيه؟؟
مايفن شاف لهنا ولهيه يحكي مع روحو:هدا مخزن فالغالب يكون قريب لغرف التبريد تاع المطاعم و..غرفة انابيب التهوية..انابيب التهوية..ليناار
لينار حاكمتلو شعرو الذهبي وتفوت فيدها عليه:هاني ابقا عايش
مايفن:عاونيني نوقف ظهري تضر
هزتلو براسها ايه وسيات تنوض بعدما تزحزح من عليها
لينار وقفت ومدتلو يدها:هياا
تبسم وحكم فيدها الصغرونة ووقف جات نصو فالطول معندو كيفاه يتركز عليها ويمشي مي باقي يحاول يمشي وحدو
لينار:راك تتوجع؟
مايفن فوت يدو على شعرها:مش بزاف متخافيش
هزتلو براسها ايه وبقاو و اقفين يشوفو حولهم
لينار:النار فكل بلاصة
مايفن:لينار منيش قادرة نشوف مليح حوسي فالحيوط اي فتحة تشوفيها وريهالي اوك؟
لينار:اوكي
شافو لهنا ولهيه الدخان والسخانة تاع النار تضرب فيهم مي مزالت ملحقتش مليح بيسك البنزين تكب برا ولحوايج اللي لداخل لازمهم مدة مليحة باه يشعلو كامل
لينار:يااااابطللل هاهييييك
شاف لوين راهي تشوف وتبسم يلعب بشعرها
مايفن:شااطرة وضك لازم نطلعو لثم
لينار:كيفاااه؟؟
مايفن:ارواحي(هزها بين يديه وقرب للصناديق هادوك طلعها ):هاتيلي يدك باه نطلع عندك
مدتلو يدها وهو تركز بسيف وجهو متكمش بالسطر ظهرو كامل راه يحرق مي عادي فات ما كثر!
طلع عندها بالشوي باه ميطيحش بيهم الصندوق هو ثقيل عليها شاف فالفتحة تاع انبوب التهوية كانت محطوطة برك مزيا مهيش محكومة بليفيس كن راهم باصاو وتحرقو هنا..ضرب الشباك اللي مسكر وشاف للانبوب فيه شوي رتيلة نحا الفاست تاع السوت تاعو وفرشها لثم الفتحة راح تكون كبيرة شوي بيسك اوتال كبير ولازملو جودة تهوية كبيرة مي مش قد جسمو شاف فلينار وهزها مقعدها ثم
مايفن:راح تحسي بالبرد شوي مي لازم تصبري حتى يجيونا
لينار هزتلو براسها ايه وضمت رجليها لصدرها تحاول تدفي روحها:هيا اطلع نتا
مايفن:ههه انا عملاق مش كيفك صغرون راح نبقا هنا معاك
لينار:النار راح تلحق لثم
مايفن:متخافيش مزلت باه نموت ولا عندي حلم جديد نحققو كي نكبر
لينار:وش الحلم هدا؟؟
مايفن:هههه خلي في وقتو وتعرفيه
لينار:اوف ضك نتا عندك وقت لكلشي اسمك في وقتو حلم في وقتو مالا ضك وقت واش؟؟
مايفن:هههه وقت الأكشن اعمري شوفيلي وين رانا ونتي وش راكي تخممي
لينار شافت للنار اللي لهبت فالصندوق اللي تحت مايفن والحالة بدات تتحرك بيه راح يطييح..
زربت تكسلت على كرشها مخلية وجها ونص جسمها عند الفتحة برا وحكمتو محظنتو
لينار:احكم فيا باه متطيحش لازم نخرجو مع بعض ماماك وخوك الصغير مزالو يحتاجوك يا بطل
مايفن:منين خرجتيلي باسم بطل؟ههه
لينار:هههه نتا انقذتني قبيل وكنت راح تنقذني ضك مالا نتا بطل
مايفن طلع راسو طاحو عينيه فعينيها بلع ريقو يشوف فيها صح صغيرة مي تحرك الغريزة بزينها وكياتتها حلوة فوق القانون عيونها الرمادي شي آخر خلااص جامي شاف كيفهم تبسم وقرب باس خشمها وبعد نص جسمو معلق عندها ومتعلق فيها ورجليه مزالو واقفين على آخر حطبة للصندوق
لينار خدودها حمارو اول مرة تعيش موقف كيف هدا اللي مالفين يسلمو عليها هوما عايلتها وصاي اصلا من بكري ماهر مخبيها على العلن هي تربات غير مع عايلتو والرجال اللي دخلو لحياتها جان وسمير ودانييل برك سكرت فمها وبقات برك تشوف لعينيه كانو زورق غامقين كيف البحر شفارو البنية طالعة كان كيوت للخر خلصت جلسة التأمل تاعهم فبعضاهم كي سمعو العياط من برا
فالرواق تاع هاديك الغرفة دخلو يجريو مور رين اللي كانت تنعتلهم
رين:الولاد هناا فهاداك المخزن
جان غير وراتهولو وشاف الدخاخين طالعة قرب يجري لثم يعيط يتأكد اذا مزالو عايشين
جان:ليناااار...ليناااار
مايفن شاف ليها:سمعتي؟؟
لينار:ايه خالو جاان
تبسم بفرحة انو مزال عندو وقت يحقق حلمو اللي تخلق ضك
مايفن:راح نعيشو مالا ههه
لينار:ههه ايييه..(شافت للباب وعيطت بأعلى صوت عندها)جاااااااااااااااااان..جاااااااااان رااااانااا هناااااا
جان سمع هفة صوت تاع لينار تبسم يحمد فربي وشاف لوراه للايلين اللي تبكي وسيليا حاكمتها تحوس تجي لهنا قرب ماهر يجري عندو وجهو الوانو هاربة
ماهر:وينهم؟؟وينهي بنتي؟؟
جان:تكالما راهي هنا سمعت صوتها جيبولنا طفايات الحريق باه نخرجوهم منا
ايفان:ماايفن راه معاها؟؟؟....(قرب للباب يعيط)ماااايف ماااااااااااايف راك لثم؟؟؟
مايفن تبسم كي سمع صوتو:اييييييييييه راني هناااااا
لينار:هدا باباك؟
مايفن:هههه ايه بابا
لينار:اسمك مايف؟؟
مايفن:نو هدا اسم دلع برك الينار
لينار شنفت:علاه تعرف اسمي وانا منعرفوش قولهووولييييي
مايفن عاود ضرب خشمو بخشمها:بركاي من الحلاوة بزاف يا شيطانة ...وراني قتلك نوعدك نتلاقو ونقولك اسمي راح نخليك تحفظيه بسيف عليك متخافيش
لينار شنفت:بطلت مكش بطل نتا شرير
رجال الحماية المدنية جاو بعدما رين خبرتهم انو كاين حريق بعدما دخلت لثم كي سمعت لي سارفور يحكيو على شي حرقوه وراح يولي رماد وكي لقات الدخان ديراكت خبرتهم ..دخلو لثم بداو يطفيو فالحالة برا فالرواق هداك المهتري وكسرو الباب زادو طفار النار اللي لداخل
ماهر وايفان غير شافو النار طفات دخلو وين كلشي رماد غير لولاد معلقين لفوق لينار في فتحة التهوية ومايفن لاصق فيها مكالي روحو على حطبة
بقاو يشوفو فيهم مصدومين كيفاه وصلو لثم؟
لينار بدات تبكي وهي تشوف لعينين باباها وهو شاف لايفان اللي مشوكي منو من ماهر يحكي بتشنافو كي العادة
مايفن:بابا بلاك تجيب ورقة وستيلو وترسمنا مش خير؟؟..نزلوونا
لينار:بااباا اهئ اهئ
ماهر فطن لروحو وقرب ليها ايفان عاون مايفن يهبط وماهر قرب للينار طلب منها ترمي روحها عندو وهي مستناتش دقيقة رمات روحها بلاما تشوف وين هي علاابلها باللي باباها هنا مستحيل تخاف من شي لأنو الأب سند ديما
هزها ولصقها فقلبو يحظن ويعاود وايلين زربت جاتهم لاصقة فيهم
ايلين:ليناار بنتي حبيبتي ..لباس امامي؟؟..مصرالك والو اقلبي؟؟
لينار:مصرالي والو ماماتي البطل هو اللي تحرق
ايلين:البطل؟؟
لينار:اييه(دارت بصبعها اتجاه مايفن اللي فاللرض ايفان ينحيلو فالشوميز باه يشوف ظهرو والحماية المدنية فوق راسو):هو اللي أنقذني قبيل وضك هو بطل اماماتي
ماهر شاف لمايفن وقرب عندو هاز لينار وايلين ديراكت هبطت على رجليها عندو وين قاعد باستو لراسو:ميرسي يا بطل لوكان ماشي نتا كن راهي...ميرسييي
مايفن حشم من بوستها هبط راسو وحكا بالشوي:ماشي مشكل واجبي
هز راسو وشاف فلينار اللي تتبسملو تبسملها مام هو مع غمزة وهبط راسو راجع يتوجع من ظهرو كي نحالو ايفان الشيميز
ايفان:مايف ظهرك تحرق
مايفن:ايه طاحت عليا حطبة شاعلة
رجل الحماية المدنية:لازم ننقلوه للمشفى
ايفان وقف وعاون مايفن يوقف:ديرولو الاسعافات راح نديه لكندا وين عايش ونعالجو احسن يظهرلي
ر.الحماية:ايه مسيو خلينا نعقموهم قبل ميلتهبو والعلاج فالخارج احسن باه ميصرالوش تشوه وتخرب على مستوى الخلايا(خاطيني الطب ياناس راني نهدربرك نورمالمون كاين منها ههه)
لينار هزوها ماهر وايلين وخرجو بعدما شكرو ايفان وخلاو الحماية تهزو كانت تمشي متعلقة فصدر باباها وراسها على كتفو وتشوف لمايفن فالنقالة مع الرجال وراها وتتبسم احسن انسان لقاتو لحد الآن هو هدا مستحيل تنسى النهار هدا معاه أبدا
خرجوهم للصالة وين الناس كامل تفرزعت بخوف كي سمعو باللي كاين حريق من عياط رين حطو ايلين و لينار بين يديها على الطابلة وجابولها الما تشرب وقماش مرنخ يمسحولها بيه الرماد اللي طلا وجهها وهي عينيها على بلاصة وحدة..الباب وين مخرجين مايفن وعايلتو كامل وراه امو ميان اللي تعرفها وباباه والباقي زوج بنات وطفل رانس بقا لهنا مع مازن يشوف فلينار اسع ومبعد يروح لوكان ماشي هو وغبائو لولاد راهم لباس ومصرالهمش هكاك
سيليا قربت ليها :صغرونتي راكي لباس اخالتو؟؟
لينار:ايه سيليوشة البطل هو اللي تقاس مسكين
ايلين شافت فيها تتبسم وشافت سيليا:يظهرلي اول كراش فحياتها ههههه
سيليا:ههههه..يستحق حب الزين هدا بيسك حماهولي راح نكراشو فيه كامل
لينار تشوف ليهم بعدم فهم:وش دانا للكرش شكون جاع؟؟
ايلين:ههههه انا ياعمري(حظنتها كثر)ربي لا يحرمني منك ومن هبالك يا سبب ضحكتي
ماهر:نوضو ياروحي لازم نريحو كامل من الشي اللي صرا ليوم
ايلين شافت فرين جابدة روحها على جيهة وتشوف ليهم تبسمتلها وهدرت معاها:رين...ميرسي
رين تبسمت وقربت:متنسايش باللي كنا آمي سي نورمال نعاون بنتك
ايلين:ههه صح
نور شافت ليها بريبة:ونتي وين شفتيهم؟؟كيفاه تولهتيلهم غير نتي؟؟
رين:بيسك كنتي لاتية بب
جان:نور عندها حق رين كيفاه شفتيهم؟؟
رين:كنت قاعدة عند البوفيه ونضت كي شفتكم تفرزعتو كنتو تقول عصابة ايا درت شوي ومبعد كي وليت تولهت باللي كاين زوج خرجو من ثم ويحكيو مع بعض قالو راح يوليو رماد ولامن يجيب خبرهم تشوكيت وش دارو لثم؟؟ايا غير راحو رحت لهاداك الباب وشفت حتى شفت الدخان طالع جيت ديراكت عيطت للحماية المدنية وبعدو لقيت ايلين وبشرى فالمنصة قلتلهم وهوما عيطولكم كيما شفنا
ايلين ضامة لينار لصدرها:المهم فاتت ولولاد لباس يعيطك الصحة..(شافت فماهر اللي داير يدو على كتفها ولخرا على راس بنتو):اتكفل بعلاج الصغير هداك هو اللي عاون بنتنا
ماهر هزلها براسو ايه ونزل سلم على راسها:متخمميش يا قلبي راح نكافأو على تعبو معاها
ايلين:صحيت حبي
مازن واقف ويشوف للينار بعدم تصديق يديه راح يطرطقو من شدة مازير عليهم:شكون الكلب اللي تجرأ يدير الشي هدا فلينار؟؟
سيليا حكمت يدو :أنا متأكدة أنو البوص
جان:راح نحرقوو
مازن:الحرق راح يخليه يموت ثم ثم مي انا راح نخليه يتمنى الموت وميلقاهاش...راح نعذبو وكل يوم نطير منو طرف ونخليه يتعفن فالحياة قبل ميروح لقبرو الناتن بأفعالو الخسيسة
ماهر:لازم تعاونوني ببلاصتكم وتجيبوه لعندي..لازمو يتحاسب لأنو دمر عايلتي من قبل ولحقت بيه يخمم يحرق بنتي راح ندمو على النهار اللي تزاد فيه
دانييل:ايفان مراحش يرحمو ولدو خط أحمر راح يعاوننا نوصلو ليه هو شرا موتو كي قرب للصغار
سيليا:كنت عارفة باللي البوص حقير ويستعمل النسا ولولاد فأعمالو مي أنو يقرب لبنتي مستحيل نرحمو عليها..هو دمرلي حياتي وغفرتلو اما على لينار نحرق الأخضر واليابس
شافو كامل فبعضاهم شوفة كلها حقد على البوص وقوة كل واحد منهم أسوء شيطان فبالو راه يوسوسلو بطريقة تعذيب وقتل للبوص وراح يتعاونو كامل ويندمووه غلط بزاف كي لعب معاهم هادو مش ماهر اللي خاف منو وسكت 5سنين كاملة على حقو هادو شياطين ياما عاشو وشافو فالمجال هدا
مازن قائد أفضل ليكيب مهمات خاصة فالعاصمة اهم المهمات هوما ينفذوها وديما تنجح
سيليا..بلاما نهدر بنت المافيا شفتو باللي كي رجعت لعالمها وانتمائها متعرف غير القتل والتحطيم
جان..بلاك تقولو جان اكبر شيطان فحكايتنا لأنو علاجال ختو راه يخطط لشي كبير بزاف ..مارك مارك كان قادر يقتلو بلا اي رحمة وحب يتمتع بعذابو فيه مي دانييل منعو تحت شعار راك من القانون وتتحاسب وضك..البوص السبب ورا كامل الأسباب اللي فاتت تجرأ وقرب للينار اللي هي فرحتهم كامل..هك هو شرا أكبر عدو ليه..المافيا عدوتها تكون من مافيا منافسة صح؟؟...نو جان وشياطينو أكبر بزاف من المافيا وأساليبها الملتوية وألعابها التافهة..جان الشيطان اللي يلعب بذكاء..يخمم شوي ويحرق ارااضي دنيا كاملة بناسها ...راح يندم
دانييل معندوش بزاف من اللي عرف هاد الناس مي هو حب لينار ببرائتها وولد صحبو يحبو كثر وهو تجرأ وقرب ليهم للزوج راح يندمو
"كلهم ضد البوص..ابليس وشياطينو تلمو باه يقتلو عقرب سامة...السم اللي فيهم راح يحرق كلشي"
فاتت هاديك الليلة صعيبة عليهم كامل ماهر تلفونو مسكتش من الرسائل اللي تحمد سلامة بنتو ويهنيوه النجاح ويواسيو فيه باللي مييأسش كي خربت الحفلة من نيتهم؟؟ماهر عندو بنتو كلشي فحياتو تتحرق الشركة درااهمو يتحرق هو علاجالها عادي مالا راح يتأثر كي خربت حفلة مقابل معاشت بينتو ومتحرقتش؟؟..باينة اللااا
ايلين وسيليا ولينار رقدو فبيت ايلين فسرير واحد ضامين لينار وسطهم ميقدروش يتحملو فكرة تنقص وحدة من بيناتهم
مازن وجان حالهم مهيش بعيدة اصلا بقاو زماااان وراهم مع بعض يخططو ويخممو كيفاه يستغلو بلايصهم وخدمتهم ومعارفهم باه يوصلو ليه
سمير وعصماء كي سمعو قريب هبلو لينار.لينار هي روح حكايتنا صح؟؟....هي روحهم وبنتهم والبرائة اللي خسرها كل واحد منهم في طريق حياتهم..مصاعب الحياة تقدر تخليك تفقد برائتك مرة مي انو تفقدها مرة أخرا مستحيل تتقبلها ..ابتسامتها هي فرحتهم وفخرهم ديما وباينة باللي كلاو همها
سليمة باتت تصلي وتدعي وتحمد ربي اللي حفظلها بنتها هي تربات قدام عينيها وقلبها تقطع ألف تقطيعة كي سمعت بالخبر
بشرى..بشرى ودانييل هوما عصافير الحب الجدد فحكايتنا
بشرى باتت تخمم ومرقدتش هاديك الليلة دانييل طلب يكون معاها فالحلال ويكون السند اللي تمناتو حياتها كاملة راهي في حيرة كبيرة كيفاه تمدلو ثقتها وترضى تكون معاه وتكون واثقة باللي سرها اللي عندو مراحش يخرب حياتها فالمستقبل..لازم كي نديرو شي منشوفوش لبعد خشمونا كيما يقولو لازم ديما نخممو نتائج الشي اللي نديروه وين راح يديونا ووين يحطونا وشكون راح يتأثر معانا سي فري كل واحد عايش وحدو ولروحو مي ديما ديما كاين ناس فحياتنا تحبنا وتتمنالنا الخير وتهمها حياتنا وكلشي فيها لازم نخممو فيهم قبل منديرو راينا اذا غلطت بشرى وندمت ساعة اخرا مش هي برك اللي راح تتأثر عايلتها اللي أهم شي عندها نور صديقتها واختها الغالية مام هي راح تتأثر معاها وهي ميهونوش عليها...مالا وش هو الحل؟....رمات عليها المخدة وناضت ماشية للدوش خيرت تتوضى وتصلي صلاة الاستخارة بيسك كي تحيرلك حاجتك من الناس كامل راح تلقاها عند مولاك هو الوحيد اللي مستحيل يخيبك مي يحتاج ثقتك بيه وانك تأمن باللي كلشي قضاء وقدر من عندو مي نتا برك تتخذ فالأسباب مصلحش اللول والثاني والثالث اكيد الرابع راح يصلح
مييي بين كامل هاد الناس الطيبة اللي بايتة تخمم وخايفة تخرب حياتها..وتخمم كيفاه تبنيها على ساس صحيح ...الأشرار جامي يتهناو من انو يخممو يبعدو الفرحة على الناس ..ونفس الشي وين هنا فالجزائر
في واحد من الجبال الفارغة وين التجمعات الارهابية في كل جهة في قصر صغير لرئيسهم البوص متربع فالجاردان على كرسيه ورجل اربعيني مقابلو يتناقشو
(الهدرة بالروسية)
...:دييفييييل ماشي قلنا راح ندي أمانتي ليوم واااش بيهم رجالك؟؟
البوص:صرا تطفل خرب الحالة ولد ايفان مالفادو( MALVADO لقب ايفان)تدخل وعاون الصغيرة
...:ميهمنيش يا بووص اللي يهمني خساائري ترجع مااارك يرجع هنا ويتحاسب هو وهاديك الطفلة اللي كانت معاه فمهمة رودريغو
البوص:راح تحصل على مارك وسيليا متخافش مييي مارك وحيد انا آخر همي موتو ميي سيليا موتها ميوجعهااش موت القراب ليها هو اللي يحرقهاا راح نهز قريبتي كيما تفاهمنا ونخليلك حبيبها وعايلتها اقتلهم واديها هي خليها تخضعلك راح تربح بزاف بقوتها ومعرفتها
... دار يدو اللي فيها خاتم على شكل راس ذيب على شعرو الأسود المخلط بشعرات شيب يعدل فيه:هممم راح نخمم
البوص:مراحش تندم صدقني...
"بوووم"
البوص تهز من بلاصتو عكس الرجل لاخر اللي كان آلاز كأنو مسمعش صوت تفجير ضك
....:تهنى شريييك يكون شي فار صغير قرب للحدود المفخخة وفجر قنبلة من المزروعين لثم
البوص:علاه مدايرين قنابل؟؟
....:من نيتك بوص كأنو جامي خدمت فالمجال هدا..علابالك باللي هادي منطقة ارهابية ممنوع الأقتراب منها وسي نورمال تكون مفخخة والدخلة ليها بالحساب
البوص:اويي
....:ايه...صحا قولي قريبتك هادي علاه مديتهاش عندك من قبل؟؟
البوص شاف للسما وتصوريتها بين عينيه:الشر اللي كنت فيه متقدرلوش هي..هي شمس ساطعة تنور كل بلاصة تحط عليها...وانا منقدرش نخلي نورها يروح
... قلب وجهو بملل:شوفو شكون ولا يعرف للأحاسيس ويخاف على الناس...طالع تافه ونتا تخمم هك انا منك راني جبتها ياهواه وخليتها تهز معاك الأشغال خاصة لا كانت فايقة زي سيليا
البوص:انا منقدرش نشوفها مقلقة وهي متقدرش للمجال هدا اصلا بسيف خليت مارك بعيد عليها لأنو سبب فرحتها هي نفسها سبب هبال مارك...الطفلة هاديك لعبت بكامل قوانيني شحال من مرة لأنو مارك متعلق بيها وقريبتي كثر...مييي...انو تتقلب عليا وتبني حياتها مرة أخرا مع عدويا ممنوع منعا باااتااا
... وقف داير يديه فجيوب بدلتو الارهابية اللي بلون اخضر كيما تاع العسكر:الأقارب والأحاسيس تفاهة ..تحيا دراااهم
وقف معاه يتبسم..البوص:هههه عندك حق
مشاو للزوج لداخل القصر الصغير اللي وسط الغابة المشكل وين تدور لداخل تلقا اره/ابي واقف عساس على حيط او تاقة..لهنا قصر صاحب اكبر تجمع اره/ا/بي مسؤول على كامل الفروع الاره/اب/ية الموجودة فالبلاد(خاوتي على حساب الشوفة انا يامات ويهزوني مسلسلة لا جاوني حاميو عليا قولولهم اي كرونيك برك ههههه)وكل هم يتمولو منا سوا من ال//سلاح او المؤونة او الجنود والقنا//بل ......
رايكم كي العااادة هيا بناا