صح رُوحي ذبّلت مِن رحت
بَس الله مَا ينساها
الشجرة التمَوت مِن العَطش
باچر بَلم تلگاها !
_______
من البارت السابق
- من اليوم علنا الحداد على امنا ،امنا ماتت وي ابونا صرنا ايتام
توجع وحگ الحُسين كلمة يتيم
اتيتمنا وامنا موجودة.
________
رحنه گعدنا بلمخزن وكل وحده دموعها تنزل على خدها بهدوء وسكينة
بحياتي ماتخيلت امي الحنينة تعوفنه بكل بساطة مو احنه امانه زوجها وصاها بينا!!
التفتت على ريم واني احچي بتسأؤل
- صح ريم اذكر گالت اخت صالح حتزوجين صديقه و جان على اساس تزوجين ابن عمنا شنو لغير رئيه؟
ريم : اها حلو طلعتي تعرفين ليش مگلتيلي ابن عمي حسن راح يتقدملي؟؟
- امم الي راد يشتريج من صالح طلع ابن حسن يلا ماكو فرق كلهم عارات ، وهسه مگلتيلي ليش غير رئيه؟
ردت وهيه تمسح ببقايا الدموع الي على خدها
ريم : هه مو اشتراني بسعر اغلى من ابن عمي حسن.
مارديت عليها وبعقلي الف فكره، حجيت من بعد صمت دام لدقائق
- ريم عندي فكره واذا عارضتي اعوفج واروح ماعندي شي اخسر وعود انتِ ازوجي صديقه وخليج مكفخه اله
هزت راسها بقبول ، بديت احجيلها على الخطه من الـ ألالف للـ ياء وكل دقيقه تغير تعابير وجهه مره خوف مره حماس على قلق
- وهسه شنو رئيج؟
ريم : صح بيها مخاطرة بس رجلي على رجلج.
ابتسمت بفرح
بقينا ننتظر اليل بفارغ الصبر وكلساع ريم تريد نتراجع وارجع اشجعهاا
صارت الساعة بـ3 رحت استفقدهم خاف گاعدين ، فتحت باب المطبخ على كيف واني اتلفت خاف رنا البربوگ كاعده أتأكدت نايمين رحت طيارة لريم
- بـ4 نطلع احنه خوش !
ريم : وهم خايفه.
- افااا هاي وانتِ اخت وهم المفروض متعرفين الخوف شنو تهي بهي كالت اخاف
باوعتلي بضحكه وهية تكول تذكرين من طلعت فارة جوه الطباخ وتخربطتي ونمتي 3 ايام
وطكتها بضحكه ههههههههههههههه
- اهوو شو وخري مو وجه نعمه.
بقينا ننتظر تصير بـ4 على احر من الچمر
- يلا ريمه كومي صارت بـ4
ريم : جبتي المستمسكات وذهب رنا؟
- طبعاً
طلعنا نركض للباب الخارجي نركض ونتلفت ورانا خاف يطلع احد
كدام بيتنا تصير چولة وبيوت ورانا مطشرة
رحنا نركض بتجاه الچولة واحنا نركض نسمع صوت يصيح شردن صالح الحگلهن
حجت ريم بخوف
ريم : لج وهممم لگونهه شيخلصنههه منهم
- اركضي و معليچ .
ريم : تعبت وهم بعد ماكدر والله
- أبوس ايدج عينيني اذا لزمونه يموتونهه اركضي
واحنا نركض سمعنا صوت طلق وواحد يصيح لگيتهن هلكح**
حجت ريم ببجي
ريم : خلنوكف لگونه بعد.
- اشش ريم اشش بس تحجين كلمه اعوفج واروح
لگينه مثل التل دخلنا جوه وحابسين انفاسنا لو تذبحوني متلكون قطرة دم
سمعت صالح يكول وينهن هاا وينهننن!؟
موكلت لگيتهن
رد الكال لكيتهن والله هنا جانن ماعرف وين اختفن
صار صوتهم بعيد
اخذت نفس واني احجي بفرح
- خلصنا ريمتي خلصنااا
حجت ريم بدموع ممزوجة بفرح
ريم : شكرا ربي حبيبي شكراا
سحبت ريم ورحنا بتجاه الشارع العام نمشي ونتلفلت خاف يرجعون علينا
بقينا ننتظر تجي سيارة ، مرت نص ساعة ومامرت ولا سيارة!!
درت وجهي اباوع لريم بقلق وهيه قابلتني بنضرات خوف
غمضت عيوني لان صار ضوء قوي على عيوني شفناها سيارة
رحنا ركض اله واحنا نأشرله يوكف جان رجال چبير بلعمر وجهه متروس بلتجاعيد اثر تعب السنين عليه
حجه بتساؤل خيرچن بوية شطلعجن بهليل وانتن نساوين بعز الفجر وماوياكم زلمة؟
رجع حجه شاردات بوية انتن؟
جاوبته واني ابلع بريگي لا عمو بس نريدك توصلنا لـ****** تكدر؟
بقى يباوعلي بنضرات عجزت افسرها
واني قابلته بنضره توسل
تنهد وهوه يكول امري لله بوية خُما وراكم مصايب ترا انا رجال على كد حالي وابوفاضل
رديت بسرعه
-لاعمو والله ماورانه اله الخير
كلت بداخلي شالچ الله على هلجذبة بس يلا جذبة بيضة شويه ، صعدنا وياه والهدوء سيد الموقف
خلت ريم رأسها على جتفي وهيه تحجي بصوت اشبه للهمس
ريم : ليش برئيج امنا عافتنا وراحت لبيت اختها معقولة هلكد مسترخصتنا؟
رديت عليها بتنهيده
- يمكن خالج العار هددها بشي
ريم : وأن لمفروض متعوفنا وهيه تعرفه شكد قذر وضالم.
سكتت لان كلامها فعلاً صح
ماحسيت اله واني اغفي ، فزيت على صوت الهورنات باوعت طالعة الشمس بوضوح حمحمت وحجيت
- احمم عمو بيش الساعة هسه
رد وهوه يسوق بـ9 بوية
كعدت ريم لان مابقى اله القليل ونوصل بقينا نباوع على الطريق وكل وحده التفكير شاغل بالها
التفتت على مصدر صوت الرجال وهوه يكول وصلنا بوية
طلعت الفلوس وانطيته واني احجي
- شكراً عمو تعبناك ويانا
رد وهوه يستغفر استغفرالله بوية تعبكم راحه واعتبر سويتها لروح المرحومة الله ينور طريقجن ويبعد ولد الحرام عنجن
دمعت من شده حنانه حتى الغريب شالته الغيرة وعمامي العارات محد سئل علينا
نزلنا بعد ماتشكرناه ، لزمت بيد ريم وبقينه نباوع للرايح والجاي
حجت ريم بتساؤل
ريم : وهم شلون راح ندبرها ونعيش بمحافظة جديده
- هه منو كلج راح نعيش هنا؟
حجت وهيه عاكده حواجبهه
ريم : لعد؟
حجيت بهمس
- حنطلع هروب لغير دوله
حجت بنفعال
ريم : شدتحجين وهم؟؟ شوفي مو عبالج ساكتتلج كل هلوقت وماحجي شي تبقين بكيفج تلعبين لتنسين اني اختج الچبيرة !!
باوعتلها بستهزاء
- كولي ولعباس؟ وهسه اذكرتي اختي الچبيرة وينج لعد من اتحمل الضرب عنچ ؟؟ لو ما اني جان انتِ هسه مزوجه صديق خالج الي رجليه واصله للكبر ويفرغ شهوته بيج هاا جاوبيني !!!
ماحجت اكتفت بالدموع
عفتها ومشيت كدامها واحجي بداخلي تعبت ربي وعزيزك مُحمد تعبت
حسيت احد لزم ايدي ألتفتت بخوف
اخذت نفس واني اشوفها ريم
حجت وهيه تمسح دموعها بردان القميص
ريم : اسفه وهم زعلتج مني بس اعرف شغله التهريب وراها سجون وخايفه
رديت واني اتنهد بقهر
- موكتلج انتِ اخت وهم يعني ماكو خوف
ريم : وهم مو مال اضحك واحنا بوسط ناس
باوعتلها بطرف عيني
بقينه نمشي ونسئل على شخص اسمه ممتاز
هوه الي حيطلعنا تهريب
عرفته من وحده وتواصلت وياه
وصلنا للمكان المناسب بقيت اباوع للباب بتمعن اخذت نفس ودكيته
انفتح الباب وبانت علينا الصدمةة !! .......
لتنسون التصويت ❤️
والمتابعة
هذا بعتبار نص بارت بوقت فراغي انزل التكمله مالته
اعذروني إذا اكو أخطأ إملائيه
استودعتكم اللَّه ❤️