بشرى و غصة بكا خنقتها : بصح ... بصح هاذ المرة طولت بزاااف بزاف انا ماعدتش قادرة نتحمل راهي مسؤولية كبيرة , القوة تاعي خلصت قبل ما نكمل واش بديت , كلش يتخرب هكذا , علابالي يخلص , مي الطريقة اللي يخلص بيها هي اللي تهم(هبطت راسها راجعة لدموعها): مانقدرش نتقبل الخسارة , مستحيل نقبل , تعبت بزاف مستحيل نخسر مع النهاية , ربحت كل المعارك مانقبلش نخسر الحرب بسبة المعركة اللخرة مستحيل تصرا
دانييل حس شي تحرك فداخلو يقولو اقعد معاها واسمعها وعاونها (دار على رايو وقعد قدامها يحكي)
دانييل : حرب ? قطة كيفك واش راهي تحارب ?
جات نايضة على تفاهتو , مي هو زرب حكمها من يدها : خلاص خلاص , مراحش نزيد عليك تقدري تهدريلي وش تحبي
رجعت قعدت قدامو تشوفلو بغرابة ونطقت
بشرى : علاه راك قاعد هنا و تسمع ليا؟
شوكاتو بالسؤال تاعها , هو اصلا مش عارف علاه راه معاها وحاب يخفف عليها
دانييل تبسم تبسيمة خفيفة وشاف ليها عينيه يلمعو:تصدقي كي نقولك مش عارف؟؟...
بشرى هزتلو حاجبها باستغراب من صحو مش عارف؟؟ مي هو ردلها ثم ثم
دانييل:ههههه نقدر نقولك عندي ضمير حي قالي ماتخليش طفلة وحدها وسط دموعها تعاني , على الأقل خفف عليها و لو بكلمة وحدة , مام وعلابالي بيك متنطاقيش و كي نشوفك دمي يفور ونحب ونكسرك, مي ... مبادئي ماتسمحليش نخلي إنسان يتوجع قدامي و ماندير والو
بشرى تفاجئت في كلامو , المتكبر هذا ظهر عندو ضمير و يمشي بيه ?! آخر حاجة توقعتها منو
بشرى : اي طفلة كنت راح تدير معاها نفس الشي ? ولا كي عدت تعرفني برك جيت ليا؟
دانييل تبسم : على حساب ههه منش عارف المهم حاليا والآن راني راكح و مستعد نسم .... نسمع (كان راح يقول نسمعك , مي تراجع) تنهدت من قلبها بألم و دموعها مزالو يطيحو على عينيها بصمت
دانييل : إذا حابة الراحة لنفسك وانا نزيد عليك فراح نروح جا ينوض حكمتو من يدو بلاما تنطق فهم هكاك باللي هي حابتو يبقى , تبسم و كمل قعد حذاها حتى يلقاها طرطقت بالبكا من جديد و عيات تحبس , خلاها على راحتها حتى خلصت كامل واش فيها كيما حابة , كي هزت راسها شافها تاعبة وفاشلة وما أصعبو تحكمك التعب والفشلة بعدما تبكي ومتلقاش كتف تحط راسك عليه ويد تطبطب عليك وقتها تحس صح معنى الوحدة فالدنيا هادي, لقاها قربت و حطت راسها على كتفو و بقات مسندتو
بشرى :منيش ميتة عليك برك, جيست راني تاعبة و دايخة كون نبقى كيما كنت نتفرزع فاللرض ويتكسر راسي بين الحجر و انا مازلت حابة نعيش و نكمل حياتي , و مانيش حابة آخرتي تكون معاك فاهم
? دانييل تبسم من قلبو , حتى و هي وسط حزنها و ضعفها مزالت محافظة على كبرياءها معاه و مش مخليتلو المجال يهدها و يتقوى عليها
دانييل : حتى انا مش ميت عليك ومستحلي الوضع, جيست مانيش حابك تطيحي هنا و نحصل في سماك...مانتي وين نروح نلقى معاك المشاكل
في دار عصماء سيليا قاعدة فبيتها فبلاصتها ومخلية لينار فحجرها تمسح على شعرها
لينار:سيليا متزيديش تروحي تخدمي فالبعيد حنا كامل توحشناك
سيليا مسحت دمعتها وزيرت على لينار:اوك حبيبتي منزيدش نخليك كبيدة تاعي
لينار:هيه نتي صاحبتي يخي ملقيتش معامن نلعب كي رحتي مازن كي نروح لدارنا ميلعبش معايا كيما كان وماما وجان ثاني ديما ساكتين وخالتو عصماء تقدرش تجري معايا كيما نتي و عمو سمير يبقا غير يقرا الجرنان ويخرج ..بقيت وحدي
سيليا:علابالي اعمري كانت عندي خدمة خلاص منزيدش نبعد عليك
"طق طق"صوت ضرب فالتاقة تاع شومبرتها شافت فيها لقاتو يشوفلها ويشاور على القفل باه تفتحتلو
لينار غير شافت فالتاقة ولقاتو عيطت:ماااااازن
كممت سيليا فمها بيديها وسكتتها:اششش اسكتي لينوش
وقفت مشات للتاقة وفتحتها دخل هو بقفزة وحكم سيليا جابها لحظنو
مازن:توحشتك الزين تاعي
سيليا بعدتو بالشوي تشوف للينار اللي مشوكية فيهم:ههه الطفلة حارت بالشوي برك يا عمها
مازن قرب للينار وهزها:وااش عميييمو؟
لينار:هههه عندك بزاف مهدرتش معايا هكا عميمو حبيبي
مازن شاف لسيليا وتبسم:هه فرحتي رجعت اعمري
لينار:ههه وااي مالا انا ثاني فرحت
مازن:صحيتي بنتي الشاطرة..باباك راه برا اجري عندو
لينار سوطات تجري:واااي جا بابا
خرجت وخلاتهم وحدهم فالغرفة قرب ليها هو يتبسم وهي تهرب فوجهها منو مي حبسها كي حكمها من فكها بيدو وثبت وجها فوجهو يشوف لخدها كيفاه حمر
مازن:وشبيك؟
سيليا تتهرب بعينيها:والو حساسية برك
مازن:تتمسخري بيا؟...طراس تاع كف في وجهك شكون دارها؟
سيليا:قتلك والو مازن وشبيك وشمن كف؟؟
مازن طلقها وبعد ماشي ناحية الباب:نتي متقوليش راح نعرف وحدي ونقطع اليد اللي جات عليك
سيليا حكمتو من يدو تترجا:بلييز اركح وشبيك؟
مازن دار وجاب وجهها بين يديه:مابيا والو يا مومو عينيا برك نخاف عليك ومنطيقش يد تتحط عليك وتوجعك(فوتت يدو على خدها بفيانة وقرب سلم عليها):عمري تستاهل غير الدلال والحنانة ..منطيقش واحد يقيسك ولا يضرك وانا نعتبرك عينيا يادنيتي
سيليا تبسمت وحكمت يدو اللي كانت على خدها باستها:وانا نعشقك ونعشق حنانتك هادي مي..المرة هادي انا نستاهل
مازن قرب لحافة السرير جابها فحجرو راسها على صدرو وهو يمسح على ظهرها:قوليلي وشبيك وعلاه تستاهلي..احكيلي كلشي
سيليا طلقت روحها عليه مستحلية دفا صدرو اللي توحشتو بزااااف :بابا..
مازن زير عليها كثر:امم كملي
سيليا:هو..ضربني..ومحكاش معايا (تخنق صوتها بغصة لبكا)خرج وخلاني هكاك فاللرض نبكي ومدارش عليا وضك طاحت العشية وهو مزال مولاش..مهوش طايق يشووفني اهئ اهئ
مازن شاف لوجها مليان دموع قلبو يتفت كي يشوفها بالحالة هادي:نسيبي نعرفو اعمري ضك يزير شوي ويرخف علابالي بحالتو كامل هاد ليام ياعينيا ..وزيد اي اب فبلاصتو كان دار نفس الشي وكثر ..سيليوشتي باباك متفهم وحنين معاك بزاف كاين ناس يقتلو بناتهم ديراكت بعد هاد لحكايات مي باباك قرر يخليك لضميرك وكي يرجع راح يتفهمك سيرتو بعدما تحكيلو لحكاية و علاه رحتي ووش كنتي تديري ياعمري...(هبط راسو مقلق):سامحيني بيسك بسبتي صرا كلشي نتي خممتي فخدمتي ومستقبلي و حياتي على حساب روحك وحياتك...
هز راسو كي تحط وجهو بين يديها
سيليا:منيش نادمة..انا فرحانة بيسك جاتني فرصة قدرت نردلك خيرك فيها ونوقف معاك وزيد..درت هاد الشي علاجالك وعلاجال روحي باه نعيشو كيف كيف مهنيين منا و جاي انا خيرت نمد الحاضر باه نكسب المستقبل..معاك نتا ولو يرجع بيا الزمان لنفس الموقف راح نعاودو بلا خوف او تردد بيسك انا جامي نتردد نعطيك حياتي(هبطت على شفافو ببوسة حنينة وبعدت تايهة فعينيه):نعشقك ياولد عمراني وجامي نخليك وعد..انا نكثت هاد الوعد من قبل مي منا وجاي مستحيل ننكثو حتى لو كان الثمن حياتي ..نوعدك نبقا معاك لآخر نفس من حياتي يا مازن
ضحك و جبدها لعندو يبوس فيها كيما جامي باسها كأنو عطشان من شهور وسط الصحراء ولقا بحيرة يرتوي منها وهداك هو الصح هو شهور متعطش ليها ولقرب انفاسها من قلبو وحرارتها ومذاق شفافها في فمو شحال من مرة يحلم روحو معاها في لعب كثرمن هك مي مزال صابر عليها هو قالها من اول مرة اعترف بحبو ليها باللي راح يجيبها حلالو مالا راح يستنا لحلال مع عشيقة قلبو الوحيدة ..مهما كان على نار اما معليش هو واجد يدير كلشي علاجالها وباه يكسبها
جبد روحو منها بسيف كي تقطع عليهم النفس ينهج وحط جبهتو عند جبتها وهي مزالت فحجرو
مازن:كل يوم يزيد عشقي ليك يا طفلة..ههه خليتيني كيف المهبول يامجنونتي..خلاصت عليا نبكي فالغابات كي الولية ونتاج ولادي يغنيولي هههههه
سيليا دمعو عينيها مع ابتسامة على وجهها:هههه وقتاه هادي
مازن:نهار عرفت باللي رحتي علاجالي كي سمعت القائد يحكي معاك
سيليا:ههه ايه القائد مسكين
مازن:علابالك كي يحكي معاك حسيتك تخدمي معاه من زمان يا زح ونتي طايحتها غير يا قائد يا قائد هههههه
سيليا:ههه ايه حبيتو ناس ملاح للخر وكان يطاوعني كي نكثر معاه هدرة هههه
مازن ضربها ضربة خفيفة لشواربها مخنزر:بلعي..قالو حبيتو متحبي حتى واحد من غيري
سيليا قرصتو من خدودو تضحك:ههههه دخيلو عمري الغيور تاعي كون هاني نتا استثناء الحب عندي نتا العشق والهيام والروح..نتا اكسجيني وروحي وحياتي والو بلابيك يا مزوووني..خلي كلامي حلقة فوذنك...هههه ياخي تقول حبنا راح يكون اسطورة هو كان اسطورة صح واسطورتنا فاتت كي خلاصت عليا قريب قتلتك.اووووف نحب نموت كي نتفكر هداك النهار(حطت يدها جيهة قلبو وين ضربتو المرة اللي فاتت):لوكان ماشي السترة كنت خسرتك...منتحملش نخسرك والله صاي تعلقت بيك ووليت نحس حياتي كامل متعلقة غير بيك نتا
(طلعت وجها لوجهو لقاتو مكمشو بألم شوي)
سيليا:وشبيك؟؟
مازن هبطلها يدو من على قلبو مع تنهيدة خفيفة:اه هههه والو تأثرت بشعر مرتي المستقبلية ليا حالفة تقتليني نتي وحلاوتك الزايدة
سيليا تعرف مازن وحافظتو وبانلها باللي راه يكذب شافت فيدو اللي حاكمة يدها خطفتها منو وتلاحت لتريكوه مطلعتو جيهة قلبو ويين شافت مارة زرقة,فوتت يدها عليها بالشوي وشافتلو يتألم
سيليا:.ها.دي/انا..انا درت.ها/؟
مازن حكملها يدها وهبطها مهبط تريكوه :هادي علامة حب خاصة بيني وبين عمري الناس يخلو علامات الحب ببوسة واسطورتنا تخليها برصاصة هههه مارة صغيرة شوي وقت وتروح يا دنيتي متقلقيش روحك
سيليا تعمرو عينيها بالدموع راهي فراجيل فوق الحق هاد اليومين اللي يهدر معاها كلمة تبكي:سامحني انا السبة والله مقصدي
مازن:ههه خلاص ياعمري والله والو هاو ليك السبع تاعك الله الله معليا والو بركايك لبكا سيلتي عينيك اليومين هادو
سيليا حظنتو مزيرة عليه:نعشقك يازح نعشقققك
مازن زيرها كثر غارس راسو فرقبتها:وانا نموت بهواك ونفنى بكلامك ادنيتي خلاص راكي مطبوعة فقلبي وعقلي وقريبا نجيب كعابر مني ومنك هههه وتكمل حكايتنا
سيليا:ولادي مش كعابر راح يجيو عندهم لاطاي كيما امهم
مازن بعد عليها يشوفلها من فوق للتحت:وينهي لاطاي ا المعضمة تاعي؟؟...وينو رزقي؟..وينو الخير اللي نتمتع بيه راني نشوف غير فالعضام لا كرزات لا تفاح اوو؟؟
حمارت وحلت عنيها صفحة فجرأتو والله معندو ذرة حشمها وميعرفش اصلا اذا كاين شي اسمو حشمة
سيليا:مااازن احشششم
مازن:هههههه واش نتي اللي تحاولي تغشي فيا
سيليا:هدا الموجود ادي ولا خلي واحد ماو حاط الموس على قربتك ويقولك اديها بسيف
جات توقف من عندو مغششة و رجع حكمها جات راقدة على السرير وهو فوقها
سيليا مشنفة:بعععد بعددد
مازن:هههه شوفو حبي كي تقتلقت خلاص راني غير نضحك قلبي دايرلي سيف مش موس برك ويقولي يا تديها ياتديها مكانش خيار آخر
سيليا:همممم بعد عليا وش دخل الهدرة فالوضعية الزمر هادي
مازن:هه انا عاجبتني
سيليا:ماااازن بعد ضك تجي لينار ولا ايلين ونتبهدل
وقف من عليها ضحك عدل شعراتو اللي طاحو على وجهو مرجعهم للور وشاف فالمراية يعدل فيهم وفي تريكوه
سيليا تقعدت تشوفلو من تحت:وشبيك تستيكي في روحك يخي مروح برك مش رايح تخطب؟
مازن تبسم ورجع يعدل فشعرو:ههه متدريش ازين نلقا مكتوبي فالطريق
سيليا:متخلنيش نقولك كلمة قدك مازن والله وتشوف مع غيري ندعي ربي فالدقيقة يعميك ولا يردك ضفدع فعينيهم
مازن:هههههه ضفدع؟؟
سيليا:الجحش ثاني يصلح ههههه
مازن:ههههه اوك نولي جحش و كلشي فخاطرك عمري
قربت ليه ولفت يديها على خصرو وراسها على ظهرو من اللور:نتا أملي..مازن شمسي المشرقة مرسيي
حط يدو على يديها
مازن:علاواه مرسي؟
سيليا:بيسك نتا ديما معايا كي نكون مهدودة وتاعبة ..ديما توقف معايا وتضحكني وتريح بالي.بيسك نتا ثاني شخص بعد ايلين يديرني من أولوياتو واهتماماتو
دار ليها يتبسم يديه على خصرها ووجها مقابل وجهو مالقري قصيرة عليه شوي,فوت يدو على شعرها يحكي
مازن:حنا كامل نحبوك عايلتك كامل تحبك وتحطك من أولوايتها انا,ايلين,جان,عمو سمير,الخالة عصماء,لينار,كلنا نحسبوك أوليتنا واهم اهتماماتنا ياعشقي وجامي لا راح نسمحو فيك فاهمة؟
سيليا:هههه اوك فهمت
مازن نقر خشمو بخشمها:شاطرة تاعي
فرقهم الباب اللي تفتح ودخلت لينار تجري وتنهج
لينار:هاا اوووف عميمو تخباا او جا جااان
سيليا بعد عليه مخطوفة:خلاات
مازن:اشش مخلات موالو اخرجي عندو وانا راح ننزل منين جيت وغدوة نتلاقاو فالشركة عندك بزاف مجيتيش ارواحي غدوة
سيليا:اوك ازرب اخرج
خلاتو واقف قدام التاقة وخرجت فالباب بعد ضربت فجان
جان يشوف ليها مزروبة ومرويية:وشبيك؟؟
سيليا عدلت شعرها وشافت فلينار قدامها:هههه والو كنت هابطة عندكم
جان تبسم ومسح على شعرهاا:هه واش تبدل مورالك ثم ثم
ضحكت كي تفكرت كيفاه كانت وكيفاه ولات مازن صح ولا محور حياتها:ايه لازم نريح باه كي يجي بابا نفهمو كلشي
لينار:بصح جان نتا قتلي نديك للبارك كي حكمت مازن ومديتنيش
جان نزل هزها:ابابابابا خالو نتي متنسايش؟
لينار:هههه لااا
جان:همم...اوووك مااالا خالك راح يديك للبارك غدوة اوك؟
لينار:اوووك
سيليا:انا ثاني نرووح
جان:ههههه خلاص راح نروحو حنا وايلين
سيليا::ونور..قولها تجي معانا
جان نفخ على جنب كي تفكر شكيلهم النهار هدا قريب قتلو بعضاهم فالطريق :همم..نشالله غدوة نشوف
سيليا:اوك
في الكورنيش الزوج تاعنا متساميين ويتفرجو في غروب الشمس قدامهم و نسمة هواء دافية تضرب فيهم , تشوفهم تقول عليهم عصافير حب محال يتخلاو على بعضاهم , مي هاذو الزوج ماء و نار مستحيل يتفاهمو , كملو قاعدين حتى يلقاها تنهدت من عروش قلبها و حكات
بشرى : قلتلي واش من حرب راني فيها ? فالعادة انا وحدة كتومة ماتهدر سرها ولا واش بيها لحتى واحد , نفضل نحكم اوجاعي و معاناتي و مشاكلي ليا وحدي , مانحب حتى واحد يكسر راسو معايا
دانييل : علاه ? بالعكس الأقرباء لينا موجودين علاجال هاذ الشي , باه كي نحصلو يعاونونا نلقاو الحل
بشرى تبسمت بألم : هذاك المشكل , مكانش حل يمكن لواحد يلقاه في حالتي , يخممو على روحهم , مي الحل هو واحد و انا لقيتو وحدي في بداية الطريق و راني ماشية بيه حتى نخلص الحرب اللي راني فيها , و اذا راك حاب تعرف ضد من ? ( و جبدت نفس طويل ) ااااه للأسف الحرب هاذي ضد نفسي أنا
! دانييل تشوكا شوية من كلامها , واش راهي تقول هاذي ? تحارب في نفسها ? كيفاه
? بشرى : شوف نتا بالنسبة ليا إنسان مزعج للخر و متكبر و مانتحملكش و مانطيقش نشوفك فاهم ? مي ... صدقني مكان حتى واحد من غيرك شهد على حالتي هاذي و قرب ليا و سقسى واشبيا و حوس يفهم مشكلتي , قلتلك مانيش ميتة عليك , مي .... انا و الله محتاجة العون و النصيحة و أني نحكي واش في داخلي حاليا و سيرتو هاذ اللحظات , لأنها راح تعطيني قوة باه نكمل طريقي بيسك ... صح ... تهديت و ماعدتش قادرة نمشي أكثر و نواجه أكثر من هكذا ( و رجعو دموعها يسيحو ) لمرة وحدة برك حابة نتنازل على القوة تاعي و نكون ضعيفة باه نقدر نولي كيما كنت ( دورت شافت ليه ) قلتلك مانيش ميتة عليك , مي نتا جيت في دقيقة ضعفي و اللحظة اللي قلبي فيها تعمر و حاب يلقى طريقو , أول مرة راح نطلبها من إنسان صدقني , حابة واحد برك يسمعني للخر و يعطيني حافز و أمل لاشتات صغير , لأنو اليأس و الوحدة ... مشاعر مانتمنى حتى واحد يجربهم
دانييل دور يشوف مع عينيها و ملامح وجهها , كانت كلها براءة , و كلش فيها يصرخ بالألم من داخل قلبها صح , وجعو قلبو عليها و قرر أنو يمدلها هاذ المساحة و الفرصة باه تريح لأول مرة كيما قالت هي , هو صح مزعج معاها , مي قلبو كبييير بزاف و يحب يساعد الناس و يسمع لمشاكلهم مام على حساب همو ومشاكلو يحطهم على جيهة ويسمعلهم
تبسم من قلبو : شعور متبادل سبحان الله حتى انا نشوفك متكبرة بزاف , مي ... مانكذبوش كل واحد فينا عندو جانب ضعيف و من حقو يتحلى بيه ساعات , ماتنسايش حنا نبقاو بشر و الضعف واحد من صفاتنا , قال تعالى " و خلق الإنسان ضعيفا " , لأول مرة راح نسمعك عادي , ماعنديش مشكل شخصي معاك , راني هنا
بشرى تبسمت : علابالك واش يقول الأديب الروسي دوستويفيسكي ? " تكتشف في النهاية أن البوح للمقربين ليس سهلا كما يتصوره الآخرون , بل صعب جدا , و البوح للغرباء متعة و راحة و أمان ...... " كمل دانييل في بلاصتها : " لأن كل ما ستقوله سيذهب معهم حيث يذهبون و لن يفهموا سوى ما تريد , سيقفون بجانبك , سيدعمونك , يضحكون و يبكون معك , لأنهم لا يعرفون من الحكاية كلها إلا أنت ... أنت بطلهم ! "
و دور يشوف معاها متبسم لقاها تشوف مشوكية دانييل : تأثري بالشوي برك عندكك تطيحي ههه
بشرى : قريتها ??? واااااو أول مرة نلقى واحد قاري لدوستويفيسكي و حافظ عباراتو ههههههه
فرح كي قدر يضحكها و لو شوية دانييل : واش حاسبتني مالا ? تشوفي فيا من أمريكا تقولي هذا لا علاقة ? أنا مثقف بزاف ديري حسابك
بشرى : مازلت برك تتكبر و شايف روحك
? دانييل : هههههه الأصل جامي يتبدل, مي علاه حرتي ?
بشرى : والله جامي تلاقيت واحد يقرا الكتب هكذا من قلبو و يشفى على عباراتهم و يمد بيها الأمثلة , و نتا آخر واحد توقعت يكون عندو ذوق فالقراءة و تخير دوستويفيسكي ههههههههه
دانييل : مالا هاكي عرفتي
بشرى : معلومة جديدة هههههههه
دانييل : ريحتي درك شوي ولا مازلتي حابة تحكي ? بشرى رجعت تنهدت من اعماق قلبها و حزنها رجع ليها , بعدت عليه شوية و باقية تشوف للبحر بعيد , تنفست و حكات
بشرى : نسقسيك حاجة ? كون ... كون تتحط في موقف أنك ترغب في حاجة بشدة , ترغب فيها بزاااف و تحبها من قلبك و تشوفها غير هي قدام عينيك , تتمناها تكون ليك و من نصيبك مي ... هاذ الشي مستحيل يصرا و لا راح يصرا حتى بمعجزة , هاذيك الحاجة مصيرها مقرر من اللول أنها ماراحش تكون ليك ولا تقدر تديها مهما حاولت مستحيل تكون ليك , ديجا مكانش فرصة من الأساس للمحاولة , يعني ... تبقى عايش في صراع كبير بينك و بين نفسك , نتا حاب هاذيك الحاجة بزاف , مي ملزم أنك تتخلى و تتنازل عليها لأنو الظروف كلها ضدك , لا تقدر تقرب , ولا تقدر تبعد في نفس الوقت , واش تدير ? صمت عميق طغى عليهم مايتسمع غير صوت الموج يضرب فالروشيات و الطيور من فوقهم , سكت شوية , و ممبعد تنهد و حكى
دانييل : راكي متأكدة باللي مكانش فرصة ?
بشرى : متأكدة ألف بالمئة
دانييل : نقولك راكي غير تهلكي في نفسك , تدمري في روحك , و تأذي في قلبك , بيسك القلب هو اللي يحب و يرغب فالحوايج , كي يعود هو حاب حاجة و هي محرمة عليه و مكانش فرصة باه تكون ليه ... هنا راح يتجرح بزاف و ينكسر بشرى : اااه هذا واش صاري لقلبي درك , راهو مكسر مالقيت كيفاه نلم فتاتو , محروق مالقيت زيماه نلم رمادو
دانييل : كون تقربي من هاذيك الحاجة واش راح يصرا ?
بشرى : كلش يدمر ! حياتي كامل كيما راهي تتدمر و مستحيل ترجع كيما كانت , مستحيل نريسكي و نقرب منها
دانييل : و كون تبعدي واش يصرا ? بشرى سكتت و ماقدرتش تجاوب دانييل تبسم وصل وين كان حاب : علاه سكتتي ? واش راح يصرا كون تبعدي
? بشرى : صعيبة عليا نبعد , والفت , تعلقت , صعيبة عليا بزاف اني نبعد على هاذيك الحاجة و انا والفتها لدرجة كبيرة صح , انا نقدر نديرها , بصح .... راح يكون التأقلم صعيب
دانييل : و هذا واحد من بين أصعب إختبارات الحياة , و فيه يبان صح الإنسان القوي من الضعيف , " التأقلم " , الحياة ظالمة عمرها ما أنصفت واحد فينا , ديما تطيحنا فالحفر تاعها و تخلينا وحدنا نتخبطو , كاين اللي يخير يستغل عقلو و يخرج بذكاءو عافس على قلبو , و كاين اللي العكس , يمشي بقلبو و يبقى يعاني أكثر , العقل أقوى من القلب و أكثر تأقلما مع جميع الظروف , العقل مهمتو يلقى الحل , و أنا راني نشوف فيك ماشية بعقلك , مي المرة هاذي قلبك غلبك , صح ولا نو ?
بشرى : صدقني هذا هو الصراع اللي راح يقتلني , عقلي و قلبي كل مرة واحد فيهم يشعل نيرانو فيا و يخليني أنا نتحرق , كل مرة نسمع لواحد , خيارين أحلاهما مر , مهما كان الخيار اللي نديه يبان مناسب .... راح يوجعني و يحرقني
دانييل : خيري أنك تدفعي أرخس ثمن ممكن
بشرى : كل الأثمان غالية , مي ... الحاجة اللي راني سير منها أني مستحيل ندفع عايلتي كثمن , غير هاذي مانديرهاش , انا قررت في بداية الطريق اني مانضحيش بعايلتي و مستحيل نقبل ندفعهم كثمن , ندمر انا و نتحرق انا , مي نخليهم هوما في أمان و مايتقاسوش , هذا قرار مستحيل نتراجع عليه مهما صرا و خلي تخلا
دانييل : واش هو الثمن اللي بقى مالا
? بشرى بتردد : ... قلبي ! قلبي هو الثمن اللي بقى
دانييل : نحس بالحرية كي نتناقش مع واحد يفهم , هذاك واش حاب نقولك , أدفعي قلبك كثمن , هو أخف الأضرار , صدقيني يتصلح , ربي سبحانو معطاء ما يبخل على حتى واحد من عبادو اللي يديرولو حساب و يتقيوه , مدامك حابة تحافظي على بزاف حوايج أولهم عايلتك و قابلة أنك تضحي بنفسك باه ماتفسديش حياتك ... أنا متأكد أنو ربي سبحانو يعوضك بكل اللي فيه خير , مهما تبانلك خسارة قلبك كبيرة , فاللول التأقلم صعيب صح , مي و الله و عن تجربة غير يجيوك أسباب الراحة وحدهم تلقائيا و تلقاي نفسك راضية قانعة و تتقبلي الوضع تدريجيا , الصراحة حاسك .... ( و سكت)
بشرى : كمل ... واش حاسني
? دانييل : حاسك مستعدة تتقبلي كلشي من غير خسارة عايلتك , بلاصتهم وعظمتها وفخرك بيهم باينة فصوتك ونتي تهدري عليهم
بشرى تبسمت بألم : علابالك ? يطلبو مني عينيا نمدهم نورمال , اي حاجة نديرها علاجالهم غير باه يكونو فرحانين و خلاص , مانترددش , أنا قبلت نتخلى على شحال من حاجة علاجالهم و مزالني ندير فيها لحد الآن , صدقني مانيش نادمة , أبدا مانيش نادمة , بالعكس كون نأذيهم ولا نخيب ثقتهم فيا ...ثما صح وين ندمر خلاص و ماتبقاليش حياة , لازمني نكمل علاجالهم و علاجال نفسي , مي .... ( و غصة بكا خنقتها ) انا تعبت بيسك عندي مدة طويلة و انا نحارب في نفسي , مشكلتي هي التعب انا تعبت بزاف من قبل , بصح مالازمش نطيح درك مابقاش بزاف و نخلص كلش , هذا واش مخليني نبكي بحرقة , الضعف درك حرام و ممنوع عليا بيسك كون نخليه يحكمني صاي كلش يتضرب فالزيرو و نولي و كأني مادرت والو و تعبي كامل اللي فات يروح هكذاك , ما ... ماعلاباليش ضعت و رحت فيها , مافهمتش نحبس و ننسحب من كلش صاي نلغي كل حاجة درتها و نقبل الإستسلام ? ولا نكمل في مصير مجهول مانعرفش إذا نربح ولا نخسر فيه كلش ? قادر في لحظة كلش يتخرب , مانيش قادرة نتحمل الخسارة , حابة نحبس و منيش حابة, راني في صراع كبير صدقني ماعدتش قادرة نتحمل هاذ العبئ عيييييت عييت صح هاذ المرة , طحت بزاف و عانيت بزاف , مي تحملت و تشجعت و نضت و قاومت , و درك .... طحت خلاص مابقاتليش قوة نزيد نوقف و الله , راني مدمرة قلبي ماعادش يتحمل كثر من هكذا
سكتت شوية و شهقاتها غير يزيدو مع دموعها اللي ولاو شلال من جديد
بشرى : حابة ... أهئ حابة كلش يحبس , يا ليت الزمن يحبس و لو شوية برك , يحبس الزمن و كلش يحبس و مخي هذا يحبس تخمامو و قلبي يحبسو نبضاتو اللي يوجعوني , حابة نرقد ليلة وحدة برك مرتاحة فيها بلاما نخمم و بلاما نحسب و بلاما نشوف منامات , علابالك مخي حتى فالليل و يخدم في مناماتي و يخدم عييت نحبس , مالقيتش الحل مالقيتش طريقي
....
ليكيييييب تطلعو الحالة ليوم بتعليقاتكم نزيدكم غدوة 2بارت راهم واجدين
تهلاااو حبببكم