431❤
ونطق:بﻻما تلبسي خليك هكاك.
مﻻك:اويلي انبقا بفوطتي.
عهد:حيديها وبقاي هكاك.
مﻻك:ﻻ انجبد ليا منلبس.
عهد بحدة:مﻻك النور راني هضرت.
مﻻك:صافي انبقا بالفوطة.
ومشات قالبة فمها جلسات فالسرير وهزات ليه تيليفونو كتبقش فيه جاها الملل وهو تعطل كيغسل فالخرقة باش مسح الارض ومخصر سيفتو وكيغسل ويعاود تامبقاتش الريحة حيت قلبات ليه كرشو كمل ومشا حيد لغﻻف للمخدة وحيد منها الشكﻻط وﻻحها مع لوسخ عاد مشا لعندها تخشا حداها وشافت فيه ورجعت شافت فالتيلي وهو كيطل عليها شنو كدير:لبس شيحاجة.
عهد:غاخليني عاجبني لحال.
تنهدات وكمﻻت لعبها ونطق كيتفرج فيها:دابا نتي باقة قد هاد اللعب غاع تيليفوني عمرتيه ليا بالالعاب واش مجوج بمرة وﻻ بريهيشة.
مﻻك:سكت غنخسر وانا ماشي برهوشة.
عهد:ويالله حطي ليا تيليفوني راه تيليفونك مالو.
بدون شعور:ايوة انا بغيت نلعب فتيليفون حبيبي شنو فيها.
بجمود:شنو.
مﻻك:بغيت نلعب فتيليفونك ياه.
عهد:ﻻ قلتي حبيبي.
شافت فيه بالزربة ورجعت للعبة:الله يجيبك على خير ايمتا قلتها.
عهد:ومالي منستاهلش وعاد راك قلتيها سمعتك.
مﻻك:مقلتهاش غيكون غي جابليك الله.
نقزات:يااي ربحت شوف شوف لمفرقعات.
عهد ميق فيها:مفرقعات حطي التيليفون حطي.
مﻻك:واخليني نلعب.
عهد:وحطيه قاﻻك تخليني انا وتلعبي.
مﻻك:هاهو حطيتو غامتقلقش.
باسها فحنيكها:يخليلي لي يسمع الهضرة.
مﻻك:هه اه شتي انا ضريفة.
عهد:غتزيدي ضرافي وتزياني غاع لحليتي لحدود.
مﻻك:هه اشمن حدود.
عهد:وايلي باش نسرحو الطريق.
بخجل:ويلي اعهد تاني بديتي.
عهد:اه ومعمري غنسالي.
تخشات فصدرو:افف مالك بحال هاكا عاد دابا كنتي زوين.
تنهد:تكاي شوية رتاحي بيدما وصل لوقت.
مﻻك:مفياش خلني نهبط عند خالتي.
عهد:ﻻ والله متهبطيها زوينة هادي وديري فبالك واحد الحاجة راغينرجعو انشاءلله من الطيارة لدارنا
لتقوليش ليا نبقاو معاهم شي يامات.
مﻻك:وعفاك غي شي سيمانة.
عهد:ﻻ قسما بالله لدرتها تبقاي ديما تهربي ليا انا مليت امﻻك النور مليت والله غاربي لي عالم بيا كون متاقيت فيك وجه الله ومكنتش نبغيك ياتاندير ليك شي موصيبة فين عمرك شتي شي راجل صابر غابلبوسان والتعناق وكيجيبو غابالتحكحيك كون كان شي واحد اخر وكتفششي عليه بحال هاكا والله تيخليك.ن
اضت عليه كتشوفيه بحزن وشوية ديال الغضب:دابا شنو زعما كتقوليا راك تقد تخليني.
بحدة:مقلتش هكاك قلت ليك كون كان شي واحد اخر.
قاطعاتو ببراءة:وانا مبغيتش شي واحد اخر بغيتك نتا.
سﻻت معاه ونقص من حدة صوتو:وراتانا باغيك نتي ولكن راك معيقة امﻻك النور واش كامل هادا خوف فيك راك غاخالعة راسك على والو.
مﻻك:خلينا تانرجعو انشاءلله ويكون خير.
تنهد بالجهد:واخة اﻻلة هاحنا انشوفو هاد الخير.
مﻻك:ومتبقاش تجبد معايا هاد الموضوع فاش انكون واجدة انا انجي عندك.
عهد:ﻻ ﻻ نتي منعولش عليك غانرجعو من الحج نشاءلله وانهضرو فيه وﻻش انا غنتسنا تنهضرو فيه وامن لباب انشدك.
خبات وجها بيدياتها:وادابا ﻻش كتخلع فيا بحال هاكا اوف اعهد حشومة عليك كدوي بحاﻻ غتقرضني.
عهد:ﻻ غير غناكلك.
مﻻك:وﻻءح متاكلنيش ومضربنيش.
عهد:تكاي تكاي صافي قلبي الموضوع رابديت نجهل.
تكات عليه فوق صدرو وعنقاتو ومد يدو لضهرها:حيدي لفوطة.
مﻻك:ﻻ خليني مغطية.
عهد:حيدي قاﻻك.
مﻻك بتغبان:اع وغيسخن عليك راسك تاني.
عهد:ﻻ ماشي راسي لي ايسخن ودابا حيدي والله منديرلك شي حاجة.
مﻻك:حلفتي وعنداك.
عهد:وايلي فين عمري حلفت ليك ومدرتش الحاجة.
حيداتها وتكات عليه بالزربة زعما باش ميشوفش ونطق:قديتيها زعما مخبيا وجهك صافي راك مخبية كلك.
شدات ليه عينيه بيديها:ومتشوفش.
حيد ليها يديها:مالي كنسرق حيدي قاﻻك.
بقاو مجارين هكاك مرة يضحكو
غايبانو ليكوم ليبارت معطلين فالحطان راه غير كونكسيون ديلمها تقطع لي لويفي وتداركت الموضوع فدقيقة تسعين جبت روشارج مي كيبان ليا غادي غي تفقصني هاد لكونيكسيون واش حتى نتوما هاد انوي مخدمة معاكوم القوالب
432❤
ومرة يتناغرو وكيهضرو وهي كتلعب الزليق فوقو مهﻻبالهاش بيه ماشي سوقها مدام حلف صافي واخدة راحتها تاوصل الوقت وناضو لبسو وجبدو ليفاليز لي كانو ديجا مجموعين وهبطو سلمو عليهم ومشاو للمطار باش يمشيو لبيت الله ومع معمرها ركبت الطيارة واخة هكاك محشماتوش حدها شدت فيه مزيرة على يديه المرة لولة فاش تحركات الطيارة وتاهو شدها بحنان عنقها حتا استقرو فالسما عاد بعدات منو كتشوف فالغيوم والدنيا صغيرة لتحت شدتها الدوخة وضارت عندو:فيا النعاس.
هبط ليها كرسيها قادها وحيد جاكيطتو حطها فوقها غطاها:يالله نعسي.
مﻻك:وعنداك نوصلو وتنساني.
باسها فجبينها:تنساك الموت ومنساكش انا.
شدت فيه:وعنداك.
عهد:ههه نعسي نعسي.
غمضات عينيها وكل مرة تضربها الفيقة بحاﻻ بصح غيخليها تالواحد اللحضة غتحل عينيها اتلقا وحدة ﻻبسة تاع المضيفة هي لي جالسة حداها ومﻻك ناضت قافزة:عهد.
لبنت شافت فيها وتبسمات:هاهو اختي مشا غي لطواليط
.مﻻك:ماكدة.
المضيفة اه امدام اوه هاهو جا.
ناضت وجلس عهد شافيها:مالك.
مﻻك:فين مشيتي.
عهد:للمرحاض.
مﻻك:ههه وبقا طلب الادن المرة جاية.
عهد:واخة ااستادة.
مﻻك بحرج:عهد.
عهد:عيونو.
مﻻك:ايمتا انكمل قرايتي احم فداكشي لي باغة.
عهد:تانرجعو ونهضرو فهادشي واخا بغيتك فهاد الفترة ترتاحي ليا واخة جينا هنا باش نرتاحو منبقاوش نفكرو فشي حاجة صفي احبيبة كاين الله وانا وياك صافي.
مﻻك بابتسامة:واخة صافي.
عهد:نعسي راباقي منوصلو.
مﻻك:ونتا مغتنعسش.
هبط كورسيه قادو معاها وضار عندها:هانا اﻻلة.
قربات عندو باغة تخشا فيها وحبسها:فين جاية.
مﻻك:انتخشا فيك.
عهد:وبنادم ههه غادين للحج وغتخشاي فيا.
قربات عندو بمشاكسة:بحاﻻ راك ماشي راجلي وعاد مال تما مغنتخشاش فيك والله منعس ليك لمتمخششت.
قربات خشات وجها فصدرو وهو حاوطها بيد ضور وجهو بانو ليه هادوك لي
حداهم كيطلو عليهم وكيميقو وتبسم ليهم باستفزاز:مرتي ممكن تشوفو قدامكم.
لخرين ضارو مبقاوش شافو جيهتهم وهو ضار غمض عينيه حاط فمو على جبينها كيبوس فيه حتا داتو عينو مفاق غي على صوت المضيفة مع نعاسو خفيف خبراتو بلي وصلو وناض بدا كيفيق فمﻻك بشوية تاناضت مشقلبة بدات كتشمشم فيه وتخشي وجها فعنقو وهو كيبعد منها وكيشوف لبنادم لي حاضيهم شوهاتو ونطق بالحس:الز-ملة مجاتك تالدابا احبيبة.
حﻻت عويناتها معنقاه:بوسني.
عهد:راحنا فالحج وقدام بنادم فيقي فيقي.
عاد بدات كتستوعب وطلقاتو مبعدة هو شدها من يديها وخرجو
(تسريع الاحداث)دوزو موسم الحج فرحانين خصوصا مﻻك عمرها توقعات وﻻ كانت دايرة فبالها انها ممكن تحط رجلها فهاد لبﻻصة اوﻻ حتا فكرات ولو فكرة كان مجرد حلم بعيد بزاف ودعات فخاطرها انه يحببها فعهد وحتا لو كانت تتبغيه يزيد يعلقها بيه بينما عهد مكانش كيمل من الدعاء انه يخليهم لبعضياتهم وميخلي تاحاجة تبعدهم من غير لموت لي تاهي دعافيها وطلب انهم يموتو مجموعين ودعا انه يبث حبو فقلبها وتبادلو نفس المشاعر ويرزقهم الدرية الصالحة.
دوزو ايام زوينة تما ومﻻك ماتت عليه بالضحك فاش حسن وﻻ راسو كيبان فشكل حيت عمرها شافتو هكاك دوزو اكيد العيد لكبير تما.
حتا رجعو من الحج مع هبطو من الطيارة بان ليها جبد التيلي وصونا للشيفور يجيب ليه لوطو تاقطع معاه ونطقات:عﻻش ايجيبها ليك واش مغنمشيوش تما.
عهد:راقلتها ليك غنمشيو نيشان لدارنا.
مﻻك بخوف وتوتر:ولكن عفاك توحشتهم ايكونو تاهوما توحشونا وتوحشت خالتي كثر خلينا انسلمو عليهم.
عهد:لبغاونا وتوحشونا يجيو هوما عندنا.
مﻻك:عفاك اعهد خلينا نمشيو وعاد عرفتي راسي ضارني بالحركة ديال الطيارة خلينا غي نرتاحو بعدا وتوحشت خوتي وعاد بغيت.
قاطعها:صافي صافي غاسكتي اوف.
دبا فنضاركوم هاد البراهش ولاو حاج وحاجة العار راه غايهرب ليا
433❤
وصلو ميساج فتلفون عقد غوباشتو دغيا كلي قراه
دﻻت فمها:متاففش عليا.
عهد:مﻻك النور قلبي عليا طالعة ليا متزيدينيش.
شدتها لبكية:اصﻻ نتا من اللحظة لي قريتي داك المساج ونتا معصب شكون لي سيفطو ليك واش فيه شيحاجة.
عهد بعصبية:مﻻك النور راقلت ليك قلبي عليا هاد الساعة.
نترات يدها منو:هانا غنقلب عليك.
وقلبات وجها عليه مخنزرة وتاهو محزرهاش بالو غامع البوص لي سيفط ليه المساج مع ركبو راجعين سيفط ليه بلي جا عندو للمغريب باش يتﻻقاه من تما وطالع ليه الدم مباغيش يتﻻقاه عارفو غيبغيه فشي مصيبة وهو ماشي تاتقادات حياتو وتجمع مع حبيبتو عاد ايجي يدخلو فالمشاكيل حتا جا الشيفور وعاونو يدخلو ليفاليز وركبو ونطق عهد:سير للدار.
الشيفور:دارك اسيدي وﻻ دار باك.
شاف فمﻻك لقاها كطل عليه غابنص عين وتنهد:سير لدار لواليد.
قاليه واخا وديمارا للفيﻻ وصلو ودخلو وناضو كيستقبلو فيهم.
شمس:ياك قلتو غتمشيو لداركم كنا لعشية انجيو عندكم.
عهد شاف فمﻻك زعما هانتي شتي ونطق:صافي نيت بﻻما ضربو تمارة هاحنا جينا نرتاحو عاد نشدو الطريق لدار مع مﻻك النور عيات.
شمس:اه اجي رتاحي ابنتي جلسو اتبقاو واقفين.
عهد:انطلع لبيتي مﻻك النور يالله.
مﻻك جلسات:انبقا معاهم شوية ونتبعك.
غمض عينيه بقلة صبر وحلهم فيها ونطقت غي بين شفايفها:عفاك.
ضور وجهو وطلع بحالو عاد تنفست بينما طلع ساخط جبد التيلي وبدا كيصوني ليه فالنمرة لي سيفط ليه المساج حتا جاوبو ونطق بالاسبانية:شنو باغي.
جايمس:تانا توحشتك شكرا.
عهد:بﻻ مدوخني شنو باغي اجايمس.
جايمس:اوك باغي نتﻻقاك محتاجك.
عهد:فاش.
جايمس:فواحد القضية.
عهد:ﻻكانت متعلقة بالمافيا منضمنش ليك غنعاونك.
جايمس:هي فالصراحة خصوصية ولكن داخل فيها شوية من الخدمة.
عهد:قول شنو.
جايمس:ولدي مات.
باستغراب:ولدك ايمتا هادشي.
جايمس:عاد شي شهرين وﻻ كثر.
عهد:ولكن ايمتا ولدتيه.
جايمس:مشفتوش مهزيتوش فيدي لدرجة تاجنسو معرفتو واش دكر وﻻ انثى.
عهد:كيفاش شرح ليا.
جايمس:حبيبتي حمﻻت مني وعدويا ق-تلو فكرشها.
عهد:اه ونتا باغي تنتاقم.
جايمس:اه ومن هادشي كامل عدويا هو خوها ومعارفش الجنين كان ولدي.
عهد:صافي سمح ليه وبﻻما تزيد توسخ يديك وولد مع حبيبتك وحدين اخرين.
جايمس:ماشي غي هادشي ولدي كان غي نقطة لي فيضات الكاس شتك مسولتينيش شكون عدويا.
عهد:عﻻش كنعرفو؟.
جايمس:اه ولد خوسي.
عهد:شكون هادا تاني.
جايمس:اخر بوص ديال الما-فيا لي تشد وعليها خرجتي من الما-فيا.
عهد كيتفكر:اه هداك واش داك ولدو لي كان معاه وﻻ شي ولد اخر.
جايمس:اه هداك عندو غاهو والبنت لي جبتي.
عهد:عﻻش متشدوش معاه.
جايمس:ﻻ.
عهد:ولبنت متقولش ليا هي حبيبتك.
جايمس:اه هي.
عهد:وعنداك يكون غي شي خطة منهم ويكونو متافقين عليك وﻻ تكون هي نيت لي حيدات ولدك.
جايمس:فنضرك وحدة غتحيد ولدها حيت هي باغة وغتكون فالانعاش دابا حيت حاوﻻت تنتا-حر فنضرك ام غتحيد ثمرة حبها هي والراجل لي كتبغي دابا نتا انجيل اوف ﻻيت تقدر تحيد ولدكم بخاطرها.
عهد:مقصدتش هكاك انا قلت يمكن كانو متافقين عليك صافي.
جايمس:ﻻ اناستازيا كانت كتعاوني نفشل ليه اي عملية ودابا راها مﻻوحة فالسبيطار حيت بغات تنهي حياتها.
عهد:وفاش كتفكر دابا عندك شي خطة وﻻ شي حاجة.
يالله غيكمل وتحل الباب وهو يقطع بالزربة شافيها بتوتر عاد بلع ريقو وتنفس فاش تفكر بلي كان كيدوي بالاسبانية ونطقات:معامن كنتي كدوي.
عهد:واحد صاحبي عﻻش.
مﻻك:اه ومالك تخلعتي فاش دخلت.
عهد:شنو كتشكي فيا نعيط ليه قدامك.
مشات جلسات وكتحيد فشالها:مالك راه سمعتك قلتي ليه واش كتفكر فشي حاجة وﻻ شي خطة.
خرج فيها عينيه:شنو سمعتي اخر.
مﻻك:والو غي هدشي لخر لي قلتي.
عهد:وفهمتيني شنو قلت.
مﻻك:اه.
هانا على ملاك كتفهم السبليونيا وفناضركوم اش بغا تاني هاد الحزاق دجيمس ناري كيفقصني ملي كيعسط ليه على قبل المافيا