لهيب حب أشعله كره

الفصل السابع عشر "لن أسامحك !!"

___رواية لهيب حب ❤ أشعله كره 🔥___

___بقلمي لينا___

تبا لسخرية الأقدار ..
لعبة في وضح النهار ..
ضحكات وراء الجدار ..
سنيننا راحت أهدار ..
و العشق تاه في الأهوار ..
سال دم الهوى أنهار ..
و كيف لا أنهار !؟ ..
و لم تكفي الأشعار ..
و ذبلان الروح كالأزهار ..
حشرتني في دوامة الخذلان ..
و قد بكى عليا الزمان ..
و فارقت ذلك المكان ..
أتسألني أين المكان ..!؟
إنه دفئ قلبك قد رأيته في الهذيان ..

كانا يمشيان معا تحت ضوء سيد المكان .. مكان العشق و الغرام .. إنها ليلة القمر .. رمز للإلهام .. كانا يمشيان بمحاذات المسبح .. و الصمت يحتل الزمان .. و يأخذ منصبه في السيادة .. فجأة قطعت هي ذلك الصمت الطويل .. على الأرجح كان مملا ..

هتفت بشيئ من المرح و الهدوء :
_أنا مكنتش أعتقد أنك بالشكل ده .. أنا كنت واخدة فكرة غلط خالص عنك ..

_هههه طبعا أمال كنتي هتاخدي فكرة كويسه إزاي عن مجرم و شرير كمان ..

_بس المجرم الشرير مش بيعمل زيك أبدا

_مش فاهم .. مش بيعمل ايه بالظبط ؟

_يعني المجرمين الأشرار غالبا بيكونوا مرضى نفسيين و لما يختطفوا حد بيعذبوه و يخوفوه مش زيك أبدا ..

_احم هو انا لما خطفت البنت اللي شعرها أصفر ..

_تقصد أسيل

_أيوه هي .. فالحقيقة انا خليتها فمستودع .. بس معذبتهاش و لا خوفتها بالسلاح .. بس اتعاركنا و بعدين الشيطان أنقذها .. مش عارف ليه ..

_طب انت خطفتها ليه !؟

_الحقيقة هي عجبتني .. و قولت استفاد منها و بعدين قلت أخليها ليا ..

_كنت ناوي تاخدها عشيقة ..!؟

_لا كنت ناوي اتجوزها

_طب انت عارف أن أسيل أختي ..!!

_ايه !!!؟

_أيوه ..

_أ..أسف يا رغد .. أ.

_و لا يهمك .. انت عرفت غلطك دلوقتي .. بس اللي متعرفوش السبب اللي خلى الشيطان ينقذها ..

_و ايه السبب !؟

_بيحبها

_مش مصدق و هو إزاي هيحبها و هي ضابطة .. !!؟

_لا دي حكاية طويلة ..

_آه .. طيب

_انت بتعترف بغلطك بسرعة يا امجد

_و ده حلو !!؟

_طبعا حلو .. غير أن المجرمين الأشرار مش بيقروا كتب ..

_لا إلا الكتب أنا هوايتي المطالعة و بحبها جدا ..

_تصدق أنا كمان بحبها أوى

_طبعا المطالعة غذاء العقل بس أنواع برضه ..

_أيوه طبعا .. و فيه حاجه كمان

_إيه هي ؟

_المجرمين مش بيضحكوا و يهزروا زيك .. كل اللي بتشوفو منهم ضحكات شر أو سخرية .. مفيش ضحكة بريئة ..

_يعني أنا عندي ضحكة بريئة ..!!؟

_أيوه طبعا .. زي دي انت دلوقتي بتبتسم بعفوية .. و بتبقى حلو أووى .... صمتت فجأة لإدراكها زلة لسانها .. و انجرافها في الكلام .. احمر وجهها بشدة و نظرت له ببطئ لتجده يبتسم ابتسامة خلابة .. و ينظر لها نظرات غريبة يشوبها الهدوء ..

_احم .. انا ا..انا م..مكنتش

_ههههه خلاص خلاص .. مفيش داعي لكمية الاحراج دي

توقفا مقابلين المسبح .. و استرسلا في كلامهما يسود الضحك المكان ... في هذه الأحيان كان كريم يطالع الأجواء من شرفة غرفته .. ابتسم ابتسامة صغيرة هاتفا في شرود ..

_أخيرا أخويا لقى طريقه ... و دلف إلى الداخل و هو يدندن بسعادة ...

أما في الأسفل ..

هتف امجد بعد صمت قصير :
_انا .. انا هرجعك بكرة ..

لم تصدق أذنيها .. نظرت له في صدمة .. ثم هتفت و هي تقفز ..

_لا و الله .. قول و الله مش مصدقه ياااس يااس .... شكرا شكرا مش مصدقه نفسي ...

كان ينظر لها بصدمة لم يكن يعلم أن هذه الروح الطفولية قد تكون بداخل هذه المرأة التي دائما ما يراها متوحشة و هادئة ..

نظرت له بسعادة و هتفت :
_انا هروح أجهز نفسي من دلوقتي و رحلت راكضة من أمامه ..

__________________________________________

أما بتلك السيارة التي تسير و وراءها العديد من السيارات .. نسمع صوت صراخ منها ..

_عااااااا بقولك وقف وقف العربية عااااااا

لم يعر صراخها و كلامها أي اهتمام بل و زاد في السرعة .. و بعد لحظات توقف بقوة .. لتتقدم هي للأمام مرتدة وضعه ذراعه أمامها كي يحميها من الارتطام ... سكنت و هي ترى الظلام حولها .. فتح الباب و ذهب ناحيتها و الوجوم يسود وجهه .. فتحه و هتف بصوت ضامر :

_اخرجي

_لاء

لم يتكلم كثيرا بل سحبها بقوة و أخرجها ..

_بقولك سيبني مش عايزة اخرج ..

وقف أمامها و هو يمسك بكتفيها .. ليظهر فرق الطول الشاسع بينهما ..

_أسيل اهدي بقولك ..

_متلمسنيش ..

وجهت له لكمة لكنه تفاداها بمهارة .. و كبل يديها وراءها .. انحنى مقتربا من أذنها

_أنا مش زي أي حد تقدري تضربيه بسهولة فاهمة ..

بلعت ريقها بصعوبة و أنفاسها تتسارع .. لقربه الكبير منها .. هتفت بصوت خافت

_ا..ابعد

ابتعد ببطئ عنها

_اسمعي الكلام و بلاش تهور ماشي

هزت رأسها موافقة .. فهي الآن مع الشيطان فماذا بإمكانها أن تفعل !؟ .. أمسك بيدها و تقدم من ذلك المكان المظلم و هناك حراسة ورائهم .. فجأة أنيرت الأضواء بشدة .. جعلتها تضع يدها على عينيها من شدة الإنارة .. بعد لحظات ابعدت يديها و فتحت عينيها ببطئ .. لترى مطعما في غاية الجمال و الرقي .. ينير كله .. باللون الأحمر !!
نظرت هي له مستغربة ..

_متستغربيش أنا طلبت من راجل من رجالتي أنه يحجزه لينا ..
ابتسمت هي لا إراديا .. بعدها دلفا معا إلى الداخل .. لتجد طاولة في وسط القاعة المزينة بأروع زينة .. ورود و شموع أجواء رومانسية .. تجهل هي سبب فعله لهذا الأمر .. ما غرضه من هذا كله !!!

جلسا معا .. و أحضر لهم العشاء .. نظر إليها ليجدها صامتة ..

_انتي ساكتة ليه ؟ من شوية بس كنتي بتصرخي و بتهزئي

نظرت له بغضب و هتفت :
_انت جايبني هنا ليه ؟.. و ايه غرضك من الأجواء دي !؟ آاه لا استنى انت كنت عازم السنيورة هنا بس للأسف انا جيت عائق ليك صح !؟

زفر بضيق .. ثم ابتسم بخبث و نظر لها
_وانت متغاظة كده ليه من مادلين .. متكنيش غرتي ؟

فجأة ارتبكت و هي تقول
_أ..أغير !!؟ أ..أ.أنا أ..أغ..أغير ل..ليه إن شاء الله ؟

_يمكن عشان هي بنت حلوة و كانت فحضني ..

_ل..لا مغرتش ب..بس اتنرفزت لما سبتني لوحدي ..

هتف بتلاعب
_آه .. طيب

_أيوه ..

شغلت موسيقى هادئة رومانسية .. مد هو يده لها .. نظرت لها مليا فهتف
_ممكن تشرفيني بالرقصة دي ؟

مدت هي يدها و نهضا يرقصان .. كانت تتأمله و هما يميلان على إيقاع الموسيقى و لما لا نقول على إيقاع الحب ...!!
كل منهما غارق في تلافيف عيون الآخر .. لعله يجد أجوبة ترضي أسئلته .. هتفت هي

_انت عايز مني ايه !؟

_مش فاهم !؟

_يعني بتعمل كل ده ليه ؟

_مش عشان حاجه

_هيثم .. مش معنى اني ساكتة و عايشة معاك تفتكر اني سامحتك .. تبقى غلطان أنا لسه بكرهك و عايزة انتقم منك ..

قهقه عليها ثم أردف
_متأكدة !؟

_أيوة

_انت عارفه أن أنا و رغد ملناش ذنب

_لا .. ليكم لما أبوك قتل أمي و أبويا مات من الصدمة .. و انتوا اختفيتوا و لما ظهرتوا أختي مشيت معاك من غير متبصلي حتى ده .. ده كان غلط رغد ..

_أنا و رغد مافيش حاجه ما بينا

_عارفه ده .. و عارفه انه ملكش ذنب فاللي عمله أبوك .. بس تعرف ايه غلطك .. أنك تابعت طريق أبوك .. ماتبتش .. مشيت فخطى أبوك .. طريق الإجرام .. ده ذنبك .. أنا العدالة و انت الإجرام و العدالة عمرها ماهتحب الإجرام ..

_في الحب و الحرب كل شيئ يجوز

_صحيح بس اللي بينا حرب مش حب .. و افتكر ان أنا اللي هفوز ..ابتعدت عنه .. فقد توقفت الموسيقى .. و هتفت

_أنا عايزة أروح .. و غادرت من أمامه ..

وضع يده على وجهه و تنهد بتعب ..
_أنا عارف أن كلامك ده نابع من قلبك المجروح و أنا مقدر موقفك .. آسف يا أسيل مقدرش أقولك الحقيقة .. آسف صعب جدا .. و غادر هو الآخر ..

__________________________________________

وصل إلى ذلك القصر الموحش أخيرا ..

دلف إلى الداخل .. استغرب من هدوء المكان .. لا يوجد أحد .. نادى على الخادم ..

_هو هيثم فين !؟

_السيد خرج و معاه الهانم

_آه طيب ..

_هروح أحضر لسيادتك الأكل ..

_ماشي .. و صعد للأعلى و هو يفكر ..
إظاهر أنه محبش يسيبها لوحدها .. عشان كده أخذها .. بس ده مينفعش .. لما يجي هتكلم معاه .. مينفعش يخرج معاها كل مرة من غير صفة كده .. أسيل اختي .. و من حقي أخاف عليها حتى لو كان منه ..

دلف لغرفته و استحم و غير ملابسه بعد لحظات طرق الباب .. فأذن بالدخول .. دلف الخادم و هو يجر طاولة الأكل تركها و خرج ..

تقدم ريان من الأكل .. فهو لم يأكل شيئ منذ الصباح ...

__________________________________________

أشرقت عروس النهار أخيرا .. بعد ليلة صعبة طويلة مرت على أبطالنا .. أرسل أشعتها ..

بدأت بفتح عيونها الزرقاء و هي تزيح شعرها الأسود من على وجهها .. سمعت صوتاً طفوليا يهتف بجانبها

تاليا
_عمتي عمتي انت بخير ؟

تأهوت مادلين و هي تتذكر ما حدث معها بالأمس ثم نظرت نحو تاليا ..

_نعم حبيبتي أنا بخير .. دلفت نارين و هي تحمل صينية الفطور ..

_سلامتك سيدتي

_كيف أتيت إلى هنا  ؟

_البارحة أحضروك الرجال و انت مغمى عليك ..

_آه حسنا .. و انت يا تاليا لماذا لم تذهبي إلى المدرسة ؟!

_اليوم الجمعة يا عمتي

_آه لقد نسيت ..

_اليوم سوف نخرج أليس كذلك

_طبعا ههه

_شكرا عمتي .. قبلتها و خرجت فرحة 

نارين :
_هل تودين شيئا آخر سيدتي ؟

_لا شكرا

_العفو ..
و رحلت بعدها ..

نهضت هي و دلفت لحمامها و خرجت و أدت فرضها .. نعم لا تستغربوا فهي مسلمة .. ثم تناولت إفطارها .. كانت تفكر من هو المسؤول عن ذلك الهجوم البارحة .. و كيف هو حال هيثم ..!!

بعدما انتهت من الأكل .. ارتدت ملابس عادية و نزلت ..

__________________________________________

داعبت أشعة الشمس تلك الخيوط الذهبية لتستيقظ بتكاسل و هي تفرد ذراعيها .. سمعت هاتفها يرن فردت بصوت ناعس ..

_ألو

أتاها صوت غاضب :
_كده .. كده يا أسيل يا بنتي .. ماتجيش و ماتتصليش حتى

_ماما فاطمة .. أسفه يا حبيبتي و الله الشغل واخد كل وقتي .. و بعدين انتي وحشتيني و انتي عارفه غلاوتك عندي .. بس غصب عني ..

_أيوه أيوه توهيني بالكلام ده ..

_و الله بحبك يا بطة يا حلوة انتي ..

_ههههه طب سيبك مني و قوليلي انت كويسه يا بنتي .. بتكلي كويسة بتنامي كويس ..

_أيوه يا ماما هههههه ماتخفيش أنا كويسه .. و عمي صبري أزيه وحشني اووى ..

_الحمد الله يا بنتي .. أسيبك دلوقتي و ابقى اتصلي طمنني ماشي

_ماشي يا ماما .. اغلقت الخط و نهضت استحمت و بدلت ملابسها و نزلت .. وجدتهما جالسان على مائدة الإفطار .. ألقت التحية و جلست .. ساد الصمت بضع لحظات ثم قطعه ريان بقوله ..
_انتوا كنتوا فين البارح ؟

هيثم
_شغل .. مرضيتش أسيبها لوحدها اخدتها ..

_انت عارف أن ده غلط و مش هسمحلك تخرج معاها وقت ما انت عايز من غير احم و لا دستور ..

نظر له مطولا و أراد أن يتكلم لكن قطع كلامه صوت أسيل ووهي تهتف

_رغد !!!!!

نظرا إلى الناحية التي تنظر لها أسيل ... !!

__________________________________________

كانوا جالسين حول طاولة الإفطار ثلاثتهم ..

محمد
_جوري متنسيش معادنا

_حاضر يا حبيبي

_انتوا رايحين فين يا خالو ؟

_رايحين مشوار مهم

_مشوار ايه ؟

جوري
_انت مش عايز طنط جديدة يا مروان

_هتجيبو طنط هنا

_هههه أيوه

_و هتبقى مين ؟

_هتبقى مرات خالو

نهض مروان و أخذ يركض و يصيح ..

_هييييه خالو هيتجوز و هيجيب طنط هييييه ..

ضحكا الآخران عليه و على برائته الجميلة ... رن هاتف جوري .. نظرت للهاتف فتوترت .. و قالت :

_ع..عن أذنك يا حبيبي

استغرب محمد منها و لكن لم يعر هذا اهتماما و نهض ليتصل بليلى و يأكد المعاد .. أما عند جوري ..

خرجت إلى الحديقة و ردت ..

_لماذا تتصل بي الآن ؟ .. ألا تفهم أبدا ؟ .. لقد انتهت علاقتنا أرجو ألا تعيد الاتصال بي مجددا ..

_لا جوري انتظري .. اسمعيني أرجوكي ..

_ماذا تريد ؟

_أنا آتي إلى مصر .. أريد رأيتك و رأيت ابننا

_ههههه ابننا !؟ و لماذا لم تفعل هذا في السنين التي مضت ؟ .. عندما نسيتنا تماما و لم تتكبد عناء الاتصال حتى .. و الآن و بكل برودة أعصاب تتصل و تطلب رأيت ابني و رأيتي ؟.. لا هذا لن يحصل لا تحلم بذلك .. لن ترانا .. و لن أعود لك .. انساني هذه نصيحتي لك

_أرجوكي يا جوري افهميني .. لقد كان شيئا خارج إيرادتي .. لهذا تركتك اعتذر .. ارجوكي عاقبيني بأي شيئ لكن لا تطلبي أن أنساكي و أنسى ابني ..

_للأسف قد فات الأوان ... و أغلقت الخط ...

تنهدت بتعب و قد فرت دمعة من عينها .. نظرت للسماء و هتفت ..

_لا أستطيع مسامحتك رغم حبي لك فقلبي المجروح لا يزال ينزف دما بعدما أرهقته بالفراق و الشوق .. أحنت رأسها عائدة إلى الداخل ..

كلا .. أنا أظن أنك مخطئة .. فقد نسيت أهم مقولات الحب .. من يحب يسامح .. لا تجعلي من قلبك حجرا يا حواء ..

قد فرت أقوال العشق ..
و تاهت رياح الحب ..
و تفرق العشاق عن بعض ..
و أرخيت أوصال الهيام ..
اشهد أيها الزمان عن عذاب الأحباء ..💔