لهيب حب أشعله كره

الفصل التاسع عشر "أتتزوجينني !؟"

___رواية لهيب❤حب أشعله كره🔥___

___بقلمي لينا___

التفت الجميع إلى ذلك الصوت .. قد كان صوت بالكاد يطيق الخروج من حنجرة المتكلم .. و كأن لسانه عليه ثقل ما .. و جدوا امامهم شاب يتمايل من شدة السكر .. لا يستطيع السيطرة على توازنه .. شاب لا يخلو من الوسامة مفتول العضلات .. لكن لماذا آل حاله إلى هذه الدرجة ..!؟
نهضت جوري و جلست بجانب أخيها و هي تتشبت به .. وضع يده على يدها يطمئنها .. نهض حسنين من مكانه قائلا في حزم :

_انت عملت ايييه !!؟ شربت السم ده تاني يا آسر .. ادخل اوضتتتك بسرررعه مش عايز أشوف وشك قدامي ...

نهضت نعمة لكي تهدأ من روعه و أخذت تربت على كتفه كمحاولة يائسة منها ..

تشدق الآخر بعد جهد فهو بالكاد يستطيع فتح عينيه :
_أ..أختي م..مش هتتجوز ب..بدون م..موافقتي

صرخ فيه والده و هو يتقدم منه :
_مش لما تفوق لنفسك تبقى تتكلم على أختك .. انت ملكش حق عليها طول مانا عايش سامعني ..

نهضت ليلى و الدموع في عينيها ركضت إلى غرفتها و أغلقت بابها .. نهض محمد و ابعد حسنين عن ابنه ..

_اهدى يا عمي مش كده و لو على موافقة أخوها أنا هاجي فوقت تاني يكون مناسب لحضرته و نتكلم ..

_لا يا بني احنا موافقين .. و انت يا زفت انجر على اوضتك يلااااا ...

نظر آسر لوالده مطولا .. نظرة تحمل الكثير و الكثير لم يفهمها أحد و لا أظن أن هناك من سيفهمها !!
اتجه لغرفته و هو يجر خطاه بصعوبة .. أغلق باب غرفته و جلس عند بابه .. يأن في صمت .. تسطح على الأرضية الباردة علها تطفئ نيرانا تلتهب بداخله ... !

أما بالخارج ...

حسنين بلهجة اعتذار :
_احنا أسفين يابني .. و الله مش عارف أقولك ايه .. اااه ده ابني آسر .. عيل من العيال الفاشلة ..

_بس ليه يا عمي محولتش تتكلم معاه بشويش .. الشباب دول لازم نسايرهم مش نشد عليهم .. لو شدينا أكتر كده هيحسوا بتقييد حريتهم و بدل منخليهم أحسن هيبقوا أسوء ..

_حاولت يا بني و مفيش فايدة ..

_ربنا يحلها يا عمي .. احنا هنروح دلوقتي و بعدين نحدد معاد للخطبة و كتب الكتاب ..

_لسه يا بني اقعد تتعشوا معانا

_لا يا عمي احنا سايبين عيل صغير في الفيلا و لازم نروح ..