بيت مالك
نزلت هيام وهي تربط نقابها وعلمت ابوها وهي طالعه سمعت كلام من المجلس وبكت بصدمة من اخوها كان كلام بين امجد ورعد وشاهين وهي حطت رجلها تسابق خطواتها ل الليث بليا وردتها ولا هديتها له دقت باب بيتهوطلع هو يناظرها ببرود
الليث: اذا جايه تتعذري مسامحك بس لا عاد تجي ولا عاد انا اجيك
هيام بدون مقدمات: ابدخل
الليث ناظر حولها وشاف الطريق فاضي وفتح الباب وابعد علشان تدخل وهي دخلت وسكرت الباب ووقفو في الحوش
هيام بدون مقدمات: شاهين وامجد ومعهم واحد ما عرفته يبون يسرقوك
الليث ضحك: تستهبلي ؟
هيام : لا يا الليث انا لو ما احبك ما جيت لك وعلمتك نسحب على شاهين واللي معه انا جايه واقولك اخوي اخوي من لحمي ودمي بيسرقك
الليث سكت يفكر وهو مو مصدق ولا كلمة وهي كملت وهي تمشي للباب بتطلع: بيجوك اليوم بعد شوي معهم اوراق توقعها على اساس انها حق الشغل بس هي حق تنازل ومدري ايش انتبه لك
طلعت والليث حاير وافق بحيرته وشوي ودق الباب واستغرب مشى للباب بخوف وهو يحسب انهم امجد وشاهين واللي معهم بس لقاه الممرض دخل وشال الشاش حق الكسر من يده وفحصها وطلع والليث يحرك يديه وهو يحس براحه اما عند الثلاثي الخبيث وهم جايين قريب بيت الليث امجد وشاهين مشغولين في الاوراق ورعد انتبه على بنت تطلع من بيت الليث وانتبهت لهم وتخبت ورا البيت ابتسم من تاكد بنفسه انها اخت امجد جاه اتصال من ثامر
رعد بسرعه: بروح ارد على المكالمة وبعدين هو ما بيعرفني ما ابي اخرب عليكم
امجد : طيب الله معك انتظرنا في المحل بنجيك
رعد اومأ وهو يرفع جواله ويبعد عنهم ومن شافهم دخلو ابتسم من اللي جاي ل الليث
رعد: هلا ثامر شفيه
ثامر: الليث حبيبته
رعد ابتسم وهو متحمس : اخت امجد صح؟
ثامر ضحك: ايه ايه قبل شوي كنا نراقب بيت مالك وطلعت بنت وراحت لبيت الليث
رعد سكر الجوال بدون لا يرد وهو زاد حماسه ودق على الشايب يقوله يعجل في الموضوع مع امجد
........................
بيت الليث
جالس يناظر في امجد وشاهين ويتبسم وهو يفكر بكلام هيام وكل كلمه قالتها صح جات له فكره علشان يتاكد
الليث بمرح مصطنع: قررت امسك الشغل احس حياتي ممله
شاهين وامجد ناظروا بعض بصدمة وهو كمل: والاوراق ذي خلها ابقرأها لحالي واوقعها لما افضى
شاهين بسرعه: لا ضروري وقع الحين
الليث مسك ورقه: طيب بقرا لازم افهم للشغل
امجد بوهقه: افا مافيه ثقة
الليث ابتسم: قلت لكم ابي اشتغل يعني لازم افهم للشغل
حركك عينه على الورقه وهي كانت تنازل عن ارض غمض عينه بقهر وعقد حواجبه وهو يشيل الوراق وتقريبا تنازل عن كل حلاله
الليث قام وهو يغلي: تبوون تسرقوونيي؟
امجد وشاهين صمت ....
الليث كمل ونار اشتعلت في صدره اعز اثنين على قلبه يغدروا به: امنتكم انا مسكتكم سغلي وتسرقوني هاه تبون اتنازل لكم الله يخذكم وياخذ اللي وثق بكم نار في صدري طعنه في ظهري خوياييي طمعانين فينيي ويسرقوني ومستغفليني الله لا يوفقكم تجيكم من اقرب ناسكم عسى بنت عمك ترفضك يا شاهين عساك ما اخذت اللي تبي يا امجد اطلعو لا اشوف وجيهكم ولا احد يعتب على اي محل
امجد: اسمع يا....
قاطعه الليث: ماتعرفني ما اعرفك اللي يغدر ويخون انا ما اعرفه ولا علي منكم اطلعوا يلا
شاهين دمعت عينه خويه وصديق الطفوله راح منه بسبب طمعه
الليث ناظر لشاهين وقال: متحملك انا كثير يا شاهين تحسب اني ما اعرف انك تسرقني هاه لا ياقلبي ترا انا اراقب كل شي عارف بسرقاتك وتحملتك ولا قلت لك قلت يمكن محتاج يمكن الراتب ما يكفيه وسكتت لك بس تماديت هالمره انقلع انت واللي معك
طلعوا شاهين وامجد بدون لا يتكلموا وهم اصلا ما لهم وجه يحاكونه واذا بيحكوا عن ايش بيتكلمو ايش من التبريرات بحطوا قدامه كل شي صار يثبت انهم صدق بيسرقوه غلطوا غلطه كبيرة وخسروا الليث اما عند الليث دمعت عينه مو دمعه دمعتين وكثير بعدها امطرت عينه دموع يخونوا فيه اعز ناسه غرق باحزانه يلاقيها من حظه اللي مو راضي يجمعه بهيام ولا من اخوياه وهم يطعنوه في ظهره لي متى بيصبر وآماله تخيب لي ويبقى واقف ما يدري ايش يسوي وقلبه يكسر الخاطر من همومه لو بس نشوف همومه تأكده راح نشق ثيابنا من همومه وهو احزانه تشيب راس الصبي
نخليه لحاله مع احزانه
..............................
بيت مالك
ورا المجلس
امجد واقف يناظر رقم الشايب ورد عليه
امجد : يهلاا
الشايب: اهلين
امجد: امرني يعم ما قلت لي شتبي في مالك
الشايب: والله يا ولدي بيني ويبنه مساله قديمة ولك مني المبلغ اللي تطلبه بس تحل لي المشكلة بالطريقة اللي ابيها
امجد : لو اطلب نص مليون تعطيني
الشايب بحزن على مالك: لو تبي مليون عطيتك هيه بس تجيب لي راس مالك
امجد سكت دقايق والشايب ابتسم بامل ان امجد يرفض بس خابت ظنونه
امجد بطمع: تراه ابوي وابي مليون ونص طيب؟
الشايب : ابشر متى تجيب لي راسه
امجد: بكره يسافروا الاهل ويفضى البيت واذبحه لك
الشايب : طيب يلا فمان الله
امجد: فمان الله بس هاه ابي النص الحين والنص بعدين
الشايب: الف ريال الحين ومن تنفذ الباقي ماني ناقص نصابين
امجد ضحك: بس تم
قفلوا مكالمتهم وامجد بدأ يفكر كيف يذبح ابوه ( جد في ناس ما تخاف ربهم في ناسهم وخلانهم)
المهم ترا هيا كانت واقفه تنشر الغسيل وسمعته يحكي وشهدت على كل شي كلمه كلمه وانصدمت من امجد وبين ما امجد يفكر كيف ينفذ هيا بدت تفكر كيف توقف
ومشت له بغنج وقالت: امجدااني
امجد فهى بها: عيونه
هيا بزعل: ترا بكره ننهج انا وامي وخواتي حائل متى تملك علي
امجد تحمس: اليوم اذا تبين
هيا بسرعه: لا اليوم بس علمهم شرايك
امجد بابتسامه: اجل اليوم نعلمهم وبكره نملك ما استحمل اكثر ودي اضمك
هيا ضحكت وهي تصرف: لا لا ليه مستعجل وبعدين ترا ابوي باقي حي انهج يمنا واملك
ضحك امجد وهو مبسوط منها يحبها يا ناااس وهي صدت عنه ومشت للمطبخ بقرف ما تصدق انها كانت تحترمه وتحبه بسبب اخلاقه وهو اذا باع ابوه علشان فلوس ماراح يبيعها يعني دخلت المطبخ وتصنمت من المنظر
هيا بصراخ: نوافووه وجع
نواف ضحك بتوتر: بالغلط
هيا وشوي وتبكي: وش سويت يا ولد
نواف ضحك وهو يشوف المطبخ كان مخربط صح الاكواب ماليه المطبخ كل مكان طايح كوب والصحون والقدور كل شي منتشر في المطبخ غير البهار والملح والسكر المصبوب على الطاولة بكمية هاذا غير الحليب اللي موسخ الغاز والمطبخ في جهه وهو في جهة ثانية من رفعت عينه له ضحكت وهي لازم تنضف ذا كله
هيا بضحكة وهي بتبكي اكيد البنات يعرفوها ذي : نوااف حرام عليك تسوي هاللون
نواف مسح على جبته بورطه وقال: اسف والله بس جعت وقلت اسوي لنفسي اكل وذا اللي صار
ضحكت هيا عليه وهو يده كان فيها طحين ولما مسح على جبهته ملاها طحين
هيا : طب يلا ننظف هالدوشة الحين وبعدها انا اسويلك اكل
نواف ابتسم ايش يبغى اكثر واللي نسته هيام بتطبخ له مسى ينظف معها ومن خلص راح يتروس لان وضعه يرثى له وهي طبخت له ومن رجع بدت تحط في صحن وتكب له عصير وتحط في الطاولة
هيا: بالعافية
نواف بابتسامه: الله يعافيك تعالي كلي تعبتي انتي برضو
جلست هيا على الكرسي ولان ما كان في غيره جلس هو على الطاولة مقابلها وهم ياكلوا ويضحكوا دخل امجد على صوت الضحكات و.................
.................................
توقعاتكم؟
اعذروني على الاخطاء
"أعرف تمامًا ماهو الخذلان من الشخص الذي وعدك كثيرًا بأن يبقى معك دائمًا أعرف ما هو الانطفاء بعد كل هذا التوهّج أعرف الهجران بعد كل هذا الحب أعرف مامعنى أن يُصبح غريبًا بعدما كان مألوفًا فأسأل الله أن يأخذ من طريقنا شوائب البشر أولئك الذين لا يمرّون في حياتنا إلّا ليثقلوها."