وئام العشق

البارت سابع والثلاثون

#وئام_العشق

بقلمي الكاتبة هبه الساعدي ✍🏼

أما زال حُبي عظيمًا رقيقًا
‏يطال النجومَ في ناظريك؟
‏سواءٌ سترحلُ أم أنتَ باقٍ
‏فـإنـي أُحبُكَ فـي حالَتيْك

°°°°°°°°°°°°°°°°°°°°°°

لم يبقَ بيني وبينَ الموتِ ألا القليل ها أنا هنا ألفظ أنفاسي الأخيرة لم يخطُر ببالي سوا أمي ماذا ستفعلُ عَندما يصلها خبر موتي ومحبوبتي
هل سَتبكي ؟
هل سَتلطمُ الخدين ؟
هل وهل الكثير من الأفكارِ في رأسي المخظب في الدماء فليس بيني وبينَ الموتِ سِوا القليل

_ فتحت عيوني بتعب مثل رمال بيهن
ريكي يابس راسي ثگيل ، بقيت مدى من الزمن
گدرت اركز بالمكان اني بيه
لزمت راسي بألم اتذكرت الانفجار ... الضربه ... الجثث

_ تنهدت بحسره وحزن على شهداء راحو بالانفجار .. بقيت على وضعي ما اگدر اتحرك من الم ، ما اعرف شكد صارلي فاقد
شويه ودخل نفس الجندي جان وياي مصوب بس ما متأذي
شافني وسع عيونه بفرح وگال "

- واخيرا گعدت

- شصار

- سيدي من فقدت هجموا علينا ٣ ارهاب جنت وحدي صوبت بأيدي
وخلفه الله على هاي العائله ولدهم قتلوهم ونقذونا
وصار اسبوع انت فاقد الوعي

- زين شلون اهلي
والمقر محد وصل لهم احنه عايشين

_ على كلامنا دخل رجال كبير بالعمر
شافني ابتسم وگال ..

- الحمدلله على سلامتك وليدي

- الله يسلمك حجي مشكور و رحمة الله والديك
دينك بركبتي لحد الموت

- ما سويت شي بويه هذا واجبي امام الله وامام انسانيتي

- حجي بس اريد اوصل لأهلي اطنمهم عليه

- ما تگدر هسه خليك لحد ما اشوفلكم طريقه واطلعكم بيها
خليكم هنا هسه وجرحك بعده مو زين يحتاج مداواة
احنه ما عرفنه شنو داخل طلقه او شضيه خليك هسه مرتاح و ربك يفرجها

- ونعم بالله

_شردت بتفكيري شنو حال امي .. زينب .. ابوي
وهم ما يعرفون عني شي معقولة وصل لهم خبري مفقود
او يمكن مقتول لان الانفجار محد سلم منه حتى لو ما ميت يتأذه وينصاب
تذكرت تلفوني ولاسلكي سلاحي
التفتت لجندي گاعد گدامي ...

سراج : عبد الله تلفوني وسلاحي ولاسلكي وين ؟

عبد الله : سيدي ضلن موقع الحادث

حسيتها انسدت بوجهي نفخت بضجر واعصابي تلفت "

سراج : لا اله الا الله

_ مرت الايام وجرحي ملتهب ما اگدر اتحرك ولا اگوم كل وقتي متمدد
بقيت گاعد على اعصابي والحجي وعائلته ما قصروا ويانا ابد وما خلونه نحس بالغربه
كل هذا بالي مو يمهم ولا يم وضعي
بالي يم اهلي اريد بس وسيله توصلني لهم ويعرفون ما بيه شي عايش

_ من غير الارهاب كل يوميه داگين الباب شاكين بالموضوع يطلع لهم الحجي يقنعهم گوه يروحون
دخل الحجي وگال بهدوء ممزوج بخوف وقلق

ابو جلال : ولدي لازم اطلعكم منا لان الارهاب يوميه داگين الباب وخايف عليكم اكثر من ما خاف على روحي الله يشهد
وليدي تگدر تعين نفسك علمود اطلعكم

سراج : اي حجي اريد أي طريقه اطلع بيها منا موافق عليها بس اطلع

ابو جلال : ننتظر الليل والدنيا تظلم واطلعكم من بيت لبيت
لحد ما اوصلكم لبر الامان

سراج : حجي ليش ما تطلع انت وعائلتك

هز راسه وتنهد بحزن "

ابو جلال : اني حلفت لو اموت ما اطلع منا بيتي ما اعوفه

عبد الله : الله يفرجها عليكم يارب

ابو جلال : امين يارب

_ضلينه ننتظر لحد ما صارت الساعه بــ ٢ بالليل
گوه عنت نفسي ما اگدر اتحرك سندني عبد الله طلعنا من سطح
وكل خطوه احسها تلجم الجرح والنفس گوه اسحبه .. وصلنا اخر بيت
التفت علينه ابو جلال وگال

ابو جلال : حدي وياكم لهنا ما اگدر اكثر كملوا للاخير وبعدين اخذوا طريق اليمنى

ايدي على مكان الجرح وتنفس بصعوبه والهث "

سراج : مشكور حجي ربي يوفقك ويخليك لعائلتك موقفك ما انسى

ابو جلال : ادللو انتم ولدي

_ ودعنا ابو جلال بقينا نمشي على كيف من بيت لبيت
سمعنا حركه طفرنه على البيت بصفه واحنه بدون سلاح
تسحبنه بهدوء رجعنا طفرنه
حسيت جرحي نفتح غمضت عيوني بألم ضغطت على شفتي وهمست بضيق

سراج : تدري اذا شافونه الجيش يرمون علينه عبالهم
دواعش

عبدالله : لعد شلون سيدي

سراج : امشي ربك يحلها

_ بقينه نمشي وساند نفسي على عبدالله
ريكي يبس ورجليه ما تعيني
وظلام محاوطنا بس صوت مشينه
لحد ما صار گبالنه ساتر الجيش عراقي
عبدالله صيح عليهم
هم سمعونا واضويتهم توجهت علينه

_ تقدموا علينه واسلاحتهم بأتجاهنا
وكفوا بعد مسافه
صاح واحد منهم ...

- ارفع ايدك واتقدم

التفت عليه وعينه على الجرح وگال "

عبدالله : سيدي تكدر ترفع ايدك

سراج : عادي ايد وحده ارفع
تقدم يلا

_ رفعت ايدي بصعوبه بقينا نتقدم الى ان وصلنا يمهم
فتشونه من شافوني مصوب
اخذوني لطبابه وعبدالله وياي
عقموا الجرح ولفو بالشاش

التفتت على عبد الله وهمست بقهر "

سراج : عبدالله دبري تلفون الله عليك بسرعة

_ اثناء كلامنا فات عسكري من يمنا صاح عليه عبد الله

- بلا زحمه تلفونك بس نتصل على اهلنا نطمنهم احنه عايشين

- بعدنا ما متأكدين من هويتكم

سراج : اني بالفوج ******* اتصل واسأل على اسمي موجود

- اتاكد واجي انطيك التلفون تخابر

- تمام

_ راح ساعه وتأخر يلا رجع النا
انطاني تلفون اخذته من ايده بسرعة
اتصلت على صكر لان رقمه سهل ولوحيد اتذكره ضل يرن يرن وفصل ، رجعت اتصلت تأخر يلا جاوب

صكر : الوو منو وياي ؟

سراج : الووو خويه اني سراج

من گلت هيج گال بفزع ولهفه "

صكر : سراج انت وين
وينك يمعود البيت مگلوب الدنيا محتركه وينك

سراج : مصوب بالطبابه راح يحولوني لبغداد
تعالوا هناك عندي عملية بمستشفى *******

صكر ( بخوف ) : متأذي بيك شي

سراج : لا كل شي ما بيه
امي ابويه زينب شلونهم

صكر : زينين كلهم زينين

سراج : يلا رايح اني لان تلفون مو مالتي

صكر : الحمدلله خويه لمهم ما بيك شي

_______ ابراهيم ________

_ جنت گاعد كاعد مقابيل باب عنايه المركزه ما طلعوها منها الا تصحى يلا
دك تلفوني شفت الشاشه متصل احمد

فتحت الاتصال اجاني صوته يحجي بلهفه وفرح "

احمد : ولك عايش عايش بس مصوب

گمت من مكاني وكتله بفرح ما مصدك سمعته "

ابراهيم : سراج موو ؟

احمد : اي سراج

ابراهيم : وهسه وينه شلونه

احمد : مصوب وراح ينقلوا لبغداد لمستشفى *******

ابراهيم : تجي بمكاني واني اروح لبغداد

احمد : لا ضل بمكانك ابقى يمها بأي لحضه تگعد

ابراهيم : لعد منو راح يروح ؟

احمد : اخوته وابو
وادهم راح يروح بسيارته

ابراهيم : تمام ابقى ويا ادهم ابقى ويا على تواصل

_ تنفست براحه والدنيا ما سعتني من الفرحه
ضليت گاعد وادعيلهم يكومون بالسلامه اثنينهم
ربي ساكنين مستشفيات لك بيها اراده يارب

_ وقت يمشي كل شويه اتصل عليهم يگولون بعده يسوون له تحاليل واشعه ويتأكدون من كل شي تمام
يلا عملية
بقيت على تواصل وياهم لحد ساعه ١٢ بالليل اتصل عليه ادهم

- طلعنا من المستشفى يگولون اذا تطلع الطلقه تأذي مكانها حيل خطر
واذا طلعت يا ما يموت لو يصير شلل لا سامح الله

انصدمت من كلامه وما مستوعب "

- شنو تگول انت

- مثل ما سمعت وراح يطلعونه اهله للهند
اذا اكو امل تطلع وما عليه شي
دزو تقاريره والله كريم

- الله كريم

- اخبار زنوبه ما گعدت

- تدلل على راسي بعدها لحد الان
الدكتور گال منا لساعه يخلص مفعول العلاج وتگعد

- الله كريم
اكلك اذا سأل عليها شنو اگله؟

- گول اي شي

- ماشي

_ غلقت مكالمه وگلبي نار على سراج
مرت ساعه ونص وصاحت الممرضه

- مريضتكم گعدت تردون نطلعها للغرفه خاصه لو لا ؟

- لا غرفة خاص على حسابنه

- تمام بس تعال وياي ادفع التكاليف بين ما يحولوها

- تمام

_ رحت ويا الممرضه دفعت التكاليف وكملت الاجراءات
رجعت لزينب لگيتها محولينهه بالغرفة
دخلت عليها لگيتها تون ، بأيدها الكانونا وفوك راسها المغذي

لزمت ايدها بحدز اباوع عليها عيونها ذبلانه وجها اصفر همست بنبرة هادئه "

ابراهيم : شبيج بنيتي شنو يوجعج

مغمضه وضاغطه على عيونها
همست بصوت تعبان وتون من ألم "

زينب : راسي الله يخليك راسي

ابراهيم : لحضه اروح اسأل الدكتور وارجع

_ تركت ايدها طلعت ادور على دكتور
شفت الممرضه طلبت منها تشوفها
اجت وياي شافت وضعها وقاست سكرها والضغط وعيوني تترقب حالة زينب عاقجه وجها من ألم
التفتت عليه وگالت ...

الممرضه : عادي ما بيها شي بس لان جان صاعد سكرها
يصير الم ولا تنسى صارلها يومين لا اكل ولا شرب
طبيعي لا تخاف
وراح يجي الدكتور يشوف حالتها هم يتأكد

ابراهيم : شكرا

الممرضه : لا عادي هذا واجبي

_ طلعت الممرضه بقيت يمها واكف
فتحت عيونها بثقل وعاگده حاجبها من ألم راسها وهمست بصوت خافت "

زينب : حباب رجعني للبيت
ما اريد ابقى اكثر طلعني

ابراهيم : سراج عايش لا تسوين بروحج هيج وتأذيها اكثر

باوعت بعيوني ودمعت نظراتها كلها كسره وعتب وهمست بضعف "

زينب : جاي تجذب عليه

مسحت دموعها ابتسمت بوجها "

ابراهيم : وداعت عيونج ما بي شي وهو بالبيت
وانتي ضلي وني كملي ونينج واني مگابلج

زينب : امشي شوف الدكتور اريد اطلع

ابراهيم : هسه يجي ابقى اركض وراهم اني

برطمت بزعل ودمعة بطرف عيونها ذبلانه "

زينب : كوم الله يخليك حباب

ابراهيم : كمت امري لله

_ طلعت اشوف الدكتور حجيت ويا على وضعها

- هذني تحاليل خلي تسويهن وجيبوهن اشوفهن
واقرر تطلع او تبقى

_ تشكرته اخذت الورقة منه واجت وياي الممرضه سحبت دم منها وراحت
گعدت يمها وهي صافنه ، اتصل عليه ادهم

- وين انت يا طابق ؟

- طلعوها بغرفه وحدها بالطابق رابع غرفة ١٣

- يلا جايك

_ غلقت مكالمه بقيت على كعدتي
وزينب مغمضه عيونها ، شويه ندك باب الغرفة
گمت فتحتها عرفته ادهم بس ما جنت متخيل راح اشوفه
اول ما فتحتها صار بوجهي ...

______ سراج ______

_ ورا ما خابرتهم حولوني بالاسعاف للبغداد لان جرحي ملتهب حيل وباني على فساد وداير مدايره زراك
بقيت متمدد وبأيدي كانونا شادين مغذي

_ وصلت للمستشفى تلگوني ابوي واخوتي جانوا ينتظروني باب المستشفى اول ما شافوني صاروا يبوسون بيه وعيونهم تلمع من الفرح

_ دخلوني اخذوا تحاليل وسووا فحوصات
بعد ما طلعن اخلو مسؤوليتهم بعد ما شخصو حالتي
وگالو طلقه متركزه بين مكانين واحد اخطر من الثاني رفضو رفض نهائي يطلعوها

_ نظفوا الجرح وشدولي مغذي بس خلص سجلوا اليه خروج
طلعنا من المستشفى صعدت ويا ابوي
تذكرت امي وزينب نسيت اسأل عليهن

سراج : امي زينب البنات شلونهم

التفت عليه لان گاعد گدام وگال "

ابو صكر : بخير الحمدلله كلهم زين
منتظرين رجعتك

سراج : الحمدلله

_ صلنا للبيت تلگوني امي وعمتي ام ادهم والبنات
شعلوا الدنيا بالهلاهل
اباوع بالوجوه ادور على محبوبتي ماكو
گلت يجوز زعلانه ومثگله نفسها عليه حافظ سوالفها
ذبحوا فرجان دم على سلامتي

_ گعدنا كلنا بالستقبال ولا هي ولا ابراهيم موجودين استغربت من الموضوع

سراج : عجل زينب وابراهيم ماكو

صكر : راحت تجيب كم شغله وتجي من اسواق

سراج : جذب جذبه براسها حظ الساعه راح تصير بــ ٢ ضلت اسواق بهيج وقت احجو وينهم

ابو صكر : ابني لبنيه تخربطت بالمستشفى واخوها وياها

انصدمت من كلامه وكل ضني زعلانه طلعت بالمستشفى صحت بعصبية "

سراج : شنو شتگولون شبيها وليش من سألتكم
تگول ما بيها شي هسه تاخذوني الها بسرعه يلا

گمت من مكاني گوه وما مهتم للألم ولا للجرح

ام صكر : يمه ما بيها شي سكرها صعد وتخربطت
شويه ويطلعوها

سراج : گلت هسه تاخذوني

ادهم : اهدء جرحك مو زين عليك
امشي اني اوديك

_ طلعنا ويا ادهم وعمتي ام ادهم وضرغام ويانا وطول الطريق تفكيري يمها خاف صار بيها شي ما تحملت الصدمه ما هتميت
وصلنا للمستشفى اتصل ادهم على ابراهيم دلانه مكانهم
صعدنا لغرفتها ساندني ضرغام ما اگدر اضغط على نفسي
وصلنا للغرفة هي بيها دگيت لباب
شافني ابراهيم اتفاجئ بوجودي

راسن حضني بقوه وعيونه دمعت من الفرح وگال "

ابراهيم : اخخخخ عضيدي اخخخخ من سوالفك ما تسولف
الا انعنع ضلوعك بس هسه معوق هم انت هم مرتك

ام ادهم : شو افوت اشوف بنتي

دخلت يمي باستني براسي وهمست بحنان "

- يمه بنيتي شلون صرتي

زينب : الحمدلله امي
سراج وين شلونه

بقت عيوني تتلفت دور عليه ما اشوفه الا دخل للغرفه مبتسم ونظراته كلها حب واشتياق همس "

سراج : هلا مريتي گالو مريضه افاااا عليج
هاي من اول شغله بسيطه هيج يصير بيج

_ بس شفته دموعي نزلت لساني نربط ما اعرف شنو احجي بقت بس نظراتي عليه شلون تعبانه
والتعب والم مبين بوجه

تقدم عليه مسح دموعي وهمس بحب وحنيه "

سراج : ابويه انتي ليش هيج

لزمت ايده على كيف خاف اوجعه "

زينب : شنو شبيها ايدك

سراج : مو ايدي كتفي مصوب

زينب : تتوجع بيك شي ؟

رد عليه بثقه وهدوء "

سراج : لا ما اتوجع لان هاي سوالف بسيطه

زينب : اريد اطلع طلعوني منا

سراج : هسه اطلعج

ابراهيم : ما يقبل الدكتور لازم نستلم تحاليل ويشوفهن واذا وافق نسوي خروج ونطلع

سراج : تحملي لعد

ادهم : يلا شفتها كل شي ما بيها
گوم يلا نرجعك للبيت مو زين عليك هيج

ضرغام : اي صح كلام ادهم گوم يلا بساع

زينب : روح واني الصبح ان شاء الله اطلع واجيك منو يداريك غيري

ضحك وخله ايده مكان الجرح مبين توجع وگال "

سراج : داري روحج بالأول يلا داريني لشبر ونص
يلا انتظركم الصبح

ابراهيم : ان شاءالله

_ طبطب على ايدي وگام بحذر
طلعوا من يمنا وضحكه شاكه حلگي من شفته كلش ارتاحيت حسيت مي بارد نزل على گلبي
بقيت ابتسم لوحدي وابراهيم صافن عليه عباله تخبلت ههههه
غمضت عيوني براحه ونمت

_ ثاني يوم الصبح استلمنا التحاليل
ولازم اراجع دكتور اختصاص حتى يتابع حالتي
جهزت نفسي سندني ابراهيم وطلعنا من المستشفى

°°°°°°°°°°°°°°°°°°°°°°°°°°

قرائه ممتعه 🤍

💌 لتنسون التصويت ⭐ وتعليقات حلوه من ايديكم الجميلات 💕

تفاعلكم كولش قليل مو مثل قبل حتى مجاي تسوون واهس اكمل القصة 🥺

#هبه_الساعدي

يوزر الانستا / heba_alsaadi04

متابعة حساب واتباد / heba_alsaadi04

دمتم سالمين 🌸