#وئام_العشق
بقلمي الكاتبة : هبه الساعدي ✍🏼
على أمل أن يتحوّل هذا الطّريق المُتعب إلى منعطف صغيرٍ يؤدّي إلى راحة منتظرة
°°°°°°°°°°°°°°°°°
- يلا بسرعه خطيه واكف بهل حر من غير شي انتي سامطته انوب يوكف بهل حر ههههههه
_ نزلت اضحك وطلعت لاگني سراج ورجعنا للبيت دخلت للغرفة بدلت بسرعة وشمرت نفسي على سرير بسرعة نمت ما حسيت الا ساعه بـ ٤
فزيت على صوت لهلاهل عبالي تحررت الانبار وراح نرجع حتى نسيت نجاحي اول ما فتحت لباب كلهم باركولي وبنات يبوسون بيه
سراج : وهسه يلا كلكم تحضروا عيب نتأخر على ولد ولمكان شويه بعيد
هيثم : ليش وين لمكان ؟
سراج : مطعم على نهر دجله ..
زوزو وياج حضري ملابس اليه
زينب : ادلل
_ دخلت رتبت وجهي خليت قليل كلش لان رمضان وصيام ولبست فستان ناعم وشال ذبيته على شعري
دخل سراج غير ملابسه ابتسم بوجهي وطلعنا
خطيه ابراهيم سياره كبيره وكلنا رحنا سوه بيها
خلصنه الطريق كله ضحك وسوالف وشقه هيثم واحمد ما يخلص ههههه
وصلنا للمكان حاجز النا مكان خارجي مثل لحديقه كلش كبيره وحاطين مبرده ومكان بارد ونسمة الهوى ودنيا مغرب گعدنا وصاح ابراهيم "
ابراهيم : اختاريت مكان مغلق حتى تاخذون راحتكم وما تتقيدون لان بس احنه
وهسه منيو گدامكم شنو تطلبون اطلبوا اخذوا راحتكم لحد يستحي اخوتي انتم براحتكم
_ طلبنه لأكل سمعنا الاذان فطرنه وبقينا نسولف ورا الاذان بربع ساعه نزلوا الأكل وعصاير
هيثم : خلي نسوي مثل مسلسلات وافلام من يشيلون كلاص عصير ويضربون بي بالخاشوكه حتى لكل ينتبه عليه لان راح القي كلمه بهل مناسبه
سراج : اي تفضل واحنه نسمع ما عدنا شي
وكف وعدل قميصه لزم لكلاص وخاشوكه وگال "
هيثم : اول شي احب اقدم تهاني والتبريكات الى زوجة اخي الغاليه زنوبه
ضحكت وگتله "
- شكرا مو صار سبعة الاف مرا باركتلي
هيثم :هو انتي مو صوجج
اسد : كمل عوفها
هيثم : نرجع للخطاب
احمد : اي ارجع
هيثم : العلم نور والجهل ظلام رجاء بلا تصفيق
اياد : والله لو ما نعمة الله كبالنه ولعائله گاعده الا العب نعال على ضهرك
هيثم : شكد مضغوط لعد
ابراهيم : كمل ما عليك بيهم هم شمعرفهم بالخطابات
YOU ARE READING
وئام العشق
Romanceقصه حقيقية 100% قلبان يجمعهما الصدفة هل هو حب عابر ام حقيقي ؟ بعد كل الاحداث التي يمرون بها من المصاعب وعثرات هل يستمر حبهم ويصبح عشقاً أم سينتهي ؟ _ بقلمي هـبـه الـسـاعـدي
