#وئام_العشق
بقلمي الكاتبة : هبه الساعدي ✍🏼
يَا أَكْثَر النّاسِ بُعدًا عَن مَكَانِي
وأَقرَبَهم من دُعَائِي و من فُؤَادي°°°°°°°°°°°°°°°°°°°°°°°°
_ ثاني يوم الصبح استلمنا التحاليل
ولازم اراجع دكتور اختصاص حتى يتابع حالتي
جهزت نفسي سندني ابراهيم وطلعنا من المستشفى_ نزلنا بيت اهلي ما قبلوا اروح لبيت عيالي
گالو بعدج تعبانه وبيت اهل سراج هوسه وجهال_ ضليت يم اهلي مداريني مثل الطفل
والاكل يجيبوه گدامي الحمدلله صرت احسن من قبل
وكل تفكيري يم سراج بالرغم كل شويه يتصل عليه_ كملنا الغدى ونقلت السفرة ويا اميره بقيت گاعدة يمها نسولف
شويه ودخلت امي انطتني تلفوني سراج يتصل
اخذته مو ايدها صعدت لغرفتيفتحت المكالمه جاوبته بهدوء "
- الووو حبيبي
- هلا يبعد العافيه
شلون صرتي؟- الحمدلله احسن
انت شلون صرت؟- من سمعت صوتج ردتلي عافيتي
ابتسمت على كلامه شجعت نفسي همست بحب وعيوني تلمع "
- تدري صورتك محفوره بجفوني وتنور طريقي
- وتدرين انتي ملكة گلبي ومتربعه بيه
_ خجلت من كلامه وضحكت بقينا نسولف اكثر من ساعة بعدها غلقت مكالمه ونزلت جوا
بقيت ٣ ايام بيت اهلي وراها رجعت لبيت عيالي صرت احسن
وهم ادير بالي على سراج_ مرت الايام حياتي الحمدلله طبيعيه
التهيت بين دراستي واهتمامي بسراج وخوفي عليه
بدأ الدوام هملت نفسي خلصت ايام بين الدوام وامتحانات وسراج_ كل وقتي بالغرفه ادرس واهلي قليل اروح لهم
والبنات خطيه ما يقبلن اساعدهن دائما يگولن اهتمي برجلج ودراستج
قربت امتحانات نصف السنه عبالك قرب موتي كل وقتي متوتره وعلى اعصابي دمعه بطرف عيني
ما اريد اي احد يحجي وياي لان انفجر بالبجي_ احس بدوخه دائما تصير عندي
مرات نفسي تلعب بس ما اهتميت للموضوع
وگلت اخلص واروح اسوي فحوصات_ مرت ايام الامتحانات اعصابي تلفت احس روحي خلصت يلا كملت
وخطيه سراج مرات يبقى سهران وياي
يشجعني بكلامه انتي بطله ... انتي شاطرة ... انتي گدها لا تخافين
والغرفه عبالك مقلع كتب واوراق_ رجعت لحياتي طبيعيه بعيدا عن توتر الامتحانات
بقى الخوف من نتيجه بعد
واليوم اجت ميار لأهلي طلبت من سراج ياخذني
حضرت نفسي باوعت بالمرايه وجهي شاحب دائما احس بخمول ما هتميت رتبت وجهي رحنه_ وصلت للبيت وهوسة جهال يلعبون بالحوش
دخلت جوا سلمت عليهم وتربعت يمهن وهن يباوعلي مستغربات
YOU ARE READING
وئام العشق
Romantikusقصه حقيقية 100% قلبان يجمعهما الصدفة هل هو حب عابر ام حقيقي ؟ بعد كل الاحداث التي يمرون بها من المصاعب وعثرات هل يستمر حبهم ويصبح عشقاً أم سينتهي ؟ _ بقلمي هـبـه الـسـاعـدي