အိုမီဂါအဖြစ် ကူးပြောင်းပြီးနောက် ပွဲဆူသွားရပြီ ( BL ) (Completed)

You are reading

Fantasy

Description မရေးတော့ဘူနော်။ရေးရင် တင်မရတော့လို့။ IQ team ထံမှ တစ်ဆင့်ပြန်တင်ပြီးဖော်ပြဖို့ ခွင့်ပြုချက်ရပြီးသားပါရှင့်။ဒီစာစဥ်လေးက IQ team အပိုင်ဖြစ်...

azure5549

16

6.8K 864 18

By Azure5549

Chapter 16

ယွမ်ရှင်းကျဲသည် ကျိုးဖေးရွယ်၏ သတိပေးမှုအတွက် လွန်စွာကျေးဇူးတင်မိလေသည်၊ ကျိုးဖေးရွယ်သည် ပြိုင်ပွဲ၀င်ခွင့်နှင့်မရင်းနှီးပါကလည်း "မက်ခါစတား"ဟူသောပုံရိပ်ယောင်ဂိမ်းကိုဆော့ကြည့်ရန်ပြောလေသည်။ ထိုဂိမ်းမှာမက်ခါစိတ်၀င်စားသူများအတွက်ထုတ်ထားခြင်းဖြစ်သည်။

"ဂိမ်းကစိတ်စွမ်းအား ကိုယ်ခံအားအဆင့်တွေမလိုဘူးဆိုပေမယ့်၊ သူ့ရဲ့မစ်ရှင်ပုံစံကလည်း ပြိုင်ပွဲ၀င်ခွင့်နဲ့အတူတူပဲ မင်းများများလေ့ကျင့်သင့်တယ်"
ကျိုးဖေးရွယ်ကဆိုသည် ။ ယွမ်ရှင်းကျဲအတွက် သုံးရက်အတွင်း ကိုယ်ခံအားတရှိန်ထိုးတိုးတက်လာဖို့ဆိုသည်မှာ မဖြစ်နိုင်ချေ။

ယွမ်ရှင်းကျဲအာရုံစိုက်သင့်သည်မှာ ပြိုင်ပွဲစည်းကမ်းများနှင့် ရင်းနှီးအောင် အကျိုးရှိရှိအသုံးချရန်ပင်။
အဆောင်သို့ပြန်ရောက်လျှင် သူဦးစွာကြံစည်ထားသည်မှာ မက်ခါစတားဂိမ်းကိုဒေါင်းလုတ်ဆွဲရန်ပင်။

သို့သော်မှတ်ဥာဏ်တုကိုဖွင့်လိုက်စဥ်တွင်သူဤဂိမ်းအား ဒေါင်းလုတ်ဆွဲပြီးသားဖြစ်ကြောင်းတွေ့လိုက်ရတော့သည်။ မူလပိုင်ရှင်သည် စျေးကြီးပုံရသော အသစ်စက်စက် ဂိမ်းစက်ကိရိယာလေးကိုလည်းချန်ထားခဲ့သည်။

ပုံရိပ်ယောင်မျက်နှာပြင်သို့၀င်လျက် မက်ခါစတားဂိမ်းကိုဖွင့်လိုက်သည်နှင့် မူလပိုင်ရှင်၏ အကောင့်နာမည်အားတွေ့လိုက်ရတော့သည်။ ၄င်းမှာ
[ချီယုရဲ့ကြယ်လေး]ဟုပင်။

ယွမ်ရှင်းကျဲ ခေါင်းကိုခါလိုက်ပြီး သူ၏ညနေစာတွေပင်အန်ထွက်တော့မလိုခံစားလိုက်ရကာ အကောင့်အားဖျက်ပစ်ရန်ကြိုးစားလိုက်သည်။

မူလပိုင်ရှင်၏အကောင့်အား ဤသို့ပြီးစလွယ်ဖျက်ပစ်ခြင်းမှာ သိပ်မသင့်တော်ဟုတွေးမိပြီးနောက် သူသည်သက်ပြင်းချလျက် အကောင့်အမည်ကိုဖုံးကွယ်ထားရန်သာရွေးချယ်လိုက်သည်။ ထို့နောက်တွင်
[ငါကအရမ်းအားနည်းပါတယ်]ဟူသောအကောင့် အသစ်ဖွင့်လျက် ပြန်၀င်လိုက်လေသည်။

ပြိုင်ပွဲတွင်Aအဆင့်စိတ်စွမ်းအားနှင့် ကိုယ်ခံအားရှိသော ကျောင်းသားများနှင့်ယှဥ်လျှင် ယွမ်ရှင်းကျဲမှာသူ့ကိုယ်သူအလွန်အားနည်းသလိုခံစားရသည်။ထို့ကြောင့်သူသည်ဤပုံရိပ်ယောင်ဂိမ်းနှင့် ရင်းနှီးအောင်လုပ်မှဖြစ်လိမ့်မည်။

မက်ခါစတားဂိမ်း၏ စမှတ်မျက်နှာပြင်မှာရိုးရှင်းလှသည်။ ၄င်းသည်5Dဂိမ်းမျိုးဖြစ်သည့်တိုင် မည်သည့်
ထွေထွေထူးထူးမွမ်းမံထားခြင်းမျိုးမရှိ၊ သူစပြီး၀င်လိုက်သည်နှင့် မက်ခါမောင်းနှင်သူနေရာကိုရောက်သွားတော့သည်။ ဂိမ်း၏မုဒ်အမျိုးမျိုးကိုလည်းအလွယ်တကူတွေ့နိုင်သည်။ ယွမ်ရှင်းကျဲသည် ကစားသမားသစ်မိတ်ဆက်ခြင်းကို ကျော်လိုက်ပြီး
ပြိုင်ပွဲမုဒ်ကိုချက်ချင်း၀င်လိုက်တော့သည်။

ရှင်းဟိုင်တက္ကသိုလ်၏ပြိုင်ပွဲမှာ ဤဂိမ်း၏ပြိုင်ပွဲမုဒ်နှင့်အတော်လေးဆင်တူလေသည်။ ကစားသမားများသည် မက်ခါအမျိုးအစားများကိုရွေးချယ်ပြီး အတားအဆီးများကိုကျော်ဖြတ်ရမည်ဖြစ်သည်။
အကြိမ်အနည်းငယ်ကစားပြီးသည့်နောက် သူ ဂိမ်း၏ပြောင်မြောက်မှုကို ရင်သပ်ရှုမောနေတော့သည်။

ပထဦးစွာ တစ်ဦးတည်းကစားသမားများထက် အဖွဲ့လိုက်ကစားသူများ၏အခြေအနေကပိုအလေးသာလေသည်။ စက်ရုပ်သားရဲကြီးများနှင့် ကြယ်သားရဲများမှာ အလွယ်တကူမချည်းကပ်နိုင်ချေ။

ဒုတိယအချက်အနေနှင့် လမ်းမှန်ကိုရှာခြင်းက ပြထားသည့်အတိုင်းတည့်တည့်သွားခြင်းထက်ပိုကောင်းသည် ။ အဘယ်ကြောင့်ဆိုလျှင် ပြထားသည့်လမ်းမှာ ၀င်္ကပါတစ်ခုနှယ်ရှုပ်ထွေးသောကြောင့်ဖြစ်လေသည်။

နောက်ဆုံးအနေနှင့် အခြားမက်ခါများနှင့်ရန်မဖြစ်ရန်ပင်။ ၄င်းမှာဂိမ်းထဲတွင် ကစားသမားအချင်းချင်းအပျော်တိုက်ခိုက်ကြသည်မို့ ဘာမှတော့လုပ်မရချေ။ ယွမ်ရှင်းကျဲ ၏ IDမှာ မက်ခါအုပ်စုကြားတွင်အတော်လေးထင်ပေါ်နေခဲ့သည်။ အများစုမှာ ခွန်အားကြီးသောခပ်မိုက်မိုက်နာမည်များပေးထားချိန်တွင် သူကမူ အားနည်းသည်ဟုဆိုထားသဖြင့် လူအများသတိထားမိရန်မခက်ချေ။

ယွမ်ရှင်းကျဲဤကဲ့သို့အခြေအနေများစွာကြုံဖူးလေသည်။ သို့သော်သူစိတ်မတိုချေ။ အဘယ်ကြောင့်ဆိုသူ့ကိုလာအနိုင်ကျင့်သည့်မည်သူ့ကိုမဆို မြေကြီးထဲ၀င်အောင် ပြန်ရိုက်နိုင်သောကြောင့်ဖြစ်သည်။

[System:[ငါကအရမ်းအားနည်းပါတယ်]က အလင်းဓါးမက်ခါကိုသုံးပြီး[ငါကတာ့မုန်အာ]ရဲ့ ကြယ်တံခွန်ကိုဖျက်ဆီးလိုက်ပါသည်။

[System:[ငါကအရမ်းအားနည်းပါတယ်]ကအလင်းဓါးမက်ခါကိုသုံးပြီး [တူသားရဲကြီး]ရဲ့ မုန်တိုင်းဒိုင်းကာကိုဖျက်ဆီးလိုက်ပါသည်]

[System:[ငါကအရမ်းအားနည်းပါတယ်]ကဆယ်ခါသတ်ကွန်ဘိုကိုရရှိသွားပါပြီ]

[System:ဂုဏ်ယူပါတယ်[ငါကအရမ်းနည်းပါတယ်]က ပထမနေရာကိုအမှတ် 18:53.24နဲ့ရရှိသွားပါပြီ]

စကေးများကို လွန်စွာကျွမ်းကျင်နေပြီဖြစ်သော ယွမ်ရှင်းကျဲမှာ နောက်ထဲပွဲနည်းနည်းဆက်ဆော့လိုက်ရာ ပွဲတိုင်းအတွက်သူ၏ရလဒ်မှာ မိုးပေါ်တွင် တည်တံ့နေခဲ့သည်။

စကေးမှန်မှန်ကန်ကန်အသုံးပြုနိုင်ခြင်းမှာ ဂိမ်း၏ စိတ်စွမ်းအားနှင့် ကိုယ်ခံအားမလိုအပ်မှုကြောင့်လည်းပါလေသည်။ ဂိမ်းအစစ်တွင် သူဤမျှချောချောမွေ့မွေ့အပြီးသတ်နိုင်ခဲ့လိမ့်မည်မဟုတ်။

ဂိမ်းတစ်ပွဲတွင်ဆိုလျှင် ယွမ်ရှင်းကျဲ ဆရာသခင်များစွာနှင့်ဆုံရကာ ပွဲအတွင်းအတော်လေးရုန်းကန်လိုက်ရသည်ပင်။ သူအများကြီးတိုက်ခိုက်ခဲ့ရရုံသာမက သူ၏ပျံသန်းနှုန်းမှာ မည်သူမှလိုက်မမှီနိုင်လုနီးပါးပင်။ သူသည်အတားအဆီးများကိုခက်ခဲစွာဖြတ်ကျော်ရပြီးကံကောင်းစွာ ဒုတိယနေရာကိုရခဲ့သည်။
ပထမနေရာရှင် ကစားသမားမှာ ရိုးရှင်းသော"L"ဟူသည့် IDနှင့်ဖြစ်သည်။

သူ၏ကစားပုံမှာ အတော်လေးလူမဆန်လှပဲ ပွဲစသည်နှင့် လူတိုင်းကိုနောက်မှာချန်ထားရစ်လေသည်။ ၄င်းမှာ ပစ်မှတ်ချိန်ဒုံးလက်နက်များနှင့် အတားအဆီးများကို တစ်ယောက်တည်းကျော်လွှားတော့မလိုပင်။

"L"IDနှင့်ကစားသမားမှာဤဂိမ်းနှင့်ရင်းနှီးပြီးသားဖြစ်မှန်းသိသာလှသည်။ ယွမ်ရှင်းကျဲမှာ ရုတ်တစက်ထိုလူနှင့်သူငယ်ချင်းဖြစ်ချင်လာခဲ့ပြီး fri requestပို့လိုက်လေသည်။ သို့သော်တဖက်လူမှ မည်သည်မျှမတုန့်ပြန်ပဲ ဂိမ်းထဲမှတန်းထွက်သွားတော့သည်။
ယွမ်ရှင်းကျဲအနည်းငယ် နှမြောတသဖြစ်သွားမိသည်။ သူ"L"ထံမှအတုခိုးချင်၍မဟုတ်ပေ။ သူကတဖက်လူနှင့် PKချင်ရုံသာ ။

သူ၏စိတ်ထဲမှာ "L"မှာ အလွန်တော်သော မက်ခါတိုက်ခိုက်ရေးသမားတစ်ဦးဖြစ်လိမ့်မည်ဟုယုံကြည်နေခဲ့သည်။

မက်ခါစတားဂိမ်း၏ PKမုဒ်မှာအတော်ပေါ်ပျူလာဖြစ်ပြီး PKပွဲအမျိုးမျိုးကိုလည်း လတိုင်းupdateလုပ်ပေးလေ့ရှိသည်။ ယွမ်ရှင်းကျဲ လည်းနှိပ်ပြီးနည်းနည်းသပ်စုကြည့်လျှင် ကစားသမား"L"မှာ အလင်းဒါးမက်ခါဖြင့်ပင်[တစ်ဦးချင်း PK rank]တွင်
ထိပ်ဆုံးတွင် ဗိုလ်စွဲနေကြောင်းတွေ့လိုက်ရလေသည်။

သူ၏ခံစားချက်မှာအမြဲမှန်လေသည်။

ရှင်းဟိုင်တက္ကသိုလ်အနီးတွင် မက်ခါပြုပြင်ရေးစက်ရုံတစ်ခုရှိလေသည်။ ကြေးကြီးပြီး ပိုက်ဆံချမ်းသာသော ကျောင်းသားများနှင့် ဆရာများသာလျှင်သွားနိုင်လေသည်။ ကျိုးဖေးရွယ်တံခါးဖွင့်၍၀င်လိုက်လျှင် အထဲရှိ၀န်ထမ်းမှသူ့အားကြိုဆိုလာခဲ့သည်။

"လောင်ကျိုး မင်းကိုမတွေ့ရတာ ကြာပါပြီလားဟ"

"အတန်းတွေများနေလို့ကွာ" ကျိုးဖေးရွယ်အပြုံးနှင့်ဆိုလိုက်သည်။

သူသည်ဆေးနီသုတ်ထားသော မက်ခါတစ်ခုကို ကုဗတုံးထဲမှထုတ်လျက် ထို၀န်ထမ်းအားကမ်းပေးလိုက်သည်။

၀န်ထမ်းကမေးလာသည်။

"လုပ်ဆောင်ချက်ချောမွေ့ဖို့လား၊ အဆင့်မြှင့်ဖို့လား"

ကျိုးဖြေရွယ်ပြန်ဖြေသည်။

"မက်ခါအဆင့်ဖော်ပြချက်မမှန်ဘူးဖြစ်နေတယ်၊ ငါမင်းကိုအဆင့်ပြန်သတ်မှတ်ပေးစေချင်လို့"

၀န်ထမ်းမှာတန့်သွားပြီး ရှုပ်ထွေးသွားခဲ့သည်။

မက်ခါအဆင့်သတ်မှတ်ခြင်းမှာတင်းကြပ်လှပြီး အမှားလုပ်ရန်မှာမဖြစ်နိုင်ချေ။ သို့သော်သူ၏သံသယကိုဖိနှိပ်လျက် အဆင့်သတ်မှတ်သော အခန်းဆီကိုမက်ခါကိုယူလျက်လျှောက်သွားလိုက်သည်။

ကျိုးဖေးရွယ်လည်း၀န်ထမ်း၏ကျောပြင်ကို ကြည့်ကာအတွေးများပြည့်လျက်ကျန်ရစ်လေသည်။
ဤကာလတွင်သူ ယွမ်ရှင်းကျဲ၏လုပ်ပုံကိုင်ပုံကို လေ့လာကြည့်ရာ အတော်လေးပြောင်းလဲသွားသည်ကိုတွေ့ရသည်။ သို့သော်သူစိတ်အပူဆုံးမှာ Bအဆင့်မက်ခါကိုနှိုးလိုက်ခြင်းပင်။

Cအဆင့်စိတ်စွမ်းအားနှင့်လူများမှာ ရှာမှရှားဥာဏ်ကြီးရှင်များ၊ တိုက်ပွဲ၀င်အတွေ့အကြုံဖြင့်စမ်းသပ်ထညးသော စစ်သားတစ်ယောက်မှမဟုတ်လျှင် မည်သုမျှ B အဆင့်မက်ခါကို မနှိုးနိုင်ချေ။
သို့သော်သူကအမှန်တကယ်ရှားမှရှားဥာဏ်ကြီးရှင်ဆိုလျှင် အဘယ်ကြောင့်သူ့စိတ်စွမ်းအားကို မတိုးမြှင့်ပဲ Cအဆင့်တွင်နေနေရသနည်း။ ထို့ကြောင့်မက်ခါတွင်သာ ပြသနာရှိနေခြင်းဖြစ်ရမည်၊

အဆင့်ပြန်သတ်မှတ်ခြင်း လုပ်ငန်းစဥ်မှာ ကြာမြင့်လေသည်။ ကျိုးဖေးရွယ် အတော်လေးစောင့်နေရစဥ်
တစ်စုံတစ်ယောက်ကအတွင်းသို့၀င်လာခဲ့သည်။

ရောက်လာသူမှာ ရှင်းဟိုင်တက္ကသိုလ်ယူနီဖောင်းနှင့်ပင်ဖြစ်သည်။ ယူနီဖောင်းမှာအခြားကျောင်းသားများနှင့်အတူတူဖြစ်သော်လည်း ၄င်းမှာအလွန် luxuryဖြစ်လွန်း၍ အကြည့်မလွှဲနိုင်ချေ။

ကျိုးဖေးရွယ်အနည်းငယ်တန့်သွားပြီးမှ အလျင်အမြန်သတိပြန်၀င်လာကာ ထိုလုအားနှုတ်ဆက်လိုက်သည်။

"ရှောင်လော့ မက်ခါပြင်ဖို့လာတာလား"

"ဟုတ်ကဲ့"လူငယ်ကခေါင်းငြိမ့်လာသည်။ သူ၏အသံမှာ သံလိုက်ဆွဲငင်အားနှယ် မနှေးလွန်းမမြန်လွန်းစွာ

"ဟယ်လို ပရော်ဖက်ဆာကျိုး"

နောက်ထပ်မွမ်းမံရေးသမားက လူငယ်လေးကိုကြည့်လျက် ပြုံးလိုက်ကာ

"လော့၀မ်ချွမ်း၊ မင်းမက်ခါမွမ်းမံဦးမလို့လား၊ အရင်တစ်ခေါက်ကလည်း မွမ်းမံဖို့ဆိုပြီးလာတာ မင်းမက်ခါကဖြင့် ခြစ်ရာလေးတစ်ခုထင်ရုံကို"

ကျိုးဖေးရွယ်လည်းရယ်လိုက်ကာ

"ဒါပေါ့၊ ရှင်းဟိုင်ကဘယ်သူမှ ရှောင်လော့ရဲ့မက်ခါကိုထိခိုက်အောင်မလုပ်နိုင်ဘူး"

လော့၀မ်ချွမ်းသည်မက်ခါအားမွမ်းမံရေးသမားဆီပေးလိုက်ကာ

"ပြိုင်ပွဲနီးနေပြီ"

လေသံမှာ တည်ငြိမ်၍ညင်သာသော်လည်း သီးခြားဆန်လှသည်။ ထို၀န်ထမ်းကမက်ခါကိုယူကာထွက်ခွာသွားလျှင် ကျိုးဖေးရွယ်ကမေးလိုက်သည်။

"ရှောင်လု ၀င်ခွင့်ကစတော့မယ်၊ မင်း စံချိန်အသစ်ချိုးဦးမှာလား"

လော့၀မ်ချွမ်း မက်ခါစတားကိုကစားရုံပင်။
သူပြိုင်ပွဲမုဒ်ကိုမဆော့တာကြာပြီဖြစ်သော်လည်း ပထမနေရာကို အသာအယာယူနိုင်ဆဲ။ သို့သော်ဒုတိယနေရာကမူ လိုက်မှီရန်လွယ်လေသည်။ သူ့ထက် စက္ကန့်အနည်းငယ်သာနောက်ကျသည်မှု သူ့စကေးနည်းနည်းကျသွားသည်ဟုဆိုနိုင်သည်။

"ကျွန်တော်ကြည့်လိုက်ပါဦးမယ်"

လော့၀မ်ချွမ်းပေါ့ပါးစွာဆိုလိုက်သည်။

"ဒါနဲ့ ငါတို့ကျောင်းမှာ မင်းရဲ့မက်ခါရှေ့ ငါးမိနစ်ထက်ပိုနေနိုင်တဲ့သူမရှိဘူးနော်"

ကျိုးဖေးရွယ်နောက်လိုက်သည်။

"မင်းအတော်လေးပျင်းနေတော့မှာပဲ"

လော့၀မ်ချွမ်းဘာမှပိုပိုသာသာမတုန့်ပြန်ခဲ့ချေ။

ထိုစဥ် မွမ်းမံသူကပြန်ရောက်လာပြီး ပုံအားစကန်ဖတ်ကာ သူ့အားပေးလိုက်သည်။ မက်ခါတွင်ဘာပြသနာမှမရှိဟုလည်းပြောလိုက်သည်။

"တံတောင်ကွေးကိုအဆင်မြှင့်ထားတယ်"

လော့၀မ်ချွမ်းပုံအားကြည့်လျက်

"အဲဒါကအခြားအပိုင်းတွေကို ပြသနာမဖြစ်စေဘူးမလား"

မွမ်းမံသူမှာ ပုံအားသေချာလေ့လာပြီးနောက် အံ့အားသင့်စွာဆိုလိုက်သည်။

"လုံး၀ပဲ၊ အချိတ်အဆက်ကလုံး၀ချောမွေ့နေရောပဲ၊
အဆင့်မြှင့်ထားတာသေသပ်ချက်"

မက်ခါတစ်စီးကိုအဆင့်မြှင့်ရခြင်းမှာ လူခန္ဓာကိုယ်ကိုအဆင့်မြှင့်ရသည်နှင့်ဆင်တူသည်။ တစ်ခါတစ်ရံတွင် အင်ဂျင်တစ်နေရာမှအပြစ်လေးတစ်ခုကြောင့် ကိုယ်ထည်တစ်ခုလုံးကိုပြသနာဖြစ်စေနိုင်သည်။

ဒါကြောင့်လည်း လော့၀မ်ချွမ်းသည် ဂိမ်းမစခင် မက်ခါအားစစ်ဆေးရန်လာခြင်းဖြစ်သည်။

ကျိုးဖေးရွယ်လည်းစိတ်၀င်စားစွာ ကြည့်လိုက်မိသည်။ အတော်လေးကြာလျှင် သူ၏မျက်လုံးများပြူးကျယ်လျက်

"၀ိုး ဒီတံတောင်ကွေးကတကယ်ပဲအဆင့်မြှင့်ထားတာလား အစာလေးတစ်ခုတောင်မကျန်ဘူးနော်၊ ဘယ်စက်ရုံကြီးကများလုပ်ပေးတာလဲ"

"ကိုယ်ပိုင်လုပ်ငန်းလေးပါပဲ" လော့၀မ်ချွမ်းကပေါ့ပါးစွာဖြေလာသည်။

"ကျောင်းမှာပြင်တာ"

"ဘာ" ကျိုးဖေးရွယ်ရှော့ခ်ရသွားခဲ့သည်။

"ငါတို့ကျောင်းမှာ ဒီလောက်တော်တဲ့မက်ခါမာစတာကြီးရှိတယ်လား၊ ဘယ်ပရော်ဖက်ဆာလဲ"

"ကျောင်းသားတစ်ယောက်ပါ"

ကျိုးဖေးရွယ်မှာမိမိဘ၀ကိုပင်သံသယ၀င်လာမိတော့သည်။

"ကျောင်းသားဟုတ်လား၊ ဒီလောက်တော်တဲ့သူကလေ"

လော့၀မ်ချွမ်းတိတ်သွားလေသည်။

xxxxx

You'll Also Like

ဘုန်းပြည့်ချမ်းဟန် (Complete) By 𝙍𝙚𝙏𝙝𝙤𝙧

Fantasy

2.9M 190K 102

ဘုန်းပြည့်ချမ်းဟန်ဆိုတာ ချမ်း, တစ်ယောက် တည်းရဲ့အမည်နာမပဲဖြစ်စေရမယ်...။ 1.10.2021 >> 6.2.2022

သားဖွားခန်းက ရင်ခုန်သံ(သားဖြားခန္းက ရင္ခုန္သံ)(Complete) By ဆာကူရာရိန်း

Fantasy

2.4M 191K 63

👨🏻‍⚕️ Main Chapter 10 parts + After Falling In Love 15 parts🌸

My Captain (or) ဗိုလ်ကြီးရဲ့နှင်းဆီ(Complete) By V V Kit

Fantasy

377K 26.9K 43

မိုက်ကယ်အာဒန်မင်လုချက်စ် ညိုမင်းမို 21.7.2023 9:20 PM.

တုံးခုလို့လှမ်း By ဇက်

Fantasy

649K 56.5K 51

အိမ်တော်မှာ မင်းသားတစ်ပါးလိုနေရတဲ့ အနွယ်တော်လေးက နယ်မြေတစ်ခုရဲ့ခေါင်းဆောင်ဆီကို ရောက်ရှိလာတဲ့အခါ ... ငယ်စဉ်ကတည်းက နှစ်သက်မြတ်နိုးခဲ့ရသော ကောင်လေးဖြစ်...

အိုမီဂါအဖြစ် ကူးပြောင်းပြီးနေ...

By Azure5549

အိုမီဂါအဖြစ် ကူးပြောင်းပြီးနောက် ပွဲဆူသွားရပြီ ( BL ) (Completed)

16

You'll Also Like