Chapter 12
ယွမ်ရှင်းကျဲ ခဏမျှအံ့အားသင့်နေပြီးနောက် အေးစက်စွာဆိုလိုက်သည်။
"မင်းကိုဘယ်သူက၀င်လာခိုင်းလို့လဲ"
ချီယုလေသံကမူတည်ငြိမ်လျက်
"ငါ့မှာမင်းကိုပြောစရာရှိတယ်"
ယွမ်ရှင်းကျဲလည်း ချီယုယခုရောက်လာခြင်းမှာ မိသားစုကစ္စဖြစ်လောက်မှန်းရိပ်မိလေသည်။
အမူအယာကိုခန့်မှန်းရသလောက် စိတ်ကောင်း၀င်နေပုံပင်။
ယွမ်ရှင်းကျဲမှစ၍ စေ့စပ်လမ်းကြောင်းဖျက်လိုက်စဥ်က သူအနည်းငယ်စိတ်ဓါတ်ကျနေခဲ့သည်။ သူ့အမြင်တွင် သူသည်ယွမ်ရှင်းကျဲလိုလူမျိုးထံမှ စေ့စပ်လမ်းကြောင်းအဖျက်မခံရသင့်ပေ။ သို့သော်လည်းဘေးတွင် ပြသနာရှာနေသောသူမရှိတော့သဖြင့် အတော်လေးအဆင်ပြေသွားသည်ဟုတော့တွေးမိဆဲပင်၊
ထပ်ပေါင်းရလျှင်ယွမ်ရှင်းကျဲ၏မိဘများက ချီယုအားအဆက်မပြတ်ဆက်သွယ်လျက် ယွမ်ရှင်းကျဲ၏အမှားကိုခွင့်လွှတ်ပေးရန်တောင်းပန်သည့်အခါ သူ့စိတ်မှအနည်းငယ်ကျေနပ်သွားခဲ့သည်။
ကြည့်ရသည်မှာယွမ်ရှင်းကျဲ နည်းနည်းလေးမှ စေ့စပ်လမ်းကြောင်းဖျက်ချင်ခဲ့ပုံမပေါ်ချေ။ သူ့ထံမှအာရုံစိုက်ခံရအောင် လုပ်နေခြင်းသက်သက်သာ။
သူကိုယ်တိုင်ပြန်တောင်းပန်ရမှာရှက်၍ မိသားစုအား အပူကပ်ထားခြင်းဖြစ်လိမ့်မည်။ သူသည် ယွမ်စှင်းကျဲသူ့ထံရောက်လာမည်ကိုစောင့်နေခဲ့သည်။ သို့သော်တဖက်လူက အတော်လေးဟန်ဆောင်ကောင်းပြီး တစ်ပါတ်လောက်ပျောက်နေနိုင်မည်မထင်ထားချေ။
"ကြည့်ရတာမင်းကဒီအပတ်ထဲအတော်လေးခံစားလိုက်ရပုံပဲ" ချီယုသည်သူ၏နှုတ်ခမ်းပါးကိုမြှင့်လျက် လှောင်သံဖြင့်ဆိုသည်၊
"ကြည့်စမ်း အတော်ပိန်သွားတာပဲ ဟမ်"
ယွမ်ရှင်းကျဲအတွက် ဤရက်သတ္တပါတ်မှာအလွန်ပင်ပန်းသည့်တိုင် ၎င်းမှာချီယုနဲ့တစိုးတစိသော်မျှ သက်ဆိုင်ခြင်းမရှိချေ။ ယွမ်မိသားစုက ချီယုကိုတောင်းပန်ရန်ပြောသော်လည်း သူအမြဲငြင်းခဲ့သည်ချည်း။
ယွမ်ရှင်းကျဲသူ့အား အမူအယာမဲ့စွာကြည့်လျက်
"ဒါကမင်းပြောစရာရှိတဲ့စကားလား"
"မင်းမိဘတွေကငါ့ကိုတချိန်လုံးတောင်းပန်နေကြတာ" ချီယုကသူ့ကိုကြည့်လျက်ဖြည်းညင်းစွာပြောလိုက်သည်။
"ငါဒီကိုလာတယ်ဆိုတာ သူတို့ကိုမျက်နှာသာပေးရုံသက်သက်ပဲ"
ယွမ်ရှင်းကျဲ ဘာမှပြန်မပြောချေ။ ချီယုစိတ်ကူးယဥ်ထားသည်က ယွမ်ရှင်းကျဲမှာ လမ်းခွဲပြီးနောက် အသဲကွဲနေမည်ဟု၊သူခံစားနေရသော၀မ်းနည်းမှုများမှာ မိမိအားပြန်တွေ့သည့်အခါပေါက်ကွဲထွက်လာလိမ့်မည်ဟုထင်ထားခဲ့သည်။
သို့သော်ယွမ်ရှင်းကျဲမှာယခုထိ တည်ငြိမ်သလိုဟန်ဆောင်နေဆဲပင်။
"မင်းအတန်းထဲကလးတွေပြောတာတော့ မင်းမက်ခါမောင်းပြီးမေ့လဲသွားတာဆို"
"အင်း"
ယွမ်ရှင်းကျဲပြတင်းပေါက်အပြင်ကိုငေးလျက် သူ့လေသံကမူခံစားချက်မပါလှချေ။ ချီယုထေ့ငေါ့လိုက်သည်။
"မင်းဒီလိုတွေလုပ်နေဖို့လိုလို့လား တကယ်ပဲ"
ချီယုအမြင်တွင် ယွမ်ရှင်းကျဲမှာ အသဲကွဲသဖြင့် ထင်ရာလျှောက်လုပ်နေခြင်းဟု။
သူကစုကျီနန်ကဲ့သို့ မက်ခါမောင်းနှင်နိုင်သောအိုမီဂါတစ်ယောက်ဖြစ်လာအောင်လုပ်ပြီး ချီယုထံမှ ပြန်လည်သဘောကျခံရအောင်ကြိုးစားနေခြင်းဟုထင်လိုက်သည်။ ထို့ကြောင်မက်ခါများအားအရူးအမူဖြစ်လာခြင်းဖြစ်လိမ့်မည်ဟု။
"မင်းပြောလို့ပြီးပြီလား"
ယွမ်ရှင်းကျဲ ချီယုအားကြည့်လျက် မေးလိုက်သည်။
"သြော် နည်းနည်းကျန်သေးတယ်၊ "
ချီယုလည်း ယွမ်ရှင်းကျဲထံမှ စိတ်၀င်စားမှုမရှိသောအမူအယာကိုမြင်လျှင် အနည်းငယ်မပျော်မရွှင်ဖြစ်သွားမိသည်။
"ငါဆို့ချီမိသားစုကကပ်စီးနည်းမနေဘူး၊ မင်းစိတ်ရင်းနဲ့တောင်းပန်သ၍ ငါမင်းကိုကျောင်းကကန်မထုတ်ဖို့စဥ်းစားပေးမယ်"
ယွမ်ရှင်းကျဲရုတ်ချည်းလက်ကိုဆန့်ထုတ်လျက် လူခေါ်ဘဲလ်ကိုဖိလိုက်သည်တွင် ချီယုတန့်သွားခဲ့သည်။
အပြင်မှ သူနာပြုကအပြေးရောက်လာပြီး စိုးရိမ်တကြီးမေးလိုက်သည်။
"ဘာဖြစ်လို့လဲ"
"ဒီမှာစိတ်ရော ဂါရနေတဲ့လူနာတစ်ယောက်ရှိနေတယ်" ယွမ်ရှင်းကျဲ ချီယုအားလက်ညှိုးထိုးလျက် ဆိုလိုက်သည်။
"ကျေးဇူးပြုပြီးအမြန်ခေါ်ထုတ်သွားပေးပါ"
ဆေးခန်းတွင် လူနာ၏ဆန္ဒမှာ အရေးအကြီးဆုံးပင်။
သို့နှင့်သူနာပြုမှာ ၀မ်ထမ်းစက်ရုပ်နှစ်ရုပ်အားခေါ်လျက် ချီယုအားဆွဲထုတ်ရန် အသင့်ဖြစ်နေခဲ့သည်။
ချီယုမှာယွမ်ရှင်းကျဲအား ရှော့ရစွာကြည့်လျက် ဒေါသသံဖြင့် "မင်းရူးနေလား။ ယွမ်ရှင်းကျဲ၊ "
"အင်း" ယွမ်ရှင်းကျဲ သူ့ကိုပင်ကြည့်မနေတော့။
"အမြန်ထွက်သွားစမ်းပါ"
စက်ရုပ်နှစ်ရုပ်၏အတင်းဆွဲထုတ်ခြင်းကိုခံရသဖြင့် တံခါးဘောင်ကိုအတင်းဆွဲထားလျက် ချီယုနောက်ဆုံးပြောလိုက်သည်။
"မင်းကျောင်းကနေကန်ထုတ်ခံရမှ ချီမိသားစုကနှလုံးသားမဲ့တယ်မပြောနဲ့၊ ချီမိသားစုကမင်းကိုအခွင့်အရေးတစ်ခါပေးပြီးသား၊ သေစမ်း ဒီစက်ရုပ်တွေရူးနေတာလား၊ ငါ့ကိုလွှတ်စမ်း"
အသံကတဖြည်းဖြည်းေ၀းကွာသွားတော့သည်။
လုရန်ရှူပြန်ရောက်လာလျှင် အံ့အားသင့်စွာမေးလိုက်သည်။
"ချီယုဘာဖြစ်နေတာလဲ၊ စိတ်ရောဂါလား၊ အခုလေးတွင် စက်ရုပ်တွေသူ့ကိုဆွဲထုတ်သွားတာတွေ့လိုက်တယ်၊ သူ့အမူအယာကပုံမှန်မဟုတ်ဘူး"
"ဟုတ်လား၊ မပြောတတ်ဘူး" ယွမ်ရှင်းကျဲ ဂရုမစိုက်ဟန်ပြန်ဖြေလိုက်သည်။ ဆယ်မိနစ်ကြာပြီးနောက် ယွမ်ရှင်းကျဲ၏ကိုယ်က အပြည့်အ၀ပြန်ကောင်းသွားခဲ့သည်။ ထို့နောက်လုရန်ရှုက ငွေရှင်းကောင်တာသို့အဖော်လိုက်ပေးခဲ့သည်။
မက်ခါတစ်စီးကိုမောင်းနှင်လိုက်ရပြီးနောက် ယွမ်ရှင်းကျဲမှာ ကိုယ်ပိုင်မင်ခါတစ်စီးရှိရန်မစောင့်နိုင်တော့ချေ။ သို့သော်သူ၏ချီယုကြားမှအခြေအနေကြောင့် မိသားစုကလည်းကူညီပေးမည်မဟုတ်။ ယွမ်ရှင်းကျဲသူ၏ လက်ကျန်ငွေအားကြည့်လိုကိသည်။ ခြောက်ရက်ကုန်ဆုံးသွားပြီးနောက် မူလပိုင်ရှင်ကျန်ခဲ့သော ကြယ်ဒင်္ဂါး ၁၀၀၀၀၀နှင့် သူကျားကုတ်ကျားခဲရှာထားရသော ၁၀၀၀၀သာရှိသည်။ လော့၀မ်ချွမ်းမှာ ယခုထိ ကြယ်ဒင်္ဂါး၄၀၀၀၀ကိုမပို့ပေးသေးချေ။ ထိုငွေကိုသာရလျှင် သူယခုချက်ချင်းပင် မှောင်ခိုစျေးမှ မက်ခါအဟောင်းလေးကိုပြေး၀ယ်နိုင်ပြီဖြစ်သည်။
12.2
ထို့ကြောင့်ယွမ်ရှင်းကျဲလည်းမှတ်ဥာဏ်တုကိုဖွင့်လျက် လော့၀မ်ချွမ်းအား မက်ဆေ့ ပို့လိုက်သည်။
"တဆိတ်လောက်ပါ၊ မင်းငါ့ကိုမက်ခါပြင်ခတော့ပေးဦးမှာပါနော်"
တဖက်မှအလျင်အမြန်စာပြန်လာခဲ့သည်။
"ဒီနေ့ပေးမှာပါ"
ယွမ်ရှင်းကျဲလည်းသက်ပြင်းချမိတော့သည်။
ယခုသူ့တွင် ဆေးကုသခအတွက် ကြယ်ဒင်္ဂါးရာဂဏန်းတချို့သုံးစွဲရတော့မည်။ ထို့ကြောင့်နောက်နေ့တွင် အမှာစာများများလက်ခံရန်လိုလေသည်။
မက်ခါပြိုင်ပွဲ၏စာရင်းလက်ခံမှုမှာ မနက်ဖြန်ညနောက်ဆုံးပင်။ ထို့ကြောင့်အချိန်မှအလွန်ကြပ်လှသည်။ ယွမ်ရှင်းကျဲလည်း ဆေးကောင်တာ၌ ဆေးခငွေကိုလွှဲလိုက်ရတော့သည်။
[တင်.. ကြယ်ဒင်္ဂါး၇၀၀၀ကိုပေးဆောင်ပြီးပါပြီ]
ယွမ်ရှင်းကျဲမှာအေးခဲသွားလျက်
"၇..၇ထောင်ဟုတ်လား" ယွမ်ရှင်းကျဲ မျက်လုံးအပြူးသားဖြင့်လုရန်ရှုအားမေးလိုက်သည်။
"မဖြစ်နိုင်ဘူး၊ ဘာလို့ဒီလောက်စျေးကြီးတာလဲ၊ငါက အာဟာရည်နည်းနည်းထည့်ပြီး ဆေးခန်းမှာ၁နာရီလောက်ပဲကြာတာလေ ၇၀၀၀ဟုတ်လား"
"သူတို့ကမင်းအတွက်ခန္ဓာကိုယ်စစ်ဆေးမှုလုပ်ပေးခဲ့တာ၊ အဲဒါကတင် ၅၀၀၀၊ ၆၀၀၀လောက်ကျသင့်တယ်"
လုရန်ရှုရှင်းပြလိုက်သည်၊ ယွမ်ရှင်းကျဲမှာ သူ့ခြေထောက်များထပ်မံပျော့ခွေလာသကဲ့သို့ခံစားလိုက်ရသည်။ ဘယ်မိသားစုကများဒီလိုဆေးရုံမှာတက်ဖို့ငွေတတ်နိုင်မှာလဲ၊ သူခက်ခက်ခဲခဲစုဆောင်းထားရသောကြယ်ဒင်္ဂါးများမှ ၇၀၀၀ကတော့ထွက်သွားချေပြီ။
လော့၀မ်ချွမ်းသူ့ကိုပေးမည့်ငွေနှင့်တွက်လိုက်လျှင်
၁၄၃၀၀၀သာရှိတော့မည်။ မနက်ဖြန်တစ်ရက်တည်းနှင့် ကြယ်ဒင်္ဂါး၇၀၀၀ရရန်မှာမည်သို့ဖြစ်နိုင်မည်နည်း။ ယွမ်ရှင်းကျဲ မျက်ရည်မကျပဲငိုချင်လာတော့သည်။
.....
ညနေခင်းတွင်
အထူးSအဆင့် လေ့ကျင့်ရေးခန်းမတွင်ဖြစ်သည်။
သာမာန်လေ့ကျင့်ရေးခန်းမများနှင့်ယှဥ်လျှင် Sအဆင့်လေ့ကျင်ွရေးခန်းမမှာ ရှင်းဟိုင်တက္ကသိုလ် အစွန်အဖျားတွင်ရှိသည်။
အဆောက်အဦးမှာ ယခင်က စစ်ဘက်ဆိုင်ရာလော့ကာတစ်ခုဖြစ်ခဲ့ပြီး မြင့်မားသောအကာအကွယ်များ ပါတ်ပါတ်လည်တွင်ရှိနေသည်။ နေရာက ကောင်းလှသော်လည်း အသုံးပြုသူကမူနည်းသည်။
တချို့ကျောင်းသားများက ၄င်းကို သက်သက်ဖြုန်းတီးခြင်းဟူမေးခွန်းထုတ်ကြသော်လည်း Sအဆင့်မက်ခါများကြားမှတိုက်ပွဲကိုမြင်လျှင် ထိုခန်းမမှာ သေးလွန်းသည်ဟုပင်ခံစားသွားရသည်ချည်း။
"တိုက်ပွဲအတွင်း မချည်းကပ်ရ " ဟူသောစာက ခန်းမအ၀င်၀တွင်တောက်ပလျက်။
ခန်းမအတွင်းတွင် ခယ့်လိုင်သည်(အရှေ့မှာ ခဲ့လီ လို့သုံးခဲ့မိပါတယ်ဒီအပိုင်းကစ ခယ့်လိုင်လို့သုံးသွားပါမယ်နော်) အလယ်အလတ် ကြယ်တံခွန်မက်ခါကိုမောင်းနှင်လျက် အနက်ရောင် အလင်းဓါးမက်ခါကို တိုက်ခိုက်နေခဲ့သည်။ ခယ့်လိုင်၏ မက်ခါမောင်းနှင်နိုင်စွမ်းမှာSအဆင့်ပင်ဖြစ်ပြီး ကျောင်းရှိ ဖိပ်ဆုံးအယ်လ်ဖာထဲမှတစ်ယောက်ပင်။ သူနှင့်လော့၀မ်ချွမ်းမှာ မက်ခါထိန်းချုပ်ရေး ဌာနမှ သားရဲကြီးနှစ်ကောင်အဖြစ်လူသိများလေသည်။ မည်သု့လူသစ်ကမျှသူတို့ကိုမကျော်နိုင်ချေ။
သို့သော် ယခုတွင်ခယ့်လိုင်မှာ အဆက်မပြတ်ဖိနှိပ်ခံနေရသည်။ ကြယ်တံခွန်မက်ခါများမှာ ပေါ့ပါးသည်။
စနစ်တကျတပ်ဆင်ထားသော ဒုံးကျဥ်ငယ်များနှင့် အလင်းမှုန်လက်နက်အများအပြားပါရှိသည်ပင်။
၄င်း၏အမည်မှာလည်း ၄င်း၏တိုက်ပွဲအတွင်း ကြယ်တံခွန်နှယ်လှသော ပစ်ခတ်ခြင်းပေါက်ကွဲခြင်းများကြောင့်ပင်။ တိုက်ပွဲအတွင်းတွင် လွန်စွာနာမည်ကြီးသောမက်ခါအမျိုးအစားဖြစ်သည်။
စွမ်းအင်အနေအထားအရ အကွာအေ၀းအားသာချက်ရှိသောကြယ်တံခွန်မက်ခါသည် အလင်းဓါးမက်ခါထံလျှောက်သွားလျက်
"မတိုက်နဲ့ မတိုက်နဲ့တော့"
ခယ့်လိုင်၏မက်ခါကစွမ်းအင်ကုန်ခမ်းခါနီးဖြစ်သည်။ သူသည်အလင်းဓါးမက်ခါ၏ တိုက်ခိုက်မှုကိုရှောင်ရှားရန် တကွင်းလုံးပတ်ပြေးနေရသည်ပင်။
သူသည့်အသံမြှင့်စက်ကိုသုံးလျက် အသက်ချမ်းသာပေးရန်တောင်းပန်နေရတော့သည်၊
"တာ့ချွမ်းရေ၊ ငါပါဟ၊ တာ့ချွမ်းရဲ့၊ ငါ့ကို ကြယ်သားရဲများထင်နေတာလား"
ခယ့်လိုင်၏တောင်းပန်သံကိုကြားတော့မှ အလင်းဓါးမက်ခါကရပ်တန့်သွားလျက် အလင်းဓါးကိုဖယ်လိုက်တော့သည်။ ခယ်လိုင့်မှာချွေးများပြန်နေသည့်ကြားမှ သက်ပြင်းချလိုက်မိသည်၊ ကြယ်တံခွန်မက်ခါက အလင်းဓါးမက်ခါကို လက်ဗလာနဲ့တောင်နိုင်တယ်လို့ ဘယ်ကောင်အာချောင်ခဲ့တာလဲ။
သူနှင့်လော့၀မ်ချွမ်းမှာ Sအဆင့်နှင့်SSအဆင့်ကြား ကွာခြားမှုလေးရှိသည့်တိုင် လော့၀မ်ချွမ်း၏ တုန့်ပြန်နိုင်စွမ်းနှင့် အနေရာယူပုံမှာ လူသားမဆန်ချေ၊
သူ၏အမြှောက်ချိန်လိုက်သည်နှင့် အလင်းဓါးမက်ခါများ တခြားတနေ့ရာကိုရောက်သွားနှင့်ပြီဖြစ်သည်။ ဤသည်မှာ သာမာန်လေ့ကျင့်ရေးသာသာဖြစ်လျက်
အမှန်တကယ်တိုက်ပွဲအတွင်းမှာဆိုလျှင် ခယ့်လိုင်မှာ ထိုအလင်းဓါးမက်ခါထံမှ အချက်ပေါင်းများစွာ ခုတ်ပိုင်းခံရပြီးလောက်ပြီဖြစ်သည်။
ထိုတိုက်ပွဲအပြီးတွင် နှစ်ယောက်လုံး မက်ခါများထံမှာဆင်းလာကြသည်။ လော့၀မ်ချွမ်းတွင် ရှည်လျားသောခြေထောက်များရှိလျက် ကျယ်ပြန့်သောပုခုံးနှင့် ကျဥ်းသောခါးတို့ရှိကာ အနက်ရောင်လေ့ကျင့်ရေး၀တ်စုံက သူ၏ဖြူဖွေးသောအသားအရည်နှင့်အလွန်ပနံသင့်လှသည်။
မက်ခါထဲကထွက်လာသည်နှင့်သူကအနည်းငယ်သော်မျှမောနေပုံမပေါ်ချေ။ သူ့တွင် မျက်ရစ်တစ်ထပ်နှင့် ထောင့်စွန်းတွင်အနည်းငယ်မြင့်တက်သွားသည့် လှပသောမျက်လုံးတို့ရှိသည်။
အဆိုပါမျက်လုံးနက်တို့ဖြင့်ခယ့်လိုင်အားကြည့်လိုက်သည်။ ၄င်းမှာညင်သာဟန်ပေါ်သော်လည်း ချည်းကပ်ရန်ခက်ခဲသောခံစားမှုရစေသည်ပင်။ သူ၏တည်ငြိမ်သောအမူအယာအောက်တွင် ခန့်မှန်းရခက်ခဲသောခံစားချက်များရှိနေလေသည်။
"မင်းအဆင်ပြေရဲ့လား၊ "
"ဟင့်အင်း လုံး၀ပဲ"
ခယ့်လိုင်မှာရေကိုအမောတကောမော့ချရင်း တဖက်မှ ချွေးတစက်မှမထွက်ဆံပင်ပုံပင်မပျက်သော သူကိုကြည့်ကာ
" မင်းပြိုင်ဘက်ကိုလေးစားသောအားဖြင့် နည်းနည်းလေးပင်ပန်းပြလို့မရဘူးလား"
လော့၀မ်ချွမ်းဘာမှပြန်မပြောချေ။ သူ၏လက်ထဲမှမက်ခါသိမ်းကုဗတုံးကိုသာလျှင်ကြည့်လိုက်သည်။
ခဏအကြာ၌သူကမျက်လုံးကိုပင့်လျက်
"ဒါကိုဘယ်သူပြင်ပေးခဲ့လဲဆိုတာမပြောရသေးဘူး"
ဤသည်ကိုကြားလျှင် လော့၀မ်ချွမ်းလည်းထိုအိုမီဂါလေးပို့သောမက်ဆေ့ကိုသတိရသွားခဲ့ကာ အမ့န်ပြန်ပြောလာသည်။
"ဘာလို့လဲ၊ ပြင်ထားတာမကောင်းလို့လား"
လော့၀မ်ချွမ်းကမူအလွန်အေးဆေးစွာ
"ဘယ်လိုထင်လဲ"
ခယ့်လိုင်ခဏမျှစဥ်းစားသွားခဲ့သည်။
သူယခုလေးတင်အရိုက်ခံထားရသည်ကသနားစရာကောင်းသော်လည်း သူ့အနေနှင့်ပြေးစရာရှိသေးသည်။ သို့သော်အခုတွင်တော့ ခယ့်လိုင်ခမျာ မြေလျှိုးပုန်းရန်သာရှိတော့သည်။ သူကအားတင်းကာဖြေလိုက်သည်။
"မဆိုးဘူးလို့ထင်တာပဲ"
ထို့နောက်တွင် ရုတ်တရက် ထိုမေးခွန်းမှာလှောင်ပြောင်ခြင်းသက်သက်လိုခံစားလိုက်ရသည်။ သူ့အားအခုပင် အသေအလဲလိုက်ရိုက်ခဲ့သော ပြိုင်ဘက်မက်ခါကို သူကကောင်းမကောင်း ေ၀ဖန်ပေးနေရဦးမှာလား၊ ဒါတော့များသွားပြီ။
"သိပ်ကျေနပ်နေရင်လည်း၊ ပြင်ခသွားပေးလိုက်တော့လေ" ခယ့်လိုင် လော့၀မ်ချွမ်းအားကြည့်လိုက်သည်။
"ငါအချိန်ဆွဲထားတာကြာနေပြီ၊ ကံကောင်းချင်တော့ သူကသဘောကောင်းတယ်၊ မဟုတ်ရင် ပြင်ခအကြွေးမပေးလို့ဆိုပြီး မင်းနာမည်က ကျောင်းဂိတ်၀မှာချိတ်ခံထားရလောက်ပြီ"
"မင်းရဲ့ မက်ခါနက်ခ်၀ါ့အကောင့်ခဏငှား"
လော့၀မ်ချွမ်းလျင်မြန်စွာပြောလျက် သူ၏မှတ်ဥာဏ်တုကိုဖွင့်လိုက်သည်။
"ပြီးတော့သူရဲ့ကိုယ်ရေးအချက်အလက်ကိုလည်းပေး"
ခယ့်လိုင်လည်းသူ့အား အကောင့်နှင့် ကိုယ်ရေးအချက်အလက်များကိုပို့ပေးလိုက်သည်။ ပြီးမှရုတ်တရက်သူတစ်စုံတစ်ခုကိုတွေးမိသွားကာ အလျင်အမြန်ဆိုလိုက်သည်။
"ကိုယ်ရေးအချက်အလက်ကိုငါပေးလို့ရတယ်၊ ဒါပေမယ့်.. မင်း.. သူ့ကိုမဆက်သွယ်တာကောင်းလိမ့်မယ်"
သူ၏လေသံမှာအနည်းငယ်အနေခက်နေဟန်ဖြင့်။
ယခင်တစ်ခါလော့၀မ်ချွမ်းမေးစဥ်ကသူတမင်ရှောင်၍ဖြေခဲ့သည်။
လော့၀မ်ချွမ်းမျက်မှောင်ကြုတ် မိသွားခဲ့သည်။ သူ၏တင်းတင်းစေ့ထားသော နှုတ်ခမ်းမှ စကားနှစ်လုံးသာထွက်ကျလာသည်။
"အကြောင်းပြချက်"
အနည်းငယ်တွန့်ဆုတ်နေပြီးမှ ခယ့်လိုင်ပြန်ဖြေလိုက်သည်။
"သူကအိုမီဂါ"
xxxxxx