အိုမီဂါအဖြစ် ကူးပြောင်းပြီးနောက် ပွဲဆူသွားရပြီ ( BL ) (Completed)

You are reading

Fantasy

Description မရေးတော့ဘူနော်။ရေးရင် တင်မရတော့လို့။ IQ team ထံမှ တစ်ဆင့်ပြန်တင်ပြီးဖော်ပြဖို့ ခွင့်ပြုချက်ရပြီးသားပါရှင့်။ဒီစာစဥ်လေးက IQ team အပိုင်ဖြစ်...

azure5549

11

6.8K 858 1

By Azure5549

Chapter 11

လူတိုင်း၏အေးခဲနေသော အကြည့်အောက်တွင် လေ့ကျင့်ရေးမက်ခါမှ အောင်မြင်စွာနိုးထလာလေပြီ၊

ကျိုးဖေးရွယ်မှာ ပါးစပ်အဟောင်းသားဖြင့် မယုံနိုင်အောင်ဖြစ်နေမိသည်။ အော်ရီရယ်၏မူလ စိတ်ကြီး၀င်နေသောမက်နှာမှာလည်းအေးခဲလျက်။
စွမ်းအင်မီးကိုကြည့်လျက် သူ့တွင်ပြောစရာစကားပင်မဲ့သွားမိသည်။

လုရန်ရှုသည်သူ၏မျက်လုံးကိုပွတ်သပ်လျက် မိမိလက်မောင့်ကိုဆိတ်ကြည့်လိုက်ကာ အိပ်မက်မက်နေသည်မဟုတ်မှန်းအတည်ပြုလိုက်ပြီးမှ

"သေစမ်း၊ သူကCအဆင့်စိတ်စွမ်းအားပဲ ရှိတာမဟုတ်ဘူးလား"

"ဘယ်လိုလုပ်လိုက်တာလဲ၊ သူမက်ခါကိုအဆင့်ကျော်ပြီးမောင်းနိုင်တာလား"

"အဆင့်ကျော်တယ်ဟုတ်လား၊ မဖြစ်နိုင်ဘူး"

ထိုအခိုက်အတန့်တွင် မက်ခါမှာယွမ်ရှင်းကျဲနှင့် တသားထဲပေါင်းစပ်သွားသကဲ့သို့။ ယွမ်ရှင်းကျဲ သူ၏လက်ချောင်လေးများကိုလှုပ်လိုက်လျှင် မက်ခါလည်းလက်ချောင်းများကိုလှုပ်လိုက်သည်။

လေ့ကျင့်ရေးမက်ခါမှာ အားလုံး၏အကြည့်များရှေ့တွင် စတင်လမ်းလျှောက်လိုက်သည်။ လှုပ်ရှားမှုမှာချောမွေ့လျက် ခြေတစ်လှမ်းစီတွင် မြေပြင်မှာတုန်ခါနေခဲ့သည်။

"ကြည့်စမ်း၊ သွားနေပြီ"

"ယွမ်ရှင်းကျဲကတကယ်ကြီးမက်ခါမောင်းနိုင်တယ်ပေါ့လေ"

"သူအရင်ကမက်ခါအတန်းတွေတောင်မတက်ဘူးမဟုတ်ဘူးလား"

မက်ခါကိုစတင်မောင်းနှင်သူအများစုမှာ မက်ခါ၏လှုပ်ရှားမှုထိန်းညှိရန်အလွန်ခက်ခဲကြသည်ပင်၊
လမ်းလျှောက်လျှင်လည်းကျွမ်းထိုးမှောက်ခုန်ဖြစ်ကြသူချည်း။

သို့သော်ယွမ်ရှင်းကျဲကမူ မက်ခါအား အလွယ်တကူပင် လမ်းလျှောက်ရန်ထိန်းချုပ်နိုင်လေသည်။ ဤသည်မှာမည်သို့ကျိုးကြောင်းဆီလျော်ပါမည်နည်း။

လမ်းလျှောက်နေသောမက်ခါကြီးကိုကြည့်ပြီး လူတိုင်းမိမိဘ၀ကိုမေးခွန်းထုတ်မိကုန်ကြသည်။သို့သော်မက်ခါ၏နောက်ထပ်လှုပ်ရှားမှုကမူ လူတိုင်းပါစပ်အဟောင်းသားဖြစ်စေရသည်အထိ။

လေ့ကျင့်ရေးမက်ခါမှာ ကွင်းပြင်ကျယ်ထံလျှောက်သွားလျက် ရုတ်ချည်းလှည့်လိုက်ကာ အကွာအဝေး အနည်းငယ်သို့တရှိန်ထိုးပြေးလိုက်သည်။ ထို့နောက်တွင် ၄င်းကခုန်လိုက်ပြီး လေထဲတွင်အောင်မြင်စွာရပ်နေလိုက်ပြန်သည်။

လူတိုင်းမှာ မက်ခါ၏ အလွန်မိမိုက်သောလှုပ်ရှားမှုများကို ကြည့်ရင်း အံ့အားသငိ့မဆုံးနိုင်တော့။

ကျိုးဖေးရွယ်မှာ မက်ခါအားအကြောင်သားမော့ကြည့်နေမိသည်။ လေထဲခုန်ပျံခြင်းမှ အမှားအယွင်းတစုံတရာပင်မရှိပဲ အလွန်ချောမွေ့စွာလုပ်ဆောင်သွားခြင်းပင်။ ၄င်းမှာ လူသစ်တစ်ယောက်လုပ်နိုင်သည့်အရာမဟုတ်ချေ။

မြေ ဆွဲအားဆန့်ကျင့်ရေးအင်ဂျင်မှ တ၀မ်၀မ်ဟူသော အသံကြီးကယွမ်ရှင်းကျဲနားထဲသို့၀င်ရောက်လာခဲ့သည်။ သူသည် မြင်ကွင်းကြည့်မျက်မှန်မှတဆင့်မြေပြင်အားကြည့်လိုက်သည်။ သူ၏နှလုံးခုန်နှုန်းမှာမြန်လွန်း၍ ပေါက်ထွက်တော့မလိုပင်။

နောက်ဆုံးတော့သူမက်ခါတစ်စီးကိုမောင်းနိုင်ခဲ့ပြီ။

ဤမက်ခါ၏လုပ်ဆောင်မှုများမှာ သာမာန်သာဖြစ်ပြီး အကန့်အသတ်များစွာရှိစေကာမူ အခိုက်အဆန့်တွင်သူ့အိပ်မက်မှာအမှန်တကယ်ဖြစ်လာခဲ့ပြီဖြစ်သည်။ သူနောက်ထပ်နည်းနည်းစမ်းကြည့်ချင်သေးသည်။

မက်ခါလေ့ကျင့်ရေးခန်းမမှာ မြင့်ပြီး လေ့ကျင့်ရေူမက်ခါအတွက် ခန်းမအတွင်း လွတ်လွတ်လပ်လပ်ပြေးနိုင်သည်ပင်။ အော်ရီရယ်မှာ လေ့ကျင့်ရေးမက်ခါကိုကြည့်လျက် သူ၏မျက်လုံးများတုန်ယင်နေခဲ့သည်။ သေးငယ်သောမက်ခါလေးမှာ အကြီးကြီးဖြစ်လာသလိုမျိုး ။

အစအဆုံးမြင်လိုက်ရခြင်းကြောင့်သာလျှင် ယခုမောင်းနေသူက အိုမီဂါဟုမည်သူမျှယုံနိုင်မည်မဟုတ်။ အော်ရီရယ်တန့်နေမိစဥ်မှာပင် လေ့ကျင့်ရေးမက်ခါမှာ ရုတ်ချည်း ပျံသန်းသည့်ဂျက်အင်ဂျင်ကိုဖွင့်လျက် သူ့ထံတရှိန်ထိုးပျံလာတော့သည်။

အော်ရီရယ်မှာကြောက်လွန်း၍ ခြေထောက်များပင် ပျော့ခွေလျက် ၊ သူကပါးစပ်ကိုဖွင့်လိုက်သော်လည်း မအော်နိုင်ချေ။

ပြေးရန်ပြင်လိုက်သော်လည်း သူ၏ခြေထောက်များမှာမရွေ့လျားနိုင်ချေ။ သူ၏မျက်နှာမှာလွန်သွာဖြူဖျော့လျက် အကူအညီတောင်းရန်ပြင်လိုက်စဥ်မှာပင်
မက်ခါမှာသူ၏ခေါင်းထက်တွင် လှုပ်ရှားမှုတစ်စုံတစ်ရာမရှိပဲရပ်သွားခဲ့သည်။ သို့သော်၄င်းမှာခြိမ်းခြောက်မှုအငွေ့အသက်ကိုထုတ်လွှတ်နေဆဲပင်။
အင်ဂျင်စက်သံကပင် သားရဲကြီးတစ်ကောင်မာန်ဖီနေသကဲ့သို့ပင်။

မည်သူမျှစကားမပြောရဲကြချေ။ အော်ရီရယ်မှာမြေပေါ်လဲကျတော့မတက်။ ယွမ်ရှင်းကျဲမှာ အော်ရီရယ်အား ခြောက်လှန့်ချင်ရုံသက်သက်ဖြစ်သော်လည်း ထိုလူကဤမျှကြောက်သွားမည်မထင်ထားချေ။

ကျိုးဖေးရွယ်၀င်တားရန်ပြင်လိုက်စဥ်မှာပင်
လေ့ကျင့်ရေးမက်ခါမှာ ဦးတည်ရာပြောင်းလျက် လေထံဟိုဟိုဒီဒီပျံနေသေးသည်။ ထို့နောက်မြေပြင်ပေါ်ညင်သာစွာဆင်းသက်လိုက်သည်။

အတန်းEမှကျောင်းသားများမှာ အခုထိအကြောင်သားပင်။

တကယ်ပဲသူတို့သိတဲ့ယွမ်ရှင်းကျဲလား၊

"ငါအိပ်မက်မက်နေတာလား"

"မောင်းနှင်သူနေရာကတစ်ယောက်ကတကယ်ပဲ ယွမ်ရှင်းကျဲလား"

"အိုမီဂါတစ်ယောက်က မက်ခါကိုဒီလောက်မိုက်အောင် မောင်းနိုင်တယ်ပေါ့"

ယွမ်ရှင်းကျဲ၏ဒေတာများကိုစစ်ဆေးနေရင်း ကျိုးဖေးရွယ်၏မျက်လုံးမှာ စိတ်စွမ်းအင်တိုင်းတာသည့်မျက်နှာပြင်တွင်သာ တန့်နေခဲ့သည်။

သူ၏အတွေးထဲတွင် လေ့ကျင့်ရေးမက်ခါ၏ တိုင်းတာခြင်းကပင်ချို့ယွင်းနေသလော၊ သို့တည်းမဟုတ် Cအဆင့်မက်ခါပဲဖြစ်နေခဲ့သလားဟုတွေးနေမိတာပင်။

သို့သော်သူယွမ်ရှင်းကျဲကိုသိသလောက်ဆိုလျှင် Cအဆင့်မက်ခါကိုတောင်မသေရုံတမယ်သာမောင်းနိုင်လိမ့်မည်။ ယခုအဘယ်ကြောင့် အရမ်းကျွမ်းကျင်နေရပါသနည်း။

ယွမ်ရှင်းကျဲမှာ ကြာကြာထပ်မောင်းချင်ပြီး ရှုပ်ထွေးသောလုပ်ဆောင်ချက်များကိုပင်စမ်းကြည့်ချင်ခဲ့သေးသည်။ သို့သော်သူ၏စိတ်စွမ်းအားနှင့် ကိုယ်ခံအားမှာအလွန်ဂိတ်ဆုံးရောက်နေပြီမို့ရပ်လိုက်ရတာဖြစ်သည်။ မက်ခါမြေပြင်ပေါ်ရောက်သည်နှင့် ချိတ်ဆက်ခြင်းကိုချက်ချင်းဖြုတ်လျက် မက်ခါပေါ်မှဆင်းလာလိုက်သည်။

သူအောက်သို့ဆင်းလာသည်နှင့် လူတိုင်းအားသူ့ထံ၀ိုင်းလာကြပြီး လေးစားမှုများ စိတ်၀င်စားမှုများဖြင့်ကြည့်လျက်

"ယွမ်ရှင်းကျဲ မင်းအစွမ်းတွေလျှိုထားတယ်ပေါ့လေ"

"ဟုတ်တယ်၊ မင်းမက်ခါမောင်းနိုင်မှန်းငါတို့လည်းမသိခဲ့ရပါလား"

"မင်းရဲ့စိတ်စွမ်းအားအဆင့်ကတကယ်ပဲCလား"

တစ်ယောက်ပြီးတစ်ယောက် အလုအယက်မေးလာခဲ့
သော်လည်း ယွမ်ရှင်းကျဲကမူမဖြေနိုင်တော့။ မက်ခါထဲမှထွက်လာသည်နှင့် သူ၏ခြေလက်များကိုမနည်းသယ်နေရပြီး မျက်နှာမှာလည်းဖြူဖျော့နေခဲ့သည်၊ အသက်ကိုလည်းလုရှုနေရပြီး ခေါင်းကလည်းတဖြည်းဖြည်းလေးလာခဲ့သည်။

လုရန်ရှုလူအုပ်ကြားမှာတိုးထွက်လိုက်ပြီး ယွမ်ယှက်းကျဲထံပြေးသွားလိုက်သည်။

"ရှင်းကျဲ၊ ဘာဖြစ်လို့လဲ၊ "

လုရန်ရှု၏အသံကိုကြားလျှင် ကျိုးေဖးရွယ်လည်း အမြန်လျှောက်လာပြီး မျက်မှောင်ကြုတ် လျက်

"မင်းတကယ်သတ္တိရှိတာပဲဟမ်၊ ယွမ်ရှင်းကျဲ"

ယွမ်ရှင်းကျဲမှာလုံလောက်သောသန်မာမှုမရှိသည့်အပြင် လေ့ကျင့်မှုစနစ်တကျမလုပ်ထားမှန်းကျိုးဖေးရွယ်ပြောနိုင်သည်။ သူမက်ခါအားမောင်းနှင်နိုင်လျှင်တောင် အလွန်အတင်းအကြပ်လုပ်ခြင်းသာဖြစ်လိမ့်မည်။

"အမြန်လုပ် ကျောင်းဆေးခန်းကိုသွားတော့"

"ဆရာကျွန်တော်အဆင်ပြေပါတယ်"

ယွမ်ရှင်းကျဲ ထရပ်ရန်ကြိုးစားလိုက်သည်၊

"ကျွန်တော်အသားမကျသေးရုံပါ နည်ူနည်းလောက်နားလိုက်ရင်ရပါပြီ

ယွမ်ရှင်းကျဲမှာ နောက်ဆုံးတွင်မှ မက်ခါတစ်စီးကိုမောင်းနှင်ခွင့်ရပြီမို့ နောက်တစ်ကြိမ်ထပ်မောင်းကြည့်ချင်သည်မှာ ပုံမှန်ပင်။ ကျိုးဖေးရွယ် သူ၏အတွေးကိုဖောက်မြင်ရသည်မို့ စိတ်ရင်းဖြင့်သတိပေးလိုက်သည်။

"မင်းခံနိုင်ရည်ဂိတ်ဆုံးရောက်နေပြီ၊ နောက်တစ်ကြိမ်ထပ်မောင်းလို့မရဘူး"

"ကျွန်တော်အလွန်အကျွံလုပ်ခဲ့တာမဟုတ်ပါဘူး တကယ်ပါ၊ "

ယွမ်ရှင်းကျဲမှာ ယနေ့လေ့ကျင့်ခန်းအလုပ်များသွားသဖြင့်ပင်ပန်း နေသည်ဟုသာခံစားရသည်။

ကျိုးဖေးရွယ်ကဆိုသည်။

"အလွန်အကျွံမောင်းနှင်ခြင်းရဲ့လက်ခန္ဓာတွေကခေါင်းကိုက်တာပဲ၊ "

"မကိုက်ပါဘူး" ယွမ်ရှင်းကျဲကဆိုသည်။

ကျိုးဖေးရွယ်" ဒါပေမယ့် မင်းနှာခေါင်းသွေးလျှံနေတယ်လေ"

"မလျှံပါဘူး၊ "

ယွမ်ရှင်းကျဲ၏နှာခေါင်းနှစ်ပေါက်မှ သွေးနီနီတို့စီးကျလာခဲ့သည်။

ကျိုးဖေးရွယ် "ခေါင်းမာမနေနဲ့ မင်းခြေထောက်တွေတောင်သေချာမရပ်နိုင်ပဲနဲ့၊ "

"ကျွန်တော်အဆင်ပြေနေမှရမှာလား"

ပြောပြီးသည်နှင့် အားလုံး၏မျက်စိအောက်တွင် ယွမ်ရှင်းကျဲ တစ်ယောက်မြေပြင်ပေါ်လဲကျသွားတော့သည်။

လုရန်ရှုလည်းသူ့အား အလျင်အမြန်လှမ်းဖမ်းလျက် ထိတ်လန့်နေတော့သည်။ ထို့နောက်တွင် ယွမ်ရှင်းကျဲလည်းသတိမေ့သွားတော့သည်။

သူနိုးထလာသောအခါ ဆေးရနံ့များဖြင့် မွမ်းထုံနေခဲ့သည်။ ဆေးဘက်ဆိုင်ရာစက်ရုပ်ထံမှအသံထွက်ပေါ်လာသည်။

"လူနာနိုးထလာပါပြီ၊ နှလုံးခုန်နှုန်းတည်ငြိမ်ပါသည်။ သွေးဖိအားတည်ငြိမ်ပါသည်"

သူသည် ဆေးခန်းရှိကုတင်ပေါ်တွင်လဲလျောင်းနေခဲ့ပြီး လုရန်ရှုနှင့်ကျိုးဖေးရွယ်တို့မှာ ဘေးတွင်ရပ်လျက်သားရှိနေခဲ့သည်။

"မင်းနိုးလာပြီပဲ"

လုရန်ရှု စိတ်သက်သာရာရလျက် သက်ပြင်းချလျက်

"ရှင်းကျဲ နောက်ဆို မင်းကိုယ်မင်းသိပ်တွန်းအားမပေးပါနဲ့၊ မင်းမက်ခါတစ်စီးမောင်းနိုင်တာကိုငါအံ့သြပေမယ့် ဒါပေမယ့်မင်းခံနိုင်ရည်မလုံလောက်သေးဘူးလေ၊ ကံကောင်းလို့မင်းအတွက်ဆေးအမြန်သွင်းလိုက်နိုင်လို့ပေါ့"

"မင်းနိုးလာတာကောင်းတယ်"

ကျိုးဖေးရွယ်မှာလည်းအတော်စိတ်သက်သာရသွားတာ သိသာလှသည်။

"မင်းလဲကျသွားတော့ မင်းကမက်ခါရဲ့ခြေထောက်ကိုင်ထားတုန်းပဲ၊ မင်းမက်ခါတွေကို အဲလောက်တောင်သဘောကျတာလား၊ အရင်တုန်းကငါဘာလို့မသိခဲ့ရတာလဲ"

ယွမ်ရှင်းကျဲဖြည်းညင်းစွာထရပ်လိုက်သည်။ သူစိတ်ရင်းဖြင့်တောင်းပန်လိုက်သည်၊

"ကျွန်တော်တောင်းပန်ပါတယ်၊ နောက်တစ်ခါဆို မဆင်မခြင်မလုပ်တော့ပါဘူး၊ ကျွန်တော်အခု အပြည့်အ၀ပြန်ကောင်းသွားပါပြီ ၊ ပြီးတော့ကျွန်တော့်မှာ အချိန်ပိုင်းအလုပ်ရှိ.."

လုရန်ရှုကသူ့အားအိပ်ယာပေါ်ပြန်လှဲချလိုက်သည်။

"ဒါကမဆင်မခြင်လုပ်ရုံသက်သက်မို့လား၊ "

ကျိုးဖေးရွယ်မှာ စိတ်တိုလွန်း၍ သူ၏နှုတ်ခမ်းမွှေးတို့ပင်လျှင် နှာခေါင်းကိုထိတော့မတက်။

"ကိုယ့်ဘာကိုယ်စဥ်းစား ၊ မင်းကအခုမှလူသစ်ပဲရှိသေးတယ်၊အဲဒါကိုမင်းကကိုယ့်ဟာကိုယ်ပင်ပန်းနေမှန်းသိရက်နဲ့ မက်ခါမောင်းရဲသေးတယ်၊ ကိုယ့်ခန္ဓာကိုယ်အခြေအနေကို ကိုယ်မသိဘူးလား"

ယွမ်ရှင်းကျဲ နှုတ်ခမ်းကိုတင်းတင်းစေ့လျက် ဘာမှမပြောနိုင်တော့ချေ။

"ကိုယ်ခံအားနဲ့ စိတ်စွမ်းအားကိုအနာဂါတ်မှာပိုလေ့ကျင့် "

ကျိုးဖေးရွယ်သူ၏လေသံကိုလျော့လိုက်သည်။

"မင်းရဲ့ စိတ်စွမ်းအားနဲ့ ကိုယ်ခံအားတိုးမလာခင်အထိငါမင်းကိုမက်ခါတွေထိခွင့်မပြုနိုင်ဘူး၊ "

မူလတွင်သေတော့မည်လူလိုပျော့ဖတ်နေသော ယွမ်ရှင်းကျဲမှာ ချက်ချင်းထထိုင်လာပြီး

"ဟင့်အင်း ကျွန်တော်နည်းနည်းပဲပင်ပန်းသွားတာပါ၊ကျွန်တော်.. "

ကျိုးဖေးရွယ်ကလည်းသူ့ကိုတားလိုက်ကာ

"ကောင်းကောင်းနားလိုက်တော့.. "

မသွားခင်တွင် ကျိုးဖေးရွယ်က ယွမ်ရှင်းကျဲအားအလေးအနက်ကြည့်လျက် တခါမှမပြောဖူးသောလေသံဖြင့်

"အနာဂါတ်မှာ မက်ခါနဲ့ပါတ်သတ်ပြီး သိချင်တာရှိရင် ငါ့ကိုအချိန်မရွေးလာမေးနိုင်တယ်"

ထို့နောက်သူထွက်ခွာသွားတော့သည်။

ဆေးခန်းမှထွက်လာသည်နှင့် ကျိုးဖေးရွယ်သည် သူ၏လေ့ကျင့်ရေးမက်ခါအားချို့ယွင်းချက်ရှိမစှိ အရင်ဆုံးစမ်းသပ်ရန် တေးထားလိုက်သည်။ ယွမ်ရှင်းကျဲ၏စိတ်စွမ်းအားအဆင့်မှ Cဖြစ်သည်။ ထို့ကြောင့် ဤမက်ခါမှာလည်း Cအဆင့်သာဖြစ်သင့်သည်။
မက်ခါအားအဆင့်ကျော်မောင်းနှင်ခြင်းကိုတော့ ကျိုးဖေးရွယ်လုံး၀ဖြစ်နိုင်သည်ဟုမထင်ချေ။

လုရန်ရှုသည်ယွမ်ရှင်းကျဲအားမျက်စောင်းထိုးကြည့်လျက် သက်ပြင်းချလိုက်သည်။

"ဆရာကမင်းကောင်းဖို့အတွက်လုပ်နေတာ၊ ဒါပေမယ့်ငါကိုယ်တိုင်လည်း မင်းဘာလို့မက်ခါတွေကိုအဲလောက်သဘောကျသွားမှန်းနားကိုမလည်ဘူး"

ယွမ်ရှင်းကျဲခေါင်းကုတ်လိုက်သည်။

"အဆင်ပြေပါတယ်၊ ဒါကငါ့ရဲ့ပထမဆုံးအကြိမ် မက်ခါအစစ်ကိုမောင်းရတာဆိုတော့ ငါနည်းနည်းစိတ်လှုပ်ရှားသွားလို့ပါ။

"ဒီတော့မင်းမက်ခါဘယ်လိုမောင်းရမလဲ သင်ဖူးတယ်ပေါ့၊ "လုရန်ရှူမေးလိုက်သည်။

"ဟုတ်တယ်" နှစ်ဦးသားအတော်ကြာပြောပြီးနောက် လုရန်ရှု သန့်စင်ခန်းသုံးရန်ခဏထွက်သွားခဲ့သည်။
ထိုစဥ်တံခါးခေါက်သံထွက်သာခဲ့သည်။ ထို့နောက်တဖက်လူသဘောတူမတူစောင့်မနေပဲ ထိုလူကအထဲကို၀င်လာတော့သည်။

ယွမ်ရှင်းကျဲလည်း မဖိတ်ခေါ်ပဲရောက်လာသော ဧည့်သည်ကိုကြည့်လိုက်ရာ လေထုမှာရုတ်ချည်းအေးခဲသွားတော့သည်။

ထိုလူမှာချီယုပင် ဖြစ်တော့သည်။

xxxxx

You'll Also Like

ပန်းလေးလိုလှတဲ့ ဗီလိန်ရှစ်စွမ်း By Puddin524

Fantasy

295K 41K 97

This is not my own story.

MY Crush Is My Step-Father By VV Kit

Fantasy

747K 30K 50

ဒုတိယအကြိမ် ပြန်တင်ခြင်း....

အကောင်ပေါက်လေးဒီကိုလာပြီး ချစ်စရာကောင်းမှုတွေကို ပြသပေး! By Your_baobae💟

Fantasy

88K 12.9K 61

'' အကောင်ပေါက်လေး ဒီကိုလာ ပြီးတော့ မင်းရဲ့ချစ်စရာ ကောင်းမှု တွေကို ပြသ ပေး!'' English title ' Little orc comes hear , show off your cuteness! '' Titl...

အဓိကဇာတ်ကောင်၏ ပြန်လည်မွေးဖွားခြင်း[ Mmtranslation ] By Annabelle

Fantasy

652K 88.2K 159

Unicode + Zawgyi ကိုယ်တိုင်ဖတ်ချင်မိတဲ့အတွက် ဘာသာပြန်ခြင်း ဖြစ်ပါတယ် ပျော်စရာကောင်းသော နေ့ရက်လေးများ ပိုင်ဆိုင်ကြပါစေ

အိုမီဂါအဖြစ် ကူးပြောင်းပြီးနေ...

By Azure5549

အိုမီဂါအဖြစ် ကူးပြောင်းပြီးနောက် ပွဲဆူသွားရပြီ ( BL ) (Completed)

11

You'll Also Like